post

Организациски Промени – 8 Едноставни Чекори за Имплементација

Организациските промени претставуваат процес кој носи подобрување кај бизнисите. Тие се една и единствена константа во бизнис животот но и во животот на претприемачот. Во пракса постои размислување дека организациските промени и процесот на управување со промените претставува нешто многу тешко. Како и да е, доколку имплементирате систем кој ќе обезбеди брза имплементација на процесот на промените веројатноста од неуспех ќе биде многу помала.

Не би сакал да одам низ комплексноста на процесот на промени бидејќи таа комплексност доведува едно чувство на страв кај менаџерите и претприемачите. Кога ќе погледнете во едноставноста тогаш поедноставно е да се започне и имплементира еден таков процес.
За многу менаџери и претприемачи организациските промени претставуваат ноќна мора. Но, доколку тие (менаџери и претприемачи) се фокусирани на вистинските работи и изградат бизнис култура и организациска култура каде промените се широко прифатливи од вработените или организациските членови п-роцесот на имплементацијата ќе биде многу поедноставен.
Постојат повеќе причини за неуспешни организациски промени. Една од најчестите причини е отпорноста кон промените или отпорот кон промените. Во написот од линкот се претставени 28 фактори кои предизвикуваат отпорност кон промените. Овие фактори не се некоја измислица туку резултат од едногодишно мое истражување во однос на отпорноста кон организациските промени во 80 компании во Република Македонија. Доколку имате систем кој ќе ве информира за изворите на промените и доколку проверите дали постојат некои од факторите кои би предизвикале отпорност и ги елиминирате навремено пред започнување на процесот на имплементацијата ќе бидете на половина пат од успехот на проектот.

8 Едноставни чекори за имплементација на Организациски промени

  1. Имплементација на систем за следење на организациските промени. Најважниот дел од процесот на организациските промени е да се знае кога да се промени нешто и што е тоа нешто што треба да се промени. Доколку ги знаете вистинските предмети на промена и вистинското време и место на таа промена ќе бидете на половина пат до имплементација на успешни промени. Деловното разузнавање е процес кој обезбедува еден ваков систем.
  2. Изработка на план за имплементација на промените. Планот на процесот на имплементација на организациски промени претставува патоказ за успешен процес на промени кај бизнисите. Овој план мора да одговори на прашањата како што се: Што да се менува, кога да се менува и како да се менува.
  3. Пронајди ги можните фактори кои може да предизвикаат отпорност кон промените. Веќе го споменав написот за 28 фактори кои предизвикуваат отпорност кон промените, прочитајте го внимателно и размислете во однос на сите фактори дали има можност да се појават во Вашиот процес на промени.
  4. Намалете го влијанието на факторите на процесот уште пред имплементација на истиот. Пред да започнете со процесот на имплементација ќе мора да го намалите влијанието на факторите кои може да предизвикаат отпорност кон процесот на имплементација на промените. На ваков начин ќе го подобрите иницијалниот план бидејќи ќе добиете добри препораки од вработените и сите членови на бизнисот што би се противеле доколку нивните предлози не бидат вклучени во процесот на имплементацијата.
  5. Имплементирајте го процесот на промените. Кога ќе завршите со надминување на отпорноста кон промените можете да започнете со процесот на имплементацијата. Поминете низ сите планирани активности од чекорот 2 или ажурираниот план од чекорот 4.
  6. Прославете ја успешната имплементација. Ова е доста едноставен чекор, но сепак многу важен и честопати се заборава. Зошто е важен овој чекор? Доколку процесот на имплементација е успешен и го прославите успехот со Вашите вработени, мотивацијата за наредните процеси на промени ќе се зголеми. А, наредниот процес продолжува веднаш. Се сеќавате од почетокот дека промената е една константа во бизнис животот.
  7. Мерете ги резултатите. Мерење на резултатите е важен чекор во процесот бидејќи ќе можете да видите како процесот на промените после имплементацијата влијае на бизнис перформансите. Доколку нешто не оди онака како што е планирано, тогаш променете го или вклучете го во наредниот чекор.
  8. Рестартирајте го целиот процес повторно.

Можете да забележите дека ова е еден сличен процес како Lewin-Schein-овиот процес на организациски промени:

  • Одмрзнување – потреба од промени и подготовка на терен за промени.
  • Акција – Имплементација
  • Замрзнување – Стандардизирање и мерење на резултати.

Велам Lewin-Schein-ов процес бидејќи овој процес за првпат е предложен од Kurt Lewin а потоа доработен и разработен од страна на Edgar Schein. (Нешто што длабоко го проучував пред едно 5 години). Разликата е во комплексноста на речениците и чекорите.
Совет за крај: Гледајте во едноставноста пред комплексноста – процесот е поедноставен.

post

6 Ентитети кои треба да се привлечат за Вашиот Бизнис Имиџ

Го градиме нашиот бизнис имиџ за ентитети кои ќе не следат и кои сакаме да ги привлечеме. Бизнис имиџот е нешто што има голема бизнис потенцијална енергија која може да биде трансформирана во лојални потрошувачи за нашиот бизнис.

