post

Веб хостинг и видови на хостинг услуги

Веб хостинг и видови на хостинг услуги

Веб хостинг и видови на хостинг услуги

Ќе продолжиме со серијалот на постови кои заеднички со МКХост ги подготвуваме со цел еден претприемач да го зголеми своето претприемничко знаење и да не биде затечен во користење на различна техничка терминологија за оваа намена. Претходниот пост беше за 5 елементи кои Вие како еден претприемач треба да ги разгледате пред да одлучите за избор на хостинг компанија која ќе го хостира Вашиот бизнис веб сајт.

Ќе продолжиме со подетално објаснување на тоа што претставува веб хостинг и видови на хостинг услуги како би можеле да ја изберете онаа која на Вас како претприемач најмногу би ви одговарала.

Што претставува веб хостинг?

Веб хостинг односно web hosting (на англиски) едноставно може да се дефинира како хостирање на вашата веб страна на Интернет. Може да го дефинираме и како процес на физички поставување на веб сајт на физички сервер, на безбедна локација, кај одреден хостинг провајдер. Под сервер се подразбира физичка машина (компјутер) кој е наменет за опслужување на одредена задача, во овој случај оддржување на веб сајтот кој што е поставен на серверот. Под оддржување мислиме на стабилноста на веб сајтот, сигурноста, брзината на прикажување до крајните посетители, можност за ажурирање на податоците на сајтот…

Многу често терминот веб хостинг се користи и се искажува само: хостинг. Повеќето не го разбираат овој термин и бараат објаснување за неговото значење. Можеби некогаш сте се запрашале како вие да си отворите сопствена веб страна и да ја презентирате на интернет? Доколку да, сигурно сте побарале помош од некого кој веќе е упатен во таа област и првото што би ви го кажал е дека треба да си обезбедите веб хостинг или само хостинг. Зборот хостинг означува дејствие кое е во тек, често се употребува и надвор од интернет сферата кај Англискиот јазик како на пример: Chris will be hosting the 100 Most Shocking Music Moments countdown show on VH1 tonight (Крис ќе ќе ги хостира 100-те најшокантни музички моменти на VH1 вечерното шоу). Веб страната вие ја креирате на вашиот компјутер и потоа ја хостирате со услуга наречена веб хостинг која досега ја дефиниравме.

Доколку сте го слушнале и зборот домен (domain на англиски), често употребуван и како domain name, а во исто време и за веб хостинг и не сте можеле да направите разлика тогаш на овој линк може да прочитате повеќе за разлика помеѓу веб хостинг и домен.

Секоја веб страна што ја посетувате и отварате преку вашите веб пребарувачи е хостирана и достапна на Интернет преку веб хостинг услугите. Веќе знаеме дека интернетот е мноштво од милиони веб страни, каде секојдневно се стартуваат нови и нови, индустријата и хостинг бизнисот се потребни за да ја оддржуваат инфраструктурата на интернетот и да обезбедат поголема достапност на веб сајтовите. Поради овие факти постојат многу компании кои ги нудат овие веб хостинг услуги за одредена цена во зависност од типот на хостинг услугата.

Видови на веб хостинг услуги

Постојат повеќе видови на хостинг услуги. Тие се категоризирани во неколку наслови поделени според нивните карактеристики, па еве едни од најкористените веб хостинг услуги:

Shared Web Hosting

Хостинг сервер

Хостинг сервер

Shared хостинг пакетите се највеќе користени во хостинг индустријата од страна на клиентите како и нудени од хостинг компаниите. Shared (деллив или подделен хостинг) се нарекува поради тоа што целиот простор од еден сервер е поделен на повеќе клиенти и нивните веб страни. Пример хостинг компанијата има стартувано и подесено хостинг сервер со 500gb хард диск. Доколку земеме дека 100gb се користат за оперативниот систем и потребите на администраторите на серверот, теоретски може да кажеме дека остануваат 400gb хостинг простор кој што може да биде поделен(shared) со повеќе клиенти, односно да бидат хостирани повеќе веб страни на серверот и да го делат овој простор. Може да се постават 100 веб страни и секоја да има лимит од 4gb простор. Клиентот добива одреден лимит, а негово е дали ќе го исполни до крај или ќе искористи само неколку проценти од хостинг просторот. Така да теоретски на овој пример може да се стартуваат највеќе 100 веб страни со лимит од 4gb со што би се исполнил целиот хард диск од серверот.

Сепак многу хостинг компании вршат т.н. overselling на хостинг просторот знаејќи дека не сите ќе го користат понудениот хостинг лимит до крај и на тој начин нудат многу поголеми лимити. Доколку 1 од 100 го исполни хостинг просторот до крај тогаш другите 99 имаат само одреден процент исполнето и на тој начин тоа се компензира со поголеми понуди и привлекување на клиентите.

Сепак моја препорака е да се избегнуваат овие overselling хостинг компании, поради една добра причина: што ако сите 100 клиенти го исполнат хостинг просторот до крај? – Ова нема да биде возможно затоа што физички хард дискот нема да дозволи и ќе настане конфликт, поспори перформанси и слично. Ова е прост пример за хостинг сервер и shared хостинг пакетите, но во денешно време хостинг серверите се многу пософистицирани и имаат големи перформанси како и се поврзуваат заедно за опслужување на сајтовите на клиентите.

Кај shared хостинг пакетите процесорот, рам меморијата се делат помеѓу корисниците на истиот сервер. Доколку не постојат лимитирање на ресурсите може во одреден момент еден веб сајт односно клиент да го искористува максимално процесорот, а другите сајтови да бидат спори во дадениот момент.

Предности на Shared Хостинг

  • Цената е прикладна и прифатлива
  • Можност за лесна надградба на поголем пакет
  • Можност за повеќе технологии на истиот хостинг пакет.

Недостатоци на Shared Хостинг

  • Намалување на перформанси на сајтот
  • Неможност за инсталирање на апликации по потреба
  • Безбедноста на сајтот е загрозена доколку некој друг сајт од истиот сервер е мета на напади\

Заклучок

Shared хостинг пакетите се најефтината опција за хостирање на веб сајт. Се препорачува за мали и средни веб страни. Со него може да се користи и емаил сервис, како и други сервери кои спаѓаат за иста цена. Стандардните хостинг пакети на МКхост може да ги проверите на следниот линк: http://www.mkhost.com.mk/linux/

Виртуелен приватен сервер (ВПС)

Виртуелен сервер се нарекува виртуелен затоа што тој практично е дел од физичкиот дедициран сервер. На еден дедициран сервер се стартуваат повеќе виртуелни сервери кои секој си има посебна работна виртуелна околина. Хард дискот, рам меморијата, процесорот, сите се лимитираат и на одреден виртуелен хостинг сервер му се доделуваат лимитирани ресурси. Пример виртуелен приватен сервер со 60gb хард диск, односно хостинг простор,1024mb рам меморија и QUAD CORE процесор. Доколку сакате да имате контрола врз хостинг платформата, но не ви се потребни ресурсите за дедициран сервер тогаш ВПС опцијата е погодна за вас. Се користи виртуелизација на целиот сервер и секој ВПС сервер посебно си работи независно од другите ВПС сервери на главниот дедициран сервер. Можете во секое време да го рестартирате, да инсталирате дополнителен софтвер по ваши потреби и често имате root/administrator пристап.

