post

Маркетинг Средства 22 – Квалитет

На ред е 22-рото маркетинг средство од овој серијал од над 100 маркетинг средства на претприемач. За оваа недела го избрав квалитетот како едно од маркетинг средства кое спаѓа во групата на оние бесплатни маркетинг средства кои може да се заборават. Квалитетот кога го разгледуваме како маркетинг средство слободно можеме да кажеме дека има најголем вирозен (viral) потенцијал во себе. Ова се однесува на ширење како вирус помеѓу потенцијалните потрошувачи кои може набргу да станат вистински купувачи. За вирозен маркетинг веќе пишувавме на претприемач. Исто така како резултат на тој текст и добивање на повеќе прашања напишав уште еден за тоа зошто користам зборот вирозен маркетинг наместо вирал.

Зошто вирозен потенцијал на квалитетот?

Една од основните елементи кој секој купувач го бара и сака да го почувствува во купениот производ е квалитетот. Сега има и купувачи на кои не им е важен квалитетот и купуваат понеквалитетни производи заради тоа што не можат да си го приуштат поскапиот. Тие потрошувачи ќе велат дека така им одговара и дека тој производ е квалитетен, и тоа е природно бидејќи постои срам. Но, сепак секој би го купил најквалитетниот производ доколку може да го плати. Што би одбрале помеѓу ново Yugo и BMW. Одговорот на повеќето од вас го знам! Но, и во тие поевтините производи може да се најде и бара квалитет. Цената секогаш не е мерило за квалитет. Цената е склоп на Вашата целосна понуда, а во вашата целосна понуда не е само производот, туку и дополнителните производи и услуги што ги нудите за тој производот. Можете да прочитате за маркетинг стратегијата пржено јајце на око која за претприемач ја напиша Предраг Стојковски.

Кога некој е задоволен од квалитетот на производот што го користи ќе го фали на сите страни. Првин дома кај своите најблиски роднини. Потоа на пријателите во време на кафе шема или пијанка во кафана или свечен излез во ресторан. Па потоа пријателите на пријателите ќе посочат нешто што слушнале за тој квалитет итн. Па, новите купувачи кои повторно ќе бидат задоволни го шират вирусот понатаму. На пример еден каже на 5 луѓе, тие 5 кажат на уште по пет и сега се 25, па тие 25 кажат на уште по 5 луѓе и тоа се 125… За еден циклус од 3 кажувања имаме 5 + 25 + 125 = 155 луѓе кои ќе разберат за нашиот квалитет. Но, вирусот продолжува да се шири. Тоа, навистина е неверојатно.

Како да се мери квалитетот?

Во бизнис светот едно од најчесто поставуваните прашања е како да се мери квалитетот на производот или услугата. Поради субјективната природа на квалитетот неговото мерење не е едноставно. Но, од друга страна и различни корисници на некој производ или услуга различно ќе кажат за квалитетот на тој производ или услуга. Па ова дополнително го отежнува процесот на мерење на квалитетот.

Второ, ако земеме четри типа на бизниси – малопродажба, големопродажба, услужен бизнис и производствен бизнис сите имаат различен аршин за мерка за квалитет на сопствените производи.

Но, едно е сигурно. Претприемачот, менаџерот, вработениот, бизнисот не го дефинираат квалитетот. Квалитетот го дефинираат и оценуваат корисниците на производот или услугата, односно оние кои што го купиле од Вас како претприемач. Вие само ги дефинирате стандардите на Вашиот бизнис во однос на квалитетот. На пример, доколку сте малопродажен бизнис имате стандрди за тоа кои производи ќе ги имате а кои не. Доколку сте производствен бизнис ги дефинирате стандардите во однос на толеранции, ги корситите стандардите за процесот на проверка на квалитетот пред да се определи дека производот ги задоволува стандардите и може да оди во продажба.

