post

Талент како пречка!

Повеќе пати на претприемач пишував за талентот! Тоа беше повеќе заради тоа што бркајќи го нашиот талент забораваме за испорака на вредност. Барајќи го нашиот талент создаваме страв кај самите себеси и ги одложуваме нашите испораки кои претставуваат основа за успех на еден претприемач.

Понекогаш едноставно не испорачуваме

Но, освен опасноста за одложена испорака и можноста никогаш да не се испорача вредноста постои уште една опасноста – себичност! Имам сретнато доста иако не сите талентирани луѓе кои кога ќе го докажат сопствениот талент стануваат себични токму во моментот кога треба да менаџираат. А себичноста за еден менаџер е многу лоша особина. Замислете добар дизајнер кој започнува бизнис врз основа на негов талент (дизајн) и има брз раст кој бара проширување на бизнисот. Тогаш наместо да тренира, менаџира, води, помага тој се затвора и не дозволува неговото знаење и неговите идеи да струјат низ сите бизнис членови. Тоа значи максимумот е постигнат и сега наместо понатамошен раст низ животниот циклус на бизнисите следува патот кон самоуништување. Од друга страна големо влијание има и околината, односно соработниците! Доколку вие сакате да го распространите вашето знаење, вашите идеи и вашиот талент на вашите соработници а тие не сакаат да го примат, вие повторно се наоѓате во опасност. Затоа внимавајте со кого работите и не бидете себичен. — Post From My iPhone

post

Испорака на вредност – прашања за претприемачите?

Претприемач - испорачател на вредност

Претприемач - испорачател на вредност

Веќе подолго време снимам различни состојби околу бизниси и претприемачи околу мене. Состојбата не можам да кажам дека е розова што поради околината или бизнис окружувањето особено поради P – то од PEST (Political, Economical, Socio-Cultural & Technological Environment). Но не можам да кажам дека интерната околина во самиот бизнис (претприемачот, структурата, стратегиите, целите, менаџментот…) се на највисоко можно ниво.

Едно нешто е јасно, во минативе 15-20 години надојдоа некои правила на игра кои станаа стандард во денешниот бизнис свет, иако не треба. Некако се повеќе луѓето сакаат да се занимаваат со политика наместо со испорака на вредности. Зошто е тоа така? Најверојатно затоа што во тој период некако се направи класификација успешните да бидат само доколку се политичари. Се чека времето и кога ќе дојде успехот е тука. Но, каде е испораката на вредноста? Најверојатно никаде, затоа што останатите не се важни.

Но, останатите таканаречени обични смртници мора да ги следат правилата на претприемништвото за да стигнат до некаков успех или пак едноставно преживување, особено во тешките времиња на рецесија. Затоа како еден од првите елементи на претприемништвото ја избрав испораката, бидејќи претприемачите се тоа – испорачатели на вредност.

Тие се испорачатели на вредност за општеството, за државата, за локалната самоуправа, за пазарот, за потрошувачите, за снабдувачите…

Затоа можеби би било добро да си ги поставите овие прашања:

  • Што испорачав денес, вчера, претходен месец, претходна година?
  • На кого испорачував вредност?
  • Колкава е вредноста што ја испорачав?
  • Каква е реакцијата на моите испораки?
  • Што добивам јас од моите испораки?

По одговор на прашањата, размислете како да ја подобрите испораката за сите интересенти и секако како да ги подобрите Вашите лични придобивки, бидејќи се надевам дека Вашиот бизнис го водите заради Вас и Вашето семејство а не заради државата или општеството. Сепак Вие сте во центарот на вниманието, Вие сте претприемачот.

post

Технологија и промена на навики – Kindle

Досега веќе скоро 10 години купувам книги од Amazon. Искуството започна некаде 2000-2001 година и се сеќавам на првата нарачка кога ми беше страв да внесам кредитна картичка, но ја внесов. Потоа секој ден нервозно проверував каде се наоѓа мојата пратка со книги, па незнам сега е испорачана сега е на аеродром во САД, сега е на аеродром во Германија се додека по 2-3 недели не стигнаа книгите. Наредните нарачки веќе не постоеше страв.