Дедициран веб хостинг (Dedicated web hosting)

Веб страни на кои им се потребни целосни ресурси на еден сервер се хостираат на цел дедициран сервер. Големи веб страни со многу посети или хардверски побарувања се хостираат на ваков вид на хостинг – дедициран веб хостинг.

Корисникот има цел пристап до физичкиот сервер, додека веб сајтот што се хостира слободно без лимитирања може да ги користи сите ресурси и да опслужи што е можно повеќе посетители.

Сепак ваквиот тип на веб хостинг е поскап за разлика од другите хостинг решенија но затоа нуди големи перформанси.

Реселер веб хостинг (Reseller web hosting)

Доколку имате повеќе веб страни, или сте веб дизајнер кој што сака да ги хостира сите веб страни на неговите клиенти тогаш ова е погодна веб хостинг солуција за вас. Реселер веб хостинг услугата ви овозможува продавање на свои хостинг услуги до вашите клиенти или како хостинг само за вашите веб страни. Закупувате пакет по ваша желба пример 10gb хостинг простор со 100gb месечен сообраќај и со овие ресурси креирате ваши хостинг пакети и ги креирате за вашите сајтови/клиенти. Хостинг компанијата се грижи за серверот, за неговите надградби, безбедност, вие само креирате пакети.

Ко-локација на сервер

Доколку имате свој хардвер, односно ваша серверска машина која сте ја инсталирале и подесиле, може да ја ко-лоцирате во одреден дата центар кој ќе се грижи за него и ќе го обезбедува со нон-стоп интернет пристап, како и струјно напојување и ќе се грижи за неговата безбедност.

Бесплатен веб хостинг

Како што вели поговорката: „Нема бесплатен ручек“, истото може да го кажеме и за бесплатна хостинг услуга. Можеби сте сретнале на Интернет компании или организации кои нудат бесплатен хостинг, но тие на некој начин ви го наплаќаат со поставување на нивна реклама на вашиот сајт, банери, popup прозорчиња, одредени лимитирање на самиот хостинг, не ви нудат безбедност, backup решенија и можеби кога сакаат може да ви го исклучат, не се грижат многу за стабилноста на серверот…

post

Задржување на најдобрите без промоција во менаџери

Ако сака да остане мајстор, нека остене така!

Ако сака да остане мајстор, нека остене така!

Еден голем проблем со кој може да се соочи секој претприемач особено претприемачи на брзорастечки бизниси е да ги задржат најдобрите вработени притоа без да се промовираат истите во менаџери. Треба да бидеме свесни дека постојат одлични вработени со одлични технички вештини, но едноставно не сакаат да бидат менаџери или пак немаат потенцијал за менаџерска позиција.

Одличните технички вештини на одредени вработени претставуваат огромно богатство за еден бизнис. Тие технички вештини се оние кои ги произведуваат бизнис резултатите. Повеќе за менаџерски вештини можете да прочитате во менаџерски вештини. На пример, некои програмери во многу ситуации нема да сакаат менаџерска позиција бидејќи ќе сакаат да седат до доцна вечер пред сопствениот компјутер и да пишуваат код кој ќе претставува навистина огромна вредност за бизнисот. Доколку таквите личности ги промовирте во менаџери како дел од Вашиот систем за наградување ќе ја уништите нивната креативност.

Во една ваква ситуација еден претприемач или пак менаџер ќе има голема дилема. Дилемата е како да се задржат најдобрите и во исто време да бидат наградени, задоволни и респектирани без да мора да ги промовирате во менаџери.

Може да се искористат два приоди. И двата се важни за еден вработен.

1. Награди во форма на пари

Парите се важен елемент за секој вработен. Доколку некој е навистина потребен на тековната позиција и во исто време таа/тој или немаат потенцијал или едноставно не сакаат менаџерска позиција подобро е да останат на истото оперативно ниво. Но, тие може да очекуваат некаква награда во форма на пари. Тие знаат дека се вредни за бизнисот, знаат дека носат брилијантни резултати и знаат дека мора да бидат наградени за нивните напори.

Можете да користите различни начини за издвојување на овие вработени од просекот. Еве некои идеи:

  • Зголемување на плата,
  • Парични награди по секоја успешно комплетирана задача или проект,
  • Бонуси,
  • Платен одмор за нив и нивните семејства,
  • Платена школарина за нивните деца…

2. Нефинансиски награди

Иако се важни, но не претставуваат единствена можност за задоволство. Во бизнис светот постојат многу различни награди кои ќе бидат ценети од вработените. На пример, секој сака:

  • Да биде респектирана личност
  • Да има подобра репутација
  • Да има привилегии во независно донесување на одлуки.

Респектирана личност. Доколку некој е повреден од просечните вработени ќе очекува да биде респектиран од страна на колегите. Знаеме дека менаџерите се респектирани личности, но ние сакаме да изградиме вистински респект без менаџерски позиции. Интересно е што при едни вакви услови кога еден е повреден од остатокот (мнозинство) може да се појави љубомора од страна на мнозинството кон поединците. Но, затоа сте тука Вие како претприемач и/или менаџер кој може многу да помогне во градење на еден таков респект. Некои примери како можете да помогнете може да бидат следниве:

  • Споделете некои добри зборови за нив пред нивните колеги.
  • Пофалете ја нивната работа за да слушнат другите колеги. Едно браво, може да значи многу.
  • Давајте им ги најважните задачи од проектот.
  • Прославете со нив за нивната успешно завршена работа.

Подобра репутација. Репутацијата претставува мислење, општествена евалуација и идентитет дефиниран од страна на други луѓе кон една личност. Секој сака да има подобра репутација во неговата работна околина. Вие како еден менаџер или претприемач може да бидете доста влијателна личност во остварување на овие цели на индивидуалецот – вработен. Помогни им да изградат подобра репутација.

Независно одлучување. Менаџерите се личности кои носат одлуки. Како и да е, доколку не сакате да промовирате некој од Вашите најдобри вработени во менаџери ќе можете да го проширите нивното подрачје за одлучување.  Ова значи дека тие ќе можат да одлучуваат за некои проекти и без вас.

post

Интересни неделни информации – 28.06-04.07.2010

Неделни информации на претприемач

Неделни информации на претприемач

Претприемач во духот на создавање и надградба на знаењето и техниките за водење бизнис досега објавуваше текстови поврзани со алатки и вештини кои што треба да ги познава секој што сака да започне, но и тие што веќе имаат бизнис. Овој тренд ќе продолжи и понатаму, но како секој претприемач, постојано размислуваме како и со што да го надградиме нашиот портал, за да биде интересен и прифатлив за поголем број на читатели. Тие што не пратат од почеток, се сведоци дека почнавме од минимални перформанси и порталот неколку пати  претрпе измени и денеска располагаме со над 600 комплетно авторски и секјдневно ажурирани текстови.

