Премногу акцент ставаме на онаа што треба да правиме, како да го правиме и кога да го правиме, со што едноставно се натрупуваме со задачи и активности за секој ден. Од друга страна се наоѓаат работите кои што можете да не ги правите денес.
Што станува со работите кои ги правиме секојдневно, а не мора да ги правиме или едноставно можеме да одлучиме да не ги правиме денес и тоа секогаш?
Што ќе се случи? Ништо! Животот си продолжува и секогаш имаме време подоцна да се завршат.
Кои се тие работи? Еве една листа на 10 можни работи кои што можете да не ги правите денес.
- Не читајте весници секојдневно, повеќето од времето ќе ви се потроши залудно без да ја зголемите вашата лична вредност која ќе се употреби за зголемување на вредноста на вашиот бизнис.
- Не проверувајте го Facebook стотици пати дневно. Страшна работа, бидејќи не сме ни свесни како бргу времето поминува. Нема потреба да се проверува и чека се нешто ново што ќе биде објавено од некого. Не сте платени за тие информации, платени сте за креирање на вредноста за вашите купувачи.
- Не проверувајте го email инбоксот стотици пати дневно. Знам дека го очекувате тој email кој значи живот или смрт. Но, сепак не постои такво нешто, единствено што постои е дека ќе бидете пореметени од тековната работа која веројатно (или барем би требало) ви е најприоритетна.
- Не работи на задачите кои не се приоритетни. Кога ќе погледнам во мојата „да направам” листа можам да забележам многу работи кои и не се приоритет број еден. Но, затоа пак со помош на перспективи и менување на датумот на изведување на оние задачи кои не се приоритетни можам да ги преземам работите во моите раце.
- Не преземај работи кои не се ваша одговорност. Ако малку ги анализирате вашите дневни активности во еден подолг временски рок, лесно ќе забележите дека одговорноста не е наменета само на вас. Таа може да се сподели или целосно да се префрли на некој друг во вашата компанија. Тогаш зошто се вие да работите?
- Не учествувајте во озборувањата на работа. Добро е да се разменуваат мислења, да се комуницира и да се споделуваат идеи со колегите. Но, повеќето од разговорите се разни озборувања и „рекла казала” муабети. Тие не ви се потребни, тоа е факт.
- Не останувајте до доцна на работа. Дали е можно тоа? Верувам дека да, со соодветна организација и системи на кои се потпира вашиот бизнис. Но, понекогаш може да важи и правилото да се остави за утре, веројатно нема да гои изгубите бизнисот заради тоа.
- Не читајте ја книгата која што нема да ви го зголеми знаењето кое што ви е потребно. Знам дека сакате да бидете експерт во се. Но, едноставно тоа не е можно. Вашиот фокус треба да биде на клучните компетенции за вашиот бизнис. Се останато што не ви го зголемува знаењето во рамките на тие клучни компотенции е сосема непотребно.
- Не одете денес на работа, останете дома и тестирајте дали вашиот бизнис ќе преживее без вас. Секако можеби ви изгледа чудно и неостварливо. Но, зошто да не пробате. Тоа е единствениот начин да го тестирате вашиот бизнис дали е вистински бизнис или само едно работно место кое вие сте си го креирале за вас самиот.
- Не започнувајте со работа на заостанати и застарени проекти. Понекогаш е подобро да ги отстраните иако досега сте потрошиле доста време, наместо да продолжите да трошите време на нешто што можеби веќе е застарено и нема да функционира.
Speak Your Mind