post

Премногу цели, добро или лошо?

Понекогаш навистина знаеме да претераме поставувајќи премногу цели кои сакаме да ги постигнеме без воопшто да се запрашаме дали можеме да ги постигнеме.

премногу цели

Да, премногу цели за постигнување, понекогаш, ако не и секогаш ќе биде многу полошо отколку воопшто да се нема цел. Зошто? Затоа што е подобро ништо да не преземаме отколку да се загубиме во џунглата на активности кои треба, а не можеме да ги спроведеме за да ги постигнеме поставените цели.

Еве некои факти кога станува збор за цели и нивната количина.

Продолжи…

post

6 Важни прашања за вашите цели

Целата ваша претприемачка кариера ќе се базира на поставување на цели и работење на нивната реализација. Доколку ги постигнете, тоа ќе значи успех за вас.

Поради важноста на вашите цели, станува јасно дека успехот на вашиот бизнис во голем дел ќе се базира на поставување на цели. Доколку ги имате вистинските цели за вашиот бизнис и ги реализирате истите тогаш и вашиот бизнис ќе успее.

Но, доколку имате погрешни цели кои лесно ќе ги постигнете тоа нема да ви гарантира дека вашиот бизнис ќе успее.

Тука сакам да претставам 6 прашања кои ќе ви помогнат во процесот на поставување на вистински цели на вашиот бизнис.

Продолжи…

post

Сигурни сте за вашите цели, но што потоа

Веќе доста имаме зборувано за важноста на поставување на лични и бизнис цели. Но, да се има цел не е гаранција дека ќе успеете во постигнување на вашите цели.

Едноставно, вам ви требаат цели, но само како цели нема да ви помогнат да биднете успешен претприемач или да менаџирате вашиот бизнис да стане успешен бизнис.

Важно прашање откако веќе ќе ги имате поставено вашите цели за оваа година, или пак следните три години е што треба да направите следно доколку сакате да ги постигнете тие цели.

Ајде да ги дефинираме сите следни неопходни чекори.

Продолжи…

post

Важноста од поставување на вашите цели

Се започнува од вашите цели и уште поважно вашето обврзување за нивно постигнување. Погледајте го следниов инфографик од Education Database Online за поставување и постигнување на вашите цели.

Продолжи…

post

Време е за целите за следната 2013 година

Секој крај на годината претставува еден вид на нов почеток за претприемачот и бизнисот воопшто. Кога си ја честитаме новата година посакуваме среќа, успех, подобро од минатата година…

Но, честитките сами посебе нема да дадат резултати. Резултатите во вид на подобра следна година ќе бидат реалност само доколку уште во старт знаете што сакате да постигнете.

Е сега, тоа постигнување е донекаде поврзано со јасно дефинирани цели. Но, сепак не земајте го ниту оваа како здраво за готово. јасно дефинирани цели, одлични цели или супер супер одлични цели повторно не се гаранција за нивната реализација и подтигнување на она што сакате да го постигнете.

Следното е акција.

Но, мора да одиме од почеток, Акциите се последици на јасно дефинирани цели. Не дека нема да преземете ништо доколку немате цели, но сигурен сум дека она што ќе го преземете ќе биде несистематично, можеби неадекватно и веројатно некорисно. А, вие како претприемач го сакате спротивното.

Па, ајде да ги дефинираме целите за следната 2013 година, но овој пат на малку поинаков начин.

Продолжи…

post

Премногу нереални цели е полошо од немање на цели воопшто

Понекогаш навистина претеруваме. Дали, поради недоволно самопознавање или пак поради нешто друго сепак знаеме да претераме.

Знаеме да си поставиме цели кои не се реални, кои се премногу на број и кои никако не можеме да ги реализираме.

Во една таква состојба едноставно може да се случи да почнеме премногу работи, а ниедна од нив да не биде завршена до крај.

Премногу нереални цели е полошо отколку да немаме воопшто цели. дефокусираност, стресни ситуации, конфузија… Сето тоа се резултати на премногу нереални цели кои сте ги поставиле пред вас како еден претприемач.