Пишувавме дека за започнување на бизнис, потребна е идеја! Имавме опис на помошна алатка за генерирање на нови идеи, но заклучок е дека мора постојано да прибираме информации за се што е околу нас и никогаш не сме свесни што е тоа што би можело да не поттикне да размислуваме за некој нов бизнис, за што порано не ни паднало на памет. Сигурни сме дека голем број од нашите читатели искористија и го оценија за полезно тоа што го објавуваме, за што имаме и повратен фидбек, во облик на коментари и директни e-mail пораки и сме благодарни за тоа.  Но, решивме да го надградиме блогот како извор на информации кои се репрезент не само на нашето искуство и знаење туку и дополнително со вести и кратки извадоци од настани од Македонија и светот кои што ја одбележале изминатата недела. Ќе бидат одбрани вести за кои ние сметаме дека се битни од економски и бизнис аспект и кои би му биле од значење на еден претприемач.

Ќе цитирам еден наш познат бизнис и политички неделник „Само идејата е капитал, се друго е пари“,  јас би додал за да се дојде до идеја мора да се располага со информации !

Ќе почнам со настанот (или веста) од мината недела која и ме наведе да размислуваме за да почнеме со ваков серијал на неделно ниво.

Многумина од вас кои не следат имаат бизниси кои се поврзани со надворешно трговско работење, т.е со извоз-увоз од земјите на Европската Унија. Сигурно ќе ве засега дека од 01.07

Македонските компании ќе треба да обезбедат идентификационен (EORI) број

Тие што имаат извоз или вршат некакви други економски операции во земјите на Европската унија од 01.07.2010 ќе можат да ги поминуваат границите единствено ако поседуваат ЕОРИ. Идентификациониот број се обезбедува од надлежните служби на соодветната земја. Овој број веќе една година се користи во транзитниот сообраќај со ТИР-карнети и се обезбедува на самата граница, се претпоставува дека истата пракса ќе продолжи и со другите економски операции на македонските фирми.

За подетални информации го препорачуваме линкот на страната на Царинска управа на РМ. http://www.customs.gov.mk/eori/main.html

Инвестиција на Бугарската Софика Груп во Македонија

Софика Груп – компанија од Бугарија која се занимава со доставување на оутсорсинг услуги на бизнисот во доменот на финансиите, информатичка технологија и други сектори, планира да инвестира во Македонија помеѓу пет и седум милиони евра.

Услугите се однесуваат на надворешна и внатрешна комуникација и консултативни услуги – информативни услуги, социолошки проучувања, телемаркетинг, услужување на клиенти, ХР оутсорсинг, изработка на индивидуални решенија за подобрување на услужувањето на клиенти и проширување на клиентската база. За почеток се планирани 100 нови работни места, а во наредните 5 години се очекува таа бројка да достигне меѓу 400 и 500.

Поевтинуваат кредитите

По подолг период на скапи кредити и високи каматни стапки, од мината недела највисоката каматна стапка на банкарските кредити за население треба да изнесува 13%, а за претпријатијата до 15%. Ова го налага Законот за облигациони односи по падот на референтната каматна стапка. Најголемите банки веќе најавија пад на каматите кај најбараните кредити во овој период: краткорочните потрошувачки и туристички, но намалување ќе има и кај станбените и автомобилските кредити. Сепак во Комерцијална банка се категорични дека во она група на кредити за правните лица нема да има намалување поради висока неликвидност и висок ризик при сервисирање на долговите од фирмите. Ќе има намалување и на каматните стапки на депозитите – орочени и по видување.

Од август поевтини сметки за мобилен?

Дали еден бизнис, претприемач или вработените во бизнисот може да се замислат онака „немобилизирани“?

Од Агенцијата за електронски комуникации се најавува дека од август годинава им се дава можност на мобилните оператори постепено да ги намалат малопродажните цени за своите телефонски услуги. Ова се должи на фактот што им е упатен налог на трите мобилни оператори до мај 2013 година сукцесивно да ги намалат големопродажните цени за завршување на повик од една мобилна мрежа во друга. Сепак иако цените за интерконекција помеѓу операторите ќе се намалат,  препораката на АЕК не е обврзувачка и не значи дека ние како крајни корисници во кус рок ќе забележиме намалување на сметките кои ни ги праќаат операторите.

Сепак останува како претприемачи да се надеваме дека ќе има скусување на трошоците на ова ставка која сметам дека се доста високи.

Преполовена продажба на нови возила

Авто салоните се жалат на драстично опаѓање на продажбата на нови моторни  возила, што достигнува и пад до 35% во однос на истиот период минатата година. Како главни причини се наведуваат законските измени за увоз на стари половни возила со понизок еко стандард, но и високите каматни стапки од банките и лизинг компаниите. Увозниците прават се за да се одржат на пазарот и да ги задоволат купувачите. Една од мерките е и бескаматно купување на рати кое ќе се обидат да го спроведат до крајот на годината. Моја лична сугестија е, ако размислувате за продажба на кола, сепак да се обидете во салоните каде што моментално се даваат попусти какви што немало порано, а ви препорачувам и дополнително “ценкање“ со продажниот персонал. Сепак Ново си е ново.

Тојота повторно има проблеми со фабричка грешка

Јапонскиот производител на автомобили, Тојота или попозната како фабрика со најперфектниот производствен систем во светот, соопшти дека кај околу 270.000 продадени возила може да има има фабричка грешка во моторите. Портпарол на Тојота изјави дека компанијата ги разгледува мерките за справување со овој проблем. Тојота се труди да ја обнови својата репутација откако повлече над 8 милиона возила поради фабрички грешки.

Зачудува фактот што и покрај сите овие проблеми со Тојота, продажбата кај нив бележи нагорна линија. Иако е човечки да се греши, не секој е спремен да ја признае својата грешка. Тојота ја призна, но имаше и план за прифаќање на возилата за замена на проблематичните возила. Ова мислам дека ја зголеми довербата кај потрошувачите и ги наведе уште полесно да се одлучат за Тојота да биде нивното ново возило. Многумина кај нас ќе се сложат дека, постпродажниот процес – сервисот не е на високо ниво, а токму тоа е она што ќе ме натера по втор пат да купам кола од  истиот бренд.

post

SEO – Оптимизација за пребарувачи

SEO - Оптимизација за пребарувачи Во претходните 10-тина дена имаше еден серијал на написи за оптимизација за пребарувачи (SEO) на претприемач. Бидејќи останаа некако расфрлани се одлучив да ги групирам во овој еден со линкови до секој дел.

