post

[Видео] 4 Нивоа на технологијата

Сведоци сме на многу технолошки иновации во минатото. Што ли само можеме да очекуваме во иднината? се повеќе и повеќе нови технологии ни стануваат достапни. Но, онаа што е важно за вас како еден претприемач е како треба да ја гледате технологијата и кога да го проектирате времето за иновација во вашиот бизнис.

Оваа е одлична TED презентација во која Chris Anderson зборува за 4 нивоа кои технологијата треба да ги помине за да стане навистина потребна. Вреди да потрошите неколку минути додека го пиете вашето кафе, ќе научите многу работи.

post

75 Алатки за градење на супериорен бизнис

За успешен бизнис потребен е труд и соодветна имплементација на разни активности кои полека но сигурно ќе ве направат посупериорни од вашата конкуренција.

За да ги имплементирате дневните претприемачки активности во вашиот бизнис потребни ви се повеќе алатки, форми, темплејти, калкулатори…

Подолу се дадени алатките кои би требало да ги имате и користите, а се дел од Премиум претприемач 1.0. Но, оваа е само почеток, оваа година како дел од Премиум претприемач 2.0 ќе има барем уште толку како дополнување.

Бизнис идеи

  1. Алатка за ваша самоанализа во однос на бизнис идеи
  2. Книга со бизнис идеи
  3. Систем за прибирање на информации за бизнис идеи
  4. Алатка за анализа на бизнис идеи
  5. Алатка за спроведување на анализа на за бизнис идеја (анкетирање, собирање и анализа на податоци)

Истражување на пазар и планирање

  1. Алатка за планирање на истражување на пазарот
  2. Алатка за прибирање и анализа на информации за купувачи
  3. Алатка за прибирање и анализа на информации за конкуренти
  4. Алатка за прибирање и анализа на иформации за доставувачи
  5. Алатка за прибирање на информации од пазарот
  6. Калкулатор за бизнис план
  7. Калкулатор за готовински тек
  8. Калкулатор за рентабилност
  9. Водич за подготовка и користење на бизнис план

Градење на супериорна вредност

  1. Алатка за подготовка на елементи на супериорност
  2. Алатка за анализа на супериорноста во споредба со конкуренција
  3. Алатка за анализа на супериорноста на вашиот бизнис
  4. Акционен план за градење на супериорна вредност
  5. Форма за пресметка на повраток на инвестиција на купувачот
  6. Форма за изработка на јасен систем за тоа како вашата понуда креира вредност за купувачот

Привлекување на внимание

  1. Форма за креирање на 4 јадра на вашиот кредибилитет
  2. Форма за план за привлекување на внимание
  3. Форма за анализа на конкуренција
  4. Форма за анализа на онаа што прави конкуренција
  5. Форма за анализа на онаа што прават лидерите во индустријата и пазарот

Вистински цени, пат кон успех

  1. Форма за анализа на влијателни фактори за вашите цени
  2. Форма за анализа на понудата заради зголемување на бизнис вредноста во очите на купувачите
  3. Форма за анализа на понудата заради зголемување на потрошувачка вредноста во очите на купувачите
  4. Форма за докажување на севкупната вредност на вашата понуда
  5. Форма за пресметка на повраток на инвестиција и период на отплата за купувачот
  6. Форма за докази за вашата вредност
  7. Темплејт на студија на случаи за докажување на вашата вредност
  8. Форма за анализа на вашите клучни конкуренти
  9. Форма за споредба на вас во однос на конкурентите
  10. Форма за анализа и избор на ценовна стратегија
  11. Форма – Што да понудите наместо ниски цени
  12. Форма за самоанализа во однос на цените (дали сте за ниски или високи цени)
  13. Формата за анализа на цените во однос на тоа дали се прениски или превисоки

Маркетинг

  1. Формата за определување на подцели или тактики за остварување на главните цели
  2. Форма на основен план за имплементација на маркетинг стратегија
  3. Форма за анализа на маркетинг средства
  4. Форма за анализа на нови маркетинг средства и дали да се додаде во стратегијата
  5. Форма за онлајн маркетинг средства
  6. Форма за офлајн маркетинг средства
  7. Форма за избор на маркетинг средства врз основа на клучни критериуми
  8. Форма за следење на потенцијални купувачи/сообраќај
  9. Форма за следење на посетители во продавница или вебсајтот
  10. Форма за следење на клучните стапки во однос на маркетингот
  11. Форма за следење на клучни мерки за генерирање на потенцијални купувачи
  12. Форма за анализа на генерирање на потенцијални купувачи
  13. Маркетинг календар
  14. Алатка/Темплејт за имплементација на процес на подобрување во маркетингот

