post

Процес на безхартиено работење – Мора ли хартиена форма

Продолжуваме со нашата главна тема за оваа година на претприемач – процес за безхартиено работење.

Во минатиот наслов од оваа тема зборував за едно клучно прашање кога станува збор за дојдовна хартија, а тоа е дали таа мора да биде процесирана или не.

Сега ќе одиме со следното нешто што се наоѓа на нашиот процес дијаграм, а тоа е првата одлука која ќе треба да ја донесеме кога седнуваме да креираме нешто без разлика дали станува збор за Word документ или пак email, а тоа е мора ли да креираме и хартиена верзија или мора ли да креираме хартиена форма на копија заради нашата архива.

Продолжи…

post

Процес на безхартиено работење – Мора ли процесирање

Да продолжиме со нашата главна тема за оваа година на претприемач – процес за безхартиено работење.

Како што веќе знаете овој процес може да одигра важна улога во подобрување на вашата продуктивност, но и да обезбеди значителни заштеди за вашиот бизнис. Затоа и го одбравме да биде тема на годината.

Во минатиот наслов од оваа тема зборував за Inbox каде што го дефиниравме и ги објаснивме двата вида на Inbox – физички и дигитален.

Сега ќе одиме со следното нешто што се наоѓа на нашиот процес дијаграм, а тоа е првата одлука која ќе треба да ја донесеме кога започнуваме со процесирање на Inbox-от каде се наоѓа сета хартија која сеуште не е процесирана, а тоа е дали мора да биде процесирана хартијата.

Процес на безхартиено работење - дали треба процесирање

Како што веќе знаете вие имате физички Inbox каде секоја дојдовна и непроцесирана хартија ја ставате без никакво размислување, но и дигитален Inbox каде се онаа дигитално што има потенцијал да се пренесе на хартија, а сеуште не е процесирано го чувате се додека не започнете со процесирање.

Кога седнувате и започнувате со процесирањето првата одлука која треба да ја донесете е дали определената хартија која ќе ја земете во рацете треба да биде процесирана за понатаму.

Нема потреба од процесирање

Доколку одговорот е не, едноставно таа завршува во канта за отпадоци и веќе не ве мачи на никаков начин во вид на префрлување од едно до друго место или да се чудите што да правите со неа.

Веројатно имате искуство со ваков вид на хартија. Сега би навлегол во неколку идеи за хартија која ќе биде предмет на ваквата постапка.

На пример, сигурно добивате телефонска сметка во која се наоѓа и еден лист кој претставува некаков вид на реклама. Едноставно ја скенирате со очите, барате дали нешто има интересно за вас и доколку не бара ништо повеќе завршува во канта со отпадоци. Исто така добивате ваква хартија и од банки кои ви праќаат месечно известување за кредитни картички. На сличен начин ќе завршат и рекламните хартии кои ги добивате по пошта или ви ги ставаат во поштенското сандаче од разни компании или пак политички партии кои во моментов се доста активни.

Вториот вид на хартија која може да биде предмет на непроцесирање и завршување во канта со отпадоци е хартијата која веќе ја поседувате, сте имале потреба од неа во минатото, но веќе сметате дека немате потреба од истата, ниту пак ќе имате во иднината. На пример, на определен временски период, обично една година ја разгледувам старата хартија и носам одлука дали треба да биде процесирана, со тоа што ќе биде дигитализирана и сместена на соодветно место во Evernote, или едноставно треба да заврши во канта со отпадоци. Така, оваа година успеав да се ослободам од еден метар кубен хартија која постојано ја преместував од едно место до друго, и која ја собирам повеќе од десет години и ја чував бидејќи сметав дека ќе ми затреба.

Има потреба од процесирање

Втората одлука за секој лист хартија од Inbox-от e дека има потреба од процесирање. Оваа одлука значи дека хартијата уште ќе ви биде потребна, треба да преземете некои чекори во однос на неа и ќе треба да ја складирате на соодветен начин.

Како пример на ваквата хартија е хартиена верзија на известување од банка за кредитни картички, разни сметки кои ги плаќате а сеуште стигнуваат по пошта и во хартиена верзија, известувања и решенија за плаќање од владините институции…

Значи за ваков вид на хартија ќе мора да преземете некој чекор и тоа може да биде во следниов редослед:

  • Дигитализација
  • Дигитално складирање
  • Поставување на задача во вашата “да направам” листа
  • Физичко складирање
  • Изведување на задачата
  • Складирање или фрлање на хартиена верзија
  • Преместување во соодветен дигитален фолдер.

На ваков начин нема да заборавите дека треба нешто да направите, но и се ќе биде на свое место.

Во следните наслови од оваа тема ќе го разработуваме процесот кој е на скицата подетално.

post

Процес на безхартиено работење – Inbox

Како што веќе знаете главната тема на претприемач за оваа година претставува имплементација на процес за безхартиено работење како дел од вашите напори за постојано подобрување на вас самите како претприемач и вашиот бизнис воопшто. Оваа значи дека минимум еднаш месечно ќе имаме разработено еден наслов од оваа тема.