Каков е процесот на градење на бизнис имиџ?

Го градиме нашиот бизнис имиџ кој ќе биде толку моќен што ќе привлече се повеќе и повеќе потенцијални потрошувачи, но со голема желба да бидат наши купувачи. Но, не се за потрошувачи. Ние сакаме да привлечеме и други ентитети кои се поврзани со нашиот бизнис на одреден начин. На пример, дали сакате да привлечете лица со солидни вештини за да ги вработите? Секако одговорот е да. Дали сакате да привлечете медиуми кои ќе креваат прашина на добро околу вашиот бизнис и ќе ја зголемат видливоста на бизнисот? Повторно, одговорот е да. Дали сакате да ги привлечете најдобрите добавувачи за Вашиот бизнис? Дали сакате да ги привлечете луѓето од владата за да помогнат во развојот на бизнисот? дали сакате да привлечете конкуренти кои ќе погледнат во Вашиот бизнис и ќе бидат импресионирани и ќе се обидуваат да ве следат? И секако, најверојатно на сите овие прашања одговорот е ДА.
Процесот е да се привлечат сите ентитети околу нашиот бизнис кои ќе ни помогнат на одреден начин во растот на нашиот бизнис. Една од грешките на претприемачите е што тие го прилагодуваат нивниот бизнис имиџ само за потенцијалните потрошувачи и не кон сите потенцијални ентитети. Во графикот подолу претставени се најважните кои треба да се привлечат со бизнис имиџот (извор: www.entrepreneurshipinabox.com):
BusinessImages

6 групи на ентитети

  1. Потрошувачи: Ова е првата група на ентитети која ја поделив во две категории: тековни потрошувачи и потенцијални потрошувачи. Нашиот имиџ треба да обезбеди нашите тековни потрошувачи да се враќаат и да купуваат од нашиот бизнис. Од друга страна овој бизнис имиџ мора да биде толку моќен за да привлекува нови потенцијални потрошувачи. Но, тука не е само да ги привлече туку и да предизвика желба за купување бидејќи без желба потенцијалните потрошувачи ќе станат само потенцијални потрошувачи. Од тоа ќе нема корист нашиот бизнис.
  2. Вработени. Втората група на ентитети кои треба да се привлечат со бизнис имиџот се вработени. Ова е најважна група по потрошувачите. Без вработени, ние немаме бизнис. Секогаш ќе сакаме да ги привлечеме најдобрите вработени за нашиот бизнис со што ќе ја зголемите бизнис потенцијалната енергија на целиот бизнис. Оваа група исто така е разделена на два подентитети: тековни квалитетни вработени кои сакаме да ги задржиме и потенцијални квалитетни вработени кои ќе сакаме да ги вработиме.
  3. Конкуренти. Третата група на ентитети се конкурентите. Вашите конкуренти секогаш ќе ве следат Вас, вашите бизнис чекори и Вашите бизнис активности. Тие секогаш ќе сакаат да го пронајдат начинот како Вие го практицирате бизнисот. Вашиот бизнис имиџ мора да ја претставува Вашата бизнис надмоќност која не може лесно да биде копирана.
  4. Снабдувачи.  Снабдувачите се исто така важна група на бизнис ентитетиза нашиот бизнис имиџ. Доколку изградите одличен бизнис имиџ, тогаш снабдувачите ќе сакаат да работат со Вас. Ќе добиете различни типови на погодности од оваа. На пример, ќе добиете поголем попуст од Вашите конкуренти, подобар тек на плаќање на набавените производи, прв ќе ги добивате новитетите итн. Замислете имиџ на редовен плаќач што може да направи во очите на снабдувачите. Целта на бизнис имиџот е да привлече два типа на добавувачи: тековни добавувачи за подобрување на меѓусобните односи и потенцијални добавувачи за раст на Вашиот бизнис.
  5. Влада. Дали треба да ја споменуваме моќта на владата? Во секој случај имаат огромно влијание врз бизнисот. Тие можат и да помогнат и да одмогнат на бизнисите, но нашиот имиџ треба да се обиде да добие помош за развој на бизнисот.
  6. Медиуми. Иако последни, не и нејневажни. Медиумите се ентитети кои навистина можат да помогнат во растот на Вашиот бизнис со огромна брзина. Тие можат да Ви помогнат да ја зголемите видливоста на бизнисот. Целта на бизнис имиџот е да привлече колку што може повеќе медиуми кои позитивно ќе зборуваат за Вашиот бизнис и ќе ги распространуваат важните пораки поврзани со Вашиот бизнис.

