Продадовте ли нешто денеска?

Ти имаш бизнис бидејќи продаваш нешто на твоите потрошувачи. Продаваш производи и услуги кои решаваат одреден проблем на твоите потрошувачи. Продаваш и повеќе од твоите производи и услуги, или се она што е во твојата севкупна понуда.

Како и да е, едно важно прашање кое ти како претприемач мора да си го поставуваш и одговараш секојдневно е: Дали продадов нешто денес?

Каков е твојот одговор на оваа прашање?

Доколку твојот одговор е да, тогаш продолжи со следниве прашања:

• Што усепав да продадам денес?
• Зошто успеав да го продадам токму тој производ или услуга, а не нешто друго?
• Каков вид на проблеми решава производот или услугата кои ги продадов денес?
• Што можам да научам од купувачите кои купија денес нешто од мене?
• Што имам направено во минатото за да ми ги донесе овие потрошувачи денес?
• Што имам направено во минатото што не ми донело потрошувачи денес?
• Како можам да ги подобрам моите активности за да донесам потрошувачи во мојата компанија кои ќе ги купуваат моите производи и услуги?
• Како можам да ги подобрам моите производи и услуги?
• Како можам да ја подобрам мојата севкупна понуда?
• Како можам да ја зголемам мојата продажба утре за Х%?

Доколку твојот одговор на прашањето од насловот на овој пост е не, тогаш мора да се запрашаш и да ги одговориш следниве прашања:

• Зошто не продадов ништо денес?
• Што направив вчера а има импликации врз мојата продажба денес?
• Што морам да превземам доколку сакам да започнам со продажба?
• Направив ли нешто во минатото што би ми донело потрошувачи за мојот бизнис?
• Што е она што сум го направил во минатото, а очигледно не дава резултати?

Твојот бизнис и твојата претприемничка кариера е да поставуваш прашања и да ги одговараш истите. Но, не смееш да заборавиш да се подобриш себеси и твојот бизнис врз основа на стекнатото знаење од одговорените прашања.