post

Процес на безхартиено работење – Inbox

Како што веќе знаете главната тема на претприемач за оваа година претставува имплементација на процес за безхартиено работење како дел од вашите напори за постојано подобрување на вас самите како претприемач и вашиот бизнис воопшто. Оваа значи дека минимум еднаш месечно ќе имаме разработено еден наслов од оваа тема.

Минатогодишната тема беше за продуктивност каде што веќе имате над 90 наслови од таа тема.

Во постот насловен како процес на безхартиено работење од почетокот на оваа година презентирав еден дијаграм на процесот. Ајде сега подетално да ги разработиме елементите на дијаграмот.

Ќе започнеме со Inbox.

Процес на безхартиено работење

Што претставува Inbox?

Inbox претставува место каде се чува и стои се онаа што пристигнало на некаков начин до вас, а што сеуште не е процесирано. Тоа значи дека сеуште не знаете што ќе правите со онаа што е пристигнато или дали ќе правите нешто.

Генерално гледано можеме да имаме два вида на Inbox, физички и дигитален.

Физички Inbox

Физички Inbox е место каде што секоја дојдовна хартија во физичка форма ја ставате без притоа да ја процесирате или размислувате за неа.

На пример, добивате писма и тие се наоѓаат во вашиот физички Inbox се додека не започнете со нивно процесирање и одлучување што понатаму.

Овој Inbox може да има било каква форма. На пример, полица за хартија на која стои ознака Inbox или обична картонска кутија во која ќе ги сместувате сите влезни хартиени документи.

Дигитален Inbox

Дигитален Inbox ја има истата улога како и физичкиот, со таа разлика што претставува место за складирање на непроцесирана дигитална хартија.

На пример, пристигнат email или електронски документи се сместуваат во дигиталнио Inbox се додека не се одлучи дали е потребно процесирање или не.

Најдобро место за дигитален Inbox претставува Evernote каде се онаа електронско што доаѓа до вас го сместувате пред да се започне со процесирање.

Користење на Inbox како место за складирање на непроцесиран материјал не значи дека ги решава сите проблеми за вас како претприемач затоа што Inbox бара да распоредите време за да започнете со процесирање на се онаа што е пристигнато.

Вашата задача е да креирате еден нотес во Evernote насловен како Inbox и да го поставите како default нотес за се онаа што ќе се сместува да оди во него. И секако да определите еден физички Inbox кој ќе биде во вашата канцеларија и секоја дојдовна хартија да ја сместите на тоа место.

About Д-р Драган Шутевски

Д-р Драган Шутевски е основач и CEO на Шутевски Консалтинг и им помага на бизнисите да го проектираат патот кон успешноста. Поврзи се со Драган на Google+

Speak Your Mind

*