Како мерка на квалитетот можете да ги користите следниве показатели:

  • Задоволен купувач. Колку повеќе купувачи се задоволни од производот што сте им го продале толку и е поголем квалитетот на тој производ. Доколку се вратат повторно значи дек се задоволни. Сакам повторно да напоменам дека не мора да значи квалитетот само на производот, туку поважен е квалитетот на целосната понуда која сте ја продале. На пример, малопродажен бизнис има исти производи со друг малопродажен бизнис, но задоволен купувач ќе се враќа онаму каде бил подобро услужен или каде се почувствувал навистина прекрасно додека купувал. Малопродавачите немаат големо влијание на квалитетот на производот кој го продаваат освен во избор на брендови.
  • Број на дефекти – потрошувачите го рекламираат производот. Вториот показател кој може да се искористи е бројот на рекламации за еден производ. Доколку бројот на реклмации е голем тогаш квалитетот е помал. Потребна е брза рекција. Производителот да го поправи квалитетот. Малопродавачот веќе да не ги држи производите за кои прима рекламации.

Она што сметам дека е најважно за да се искористи како маркетинг за Вашиот бизнис во квалитетот да се гледа како една поширока категорија за малите бизниси. Освен производот, потребно е да се вклучат и дополнителни услуги, бонус производи, сервисирање, гаранција итн. Кога ја споменав гаранцијата и таа претставува една од мерките за квалитет на производите но од очите на производителот, а не од купувачот. Toyota го изгради својот имиџ на компанија која произведува автомобили кои не се кварат а го докажа истото со поголема гаранција на нејзините возила во однос на конкуренцијата. Дали некој може да го уништи митот на Toyota за висок квалитет. Мислам тешко.

post

ИЗРАБОТКА НА СТАТИЧНА ВЕБ СТРАНА – ВИДЕО 7

Стигнавме до седмото видео од овој серијал на премиум видео материјали за беплатна презентација на Вашиот бизнис.

Досега го направивме следново:

  • Во првото видео регистриравме домеин име и бесплатен хостинг
  • Во второто видео инсталиравме WordPress платформа преку која ќе објавувате содржина на Вашата веб страна
  • Во третото видео изберавме и инсталиравме тема на WordPress која го смени оној дифолт изглед на нашата веб страна.
  • Во четвртото видео ја ажуриравме содржината на нашиот нов веб сајт.
  • Во петото видео видовме каде да најдеме и како да инсталираме додатоци кои ќе ја подобрат функционалноста на нашата веб страна.
  • Во шестото видео опфативме нешто за персонализација, односно промена на темата која сте ја избрале. Таму најдовте и користевте две бесплатни алатки за вршење на измените. Овие алатки ќе ги користите и понатаму.
  • На ред е седмото видео во кое ќе изработиме една статична веб страна. Ова значи дека не е систем за менаџирање на содржина туку веб страна со неколку страни за Вашиот бизнис. Исто така во оваа видео ќе видиме како Word Press да се направи како статична веб страна и ќе симнеме една бесплатна алатка за едитирање.

Кликнете на сликата и ќе ве одведе до видеото:

http://www.pretpriemac.com/myPictures/Video-7.png

Чекори кои ќе треба да ги спроведете:

  1. Да пронајдете темплејт кој ќе го користите.
  2. Да го симнете Kompozer за едитирање на тој темплејт.
  3. Да го персонализирате темплејтот.
  4. Да изработите други страни освен почетната.
  5. Да ги поставите страните на веб серверот.
  6. Да проверите дали се функционира како што треба.
  7. Чекајте го следното видео.
post

6 Ентитети кои треба да се привлечат за Вашиот Бизнис Имиџ

Го градиме нашиот бизнис имиџ за ентитети кои ќе не следат и кои сакаме да ги привлечеме. Бизнис имиџот е нешто што има голема бизнис потенцијална енергија која може да биде трансформирана во лојални потрошувачи за нашиот бизнис.

Каков е процесот на градење на бизнис имиџ?

