Честопати стравот е оправдан, но сепак доколку дозволите тој да надвладее и да донесува одлуки наместо вас нема сигурно да станете претприемач, нема да можете и нема да го започнете бизнисот од вашите соништа.
Онаа што е поважно е дека можете да ги најдете одговорите на сите прашања и можете успешно да го менаџирате стравот и да биднете успешен претприемач само доколку навистина сакате да направите разлика во светот во кој што живеете. Мора да го менаџирате стравот и да не дозволите тој страв да надвладее со вас.
Тука ќе презентирам една листа од 15 работи кои ќе имаат влијание на зголемување на стравот. Понекогаш тоа се прашања, и понекогаш тоа се некои ваши размислувања. Оваа листа не е конечна листа, но доколку успеете да се справите со овие прашања и размислувања лесно ќе станете безстрашна личност и потенцијален успешен претприемач.
- Дали имам доволно знаење да започнам бизнис?
- Морам да научам повеќе за претприемништвото.
- Имам ли доволно вештини за да започнам и менаџирам бизнис?
- Морам да стекнам повеќе вештини пред да започнам.
- Што доколку не успеам?
- Што доколку ги загубам вложените пари?
- Не можам да најдам најдобар начин или чек листа која ќе ме води низ процесот на започнување на бизнис.
- Не можам да видам дека успехот ќе дојде брзо.
- Мојата идеја сеуште не е перфектна.
- Морам уште да работам на редизајнирање на мојата идеја.
- Што ќе кажат други луѓе.
- Што ќе кажат моите купувачи, односно потенцијални купувачи?
- Што доколку другите луѓе и купувачи ми се смеат?
- Што доколку ја загубам мојата тековна работа и сигурноста која оди со неа?
- Што доколку не можам да работам под притисок?
Добро, оваа листа како што кажав не е конечна, но сепак овие прашања и мисли, односно размислувања кои може да се каже и дека во одреден степен се оправдани, имаат големо влијание на вашата одлука за иднината. Во следниот период сите овие прашања и мисли ќе ги претворам во посебни наслови на претприемач со можни одговори и препораки.
Speak Your Mind