post

Истражување на Пазар – Porter-ов Модел

Ова е продолжеток на темата за истражување на пазарот. Предходно пишував за методи за истражување на пазарот кои се однесуваат на прибирање на податоци.

Porter-ов модел на истражување на пазарот или пак анализа на индустријата, кој уште се нарекува и Porter-ова анализа на 5 сили претставува една моќна алатка за претприемачите. Овој модел се однесува на анализа на 5-те сили кои што влијаат на конкурентноста на еден бизнис на еден пазар или пак индустрија во која опстојува тој бизнис.

Овој модел е развиен од страна на Michael E. Porter во 1979 година. Суштината на самиот модел се 5 сили кои влијаат на конкурентноста на еден бизнис прикажани како на сликата:

Porter-ов Модел за анализа на индустријата

1. Конкурентност

Оваа сила се однесува на конкурентите кои веќе се наоѓаат на пазарот. Вашата задача како претприемч ќе биде да го определите нивниот број и способноста. На пример, доколку Вашиот бизнис на пазарот на кој се наоѓа има повеќе конкуренти кои нудат слични производи и/или услуги со слични карактеристики и корисност за потрошувачите тогаш Вашата конкурентска моќ ќе биде мала. Од друга страна доколку никој друг не го прави она што Вие го правите на пазарот ќе имате огромна пазарна моќ.

2. Закана од влез на нови компании

Пазарната моќ се отсликува и врз основа на втората сила од овој модел а тоа е влез на нови компании. Прашањето е колку е лесно да се влезе на овој пазар. Доколку влезот на пазарот е едноставен при што нововлезените бргу можат да ги научат правилата на играта, Вашиот бизнис може бргу да ја изгуби предноста како еден „староседелец“ на пазарот.

3. Закана од субститути

Субститути се производи кои не се исти како производите на Вашиот бизнис, но можат да се користат како замена на Вашите производи. Оваа сила доаѓа од способноста на потрошувачите за разлика од претходните две кои се однесуваа на конкуренцијата. Кога велам способност мислам на способноста Вашите потрошувачи лесно да го заменат користење на Вашиот производ со некој субститут. Доколку субституцијата на Вашиот бизнис модел може да постои и е едноставна да се направи, тогаш оваа сила ја намалува Вашата моќ на пазарот.

4. Моќта на купувачите

Ова е реална сила која може да постои во секој пазар. Оваа сила се базира на бројот на купувачи врз кои се потпира Вашиот бизнис, нивната важност за бизнисот, леснотија да го променат Вашиот бизнис со конкурентскиот… Доколку вашиот бизнис е премногу базиран само на неколку купувачи тогаш тие по одредено време ќе сватат дека ќе имаат моќ врз вас како претприемач и врз вашиот бизнис. Инаку оваа сила бара одговор на прашањето колку едноставно купувачите можат да влијаат на намалување на вашите цени.

5. Моќта на снабдувачите

Како пета сила која влијае на позицијата на вашиот бизнис на пазарот согласно овој модел е моќта на снабдувачите. Повеќето претприемачи не се ни свесни колку снабдувачите можат да влијаат на еден просечен бизнис. На пример, снабдувачите имаат моќ да ја диктираат цената на Вашиот производ или услуга бидејќи нивните производи или услуги се вградуваат во вашите. Но, прашањето е колкаво влијание можат да имаат? Оваа сила е под влијание на бројот на снабдувачи, трошоци за да ги замените постоечките снабдувачи, уникатноста на нивните производи или услуги…

Од овие 5 сили кои влијаат на конкурентноста на еден бизнис можеме да забележиме дека на некој начин се опфатени и во оние прашања кои ги дизајнирав за анализа на индустријата. Можете едноставно да ги следите прашањата и да ги одговарате при што ќе добиете една квалитетна слика за тоа што ќе треба да преземете.

Инаку целта со овој модел е да се намали негативното влијание на овие сили. На пример, да воспоставиме доволно силни бариери за да биде тешко некоја нова компанија да влезе на пазарот. Целта по една ваква анализа мора да бидат конкретни чекори кои Вие како претприемач ќе треба да ги превземете за да си ги зајакнете позициите на пазарот.

post

Како за неколку минути на прво место на Google?

Целта на веб презентација на бизнисите е да бидат најдени на овој огромен виртуелен простор. Прво, помеѓу се друго останато е да бидат најдени на Google, најмоќниот пребарувач. Инаку зошто на еден претприемач би му била потребна бизнис веб страна.

Веќе пишував за тоа дали веб страната е обична брошура и дополнувањето на тој напис во вид на заборавено поглавје. Во овие написи преку еден пример и преку некои мои размислувања ја претставив разликата помеѓу обична брошура и квалитетна веб страна која привлекува посетители кои ги трансформира во купувачи.

Целта на веб страните е да овозможат еден сосема нов приод во маркетингот, приод кој не е ист со оној маркетинг од ХХ-иот век туку сосема поразличен, а тоа е влезен маркетинг.

Овој напис претставува една моја презентација која произлезе како резултат на едно мое истражување и анализа како за насловот на една страна да излезам прв на Google и тоа на англиски јазик каде конкуренцијата е доста поголема. Оваа истражување во форма на пробување, грешење и забележување траеше неколку месеци. Веб страната на која работев беше Entrepreneurship In a Box, англиска верзија на претприемач која се повеќе ми служи за анализи и пробување на нови работи.