Но, она што сега сакам да го покажам е моето чувство дека пред вратата ни стојат многу промени во оваа поле. Знаење е дел од вториот слој за успех на еден претприемач. Еден начин на постојано зголемување на знаење претставува и читање на книги од Вашето бизнис подрачје и нормално претприемништвото.

Веќе подолго време се мислев за купување на Kindle преку кој би можел да ги читам и нарачувам книгите, но не знаев какво е чувството и сеуште се двоумам за тоа. Па затоа еден ден едноставно направив обид преку нивната апликација за iPhone да видам како функционира и дали ќе бидат задоволени моите потреби при читање на една книга. Така првин симнав неколку книги во вид на примерок за да видам дали книгата е тоа што го барам и едноставно да проверам дали задоволството ќе биде ОК. Откако симнав три такви книги се одлучив едната да ја купам. Ова мое искуство веднаш го споделував на Twitter. Па еве што напишав во тој момент:

Мислам дека конечно ќе кажам збогум на нарачка на книги по пошта. Kindle for iPhone ги оправда моите очекувања.Првата книга ја купив.#iPhoneless than a minute ago via HootSuite

Предности на користење на Kindle

Потоа нормално откако веќе ја имав првата книга, а таа беше Making Ideas Happen од Scott Belsky за која што ќе следува еден преглед набргу бидејќи сум при крај со завршување, започнав со утвдрување на некои предности. Па така предност 1 за која напишав на Twitter беше следнава:

Kindle iPhone Предност 1: Не чекам 2-3 недели за да ги добијам и секако заштедувам на цена и деливери! #iPhoneless than a minute ago via HootSuite

Да, првото што ми се допадна што веднаш по плаќањето можев да започнам со читање. Едно нешто треба да го има во предвид секој претприемач е кога купувачот купува нешто, кај него постои возбудување и кревање на адреналинот за што побргу да го користи тоа нешто. Затоа времето од купување до конечно користењ е многу значајно и треба да се наоѓа начин на намалување.

Како предност број 2 ја напишав следнава:

Kindle iPhone Предност 2:Me изненади лесната читкост на книгата и страници но со iPad или kindle ќе биде уште подобро чувството #iPhoneless than a minute ago via HootSuite


Мислев дека ќе има проблем со читање, но навистина бев изненаден како на телефонот книгата беше лесно читлива. Еве некои слики:

Читливост на книгата преку телефонот

Читливост на книгата преку телефонот

И последната предност која ја твитнав е следнава:

Kindle iPhone Предност 3: Можност за симнување на sample примерок пред конечна одлука за купување! #iPhoneless than a minute ago via HootSuite

Ова на одреден начин дава можност да ја прелистаме книгата во скратена верзија за да се одлучиме дали ќе ја купиме или не.

Симнување на примерок пред одлука

Симнување на примерок пред одлука

Како дополнителни елементи кои ми се допаднаа беше и можноста за прилагодување на изгледот при читање како промена на боја на позадина и големина на букви.

Прилагодување на фонтот и позадината

Прилагодување на фонтот и позадината

И нешто што можеби најмногу ми се допаѓа е еден вид на социјализација и споделување при читање. Кога нешто ќе подвлечам во книгата преку нејзино Kindle издание се ажурира во мои забелешки и ознаки.

Забелешки и потцртувања

Забелешки и потцртувања

И секако во состав на ова секој кој го чита Kindle изданието на оваа книга и означи или подвлече нешто се прикажува во делот популарни ознаки. Токму затоа и сметам дека ваквото читање на книги едноставно те наведува да видиш што се допаѓа на некој друг и можеби да се навратиш на нешто што не си го прочитал со доволна концентрација. Ова го нема кај хардкопи книгите – едноставно е невозможно.

Што е најпопуларно во книгата

Што е најпопуларно во книгата

Знам дека многумина сметаат дека не може електронските изданија на книги да ги заменат хардкопи изданија. Но сепак ова е само почеток за она што следува и едноставно мене ми се допадна бидејќи имам помалку трошоци (околу 10-тина долари за транспорт и неколку долари за електронско издание) и заради горенаведените предности кои ги давам.

post

Преглед на книга: Crush It!

Преглед на книга: Crush It!

Преглед на книга: Crush It!