  • Целите претставуваат основа за остварување на вашата претприемачка визија. Ни помалку ни повеќе. Едноставно, тие треба да обезбедат чекор по чекор да се приближувате кон вашата долгорочна визија. Тие не претставуваат волшебно стапче кое утре ќе доведе до остварување на визијата.
  • Целите бараат планови. Целите само како цели без конкретни планови претставуваат само пишани или непишани зборови. Ви требаат ли цели кои ќе стојат на хартија, или едноставно во вашиот мозок и кои ќе ги гледате секојдневно без да знаете што треба да правите? Секако дека не. Премногу цели ќе бараат и премногу планови и покомплексни планови кои ниту може да се започнат со имплементацијата, ниту може да се реализираат онака како што треба.
  • Плановите содржат задачи/активности. Секој план мора да содржи активности, доколку сакате да го имплементирате. Но, премногуте цели, премногуте планови и комплексноста на плановите ќе бараат и премногу активности. Прашањето е дали ќе можете да ги спроведете во периодот за кој се однесуваат тие цели и планови.
  • Задачите/активностите бараат труд од страна на претприемачот. Секоја задача, односно активност е нешто што бара вложен труд. Не можете да очекувате дека доколку се ставени задачите на хартија тоа гарантира дека ќе бидат и реализирани. Потребно е да ги завратите ракавите и да започнете со работа. освен вложен труд ќе треба да вложите и време за секоја од задачите. Повтроно, можете ли?
post

Претворете ги целите во акции

Секоја акција има одредена последица, но и акцијата е преземена заради нешто и претставува последица на нешто. Тоа нешто се исполнување на зацртаните цели.

Вообичаено поставуваме цел дека сакаме да постигнеме нешто. За да постигнеме нешто треба да преземеме нешто во вид на акција.

Како целите да ги трансферирате во акции кои по имплементација ќе доведат до остварување на целите?

Продолжи…

post

Водич за поставување на бизнис цели

Поставување на бизнис цели Како еден претприемач сигурно имаш јасна визија за тоа што сакаш да постигнеш на деловен план. Веројатно имаш цели бидејќи знаеш што сакаш да постигнеш.

Но, проблемот не е во поставување на бизнис цели. Тој повеќе е во самиот процес на поставување на цели кои може да се постигнат и кои ќе бидат високо обврзувачки како за тебе така и за целиот твој тим.

Овој пост ќе биде како водич кој би те водел низ процесот за поставување на деловни цели, кои ќе бидат постигнати на крајот од периодот за кој се однесуваат.

Наједноставен начин за поставување на твоите цели е да започнеш со одговор на прашањето за тоа каде сакаш твојот бизнис да биде по одреден временски период и да го дефинираш патот за тоа како да стигнеш таму. Постојат повеќе насоки кои ќе ти помогнат да го однесеш бизнисот во посакуваната идна позиција, но тебе ти требаат вистинските насоки кои ќе ти помогнат да бидеш таму со оптимални напори и во најбрзо можно време.

#1 Започни со потребите за твојот бизнис

Прво првите работи. Ти треба јасна визија за тоа каде сакаш твојот бизнис да биде во иднината. Доколку не го знаеш одговорот не можеш да започнеш со поставување на цели за твојот бизнис.

Што ти треба? Што твојот бизнис има потреба за да постигне во иднина? Што сакаш?

Како што забележуваш во оваа ниво на поставување на бизнис цели ги користиш зборовите треба, сака, посакува, желба…

На пример, речениците би биле:

  • Треба да направам 200.000,00 денари профит.
  • Сакам да направам 200.000,00 денари профит.
  • Посакувам да направам 200.000,00 денари профит.

Твоите потреби, посакувања, ќелби ќе креираат јасна визија каде сакаш да бидеш во иднина.

#2 Трансформација на потребите во акциони елементи

Доколку погледнеш во речениците од претходниот чекор ќе забележиш дека тие не се акционо ориентирани, тие се само желби или твои соништа. Твоите цели мора да бидат акциони колку што може повеќе.

