Archives for септември 2010

post

Мал јубилеј – 500 Постови на претприемач

500 постови на претприемач

500 постови на претприемач

Еден мал и скромен јубилеј на претприемач постигнавме овој ден, а тоа е Twitter за бизнис – 27 ресурси претставува 500-тиот пост на Word Press платформата. Заедно со артиклите кои веќе не ги ажурирам туку полека ќе ги префрлам на оваа платформа имаме околу 650 поста за помалку од две години.

post

Twitter за Бизнис – 27 Ресурси

Twitter за бизнис

Twitter за бизнис

Twitter едноставно претставува платформа за микроблогирање преку која се споделуваат микро постови до 140 карактери. Во поголемите и поразвиените земји е препознаена како значајна платформа за бизнисите. Кај нас иако сметам дека е во подем (не онаков каков што заслужува) сепак не се искористува вистинскиот потенцијал на истата (освен неколку поединечни бизниси).

Затоа во овој пост ќе се обидам да направам една листа на ресурси за користење на Twitter како една бизнис алатка.

1. Twitter 101 за бизниси

Официјален Twitter за бизниси

Официјален Twitter за бизниси

Ќе започнам со официјалната страна на Twitter за бизниси. Тука ќе успеете да најдете информации за тоа како да започнете, клучните термини кои се користат, најдобри практики, случаи и примери и дополнителни ресурси за користење на Twitter во бизнис цели. Одлично место за да започнете со проучување на Twitter.

2. 50 Идеи за користење на Twitter за бизнис

50 идеи за Twitter за бизнис од Chris Brogan

50 идеи за Twitter за бизнис од Chris Brogan

Еден од најдобрите постови за идеи за користење на Twitter за бизнис цели. Нешто што мора да се прочита и секако да се користи.

3. 62 начини за користење на Twitter за бизниси

62 начини за користење на Twitter за бизниси - Gigaom

62 начини за користење на Twitter за бизниси - Gigaom

Листа од интересни идеи и начини како да го користите Twitter за бизнис цели можете да прочитате тука и секако да примените во пракса се она што е прифатливо и применливо за Вашиот бизнис.

4. 40 корисни работи кои можете да ги споделите на Twitter освен блог постови

Social Media Today - 40 идеи за поселување

Social Media Today - 40 идеи за поселување

Многу користат автоматизирани ажурирања на статусот со блог постови кои ги објавуваат. Но, Twitter не е само за споделување на блог постови. Тука можете да прочитате за уште 40 идеи што да споделувате освен блог постови.

5. 50 моќни Twitter совети

50 совети за Twitter од Chris Brogan

50 совети за Twitter од Chris Brogan

Уште еден одличен пост на Chris Brogan во кој како надополнување на 50 50 идеи за користење на Twitter ќе прочитате корисни совети за користење на оваа платформа.

6. Најчесто поставувани прашања за Twitter за бизнис

Најчесто поставувани прашања - Gigaom

Најчесто поставувани прашања - Gigaom

Уште еден пост на Gigaom во однос на најчесто поставувани прашања за Twitter за бизнис од кој можат да се извлечат доста корисни совети и за Вашиот бизнис.

7. Како да го користите Twitter за Вашиот бизнис

Twitter за бизнис - Business Pundit

Twitter за бизнис - Business Pundit

Овој пост претставува едноставен How To пост кој можете да го следите при користење на Twitter за Вашиот бизнис.

8. Се што треба да знаете за да твитате на Twitter

Twitter за бизнис - The New York Times

Twitter за бизнис - The New York Times

Интересни совети и препораки за тоа што да користите, како да користите и кога да користите на оваа платформа.

9. Прирачник за почетници на Twitter

Прирачник за почетници - Diary of a Webgal

Прирачник за почетници - Diary of a Webgal

Ова е прирачник во 17 точки за тоа како да започнете со користење на Twitter.

10. 9 Twitter стратегии за бизнис

9 Twitter стратегии за бизнис - About

9 Twitter стратегии за бизнис - About

Во овој пост можете да прочитате за 9 стратегии за користење на Twitter во бизнис цели извлечени од најуспешните бизниси на оваа платформа.

11. Користење на Twitter за бизнис

Користење на Twitter за бизнис - Real Business

Користење на Twitter за бизнис - Real Business

Тука ќе прочитате за неколку стратегии и идеи како да го користите Twitter во бизнис цели.

12. Бизнис користење на Twitter

Бизнис користење на Twitter - Inc.

Бизнис користење на Twitter - Inc.

Можете да прочитате за основите како функционира Twitter, како и повеќе совети од експерти и што не треба да правите на оваа платформа.

13. 17 Начини на користење на Twitter: Водич за почетници, маркетари и бизнис сопственици

17 Начини на користење на Twitter - DoshDosh

17 Начини на користење на Twitter - DoshDosh

Комплетен водич и идеи за користење на оваа платформа во бизнис цели како за почетници, така и за сите кои се занимаваат со маркетинг и кои имаат бинис.

14. Twitter за бизнис – Маркетинг комплет

Маркетинг Комплет - Twitter за Бизнис - Hubspot

Маркетинг Комплет - Twitter за Бизнис - Hubspot

Twitter за бизнис маркетинг комплет на Hubspot претставува еден комплет за стекнување на знаење за имплементација на разни стратегии за користење на Twitter за бизнис цели. Содржи 2 часа видео материјал, електронска книга за користење на Twitter за бизнис и 15 артикли за користење на оваа платформа. (Потребна е регистрација).

15. Бизнис категорија на Twitip

Бизнис Категорија - Twitip

Бизнис Категорија - Twitip

Овој линк е бизнис категорија на специјализираниот блог за трикови и совети за користење на бизнис. Можете да најдете доста интересни постови кои ќе ја подобрат Вашата стратегија за користење на Twitter за бизнис.

16. 27 Twitter апликации кои твојот бизнис може да ги користи уште денес

27 Twitter Апликации - Small Business CEO

27 Twitter Апликации - Small Business CEO

Овој пост претставува листа на апликации кои ќе ја зголемат ефикасноста и ефективноста на присуството на Вашиот бизнис на Twitter. Пробувајте и искористете ги оние кои најмногу ви одговараат.