Овој серијал всушност претставува еден почетнички водич за спроведување на една ваква оптимизација на Вашиот веб сајт. Па така она што беше опфатено е следново:

  1. SEO – Оптимизација за пребарувачи – Маркетинг средство 60. Овој напис беше најава на серијалот за оптимизација за пребарувачи како еден вид на маркетинг средство на претприемач. Тука навлегов во некои основи на SEO и некои претходни постови во кои ја чепнав оваа проблематика.
  2. Што претставува SEO? SEO не значи измама за да пребарувачот смета дека токму твојата веб страна треба да се појави меѓу првите кога некој пребарува за нешто на интернет. SEO едноставно значи да се прилагоди веб страната за да се обезбеди полесна достапност од страна на пребарувачите…
  3. SEO – Основни столбови – Столб 1 – Клучни зборови. Во овој пост се наведените трите основни столбови на еден SEO процес и целосно се навлезе во првиот од трите столба – истражување и анализа на клучни зборови. Овој столб е еден од најважните столбови за еден SEO процес. Велам најважен бидејќи и останатите два столба ќе ги користат информациите од овој столб.
  4. SEO Основни столбови On-Page оптимизација. Овој наслов се однесува на вториот столб на овој процес. Во овој столб спаѓаат фактори и елементи на кои што вие имате влијание и се наоѓаат на Вашиот сајт и слободно можете да ги менувате, едитирате или организирате, а во исто време имаат влијание на појава на вашата веб страна на резултатите на пребарувачите…
  5. SEO Основни столбови – Off-Page Фактори. Овој наслов се однесува на третиот столб на овој процес. Основата на овој столб е да имате повеќе влезни линкови со подобар квалитет за да имате подобро рангирање на страната со резултати на пребарувачите.
  6. Блогирање како дел од SEO стратегија. Блогирање е една од најдобрите алатки кога станува збор за SEO, особено што претставува и како посебно маркетинг средстви и како алатка за подобрување на Вашите напори во однос на SEO процес…
  7. SEO – Дали размена на линкови вреди? Овој наслов се однесува на размената на линкови што всушност третиот столб ве тера да го правите. Се обидов да презентирам неколку информации и сознанија за ова преку тестирањата и анализите кои ги имам спроведено.
  8. SEO – Алатки кои може да се користат. Во овој последен пост од овој серијал дадовме кратка презентација на најважните алатки (бесплатни) кои можете да ги користите и комбинирате за целиот овој SEO процес кој го опфативме досега.
post

5 Елементи при избор на хостинг компанија

Претприемач и МКХост серијал

Претприемач и МКХост серијал

Во светот е веќе незамисливо малите бизниси да немаат сопствена веб презентација и продажба преку интернет. За оваа намена Ви е потребно место каде сите тие елементи ќе бидат сместени и достапни за глобалната интернет популација. Тоа место го обезбедувате преку хостинг компанија.

Овој пазар во Република Македонија некако во последниве години бележи голем раст. Голем раст, но во исто време проследен со премногу неправилности, „измами“, и секако несоодветен квалитет во однос на она што еден мал бизнис или претприемач ќе треба да го добие.

Развојот на ова индустрија во светски рамки и секако овозможеноста преку глобалниот интернет секој поединец да купи некаков простор од странските компании и тука да го препродава овозможи една целосна збрка и нерегулиран простор во кој најмногу страдаат претприемачите. Во секојдневен контакт со претприемачите слушам различни изјави дека се чувствуват измамени.

Затоа МКХост и Претприемач започнуваат еден серијал на написи кои едноставно ќе се однесуваат на едукација на сегашните или потенцијалните претприемачи во однос на оваа подрачје.

1. Стабилност

Стабилност на системот е една од најважните карактеристики што еден претприемач или еден мал бизнис има потреба од една хостинг компанија.

Примери во однос на стабилноста:

  • Во моментот на одлука за купување Вашиот потенцијален купувач не може да пристапи до Вашата веб страна бидејќи серверот е паднат.
  • Во процесот на донесување на одлука за купување при анализа на бизнисите, потенцијалниот купувач не може да пристапи до производите и/или услугите кои Вие ги нудите бидејќи серверот е паднат.
  • Сакате да испратите/примите битна е-mail порака до/од вашиот бизнис партнер или да ги известите своите потрошувачи за ваш нов производ – но проблем со серверот / e-mail серверот.

2. Бризна

Што се подразбира под брзина за еден мал бизнис кога станува збор за хостинг услуга?

Во денешно време со модерната технологија кај компјутерите и нивниот брз раст, човекот се навикнува на брзо извршување на работите на компјутерот. Нашето време станува драгоцено и потребна ни е секоја секунда од времето.

Брзината на серверот, односно брзината на отварање на вашата интернет презентација е многу важен фактор. Врз брзината влијаат повеќе работи, нормално прво ја земаме интернет конекцијата на посетителот на сајтот, каква конекција има, дали во моментот неговата конекција е зафатена со други интернет апликации и слично.

Важен фактор во брзината на сајтот е и локацијата на хостинг серверот како и неговите софтверски и хардверски перформанси.

Хостинг Сервер

Хостинг Сервер

Локација на серверот, мислиме на физичка локација каде точно е лоциран. Под сервер зборуваме за компјутер, специфично наречен сервер затоа што се користи да опслужува корисници и не спаѓа во групата на персонални компјутери кои се користат само за лична употреба. Хостинг компанијата е таа каде што ги лоцира серверите физички. Серверот е нон стоп под интернет конекција како и струјно напојување со цел да има максимален uptime. Доколку серверот е физички и инфраструктурно поблиску до вас (до вашиот компјутер – вашата интернет конекција), тогаш побрзо ќе комуницира со вас и побрзо ќе ве опслужува. Доколку вие сте во Македонија и серверот е во Македонија, тогаш веројатноста да имате побрз пристап до него во споредба со некој посетител од Америка е многу поголема, затоа што Интернет конекцијата на посетителот од Америка е поврзана помеѓу повеќе провајдери и потребно е поголемо време за комуникација со серверот.

Одредени хостинг компании нудат сервери лоцирани само на една географска локација, додека други на повеќе, сепак клиентот треба да го има ова во предвид кога врши нарачка на одреден хостинг простор и да претпостави од каде ќе му се целните посетители (потенцијалните купувачи) на сајтот за да тие добијат побрз пристап до неговиот сајт и да ги претвори во идни купувачи. На пример, доколку Вашиот бизнис е насочен кон потрошувачи во Македонија најдобро е да изберете вашиот веб сајт да биде хостиран на сервери во Македонија.