Тука нема да ги забележувам сите оние работи кои веќе ги имам инсталирано за да се известува Google за новата содржина туку едноствано за она што направив за веднаш по кликнување на копчето Publish за фразата која ја таргетирав да се најдам на прво место.

Резултатот од мојата работа

Забележувате дека по 32 минути проверив за насловот и излегов прв од 192.000.000,00 страни. Но, ова постигнување бараше дополнителна работа на самиот напис уште еден час.

Каква врска има ова со претприемачите?

Ќе покажам еден пример. Зборот челични цевки месечно се пребарува 3810 пати. Додека зборот цени на челични цевки се пребарува 990 пати. Дали некоја наша компанија може да излезе во пресрет на бизнисите или луѓето кои го бараат овие зборови. Имаме две компании кои произведуваат челични цевки во Република Македонија, но и двете не се наоѓаат меѓу први кога ќе барате на Google тие фрази на англиски (не сакам да споредувам во однос на македонски јазик бидејќи ние сме мала земја и сметам дека целта е да излегуваме надвор од Македонија преку извоз на нашите производи и услуги).

Од друга страна двете фрази од примерот имаат различно значење, едната е општа, додека втората е специфична и има поголема веројатност дека некој кој ја бара има за цел да купи.

Мислам дека со мала математика ќе можете да го сфатите значењето за претприемачите да нивната веб страна котира повисоко на Google.

Што е тоа што го направив?

Во кратки црти ќе се обидам да направам рекапитулар на онаа што претходеше на овој резултат:

  • Таргетирав специфична фраза. Свесен сум дека доколку одев со фразата business idea нема да постигнам ништо бидејќи е многу поконкурентен. Затоа таргетирав фраза која е специфична и која помалку се бара, а сепак на еден подолг рок може да даде одредени резултати. Во едни вакви ситуации подобро е да имме повеќе страни со различни специфични фрази преку кои на еден подолг рок ќе таргетираме повеќе посетители.
  • Наслов. Фразата која ја таргетирав ја ставив на почетокот на насловот (Title).
  • Комбинација на примарни и секундарни зборови. Доста време потрошив на оваа комбинација, бидејќи примарните зборови требаше да ги усогласам со содржината на текстот.
  • Опис (Description). Не знаев дека големо влијание има и оваа поле кое всушност претставува meta description. Она што го забележав е дека не треба да биде многу долг описот и секако зборот кој го сметам како примарен да биде на почетокот.
  • Hyperlinks. Ова е едно од клучните елементи на ова мое истражување. По повеќе обиди забележав дека треба да има повеќе линкови во самиот текст, но доколку претерав добивав контра ефект. Така да како оптимално мојата математика покажа дека е препорачливо да се има еден hyperlink на 120-150 збора во текстот.
  • Густина на зборовите. На ова најмногу се намачив. Бидејќи текстот беше превод на Имате бизнис идеја – Што понатаму? од претприемач, а примарните зборови се повторуваа премногу па затоа морав на англиски да ги склопам речениците така да не изгубат смисол, а да ги отстранам премногуте повторувања кои се над 2-3% од вкупниот број на зборови.

Забележувате дека ова бара дополнителна работа, а всушност претставува само еден мал дел од целиот процес. На пример, јас веќе имав готов текст, напишан на англиски. Значи содржина е нешто примарно за да Вашиот бизнис успее во влезниот маркетинг.

Ова е само 1% од се она што треба да се прави за да се постигне успех. Но, полека ќе ги склопуваме коцките на претприемач и во оваа поле, а особено кога набргу ќе следуваaт 50-те маркетинг средства кои ќе се однесуваат на онлајн или интернет маркетинг.

post

Факс – Маркетинг Средство 48

Не е важно како јас сакам или пак сметам, туку важно е дека факсот сеуште е едно од главните средства за комуникација помеѓу бизнисите. Не сакав и факсот да биде дел од овие маркетинг средства но едноставно гледајќи ја реалноста околу мене сметaм дека не смееме да го изоставиме.

Факс Како Маркетинг средство

Реална случка

Ќе ви презентирам една реална случка.

Пред три години кога започнував еден бизнис започнав со контактирање на можни снабдувачи и едноставно целта ми беше да направам база на податоци со тие снабдувачи во однос на тоа со кои производи можат да ме снабдуваат и секако контакт. За контактот инсистирав да ми дадат e-mail бидејќи сакав да ги скратам трошоците за контакт преку телефон. Но, што се случи? Скоро 90% од сите што ги контактирав преку телефон ми кажаа дека можам преку факс да ги правам нарачките. Тоа за тој почеток беше непотребен трошок.

И добро некако истуркав со некои преку телефон, со некои преку е-mail и секако се појави Facebook па и тој можеше да се користи за едноставна комуникација со снабдувачите. Во тој бизнис веќе не сум премногу ангажиран бидејќи целта ми беше да ги поставам темелите и да започнм со нешто друго.

Пред 6-7 месеци повторно исто со друг бизнис. За добивање на барање за понуда требаше факс. За праќање на понуда повторно требаше факс. Веќе мораше да се набави факс за да може да се функционира онака како функционираат другите.