Ова не се единствените ентитети, но се најважните. Размисли за ентитетите кои сакате да ги привлечете за Вашиот бизнис и направете план како да ги опфатите истите. После тоа следува акција во однос на градење на бизнис имиџ кој не може лесно да биде копиран.

post

ЗГОЛЕМУВАЊЕ НА ЕФИКАСНОСТА – ROBO FORM – ВИДЕО

Уште едно видео на претприемач за зголемување на http://pretpriemac.com/myPictures/Video-Materijali-CD.png ефикасноста. Денес живееме во време кога многу работи се изведуваат електронски. Особено бизнисите користат еден куп апликации било да се веб или десктоп кои бараат поврзување со помош на корисничко име и лозинка. Да видиме што се еден просечен бизнис користи или пак може да користи. Ова кога велам бизнис мислам за вработени во тој бизнис или претприемачот.

  • Веб апликација. Ова се апликации за продажба или пак аналитика кои ги мбележат сите поважни бизнис активности. За да пристапите до апликациите Ви треба корисничко име и лозинка.
  • Десктоп апликации. Ова се апликации кои како веб апликации вршат одредени бизнис активности.
  • Е-mail. За секое поврзување на Вашиот е-mail морате да внесете корисничко име и лозинка.
  • Социјални мрежи. Како една маркетинг стратегија социјалните мрежи се се поприсутни. За да се поврзете до истите ќе ви треба корисничко име и лозинка.
  • Социјални обележувачи. Можеби користите социјален обележувач како што е delicious за да ги обележите Вашите омилени страни кои ќе сакате да ги искористите за читање подоцна. а да се поврзете до истите ќе ви треба корисничко име и лозинка.
  • Пристап до некоја веб страна за која треба корисничко име и лозинка.

Ако се собере се може да излезе еден просечен бизнис или вработен во тој бизнис да има 30-тина кориснички имиња и лозинки. Се е ОК доколку сите користат исти правила за корисничкото име и лозинка. Но, во практиката се јавуваат следниве проблеми:

  • Некаде не ви е дозволено да изберете самите корисничко име и лозинка туку ќе мора да ги користите автоматски генерираните.
  • Некои бараат сите да бидат мали букви или пак да не користат специјални карактери, додека пак другите бараат токму такви правила.

Па може да излезе дека ќе треба да паметите 10-тина различни кориснички имиња и лозинки или пак да ги имате некаде запишано. Или пак кога ќе ги заборавите да барате да ви биде испратен податокот по e-mail или пак да го контактирате администраторот. Сето ова е непотребно губење на време. Или што би се кажало активности кои не додаваат бизнис вредност.
Затоа во оваа видео ќе ви ја презентирам една од најдобрите апликации која оваа паметење ќе го врши место Вас и секогаш кога ќе пристапите до некоја апликација или веб страна која бара корисничко име и лозинка ќе ги пополни место Вас. RoboForm e најдобро рангираниот менаџер на лозинки и пополонувач на веб форми кој целосно го автоматизира внесувањето на лозинки и пополнување на формите. Можете да го видите како функционира и каде да го најдете преку оваа видео:

post

БИЗНИС – ШТО Е ТОА БИЗНИС И КАКО ДО БИЗНИС?

На претприемач постојано пишуваме за бизнис, но воопшто не навлегов во суштината за тоа што претставува бизнис. При крајот на 1980-тите години и почетокот на 1990-тите години овој збор стана многу популарен. Така да и децата во градинките и во училиштата знаеја за бизнис и го користеа на некој начин во своите игри. Тогаш и практично почнаа да се развиваат одредени видови на бизниси кои беа сосема поразлични од онаа што тогаш беше вообичаен пракса за ООЗТ или ОЗТ.

Интересно е дека многу луѓе се наоѓаат во некаков бизнис а не се ни свесни дека имаат бизнис кој можат да го развиват за да изградат бизнис империја. Некои успеват да станат свесни, па своето таканаречено „хоби“ го трансформираат во вистински бизнис.

Бизнис дефиниција за бизнис

Бизнис како термин може да се користи на различни начини.

  • Израз дека имаат работа – Имаме некој бизнис!
  • Израз дека поседуваат компанија – Имам сопствен бизнис!
  • Именка – Мал бизнис
  • …

Да видиме некои дефиниции за бизнис:

Wikipedia: Бизнис е легална организација усмерена кон остварување на материјални добра или услуги наменети за потрошувачот. Бизнисот доминира во капиталистичкото општество,највеќе како приватна сопственост на поедино лице или некоја друга форма на здружување,која има за цел остварување на профит,кој би го зголемил богатството на сопственикот и би го зголемил обемот на самиот бизнис. Сопствениците и операторите за да успеат во некој бизнис мора да бидат претпазливи со капиталот што го располагаат,состојбата на пазарот,како и да преземат ризик доколку тоа е неопходно.