Под софтверски перформанси на серверот се подразбира оперативниот систем, системските апликации, преоптеретеноста со податоци …

Под хардверски перформанси подразбираме брзина на процесорот, колку јадрен е процесорот, физички рам и хард диск простор на серверот …

Пример за брзина:

  • Потенцијалниот купувач ја наоѓа Вашата веб страна бидејќи имате вложено огромен труд во SEO или пaк имате активна Google Adwords кампања преку која доаѓа до вашиот веб сајт, но при отворање или разгледување на истата чека премногу време. Се нервира и едноставно го кликнува Х знакчето. Запрашајте се самите колку пати ви се случило да исклучите одреден веб сајт поради тоа што споро се отвара. Спороста ги нервира посетителите и тие налутени го исклчуваат сајтот. Ако му понудите на посетителот брз сајт кој што ќе се отвори веднаш кога ќе ја внесе URL адресата во пребарувачот тогаш тој го направил првиот чекор и дошол на вашиот сајт каде ќе може веднаш да почне да го бара тоа што му треба. Брзина на сајтот е основен предуслов за да го привлечете посетителот и да го претворите во ваш клиент како и да ужива при кликање на линковите во вашиот сајт и брзо скокање од еден на друг линк без чекања.

3. Доверливост

Една хостинг компанија каде што ја хостирате Вашата бизнис веб страна може да има пристап до премногу податоци за Вашиот бизнис кои едноставно претставуваат индустриска тајна. Затоа доверливоста е уште една карактеристика која вие како претприемач ќе мора да ја побарате во една хостинг компанија.

Неколку препораки:

  • Проверете колкав број на клиенти имаат?
  • Кои се клиентите на разгледуваната хостинг компанијата?
  • Колку време постои разгледуваната хостинг компанијата?
  • Дали има инвестирано во опрема во Македонија или едноставно само е реселер на странските компании?
  • Доколку е реселер на кои странски компании е реселер и каква е нивната репутација?

Пример со доверливост:

  • Доаѓа конкурентска компанија и му нуди на хостинг провајдерот тајно пари за да му ги даде информациите за бројот на посетители, географска локација на истите, најпосетувани страни со производи… Дали сакате овие информации да бидат во рацете на Вашите конкуренти? Ние не би сакале!

4. Техничка подршка

Кога станува збор за технологијата често пати може да се случат различни непредвидени грешки кои можат да бидат катастрофални по Вашиот бизнис доколку не се реагира брзо. Затоа при изборот на хостинг компанија каде ќе биде хостирана Вашата веб страна внимавајте да има репутација на квалитетна техничка подршка.

Видови на техничка поддршка:

  • Најосновна поддршка преку емаил систем (испраќате емаил пример до: support@imenakompanijata.com)
  • Пософистицирана поддршка преку таканаречен тикет (ticket) систем (отворате ticket и целата комуникација се одвива преку овој ticket, предноста е тоа што имате преглед на сите ваши одговори, како и одговорите на членовите од техничката поддршка како и можноста да реплицирате преку веб – немора секогаш да праќате емаил порака. Исто така предност е и за членовите на техничкиот тим, може повеќе да ви помагаат и одговараат на ticket-от како и да го препратат до одреден одел, ако сте го испратиле на погрешен).
  • Телефонски контакт – ова е најкористен денешен начин на комуникација каде јасно и брзо може да се утврди тоа што се бара. Внимавајте многу хостинг компании не нудат телефонска поддршка, или пак некои нудат но не се секогаш достапни
  • Поддршка преку социјални мрежи како и IM клиенти: SKYPE, MSN … многу клиенти бараат ваков тип на поддршка, затоа што кога сакат може да прашаат за нешто и да добијат веднаш одговор без да чекаат емаил – сепак кај поголеми хостинг компании ваквата поддршка се избегнува
  • Техничка поддршка преку Live Chat – ова е диреткна комуникација на клиентот со некој оператор на сајтот на компанијата при што брзо и директно може да се поставуваат и одговараат прашања без комуникација преку емаил. Се заштедува на време и можност за поставување на повеќе прашања – хостинг компанијата треба да обезбеди вработени кои нон стоп ќе бидат на четот затоа што не се знае кога точно одреден посетител ќе дојде на сајтот на хостинг компанијата да побара помош

Пример со техничка подршка:

  • Се случува технички проблем кој доведува до пад на серверот каде е хостирана Вашата веб страна. Се јавувате на компанијата кај која имате закупено една ваква услуга, но едноставно не можете да ги добиете. Вашите потенцијални купувачи не можат да пристапат до Вашата веб страна иако донеле одлука да купат нешто.

5. Да не е фиктивна компанија?

И секако иако последно, не и најмалку важно. Дали е тоа компанија која поминала низ правниот филтер во Македонија? Дали правниот систем на Македонија е валиден врз компанијата која Ви ги нуди хостинг услугите?

Постојат многу причини зошто го вклучивме и овој елемент кој Вие како претприемач би требало да го разгледате пред да донесете конечна одлука. Тука ќе наведеме неколку прашања:

  • Доколку се случат непредвидени работи кого ќе тужите?
  • Вие сте бизнис – даночен обврзник, како ќе го вратите ДДВ-то?
  • Дали не го прекршувате законот?
  • Денес го има утре го нема – Дали ќе имате штета доколку сите податоци на серверот исчезнат?
post

Претприемништво – Инфографик на претприемач

Во изминатата една и пол година имам опфатено над 400 постови на претприемач кои едноставно се расфрлани на сите страни. Затоа се обидов во еден инфографик да внесам графичка презентација на информации опфатени во едно 20-тина написи.

Повеќето се од спроведени анкети на претприемач при што се добија квалитетни информации кои што едноставно сакам да ги поедноставам преку овој инфографик.

Инфографикот е поделен на 4 дела:

  • Бизнис идеја како основа за постоење на претприемништвото
  • Најголеми причини за пропаѓање на бизнисите
  • Карактеристики на еден успешен претприемач
  • Во какви услови стопанисуваат претприемачите во Република Македонија.

Претприемништво - Инфографик

Претприемништво - Инфографик

Овој инфографик за претприемништво можете да го симнете преку Претприемништво-Инфографик.

post

Портфолио приод за менаџирање на потрошувачи

Портфолио приод за менаџирање на потрошувачи претставува една навистина квалитетна алатка во процесот на менаџирање на Вашите потрошувачи и секако соодветна алокација на Вашите ресурси кон оние вистинските потрошувачи. Оваа тема е навистина доста широка и може да користи различни научни и практични аспекти за приодот кој еден бизнис или еден претприемач може да го изберете. Тука ќе презентираме еден портфолио модел кој сепак Вие самите ќе си одлучите како ќе го користите, но се надевам дека ќе ви даде идеја за примена во Вашиот сопствен бизнис.

Досега на претприемач опфативме неколку написи во однос на потрошувачите, нивната сегментација и користењето на бизнис ресурсите врз основа на тие информации од сегментацијата и вредноста на потрошувачите. Еден од тие постови беше и RFM формула за сегментација на потрошувачи.