Мислам дека пишував за тоа кога ми сејавија од една компанија која се занимава со веб дизајнирање и бараа да им дадам факс за да ми испратат понуда. Тогаш си кажав Господе, овие се занимаваат со дизајнирање на веб страни а комуницираат преку факс. Но, тоа е нашата реалност иако сметам дека работите малку се придвижија нанапред бидејќи пред 3-4 години кога ќе побарав mail за комуникација луѓето со страв ме гледаа.

Понекогаш работите не можеме да ги измениме онака како што сакаме, туку ќе мора да се прилагодиме, па затоа и факсот е неизоставен дел за комуникација особено за B2B бизнисите и особено за овој нашиов регион.

Препораки за користење на факс како маркетинг средство

За факс како маркетинг средство немам што многу да презентирам, туку едноставно ако веќе имаме и ако веќе знаеме дека нашите потенцијални клиенти го имаат и користат и ние ќе треба да го користиме.

Еве некои препораки:

  • Имај лого на секој документ кој ќе го праќаш по факс. Истакнувај го брендот преко логото на документите кои ќе ги испраќаш. Едноставно во MS Word направи темплејт кој ќе го користиш. Повеќе за тоа зошто Вашиот бизнис има потреба од добро лого прочитајте во 6 причини зошто Вашиот бизнис има потреба од добро лого.
  • Користи име и слоган веднаш до логото. Името и слоганот заедно со логото претставува идентитет на Вашиот бизнис и на Вашиот бренд. Колко почесто луѓето го гледаат толку попрепознатливи ќе бидете.
  • Адреса и контакт детали. Секој документ нека има адреса и контакт детали кога некој ќе сака да ве контактира.
  • Повик за акција (Call to Action). Со овој елемент Вашиот факс документ од еден пасивен документ станува вистинско проактивно маркетинг средство. Едноставно кажете им на луѓето што сакате тие да направат за Вас. На пример, нарачајте во следниве 24 часа за да добиете тоа и тоа.
  • Бележете ги активностите за користење на факсот како маркетинг средство. За ова може да ви помогне темплејтот база на податоци со потенцијални и тековни потрошувачи како еден од 10-те бизнис темплејти на претприемач.
  • Подобрувајте. И секако на крај постојано подобрувајте ги активностите. Следете што дава најголеми резултати за која група на потрошувачи. Правете различни обиди, елиминирајте ги грешките, она што е успешно користетет го и понатаму.
post

Што Можеме Да Научиме од Amazon за Бизнис?

Продажбата едноставно претставува уметност и наука во исто време. Наука заради примена на научни методи и техники во системот на продажбата во која доминација има психологијата. Уметност бидејќи претставува креација на претприемачот со што креативноста е таа што ги прави успешните бизниси да се разликуваат од просечните.

Amazon e најголемиот продавач на интернетот. Иако, основното функционирање на оваа компанија е базирана на интернетот не значи дека принципите, методите и техниките, како и креативноста што ја имплементира во секојдневното функционирање нема врска со офлајн бизнисите.

Тие не измислиле ништо ново, едноставно направиле добра комбинација на продажните техники кои се користат кај успешните офлајн бизниси во градење на нивната онлајн империја.

Ајде да видиме како продавачот – робот на Amazon ја води продажбата. Во оваа презентација нема да одам по важност туку едноставно од врвот на веб страната, односно еден производ – книга која ќе ја користам за оваа презентација.

1. Препораки за мене

На сликата забележувате порака за добредојде и веднаш информација дека имаат препораки за мене. Amazon води евиденција, односно знае што претходно сум купувал и врз основа на одреден алгоритам прави препорака за тоа што тие сметаат дека јас ќе сакам да купам.

Познавање на Вашите потрошувачи е клучно за дизајнирање на Вашиот бизнис затоа и како посебно маркетинг средство го издвоивме познавањето на потрошувачите.

2. Запознавање со производот

Иако ова е електоронски продавач сепак особено внимание се обрнува на запознавање на потенцијалниот купувач со производот. Така да можете да ја видите содржината и одредени делови од некои поглавја кои имаат за цел да донесете одлука за купување. Во овој случај ова е книгата за која напишав мој преглед на претприемач.

3. Обид за Upsale

Доколку сеуште се мислам и одам подолу низ страната продавачот се обидува да направи Uppsale со тоа што ми препорачува уште една книга, кои доколку ги купам ќе добијам 5% попуст. Во бизнис поимникот ја опфативме оваа продажна техника:

Продажна техника каде продавачот му нуди на купувачот дополнителни производи како би извршил поголема продажба од тој еден купувач, а со тоа поголем приход и нормално поголем профит. Оваа техника се користи за да се извлече максимумот од секоја продажба.

Овој попуст не е којзнае колку голем (во случајов изнесува 1$), но од друга страна привлекува квалитетно внимание во вид на препорака и поволност. 5% звучи многу подобро и ќе привлече поголемо внимание отколку 1$ (45 денари во моментов).

4. Презентација и на други „поврзани“ производи

Понатаму продавачот – робот ми презентира други книги, но тоа се книги кои на некој начин се оврзани со мојот интерес, односно книги кои другите купувачи ги купиле, а ја имаат купено и оваа книга која во моментов јас како потенцијален купувач ја разгледувам. Доколку гледам книга поврзана со бизнис тематиката нема да ми понуди презентација на книги кои се однеуваат на рецепти за готвење.

Во овој момент, продавачот се обидува да ја зголеми продажбата или во краен случај да имам во предвид за идно купување на некои од овие други производи.