Oxford Dictionary: Бизнис претставува активност на правење, купување, продавање и снабдување на одредени работи за пари; комерција, трговија.

Бизнис речник (Business Dictionary): Бизнис претставува економски систем во кој производите и услугите се разменуваат за друг производ или услуга или пак за пари врз основа на нивната вредност. Секој бизнис бара одредена форма на инвестирање и доволен број на потрошувачи за кој неговиот аутпут ќе биде продаден за профит на конзистентна основа.

Бизнис во Oxford Dictionary уште се опишува како задача, професија, занимање, настан.

Мислам дека овие дефиниции се доволни за суштината на овој напис: Што е тоа бизнис? Можеме да забележиме дека од три дефиниции сите се различни, а сепак сите опишуваат ист збор и сите се вистинити. Би тргнал со една кратка анализа на истите во однос на клучните аспекти во поглед на бизнис.

Прво, Wikipedia.

  • Бизнис е легална организација – Точно. Бизнис е само легална организација – Неточно. Постојат и нелегални и организации кои се занимаваат со бизнис. Легална организација значи кога бизнисот е внесен во правниот систем на државата. А, колку бизниси постојат кои не се внесени во правниот систем на државата. Но, сепак се бизниси. Тие бизниси продаваат производи и услуги на потрошувачи за пари.

Второ Oxford Dictionary.

  • Бизнис е активност – Точно. Таа активност е правење, купување, продавање и снабдување на одредени работи за пари. Значи бизнисот може да биде производство, трговија на мало и големо како и услужен бизнис.

Трето, бизнис речник.

  • Бизнис претставува економски систем во кој се разменуваат производи и услуги за други производи или услуги или за пари. Значи не мора да значи дека размената се врши само за пари, туку може и други производи или услуги. Но, сепак на крајот целта е да се добијат пари со продажба на тие други производи.

Едноставно можеме да кажеме дека бизнис е секоја активност со која заработуваме пари. Постојат и непрофитни бизниси, но од некаде мора да добијат пари за да ги платат вработените и останатите трошоци на таквите типови на бизниси. Значи секој бизнис во секој случај е поврзан со пари.

Бизнис практики

Она што го извлеков од дефинициите и мојата напомена дека бизнисот не мора да биде легална организација. Значи бизнисот може да се започне со некоја едноставна купопродажба. Идејата е да се купи нешто за повтино и да се продаде поскапо. Како пример, можат да бидат зелените пазари на кои се продава се и сешто. Производите кои се продаваат таму се купени за поевтино на пазарите на големо во Македонија или надвор од неа. За производите набавени од надвор не се платени царински и други давачки. Но, овој бизнис не може да биде вечен иако има некоја солидна заработка. Втора етапа во развојот е да се легализира бизнисот, односно да се внесе во правниот систем.

Но, ваквиот начин на развој на бизнисот ќе бара откажување од поголем дел од сегашната заработка и вложување во локација, во поквалитетни производи, во давачки кон државата итн. Но, во секој случај е подобро да се искористи моментот и да се започне со вистинскиот бизнис.

Како дете имав започато три бизниси со уште двајца мои пријатели. Првиот беше обична купопродажба. Ги купивме сите гумички во боја во книжара. Ако ги купивме за 10 денари ги продававме за 20 денари. Бидејќи ги купивме сите никој друг не можеше да ги најде во книжарницата, па имавме можност за поголема заработка. Значи, ја препознавме можноста и ја искористивме. Но, сепак се откажавме од секојдневните благодети на парите што ги имавме за јадење, сокче или нешто друго што ни следуваше во тие денови. Значи се откажавме од сегашната благосостојба за да инвестираме во еден „бизнис“, но затоа подоцна имавме доволно пари за секој викенд да бидеме во слаткарница.

Вториот бизнис не беше успешен како првиот. Но, третиот бизнис доживеа навистина огромен успех. Третиот бизнис во моето детство беше романотека. Изнајмувавме романчиња во сопствен продажен простор. Повторно со истите партнери ги здруживме силите со инвестиција на пари за нови романчиња и оние кои ги имавме. За време на целиот летен распуст работевме. Заработката беше одлична бидејќи можевме да си дозволиме секоја вечер да бидеме во слаткарница.

Значи и овие бизниси претставуваат бизнис.

Голема грешка е кога не се искорити моментот за развој на бизнисот. Не смеете да си дозволите да не ја искористите можноста.

post

МАРКЕТИНГ СРЕДСТВА 21 – СТАВОВИ НА ВАШИОТ БИЗНИС

Продолжуваме со 21-то маркетинг средство за Вашиот бизнис. Ова маркетинг средство кое е предмет на обработка во овој напис на претприемач претставува едно од маркетинг средства за кои воопшто не трошите пари, туку се зависи од Вашите внатрешни елементи на бизнисот. Зависи од Вас како претприемач и Вашиот менаџерски и неменаџерски кадар.