17. 15 Бизнис причини за користење на Twitter

15 Бизнис причини за користење на Twitter - Marketing Tech Blog

15 Бизнис причини за користење на Twitter - Marketing Tech Blog

Во постот ќе прочитате за 15 причини за користење на Twitter кои може да се искористат како идеи.

18. 17 Начини за користење на Twitter за бизнис

17 Начини за користење на Twitter за бизнис - Duct Tape Marketing

17 Начини за користење на Twitter за бизнис - Duct Tape Marketing

Интересни начини за доближување на вистинските Ваши бизнис потреби за користење на Twitter.

19. Како да го користите Twitter за раст на Вашиот бизнис

Како да го користите Twitter за раст на Вашиот бизнис - Copyblogger

Како да го користите Twitter за раст на Вашиот бизнис - Copyblogger

Од што е Twitter, преку објснување зошто некои големи личности го користат Twitter практични начини како Twitter може да му помогне на Вашиот бизнис можете да прочитате во овој пост.

20. Може ли Twitter да биде корисен за бизнисот?

Може ли Twitter да биде корисен за бизнисот - SEM

Може ли Twitter да биде корисен за бизнисот - SEM

Прикажани се 5 функции кои Twitter може да ги понуди за еден бизнис.

21. 5 Уникатни начини за користење на Twitter за бизнис

5 Уникатни начини за користење на Twitter за бизнис - Mashable

5 Уникатни начини за користење на Twitter за бизнис - Mashable

Во овој пост ќе прочитате за 5 уникатни начини како да го користите Twitter за бизнис цели.

22. 4 Начини на кои компаниите го користат Twitter за бизнис

4 Начини на кои компаниите го користат Twitter за бизнис

4 Начини на кои компаниите го користат Twitter за бизнис - RWW

Овој пост е базиран на истражување на Gartner во кое се потенцирани 4 начини на кои компаниите го користат Twitter за бизнис.

23. 16 примери на големи брендови за користење на Twitter за бизнис

16 Примери на големи брендови -SEJ

16 Примери на големи брендови -SEJ

Најдобро се учи од некој кој веќе користи нешто и особено кој постигнува резултати. Во овој пост има 16 примери за големи брендови и нивното практицирање на Twitter.

24. Ресурси за Twitter за раст на Вашиот мал бизнис

Ресурси за Twitter за бизнис

Ресурси за Twitter за бизнис

Интересен краток пост со линкови до различни ресурси кои ќе ви помогнат за ефективно и ефикасно користење на оваа платформа за микроблогирање.

25. 7 Начини за користење на Twitter за да ја шпиунирате Вашата конкуренција

Twitter Шпиунажа - Kissmetrics

Twitter Шпиунажа - Kissmetrics

Интересни идеи за деловно разузнавање за Вашиот бизнис со помош на Twitter.

26. Користење на Twitter Search за бизнис

Twitter Search од Chris Brogan

Twitter Search од Chris Brogan

Уште еден пост на Chris Brogan за користење на Twitter Search во бизнис цели.

27. 10 Начини за генерирање на бизнис лидови на Twitter

генерирање на потенцијални купувачи - Socia Times

Генерирање на потенцијални купувачи - Socia Times

Преку овој пост ќе дојдете до одговорот како до потенцијални купувачи за Вашиот бизнис преку Twitter.

Сметам дека се доста овие 27 ресурси за да ја почувствувате корисноста и потребата и Вашиот бизнис да биде присутен на Twitter. Направив обид да ги извлечам најдобрите и особено оние кои се концентрирани за бизниси.

Доколку имате извор кој навистина вреди да се спомене, а не е во горната листа слободно споделете го преку коментар.

post

Бизнис ангели

Овој пост е напишан од М-р Илија Чубровиќ, коавтор на книгата Менаџмент на Претприемничкиот Бизнис и еден од креаторите на идејата за овој веб сајт.

Бизнис ангели

Бизнис ангели

Успешноста на било кој бизнис е директно поврзана со достапноста на финансии, без разлика дали се работи за стартап финансии или за финансии потребни за вложување во растот на бизнисот. Секој бизнис проект бара да се инвестира одредена сума на пари за да може да профункционира и да обезбеди финансирање на почетните и тековните бизнис операции. Доколку овие финансии се лесно достапни и претприемачот има добар бизнис план базиран на уникатна бизнис идеја успехот е загарантиран, не само за претприемачот, туку и за целокупното општество. Еден од начините за зголемување на достапноста на финасиите може да биде зајакнување на мрежите на бизнис ангели.

Што претставуваат бизнис ангели?

Бизнис ангели (можат да се сретнат уште и како ангели, ангел инвеститор или неформален инвеститор) претставуват уште еден интересен терминолошки израз кој е даден со цел да се добие еден впечатлив назив, кој е полесен за паметење, а претставува синоним за финансиери.

Односно тоа е начин на финансирање и претставува неформален ризичен капитал. Финансиер може да биде индивидуалец или група. Тоа се луѓе кои имаат вишок на финансиски средства и кои се спремни да го инвестират тој вишок во индивидуалецот или во регионот преку најповолни услови. Најчесто парите ги заработиле (а можеби се уште заработуваат) како сегашни или бивши менаџери (директори), спортисти, естрадни звезди (пејачи, актери, режисери…), лекари, адвокати и другите високоплатени професии. Заради својот бекграунд, бизнис ангелите освен во финансиите можат да помогнат и во другите аспекти на бизнисот во зависност од нивната експертиза (како на пример, информации и know-how за тоа како да го направат бизнисот успешен). Оваа е дополнителна придобивка за претприемачите кои се врзуваат со бизнис ангели.

Овие финансиери претежно се сентиментално врзани за личност или региони (роднини, пријатели, роден крај или некој предел кој оставил големи импресии на одреден финансиер воо одреден дел од неговиот живот).

Видови на средства кои ги обезбедуваат бизнис ангелите

Бизнис ангелите може да дадат средства во вид на:

  • грант (подарок),
  • без камата,
  • со минимална камата или
  • со нормална камата.