5. Дополнително запознавање со производот

И повторно продавачот сака да ме доближи до содржината на производот преку неколку збора од страна на издавачот. Но, она што е важно е содржината на овој преглед. Погледнете ги само подвлечените со црвено зборови. Тие не се карактеристики на производот туку едноставно корисности кои јас како кпотенцијален купувач ќе ги добијам доколку го купам овој производ.

6. Споредба со други потрошувачи

Секој сака да биде со мнозинството. Па, така и со овој обид продавачот сака да ми покаже дека 64% од другите потрошувачи веднаш ја купиле оваа книга. Од друга страна со листата подолу едноставно се обидува да направи Upsale и за останати популарни книги кои биле купени од потрошувачи кои го купиле производот кој во моментов се гледа.

7. Прегледи од страна на оние кои веќе го купиле производот

Преглед од страна на самите потрошувачи претставува доста моќно маркетинг средство. Доколку од сето она погоре сеуште се двоумам, продавачот едноставно ми дава шанса да прочитам што велат купувачите на тој производ како би ме поттикнале да донесам вистинска одлука за купување.

Оваа едноставно претставува препорака од страна на купувачите која бизнисот ја користи за да оствари или зголеми продажба.

Мислам дека е доволно за да се препознае логиката на еден продавач – робот.

Забележувате дека ништо не е ново во овој начин на продажба. На пример, McDonald’s постојано нуди комбинација на производи, продавачот постојано се обидува да направи Upsale, постојано имаат некои препораки…

Но, дали продавачите кај нас функционираат на ваков начин?

post

RFM Формула за Сегментација на Потрошувачи

Во претходниот напис од оваа тема за сегментација на потрошувачи Демографија VS Активности на Потрошувачите во еден коментар одговорив дека ќе следува продолжение на тој напис. Ова продолжение се однесува на RFM формула. Формула која ги разликува успешните од просечните и успешните од неуспешните претприемачи.

Успехот на еден претприемач, како и успехот на еден бизнис се мери во тоа колку профит ќе обезбеди тој бизнис. Профитот доаѓа од продажбата, а продажбата зависи од одлуките на потрошувачите. А, врз основа на тоа какво е однесувањето на тие потрошувачи ќе биде и однесувањето на нашите маркетинг и продажни активности. Затоа и RFM формулата претставува основа на сегментација на листа со потрошувачи.

RFM формула се користи за соодветно извршување на сегментација на листата како би се остварил максимален профит.

Сегментација со помош на RFM формула Што е RFM Формула?

Прашањето на кое одговара RFM формулата е: Доколку имаме можност да ги избираме нашите потрошувачи кого би избрале?

Дали би избрале некој кој никогаш не купувал нешто што ние го продаваме или би ги избрале оние кои често купуваат таков тип на производ или услуга? На успешните претприемачи одговорот би бил втората група од прашањето – оние кои често купуваат таков тип на производ или услуга.

Значи првото нешто што го посакуваме е дека посакуваме купувачи кои купуваат често.

Второ прашање: Дали би избрале некој кој купува само еден производ или услуга или оној кој купува повеќе производи или услуги кои се слични и кои ние ги нудиме? На успешните претприемачи одговорот би бил втората група од прашањето – оние кои купуваат повеќе од таков тип на производи или услуги.

Значи сакаме купувачи кои купуваат често и тоа повеќе производи и/или услуги.

Трето прашање: Дали би избрале купувачи кои трошат малку пари или би избрале купувачи кои трошат многу пари? На успешните претприемачи одговорот би бил втората група од прашањето – оние кои трошат повеќе пари.

Значи сакаме купувачи кои купуваат често и тоа повеќе производи и/или услуги и кои трошат повеќе пари.

RFM формула претставува акроним од почетните букви на:

  • Recency – Временска рамка на нарачки од страна на потрошувачите?
  • Frequency – Колку нарачки направиле потрошувачите?
  • Monetary Value – Колкава е паричната вредност на нивните нарачки?

RFM формулата претставува метод на анализа на претходното однесување на потрошувачите којаима за цел да го предвиди идното однесување како и да го подобри однесување на оние „послаби“ сегменти.

Процес на сегментација со RFM формула

За да можете да ја користите оваа моќна алатка за квалитетна сегментација на Вашата листа ќе мора да имате листа на потрошувачи во која ќе биде наведено и соодветното однесување на потрошувачите:

  • Датум на нарачка (купување)
  • Парична вредност на секоја нарачка.

Ова се доволни податоци за да може да се искористи оваа алатка. Всушност оваа листа ќе биде продолжеток на базата на податоци со потенцијални потрошувачи кој како темплејт ја има во 10 бизнис темплејти на претприемач. Во наредниот период ќе се обидам да ги надополнам овие темплејти со уште неколку меѓу кои и една ваква листа.

Кога ќе бидете сигурни дека веќе имате доволно податоци можете да започнете со самиот процес:

  • Анализа на податоци која за секој потрошувач ќе ја покаже временската рамка на нарачки, број на нарачки во еден временски период (на пример 3 месеци) и просечната парична вредност на една нарачка.
  • Избор на групи на сегменти. Откако ќе ги имате податоците од анализата ќе можете да ги определите групите на сегментите на потрошувачи. На пример, најважни, средно важни и најслабо важни потрошувачи. Ова е само еден пример, вие можете да ги определите групите и како неактивни, активни или хиперактивни потрошувачи.
  • Распределба на потрошувачи во соодветната група. Секој потрошувач врз база на анализата ставете го во соодветна група (сегмент) кој го определивте во претходниот чекор.
  • Определување на конкретни чекори. И на крај секако најважното – да ги определите конкретните чекори за секој сегмент.