Не можете ни да замислите какво влијание има оваа маркетинг средство врз Вашите сегашните потрошувачи и потенцијалните потрошувачи. Едно е сигурно дека сите Ваши потези се следени од некого. И секој кој ги следи Вашите потези донесува конкретни одлуки и заклучоци за Ваа и Вашиот бизнис. Овие следачи може да бидат:

  • Потрошувачи. Во оваа група спаѓаат и сегашните и потенцијалните, односно идни потрошувачи. Оваа категорија е една од најважните Ваши аудиенции. Потребно е посебно внимание да се обрне кон истите.
  • Конкуренти. Во оваа категорија спаѓаат Вашите конкуренти кои имаат за цел или да ве стигнат или да се заштитат од Вас и Вашиот бизнис доколку им се приближувате премногу. Оваа категорија како маркетинг средство воопшто не е важна, но сепак има големо влијание врз Вашиот бизнис.
  • Медиуми. Оваа категорија на Ваши следачи може да одигра голема улога за Вашиот бизнис. Еден краток прилог во вестите на некој медиум може да ви донесе огромен публицитет. Но, вниманието на оваа категорија тешко се свртува особено на малите бизниси. Посебно е важно да забележиме дека оваа категорија може и непријателски да се однесува кон Вас па затоа е потребно особено внимание.
  • Вработени. Во категорија на следачи спаѓаат и вработените. Од една страна како потенцијални вработени за да привлечете квалитетна работна сила и од друга страна како веќе вработени кои можат директно да се вклучат во Вашите маркетинг активности и тоа неформални маркетинг активности. Ставовите навашата компанија можат бргу да бидат проширени преку Вашите вработени при нивни секојдневни контакти со надворешниот свет. Треба да се искористат на вистинскиот начин.
  • Добавувачи. Ова е уште една категорија на Ваша аудиенција која постојано ве следи, а може да има огромна улога во Вашите маркетинг кампањи.
  • Влада. Моќта на владата е толку голема што може да има огромни последици за секој бизнис, како позитивни така и негативни. Сведоци сме како со една одлука може да се унишатт империи од бизниси. Но, сведоци сме како со помош на Владата може да се изгради брзо бизнис империја. Потребно е особено внимание.

Уште една работа за оваа маркетинг средство е важна освен аудиенцијата. Тоа е начинот на согледување на Вашите ставови. Прашањето е како се дистрибуираат ставовите на Вашиот бизнис. Постојат неограничен број на можности и зависат од Вашата креативност што ќе искористите за да бидете забележани. Како основни групи би ги издвоил:

  • Формални пишани материјали на Вашиот бизнис. Оваа група на дистрибутери на ставови претставува Вашата мисија, визија, цели, интерни билтени, одлуки итн. Оваа група ги опфаќа вашата внатрешна аудиенција но и надворешната.
  • Маркетинг материјали. Понекогаш можете Вашите ставови да ги распространите преку Вашите маркетинг материјали со вклучување на една реченица како што е: „Нашата компанија води посебна грижа за заштита на нашат околина“. Со една ваква реченица го прикажувате Вашиот став дека сте заинтересирани за една посебно популарна проблематика, а тоа е екологијата.
  • Неформална комуникација. Оваа е навистина огромна група и содржи огромен маркетинг потенцијал доколку навистина се искористи правилно. Оваа комуникација може да биде пишана, изговорена или пакелектронска. Социјалните интернет мрежи овозможуваат одличен простор за искористување на споделување на Вашите ставови.
  • Формално и неформално однесување. Како се однесувате формално а како неформално? Каква слика градите за себе? како се однесуваат Вашите вработени формално и неформално? Како се однесуваат при контакт со потенцијални или сегашни потрошувачи? Сето оваа гради одредена слика за Вас и Вашиот бизнис.

Мислам дека не е во целост искористен потенцијалнот на оваа маркетинг средство. Оваа маркетинг средство не бара вложување на пари, но секако ќе бара одреден труд. Па се гледаме во наредното маркетинг средство 22-ро по ред.

post

ПЕРСОНАЛИЗАЦИЈА НА ТЕМАТА НА WORD PRESS – ВИДЕО 6

Стигнавме до шестото видео од овој серијал на премиум видео материјали за беплатна презентација на Вашиот бизнис.

Досега го направивме следново:

  • Во првото видео регистриравме домеин име и бесплатен хостинг
  • Во второто видео инсталиравме WordPress платформа преку која ќе објавувате содржина на Вашата веб страна
  • Во третото видео изберавме и инсталиравме тема на WordPress која го смени оној дифолт изглед на нашата веб страна.
  • Во четвртото видео ја ажуриравме содржината на нашиот нов веб сајт.
  • Во петото видео видовме каде да најдеме и како да инсталираме додатоци кои ќе ја подобрат функционалноста на нашата веб страна.
  • На ред е во шестото видео да опфатиме нешто за персонализација, односно промена на темата која сте ја избрале. Во видеото ќе ви покажам каде да најдете и како да користите две бесплатни алатки за вршење на измените.

