post

Подгответе бизнис план во услови на крајно променливо опкружување

Денес бизнисите функционираат во едно крајно променливо опкружување, па затоа и еден бизнис план се подготовува во едно такво опкружување.

бизнис план

Може ли да успееме во такви услови да подготвиме бизнис план кој ќе ни гарантира успешна имплементација? Особено во вакви услови се јавува една временска разлика од планирање и имплементација.

Продолжи…

post

Апликација за бизнис идеи – Elevatr

Една од првите препораки на овој сајт кои ги напишав е да имате, одржувате и ажурирате книга со бизнис идеи. Тоа беше пред повеќе од четири години.

Иако, во премиум претприемач имаме подетална форма за водење на книга со бизнис идеи, сепак во оваа видео е презентирана една апликација која е одлична за оваа намена.

Elevatr е апликација која нуди лесно и едноставно бележење на вашите бизнис идеи, но и нешто што ќе ве натера да размислите уште неколку чекори понапред.

Доколку не можете да го видите видеото кликнете тука.

post

Епизода #02: Бизнис план во услови на крајно променливо опкружување [Подкаст]

Бизнис план претставува една од најбараните, но и најконтроверзните теми во последните години кога станува збор за бизниси и претприемачи.

Оваа е втора епизода на подкастот “претприемачки пат” при што секоја недела имаме следна епизода.

Во оваа епизода зборувам за бизнис планот во услови на крајно променливо опкружување.

Продолжи…

post

Бизнис план во услови на крајно променливо опкружување

Како тема за следната епизода која ќе биде објавена во понеделник (27.05.2013) на подкастот насловен како “претприемачки пат” се одлучив да биде бизнис план во услови на крајно променливо опкружување. Оваа тема е навистина интересна, особено за денес но и за утре бидејќи се наоѓаме на една крстосница при што како никогаш досега не се воделе дискусии за потреба или немање на потреба од еден официјален бизнис план.

Од друга страна некако претставува одлично продолжување од првата епизода: процес на следење и мерење на резултати.

Моето мислење, што ми се потврдува и од практиката е дека нема потреба од “традиционален” бизнис план, но потреба од процес на планирање постои и тоа како, нормално доколку се спроведува на вистинскиот начин.

Доколку сакате да бидете дел од оваа епизода, слободно можете да поставите прашање преку гласовна порака која ќе биде вметната во епизодата или пак преку контакт форма кое ќе биде прочитано и одговорено во текот на епизодата. Прашањата можете да ги поставите преку страната за прашања за подкастот.

Инаку во оваа подкаст епизода ќе зборувам за проблемите со кои се соочува процесот на планирање и самиот бизнис план денес, но и ќе образложам 9 препораки кои ќе ви помогнат во имплементација на процес на планирање и подготовка на бизнис план во услови на крајно променливо опкружување. Всушност препораките ќе одговорат на следниве прашања:

  1. Кој треба да го подготви бизнис планот?
  2. Колкава треба да биде големината на бизнис планот
  3. Од каде да започнете при започнување на подготовка на бизнис план?
  4. Што треба да докаже и покаже вашиот бизнис план?
  5. На кои прашања ќе треба да даде одговор вашиот бизнис план?
  6. Каква структура на бизнис план може да се користи?
  7. Како бизнис планот да се справи со неизвесноста во која функционира бизнисот?
  8. Како да се справувате со грешките во бизнис планот кои ќе се откријат по започнување со имплементацијата на самиот план?
  9. Како да се справите со перфекционизмот кога станува збор за подготовка на еден бизнис план.

Доколку сакате нешто друго да биде вклучено во оваа епизода можете да поставите прашање (гласовно или писмено преку контакт форма) на страната за подкаст прашања.

Доколку пак сакате некоја тема да биде вклучена во следните епизоди на подкастот “претприемачки пат” слободно дајте предлог преку коментар на овој пост.

Сите епизоди на подкастот “претприемачки пат” можете да ги следите и преку iTunes.

post

Како да подготвите бизнис план?

Бизнис план претставува само средство за претворање на вашата визија во конкретен пат за да може да се реализира истата. Тоа значи претворање на сонот преку конкретни бројки и пресметки во конкретни чекори кои ќе треба да ги преземете следните години.

Бизнис план

Сепак, подготовката е едно, а имплементацијата е нешто сосема друго. Бизнис плановите имаат репутација на нешто што никогаш не е точно.

Зошто, никогаш не е точен бизнис планот?

Продолжи…

post

6 Важни прашања за вашите цели

Целата ваша претприемачка кариера ќе се базира на поставување на цели и работење на нивната реализација. Доколку ги постигнете, тоа ќе значи успех за вас.

Поради важноста на вашите цели, станува јасно дека успехот на вашиот бизнис во голем дел ќе се базира на поставување на цели. Доколку ги имате вистинските цели за вашиот бизнис и ги реализирате истите тогаш и вашиот бизнис ќе успее.

Но, доколку имате погрешни цели кои лесно ќе ги постигнете тоа нема да ви гарантира дека вашиот бизнис ќе успее.

Тука сакам да претставам 6 прашања кои ќе ви помогнат во процесот на поставување на вистински цели на вашиот бизнис.

Продолжи…

post

Научи па преземи акција… Погрешно!

