Го развивте ли вашиот продажен модел за 2013

За крајот на годинава оваа е доста прикладно прашање.

Дали го развивте вашиот продажен модел за следната година? Или едноставно се ќе остане како што е?

Се вели кравата која што дава млеко не се менува. Дали ова го мислите за вашиот продажен модел? Доколку одговорот е да, сепак би ве замолил да си поставите уште едно важно прашање: Дали има простор за подобрување?

Е, тука веќе нема бегање од одговорноста. Простор за подобрување секогаш постои. Секогаш можете да имате 1500 наместо 1300 продажби. Секогаш можете да имате поголема стапка на конверзија, подобра успешност на продажниот тим…

Но, добро, треба да го подобрите, развиете или прилагодите вашиот продажен модел. Што е следниот чекор.

Ништо! едноставно следете ги следниве чекори и веќе ќе го развиете или прилагодите. Доволни се само идеите.

Па, да започнеме.

#1 Идентификувајте ги целните купувачи

Можете ли прецизно, без двоумење да ги опишете вашите целни купувачи?

Тоа се купувачите на кои им е најпотребен вашиот производ или пак услуга.

Доколку сакате да не губите време со обиди за продажба на купувачи кои не спаѓаат во оваа група добро е секогаш да започнете од тука.

#2 Креирајте листа на потенцијални купувачи

Кога веќе знаете кој е што за вашиот бизнис во вид на купувачи, лесно ќе можете да направите една квалитетна листа на потенцијални купувачи кои би сакале да станат вистински купувачи за вашиот бизнис.

#3 Добро проучете ги тие потенцијални купувачи

Иако ја имате листата, сепак задачата не е завршена. Морате добро да ги проучите тие потенцијални купувачи од листата.

Едноставно, што е она што тие го сакаат? Кои им се најголемите проблеми или потреби? Што најмногу ги фрустрира? Како се однесуваат во однос на решавање на тие проблеми или задоволување на тие потреби?

#4 Како ќе допрете до нив?

Сега полека се префрлувате од стратешки прашања на тактички прашања.

Мора да имате цврст план кој ќе ве води низ процесот на првите контакти, првите муабети, првите обиди за контакти…

#5 Со што ќе допрете до нив?

Освен како допрете, ќе мора да ги дефинирате и средствата за изведување на тие активности во вашиот бизнис. Дали тоа ќе биде преку директна пошта, е-пошта, некоја реклама… Сепак, целта е да се направи обид да се влезе во конверзација со потенцијалниот купувач од листата.

#6 Колкава е конверзијата?

Кога веќе сте го направиле првиот обид не значи дека не можете да ги исправите работите. Мерете ја конверзијата на оние кои одговориле на тој ваш прв обид и оние кои воопшто не одговориле.

#7 Што треба да подобрите?

Кога нешто мерите, а во овој случај тоа е конверзијата, следното логично нешто е подобрување..

Едноставно одговорете на прашањето што треба да подобрите?

#8 Сите кои одговориле на некој начин конвертирајте ги во состаноци/посети

Сега преминете на следните чекори во однос на оние кои на некаков начин одговориле на тој прв обид.

Целта е да договорите состанок или доколку продавате во физичка локација да обезбедите посета на таа физичка локација или да договорите нов телефонски контакт како продажна презентација или пак да ги препратите на страната за продажба…

#9 Подгответе продажна презентација

Честопати ќе треба да имате подготвено продажна презентација која ќе треба да ја презентирате во договорената активност од претходниот чекор.

#10 Преговарајте

Продажбите вообичаено завршуваат по успешни преговори. Во некои бизниси оваа е неизбежен дел од процесот и од успешноста на овој процес ќе зависи и успешноста на севкупните обиди за продажба.

#11 Продадете

И секако, на крај затворете ја продажбата.