Пред неколку дена ја грабнав и ја прочитав оваа книга која е насловена како Crush It!: Why NOW Is the Time to Cash In on Your Passion. Ја купив затоа што претходно знаев за успехот на авторот Gary Vaynerchuk во огромното „раснење“ на неговиот семеен бизнис (продажба на вино) од неколку милиони долари годишно на неколку десетици милиони годишно.

Овој успех го постигнува навистина релативно млад со помош на Wine Library TV. Погледнете (иако можеби не сте заинтересирани за вино) само како успешно ги изведува тестирањата на различните вина. Но, она што мене ми се допадна, а најверојатно и на милионите луѓе низ светот е што она вино за кое смета дека не му се допаѓа го изразува навистина искрено и доста сликовито.

На што се однесува книгата?

Ако треба да дадам со една реченица одговор на тоа на што се однесува оваа книга би го кажал следново:

Користење на микс од самата претприемничка личност и новата технологија за градење на неверојатен бренд преку кој ќе се обезбеди раст и развој на бизнисот.

Книгата едноставно претставува краток преглед на успехот на авторот, односно како навлегол во бизнис светот, што правел, што користел и како сето тоа успеал да го имплементира во раст и развој на бизнисот.

Она што може да се извлече како препорака на авторот во книгата е следново:

  • Започни со она што навистина сакаш да го работиш.
  • Гради свој личен и уникатен бренд.
  • Креирај содржина.
  • Биди реален.
  • Избери платформа/платформи за испорака на таа содржина.
  • Направи светото едноставно да те слуша, чита или гледа.
  • Монетизирај.

Како што забележувате монетизацијата е на крај, додека самите Вие сте на почетокот. Во книгата сите овие елементи се разработени преку примери на користени технологии и процеси за еден ваков успех.

Карактеристики на Crush It!

Како основни карактеристики на оваа книга би ги идвоил следниве:

  • Кратка. Книгата има вкупно 142 страни кои едноставно за два дена ги поминав. Можеби нешто би можело во поголеми детали да се опише, но сепак како опис на еден процес или еден претприемнички пат за сегашноста и иднината е доволно за да се навлезе во суштината.
  • Лесна за читање. Авторот не користи стручна или неразбирлива терминологија со што оваа книга е разбирлива за секого. Мислам дека не постои претприемач кој не слушнал за Facebook, Twitter, Youtube, Blog…
  • Полна со практични примери. Без теорија, но со примери кои се применети од страна на авторот во реалниот живот и дале успех. Примерите од реалниот живот на авторот или пак замислените примери навистина ја прават привлечна содржината.
  • Поттикнува акција. Секој дел од книгата едноставено ќе ве поттикне уште веднаш да пробате нешто ново, да направите обид и да го имплементирате она што ќе го прочитате. Всушност и последниот додаток на книгата претставува еден план на активности за спроведување на наученото или прочитаното.

За кого е наменета оваа книга?

Прва и основна намена на оваа книга е за сегашни или идни претприемачи кои сакаат да се прилагодат кон новите бизнис текови кои едноставно стнуваат стандард. Во услови кога традиционалните маркетинг средства имаат се помалку влијание на потенцијалните купувачи секојдневно се појавуват нови технологии кои едноставно немаат примарна намена да служат како маркетинг средства, но всушност тоа се. За крајот би навел еден цитат од книгата:

Во декември 2008 година потрошив $7.500,00 за понуда на код за бесплтна испорака преку три маркетинг канали – одлична позиција на билборд во new Yersey Turnpike, директна пошта и радио. Билбордот донесе 170 нарачки. Радио кампањата донесе 240 кампањи. Директната пошта нешто повеќе од 300 нарачки. Го твитнав кодот (бесплатно) за бесплатна испорака преку Twitter и добив 1700 нарачки.

post

Задржување на најдобрите без промоција во менаџери

Ако сака да остане мајстор, нека остене така!

Ако сака да остане мајстор, нека остене така!

Еден голем проблем со кој може да се соочи секој претприемач особено претприемачи на брзорастечки бизниси е да ги задржат најдобрите вработени притоа без да се промовираат истите во менаџери. Треба да бидеме свесни дека постојат одлични вработени со одлични технички вештини, но едноставно не сакаат да бидат менаџери или пак немаат потенцијал за менаџерска позиција.