Вредност на потрошувачите

Целта на овој приод како и на повеќето приоди кои се користат при сегментација на потрошувачите е да се определи вредноста на секој потрошувач и истите да се групираат соодветно на таа вредност.

Како и се друго останато во бизнисот така и потрошувачите имаат една една вредност. Еден финансер кога гледате во еден бизнис гледа низ актива и пасива. Тоа се елементи кои се изразуваат во парични единици. Но, во таа актива воопшто не се содржани потрошувачите кои сепак претставуваат еден имот за секој бизнис. Имот кој можеби претставува имот со најголема вредност за еден бизнис, бидејќи без потрошувачи нема ни бизнис, нема ни претприемач.

Секој имот во Вашиот бизнис има сегашна вредност, но има и некоја идна вредност (зголемена или намалена), па така и потрошувачите како еден имот може да имаат сегашна и идна (потенцијална) вредност. На пример, сегашна вредност може да биде:

  • Износ на месечен приход.
  • Износ на годишен приход.
  • Кумулативен приход до денес.
  • Месечен профит.
  • Кумулативен профит.
  • Годишен профит.
  • Кумулативен износ на продадени парчиња, килограми, тони…
  • …

Забележувате дека може да постојат различни начини преку кои еден бизнис може да ја пресмета сегашната вредност на еден купувач. За разлика од сегашната вредност, потенцијалната вредност може да бидат истите фактори само определени за еден иден период на време. На пример, сегашен кумулативен профит од овој потрошувач е збир на профит од сите продажби до денешен ден, додека потенцијалната вредност ќе биде збир на профит до денешен ден плус збир на профит во идната година.

Портфолио на вредноста на потрошувачите

Доколку овие вредности во вид на сегашна и идна (потенцијална) вредност на потрошувачите ги поставиме во еден квадрант ќе го добиеме портфолио на вредноста на потрошувачите како на сликата подолу.

Портфолио на вредноста на потрошувачите

Портфолио на вредноста на потрошувачите

Забележувате дека имаме 4 групи на потрошувачи:

  1. Потрошувачи кои имаaт слаба сегашна и слаба потенцијална вредност. Оваа група на потрошуваче се оние потрошувачи кои само еднаш купиле и веќе ги нема. Иако не можеме да кажеме дека еден бизнис нема корист од вакви потрошувачи сепак не треба да се трошат премногу ресурси заради раст на нивниот потенцијал. Најверојатно вие веќе сте потрошиле пари преку различни маркетинг кампањи за тие да дојдат да купат нешто или пак да нарачаат преку веб страната нешто, но тука завршува животниот циклус на еден потрошувач за Вашиот бизнис. Затоа едноставно заборавете ги.
  2. Потрошувачи кои имаaт слаба сегашна и висока потенцијална вредност. Ова се новостекнати потрошувачи. Бидејќи сеуште се нови имаат слаба сегашна вредност поради недостаток на историја со Вашиот бизнис. Но, затоа имаат висока потенцијална вредност и заради тоа Вашиот бизнис ќе мора да се насочи на зголемување на овие потрошувачи како и соодветно одржување во натамошниот процес од животниот циклус на еден потрошувач за Вашиот бизнис. Доколку на вистинскиот начин се менаџираат овие потрошувачи тие ќе станат дел од десниот горен квадрант.
  3. Потрошувачи кои имаaт висока сегашна и слаба потенцијална вредност. Ова се потрошувачи кои имаат одлична историја со Вашиот бизнис, но заради некоја причина потенцијалната вредност им е намалена. Затоа за ова група е потребно да се дизајнираат специјализирани програми за задржување на потрошувачите како би им ја зголемиле и потенцијалната вредност.
  4. Потрошувачи кои имаaт висока сегашна и висока потенцијална вредност. Ова се најважната движечка сила за секој бизнис. Овие потрошувачи го генерираат најголемиот приход за Вашиот бизнис и ќе продолжат да го генерираат. Потребно е да се задржат овие потрошувачи и да им се обрне соодветно внимание за да останат во оваа група.
post

RSS – Маркетинг Средство 61

RSS како маркетинг средство

RSS како маркетинг средство

RSS навистина може да претставува моќно маркетинг средство за еден бизнис и еден претприемач. Ова е 61-вото маркетинг средство на претприемач по еден турбо серијал за SEO. Досега бевме сконцентрирани околу креирање на содржина на интернетот преку Вашата бизнис веб страна и блог. Ова маркетинг средство е повеќе за распространување на таа содржина.

Постојат многу дилеми дали ова маркетинг средство треба да се применува. Па така има некои кои мислат дека доколку овозможите RSS потенцијалните купувачи нема да стигнат до Вашата веб страна каде може да ја забележат Вашата понуда туку само ќе ја прочитаат информацијата преку RSS читачот. Но, сепак сметам дека не треба да се размислува на ваков начин. Со овозможена RSS технологија Вие само ја правите широко подостапна Вашата содржина, а со тоа и маркетинг елементите во неа. Сепак за да го искористите максимумот ќе треба таа содржина да биде изработена доста професионално со што ќе се намали ефектот на стравот од губење на посетители кон веб страната.

Што е RSS?

Наједноставно кажано RSS претставува технологија со која се овозможува автоматско превземање на содржините од веб страните кои ве интересираат.

Читателот користи некој RSS читач преку кој секогаш кога веб страните чии RSS фидови ги има поставено во тој читач ќе добие информација дека има нешто ново објавено и ќе може едноставно да го прочита преку тој читач или пак ако е само делумен текст да кликне на прочитај повеќе и преку веб да ја дочита содржината.

Еден ваков читач претставува и Google Reader во кој едноставно ги поставувате RSS URL-ата до различните веб страни од Ваш интерес и следите и читате што излегува како новитет.

Google Reader како еден RSS читач

Google Reader како еден RSS читач

Една веб страна преку RSS URL изгледа на ваков начин:

RSS Feed

Како изгледа RSS Feed

RSS како маркетинг средство

Што Вие како претприемач и Вашиот бизнис добивате со воспоставување на RSS како маркетинг средство преку Вашата бизнис веб страна или блог? ќе се обидам да дадам една мала листа на бенефициите што еден бизнис може да ги добие со ова маркетинг средство:

  1. RSS маркетинг е едноставно и секако без трошоци при што можете да го воспоставите системот уште денес и да започне да функционира под услов да имате свежа содржина на Вашиот бизнис блог.
  2. Целата Ваша онлајн содржина и маркетинг пораки ќе биде лесно достапна за оној кој сака да биде достапна. Се сеќавате за влезен маркетинг и маркетинг базиран на одобрение.
  3. Намалена веројатност дека некоја од RSS пораките во вид на Ваша онлајн содржина нема да стигне онаму каде што треба заради spаm филтрите.
  4. Можност за споделување на квалитетната содржина помеѓу потенцијалните купувачи при што ќе се зголеми на Вашата веб страна а со тоа и видливоста на Вашиот бизнис.
  5. Можност Вашата содржина да биде објавена на некоја друга веб страна и доколку тие што реобјавуваат содржини постапат онака како што треба да достават линк до Вашата веб страна ќе ја зголемите Вашата видливост како и онлајн репутацијата во очите на пребарувачите за што зборувавме во Off Page фактори на еден SEO процес.
  6. RSS маркетинг ќе овозможи градење на долгорочни односи со потенцијалните купувачи притоа воопшто не изгледа како една нападна маркетинг стратегија со која се создава притисок.