Онлајн стратегија

  1. Темплејт на уредувачки календар
  2. Темплејт на матрица за содржина
  3. Основен план за имплементација на онлајн стратегија
  4. Форма за анализа на онлајн канали во твојот бизнис
  5. Форма за анализа на нови канали пред да се имплементираат во стратегијата
  6. Форма за анализа на различни онлајн маркетинг средства
  7. Форма за критериуми за избор на онлајн маркетинг средства
  8. Форма за анализа и имплементација на Upsell стратегија
  9. Форма за определување на стратегии и тактики за Upsell стратегија
  10. Форма за имплементација на методи за континуирана онлајн комуникација
  11. Форма за техники за зголемување на зачестеноста на купување

Социјални медиуми

  1. Алатка за следење и мерење на настапот на социјални медиуми
  2. Темплејт – Scorecard за Социјални медиуми

Постојано подобрување

  1. Темплејт/План за подобрување
  2. Форма за следење на клучните елементи во вас како претприемачи а кои може да бидат предмет на подобрување
  3. Форма за следење на клучните елементи во маркетингот кои може да бидат предмет на подобрување
  4. Форма за следење на елементите од вашите стратегии кои може да бидат предмет на подобрување
  5. Форма за следење на елементите од бизнис моделот кои може да бидат предмет на подобрување
  6. Форма за следење на луѓето и одредени елементи кои може да бидат предмет на подобрување
  7. Форма за следење на ресурсите и елементите кои може да бидат предмет на подобрување
  8. Форма за следење на идеите и елементите кои може да бидат предмет на подобрување
  9. Форма за следење на продажбата и елементите кои може да бидат предмет на подобрување
  10. Форма за следење на финансии и и елементите кои може да бидат предмет на подобрување

Сите овие алатки, темплејти и калкулатори можете да ги добиете со премиум претприемач сеуште по стара цена се додека не започнеме со имплементација на новите модули (овој месец тргнуваме со модул 1 од Премиум претприемач 2.0 – Лин стартап).

post

Инспиративно видео: Реализирање на соништа од детството

Се започнува од нашето детство, нашите соништа без никакви ограничувања во сонувањето.

Се сеќавате кога се беше можно? Кога се качувавме на дрвата без да мислиме дали ќе паднеме? Или кога скокавме од различни висини без да мислиме на последиците?

Оваа е одлично инспиративно видео каде Randy Pausch зборува за неговото искуство и дава совети како да ги постигнете вашите цели и соништа.

Вредно е да потрошите време да го изгледате целото предавање.

post

Инспиративно видео: Никогаш не се откажувај

Никогаш не се откажувај е советот што го давам секогаш и особено на претприемачите.

Не е лесно. Знам, сум поминувал и поминувам. Било и подобро. Знам, и тоа сум го поминал. Но, започнување на еден пат, кој да бидеме искрени не е баш лесен пат и кој е наречен претприемачки пат значи дека враќање назад нема. Успехот не се случува преку ноќ. Потребна е и упорност и истрајност (карактеристки на успешни претприемачи).

Затоа и сакам да го споделам оваа видео во кое се гледа упорноста да се опстои, да се преживее и да не се откаже од основната цел (преживување).

Уживајте, а вашето мислење е добредојдено, преку коментарите подолу.

post

6 Основи на успешно претприемништво

Размислувајќи за основите на успешно претприемништво направив една листа кои можеби претставуваат еден вид на принципи на кои се базира претприемништвото.

Сакаме да постигнеме успех во развој на претприемачи, претприемништвото како процес, како наука, како практика… Можеби направивме многу во последниве години, но сепак…

Зошто и треба ли ни тоа сепак на крај…

Да, ни треба иако можеби некој од вас нема да се сложи. Мораме да менуваме многу навики, практики, теории… Зошто? Затоа што доколку го гледам претприемништвото од еден научен аспект, слободно може да кажам дека претставува една од најсложените научни дисциплини затоа што се менува многу бргу, а претставува еден микс или коктел на сите останати науки во една.

Но, ајде да поминеме на една листа на основи на претприемништвото која претставува еден дел од лкистата која ја направив пред извесен период.

1. Претприемништвото се тренира

Доколку во минатото се полемизираше дали претприемништвото може да се изучува, денес нема потреба за такво нешто затоа што станува се поочигледно дека и за најкреативните луѓе знаењето од претприемништво е важно за зголемување на веројатноста за успех на бизнисот.

2. Претприемништвото значи испорака на вредност

Вие како претприемач, кој креира сопствен процес на претприемништвото имате вредност само доколку испорачаната вредност од вашиот систем ги прави примателите на вредноста среќни и задоволни.

Дали оваа не е точно? Што мислите? Не мора да одговарате, доволно е само да ја препрочитате горната реченица неколку пати и да подразмислите за вредноста што вие ја испорачувате.