Одличните технички вештини на одредени вработени претставуваат огромно богатство за еден бизнис. Тие технички вештини се оние кои ги произведуваат бизнис резултатите. Повеќе за менаџерски вештини можете да прочитате во менаџерски вештини. На пример, некои програмери во многу ситуации нема да сакаат менаџерска позиција бидејќи ќе сакаат да седат до доцна вечер пред сопствениот компјутер и да пишуваат код кој ќе претставува навистина огромна вредност за бизнисот. Доколку таквите личности ги промовирте во менаџери како дел од Вашиот систем за наградување ќе ја уништите нивната креативност.

Во една ваква ситуација еден претприемач или пак менаџер ќе има голема дилема. Дилемата е како да се задржат најдобрите и во исто време да бидат наградени, задоволни и респектирани без да мора да ги промовирате во менаџери.

Може да се искористат два приоди. И двата се важни за еден вработен.

1. Награди во форма на пари

Парите се важен елемент за секој вработен. Доколку некој е навистина потребен на тековната позиција и во исто време таа/тој или немаат потенцијал или едноставно не сакаат менаџерска позиција подобро е да останат на истото оперативно ниво. Но, тие може да очекуваат некаква награда во форма на пари. Тие знаат дека се вредни за бизнисот, знаат дека носат брилијантни резултати и знаат дека мора да бидат наградени за нивните напори.

Можете да користите различни начини за издвојување на овие вработени од просекот. Еве некои идеи:

  • Зголемување на плата,
  • Парични награди по секоја успешно комплетирана задача или проект,
  • Бонуси,
  • Платен одмор за нив и нивните семејства,
  • Платена школарина за нивните деца…

2. Нефинансиски награди

Иако се важни, но не претставуваат единствена можност за задоволство. Во бизнис светот постојат многу различни награди кои ќе бидат ценети од вработените. На пример, секој сака:

  • Да биде респектирана личност
  • Да има подобра репутација
  • Да има привилегии во независно донесување на одлуки.

Респектирана личност. Доколку некој е повреден од просечните вработени ќе очекува да биде респектиран од страна на колегите. Знаеме дека менаџерите се респектирани личности, но ние сакаме да изградиме вистински респект без менаџерски позиции. Интересно е што при едни вакви услови кога еден е повреден од остатокот (мнозинство) може да се појави љубомора од страна на мнозинството кон поединците. Но, затоа сте тука Вие како претприемач и/или менаџер кој може многу да помогне во градење на еден таков респект. Некои примери како можете да помогнете може да бидат следниве:

  • Споделете некои добри зборови за нив пред нивните колеги.
  • Пофалете ја нивната работа за да слушнат другите колеги. Едно браво, може да значи многу.
  • Давајте им ги најважните задачи од проектот.
  • Прославете со нив за нивната успешно завршена работа.

Подобра репутација. Репутацијата претставува мислење, општествена евалуација и идентитет дефиниран од страна на други луѓе кон една личност. Секој сака да има подобра репутација во неговата работна околина. Вие како еден менаџер или претприемач може да бидете доста влијателна личност во остварување на овие цели на индивидуалецот – вработен. Помогни им да изградат подобра репутација.

Независно одлучување. Менаџерите се личности кои носат одлуки. Како и да е, доколку не сакате да промовирате некој од Вашите најдобри вработени во менаџери ќе можете да го проширите нивното подрачје за одлучување.  Ова значи дека тие ќе можат да одлучуваат за некои проекти и без вас.

post

Интересни неделни информации – 28.06-04.07.2010

Неделни информации на претприемач

Неделни информации на претприемач

Претприемач во духот на создавање и надградба на знаењето и техниките за водење бизнис досега објавуваше текстови поврзани со алатки и вештини кои што треба да ги познава секој што сака да започне, но и тие што веќе имаат бизнис. Овој тренд ќе продолжи и понатаму, но како секој претприемач, постојано размислуваме како и со што да го надградиме нашиот портал, за да биде интересен и прифатлив за поголем број на читатели. Тие што не пратат од почеток, се сведоци дека почнавме од минимални перформанси и порталот неколку пати  претрпе измени и денеска располагаме со над 600 комплетно авторски и секјдневно ажурирани текстови.