Го градиме нашиот бизнис имиџ кој ќе биде толку моќен што ќе привлече се повеќе и повеќе потенцијални потрошувачи, но со голема желба да бидат наши купувачи. Но, не се за потрошувачи. Ние сакаме да привлечеме и други ентитети кои се поврзани со нашиот бизнис на одреден начин. На пример, дали сакате да привлечете лица со солидни вештини за да ги вработите? Секако одговорот е да. Дали сакате да привлечете медиуми кои ќе креваат прашина на добро околу вашиот бизнис и ќе ја зголемат видливоста на бизнисот? Повторно, одговорот е да. Дали сакате да ги привлечете најдобрите добавувачи за Вашиот бизнис? Дали сакате да ги привлечете луѓето од владата за да помогнат во развојот на бизнисот? дали сакате да привлечете конкуренти кои ќе погледнат во Вашиот бизнис и ќе бидат импресионирани и ќе се обидуваат да ве следат? И секако, најверојатно на сите овие прашања одговорот е ДА.
Процесот е да се привлечат сите ентитети околу нашиот бизнис кои ќе ни помогнат на одреден начин во растот на нашиот бизнис. Една од грешките на претприемачите е што тие го прилагодуваат нивниот бизнис имиџ само за потенцијалните потрошувачи и не кон сите потенцијални ентитети. Во графикот подолу претставени се најважните кои треба да се привлечат со бизнис имиџот (извор: www.entrepreneurshipinabox.com):
BusinessImages

6 групи на ентитети

  1. Потрошувачи: Ова е првата група на ентитети која ја поделив во две категории: тековни потрошувачи и потенцијални потрошувачи. Нашиот имиџ треба да обезбеди нашите тековни потрошувачи да се враќаат и да купуваат од нашиот бизнис. Од друга страна овој бизнис имиџ мора да биде толку моќен за да привлекува нови потенцијални потрошувачи. Но, тука не е само да ги привлече туку и да предизвика желба за купување бидејќи без желба потенцијалните потрошувачи ќе станат само потенцијални потрошувачи. Од тоа ќе нема корист нашиот бизнис.
  2. Вработени. Втората група на ентитети кои треба да се привлечат со бизнис имиџот се вработени. Ова е најважна група по потрошувачите. Без вработени, ние немаме бизнис. Секогаш ќе сакаме да ги привлечеме најдобрите вработени за нашиот бизнис со што ќе ја зголемите бизнис потенцијалната енергија на целиот бизнис. Оваа група исто така е разделена на два подентитети: тековни квалитетни вработени кои сакаме да ги задржиме и потенцијални квалитетни вработени кои ќе сакаме да ги вработиме.
  3. Конкуренти. Третата група на ентитети се конкурентите. Вашите конкуренти секогаш ќе ве следат Вас, вашите бизнис чекори и Вашите бизнис активности. Тие секогаш ќе сакаат да го пронајдат начинот како Вие го практицирате бизнисот. Вашиот бизнис имиџ мора да ја претставува Вашата бизнис надмоќност која не може лесно да биде копирана.
  4. Снабдувачи.  Снабдувачите се исто така важна група на бизнис ентитетиза нашиот бизнис имиџ. Доколку изградите одличен бизнис имиџ, тогаш снабдувачите ќе сакаат да работат со Вас. Ќе добиете различни типови на погодности од оваа. На пример, ќе добиете поголем попуст од Вашите конкуренти, подобар тек на плаќање на набавените производи, прв ќе ги добивате новитетите итн. Замислете имиџ на редовен плаќач што може да направи во очите на снабдувачите. Целта на бизнис имиџот е да привлече два типа на добавувачи: тековни добавувачи за подобрување на меѓусобните односи и потенцијални добавувачи за раст на Вашиот бизнис.
  5. Влада. Дали треба да ја споменуваме моќта на владата? Во секој случај имаат огромно влијание врз бизнисот. Тие можат и да помогнат и да одмогнат на бизнисите, но нашиот имиџ треба да се обиде да добие помош за развој на бизнисот.
  6. Медиуми. Иако последни, не и нејневажни. Медиумите се ентитети кои навистина можат да помогнат во растот на Вашиот бизнис со огромна брзина. Тие можат да Ви помогнат да ја зголемите видливоста на бизнисот. Целта на бизнис имиџот е да привлече колку што може повеќе медиуми кои позитивно ќе зборуваат за Вашиот бизнис и ќе ги распространуваат важните пораки поврзани со Вашиот бизнис.