Минатогодишната тема беше за продуктивност каде што веќе имате над 90 наслови од таа тема.

Во постот насловен како процес на безхартиено работење од почетокот на оваа година презентирав еден дијаграм на процесот. Ајде сега подетално да ги разработиме елементите на дијаграмот.

Ќе започнеме со Inbox.

Продолжи…

post

Алатки за безхартиено работење

Како една од главните теми за ова година на претприемач е процес на безхартиено работење. Како што веќе и претходно пишував овој процес е важен заради следниве причини:

  • Обезбедува значајни заштеди во севкупното работење на бизнисот.
  • Обезбедува зголемување на продуктивноста како на вас како претприемачи, така и на целиот тим кој работи со вас.
  • Директно се учествува во креирање на т.н “зелен бизнис” кој размислува и е вклучен во заштита на околината.

Во овој наслов сакам да ги напоменам некои од основните алатки кои ги користам во процесот, како и некои размислувања за во иднина. Нема да навлегувам во детален опис на начинот на користење, туку само ќе ги наведам основите на потребата од нивно користење.

Но, пред да започнеме со алатки, предлагам првин да се потсетиме на претходните наслови од овој серијал (за сите кои првпат доаѓаат до овој наслов):

Продолжи…

post

Процес на безхартиено работење – Мала автоматизација

Ккао што најавив на крајот од минатата година ќе се обидам оваа година да споделувам наслови кои произлегуваат од моето исксутво од имплементација на процес на безхартиено работење.

Морам да напоменам дека ништо не е конечно. И јас постојано го подобрувам самиот процес и целта на овие постови на претприемач ќе бидат да ви обезбедат една рамка доколку сакате да започнете со тоа.

Да се навратиме на онаа што досега помина и е објавено на претприемач во однос на безхартиено работење:

  • Безхартиено работење. Овој пост имаше цел да ги презентира некои конкретни придобивки кои започнав да ги чувствувам при започнување со имплементацијата.
  • Имплементација на процес на безхартиено работење. Тука продолжив со придобивките и ги скицирав основните елементи на процесот, односно основните подпроцеси на самиот процес.
  • Процес на безхартиено работење. Тука веќе преминав на конкретна скица на првата верзија од процесот кој го применив. Таа скица е доста променета досега, за што ќе зборувам во идните постови (сепак се е сеуште тестирање и до конечна верзија на она што дава најоптимални резултати се надевам дека ќе дојдам до крајот на годината).

Сега би сакал да презентирам една мала автоматизација која ја користам во процесот. Морам да напоменам дека јас постојано се обидувам да автоматизирам и веќе имам над десетина чекори целосно автоматизирани, сега ќе презентирам само еден чекор од тој процес, а тоа автоматско креирање на нотес во мојот Evernote акаунт.

Продолжи…

post

Процес на безхартиено работење

Кога веќе започнав да пишувам за безхартиено работење, би продолжил и оваа година со моите тестови и експерименти. Претходните два наслови од овој серијал можете да ги погледнете преку следниве линкови:

Додека во претходните наслови можевте да ги видите некои од првите резултати од имплементација на овој процес како и три основни процеси на овој процес, овој наслов претставува продолжување на овој серијал и навлегување во самите подпроцеси кои ги опишав.

На сликата подолу е претставен општиот процес од кој започнав со имплементација. Иако, моменталниот кој го користам е значително изменет, сепак ќе одам итеративно дел по дел со објавување на постовите од овој серијал.

Продолжи…

post

Имплементација на процес за безхартиено работење

Како што најавив во една од претходните статии насловена како безхартиено работење, напорно работам на воведување на еден таков процес во мојот бизнис и секако во личниот живот. Напоменав и дека ќе следуваат уште наслови од оваа област.

Првин би започнал со некои резултати како надополнување на она што тогаш го напишав.

  • Од 15 регистратори бројката се намали на 5. Оваа значи помал потребен простор, поголема продуктивност во однос на наоѓање на потребното тогаш кога ми треба.
  • Фрлен еден метар кубен хартија. Повторно поголем простор и поголема продуктивност.

Но, и тоа не е се. Процесот продолжува и допрва ќе се почувствуваат резултатите кои очекувам да имаат влијание на продуктивноста, но и на финансиски аспекти на работењето, а глобално и на екологијата.

Продолжи…

post

Безхартиено работење

Безхартиено работење полека но сигурно станува еден стандард во работењето на бизнисите од сите видеови.

Читаме екниги, праќаме електронска пошта, комуницираме електронски, не користиме нотеси, добиваме и испраќаме фактури електронски…

Сето тоа доведува до намалување на потребата на хартијата во еден бизнис.

Не толку одамна (пред 3-4) години се сеќавам кога сите ги печатевме пораките од епошта. Кога секој документ без разлика на страниците требаше да го имам во печатена форма за да го прочитам, означам согласно потребите и да состанчам во однос на него. Кога ги принтав деловите од книгите или копирав тие делови за да ми се најдат во иднина. Кога ќе пронајдев нешто на интернет го принтав за да го имам за во иднина.

Сето тоа е минато на кое само можам да се сеќавам.

Продолжи…