Целта е најважните сегменти да ги задржиме, додека со определени наши чекори од неактивните или најслабите сегменти да започнеме полека да ги префрлуваме потрошувачите во оние подобрите сегменти.

post

Систем за Препорака – Маркетинг Средство 47

Како 47-мо маркетинг средство на претприемач го избрав системот за препораки.

Минатата недела имавте можност да прочитате за тоа Како до најмоќното маркетинг средство кое се однесуваше на пренесување на порака од уста на уста од страна на потенцијални и тековни потрошувачи. Во тој напис како 4-ти начин на постигнување на овој ефект го наведов кампањи за препораки од потрошувачи каде предложив воведување на еден систематски приод во дизајнирање на овие кампањи.

Тука ќе се обидам да дадам некои чекори за тоа како да спроведете еден таков систематизиран приод, односно да изградите квалитетен систем на препораки.

Видови на системи за препораки

Како основно за целта на овој напис системите на препораки ќе ги поделам во три вида:

  • Препораки поттикнати од претприемачот. Овој систем го дизајнира самиот претприемач и секако го поттикнува неговото распространување.
  • Препораки поттикнати од потрошувачи. Овие препораки се дизајнирани од самите потрошувачи, оние кои го користат или користеле Вашиот производ или услуга. Во еден ваков систем претприемачот може, но и не мора да има некакво влијание.
  • Препораки поттикнати од потенцијални потрошувачи. Овие пораки се дизајнирани од страна на потенцијалните потрошувачи кои на некој начин дошле до информација за Вашиот производ или услуга, но сеуште не го купиле. Претприемачот нема големо влијание во креирање на овие системи.

Од друга страна овие препораки можеме да ги поделиме и како:

  • Спонтани. Ова се препораки кои едноставно се случуваат и ние немаме некое влијание врз истите. Ако може да се каже дека немаме влијание, бидејќи на некој начин ние сме ги поттикнале тие наши потрошувачи да не препорачуваат (квалитетен производ или услуга, дополнителна услуга, добра услуженост…)
  • Планирани. Ова се препораки кои во целост се испланирани од наша страна како претприемачи и секако поттикнати.

Системите за препорака може да бидат и:

  • Онлајн препораки со користење на интернетот како главно средство и
  • Офлајн препораки.

Чекори за воведување на систем за препораки

Во наредниов дел од овој напис сакам да предложам неколку чекори кои ќе треба да ги спроведете за да изградите квалитетен систем за препораки во Вашиот бизнис.

  1. Определи ја целта на овој систем. Што сакаме да постигнеме со нашиот систем за препораки? Кои луѓе сакаме да бидат дел од овој систем? Која е целта на пораката која сакаме да се користи во препораките? Одговорете на овие прашања за прецизно да ја дефинирате целта на системот.
  2. Исполни ги сите предуслови за воведување на системот. За да биде успешно ова маркетинг средство ќе мора да ги исполните сите предуслови за тоа да функционира. Не можете да очекувате дека некој ќе ве препорачува доколку не ја покажете супериорната вредност на Вашиот бизнис. Ова е можеби и најважниот чекор.
  3. Избери ги видовите на препораки кои ќе ги користиш. Најдобро е да имаш комбинација од повеќе видови на препораки како што наведов во поднасловот погоре. На пример, и Вие да ги поттикнувате, но и да изградите околина за поттикнување од страна на самите потрошувачи и потенцијални потрошувачи. Не се базирајте само на офлајн или само на онлајн, обезбедете можности и за двата вида на препораки.
  4. Дизајнирај го системот. Откако ќе имате листа со се што ќе користите како систем за препорака можете да преминете на самото дизајнирање на системот. Ова ќе значи прецизирање на сите детали на функционирањето на самиот систем како и одговорностите на оние кои ќе го спроведуваат во пракса.
  5. Активирај го системот. Ова е едноставно Start копчето за отпочнување со функционирањето на системот кој штотуку го дизајниравте.
  6. Мери и подобрувај. Ниште не е перфектно и се може да се подобри. Па затоа откако ќе го стартувате системо следете да видите што се случува с него. Ако нешто не е во ред слободно менувајте и подобрувајте.

Кога станува збор за систем за препораки најважно е да им овозможите на оние кои ве препорачуваат да го сторат тоа на едноставен и брз начин. Никој не сака да губи време да размислува како да ве препорача. Доколку користите препораки во e-mail маркетинг нека биде подготвена пораката во е-mailot со кој ќе ве препорачуваат. Не оставајте некој сам да ја составува таа порака. На таков начин во голем дел ќе се зголеми бројот на препораките.

post

Како До Најмоќното Маркетинг Средство?

Најмоќното маркетинг средство за еден претприемач претставува ширење на пораката од уста на уста помеѓу луѓето – сегашните и потенцијалните потрошувачи. Кога еден бизнис ќе успее во една ваква намера, веројатноста за успехот на бизнисот е огромна.

Маркетинг - збор од уста на уста

Вакво маркетинг средство претставува врвно достигнување за сите бизниси, а од друга страна доколку навистина се успее тоа е бесплатно.

