Стартап фаза на еден бизнис претставува една од најсложените и најинтересните фази.
Ќе го бидне или нема да го бидне?
Се она што ќе се изгради во оваа фаза ќе ја отсликува силината и издржливоста на темелите на бизнисот.
Во овој пост издвоив 75 прашања кои еден стартап претприемач ќе треба постојано да си ги поставува.
- Што е она што го работите?
- Уште колку ви треба за да го спремите?
- Мислите ли за идните купувачи?
- Како го поминувате вашето време?
- Го поминувате ли со вашите идни купувачи?
- Какви луѓе ви се потребни?
- Дали познавате такви луѓе?
- Каде ќе ги најдете?
- Како ќе ги придобиете?
- Како ќе ги задржите откако ќе ги придобиете?
- Какво ќе биде нивното влијание на вашата работа?
- Што е следното што ќе треба да го направите?
- Дали сте спремни да го вложите вашиот живот за тимот кој го создавате?
- Колку голем треба да биде тимот кој го создавате?
- Можете ли без нив?
- Колку пари ќе ви бидат потребни?
- Како ќе ги набавите тие пари?
- Како ќеги вратите тие пари доколку позајмите?
- Можете ли да искористите некои други опции за обезбедување на пари за финансирање на вашиот бизнис?
- Дали забележувате промени во визијата во однос на истата пред да започнете со првиот чекор за нејзина реализација?
- Како обезбедувате следење на вашата визија од страна на сите членови на твојот тим?
- Дали патот кој го следите ве доближува или одалечува од таа визија?
- Треба ли и што треба да промените во патот кој го следите за да се доближите до визијата.
- Дали го гледате купувачот како го користи вашиот производ или услуга?
- Задоволен ли е?
- Ве прашуваат ли кога можат да го купат вашиот производ или услуга?
- Забележувате ли дополнителни нивни проблеми во тие прашања?
- Колку пари е спремен вашиот купувач да плати за решавање на проблемот кој вашиот производ или услуга го решава?
- Каква е вистинската вредност која ја нудите?
- Имате ли бизнис модел?
- Дали тој бизнис модел претставува “одржлив” бизнис модел?
- Како сите елементи функционираат во вашиот бизнис модел?
- Знаете ли што е пивотирање?
- Знаете ли кога треба да имплементирате пивотирање?
- Има ли потреба од пивотирање?
- Што треба да пивотирате?
- Што после пивотирање?
- Како сте платени?
- Дали сметате дека сте премногу или премалку платени како основач на стартап?
- Како ги гледате вашите производи, како збир на карактеристики или како збир на корисности?
- Имате ли “да направам” листа?
- Како оди нејзиното спроведување?
- Ги завршувате ли навремено и квалитетно работните задачи?
- Што е со вашиот тим и нивна “да направам” листа како и навремено и квалитетно завршување на работните задачи?
- Иматели дизајнирано процеси?
- Дали и како функционираат тие процеси?
- Има ли “тесни грла” во тие процеси?
- Кои се тие “тесни грла” во тие процеси доколку ги има?
- Што треба да направите за да ги елиминирате тие “тесни грла” во процесите?
- Ги знаете ли вашите суштински компетенции?
- Ги имате ли сите потребни суштински компетенции за вашиот бизнис?
- Треба ли да ги надополните суштинските компетенции на вашиот бизнис?
- Како ќе ги надополните суштинските компетенции во вашиот бизнис?
- Што е со знаењето?
- Како го стекнувате знаењето потребно за вашиот бизнис?
- Како го распространувате знаењето во вашата компанија?
- Како го имплементирате знаењето во вашата компанија?
- Кои се вашите клучни индикатори за перформансите?
- Како ги следите тие клучни индикатори за перформансите?
- Како донесувате одлуки во однос на тие клучни индикатори за перформансите?
- Колку време ви треба да донесете одлука гледајќи во тие клучни индикатори за перформансите?
- Доколку сте надвор од вашиот бизнис можете ли да ги гледате и следите перформансите на вашиот бизнис?
- Ја знаете ли вашата продажна и маркетинг инка?
- Ги знаете ли стапките на конверзии во продажна и маркетинг инка?
- Функционира ли се онака како што треба во тие инки?
- Треба ли нешто да промените?
- Ако треба да промените како ќе промените?
- Кога последен пат сте ги тестирале инките?
- Уживате ли во онаа што го работите?
- Како го поминувате времето за уживање?
- Си дозволувате ли време за уживање?
- Доколку сте отсутен еден месец може ли бизнисот да функционира онака како кога сте тука?
- Знате ли зошто може да функционира доколку може?
- Знаете ли зошто не може да функционира доколку не може?
- Што треба да направите за да бизнисот функционира нормално и без вас?
Speak Your Mind