Потреби, желби, или посакувања може да бидат корисни, но тие се облигаторни само за тебе како еден претприемач за да ги оствариш. Многу е подобро да користиш изјава како ќе направам 200.000,00 денари профит. Така ќе бидеш многу повеќе поттикнат да работиш за остварување на таа цел.

#3 Направи колку што можеш помала листа

Може да имаш голема листа на твои соништа трансформирани во акциони елементи. Но, ти немаш потенцијал за постигнување на сите нив во ист временски период. Мора да одлучиш што ќе биде најприоритетно на таа листа.

Избери помеѓу 5 до 10 реченици како добра основа за твоите бизнис цели.

#4 Направи ја листата SMART

Твоите цели мора да бидат SMART цели.

  • Специфични. Целите мора да бидат колку што може повеќе специфични. Запрашај се себеси дали целите се специфични. На пример, ти треба специфична цел која ќе каже ќе направам профит од 200.000,000 денари наместо цел која ќе каже ќе направам профит без колку ќе изнесува тој профит.
  • Мерливи. Мора да бидат мерливи бидејќи само така ќе можеш да го мериш прогресот и го прилагодуваш она што го правиш за нивно остварување.
  • Остварливи. Целите мора да бидат нешто навистина остварливо. На пример, можеш ли да оствариш 200.000 денари профит? Доколку сметаш дека не можеш или претставува навистина нереално да се оствари, подобро смени ја целта.
  • Реални. Дали целите се реални? Сакаш да ја оствариш целта за остварување на профит од 200.000 денари, но дали ти и твојот бизнис сте подготвени за една таква цел? Дали бизнисот е на доволно голем пазар за да оствари таква цел?
  • Временски ограничени. Дали целите се временски ограничени? Доколку не ги направиш целите временски ограничени, едноставно ќе немаш ни цели. Нешто без ограничување кога треба да биде постигнато не може да биде цел. На пример, целта ќе биде нешто како следнава реченица: Ќе направам 200.000 денари профит во следните 12 месеци.

#5 Не заборавај на емоционални конекции

Еден од најголемите проблеми со целите дури да бидат SMART цели е недостаток на емоционални конекции помеѓу тебе – претприемачот и твоите цели. Може да ги имаш најдобрите цели, и тие може да бидат SMART цели, но тие се за иднината. Ги поставуваш денес и ќе ги користиш утре. Но, утрешницата може да донесе други можности или пак други активности кои ќе те оттргнат од твоите иницијални цели.

Откако ќе ги подготвиш целите до оваа ниво ќе треба да додадеш едно затоа што веднаш по нив. На пример, ќе направам 200.000 денари профит затоа што… Адговори ги следниве прашања за бреинстормирање на можни завршетоци на речениците за цели на твојот бизнис:

  • Зошто ќе ја оствариш таа цел?
  • Што ќе добиеш?
  • Што твоите купувачи ќе добијат од постигнување на таа цел?

#6 Напиши ги целите

Сега кога веќе ги имаш дефинирано твоите цели мора да ги направиш видливи, односно да седнеш и да ги напишеш на хартија. Целта на пишување на целите на хартија е да се зголеми твоето обврзување за остварување на само што дефинираните цели.

#7 Јавно покажи ја твојата листа на цели

Мора јавно да ги комуницираш твоите само што дефинирани цели доколку сакаш да го зголемиш обврзувањето и одговорноста за тебе како еден претприемач. Ти си одговорен за остварување на целите.

Разговарај за нив со твоите вработени, потрошувачи или деловни партнери. Доколку кажеш нешто за твоите цели со важни личности за твојот бизнис, ќе бидеш повеќе обврзан за остварување.

post

Последна работна недела за оваа година

Претприемач новогодишно 2012

Претприемач новогодишно 2012

Денеска започнува последната работна недела од оваа 2011 година, која доследно ќе си ја испратиме. За некого успешна, за некого просечна, а за некого можеби и катастрофална година.