Ова не се единствените ентитети, но се најважните. Размисли за ентитетите кои сакате да ги привлечете за Вашиот бизнис и направете план како да ги опфатите истите. После тоа следува акција во однос на градење на бизнис имиџ кој не може лесно да биде копиран.

post

МАРКЕТИНГ СРЕДСТВА 21 – СТАВОВИ НА ВАШИОТ БИЗНИС

Продолжуваме со 21-то маркетинг средство за Вашиот бизнис. Ова маркетинг средство кое е предмет на обработка во овој напис на претприемач претставува едно од маркетинг средства за кои воопшто не трошите пари, туку се зависи од Вашите внатрешни елементи на бизнисот. Зависи од Вас како претприемач и Вашиот менаџерски и неменаџерски кадар.

Не можете ни да замислите какво влијание има оваа маркетинг средство врз Вашите сегашните потрошувачи и потенцијалните потрошувачи. Едно е сигурно дека сите Ваши потези се следени од некого. И секој кој ги следи Вашите потези донесува конкретни одлуки и заклучоци за Ваа и Вашиот бизнис. Овие следачи може да бидат:

  • Потрошувачи. Во оваа група спаѓаат и сегашните и потенцијалните, односно идни потрошувачи. Оваа категорија е една од најважните Ваши аудиенции. Потребно е посебно внимание да се обрне кон истите.
  • Конкуренти. Во оваа категорија спаѓаат Вашите конкуренти кои имаат за цел или да ве стигнат или да се заштитат од Вас и Вашиот бизнис доколку им се приближувате премногу. Оваа категорија како маркетинг средство воопшто не е важна, но сепак има големо влијание врз Вашиот бизнис.
  • Медиуми. Оваа категорија на Ваши следачи може да одигра голема улога за Вашиот бизнис. Еден краток прилог во вестите на некој медиум може да ви донесе огромен публицитет. Но, вниманието на оваа категорија тешко се свртува особено на малите бизниси. Посебно е важно да забележиме дека оваа категорија може и непријателски да се однесува кон Вас па затоа е потребно особено внимание.
  • Вработени. Во категорија на следачи спаѓаат и вработените. Од една страна како потенцијални вработени за да привлечете квалитетна работна сила и од друга страна како веќе вработени кои можат директно да се вклучат во Вашите маркетинг активности и тоа неформални маркетинг активности. Ставовите навашата компанија можат бргу да бидат проширени преку Вашите вработени при нивни секојдневни контакти со надворешниот свет. Треба да се искористат на вистинскиот начин.
  • Добавувачи. Ова е уште една категорија на Ваша аудиенција која постојано ве следи, а може да има огромна улога во Вашите маркетинг кампањи.
  • Влада. Моќта на владата е толку голема што може да има огромни последици за секој бизнис, како позитивни така и негативни. Сведоци сме како со една одлука може да се унишатт империи од бизниси. Но, сведоци сме како со помош на Владата може да се изгради брзо бизнис империја. Потребно е особено внимание.

Уште една работа за оваа маркетинг средство е важна освен аудиенцијата. Тоа е начинот на согледување на Вашите ставови. Прашањето е како се дистрибуираат ставовите на Вашиот бизнис. Постојат неограничен број на можности и зависат од Вашата креативност што ќе искористите за да бидете забележани. Како основни групи би ги издвоил:

  • Формални пишани материјали на Вашиот бизнис. Оваа група на дистрибутери на ставови претставува Вашата мисија, визија, цели, интерни билтени, одлуки итн. Оваа група ги опфаќа вашата внатрешна аудиенција но и надворешната.
  • Маркетинг материјали. Понекогаш можете Вашите ставови да ги распространите преку Вашите маркетинг материјали со вклучување на една реченица како што е: „Нашата компанија води посебна грижа за заштита на нашат околина“. Со една ваква реченица го прикажувате Вашиот став дека сте заинтересирани за една посебно популарна проблематика, а тоа е екологијата.
  • Неформална комуникација. Оваа е навистина огромна група и содржи огромен маркетинг потенцијал доколку навистина се искористи правилно. Оваа комуникација може да биде пишана, изговорена или пакелектронска. Социјалните интернет мрежи овозможуваат одличен простор за искористување на споделување на Вашите ставови.
  • Формално и неформално однесување. Како се однесувате формално а како неформално? Каква слика градите за себе? како се однесуваат Вашите вработени формално и неформално? Како се однесуваат при контакт со потенцијални или сегашни потрошувачи? Сето оваа гради одредена слика за Вас и Вашиот бизнис.

Мислам дека не е во целост искористен потенцијалнот на оваа маркетинг средство. Оваа маркетинг средство не бара вложување на пари, но секако ќе бара одреден труд. Па се гледаме во наредното маркетинг средство 22-ро по ред.

post

ПЕРСОНАЛИЗАЦИЈА НА ТЕМАТА НА WORD PRESS – ВИДЕО 6

Стигнавме до шестото видео од овој серијал на премиум видео материјали за беплатна презентација на Вашиот бизнис.

Досега го направивме следново:

  • Во првото видео регистриравме домеин име и бесплатен хостинг
  • Во второто видео инсталиравме WordPress платформа преку која ќе објавувате содржина на Вашата веб страна
  • Во третото видео изберавме и инсталиравме тема на WordPress која го смени оној дифолт изглед на нашата веб страна.
  • Во четвртото видео ја ажуриравме содржината на нашиот нов веб сајт.
  • Во петото видео видовме каде да најдеме и како да инсталираме додатоци кои ќе ја подобрат функционалноста на нашата веб страна.
  • На ред е во шестото видео да опфатиме нешто за персонализација, односно промена на темата која сте ја избрале. Во видеото ќе ви покажам каде да најдете и како да користите две бесплатни алатки за вршење на измените.

Кликнете на сликата и ќе ве одведе до видеото:

http://pretpriemac.com/myPictures/video-6.png

Чекори кои ќе треба да ги спроведете:

  1. Да ги симнете и инсталирате двете алатки
  2. Со помош на едната анализирајте ја Вашата тема, односно каде се наоѓаат сликите, кои слики користи и какви слики користи.
  3. Извршете измена на постоечките слики или ставете сопствени, но внимавајте да бидат со иста големина и исто име.
  4. Со Notepad otворете ги сите php фајлови и извршете измени каде што мислите дека ќе треба.
  5. Пробувајте различни измени, но секогаш чувајте го оригиналниот фолдер на Вашиот компјутер или правете бекап на фајловите кои ќе ги менувате пред да започнете со менување за да не тргне нешто наопаку.
  6. Чекајте го следното видео.
post

MАРКЕТИНГ СРЕДСТВА 20 – ИСТРАЖУВАЊЕ НА ПАЗАРОТ

Да продолжиме со 20-тото маркетинг средство – Истражување на пазарот. Сите бизниси егзистират на одреден вид на пазар. Пазарот е составен од тековни и потенцијални – можни идни потрошувачи. Вие како претприемач морате да разберете зошто одредена личност купува производ или услуга од Вас а за тоа постојат различни причини. Некои купувачи купуват заради една причина додека други заради друга причина. Истражување на пазарот е значаен дел од секој бизнис кој сака да понуди производ и/или услуга на пазарот. Оваа маркетинг средство има за цел да ве доближи до потрошувачите како би ги запознале подобро и би ги подобриле сите Ваши бизнис активности.
Истражувањето на пазарот им помага на претприемачите да научат повеќе за минатите, тековните и потенцијалните потрошувачи и со тоа знаење да донесат поквалитетни одлуки.

Што претставува истражување на пазарот?

