Името, логото и слоганот се трите клучни елементи што му даваат идентитет на секој бизнис без разлика дали се однесува на нов или веќе постоечки бизнис. Ако слоганот е вербално лого, логото ќе претставува сликовито лого на вашиот бизнис. Вториот столб на идентитетот на вашиот нов или постоечки бизнис претставува логото. Не е правило дека мора да се има лого, но би било пожелно доколку од стартот се гради целосен идентитет и препознатливост.
Логото на бизнисот треба да содржи слика која на некој начин ќе го претставува идентитетот на вашиот бизнис. Може да го содржи и името кое веќе е дефинирано па и слоганот на вашиот бизнис.
Изработка на логото бара две вештини како што се уметност и работа со софтвери за графички дизајн, а од друга страна и време за изработка. Можеби е подобро да изберете консултант и изработувач на логоа кој за одредена сума би ја завршил работата место вас.
ЗАПОМНЕТЕ: Изработка на идентитетот не мора да биде во почетните фази нешто перфектно и изработено со најдобри графички перформанси. Не смеат да се запостават трошоците кои се потребни за висококвалитетно лого и слоган. Значајно е да се започне со нешто што ќе го разликува вашиот бизнис од другите и ќе му даде уникатен идентитет. Доколку вашето лого изгледа како сите други, тогаш како вашите потрошувачи ќе ве запомнат? Како ќе ве најдат нови потрошувачи?
Ќе се обидеме да наведеме некои причини заради кои вашиот бизнис треба да има лого.
- Вашиот бизнис во очите на потрошувачите ќе биде попрофесионален со препознатливо лого отколку без лого. Вашето лого праќа слика на професионализам кон вашите потрошувачи и привлекува нови потрошувачи. Доколку успеете да пратите порака на професионализам до вашите потрошувачи преку вашето лого ќе завршите огромна работа.
- Вашето лого ја гради првата импресија за вашиот бизнис за потрошувачите. Доколку пред вашиот продажен простор или на вашиот веб сајт има професионално лого, уште пред да влезе потрошувачот има некоја импресија за вашиот бизнис (фирма). Оваа импресија се однесува на тоа што кажува вашето лого за вашата фирма.
- Вашето лого овозможува привлекување на нови потрошувачи. Професионално лого кое е лесно запомливо може да биде инспирација на луѓето да купуваат кај вас. Доколку го видат вашето лого при поминување им остави добра импресија и го запомнат сигурно дека ќе се вратат кога ќе имаат потреба од вашите производи и/или услуги. Но, запомнете дека вашите потрошувачи дневно гледаат многу логоа на бизниси, но доколку вашето лого им ја испрати вистинската порака тие ќе ве изберат вас наместо конкуренцијата.
- Вашето лого им кажува на потрошувачите кои сте вие. Секој бизнис се разликува меѓу себе. Токму вашето лого треба да ја истакне разликата зошто вие сте подобри од вашата конкуренција.
- Дава визуелна претстава за вашата фирма. Вашето лого е визуелна претстаба на вашиот бренд и го гради вашиот имиџ во полето на работа на вашиот бизнис. Токму оваа визуелна презентација може да биде одлучувачки фактор за привлекување и одржување на потрошувачи.
- Вашето лого им помага на луѓето да ве запомнат. Понекогаш тешко се помнат зборови или имиња. Постојат многу бизниси со слични имиња. Но, сликата од вашето лого може лесно да влезе во умот на луѓето и со тоа да им се појави кога ќе имаат потреба од вас. Кога луѓето ќе го запомнат вашето лого ќе створите вистинска конкурентска предност.
Доброто лого е критичен елемент при градење на успешен бизнис. Со добро лого градите и добар имиџ и репутација кои тешко се стекнуваат и е потребно доста време. Одвојте време да размислите за вашето лого во однос на тоа како треба да изгледа, дали ги истакнува сите работи кои ве одвојуваат од конкуренцијата, дали е впечатливо и дали е едноставно. Сепак логото не треба да содржи уметничка слика која никој нема да може да ја разбере.
Ме интересира каде можам да го заштитам моето Лого од превземање на други субјекти?
Се извинувам за доцнење со одговорот Дарко.
Пред неколку месеци започнав со постапка за заштита на едно лого, но сето тоа го вршеше мојот адвокат. Мислам дека се врши преку Агенција за заштита на индустриска сопственост и трговски марки (не сум сигурен за точното име). Се пополнува формулар каде се лепи слика со логото, се наведуваат основните бои и видот на регистрација на истото како и трговското друштво кое го регистрира. Постапката трае повеќе месеци, од прием на барање до целосно завршување. Во мојот случај веќе 5-6 месеци и сеуште немам официјален одговор. Во меѓувреме уплатував за неколку работи и добивав известувања од институцијата дека постапката е во тек.
Во секој случај, постојат овластени застапници за оваа намена (вообичаено адвокатски канцеларии) кои за одредена надокнада ќе ја завршат работата место тебе.
Помош и од мене: Телото се вика „Државна агенција за заштита на индустриска сопостевнот" (ippo.gov.mk). Во ова тело се регистрираат уште и: патенти, индустриски дизајни, корисни модели, ознаки на потекло, географски ознаки и компјутерски домејни кои важат на територијата на Македонија.
Преку оваа агенција се заштитиува и употребата на предходните поими и во странски земји.
…и колку за информација, за заштите на некои аспекти од интелектуалната сопственост се чека дири и со години. Се надевам дека за трговска марка нема да чекате толку долго.
Ви благодарам на одговорите, истите беа доста корисни за мене. Господине Шутевски рековте дека имате искуство во регистрирање на Лого би сакал доколку е возможно да ми дадете контакт информации да ве исконтактирам по mail ако би сакале да ми дообјасните некои конкретни работи околу оваа тема, бидејќи не би сакал да го оптеретувам написот со додатни коментари а навистина ми се потребни некои дополнителни информации .
Благодарам!