Да продолжам со моето излагање од претходниот пост насловен како планирање на невозможно да се испланира со уште една погрешна теорија која сме научени да ја применуваме, а која едноставно е неприменлива денес.

Научени сме првин да научиме нешто, а потоа да преземеме акција која е поврзана со тоа нешто. Ако сакаме да започнеме бизнис со нова бизнис идеја научени сме добро да ја проучиме идејата, да анализираме и истражуваме, да направиме бизнис план и дури потоа да го имплементираме планот.

Зошто?

Затоа што денес на сите полиња постојат премногу нови знаења, кои се достапни.

Продолжи…

post

Планирање на нешто невозможно да се испланира

Овие неколку денови активно работам на премиум претприемач 2.0 материјали за првиот модул насловен како лин стартап, но и на нов вебинар.

Лин стартап процесот не подразбира подготовка на бизнис план, туку бизнис модел со деветте основни хипотези при што работиме на развивање на истите, подготовка на експерименти за тестирање, тестирање и прилагодување согласно резултатите од тестирање. Модулот ќе излезе многу подолг од планираното, но не сакам да го скратам затоа што целта ми е да навлеземе во најголемиот број на детали, како премиум членовите би можеле едноставно да го применуваат и адаптираат согласно нивните потреби.

Но, некако ми недостигаше преминот од премиум претприемач 1.0 каде работиме на подготовка на бизнис план и секако истражуваме, анализираме и учиме во премиум 2.0 каде едноставно применуваме еден сосема поинаков пристап. Иако и премиум 1.0 и премиум 2.0 се достапни, целта е да се надополнуваат еден со друг.

Од друга страна премиум претприемач е замислен како место каде ќе се поттикнуваат најиновативните идеи од областа на претприемништвото. Затоа и се одлучив да вметнам во моите активности и изработка на еден вебинар во кои ќе ги споделам најиновативните размислувања во однос на започнување на бизнисот и секако водење на успешен бизнис. Целта е да ги презентирам доказите зошто е погрешен пристап навлегување во замката на длабоко, суштинско и перфектно планирање. Тука сакам да споделам дел од тие размислувања.

Продолжи…

post

Релевантен бизнис план, наместо перфектен бизнис план

Еден бизнис план сеуште од страна на постоечките бизниси претставува основна алатка за управување на секојдневните активности на компанијата и врската помеѓу сегашната состојба и визијата на претприемачот.

Но, успехот не е едноставен како што изгледа. Зошто?

Едноставно затоа што еден бизнис план се изработува да биде перфектен, шгто пак од друга страна го одолговлекува времето на имплементацијата на истиот.

Перфекционизмот и одолговлекувањето претставуваат едни од најголемите непријатели на еден претприемач.

Затоа потребно е да се направи, доколку веќе се прави, релевантен бизнис план.

Што претставува релевантен бизнис план?

Релевантен бизнис план е:

  • План кој е создаден во согласност со вашите можности како еден претприемач и како бизнис во целина.
  • План кој е создаден согласно пазарните критериуми и целните купувачи на истиот.
  • План кој обезбедува реализација на вашата претприемачка визија.
  • План кој обезбедува реализација на вашите главни бизнис цели.
  • План кој содржи конкретни чекори за вас како претприемач и за вашиот тим.
  • План чија имплементација лесно може да се следи.
  • План кој обезбедува дека секој член на бизнисот знае што треба да направи, кога треба да направи, зошто треба да направи и кои треба да бидат резултатите од тие акции.
  • План кој лесно може да се прилагодува согласно потребите.
  • План кој обезбедува преземање на акција колку што може побрзо.

Значи не ви е потребен перфектен бизнис план со кој никогаш нема да можете да бидете задоволни, ви треба нешто што ќе обезбеди брзо започнување со имплементацијата, а потоа да се прилагодува согласно фидбекот од таа имплементација.

Вам како еден претприемач, не ви треба одолговлекување и губење на време во реализација на вашите стратешки цели. Ви треба нешто што ќе ве поттикне да го преземете првиот чекор кој води кон реализација на тие цели, чекорот кој иако можеби ќе биде мал, сепак е голем напредок за вашиот бизнис, едноставно затоа што преземате нешто, излегувате од удобноста на status quo ситуација.

post

Бизнис план: 30 прашања на кои треба да даде одговор

Потребен ни е кога започнуваме бизнис. Потребен ни е кога бараме инвеститори за нашиот бизнис. Потребен ни е кога имплементираме промени. Потребен ни е во секојдневното функционирање на бизнисот.

Тоа е документот наречен како бизнис план, но документ кој претставува резултат на процес на планирање. Документ кој никогаш не е конечен и документ кој постојано ќе се вртка на вашата маса. Тоа е документ кој постојано ќе го отварате.

Еден бизнис план претставува жив документ кој постојано се менува и прилагодува согласно случувањата околу бизнисот.

Секој бизнис план е погрешен. Немојте да очекувате дека ќе имате перфектен бизнис план со 100% точност. Тоа е невозможно. Но можете да имате патоказ кој ќе ви помага во однос на донесување на правилни одлуки за вашиот бизнис во иднина.

Вашиот бизнис план е тој патоказ, односно мапа која ќе ве води во следниот период за кој се однесува планот.

Следниве 30 прашања може да ви помогнат при подготвување на вашиот бизнис план. Процесот на планирање ќе треба најмалку на овие прашања да даде одговор.

Продолжи…