Пишувавме дека за започнување на бизнис, потребна е идеја! Имавме опис на помошна алатка за генерирање на нови идеи, но заклучок е дека мора постојано да прибираме информации за се што е околу нас и никогаш не сме свесни што е тоа што би можело да не поттикне да размислуваме за некој нов бизнис, за што порано не ни паднало на памет. Сигурни сме дека голем број од нашите читатели искористија и го оценија за полезно тоа што го објавуваме, за што имаме и повратен фидбек, во облик на коментари и директни e-mail пораки и сме благодарни за тоа.  Но, решивме да го надградиме блогот како извор на информации кои се репрезент не само на нашето искуство и знаење туку и дополнително со вести и кратки извадоци од настани од Македонија и светот кои што ја одбележале изминатата недела. Ќе бидат одбрани вести за кои ние сметаме дека се битни од економски и бизнис аспект и кои би му биле од значење на еден претприемач.

Ќе цитирам еден наш познат бизнис и политички неделник „Само идејата е капитал, се друго е пари“,  јас би додал за да се дојде до идеја мора да се располага со информации !

Ќе почнам со настанот (или веста) од мината недела која и ме наведе да размислуваме за да почнеме со ваков серијал на неделно ниво.

Многумина од вас кои не следат имаат бизниси кои се поврзани со надворешно трговско работење, т.е со извоз-увоз од земјите на Европската Унија. Сигурно ќе ве засега дека од 01.07

Македонските компании ќе треба да обезбедат идентификационен (EORI) број

Тие што имаат извоз или вршат некакви други економски операции во земјите на Европската унија од 01.07.2010 ќе можат да ги поминуваат границите единствено ако поседуваат ЕОРИ. Идентификациониот број се обезбедува од надлежните служби на соодветната земја. Овој број веќе една година се користи во транзитниот сообраќај со ТИР-карнети и се обезбедува на самата граница, се претпоставува дека истата пракса ќе продолжи и со другите економски операции на македонските фирми.

За подетални информации го препорачуваме линкот на страната на Царинска управа на РМ. http://www.customs.gov.mk/eori/main.html

Инвестиција на Бугарската Софика Груп во Македонија

Софика Груп – компанија од Бугарија која се занимава со доставување на оутсорсинг услуги на бизнисот во доменот на финансиите, информатичка технологија и други сектори, планира да инвестира во Македонија помеѓу пет и седум милиони евра.

Услугите се однесуваат на надворешна и внатрешна комуникација и консултативни услуги – информативни услуги, социолошки проучувања, телемаркетинг, услужување на клиенти, ХР оутсорсинг, изработка на индивидуални решенија за подобрување на услужувањето на клиенти и проширување на клиентската база. За почеток се планирани 100 нови работни места, а во наредните 5 години се очекува таа бројка да достигне меѓу 400 и 500.

Поевтинуваат кредитите

По подолг период на скапи кредити и високи каматни стапки, од мината недела највисоката каматна стапка на банкарските кредити за население треба да изнесува 13%, а за претпријатијата до 15%. Ова го налага Законот за облигациони односи по падот на референтната каматна стапка. Најголемите банки веќе најавија пад на каматите кај најбараните кредити во овој период: краткорочните потрошувачки и туристички, но намалување ќе има и кај станбените и автомобилските кредити. Сепак во Комерцијална банка се категорични дека во она група на кредити за правните лица нема да има намалување поради висока неликвидност и висок ризик при сервисирање на долговите од фирмите. Ќе има намалување и на каматните стапки на депозитите – орочени и по видување.

Од август поевтини сметки за мобилен?

Дали еден бизнис, претприемач или вработените во бизнисот може да се замислат онака „немобилизирани“?

Од Агенцијата за електронски комуникации се најавува дека од август годинава им се дава можност на мобилните оператори постепено да ги намалат малопродажните цени за своите телефонски услуги. Ова се должи на фактот што им е упатен налог на трите мобилни оператори до мај 2013 година сукцесивно да ги намалат големопродажните цени за завршување на повик од една мобилна мрежа во друга. Сепак иако цените за интерконекција помеѓу операторите ќе се намалат,  препораката на АЕК не е обврзувачка и не значи дека ние како крајни корисници во кус рок ќе забележиме намалување на сметките кои ни ги праќаат операторите.

