Книги за доверба

Конечно денес ми пристигнаа книгите кои ги нарачав пред 3 недели од Amazon. Со овие книги ја зголемив мојата лична библиотека на една бројка од точно 356 книги без скрипти и печатени pdf изданија и разни pdf фајлови по неколкуте хард дискови на моите компјутери.

За кои книги станува збор?

• Trust Agents – Using the Web to build Influence, Improve Reputation and Earn Trust – Chris Brogan & Juliet Smith (Агенти за доверба – Користење на веб за градење на влијание, подобрување на репутација и стекнување на доверба). Веќе подолг период го читам блогот на Chris Brogan кој навистина во неколку наврати ми остави силен впечаток за она што го работи, па едноставно сакав да ја имам и прочитам неговата книга.
• Yes! 50 Scientifically Proven Ways to Be Persuasive – Noah J. Goldstein, Steve J. Martin & Robert B. Cialdini (Да! 50 Научно докажани начини да бидете убедлив). За доктор Robert Cialdini веќе пишував на претприемач во 6 принципи на влијание каде можете да го видите и видеото со овој врвен научник за примена на психологијата во бизнисот.
• The Speed of Trust – The One Thing That Changes Everything – Stephen M.R. Covey (Брзина на доверба – Едно нешто што може да промени се). Stephen M.R. Covey  е син на добро познатиот Stephen R. Covey авторот на бестселерот 7 навики на високо ефективни луѓе.

Оваа нарачка некако навлезе повеќе во градење на доверба за бизнис цели. Добро, ХХI-от век донесе многу промени во технологијата со што многу промени се појавија и во начинот на практицирање на бизнисот. Сметам дека се она што мислевме дека е добар претприемач во ХХ-иот век треба да го заборавиме и да се свртиме кон градење на еден нов претприемнички дух, кој функционира на еден сосема подруг начин. Барем кај нас ова градење треба да започне колку што може побргу, бидејќи многу касниме, а светот не стои и не не чека нас. Тие едноставно со брзина на светлоста го менуваат изгледот на бизнис светот денес. Да не одиме со онаа познатата песна на Балашевиќ: Путуј Европо, немој више чекати на нас.

Очекувајте поопширни прегледи на овие книги, првиот можеби идната недела кога ќе ја прочитам веќе започнатата книга.

Уф, ќе заборавев за сликата која можеби не е нешто но сепак претставува моја прва крeација преку iPhone и Photoshop за iPhone.