На ваков начин давањето на гаранцијата би била значително олеснета а средства полесно достапни.

Тие најчесто инвестират поради желбата нивниот капитал да ја задржи својата вредност или поради љубов кон одредено место или личност. Секако дека сопствениците на овој капитал немаат против да стекнат профит (да ги оплодат своите пари) но, нивните основни мотиви не се првенствено профит па заради тоа тие даваат финансиски средства по поволни услови.

Секако дека бизнис ангелите не претставуваат наивни луѓе кои туку така ќе ги вложат своите пари, а да не проверат и не се заштитат од можната злоупотреба и нерационално трошење на парите па би било поволно да им се презентира комплетниот бизнис план за проекти за кои се планира да се реализираат (како и редовно да се известуват за степенот на реализација). Бизнис ангелите единствено ќе инвестираат во бизнисот доколку сметаат дека тој бизнис ќе успее и ќе остварува профит. При тоа треба да се води сметка дека таквите луѓе (бизнис ангели) да не се измамат поради некоја поситна придобивка или личен интерес на поединецот, бидејки еден успешно реализиран проект може да привлече реализирање и на други проекти со ваков вид на финансирање.

Значајноста на бизнис ангели

Значајноста на бизнис ангелите е согледана и од Европската Комисија со чија соработка во 1999 година се формира мрежата на европски бизнис ангели (EBAN – European Business Angel Network). Целта на EBAN e да обезбеди почетни стартап фондови за бизнис проектите.

Ваквите финансирања од типот на бизнис ангели се соодветни за стартап бизниси или пак бизниси кои се наоѓаат во својата рана фаза од животниот циклус и немаат соодветни приходи за да го финансираат сопствениот развој.

Како да се поттикне ваквиот начин на финансирање?

Овие финансиски средства можат да бидат полезни како за поединецот така и за развојот на целиот регион каде што живее. Затоа и треба на толку моќните поединци да им се понудат добри услови за вложување (како и можно доделување бесплатна локација, доделување на јавно признание за нивната заложба, пофалници, дипломи…), за да се привлечат да ги инвестираат средствата во регионален развој, а со тоа и самите да заработат или да ги задоволат своите потреби на општо задоволство.

Ваквиот начин на финансирање во Република Македонија сеуште го нема завземено вистинското место, бидејќи сеуште немаме основани мрежи на бизнис ангели преку кои ќе може да се добие достапноста на финансии и сеуште бизнис ангелите не можат лесно да се најдат. Во развиените земји, особено САД бизнис ангелите се многу популарни. Како мерки кои би можело да се преземат за интензивирање и поттикнување на бизнис ангелите во Република Македонија би можело да бидат:

  1. Националната и локалната власт да поттикнат и формираат мрежа на национално и локално ниво на бизнис ангели кои ќе се спремни да инвестираат во нови бизнис потфати. Без поддршка на националната и локалната власт ваквите мрежи не можат да заживеат. (Постојат примери каде локалните власти ги користат успешните локални бизнисмени да финансираат рекламни проекти на владејачката локална гарнитура. Наместо тоа за почеток нека ги поттикнат на здружување на тие финансиски средства и нека ги инвестираат во повеќе нови бизнис идеи.)
  2. Универзитетите како места каде најмногу се поттикнува претприемничкиот дух и од каде можат да излезат голем број на претприемачи да воспостават и одржуваат контакти со можните бизнис ангели и да функционираат како врска помеѓу идните претприемачи (студентите) и бизнис ангелите како инвеститори.
  3. Бизнис инкубаторите како места каде се раѓаат и инкубираат нови бизниси да воспоставуваат и одржуваат контакти со бизнис ангелите и воедно да претставуваат врска помеѓу претприемачите и бизнис ангелите. Од друга страна, потребна е силна врска помеѓу бизнис инкубаторите, бизнис ангелите и универзитетите каде можат да се родат навистина квалитетни високотехнолошки идеи. Дали може успехот на Силиконската долина во САД да се преточи и во Македонија?
  4. Стопанските комори да воспоставуваат и одржуваат контакти со бизнис ангелите и воедно да претставуваат врска помеѓу претприемачите и бизнис ангелите. Да ја интензивираат соработката со бизнис инкубаторите и универзитетите на едно многу повисоко ниво. Може да се формираат заеднички контакт центри и канцеларии во кои можните инвеститори би можеле да добијат информации за секој регион, идеја,проект…
  5. Самите бизнис ангели да градат сопствени мрежи, при што ќе бидат достапни за контакти од страна на идните претприемачи и на сите на кои им се потребни финансии за бизнис.

На ваков начин полека но сигурно ќе се интензивира активното учество на бизнис ангелите во Република Македонија и со тоа и достапноста на финансиските средства за нови бизнис потфати. Ова пак ќе овозможи креација на нови работни места.

post

CTR – Click Through Rate – Маркетинг средство 72

Ќе продолжиме со 72-рото маркетинг средство на претприемач – CTR – Click Through Rate (стапка на кликнувања). Оваа маркетинг средство претставува уште една мерка која е во рацете на претприемачите и преку која може да се мери успешноста на една кампања. За разлика од претходната мерка CPC која се однесуваше на трошоците оваа се однесува на успешноста на една интернет рекламна порака. Оваа маркетинг средство ќе го користите скоро ви исте интернет базирани рекламни кампањи бидејќи едноставно претставува првата мерка на еден вид на конверзија помеѓу вашите маркетинг напори и она што сакате да го постигнете.

Што претставува CTR?

Наједноставно кажано CTR претставува стапка на кликнувања која се користи како мерка за мерење на успешноста на една онлајн рекламна кампања. Бидејќи претставува стапка значи дека се добива со делење на број на кликнувања со некоја референтна мерка. Како референтна мерка најчесто се користи број на импресии (колку пати една реклама е прикажана).

На пример, доколку еден банер е прикажан 100 пати (100 посетители денес го погледнале сајтот на кој е поставен тој банер) и е кликнат 3 пати, тогаш:

CTR = 3/100 = 0,03

Значи CTR ќе биде:

CTR = број на кликнувања/број на импресии

Доколку сакаме да го изразиме како процент едноставно ќе го помножиме износот со 100, па така за примерот за тој банер ќе имаме 3% CTR, додека формулата за пресметка ќе биде:

CTR = (број на кликнувања/број на импресии) x 100

Каде се може да се користи?