Кликнете на сликата и ќе ве одведе до видеото:

http://pretpriemac.com/myPictures/video-6.png

Чекори кои ќе треба да ги спроведете:

  1. Да ги симнете и инсталирате двете алатки
  2. Со помош на едната анализирајте ја Вашата тема, односно каде се наоѓаат сликите, кои слики користи и какви слики користи.
  3. Извршете измена на постоечките слики или ставете сопствени, но внимавајте да бидат со иста големина и исто име.
  4. Со Notepad otворете ги сите php фајлови и извршете измени каде што мислите дека ќе треба.
  5. Пробувајте различни измени, но секогаш чувајте го оригиналниот фолдер на Вашиот компјутер или правете бекап на фајловите кои ќе ги менувате пред да започнете со менување за да не тргне нешто наопаку.
  6. Чекајте го следното видео.
post

ПРЕТПРИЕМАЧ НА FACEBOOK И TWITTER

Конечно најдов време за оваа стратегија од пред 8 месеци што ми стои како нереализирана да ја спроведам.
Од десната страна на блогот на претприемач се наоѓаат лентите со содржина од Facebook и Тwitter. Можете да не следите на Тwitter како и да станете фан на претприемач на Facebook со еден клик. Можам да ветам само дека ќе има многу интересни материјали кои што ќе гледам да бидат попрактични и покорисни за претприемачите.
Facebook е веќе докажан во Македонија како број 1 веб страна за социјално вмрежување. Twitter не е популарен како Facebook но потенцијалот е огромен. Сите во САД и во порзвиените земји се заразени со еден модерен вирус наречен Twitter.
Информации за се и сешто се шират преку Twitter за помалку од 5 минути. За нападот на Word Press добив информација преку Twitter.
Па, доколку скаате да бидете поврзани со претприемач повелете.

post

12 ГРЕШКИ КОИ ПРЕТПРИЕМАЧИТЕ НАЈЧЕСТО ГИ ПРАВАТ ПРИ ЗАПОЧНУВАЊЕ НА БИЗНИС

Грешките се дел од нашиот секојдневен живот. Некои грешки нема да не чинат нишMistakeто, но некои од нив можат да бидат скапи и катастрофални. Затоа мора да се избегнат грешките што можат да донесат катастрофа во нашиот бизнис или живот. Но, исто така, некои грешки може да бидат добри затоа што можеме да научиме нешто ново од истите.
Сепак, грешките се нешто што не е извршено правилно или онака како што треба или нешто што го правиме во погрешна насока.
Периодот на започнување на бизнис претставува еден од најчувствителните периоди за бизнисот и за животот на еден претприемач. Започнувањето на бизнисот е проследено со:

  • Недостатокот на финансии
  • Недостаток на потрошувачи
  • Недостаток на време за да го развиваат бизнисот.

Поради тоа многу е важно во овој суштински период за бизнисот да не се прават некои „глупави“ грешки што можат да го уништат бизнисот уште во раните фази. Најчестите грешки кои претприемачите може да ги направат во период на започнување на бизнис и кои понекогаш можат да бидат катастрофални за успехот на бизнисот се:

  1. Бизнис идејата не решава никаков проблем на пазарот. Секој бизнис продава нешто. Оној што плаќа за тоа нешто плаќа затоа што очекува дека ќе му биде решен проблемот. Доколку бизнисот не решава нечиј проблем тогаш тоа и не е бизнис.
  2. Започнуваат бизнис без истражување на пазарот. Секој почеток треба да има претходница од истражување на пазарот. Без соодветно истражување на пазарот нема да се знае кои производи и услуги да се понудат и за кои производи и услуги потрошувачите се спремни да одвојат пари.
  3. Сакаат да започнат и започнуваат бизнис, за кој не поседуваат вештини.
  4. Бизнисот кој го започнуват не им е забавен. Често пати се водат од заработката пред се. Иако, треба она што ќе го работат да им биде забавно и да го сакаат.
  5. Немаат доволно пари за започнување на бизнис, а сепак започнуваат. Поради слабата проценка на потребни инвестиции влегуваат во бизнис за кој немат финансиски капацитет.
  6. Немаат трпеливост. Секој бизнис бара трпеливост. Не постојат лесни пари. Можеби за да се почувствуват првите поволности ќе поминат две до три години.
  7. Не вработуваат за да го развиваат сопствениот бизнис. Не гледаат во вработување на луѓе како процес на развој и раст на сопствениот бизнис туку како трошок. Иако тој трошок може скапо да ги чини подоцна.
  8. Мислат дека се можат да направат сами. Една од најголемите грешки. Што од недоверба во други луѓе, што од страв за ширење на бизнисот.
  9. Не го планираат започнувањето на бизнисот.
  10. Потрошувачите не им се едиствената движечка сила.
  11. Немат знаење од менаџментот. Кога тогаш бизнисот ќе бара менаџирање. Некои побргу, некои подоцна. Без доволно знаење од менаџментот постои опасност од губење на потенцијалот на бизнисот кој бргу се развива.
  12. Не користат ментори. Ова се грешки од типот што не прифаќат добронамерни бесплатни совети, а во исто време не бараат професионална помош од консултанти.
post