Само неколку карактеристики на збор од уста на уста ќе издвојам:

  • Бесплатно. Не плаќате ништо, бидејќи за вас работата ја изведуваат сегашните ваши потрошувачи и секако потенцијалните потрошувачи.
  • Продуктивно. Довербата на примателите на една таква порака е многу поголема отколку кај било кое друго маркетинг средство. Дали повеќе ќе верувате на некој Ваш пријател кога ви кажува дека нешто е добро или пак на бизнисот чиј флаер или леток го држите во рака.
  • Тешко се постигнува. Да, оваа маркетинг средство најтешко се постигнува бидејќи претприемачот има многу слабо влијание на на пренесување на пораката. На пример, за телевизија претприемачот сам бира која телевизија ќе ја користи, колку пати ќе се прикажува пораката и кога ќе се прикажува пораката. Додека кај пренесување на пораката од уста на уста претприемачот може да влијае само на поттикнување на пораката.

На претриемач во оваа проблематика навлегов малку преку насловите за вирозен (viral) маркетинг:

Во продолжение ќе претставам неколку начини како можете да го постигнете овој моќен ефект.

1. Кревај врева!

Обидувај се секогаш да има некаква врева околу твојот бизнис, но не било каква туку позитивна врева. Колку поголема позитивна врева постои околу Вашиот бизнис толку поголема ќе биде веројатноста од распространување на глас за Вас и Вашиот бизнис. Направивте нешто добро, нека се зборува за тоа добро. Воведовте нешто ново, нека се зборува за тоа ново.

2. Наградувајте ги најдобрите потрошувачи

Најдобрите и најпостојаните потрошувачи имаат голем потенцијал да бидат најголеми промотери на Вашиот бизнис. Потребно е само да го поттикнете искористувањето на тој потенцијал. Тие веќе имаат искуство со Вашиот бизнис и знаат кои се Вашите производи или услуги и кои се нивните карактеристики. Едноставно наградете ги за да се почувствуваат привилегирано. Секој сака да се пофали за нешто, па така очекувајте дека за тоа што сте ги наградиле сите нивни познаници, роднини и пријатели ќе дознаат. Од друга страна со наградување ќе поттикнете реципроцитет како еден од 6-те принципи на влијание.

3. Користете анкети и прашалници

Во човековата природа е да сакаат да бидат прашани за мислење. Од друга страна направете ги анкетите вирозни така да бидат препраќани и доставувани од еден на друг. истите едноставно претставуваат солидна основа за отворање на тема за разговор.

4. Кампањи за препораки од потрошувачи

И секако како четврти начин иако не и последен бидејќи сепак ова зависи од Вашата креативност, препорачувам еден систематизиран приод во подготвување на кампањи за препораки од потрошувачи. Велам систематизиран приод бидејќи ќе треба да воспоставите систем за спроведување на вакви кампањи во кој прецизно ќе бидат дефинирани правила и процедури за поттикнување на потрошувачи. На пример можете да понудите дополнителни бенефиции за сите кои ќе го препорачаат Вашиот бизнис на одреден број на потенцијални купувачи. Може да воведете систем на бодување и секој да користи бенефиција согласно постигнатото.

И како за крај една препорака:

Не ограничувајте се само на овие начини и препораки, бидете креативни кога станува збор за постигнување на една ваква цел. Овие начини нека ви служат само како идеи.

post

Презентација – Маркетинг средство 46

Кога станува збор за маркетинг средства за малите бизниси и претприемачите не може а да не се каже нешто за презентација. Презентацијата можеби претставува и една од најважните маркетинг средства, особено заради тоа што по квалитетна презентација потенцијалниот потрошувач ќе донесе или пак нема да донесе одлука за купување.

Презентацијата е во директен контакт со Вашите сегашни или пак потенцијални потрошувачи. Таа мора да биде изведена на вистинскиот начин за да даде добри резултати и тоа резултати во продажбата, што секако е и целта на еден претприемач.

Презентација како маркетинг средство

Презентација како маркетинг средство

Што претставува презентација?

Презентација како што кажува и самото име едноставно претставува прикажување на нешто на некој. Но, да видиме како во Wkipedia е дефинирана презентацијата:

Презентација претставува практика на покажување и објаснување на содржината на одредена тема за одредена аудиенција или ученици.

Во дефиницијата погоре ги болдирав поважните зборови во дефиницијата:

  • Покажување и објаснување
  • Одредена тема – Ваш производ или услуга
  • Аудиенција – Потенцијлни и сегашни купувачи

Од ова, кога стнува збор за маркетинг средства можеме да заклучиме дека:

Презентација како маркетинг средство претставува покажување и објаснување на производот или услугата која еден бизнис ги нуди на потенцијалните купувачи за да станат вистински купувачи и на сегашните купувачи за да се задржат или пак за да се зголеми продажбата.

Од оваа дефинирање на презентацијата како маркетинг средство можеме да забележиме две примарни цели:

  • Привлекување на нови купувачи
  • Задржување на постоечки купувачи
  • Зголемување на продажба на постоечки купувачи

Навистина ова се целите кои секој претприемач ќе сака да ги оствари.

Видови на презентација?