Буквално со секое онлајн маркетинг средство може да се користи оваа мерка. Ќе се обидам да набројам неколку:

  • Банер,
  • PPC кампањи (CTR)
  • Блог постови со промотивни линкови
  • Facebook
  • Twitter
  • Сите социјални мрежи

Забележувате дека скоро и да не постои онлајн маркетинг средство во кое не може како мерка за мерење на успешност да се користи CTR. На пример во однос на сите претходно наведени:

  • Имам банер н некој веб сајт кој е кликнат 5 пати по 100 прикажувања. CTR = 5%.
  • Имам Google Adwords кампања која е прикажана 1250 пати и 50 пати е кликнато на неа. CTR = 4%.
  • Имам блог пост во кој промовирам линк до некој производ. Постот е прочитан 1500 пати притоа кликнато е 300 пати на линкот. CTR = 20%.
  • Имам Facebook рекламна кампања при што мојата реклама е прикажана 150000 пати и кликнато е на неа 250 пати. CTR = 0,167%.
  • Имам Twitter акаунт и пратив информација за мојот производ и/или услуга со линк до истиот. Имам 150 следачи а кликнале двајца. CTR = 1,33%.

Што всушност ни кажува CTR?

Па да кажавме дека ни ја кажува успешноста на една онлајн рекламна кампања. Но, всушност ни покажува како таа кампања привлекува еден клик. Дали составот на кампањата е ОК. Дали постои интерес за такво нешто.

Сега на интернетот може да се користат различни кампањи. Како еден процес и можности за една кампања покажав погоре. Но, во суштина секоја рекламна кампања претставува микс од:

  • Наслов
  • Порака
  • Линк
  • Слика може и не мора.

На пример, Facebook реклама содржи наслов, слика, порака и линк. Од друга страна Google Adwords реклама содржи наслов, порака и линк за текстуалните реклами.

Секоја различна комбинација од овие елементи ќе даде различен CTR. Дури и еден збор може да доведе до драстични промени во CTR. Затоа и треба да се следи и подобрува постојано.

Што понатаму?

Понатаму останува да видите дали е постигната целта. Ако целта ви е продажба колку од тие кои кликнале преку таа кампања купиле, а колку не. Ако целта ви е број на фанови на Facebook страна, колку станале фанови а колку не, бидејќи можеби кликнал ја видел страната но сепак не кликнал на like.

Сето ова се елементи кои треба да се следат и земат во предвид. Подетално ќе ја разработам Google Adwords кампањата во некое од наредните маркетинг средства.

post

SEO – Оптимизација за пребарувачи – Анализа 2

SEO Анализа

SEO Анализа

За SEO или оптимизација за пребарувачи пишував во еден серијал од повеќе постови кој можете да го прочитате во насловот SEO – Оптимизација за пребарувачи. Пред едно 2 месеци објавив некои резултати од една континуирана моја анализа на влијанието на повеќе фактори врз позицијата на која се појавува еден веб сајт на резултатите на Google. Таа анализа е претставена во SEO – Оптимизација за пребарувачи – Анализа.

Во овој пост ќе ги претставам дел од најновите податоци од оваа анализа.

Првин, потсетување за текот на анализата на SEO фактори…

Анализата се состои од избор на 20 збора и резултатите за првите 10 веб страни на Google. Месечно се додаваат по 20 нови зборови во базата на податоци заедно со резултатите за секој од долунаведените фактори. Овие резултати доаѓаат од 20 зборови во јули и 20 зборови во август или вкупно 40 зборови. Анализирани се скоро 400 веб сајтови кои се појавуваат на првата страна од резултатите при пребарување на тие зборови на Google со сите нивни SEO фактори.

Факторите кои ги анализирам во однос на позицијата на пребарувачите се следниве:

  1. Google Page Rank – Рангирањето од страна на Google во однос на авторитетот на веб страната
  2. Дојдовни линкови – Колку дојдовни линкови има соодветната веб страна
  3. Зборови – Колку зборови има соодветната веб страна која излегува на резултатите по пребарување.
  4. Повторувања – Колку пати тој збор се повторува во текстот на страната.
  5. Густина – Колкав е процентот на појавување на тој збор.
  6. Наслов – Колку пати е содржан зборот во насловот.
  7. Линк – Колку хиперлинкови има на тој збор во текстот.
  8. Alt – Колку пати во Alt делот се користи зборот (Alt служи за давање на опис на сликата).
  9. Клучни зборови – Колку пати е содржан зборот во клучните зборови.
  10. Опис – Колку пати е содржн зборот во описот.
  11. Болд – Колку пати е болдиран зборот низ текстот.
  12. H1 – Колку пати е содржан зборот во H1 tags.

Резултати од оваа анализа на SEO фактори

Првин да напоменам неколку работи. Како што напоменав овие резултати доаѓаат пред промени на функционирањето на пребарувањето на Google. Како се додаваат повеќе податоци во базата на податоци која ја користам за овие анализи така и се менуваат заклучоците од анализата. Ова е жива материја и влијаат многу елементи кои се надвор од математиката во оваа анализа како на пример;

  • Видот на клучен збор за пребарување
  • Конкуренција за тој клучен збор
  • Индустрија во која се наоѓаат тие веб сајтови

На сликата подолу се дадени резултатите на влијание на определени фактори врз позицијата добиена при пребарување.

Резултати од SEO анализа

Резултати од SEO анализа

Забележувате дека постојат одредени промени во однос на минатиот пат. Тоа е математиката која ја обожувам. Различни податоци различни резултати. Да искоментирам нешто од оваа табела:

  • Насловот и понатаму останува најважен фактор за позицијата на страната со резултатите.
  • Клучните зборови ме изненадија, бидејќи пред два месеци беа последни. Најверојатно, во оваа анализа има доста веб сајтови кои извршиле соодветно поставување на клучните зборови. Но треба да напоменам дека при проверката на веб сајтовите со поголем број на клучни зборови во полето клучни зборови се појавија веб сајтови со висок PR и голем број на дојдовни линкови. Затоа не можам да кажам дека овој резултат треба да се земе како сосема точен, иако треба да го имаме во предвид.
  • Број на зборови е на трето место што не е изненадувачки.