КРАТОК ПРЕГЛЕД НА FORMULA FIVE НА PAUL LUMBERT

Овој напис претставува еден краток преглед на еден систем наречен Formula Five од бизнис експертот Paul Lumbert. Системот е одличен и дојдов до него по една огромна промоција од страна на StomperNet кој го продаваше неговиот Home Study курс. Бев заинтересиран да го купам но со попуст сепак беше многу скап. Па се регистрирав за бесплатно упатување на содржината на самиот курс.

Тоа беше еден период пред 6-7 месеци кога целиот интернет свет беше нападнат со овој систем. Наједноставно кажано ова е систем кој препорачува мали подобрување кои ќе се почувствуваат навистина како големи во однос на приходот и на профитот на бизнисот.

Формула 5 значи дека постојат 5 и само 5 операции кои носат пари во бизнисот:

(1) Зголемувач на маржа

Зголемувач на претсавува систем кој ќе ви покаже како да го позиционирате бизнисот за поголеми цени, така да можете од продажбата да задржите повеќе за себе. Paul Lumbert вели:

Бизнисот не е за тоа колку продавате, туку колку на крајот задржувате за себе.

Навистина реално. Може да слушаме и да читаме се и сешто во однос на бизнисот, но сепак на крајот најбитно ни е колку останало во нашиот џеб. Целта на овој модул е да се изгради бизнис кој ќе може да наплаќа повеќе.

(2) Зголемување на продажба

Овој модул оди на објаснување на тоа дека повеќето бизниси се насочени само во наоѓање на нови потрошувачи додека забораваат на златниот рудник повторување и зголемување на продажба на постоечки потрошувачи.

(3) Привлекување на потенцијални потрошувачи

Овој операција се базира на привлекување на потенцијални потрошувачи од повеќе канали. Вообичаено бизнисите користат само еден канал на привлекување на потенцијални потрошувачи. Само еден дополнителен канал на постојан извор на потенцијални потрошувачи може да го дуплира приходот и профитот на Вашиот бизнис.

(4) Контрола на стапка на конверзија

Стапка на конверзија се однесува на процентуална стапка на трансфер на потенцијални потрошувачи во вистински купувачи. Оваа операција бара начин да се зголеми оваа стапка на конверзија па така наместо 2% да се зголеми за 15% и да биде 2,3%. Оваа зголемување ќе доведе и до зголемување на приходот но и профитот за бизнисот.

(5) Турбо притискање

Оваа операција е подобрување на ефективноста и ефикасноста на бизнис активностите. Не да се работи повеќе часови туку да се работи попродуктивно и попрофитабилно. Оваа операција значи ефективно користење на луѓе, системи и време во бизнисот.

Но, тоа не е се. Овие операции мора да функционираат заедно во зголемување на профитабилноста на Вашиот бизнис. Закон на соединување е основа на оваа методологија.

Закон на соединување

Законот на соединување вели дека ќе мора да ги подобрите за само 15% секој од 5-те операции.

  • Првин зголемување на маржа од 15%.
  • Потоа зголемување на продажба за 15%.
  • Потоа привлекување на уште 15% повеќе потенцијални потрошувачи.
  • Потоа зголемување на стапка на конверзија за 15%.
  • Потоа зголемување на ефикасноста и ефективноста на целиот бизнис за 15%.

Ова математички се изразува на следниов начин:

15% х 15% х 15% х 15% х 15% = 101,13%

Изгледа чудно и неточно!

Да, математички го проверив и навистина е така. Работата е бидејќи 15% од зголемување на продажба не се додава на 15% на зголемување на марќата туку се множи.

На пример, имате зголемување на маржа за 15%, а истата била 20% па сега е 23%. Просечната продажба била 500.000 денари и на неа сте имале профит од 100.000 денари. Сега просечна продажба е 575.000 денари и профит е 132.250 денари. Тоа е зголемување за 32.25% (15% х 15% = 1,15 х 1,15 = 1,3225).

Ајде сега да продолжиме. Ние имаме стапка на конверзија на потенцијални во вистинки потрошувачи 2% и привлекуваме вкупно 5000 потенцијални потрошувачи. Просечна продажба од еден потрошувач е 5000 денари. Го зголемуваме бројот на потенцијални потрошувачи за 15% па ќе бидат 5750 и во исто време стапката на конверзија ја зголемиме за 15% па ќе биде 2,3%. Добиваме 132,25 купувачи кои наместо 5000 денари месечно ќе купуваат за 5750 денари месечно (15% повеќе).

