ПРИМЕРИ НА СИМУЛАЦИЈА

Како да користите симулација? Зошто да користите симулација? Во еден од претходните блогови (СИМУЛАЦИЈА КАКО БИЗНИС АЛАТКА) веќе пишувавме за тоа што претставува симулација и што ни е потребно за да изведеме симулација (најважно е дека како мали бизниси не мораме да вложуваме милиони во пари за да направиме симулација на нешто). Накратко би го навеле следново:

• Симулација ни е потребна за разрешување на бизнис дилеми и врз основа на симулацијата да го зголемиме нашето знаење како претприемачи за да донесеме квалитетни одлуки за дилемите кои ги симулиравме.
• Со симулација избираме еден модел и ги менуваме неговите карактеристики за да видиме како ќе се однесува истиот со различните карактеристики.

Како примери на симулација кои досега ги прикажавме можете да ги искористите следниве:

• Видео материјали (Како сo MS Excell до ABC анализа и изработка на график за ABC анализа). Тука направивме симулација на ABC анализа и можеме да ги менуваме параметрите (на пример за продажбата и на графикот ќе ги видиме разликите за производи кои ќе бидат во А, а кои во B или C.
• Симулација за висината на продажните цени. Вршевме менување на параметрите кои влегуваат во определување на малопродажната цена и видовме различни ефекти од тоа менување.
• Симулација од продажба и маркетинг буџет. Вршевме симулација на два начини на определување на маркетинг буџетот и неговото влијание на приходот и продажбата.

Како некои други примери кои сеуште ги немаме наведено, а каде можете да ја користите симулацијата се:

• Симулација на одредени елементи при изработка на бизнис планот. На пример, предвидувања на продажбата, графикон на рентабилноста, учество на пазарот …
• Симулација на влијание на маркетингот на генерирање на потенцијални потрошувачи за да изберете вистинска форма на маркетинг.
• Симулација на одредени процеси кои ги конвертираат потенцијалните потрошувачи во вистински потрошувачи за да ги изберете најефикасните и најефективните процеси.
• Симулација на просечна продажба во денари по купвач за да го видите влијанието при зголемување или намалување на просечната продажба.
• Симулација на просечна трансакција по купувач за да видите кои процеси ќе го зголемат бројот на трансакциите
• …

За крај на се можете да направте симулација за да бидете поподготвени во процесот на одлучување. Важна е Вашата креативност и Вашите потреби.