Сепак останува како претприемачи да се надеваме дека ќе има скусување на трошоците на ова ставка која сметам дека се доста високи.

Преполовена продажба на нови возила

Авто салоните се жалат на драстично опаѓање на продажбата на нови моторни  возила, што достигнува и пад до 35% во однос на истиот период минатата година. Како главни причини се наведуваат законските измени за увоз на стари половни возила со понизок еко стандард, но и високите каматни стапки од банките и лизинг компаниите. Увозниците прават се за да се одржат на пазарот и да ги задоволат купувачите. Една од мерките е и бескаматно купување на рати кое ќе се обидат да го спроведат до крајот на годината. Моја лична сугестија е, ако размислувате за продажба на кола, сепак да се обидете во салоните каде што моментално се даваат попусти какви што немало порано, а ви препорачувам и дополнително “ценкање“ со продажниот персонал. Сепак Ново си е ново.

Тојота повторно има проблеми со фабричка грешка

Јапонскиот производител на автомобили, Тојота или попозната како фабрика со најперфектниот производствен систем во светот, соопшти дека кај околу 270.000 продадени возила може да има има фабричка грешка во моторите. Портпарол на Тојота изјави дека компанијата ги разгледува мерките за справување со овој проблем. Тојота се труди да ја обнови својата репутација откако повлече над 8 милиона возила поради фабрички грешки.

Зачудува фактот што и покрај сите овие проблеми со Тојота, продажбата кај нив бележи нагорна линија. Иако е човечки да се греши, не секој е спремен да ја признае својата грешка. Тојота ја призна, но имаше и план за прифаќање на возилата за замена на проблематичните возила. Ова мислам дека ја зголеми довербата кај потрошувачите и ги наведе уште полесно да се одлучат за Тојота да биде нивното ново возило. Многумина кај нас ќе се сложат дека, постпродажниот процес – сервисот не е на високо ниво, а токму тоа е она што ќе ме натера по втор пат да купам кола од  истиот бренд.

post

Претприемништво – Инфографик на претприемач

Во изминатата една и пол година имам опфатено над 400 постови на претприемач кои едноставно се расфрлани на сите страни. Затоа се обидов во еден инфографик да внесам графичка презентација на информации опфатени во едно 20-тина написи.

Повеќето се од спроведени анкети на претприемач при што се добија квалитетни информации кои што едноставно сакам да ги поедноставам преку овој инфографик.

Инфографикот е поделен на 4 дела:

  • Бизнис идеја како основа за постоење на претприемништвото
  • Најголеми причини за пропаѓање на бизнисите
  • Карактеристики на еден успешен претприемач
  • Во какви услови стопанисуваат претприемачите во Република Македонија.

Претприемништво - Инфографик

Претприемништво - Инфографик

Овој инфографик за претприемништво можете да го симнете преку Претприемништво-Инфографик.

post

Портфолио приод за менаџирање на потрошувачи

Портфолио приод за менаџирање на потрошувачи претставува една навистина квалитетна алатка во процесот на менаџирање на Вашите потрошувачи и секако соодветна алокација на Вашите ресурси кон оние вистинските потрошувачи. Оваа тема е навистина доста широка и може да користи различни научни и практични аспекти за приодот кој еден бизнис или еден претприемач може да го изберете. Тука ќе презентираме еден портфолио модел кој сепак Вие самите ќе си одлучите како ќе го користите, но се надевам дека ќе ви даде идеја за примена во Вашиот сопствен бизнис.

Досега на претприемач опфативме неколку написи во однос на потрошувачите, нивната сегментација и користењето на бизнис ресурсите врз основа на тие информации од сегментацијата и вредноста на потрошувачите. Еден од тие постови беше и RFM формула за сегментација на потрошувачи.

Вредност на потрошувачите

Целта на овој приод како и на повеќето приоди кои се користат при сегментација на потрошувачите е да се определи вредноста на секој потрошувач и истите да се групираат соодветно на таа вредност.

Како и се друго останато во бизнисот така и потрошувачите имаат една една вредност. Еден финансер кога гледате во еден бизнис гледа низ актива и пасива. Тоа се елементи кои се изразуваат во парични единици. Но, во таа актива воопшто не се содржани потрошувачите кои сепак претставуваат еден имот за секој бизнис. Имот кој можеби претставува имот со најголема вредност за еден бизнис, бидејќи без потрошувачи нема ни бизнис, нема ни претприемач.