Што имаме:

Случај 1 – Сегашна состојба – 20% х 5000 потенцијални х 2% стапка на конверзија х 5000 денари просечна продажба = 100.000 денари профит

Случај 2 – По Формула 5 – 23% х 5750 потенцијални х 2,3% стапка на конверзија х 5750 денари просечна продажба = 174.900 денари профит

И кога на вториот случај ќе ги додадеме 15% од нашата зголемена ефикасност и ефективност ќе добиеме профит од 201.135 денари. Тоа во проценти е подобрување од 101,13 проценти.

Напомена: Формула 5 не вели дека мора да одите со 15% подобрување секаде. Можете да земете било кој број. Најчесто во реалноста се користи 4%. Но, може во прва операција да користите 4%, во втора 15% во трета 30% итн. Не е важен бројот. Важно е да е позитивен и да се множат резултатите. Обидете се и ќе се уверите.

За повеќе информации: http://www.stomperf5.com/

post

MАРКЕТИНГ СРЕДСТВА 20 – ИСТРАЖУВАЊЕ НА ПАЗАРОТ

Да продолжиме со 20-тото маркетинг средство – Истражување на пазарот. Сите бизниси егзистират на одреден вид на пазар. Пазарот е составен од тековни и потенцијални – можни идни потрошувачи. Вие како претприемач морате да разберете зошто одредена личност купува производ или услуга од Вас а за тоа постојат различни причини. Некои купувачи купуват заради една причина додека други заради друга причина. Истражување на пазарот е значаен дел од секој бизнис кој сака да понуди производ и/или услуга на пазарот. Оваа маркетинг средство има за цел да ве доближи до потрошувачите како би ги запознале подобро и би ги подобриле сите Ваши бизнис активности.
Истражувањето на пазарот им помага на претприемачите да научат повеќе за минатите, тековните и потенцијалните потрошувачи и со тоа знаење да донесат поквалитетни одлуки.

Што претставува истражување на пазарот?

  • Прво, истражување на пазарот претставува било која активност која има за цел да го разбере однесувањето на потрошувачите на одреден пазар каде што се наоѓа или пак планира да се најде бизнисот.
  • Второ, истражување на пазарот е процес преку кој се собираат информациите од пазарот и по тоа се извлекуваат специфичниподатоци за тековното и идното однесување на потрошувачите и се со цел да се развие ефикасна и ефективна маркетинг стратегија.
  • Трето, освен потрошувачи, истражувањето на пазарот ги анализира и конкурентите на одредениот пазар.

Истражување на пазарот треба да даде одговор минимум на следниве прашања:

  • Кои се целните потрошувачи?
  • Колку често тие потрошувачи ќе купуваат одреден производ или услуга?
  • Колку се спремни да платат за него?
  • Колкава големина на пазарот имаат конкурентите?
  • Која е цената на одредени производи и/или услуги кои ги продаваат конкурентите?
  • Каква импресија обезбедуваме со нашата маркетинг кампања?

Поволности кои бизнисот ги добива со истражување на пазарот:

  • Обезбедува опстанок на бизнисот на пазарот.
  • Ги идентификува можностите за бизнисот и во исто време овозможува заштита од заканите кои доаѓаат од пазарот.
  • Секогаш ќе ги познавате и постојано ќе учите за Вашите потрошувачи, конкуренти и активностите што ги превземате на пазарот.
  • Ќе го намалите ризикот за неуспех на производи и/или услуги кои планирате да ги воведете на пазарот бидејќи тие производи ќе бидат дизајнирани онака како што посакува пазарот.
  • Ќе Ви овозможи да имате основни патокази кои ќе мора да ги комплетирате.

6 чекори за имплементација на истражување на пазарот

  1. Идентификувајте ги целите на истражувањето на пазарот. Што сакате да постогните? Што сакате да дознаете? Што сакате да научите?
  2. Започнете со собирање на информации од пазарот.
  3. Проценете ги собраните информации во поглед на валидноста на истите.
  4. Анализирајте ги собраните информации.
  5. Интерпретирајте ги анализираните информации.
  6. Доставете го финалниот производ до луѓето кои ќе донесуваат одлуки во однос на маркетингот.

Извор на информации

Еден од најтешките чекори во процесот е каде да се најдат информациите. Еве некои извори на информации кои ќе можете да ги користите:

  • Тековни потрошувачи? Прашајте ги за мислење.
  • Бизнис списанија. Можете да најдете веќе завршени истражувања на пазарот во ваквите списанија.
  • Анкети.
  • Интернетот е голем извор на информации за анализа на пазарот.