Не би продолжувал понатаму со сите останати фактори, оставам на вас да ги толкувате.

Би сакал да додадам дека оваа е комплексна анализа и не може само од оваа табела да се извлекуваат заклучоци. На пример, имаме позитивна и негативна корелација што значи високо влијание со знак – и високо влијание со знак +. Интересно е дека:

  • Google PR има негативна корелација што кажува дека е точно што повисок PR има еден веб сајт ќе има подобра позиција.
  • Alt има негативна корелација што кажува дека колку повеќе пати се користи Alt Tag на една веб страна ќе се добие подобра позиција.
  • Повторување – негативна корелација. Колку повеќе пати зборот е содржан во текстот ќе има подобра позиција за тој збор.

Нешто за влијанијата

Малку да презентирам и за меѓусебното влијание на одделните фактори (ќе ги изберам најголемите 3 корелации иако има и други кои даваат некој интересен патоказ):

  • Наслов – Опис. Овие два фактори имаат најголема меѓусебна позитивна корелација (0,566). Што значи дека би требало да бидат соодветно усогласени за подобри резултати доколку анализираните веб сајтови ги земеме како најдобри бидејќи се наоѓаат на првите 10 позиции.
  • Густина – Повторување – Линкови. Густината веќе нема да ја анализирам бидејќи е резултат на повторување и број на зборови. Но, овие фактори се на второ место со најголема меѓусебна корелација (0,561). Колку повеќе повторувања имаме во текстот на соодветниот збор ќе треба и повеќе хиперлинкови да бидат содржани на тие зборови. Ова е логичен резултат во секој случај.
  • Број на зборови со линкови. На трето место со корелација од 0,409 доаѓаат овие два фактори, што е логично како и претходото. Значи доколку имаме повеќе зборови треба да имаме и повеќе линкови.

И за крај од презентациите за анализа за овој месец само еден мал сегмент од различните аспекти на анализирање кои ги правам во оваа подрачје.

post

Интересни неделни информации 20.09-26.09.2010

Неделни вести на претприемач

Неделни информации на претприемач

Избор на вести од претходната недела на претприемач

Либерализација на .мк доменот

Се најавува либерализација на .мк доменот. Ќе се овозможи регистрирање на правни и физички лица. За полесна регистрација МИО најавува мрежа на компании кои ќе го претставуваат МАРНет  и ќе обезбедат полесна регистрација на домените. МАРНет ќе се регистрира како јавна установа и се очекува да отпочне со работа од 1 јануари 2011 год.
Компаниите кои ќе ги продаваат домените, заедно со МАРНет ќе ја утврдуваат провизијата по домените. Се најавува и домен со кириличен фонт, но тоа ќе се утврдува откако МАРнет ќе се реализира, т.е. да се заврши регистрацијата како јавна установа и откако ќе се дефинира и вработи потребниот кадар со телекомуникациско искуство.
Со овој чекор ќе се овозможи регистрација на домен во секој град од Македонија без потреба да се оди во просториите на МАРНет или документите да се праќаат по пошта. Физичко лице што ќе регистирира домен ќе биде внесено во регистарот на домени со име и презиме, а не преку фирма која ја направена регистрацијата за него. Останува и да се дефинира дали регистрацијата ќе може да се реализира on-line.

Обука Обука за фирми во Општина Аеродром

Општина Аеродром најавува презентација на програмите “Пристап до финансии” и “Моја кариера”, наменети за мали и средни претпријатија. Презентацијата е планирана за петок.
Првата програма ја објаснува методологијата со која може полесно да се финансира одреден бизнис, додека втората служи за подетално запознавање на пазарот на трудот и можностите за ангажирање волонтери. Презентацијата ќе се одржи во соработка со општините Кисела Вода и Сопиште.

no internet Дваесет проценти од фирмите немаат интернет

Годинава 84,1 проценти од претпријатијата од финансискиот и од нефинансискиот сектор со 10 или повеќе вработени имале пристап на интернет, соопшти Државниот завод за статистика.
Пристапот на интернет 73,6 проценти од компаниите најчесто го употребувале за банкарски и за финансиски услуги, а само 5,3 проценти реализирале продажба преку интернет во 2009 година. Во јануари 2010 година, 13,8 проценти од деловните субјекти имале дефинирана безбедносна политика во информатичко-комуникациските технологии .

Соларната енергија ги привлекува инвеститорите

Од Агенцијата за енергетика изјавуваат дека постои голем интерес за изградба на соларни електроцентрали. Поднесени се околу 57 барања, а од 8-те започнати, 6 се со македонски капитал, а 2 се странски инвестиции. Единствен проблем е загарантираната цена за мегават час електрична енергија добиена од овие централи. Од советот за евроинтеграции велат дека иако декларативно се заложуваат за привлекување на странски инвестиции, на вложувачите не им се дозволува да градат таму кај што се заинтересирани. Првично загарантираната цена беше 460 евра за мегават час за следните 20 години со што инвестицијата би се вратила за 5-7 години. Сега гарантираната цена е намалена на 260 евра за мегават час за следните 15 години, со што периодот за враќање на инвестицијата дупло се зголемува и би можела да ја направи инвестицијата неатрактивна.

Сименс договори доживотно вработување на своите работници

Во Германија каде што вообичаено има добри односи помеѓу вработените и управувачките структури, за прв пат се случува договор со кој на 128.000 работници им е ветено дека нема да има принудни отпуштања. Договорот го склучил Сименс со работничкото собрание и синдикатот на работниците. Ова ја ограничува компанијата да им се закани на вработените со отпуштање во случај на штрајк, па дури и кога бараат поголеми плати. Воедно, компанијата е обврзана да ги извести вработените доколу планира да продаде дел од компанијата и работниците имаат право да одлучат за најдобриот купувач.
Единствена дупка е што било која од договорните страни може да одлучи да го раскине договорот кога сака.