Врз основа на тоа што сакате да постигнете со презентацијата презентацијата може да биде:

1. Информативна презентација

Информативна презентција се користи кога сакаме да пренесеме некоја информација за некој настан кој што ќе следи или едноствно да ги информираме слушателите за нашите производи или пак услуги. Оваа презентација не е долга, туку едноставно доста концизна и поткрепена со факти при што се покажуват полезностите од користење на производот или услугата.

2. Убедувачка презентација

Овој тип на презентација се користи кога Вие се обидувате да го убедите слушателот да ја прифати Вашата понуда. Едноставно презентирајте го неговиот проблем и дека Вие сте тие кои најдобро можете да го решите тој проблем. Оваа презентација бара доста докази за Вашите претходни и тековни искуства со клиенти кои имаат сличен проблем.

3. Презентација за поттикнување на донесување на одлуки

Со оваа презентација Вие на крајот предлагате одредени акции за кои сакате слушателот да донесе одлука да ги превземе токму тие акции. Бидете концентрирани во однос на сето она што ќе гопоттикне лушателот да ја донесе вистинската одлука за Вас.

4. Поттикнувачка презентација

Целта на оваа презентација е да ги поттикнете уѓето за размислуваат за одреден проблем и можни решенија на тој проблем кои Вие ги нудите. Вообичаено една ваква презентација се користи за луѓе кои во моментот на презентација не се свесни дека имаат таков проблем. Со ваква презентација Вие ќе ги освестите за постоење на проблемот и ќе ги понудите Вашите решенија.

5. Инструкциска презентација

Инструкциска презентција се користи кога ги презентирате инструкциите за користење на решението на проблемот (вашиот производ или услуга). Целта со ова презентација е аудиенцијата да се увери во функционирањето на истата.

Врз основа на начинот на изведување на преентацијата истата може да биде:

1. Формална

Формална презентација претставува секоја презентација која е закажана и која треба да се изведе на одредено место во одредено време. Едноставно Вие закажувате да презнетирате на одредено место во одредено време на потенцијален купувач одредена презентација која претходно ја имате подготвено.

2. Неформална

Неформална презентација е презентација која воопшто претходно не се подготвува ниту пак се закажува, туку едноставно се случува.

Процес на креирање на презентација како маркетинг средство?

Како и секое друго маркетинг средство и оваа ќе бара претходна подготовка за да биде зголемен веројатноста за успехот. Како еден процес кој би можел да го предложам при користење и спроведување на презентацијата како маркетинг средство би бил:

  • Определување на целта на презентацијата
  • Избор на соодветен вид на презентација согласно поставената цел
  • Подготовка на презентацијата
  • Спроведување на презентацијата
  • Подготовка на неколку енформални преентации за различни можни случаи.
post

Демографија VS Активности на потрошувачите

Малку за анализа на потрошувачите.

Суштината на успех на еден бизнис е познавање на сопствените потрошувачи како и познавање на потрошувчи кои сеуште не се станати потрошувачи за бизнисот. Затоа и се развиваaт CRM (Customers Relationship Management) системи. Доволно познавање на потрошувачите му овозможува на еден претприемач да ги избере соодветните маркетинг и продажни стратегии за тој потрошувач.

Демографија наспроти активности на потрошувачи

Како што се прави сегментација на пазарот врз основа на одредени пазарни карактеристики треба да се направи и сегментација на потрошувачи, при што ќе идентификуваме неколку сегменти (групи) на потрошувачи.

Секој од потрошувачите во истата група има исти или слични карактеристики, додека еден потрошувач од една група и друг потрошувач од друга група имаат различни карактеристики.

Потрошувачи кои треба да се познаваат

Кога станува збор за потрошувачи, еден претприемач и еден бизнис треба да препознае 3 вида на потрошувачи:

  • Оние кои купуваат често. Ова се потрошувачи кои минимум еднаш во еден до шест месеци купуваат од Вашиот бизнис.
  • Оние кои купувале, но не се знае дали повторно ќе купат. Ова се нови потрошувачи кои купиле еднаш, но ги нема повеќе од 6 месеци да го повторат купувањето.
  • Оние кои воопшто не почнале да купуваат – потенцијални. Ова се потрошувачи кои сеуште не дошле да купат нешто од Вашиот бизнис.

Оваа класификација како што можете да забележите претставува класификација врз основа на одредена активност (однесување) на потрошувачот во одреден временски период. Тоа однесување е врз основа на тоа колку пати купувале нешто во одреден временски период.

Понатаму класификацијата може да се направи и врз основа на тоа за кој износ на пари е купувањето од оние кои што веќе купувале. Дали купуваат скапи или ефтини производи?

Демографски карактеристики на потрошувачи

Кога станува збор за демографија на потрошувачите можеме да ги класифицираме на различни начини.

Согласно полот потрошувачите може да бидат:

  • Жени и
  • Мажи.

Доколку се работи за B2B ќе имаме:

  • Мали бизниси
  • Средни бизниси и
  • Големи бизниси.

Согласно возраста можете да ги класифицирате на пример:

  • До 15 години
  • Од 15 до 20 години
  • Од 20 до 30 години
  • Од 30 до 40 години
  • Од 40 до 50 години
  • Над 50 години

Понатаму може да се класифицираат и согласно регионот во кој живеат или пак градовите во кои што живеат.

Како што можете да забележите било што што на некој начин ги опишува демографските карактеристики на потрошувачот може да се искористи во сегментација или класификација на истите.