Но, треба да бидеме реални, дека започнување со ова маркетинг средство бара неколку предуслови:

  • Да имате бизнис веб страна.
  • Да имате бизнис блог која всушност ќе ги генерира тие RSS содржини.
  • Да имате квалитетни содржини. Ова се однесува на тоа да не продавате, туку да давате информации, а продажбaта сама по себе после квалитетни информации ќе си дојде.
  • Да понудите различни поедноставувања за пристап до вашите RSS содржини. Постојат повеќе опции за користење. Едната беше преку посебен читач што ја споменав погоре, може директно преку интернет прелистувач, може да се обезбедува претплата и преку e-mail…

Доколку немате онлајн содржина која што редовно ќе ја ажурирате воопшто и не го разгледувајте како опција.

post

SEO – Алатки кои може да се користат

SEO Алатки

SEO Алатки

Ќе го завршам овој серијалот за SEO како дел од маркетинг средства на претприемач со овој пост. Тука ќе се обидам да презентирам неколку алатки кои ќе можат да ви помогнат во овој процес. Во овој серијал поминавме нешто општо за SEO, потоа навлеговме во тоа што претставува SEO, го претставивме првиот основен столб на еден ваков процес – истражување и анализа на клучни зборови, вториот столб – On-Page оптимизација или неколку најважни фактори за оптимизација кои се наоѓаат на самата страна, третиот SEO столб – Off-Page фактори за оптимизација, Блогирање како дел од SEO стратегија која само ќе го подбри севкупниот процес и неколку збора за тоа дали размената на линкови вреди.

Во овој последен пост од овој серијал ќе се обидам да дадам кратка презентација на најважните алатки (бесплатни) кои можете да ги користите и комбинирате за целиот овој SEO процес кој го опфативме досега. Сакам да напоменам дека ова не се единствените алатки кои што постојат, но за оваа цел јас ги избрав овие.

1. Алатки за аналитика

Прво нешто што ќе ви биде потребно пред се друго останато е да ја следите аналитиката на Вашата веб страна. Како што веќе напоменав од аналитиката ќе можете да дојдете до клучните зборови преку кои доаѓат посетителите од страната на пребарувачите. Ќе можете да видите од каде доаѓаат посетителите. Ќе можете да забележувате трендови. И уште многу други елементи кои ќе ви донесат квалитетни информации.

  • Google Analytics. Ова е една од најкористените алатки за веб аналитика на сопствената веб страна и алатка која мора да ја имате.

Google Аналитика

Google Аналитика

  • Google Website Optimizer. Оваа алатка овозможува да спроведете одредени тестирања на различни страни кои имаат иста намена и да проверите како различните кампањи влијаат на остварување на целта на страната и секако да ја иставите онаа страна која е подобра во исполнување на сопствената цел. Целта е да преку тестирање успеете да ја оптимизриате веб страната.

Google Website Optimizer

Google Website Optimizer

2. Алатки за анализа на клучни зборови

Во еден SEO процес клучните зборови претставуваат првиот столб н што се базира се она останато што ќе се изведува. Затоа како основа е да спроведете квалитетна анализа.

  • Google Adwords Keyword Suggestion Tool. Ова е одлична алатка каде што може да се започне процесот. Иако е наменета за анализа на зборови за Adwords кампањи сепак може да биде доста корисна и за овој процес на анализа на клучни зборови. Целта е да се генерираат идеи на клучни зборови преку анализа на она што луѓето внесуваат во пребарувачите кога пребаруваат.

Клучни зборови

Клучни зборови

  • Wordtracker Free Keyword Suggestion Tool. Ова е една одлична алатка која може да се искористи за идеи за клучни зборови. Имаат бесплатен и платежен сервис. Но, претставува една од најнадежните алатки кога станува збор за анализа на клучни зборови.

Wordtracker алатка за клучни зборови

Wordtracker алатка за клучни зборови

Резултати за клучни зборови - Wordtracker

Резултати за клучни зборови - Wordtracker

3. Алатки за анализа на конкуренцијата

Многу е важно да се проучи конкуренцијата за да се откријат нивните силни и слаби страни во рангирањето на пребарувачите. Силните страни ќе треба да се копираат додека слабите страни конкурентите да се направат силни за Вас. Ќе презентирам неколку алатки кои може да се користат во една ваква анализа:

  • Alexa. Иако не може да се каже дека оваа алатка е прецизна и точна сепак може да се искористи за да се види некоја слика за конкуренцијата, да се направи споредба и да видат некои елементи кои конкуренцијата ги користи.

Анализа на конкуренција преку Alexa

Анализа на конкуренција преку Alexa

  • Google Website Trends. Оваа алатка покажува проценка на сообраќај, топ 10 веб страни поврзани со оние анализираните, од кои земји доаѓаат посетителите и 10 поврзани клучни зборови со овие веб страни. Оваа алатка е добра доколку анализирате страни со голем сообраќај, бидејќи за помалку посетувани веб страни не дава податоци.

Google Website трендови

Google Website трендови

Доколку сакате да ги следите PR на Google или рангот на Alexa ќе треба да ги инсталирате нивните додатоци за интернет прелистувачот кој го користите па така ќе имате постојано увид во овие елементи во моментот кога разгледувате некоја веб страна преку Вашиот прелистувач.

За крај сакам повторно да потенцирам дека постојат безброј алатки кои во зависност од тоа што анализирате и кои Ви се потребите можете да ги користите. Ова се само еден мал дел кои како основа може да ви помогнат.

post

SEO – Дали размена на линкови вреди?

Дали вреди размена на линкови

Дали вреди размена на линкови

Продолжуваме со серијалот за SEO како дел од маркетинг средства на претприемач. Во овој пост ќе навлезам малку во една табу тема кога станува збор за SEO. Во овој серијал поминавме нешто општо за SEO, потоа навлеговме во тоа што претставува SEO, го претставивме првиот основен столб на еден ваков процес – истражување и анализа на клучни зборови, вториот столб – On-Page оптимизација или неколку најважни фактори за оптимизација кои се наоѓаат на самата страна, третиот SEO столб – Off-Page фактори за оптимизација и Блогирање како дел од SEO стратегија.

Досега веќе напоменав во овој серијал (па и во самото видео во делот за блогирање) дека не е важен број на дојдовни линкови. Многу е поважен квалитетот на тие дојдовни линкови.