3. Претприемништвото се базира на визија на претприемачот

Се започнува од вашата визија како еден претприемач. Од визијата се препознава дестинацијата. Од дестинацијата се препознаваат целите. Целите ги дефинираат проектите и активностите.

Пред неколку години напишав една мала книга насловена како “Претприемач центарот на се во бизнисот”. Мислам дека така се викаше, а објавена е во некои сегменти на премиум претприемач, дел мислам дека излезе преку билтените на претприемач, а дел објавив во вид на постови… Сето тоа имаше за цел да го прикаже претприемачкиот процес како нешто што започнува од самиот претприемач, а не од било што други.

4. Грешките и падови се составен дел на секој претприемачки процес

Секој претприемачки процес е составен од грешки и падови. Не постои перфекционизам, сигурна успешност или извесност.

Доколку пак нема грешки и падови, можеби треба да се запрашате дали е се ов ред.

5. Претприемништвото претпоставува дека претприемачот го сака она што го прави

Да се биде претприемач, значи да се сака она што се работи. Тешко е враќање назад. Добро размислете дали навистина сакате да го правите тоа.

6. Претприемништвото е континуиран процес

Точно, тоа повеќепати го имам пишувано тука. Во книгата Иновации и претприемништво (патем електронската верзија е 100 денари) тој процес го презентиравме во вид на часовник, кој никогаш не застанува.

post

Среќна нова 2013 година

Нова година

post

Започнување на бизнис – Најдоброто од 2012

Овој наслов е дел од серијалот најдоброто на претприемач во 2012 година. Продолжуваме со категоријата започнување на бизнис.

Оваа година голем фокус дадовме на оваа категорија која има вкупно 133 наслови.

Започнување на бизнис не е едноставен и лесен процес. Многумина велат дека доволна е бизнис идеја и бизнис план кој ќе се имплементира со што бизнисот е започнат. Но, значењето на оваа фаза е поголемо отколку што можеме да замислиме. Колку подобро ја спроведеме оваа фаза толку подобро ќе се обезбеди нормално функционирање на бизнисот во следните фази.

Да разгледаме кои се најдобрите наслови од оваа година кои може да ви помогнат доколку размислувате да започнете бизнис. Насловите се разделени во подкатегории:

Продолжи…

post

Претприемач – Најдоброто од 2012

Го започнуваме овој серијал на најдоброто од претприемач од 2012 со темата за претприемачот.

Категоријата претприемач содржи анализи, видео материјали, општо за претприемништво, книги и разни совети за претприемачите. Може да се најдат 380 различни наслови кои ќе ви помогнат во вашите напори да се развиете како успешен претприемач.

Личен развој на претприемачот е важен аспект во развој на вашиот бизнис. Што ќе следува по започнувањето ќе зависи од тоа колку вие сте спремни за се она што ве очекува.

Да ги разгледаме насловите како најдобри од оваа 2012 година во категорија претприемач.

post

Најдоброто на претприемач во 2012 година

Започнавме да ги броиме последните денови од оваа 2012 година. За некого успешна, за некого просечна, а за некого…

Најлогично нешто, како и за сите години кои изминуваат е да се запаметат добрите работи, а да се заборават лошите. Надежта последна умира.

Како и секоја година тука на претприемач и оваа ќе ја завршиме со серијалот на постови за најдоброто на претприемач.

Прво би започнал со мала анализа на годината во заминување. До денес имаме објавено 1308 наслови, а оваа година беа вкупно 378 објавени наслови од различни теми од областа на претприемништвото при што преовладуваа темите за стартапи, односно започнување на бизнис и зголемување на продуктивноста.

Секоја година преовладува нешто ново. Можете да забележите дека оваа година воопшто не објавувавме теми на пример за интернет маркетинг, не дека не се важни или актуелни, туку едноставно поради фактот што последниве години сите веќе пишуваат за тоа, а тука веќе се обработени доволен број на теми со практични искуства. Од друга страна, од преголемата дупка (празнина) на македонското интернет подрачје за оваа тема (претприемништво) во веќе далечната 2007 и 2008 година кога се раѓаа идеите за овој веб сајт, полека но сигурно се обидуваме да ги пополниме сите тие празнини.

Продолжи…

post

8 причини да преземете акција веднаш

Дали сега е вистинското време да го направам тоа и тоа?

Прашање кое често пати се поставува не само од страна на претприемачите, туку и од сите луѓе. Но, и прашање кое честопати доведува до т.н. “претприемачка блокада”, што значи застој, status quo, продолжување со она што е…

Сепак тоа не претставуваат двигатели на еден бизнис, туку едноставно блокирачи на севкупниот претприемачки процес.

Зошто да преземете акција веднаш?

Продолжи…