  • Прво, истражување на пазарот претставува било која активност која има за цел да го разбере однесувањето на потрошувачите на одреден пазар каде што се наоѓа или пак планира да се најде бизнисот.
  • Второ, истражување на пазарот е процес преку кој се собираат информациите од пазарот и по тоа се извлекуваат специфичниподатоци за тековното и идното однесување на потрошувачите и се со цел да се развие ефикасна и ефективна маркетинг стратегија.
  • Трето, освен потрошувачи, истражувањето на пазарот ги анализира и конкурентите на одредениот пазар.

Истражување на пазарот треба да даде одговор минимум на следниве прашања:

  • Кои се целните потрошувачи?
  • Колку често тие потрошувачи ќе купуваат одреден производ или услуга?
  • Колку се спремни да платат за него?
  • Колкава големина на пазарот имаат конкурентите?
  • Која е цената на одредени производи и/или услуги кои ги продаваат конкурентите?
  • Каква импресија обезбедуваме со нашата маркетинг кампања?

Поволности кои бизнисот ги добива со истражување на пазарот:

  • Обезбедува опстанок на бизнисот на пазарот.
  • Ги идентификува можностите за бизнисот и во исто време овозможува заштита од заканите кои доаѓаат од пазарот.
  • Секогаш ќе ги познавате и постојано ќе учите за Вашите потрошувачи, конкуренти и активностите што ги превземате на пазарот.
  • Ќе го намалите ризикот за неуспех на производи и/или услуги кои планирате да ги воведете на пазарот бидејќи тие производи ќе бидат дизајнирани онака како што посакува пазарот.
  • Ќе Ви овозможи да имате основни патокази кои ќе мора да ги комплетирате.

6 чекори за имплементација на истражување на пазарот

  1. Идентификувајте ги целите на истражувањето на пазарот. Што сакате да постогните? Што сакате да дознаете? Што сакате да научите?
  2. Започнете со собирање на информации од пазарот.
  3. Проценете ги собраните информации во поглед на валидноста на истите.
  4. Анализирајте ги собраните информации.
  5. Интерпретирајте ги анализираните информации.
  6. Доставете го финалниот производ до луѓето кои ќе донесуваат одлуки во однос на маркетингот.

Извор на информации

Еден од најтешките чекори во процесот е каде да се најдат информациите. Еве некои извори на информации кои ќе можете да ги користите:

  • Тековни потрошувачи? Прашајте ги за мислење.
  • Бизнис списанија. Можете да најдете веќе завршени истражувања на пазарот во ваквите списанија.
  • Анкети.
  • Интернетот е голем извор на информации за анализа на пазарот.
post

ПРОНАОЃАЊЕ И ИНСТАЛИРАЊЕ НА ДОДАТОЦИ – ВИДЕО 5

Стигнавме до петото видео од овој серијал на премиум видео материјали за беплатна презентација на Вашиот бизнис.

Досега го направивме следново:

  • Во првото видео регистриравме домеин име и бесплатен хостинг
  • Во второто видео инсталиравме WordPress платформа преку која ќе објавувате содржина на Вашата веб страна
  • Во третото видео изберавме и инсталиравме тема на WordPress која го смени оној дифолт изглед на нашата веб страна.
  • Во четвртото видео ја ажуриравме содржината на нашиот нов веб сајт.
  • На ред е во петото видео да видиме каде да најдеме и како да инсталираме додатоци кои ќе ја подобрат функционалноста на нашата веб страна.

Кликнете на сликата и ќе ве одведе до видеото:

Чекори кои ќе треба да ги спроведете:

  1. Пребарајте го Google за додатоци или одете нна официјалната страна на WP за додатоци
  2. Симнете го додатокот кој сакате да го инсталирате
  3. Отпакувајте го
  4. Поставете го на веб сервер во делот wp_content/plugins
  5. Одете во администраторкиот дел на Вашиот блог, потоа кликнете на Plugins и пронајдете го на листата додатокот кој штотуку го поставивте на веб серверот.
  6. Активирајте го додатокот со кликнување на Activate. И тоа е се!
  7. Барајте други додатоци и играјте се со истите за да видите каква функционалност му додава на Вашиот веб сајт.
  8. Чекајте го следното видео.
post

