post

Купувачот како извршен директор во вашиот бизнис

Овој месец добив дури 4 книги од страна на разни издаавчки куќи за кои ме замолуваат да ги прочитам и напишам преглед за нивната вредност во однос на содржината на истите. Секако тоа се однесува за Entrepreneurship in a Box сајтот како и за оценка на книгите на Amazon, но и тука на претприемач ќе извлечам некои интересни размислувања до кои што дојдов во нив.

Добро, секоја книга е добра на свој начин и сигурно содржи некои информации кои се корисни барем да се размислат, а доколку се утврди нивната вредност и да се имплементираат новите начини во работата. Во секој случај станува збор за книги издадени во април 2013 година.

Ќе започнам со книгата насловена како Customer CEO – How to Profit from the Power of Your Customer од Chuck Wall, експерт за разбирање на потребите на купувачите при што има интервјуирано повеќе од 100.000 купувачи во скоро секоја индустрија и категорија на бизниси.

Интересно е што авторот ја базира книгата на формула од три елементи:

Моќ на купувачот + Активно поврзување со купувачот = Трансформативен профит

Самата формула значи дека доколку сакате да профитирате ќе мора како прво целосно да ги разберете потребите на купувачите кои авторот ги нарекува моќ, а потоа да започнете да работете на актовно поврзување со нив. Според авторот постојат девет вида на моќи на купувачот (односно потреби):

  1. Mоќта на мене. Што има тука за мене? Секогаш првото прашање кое што се поставува од страна на купувачите е оваа прашање. Иако изгледа како нешто себично, сепак и е оправдано, бидејќи секој купувач троши свои пари за да купи ваш производ или услуга.
  2. Mоќта на вредност. Колку вреди тоа нешто за мене? Следното прашање е за вредноста, нормално доколку има нешто за него во производот или услугата, дали производот или услугата ќе испорачаат одредена вредност за него и во кој износ?
  3. Mоќта на перформанси. Дали тоа нешто ја завршува работата која јас треба да ја завршам? Сега веќе со оваа моќ станува збор за перформансите кои што вашиот производ или услуга ќе му ги обезбедат на вашиот купувач.
  4. Mоќта на срцето. Како се чувствувам заради вас? Моќта на срцето е четвртата моќе која веќе навлегува во емоциите и чувствата и кои се доста важни кога станува збор за вашиот производ или услуга.
  5. Mоќта на едноставност. Зошто оваа чудо е толку комплицирано? Следното прашање се однесува на комплицираноста на користење на вашиот производ или удлуга.
  6. Mоќта на да. Зошто вашиот одговор е секогаш не? Колку повеќе одговори на прашањата на вашите купувачи се да, толку повеќе можности ќе имате да успеете да го придобиете.
  7. Mоќта на платформата. Што е со моите идеи? Купувачоте сакаат да бидат вклучени во развојот на вашиот бизнис како и вредноста која ја креирате и испорачувате. Затоа и на градење на платформа која ќе обезбеди соодветна двонасочна комуникација со нив игра важна улога.
  8. Mоќта на бунт. Како ги прекршувам правилата. Секоја компанија има свои сопствени правила на игра, така и вашата. Што доколку купувачот прекрши некои од нив? Дали ќе го отпуштите? добро е да размислите за оваа прашање.
  9. Mоќта на целта. Дали споделуваме исти вредности? Оваа моќ е и најтешката моќ особено што опфаќа многу повеќе аспекти и елементи на еден бизнис. Сепак, прашањето “држи вода” и бара постојано да биде препрашувано и одговарано од страна на бизнисите.
About Д-р Драган Шутевски

Д-р Драган Шутевски е основач и CEO на Шутевски Консалтинг и им помага на бизнисите да го проектираат патот кон успешноста. Поврзи се со Драган на Google+

Speak Your Mind

*