Секој имот во Вашиот бизнис има сегашна вредност, но има и некоја идна вредност (зголемена или намалена), па така и потрошувачите како еден имот може да имаат сегашна и идна (потенцијална) вредност. На пример, сегашна вредност може да биде:

  • Износ на месечен приход.
  • Износ на годишен приход.
  • Кумулативен приход до денес.
  • Месечен профит.
  • Кумулативен профит.
  • Годишен профит.
  • Кумулативен износ на продадени парчиња, килограми, тони…
  • …

Забележувате дека може да постојат различни начини преку кои еден бизнис може да ја пресмета сегашната вредност на еден купувач. За разлика од сегашната вредност, потенцијалната вредност може да бидат истите фактори само определени за еден иден период на време. На пример, сегашен кумулативен профит од овој потрошувач е збир на профит од сите продажби до денешен ден, додека потенцијалната вредност ќе биде збир на профит до денешен ден плус збир на профит во идната година.

Портфолио на вредноста на потрошувачите

Доколку овие вредности во вид на сегашна и идна (потенцијална) вредност на потрошувачите ги поставиме во еден квадрант ќе го добиеме портфолио на вредноста на потрошувачите како на сликата подолу.

Портфолио на вредноста на потрошувачите

Портфолио на вредноста на потрошувачите

Забележувате дека имаме 4 групи на потрошувачи:

  1. Потрошувачи кои имаaт слаба сегашна и слаба потенцијална вредност. Оваа група на потрошуваче се оние потрошувачи кои само еднаш купиле и веќе ги нема. Иако не можеме да кажеме дека еден бизнис нема корист од вакви потрошувачи сепак не треба да се трошат премногу ресурси заради раст на нивниот потенцијал. Најверојатно вие веќе сте потрошиле пари преку различни маркетинг кампањи за тие да дојдат да купат нешто или пак да нарачаат преку веб страната нешто, но тука завршува животниот циклус на еден потрошувач за Вашиот бизнис. Затоа едноставно заборавете ги.
  2. Потрошувачи кои имаaт слаба сегашна и висока потенцијална вредност. Ова се новостекнати потрошувачи. Бидејќи сеуште се нови имаат слаба сегашна вредност поради недостаток на историја со Вашиот бизнис. Но, затоа имаат висока потенцијална вредност и заради тоа Вашиот бизнис ќе мора да се насочи на зголемување на овие потрошувачи како и соодветно одржување во натамошниот процес од животниот циклус на еден потрошувач за Вашиот бизнис. Доколку на вистинскиот начин се менаџираат овие потрошувачи тие ќе станат дел од десниот горен квадрант.
  3. Потрошувачи кои имаaт висока сегашна и слаба потенцијална вредност. Ова се потрошувачи кои имаат одлична историја со Вашиот бизнис, но заради некоја причина потенцијалната вредност им е намалена. Затоа за ова група е потребно да се дизајнираат специјализирани програми за задржување на потрошувачите како би им ја зголемиле и потенцијалната вредност.
  4. Потрошувачи кои имаaт висока сегашна и висока потенцијална вредност. Ова се најважната движечка сила за секој бизнис. Овие потрошувачи го генерираат најголемиот приход за Вашиот бизнис и ќе продолжат да го генерираат. Потребно е да се задржат овие потрошувачи и да им се обрне соодветно внимание за да останат во оваа група.
post

Мултитаскинг – Паралелно на повеќе задачи

Мултитаскинг во претприемништвото

Мултитаскинг во претприемништвото

Мултитаскинг е една од најпосакуваните опции на секој корисник на iPhone која што со последната верзија на оперативен систем ќе биде овозможена. Сите бараме мултитаскинг опции бидејќи сметаме дека ќе завршиме повеќе работа. Па така може да ни се случи во исто време да разговараме на телефон и да проверуваме дали имаме добиено e-mail или пак што се случува на Twitter. Сигурно повеќето од вас сте се нашле во состојба на започнување на неколку проекти, задачи, работни активности истовремено барајќи ја Вашата во тој момент најпродуктивна стратегија за остварувања. Повеќе за ова можете да прочитате во работи на еден проект се до финиш.