Што претставува размена на линкови?

На светско ниво постојат огромен број на маркетинг агенции кои се занимаваат со SEO и чија основна задача е да бараат на интернет веб страни кои ќе бидат интересни за нивните клиенти за добивање на линк преку размена на линкови.

Размена на линкови претставува едноставно еден процес во кој администратор на една веб страна ве контактира Вие да поставите линк до нивната веб страна и за возврат тие ќе постават линк до Вашата веб страна.

Класичниот приод е веб страна А дава линк кон веб страна Б која возвраќа линк кон веб страна А.

Размена на линкови 1-1

Размена на линкови 1-1

Овој начин кој претставува размена на линкови 1 на 1 нема да донесе некои резултати. Затоа што корисноста што А ја дава на Б, Б ја губи со враќање на линк кон А. Набргу и сите оние кои се занимаваат со интернет маркетингот го сфаќаат сето ова и нормално бараат начини да може да се надмине преку внесување на трети страни во процесот на размена. Ова би изгледало нешто вака:

Размена на линкови 1-2-3

Размена на линкови 1-2-3

Затоа и се раѓаат огромен број на сервиси или интернет маркетинг агенции кои се вклучуваат во оваа математика со цел да бидат рангирани подобро од страна на пребарувачите. Потсетете се на видеото во Блогирање како дел од SEO оптимизација.

Но, можам да кажам уште нешто повеќето од „најдобрите“ или „најпрепорачуваните“ вакви сервиси денес не постојат. Значи дека се откриени и нормално нема глас плус во очите на пребарувачите.

Зошто мислам дека не треба да сте преокупирани со размената?

Кога започнав да се занимавам со оваа проблематика прочитав многу материјали од многу SEO експерти. Некои беа квази експерти но, некои се навистина докажани експерти. Кога зборувам за она што сум прочитал не станува збор за читање на блогови, туку различни купени книги, е-курсеви, прирачници, софтвери… Она што не смеам да го изоставам како важен елемент во градењето на знаењето е што успеав да споредам квази експерти со вистински експерти. Разликата е што едни учат за брзо – краткорочно остварување на резултати и едноставно потоа од високото краткорочно летање брзо спуштање на земјата – тоа се квази експертите. Вторите или оние вистинските експерти пропагираат стратешки долгорочен приод за градење на релевантноста и кредибилитетот во очите на пребарувачите што на некој начин и јас преку овој серијал се обидувам да го презентирам.

Купив и еден софтвер специјализиран за SEO кој едноставно служеше за автоматизација на овој процес на размена и анализа да најдеш кои веб страни се добри со кои можеш да се вклучиш во процес на реализација. Извршив тестирање и воспоставив контакти со неколку веб администратори на страни кои согласно анализата беа добри за да разменам линкови. И разменив линкови. Но, знаете што се случи? И по неколку месеци иако PR на мојата веб срана се искачи јас сепак немав ни 10% од вкупниот сообраќај од страна на Google. Значи нешто не беше ОК. Веднаш потоа го откажав софтверот бидејќи плаќав (мислам 47$ месечно за негово користење).

Во исто време како што ја зголемував содржината и секако на некои подолги зборови почнував да бидам рангиран повисоко почнат сами веб администратори или тие интернет маркетинг агенции да ме контактираат за да разменуваме линкови. Понудите навистина ми беа невообичаени. Тогаш јас имав PR 2, а тие ми нудеа линк од страна со PR 4. Еве еден пример како изгледа тоа едно барање:

Предлог за размена на линкови

Ги избришав личните податоци заради заштита на приватноста за имиња, веб страни и компании. Забележувате ми нуди два линка за замена на мојот еден со PR 2. Ова е изведено од една интернет маркетинг агенција за некој нивен клиент. Но, изгледа премногу добро за да биде вистинито.

Што се случува по извесен период откако направивме размена. Тие на понудените страни ставаат илјадници линкови кон други страни при што нормално биле забележани од Google и нивниот PR веќе е за никаде и секако биваат казнети. Мојата веб страна има линк од лоши дечки, па така дел од последиците ги сносам и јас и секако илјадниците веб страни кои учествуваат во оваа трансакција со линкови.

Затоа сметам дека еден ваков систем на размена на линкови не вреди за Вашето рангирање на резултатите на Google. Оваа размена на линкови може да ја направите само во еден ограничен круг на веб страни (на пријатели, блиски или оние на кои им верувате дека нема да претеруваат).

Неколку збора за линкови и нивното значење

На крајот од овој пост сакам да дадам коментар преку неколку зборови за линковите и нивното значење. Линковите се важни, и нивната важност можевте да ја видите во постот за Off-Page фактори за оптимизација. Но, она што е забележително е премногу насочување кон линкување и заборавање на содржината и самата оптимизација на веб страната. Две најважни работи кои се ценети од пребарувачите се следниве:

  • Релевантност. Релевантна содржина за клучниот збор (или зборови) за кои што сакате да бидете високо рангирани.
  • Кредибилитет. Каков кредибилитет има Вашата веб страна. Дали користите валкани техники, кој се се линкува до Вас, до кого се линкувате вие…

Но, она што е интересно тука е што релевантноста може да доведе до зголемент кредибилитет. Колку повеќе имате релевантна содржина и колку повеќе веб страни природно се повикуваат на Вашата содржина, толку подобро ќе бидете рангирани на пребарувачите.

И уште нешто би сакал да додадам како дел од мои анализи и истражувања. Веќе неколку пати напоменав дека различните податоци ги собирам во една база на податоци преку која можам едноставно да се играм и да спроведувам различни анализи. Иако сеуште податоците не се доволно многу (6 месеци) сепак добив интересни резултати по спроведување на корелациона анализа со Пирсонов коефициент на корелација. Имаше периоди кога оваа веб страна имаше PR 3. Сега е повторно на PR 0. Анализата на податоци се однесуваше на тоа движење на сообраќај од страна на Google при PR 3 накај сегашните PR 0. Од таа корелациона анализа се доби силна негативна корелација што значи следново:

  • Поголем PR помал сообраќај од страна на Google.
  • Помал PR зголемен сообраќај од страна на Google.

Овој резултат не мора да биде сосема точен бидејќи се случи тоа што се случи со размена на линкови, а во исто време обрнав поголемо внимание на релевантноста на содржината и соодветната оптимизација согласно клучни зборови. Но, мораме да бидеме реални, овие резултати укажуваат дека она што сите сакаме да го имаме како основа PR нема некое приоритетно или врвно влијание врз резултатите од пребарувањето доколку релевантноста не е на прво место.

Затоа, SEO претставува процес а не едноставна размена на линкови што повеќето интернет маркетинг агенции сметаат. И уште нешто, овој процес ни малку не спаѓа во група на лесни процеси. Ова е само еден дел од она што можам да го опишам во еден блог пост за оваа проблематика.

Прочитајте го последниот пост од овој серијал: