post

Иницијално планирање на пазарот

Иницијално планирање на пазарот

Иницијално планирање на пазарот

Секој бизнис започнува со идеја која задоволува одредена потреба на пазарот. Но, пред да се донесе вистинската одлука да се оди или да не се оди понтаму потребно е да направите едно иницијално планирање или истражување на пазарот.

Вие имате многу идеи до кои доаѓате преку , но не се сите спремни за започнување. Понекогаш бизнис идејата доаѓа едноставно по поставување на одредено прашање од страна на претприемачот во вид:

Зошто нема ______________________________________ __________________________________________?

Честопати за добар бизнис важно е да дојдете до соодветното прашање во вистинското време (време кога сеуште таа потреба не е задоволена) и да направите соодветна иницијално планирање на пазарот уште пред да одлучите да започнете. Ова е поради фактот што во една ваква почетна фаза на бизнисот потребно е да се дефинираат основните правци во кои ќе оди понатамошниот развој на бизнис идејата во вистински бизнис.

Како и секогаш сметаме дека барање на одговор на прашања ќе ви помогне во оваа иницијално планирање на пазарот.

  1. Кои производи и/или услуги планирате да ги понудите?
  2. Опиши ги индивидуалците или бизнисите кои ќе ги користат тие производи и/или услуги. Користете наративен пристап или користете MindMap за да ги вклучите најважните демографски карактеристики како: старост, пол, локација, приход, образование…
  3. Колку често тие ќе имаат потреба од тие производи и/или услуги?
  4. Кои се корисностите кои вашите производи и/или услуги ќе ги овозможат на купувачите?
  5. Има ли други слични или исти производи и/или услуги во близина на вашата локација? Кои се тие?
  6. Како вашите производи и/или услуги ќе се разликуват од конкурентските?
  7. На кои начини и со помош на кои маркетинг средства ќе доаѓате до потенцијалните потрошувачи?
  8. Како досега информациите за истите или сличните производи и/или услуги доаѓале до тие потенцијални купувачи?
  9. Колку пари можете да потрошите за маркетинг?
  10. Колку ќе ве чини секое маркетинг средство?
  11. Кој ја носи конечната купувчка одлука?
  12. Кои чекори и кога треба да ги превземете за да купувачите купуваат од вашите производи и/или услуги?

Потрошете неколку денови во барање на одговор на овие прашања, но не оставајте тоа да трае со години, потребата може да се задоволи и од некој друг. Добро размислете и сето тоа ставете го на хартија. Тој документ ќе биде основен водич за сите ваши активности во понатамошниот развој на бизнис идејата и бизнисот.

About Д-р Драган Шутевски

Д-р Драган Шутевски е основач и CEO на Шутевски Консалтинг и им помага на бизнисите да го проектираат патот кон успешноста. Поврзи се со Драган на Google+

Speak Your Mind

*