Демографски карактеристики VS Активности

Демографските карактеристики се важни за добро познавање на Вашите потрошувачи, но на еден претприемач ништо не му кажуваат.

На пример, што ќе ви значи следниов исказ:

70% потрошувачи се мажи, со старост од 30 до 40 години, со приход од 40.000,00 до 50.000,00 денари месечно. 30% се мажи од 20 до 30 години, со приход од 20.000,00 до 30.000,00 денари месечно.

За мене нема никакво значење освен дека најголемиот сегмент на кој бизнисот успева е оној првиот.

Доколку во горниот пример додадам и однесување на таа група на потрошувачи ќе биде нешто сосема друго. да го видиме новиот исказ:

70% потрошувачи се мажи, со старост од 30 до 40 години, со приход од 40.000,00 до 50.000,00 денари месечно кои купуваат минимум еднаш месечно во просек од 5.000,00 денари. Додека 30% се мажи од 20 до 30 години, со приход од 20.000,00 до 30.000,00 денари месечно кои купуваат еднаш во 6 месеци или пак воопшто не се враќаат во просек од 2.000,00 денари.

Ова веќе ќе значи нешто за секој претприемач. На пример,

  • Поголемо внимание во однос на маркетингот ќе посветам на првиот сегмент бидејќи знам дека полесно ќе го придобијам тој сегмент.
  • Ќе се обидам да воведам производи за помладата популација согласно нивните приходи.
  • Ќе определам посебни продажни тактики во однос на двата сегменти.

Забележувате дека од вториот исказ излегуваат конкретни чекори за еден претприемач и еден бизнис.

Значи, демографијата е важна, но без комбинација на таа демографија со однесување или специфични активности на таа група на потрошувачи, таа демографија нема никакво значење за претприемачот.

Имам видено претприемачи кои целосно се посветуваат на демографијата во сегментцијата, па едноставно се вртат во круг и не знаат понатаму што со тие податоци. Затоа немојте да ја правите таа грешка, бидете ефикасен и ефективен.

post

Пијалак – Маркетинг средство 45

Пијалак како маркетинг средство? Да, едноставно ова маркетинг средство претставува можност да ги почестите Вашите потрошувачи со еден пијалок без разлика дали се работи за топол напиток како кафе или некој освежителен пијалак како Coca Cola.

Маркетинг средство - Преку пијалак до реципроцитет

Маркетинг средство - Преку пијалак до реципроцитет

Ова маркетинг средство нема за цел да поттикне поголема продажба уште веднаш туку едноставно да предизвика чувство на должност врз основа на правилото на реципроцитет. На ваков начин едноставно, освен што ја зголемувате удобноста при одлучување за купување на Вашиот потрошувач, во исто време го обврзувате, токму заради тоа правило на реципроцитет.

Насловот на овој напис го именував коко пијалок иако може да биде било каква услуга не поврзана со основните функции на бизнисот кој го имате.

Што претставува правило на реципроцитет?

Правилото на реципроцитет во овој наш случај едноставно претствува обврска на оној кој примил некаков вид на услуга да врати со слична услуга на давателот на услуга. Ова едноставно значи дади за да земаш…

Реципроцитетот претставува едно од шесте оружја на влијание според Д-р Robert Cialdini кој повеќе години работи на научно истражувачки проекти за влијание како еден психолошки фактор кај луѓето.

Првпат за Д-р Robert Cialdini слушнав во панел дискусиите на The League of Extraordinary Minds каде повеќе експерти одржуваа панел дискусии и одговараа на прашања поврзани со бизнисот и маркетингот. Еден од тие експерти беше и Д-р Robert Cialdini кој напомена дека за секое маркетинг средство пред да започнете да го употребувате да го проверите со листата на 6-те оружја на влијание, бидејќи Вашата цел како претприемач е со маркетинг средствата да извршите влијание врз потенцијалните и тековните купувачи.

Бидејќи ме заинтересира начинот на кој може да се изврши влијание врз потенцијалните купувачи предложен од Д-р Robert Cialdini преку психологија продолжив да истражувам понатаму за неговата работа со тоа што купив две негови книги. Eдната ја читам и се вика Influence – The Psychology of Persuasion (Влијание – Психологија на убедување), додека втората  Yes!: 50 Scientifically Proven Ways to Be Persuasive (Да!: 50 Научно докажани начини да бидете убедлив) е на пат за да ми стигне преку Amazon.

Како да се користи ова маркетинг средство?

Првин воппшто не треба да изгледа како маркетинг средство. Едноставно се случува да го почестите Вашиот клиент онака спонтано. На ваков начин градите едни поблиски односи и секако овозможувате да се појави чувство на обврска за враќање на една таква услуга.

Понекогаш враќањето на таа услуга нема да биде онака како што Вие замислувате. Но, тоа не е важно, важно е дека веќе на некој начин сте успеале да го привлечете вниманието на тоа лице.

Вообичаено правилото на реципроцитет претставува иста или слична услуга за враќање, но сепак тоа во пракса не се случува. Така да некој ќе возврати со поголема услуга, додека некој ќе возврати со помала услуга. Некој пак ќе ја одбие пружената услуга. На пример, постојат и луѓекои не сакаат да бидат почестени со пијалак токму за да не го имаат тоа чувство на должност.

Во секој случај сметам дека ова маркетинг средство има потенцијал да биде доста моќно и вреди да се обидете со истото.