пари Финансиски друштва дополнително ќе го кредитираат стопанството и населението

Владата најави можност за регистрација на финансиски друштва кои со основачки капитал од мин. 100.000 евра ќе можат да кредитираат фирми и физички лица. Со оглед на висината на основачкиот капитал, нема да претставуваат сериозна конкуренција на деловните банки, но малиот број на вработени и не постоење на потреба за доставување на извештаи до Народната Банка значително ќе го намали времето потребно за пласирање на парите. Успехот на бизнисот многу често зависи од брзината и пристапот кон ликвидни средства. Се очекува овие друштва да финансираат од 10 до 15.000 евра по клиент, а воедно ќе може да издаваат кредитни картички, гаранции, а ќе ги контролира единствено Министерсвото за финансии.
Од Народна банка и деловните банки нема коментари, единствено велат дека не биле консултирани при носење на оваа одлука.

post

Фаза опаѓање од животниот циклус на производите

Животни циклуси на производи

Животни циклуси на производи

Фазата опаѓање е предпоследна фаза од животниот циклус на производите. Досега го поминавме развојот на новиот производ и секако го воведовме на пазарот со отпочнување на официјалната продажба. Тој производ влезе во фазата на раст и зрелост, за потоа да дојде во фазата стагнација која едноставно претставува продолжување на зрелоста. Оваа фаза (опаѓање) од животниот циклус на производи всушност претставува првиот знак дека треба да се подготвуваме за прекин на производство и продажба на тој производ.

Зошто сега опаѓање?

Како што поминува времето, така ќе се менува и расположението на купувачите во однос на соодветен производ и/или услуга предизвикано со промени на потреби, промени во размислувања, промени во околината… Сето ова влијае да се формираат голем број на ниши на пазарот кои ќе бидат водени од претприемачи на малите бизниси, со што полека но сигурно пазарот ќе почне да се цепка на поситни делови.

Претприемачите спротивставувајќи се на таа status quo ситуација на пазарот, и долго време без некои покрупни иновации кои доведуваат до мала дремка на големите компании, големите играчи на пазарот и сите мали бизниси кои едноставно се задоволуваат со трошките останати од големите, ќе доведат сосема нови идеи кои полека, но сигурно ќе бидат прифаќани од одредена група на купувачи.

Поради тие нови идеи преку алтернативни начини за задоволување на потрошувачите ќе започне опаѓање на продажбата и влез на еден производ во фазата опаѓање од животниот циклус на производите.

Карактеристики на фазата опаѓање од животниот циклус на производите

Накратко ќе се обидам да ги систематизирам карактеристиките на оваа фаза:

  • Намалување на продажбата. Прва карактеристика која би ја издвоил е намалување на продажбата на тој производ и/или услуга како резултат на заситеноста на потрошувачите и идеите за алтернативни начини за задоволување на потрошувачите.
  • Големите компании се последни кои ќе го почувствуваат ефектот од намалување на продажбата. Нормално, бидејќи имаат големо учество на пазарот намалувањето на продажбата ќе има помало влијание за големите компании.
  • Не е дозволиво успивање. Иако досега во претходните две фази беше еден период на условно кажано „опуштање“, оваа фаза е период кога мора повторно да се разбудиме од сонот на „нашата голема високост“ и нормално да донесуваме одлуки.
  • Потребен е поглед кон иднината. Каде ќе се движи компанијата понатаму во поглед на развојот на нов производ и/или услуга? Одлуката мора да се донесе во оваа фаза.

Иднината на производот…

Иднината на производот исклучиво ќе зависи од одлуката на компанијата. Пазарот веќе си го кажува своето – не го сака веќе! Постојат две алтернативи:

  • Спротивставување на промени ризикувајќи компанијата веќе да не постои
  • размислување за опцијата за елиминирање и започнување со подготовка на нов циклус преку развој на нов производ.

Интересен случај поврзан со оваа фаза од животен циклус на производите кој една многу успешна компанија од 80-тите години на минатиот век ја доведоа до банкрот и губење од глобалната карта на бизниси е опишан во Производ кој не може да се убие.

post

Бизнис прилагодување со технологија

Технологијата има огромно влијание на бизнисите. Најголемата причина за промени во бизнисите претставува технологијата која влијае и на структурата и на човечките ресурси во еден бизнис, но не треба да се изостават и финансиите. Во постот Технологија – Прифати ја не бегај пишував за влијание на технологијата врз бизнисите.

Не смееме да дозволиме технологијата да оди напред многу побргу од нашиот бизнис. Сепак, таа служи за обезбедување на севкупното подобрување, па дури и подобрување на сите бизнис операции. Затоа бизнисот мора да го следи развитокот на технологијата.

Технологија - Бизнис

Технологија - Бизнис

Технологијата секогаш ќе биде пред еден мал бизнис, но задачата на претприемачот е постојано да се обидува тоа растојание помеѓу технологијата и бизнисот да биде колку што може помала. Во еден ваков теоретски пример (како на сликата) бизнис перформансите постојано ќе бидат на високо ниво. Но, доколку земеме еден друг случај во кој што ќе ги поставам и бизнис перформансите ќе се добие нешто вакво.

Технологија - Бизнис - Перформанси

Технологија - Бизнис - Перформанси

Се забележува дека колку повеќе се зголемува разликата помеѓу актуелните технолошки достигнувања и примената на истите во еден бизнис се повеќе ќе се намалуваат бизнис перформансите.

Без разлика дали ние сакаме или не сакаме, технологијата оди и ќе оди нанапред, едноставно никој нема да не прашува нас. Додека го пишувам ова и додека го читате вие ова на глобално ниво излегува нешто ново во однос на технологијата.Тоа нешто ново може да има влијание врз нашата работа утре. Какво ќе биде тоа влијание ќе зависи од индустријата во која се наоѓа нашиот бизниси и индустријата во која припаѓа тоа ново нешто како резултат на технологијата.