ИСТРАЖУВАЊЕ ПОКАЖУВА ПОГОЛЕМА УСПЕШНОСТ НА ВЕБ ПРЕЗЕНТАЦИЈА НА МАЛИТЕ БИЗНИСИ СО БЛОГ

Го пишувам овој напис пред да тргнам на одмор и најверојатно кога ќе биде објавен ќе бидам на некоја плажа. Оваа автоматизација ми ја обезбедува WordPress платформата за блогирање.
Kако едно надополнување на претходниот напис за 10 блог теми за промоција на Вашиот бизнис сакам да споделам резултати од едно истражување кое го спроведе HubSpot.
Истражувањето е спроведено на 1531 бизниси (воглавно мали и средни бизниси) и од кои 795 имаат блог додека 736 немаат и не трошат време за блогирање туку имаа статична веб страна.
Како откритие од истражувањето се наведува дека:

The data was crystal clear: Companies that blog have far better marketing results. Specifically, the average company that blogs has:

Значи бизнисите кои користат блог како едно од маркетинг средства наместо статична веб страна за презентација и промоција на бизнисот имаат 55% повеќе посетители, 97% повеќе влезни линкови (други веб страни имаат линк кон нив) и 434% повеќе индексирани страни на Google (Google Index е мерка на Google за важноста на една веб страна врз основа на која се базира нивното пребарување). Резултатите за бизнис блогови се навистина импресивни.
Пред едно месец дена на една компанија во Македонија им препорачав да користат блог доколку сакаат да остварат поголеми успеси. Оваа препорака ја дадов по анализа на нивната веб страна која е статична и која слабо котира во однос на пребарување. Тие ми одговорија дека секој странец кој ќе го посети нивнисајт прават зделка за извоз. Но малку се оние кои ги посетуваат. А, секако би сакале да ги посетат многу повеќе и ќе имаат многу повеќе договори за работа.

post

АЖУРИРАЊЕ НА СОДРЖИНА НА ВАШИОТ ВЕБ САЈТ – ВИДЕО 4

Стигнавме до четвртото видео од овој серијал на премиум видео материјали за беплатна презентација на Вашиот бизнис.

Досега го направивме следново:

  • Во првото видео регистриравме домеин име и бесплатен хостинг
  • Во второто видео инсталиравме WordPress платформа преку која ќе објавувате содржина на Вашата веб страна
  • Во третото видео изберавме и инсталиравме тема на WordPress која го смени оној дифолт изглед на нашата веб страна.
  • Сега во четвртото видео ќе ја ажурираме содржината на нашиот нов веб сајт.

Кликнете на сликата и ќе ве одведе до видеото:

Чекори кои ќе треба да ги спроведете:

  1. Поврзете се во администраторскиот дел на Вашиот веб сајт
  2. Одете на Posts
  3. Кликнете на Add Post за нов напис
  4. Играјте се со можностите на Word Press
  5. Чекајте го следното видео
post

10 БЛОГ ТЕМИ ЗА ПРОМОЦИЈА НА ВАШИОТ БИЗНИС

Блогирањето претставува едно од маркетинг средства кое во серијалот од маркетинг средтсва ќе го опфатиме во понатамошниот период. Многу е поголема видливоста и експертизата на бизнисот докоBloggingTopicsлку ја користи оваа алатка. Блогот кој се користи за бизнисот мора да биде место каде потенцијалните потрошувачи ќе дојдат од време на време и ќе ја читаат содржината на истиот. Читањето на содржината треба да мотивира желба за купување од Вашиот бизнис.
Еден од проблемите со блогирање за бизнис е кои теми да ги опфаќате во истиот. Еве 10 различни теми за кои можете да блогирате со цел зголемување на продажба за Вашиот бизнис:

