Кога можете да бидете сигурни дека идејата ќе даде резултати?

Сигурно веќе сте свесни дека бизнис идеја значи решение на проблем. Проблемот може да биде опишан едноставно како проблем, како желба за нешто, или пак потреба од нешто. А, како еден претприемач постојано имате идеи за решавање на проблеми за купувачите, исполнување на нивните желби или пак задоволување на нивните потреби.

Е, сега некои од овие идеи може да бидат едноставни решенија ки нема да бараат огромен труд или пари за реализација, но некои може да бидат навистина нешто иновативно што ќе значи вложување на ваш и на други луѓе труд, но и вложување на ваши пари и пари на други луѓе за реализација на проектот.

Затоа и ја потенцирам важноста на оваа прашање кое детално го одговараме и имаме подготвено чекор по чекор систем во премиум претприемач 2.0.

Ајде да видиме кога можете да бидете сигурни дека вашата идеја ќе води до успех.

1. Купувачите потврдуваат дека постои проблем кој што вашата бизнис идеја ќе го реши. Да, постојат многу примери каде одлична бизнис идеја решава проблем кој купувачите во моментот го немаат. Преку разговори, интервјуа, состаноци, анкети и било кое друго средство треба да дојдете до потврда дека постои проблем за купувачите.
2. Купувачите веќе бараат начини за решавање на тој проблем преку инвестирање на пари и ресурси за да го решат тој проблем. Освен да постои проблем кај купувачите, за да една бизнис идеја се претвори во успех, потребно е истите тие купувачи да вложуваат во барање на решение за нивниот проблем. Тоа вложување не мора да биде само во пари, туку може да биде во вид на време или пак во вид на труд за учење на нешто за да го решат проблемот.
3. Купувачите не се согласуваат да продолжат да живеат со тој проблем. Но, многу проблеми иако постојат, едноставно не се приоритетни за купувачите за да бидат решени. Затоа е важно пред да донесете одлука за имплементација на идејата да бидете сигурни дека потенцијалните купувачи за проблемот не велат: “Што да се прави, таков е животот.”
4. Купувачите немаат некои поголеми препреки кои би ги спречиле да го пробаат решението. За да успее идејата и производот или услугата како резултат на таа идеја, купувачите не смеат да имаат некои големи препреки кои би ги спречиле да го пробаат решението, а потоа и доколку им се допадне да продолжат да го користат.