Затоа направете систем за следење на технологијата и прилагодување кон истата преку:

  • пристап до информации за се што се случува во подрачје на технологијата која може да влијае врз Вашиот бизнис.
  • анализа на можното влијание на тоа ново нешто врз Вашиот бизнис.
  • приоритизација на прилагодување.
  • пробување на најприоритетните новитети – доколку има можност.
  • имплементирање во бизнисот како стандард за наредните бизнис операции.
post

Ризичен капитал (Venture Capital)

Овој пост е напишан од М-р Илија Чубровиќ, коавтор на книгата Менаџмент на Претприемничкиот Бизнис и еден од креаторите на идејата за овој веб сајт.

Ризичен капител

Ризичен капитал

Доколку претприемач поседува добра бизнис идеја и сигурен е дека може да ја реализира тогаш обезбедување на капитал (финансии) претставува клуч за реализирање на таа бизнис идеја. Доколку не постои друг начин на финансирање тогаш претприемачот може да користи средства од ризичниот капитал или VENTURE CAPITAL.

Ризичен капитал може да се добие од поединецот или од група финансиери (акционери) кои поседуват финансии и кои сакат на нив (како и на секоја друга стока или производ или услуга) многу да заработат преку вложување во бизнис идеи на претприемачите а за возврат добиваат значајен дел од сопствеништво на бизнисот.

Овој систем на работење носи голем ризик од неуспех па поради тоа и иматели на капитал сакат да го заштитат својот капитал од пропаѓања бидејки секоја идеја колку и да е добра не мора да значи дека е и профитабилна. Па капиталистите свесно влегуваат во ризик да некоја од инвестициите и пропадне, но со тоа да во неколку инвестиции ги покријат и големите загуби и остварат и големи профити како надокнада за превземен ризик. Заради ова за претприемачот овој начин на финансирање е најлош бидејки каматите како и условите за добивање на овој вид на капитал се најнеповолни.

Како и при секое започнување на бизнисот финансиерите го бараат на увид комплетниот бизнис план. Тогаш се пристапува на потпишување на договорите. И барање на заедничките интереси.

Најчесто се бараат високи камати кои се поткрепени со одредени хипотеки и гаранции. Некогаш каматите се намалуваат за сметка на уделот во сопствеништвото на фирмата. Тој удел најчесто изнесува од 20 – 55 %. Секој договор може да биде различен во зависност на условите кои владеат на теренот. Најчесто договорот ќе зависи од:

  • Колку претприемачот е силен?
  • Колку има свои средства?
  • Колку бргу се развива пазарот?
  • Дали веќе има фирма или дури сега треба да ја отвори?
  • Во кој сегмент на пазарот се наоѓа или би се наоѓала новоформираната фирма.

Ако се погледа во BCG-портфолио матрица тоа би биле компаниите кои се наогаат во сегментот звезди. Каде што производ на одредена компанија има мал удел на високорастечкиот пазар.

Доколку претприемачот нема пари и постои можност да не го реализира бизнис потфатот поради недостиг на пари тогаш е подобро да прифати и неповолни услови при што сепак и тој ќе оствари некоја финансиска придобивка па може понатаму дури и ако изгуби сопствеништво над својата фирма да отвори нова фирма во која би го користил досегашното искуство и финансиите кои ги стекнал од претходниот бизнис.

Проблем настанува бидејки никој не може да гарантира дека претприемачот пак ќе добие толку блескава идеја и дека следниот обид ќе биде успех. Бидејки голем број на почетни претпријатија во првите 5 години од постоење пропаѓаат па се јавува стрес и дополнителна фрустрација па дури и да неможе да се опорави претприемачот од нив и повторно да започне со новиот бизнис.

При исплатата на паричните средства финансиерите на секој можен начин гледаат да ја заштитат својата инвестиција, па затоа давањето на финансии го делат на повеќе фази со можност да се откажат во определена фаза од понатамошното финансирање доколку зацртаното не се спроведува без огледна тоа што до тогаш инвестирале. Тие за секоја фаза определуваат одреден износ на капитал кој ќе издвојат, поради тоа што секоја фаза носи различно ниво на ризик.

Во табела е даден приказ на ризикот во однос на фазите на развојот на бизнисот.

ФАЗАРИЗИК ЗА РЕАЛИЗИРАЊЕ
“Seed” капитал80%
“Start-up” капитал60%
Капитал за финансирање на прва фаза50%
Капитал за финансирање на втора фаза40%
Капитал за финансирање на трета фаза30%
“Bridge” капитал25%


  1. Почетна фаза на финансирањето се нарекува “seed” (семен капитал). Тој е мал, а им се дава на претприемачите за да го докажат својот концепт и да се квалификуваат за понатамошна работа. Ризикот е најголем, па со тоа и капиталот е најмал.
  2. “Start up” капитал, се дава за да се заврши фазата на развојот на производот и иницијалниот маркетинг (истражување на пазарот).
  3. Капитал за финансирање на првата фаза, се однесува и на капиталот потребен за финансирање на развојот на производот и започнување на комерцијалното производство и продажба.
  4. Капитал за финансирање на втората фаза, има за цел да обезбеди обртен капитал со кој може понатаму да се функционира.
  5. Капитал за финансирање на третата фаза, им се дава на фирмите кои имаат растечки обем на продажба. Тој се користи за понатамошни маркетинг активности, зголемување на обртните средства, експанзија на производните капацитети и понатамошен развој на производот.
  6. “Bridge” капитал е потребен кога фирмата се наоѓа во преодна фаза, како поддршка на деловните и организациските трансформации со што се заокружува финансирањето и започнува да се собираат профитите.
post

Интересни неделни информации 13.09-19.09.2010

Неделни вести на претприемач

Неделни вести на претприемач

Избор на интересни вести за минатата недела 13-19.09.2010

ВИП оператор, подршка за млади програмери и иноватори

ВИП

ВИП  се покажува како компанија со општествена одговорност која дава подршка за иновативноста и креативноста кај младите програмери. ВИП веќе имаше конкурс на кој конкурираа околу 300 апликанти со свои проекти. Победниците на конкурсот добија чек од 500.000 ден. и телефон htc desire. Проектот кој што беше награден е софтверска апликација  ”Поправи МК“  која работи на андроид платформата.