На пример во овој момент додека го пишувам ова во неколку наврати проверувам е-mail, во неколку наврати ќе ми влетаат нови идеи, само што завршив разговор на мобилен и погледнав во вториот PC за втората e-mail адреса (ова го пишувам на лап топ).

Дали мултитаскингот е добра претприемничка особина?

Можеби изгледа како добра особина, бидејќи сметаме дека сме многу способни и изведуваме повеќе активности истовремено со помош на мултитаскингот. Но, што се случува со нашиот фокус и концентрација кон она што го работиме. Секако дека опаѓа.

Да земеме еден пример со едноставни две задачи: разговор на телефон и проверка на e-mail.

Навистина едноставни задачи гледано од физичка перспектива. Со едната рака го држам телефонот, а со другата глувчето со кое го притиснувам Send/Receive копчето. Но, што се случува од перспектива на нашиот ум? Се би било ОК доколку во тој момент не добиеме e-mail. Но, доколку добиеме e-mail, нашето внимание ќе биде привлечено и веднаш ќе започнеме да го читаме. Како започнуваме да читаме нашата концентрација и фокус кон обработка на информации примени преку сетилото за слух (од телефон) ќе се намалува. Доколку се фокусираме кон слушање на звукот од телефонот не можеме да го исчитаме примениот e-mail. Па затоа слободно може да го напишам следново:

Зголемен мултитаскинг = намален фокусот и концентрацијата кон поединечната задача на која работиме.

Квалитетот на една завршена задача зависи од тоа колку сме фокусирани и концентрирани за нејзино завршување. Тоа значи дека намален фокус и концентрација кон поединечната задача доведува до намалување на квалитетот на завршената задача. Доколку заменам во равенството погоре ќе го добијам следново:

Зголемен мултитаскинг = намален квалитетот на завршената задача.

Од ова мое кратко образложение може да се заклучи дека не може да се смета дека мултитаскингот претставува квалитетна претприемничка особина.

Кои се причините за мултитаскинг?

Мултитаскингот може да биде предизвикан од разни причини. Едни се поради тоа што ние сакаме да работиме така додека други се поради некои надворешни фактори кои влијаат на нас. Но, првин би тргнал од тоа да се проверите дали Вие сте мултитаскинг ориентиран индивидуалец. Одговорете на следниве прашања со Да или Не.

  • Кога сурфате на интернет имате отворено повеќе јазичиња одеднаш?
  • Кога работите нешто на компјутерот често кликнувате на Send/Receive копчето за e-mail?
  • Работите во работна околина во која што постојат лесни пореметувања на концентрацијата?
  • Кога разговарате со некој очи во очи често пати ви се случува мислата да ви отиде на други проблеми?
  • Кога разговарате со некој очи во очи често пати ви се случува да слушате други разговори и да се уфрлувате во истите?

Доколку на повеќето од прашањата одговорите со Да тогаш постои веројатност дека Вие го применувате принципот на мултитаскинг.

Како најважни причини за мултитаскинг би ги издвојил следниве:

  • Работа на здодевни проекти или задачи. Секогаш кога работите нешто и тоа ве прави да се чувствувате здодевно ќе барате нешто што ќе ви ја намали здодевноста.
  • Постојани пореметување на редовните текови за активности. Доколку имате околина на постојани пореметувања ќе се доведете во состојба на мултитаскинг. На пример доколку e-mail клиентот ви е вклучен постојано ќе ви се појавува знак дека сте примиле нов e-mal.
  • Мислење дека така сте поефикасни и поефективни. Ова е едно мислење кое се чини оправдано иако во повеќе случаи не е. За ова пишував во работи на еден проект се до финиш.

Како да го избегнете мултитаскингот?

За крај би дал некои препораки кои може да помогнат во намалување на овие навики и воедно зголемување на квалитетот на завршените задачи.

  • Подели го денот на важни и неважни активности. Неважните остави ги за крај и сите можни пореметувања кои може да се појават за неважни активности исклучи ги. На пример, проверка на e-mail е доволна еднаш дневно па затоа исклучи го e-mail клиентот се додека не дојде периодот за таа активност.
  • Подобри ја сопствената концентрација. Концентрирај се на една задача во одреден временски период.