  1. Блог написи за производи и/или услуги. Опиши ги производите и/или услугите кои твојот бизнис ги нуди. Запомни дека производите и услугите се нешто што сакате да го продадете на Вашите потенцијални купувачи. Обезбеди дескриптивна и графичка презентација на тие производи и/или услуги. Опиши ги проблемите кои тој производ и/или услуга може да ги реши.
  2. Блог написи за индустријата. Можете да напишете блог написи кои ќе се однесуваат за индустријата во која се наоѓа Вашиот бизнис. Прикажете извештаи од списанија за Вшата индустрија. Каков ќе биде развојот на индустријата во иднина? Што може да се очекува во иднина од индустријата и од Вашиот бизнис? На ваков начин ќе ја изградите Вашата експертиза за индустријата во која се наоѓате.
  3. Блог написи за Вашата експертиза. Претставете се како еден експерт во полето на Вашиот бизнис. Конечната одлука за купување во многу случаи ќе зависи од Вашата експертиза за темите на кои се однесува Вашиот бизнис. Пишувај за твоите мислења за одреден тип на производи и/или услуги и различни брендови. Претставете се како решавач на проблеми за потенцијалните потрошувачи.
  4. Блог написи за искуството на задоволни потрошувачи. Презентирајте ги добрите препораки од задоволни потрошувачи. Кога потенцијалните потрошувачи донесуваат одлука за купување, тие сакаат да видат какво е искуството на другите луѓе кои веќе го имаат и користат Вашиот производ и/или услуга. Собирајте препораки од задоволни потрошувачи и од време на време испратете нова препорака и искуство за производите, услугите и Вашиот бизнис.
  5. Блог написи за проблеми на потрошувачи. Секој бизнис решава одреден тип на проблем кој потрошувачите го имаат. Објаснете ги тие проблеми во вашите блог написи. Повикај да остават коментари и барај други проблеми кои можете да ги опишете. Читателите сакаат да се идентификуваат со проблемите и да најдат начин како да ги решат.
  6. Видео презентации. Сега е многу едноставно да направите и објавите видео на Вашиот блог. Видео материјалите ја имаат моќта да му дадат визуелизација на производот и услугата на Вашите потенцијални потрошувачи. Направете видео за Вашите производи и/или услуги и објаснете ги сите позитивни аспекти во истото.
  7. Блог написи за резултати од прашалници. Направете прашалници за Вашиот бизнис, производи, услуги, пазар или пак индустрија. Напишете напис за резултати и дадете мислења и идни чекори кои Вашиот бизнис ќе ги опфати.
  8. Блог написи за тековни настани. Изберете некој интересен тековен настан поврзан со Вашиот бизнис, пазар или индустрија и напишете некоја информација од истиот. Размислете што би било интересно за Вашите читатели и потенцијални потрошувачи. На пример, доколку посетите некој семинар од Вашата индустрија извадете некој интересен дел и објавете го на Вашиот блог.
  9. Одговарајте на прашања од коментари. Секое прашање кое ќе можете да го најдете во коментарите на блог написите ќе претставува инспирација за блогирање. Дајте добри одговори на тие прашања во вид на посебен блог напис. Бидете дескриптивни и од помош со Вашите одговори. На таков начин читателите ќе стекнат чувство дека навистина ви се важни за Вас и за Вашиот бизнис.
  10. Општи теми. Добра стратегија понекогаш е да изберете да пишувате за општи теми од секојдневниот живот. Можете да најдете такви теми од другите блогови и да напишете Ваше сопствено мислење за таа тема.

Блогирање за бизнис е една од најдобрите маркетинг стратегии што треба да ги искористите. На ваков начин, континуирано ќе бидете во една добра интеракција со тековните и потенцијалните потрошувачи. Направете листа на теми за кои ќе пишувате и започнете со пишување и објавување. Ова ќе ја зголеми бизнис потенцијалната енергија на Вашиот бизнис и на Вашите маркетинг активности. Поволностите ќе ги почувствувате многу бргу.
За изработка на блог имаме изработено серијал од видео материјали. Доволно е само да се регистрирате за неделни билтени и ќе започнете да ги добивате видео материјалите во вид на како да направам веб презентација.

Преземено од Entrepreneurship In a Box.