Апликацијата овозможува брзо откривање на проблеми и истите бргу да се пренесат до надлежната институција со точна локација и опис на проблемот.

При неодамнешна посета на салонот на ВИП, ни беше презентирана апликацијата за плаќање на паркинг во Скопје. Помага при лоцирање во која паркинг зона се наоѓате и колку би требало да се плати за 1 час паркинг, без дополнително да ја барате таблата на која се истакнати тие податоци.

Дополнително ВИП најавува намалување на цените за мобилната телефонија и вели дека не планираат да се вклучат во фиксната телефонија и телевизијата додека не се исцрпат сите можни услуги во мобилната телефонија. Нивната промотивна понуда за потпишување на договор за користење на нивните услуги за 2 годишен период во кој се плаќа само 50% од претплатата беше одлична можност за сите нас што сакаме да си ги намалиме месечните сметки за телефонски разговори. Најдобра понуда беше за 1500 ден. месечна претплата за која нудат 1000 мин разговор во мрежата на ВИП и 1000 мин разговор кон сите останати мрежи. Со нетрпение ја чекаме следната промотивна понуда на ВИП операторот.

Рокот за регистрација на возилата со бугарски регистарски таблички до 30-ти септември

bg tabla

Минатата недела сопствениците на коли со бугарски регистарски таблички протестираа бидејќи не сакат да ги платат увозните давачки туку само регистрација и осигурување. Владата соопшти дека останува на својот став дека нема да има законски измени и рокот за регистрација останува до 30-ти септември. Доколку некое возило не е пререгистрирано и по потврда од царина дека престојувало во државата повеќе од 6 месеци, следува казна од 100 евра до одземање на возилото. Истите проблеми ги имаат и сопствениците на коли со странски таблички во Хрватска. Но таму за ослободување од царина се бара лицето сопственик да нема никакви приходи во државата, да нема здравствено осигурување или право на пензија. За разлика од Хрватска кај нас единствено се бара возилата да се пререгистрираат при што треба да се плати царина, акциза, ДДВ и хомологација.

Македонија конечно во “Карго 10“

По неколку најави и дилеми дали да се приклучи или не, Македонија конечно влезе во проектот “Карго 10“ за формирање на заедничко претпријатие за железнички сообраќај по иницијатива на Словенија, Хрватска и Србија. Проектот ќе овозможи скратување на времетраењето на патувањето преку кратење на царинските и граничните формалности, но и преку кратење на пругите. Со приклучување на Македонија се очекува патувањето од Солуна до Љубљана да се скрати за 7 часа. Заинтересираност за приклучување кон овој проект постои и кај Грција, Босна и Херцеговина и Црна Гора. Крајна цел е стоката што се превезува кон Блискот исток да минува низ овој коридор со што патувањето на возовите од Истанбул до Љубљана би се скусило од 57 на 35 часа а и ефектите за “ Македонски железници“  и железниците на земјите вклучени во овој проект би биле големи.

За 20 години 3 пати повеќе пилоти

Моментално во подршка на глобалниот авионски превоз се вклучени околу 223 илјади пилоти и 100 илјади механичари и инженери. Американскиот произведувач на авиони “Боинг“, тврди дека за 20 години на авионскиот сектор ќе му бидат потребни дополнителни половина милион нови пилоти. Како втор најголем произведувач по “Ербас“,  “ Боинг“ предвидува дека ќе треба и половина милион  работници кои ќе работат на одржување. Проценките се темелат на пораст на обемот на патничкиот сообраќај, посебно во азиско-пацифичкиот регион, каде што и ќе се појави потреба за  40% од горе споменатиот потребен кадар.

Извоз на 30.000 тони бостан од Македонија

Ако не може да се пофалиме со друго, тогаш треба да се истакне фактот дека земјоделските култури и производи чинат голем дел од македонскиот извоз. Имено до сега се извезени околу 30.000 тони бостан и диња, главно во Србија, Босна и Херцеговина, Косово, Чешка, Полска, Украина но и други земји од Европската Унија. Вкупната берба беше планирана во обем од 50.000 тони, но лошите временски услови ги спречија македонските извнозници целосно да ги исполнат договорите за извоз. Земјоделците изјавуваат дека цените за откуп ретко били добри како што беа годинава 7-10 ден за кг лубеница. Лошите временски услови во другите земји наметнаа цените да се движат нагоре и трговците да бараат поголеми количини, но слабите реколти не дозволија да се задоволат нивните барања. Во секој случај ова е позитивно за Македонија, за платниот биланс на земјата, но и за транспортните компании чии капацитети беа  до максимум искористени за извоз на земјоделските производи.

Историски максимална цена на златото.

злато

Минатата недела златото го постигна историскиот максимум во однос на цената. Унца злато се продаваше за 1280,5 долари за фина унца (31,5 грама). Се очекува во текот на оваа недела цената да се покачи дополнително. При нестабилност на финансиските пазари и флуктуација на валутите, инвеститорите се свртуваат кон она што е најстабилно, а тоа е златото и уметничките творби. Паѓањето на каматните стапки на федералните резерви, дополнително ги насочува инвеститорите кон вложување на средствата кон овој скапоцен метал.

Тужби за Стопанска и Тутунска банка

Со тужби од вкупен износ од 275 милиони евра се здобија двете најголеми банки во Македонија “Стопанска“ и “ Тутунска“  банка, пишува неделниот весник „ Форум“. Тужбите се од компании кои ги користеле услугите на двете банки. Компанијата која ја тужи „Стопанска банка“ е  „Капитал консерватор сејвинг енд лоун лимитед“ од Нов Зеланд која пред три месеца почна судска постапка во која од „Стопанска банка“ побарува отштета од 250 милиони евра, што е еднакво на целокупната вредност на капиталот на друштвото.

Во другиот случај тетовската фирма „Плаза“ бара отштета од „Тутунска банка“ од речиси 27 милиони евра, што е 38% од капиталот на банката.

Двете банки не се произнесуваат  за природата на тужбата, но имаа барање до Агенцијата за приватизација да не ги објавуваат информациите што не е можно поради фактот што тужениот износ е поголем од 5% од вредноста на банките.