Во последниов месец слушаме различни претпоставки за тоа каква ќе биде 2012 година. Ќе биде ли подобра од претходната? Секоја година исто. Не би сакал да навлегувам во разни шпекулации или претпоставки и предвидувања кои ги правевме кога започнавме со овој сајт, затоа што дел од нив сеуште држат вода, со таа разлика што тогаш зборувавме за една светска криза а сега влегуваме во друга што секако влијанието нема да не помине и нас.

Во секој случај не може а да не забележиме дека некои работи се придвижија доста нанапред кога станува збор за претприемништвото. Ако споредам во однос на крајот на 2008-та година кога и започнавме со претприемач, кога се беше тихо и немо на оваа тема, кога не можеше да се најде материјал на македонски јазик, кога немаше некои предизвици и поттикнувања на претприемништвото сепак може да се каже дека е постигнат огромен напредок. Се надеваме дека и 2012 ќе продолжи со такво темпо.

Но, да не должиме многу бидејќи и така оваа недела ќе биде новогодишна недела и кај нас при што како и секоја година традиционално ќе ги објавиме најдобри, односно најзначајните или најчитаните наслови на претприемач кои едноставно ќе го надополнат страната насловена како Започни тука и ќе опфатиме некои идеи за она што планираме да го правиме во 2012 година.

Последна недела од една година. Недела кога започнува опуштањето. Недела кога живата музика по рестораните и кафаните е од утро до утро. Но, и недела која можеби претставува клучна за еден претприемач. Кај сме, што сме, како сме, како понатаму… Сето тоа се прашања кои сепак крајот на оваа недела ќе ни ги даде.

Не дека во текот на годината не се споредувале мерките, исполнувањето на целите или реализација на планираното. Туку сепак за некого во петок, а за некого во сабота ќе се затворат бројките за оваа година.

#1 Цели

Сигурно досега си размислувал за целите, но сепак не е лошо оваа недела уште еднаш да ги поминеш. Сепак од идната недела ќе започнеш со работа на нивна реализација. Ајде, да дадеме уште некои совети за крајот на оваа година во поглед на целите:

  • Доколку имаш повеќе цели провери ги и приоритизирај. Обиди се и да ги групираш во една главна или поприоритетна цел, така да дојдеш до 3 главни цели. Запомни, не повеќе туку 3 главни цели. Премногу цели те дефокусираат и постои опасност од слабо остварување на истите.
  • Провери ги уште еднаш во однос на објективноста. Дали твоите цели се нешто што може да стане реалност? Понекогаш е подобро да поставиш ниски, но остварливи наместо превисоки неостварливи цели.
  • Не заборавај да бидат SMART цели.

#2 Анализа на досегашните резултати

Овогодишните резултати се добра појдовна основа за самоподобрување на еден бизнис. Не е лошо да споредиш во една табела се она што е реализирано, а што не е реализирано. Зошто не е реализирано? Како да се подобриш да може реализацијата да биде на повисоко ниво.

#3 Подобрување

Ова е последното нешто што би опфатиле за оваа недела, сепак треба да се слави и да се остават некои работи за во јануари. Но, сакам да напоменам дека не само подобрување на твојот бизнис или самиот себеси. Цела година се насочуваме на тие прашања. Како да ја подобриш сопствената околина? Како можеш да го подобриш животот на другите околу тебе?

Секој барем мал придонес да даде во подобрување на животите на луѓето околу нас, ние ќе бидеме една од најцврстите и најсилните нации.

Па, толку за овој пост…

post

[Цитат] Немање на цели

Цитати кои вреди да се потенцираат

Цитати кои вреди да се потенцираат

Проблемот со немање на цел е дека може да ти помине животот во трчкање нагоре-надолу низ теренот, но секогаш остануваш без погодок.

~ Bill Copeland

Како помош во поставување на цели:


Warning: Parameter 1 to W3_Plugin_TotalCache::ob_callback() expected to be a reference, value given in /misc/25/000/213/213/5/user/web/pretpriemac.com/wp-includes/functions.php on line 3643