post

КАКО ДА СИМНЕТЕ ВИДЕО ОД YOUTUBE

Често пати како едно од главните проблеми со YouTube видеата е што не можете да ги симнете и да ги поставите на сопствениот хард диск за да ги гледате подоцна. Како дел од бесплатни апликации кои ги објавуваме на претприемач посебен напис ќе посветам на овој проблем.

Апликациите кои ќе ги презентирам се два вида:

  • Веб базирани апликации – Ништо не симнувате и не инсталирате на Вашиот компјутер туку преку интернет – вебот доаѓате до сервисот и го користите согласно нивните правила.
  • Windows базирани апликации – Апликации кои работат под оперативниот систем Windows и се инсталираат на Вашиот хард диск.

Напомена:

Напоменуваме дека сите овие апликации ги кршат правилата односно условите на користење (Terms of Services) на YouTube кој во точка 5 став B го наведува следново:

You may access User Submissions for your information and personal use solely as intended through the provided functionality of the YouTube Website. You shall not copy or download any User Submission unless you see a “download” or similar link displayed by YouTube on the YouTube Website for that User Submission.

Веб базирани апликации

  • iDesktop.tv – Оваа веб апликација има бесплатна опција која има одредени ограничувања во симнувањето.
  • Downloader9 – И оваа апликација работи на принципот копирај и залепи URL на видео.
  • Vixy – Ова е онлајн flv конвертор кој може да симне видео од YouTube.

Windows базирани апликации

  • Moyea YouTube FLV Downloader – Има бесплатна верзија (11,3 MB) која симнува и конвертира видео од YouTube.
  • VDownloder – Втора Windows базирана апликација (5,14 МБ) која има можност за симнување на видео од YouTube.
  • Orbit Downloader – И оваа е десктоп апликација (2,18 МБ) за симнување на видео од YouTube.
  • Videoslurp – Оваа апликација овозможува симнување на видео од YouTube со едноставен клик.
  • Vixy – Освен онлајн алатка има и десктоп апликација за симнување на видео од YouTube.
post

ГРАФИКОН НА РЕНТАБИЛНОСТ – ВИДЕО

Конечно и видеото кое го ветив нешто поодамна а се однесува на графиконот на рентабилноста. Пред одреден период како гостински напис од страна на Предраг Стојковски директор на компанијата INTRO GROUP на претприемач објавивме напис за графикон на рентабилноста. Во овој напис беше даден основен концепт на анализа на графиконот на рентабилноста и еден темплејт за графикон на рентабилност изработен во MS Excel. Со оваа видео сакаме да дадеме еден вовед како можете да го користите темплејтот.

Сакам да го искористам овој напис и за уште едно ветување. Денеска имав неколку состаноци со луѓе од оваа индустрија од два различни центри за развој на нови бизниси. Имав некои понуди кои ги размислувам и ќе продолжам да ги размислувам. Но тоа во овој момент не е важно. Со овие реченици сакам да покажам како може да се добие една идеја за развој на нешто.

Во текот на разговорите и предлозите не добив идеја но додека возев сам (едно од покреативните места) добив десетина нови идеи за претприемач кои веднаш си ги внесов во книга со бизнис идеи и ќе започнам со нивна реализација по одреден период.  Значи средби, разговори со различни луѓе и размена на некои искуства што подоцна резултираше во едно креативно место на кое добив десетина идеи кои немаат врска со денешните разговори.  Така да по 15-тина дена ќе има уште изненадувања на претприемач кои секако во развој на претприемништвото и помош на малите бизниси.

Но, сега видеото:

post

КАКО ДА ГО ЗГОЛЕМИТЕ ПРОФИТОТ!

Во време на криза се мисли како да се задржи опстанокот на бизнисот. Тешко дека некој размислува за профит! Најважно е да не се работи со загуба. Но сепак претприемач Ви препорачува да се обидете да бидете профитабилни и оваа година. Да тргнеме од онаа што влијае на Вашиот профит:

  • Стапка на профит
  • Купувачи
  • Количина која се продава

Со зголемување на стапката на профитот ќе ја зголемите и цената, па така ако некој производ сте го продавале за 100 денари и ја зголемите цената за 10 денари ќе го зголемите и профитот за 10 денари.

Ако имате повеќе купувачи ќе биде зголемен и профитот. На пример, имате 10 купувачи кои во просек трошат по 1000 денари ќе имате приход од 10.000 денари. Доколку профитот е 10% ќе имате профит од 1000 денари. Доколку пак имате 20 купувачи кои во просек трошат исто ќе имате приход од 20.000 денари и профит од 2.000 денари.

Доколку ја зголемите количината на производи која ја продавате ќе успеете да го зголемите профитот. На пример имате 10 купувачи кои купуваат по 10 парчиња и во просек излегува дека трошат 1000 денари ќе имате приход од 10.000 денари и профит од 1.000 денари. Доколку тие исти купувачи купат по 15 парчиња ќе имате просечна продажба од еден купувач од 1.500 денари и приход од 15.000 денари што ќе ви донесе профит од 1.500 денари.

Доколку купувачите и количината која се продава ги претвориме во:

  • Број на потенцијални потрошувачи
  • Стапка на трансформација на потенцијални потрошувачи во купувачи
  • Број на продажби и
  • Просечна продажба по купувач

ќе имаме 5 елементи кои влијаат на профитабилноста и тоа горенаведените 4 и маржата.

Секоја профитабилност започнува со број на потенцијални потрошувачи. Ова е бројот на сите контактирани или пак сите оние кои влегуват во Вашата продажна инка. Од овие потенцијални потрошувачи одреден процент стануваат вистински купувачи. Тој процент е стапка на трансформација на потенцијални потрошувачи во купувачи. Колку е поголем бројот на вистински купувачи толку ќе биде и поголема Вашата профитабилност. Бројот на вистински купувачи зависи од бројот на потенцијални потрошувачи кои влегуваат во Вашата продажна инка и стапката на трансформација. На пример, имате 1000 потенцијални потрошувачи и стапка на трансформација 10%, бројот на вистински купувачи ќе биде 100. Повеќе за ова можете да прочитате во подобрување на продажната инка.

Понатаму на профитабилноста ќе влијае бројот на продажбите во одреден временски период. Доколку имате поголем број на продажби од исти купувачи и профитабилноста ќе биде поголема. Бројот на продажби зависи од Ваши задоволни купувачи. Доколку се задоволни ќе се вратат повторно да купуваат.

Четвртиот елемент кој влијае на профитабилноста е просечна продажба во денари од еден купувач.

Така да сега имаме една формула за профитабилноста:

Потенцијални потрошувачи Х Стапка на трансформација Х Број на продажби Х Просечна продажба по купувач Х Стапка на профит =  Профит во денари

Да земеме еден пример:

  • Во текот на годината во вашата продажна инка успевате да внесете 5000 потенцијални потрошувачи
  • Стапката на трансформација на потенцијални потрошувачи во купувачи ви е 10%
  • Од еден потрошувач во просек правите 6 продажби во текот на годината
  • Просечна продажба во денари од еден потрошувач за едно купување е 500 денари
  • Стапка на профит ви е 10%.

Вашиот годишен профит ќе биде:

5000 х 0,1 х 6 х 500 х 0,1 = 150.000,00 денари

Значи годишен профит ќе ви биде 150.000 денари. Но, сакате да го зголемите профитот и вршите подобрување на сите 5 елементи за 10% па така имате:

  • Во текот на годината во вашата продажна инка успевате да внесете 5500 потенцијални потрошувачи
  • Стапката на трансформација на потенцијални потрошувачи во купувачи ви е 11%
  • Од еден потрошувач во просек правите 6,6 продажби во текот на годината
  • Просечна продажба во денари од еден потрошувач за едно купување е 550 денари
  • Стапка на профит ви е 11%.
  • Вашиот годишен профит ќе биде:

    5500 х 0,11 х 6,6 х 550 х 0,11 = 241.576,50 денари

    Со 10% зголемување на сите елементи Вие го зголемивте годишниот профит за 91576,50 денари (241.576,50 – 150.000,00). Ова претставува зголемување од над 60% од претходниот профит на годишно ниво. И ова се нарекува ефект на пеперутка.

    post

    ИНСТАЛАЦИЈА НА WORD PRESS ПЛАТФОРМАТА – ВИДЕО 2

    Ова е второто видео од ветените 10 за бесплатна изработка на веб страна заради презентација на Вашиот бизнис или било која друга потреба.

    Во првото видео регистриравме домеин име и бесплатен хостинг. Сега е на ред да инсталираме WordPress платформа преку која ќе објавувате содржина на Вашата веб страна.

    Кликнете на сликата и ќе ве одведе до видеото.

    Чекори кои ќе треба да ги превземете:

    • Да симнете FTP Client софтвер
    • Да ја симнете WP платформата
    • Да го измените wp_config.php фајлот
    • Уплоадирате фајловите од WP платформата
    • Чекајте го следното видео
    post

    E-КУРС ЗА ГРАДЕЊЕ НА ЛИСТА

    Пред петнаесетина дена на сите регистрирани членови за неделни билтени на претприемач пратив е-маил кој гласеше Вака:

    Накратко само известување за нешто што би можеле да го
    искористите.

    Интернет милионерите Shawn Casey и
    Tellman Knudson го даваат нивниот List Pros курс
    бесплатно (претходно го продавале за $1,997!).

    Доколку сакате да го копирате
    нивниот успешен систем со кој заработуваат
    15.000.000 долари годишно преку градење на листа и
    продажба преку истата.

    Јас штотуку ја нарачав и платив само трошоци за
    испорака. На ваков начин претходно успеав да
    го купам познатиот софтвер на Mike Filsaime –
    Butterfly Marketing.

    Бесплатната копија можете да ја земете преку следниов линк:

    линк

    Со почит,
    Претприемач!

    Овој е-маил беше информативен за некој ако сака да го добие курсот за градење на листа бесплатно а кој се продавал за $1,997. Оваа информација ја добив преку листата на Mike Filsaime кој ме информираше дека курсот оди бесплатно. Платив само трошоци за транспорт во износ од 400 денари и денес на 17.08.2009 добив пакет од Chicago со DVD на кое се наоѓа курсот и дополнителни писма и информации во однос на курсот.

    Целта на овој блог напис е да Ви покажам дека ова функционира. Секој би помислил дека не е можно да добиеш нешто бесплатно на интернетот. Но, интернет бизнисите функционараат на таков начин. Од друга страна можете да добиете навистина знаење кое во светот постои и се користи. Јас сеуште не сум го проучил курсот но видов дека е полн со различни наслови и видео материјали кои ја обработуваат проблематиката на градење на листа.

    Курсот е составен од 7 модули од започнување до материјализација на бизнисот кој го започнувате. Во нареден период ќе имате можност некои од тајните на овој курс да ги прочитате на претприемач.

    На сликата можете да го видите материјалот кој ми стигна денес и кој ја збогати мојата лична колекција на книги и курсеви:

    post

    ПОСТАВУВАЊЕ НА ЦЕНА – ЧЕК ЛИСТА

    Накратко една чекинг листа кој можете да ја користите при поставување на цена за производите и/или услугите кои ќе ги продавате. Обидете се да ја искористите како поефективно и поефикасно би ги определиле цените со кои ќе ги продавате Вашите производи и/или услуги:

    1. Размислете за вашите цели кои сакате да ги постигнете со цената. На пример, одредено ниво на профит, одреден износ на продажба, одредено учество на пазарот…
    2. Колкава е маржата? Изразете ја во процент 20%, 25%, 50% итн.
    3. Дали маржата е на цена на чинење или на малопродажната цена? Колкав е трошокот на вашиот труд и на вложени материјали по час доколку продавате услуга? Доколку сте производител размислете за вашите директни трошоци, вашите фиксни трошоци и колку парчиња сакате да произведете.
    4. Размислете за просечната маржа во индустријата. На пример производите вообичаено се продаваат со маржа од 20% и споредете го со она посакуваното во чекор 2.
    5. Запишете ги Вашите ценовни политики кои планирате да ги користите. На пример, исти цени со конкуренција, ќе нудите продажни купони, сезонски попусти итн.
    6. Која стратегија во однос на цените ќе користите? (Цена на воведување, цени со непарни броеви, психолошки цени итн)
    7. Определете ги транспортните трошоци? Определете какви услови на испорака ќе нудите согласно ИНКОТЕРМС – меѓународни термини кои ги определуваат условите на испорака во вид на тоа кој ги плаќа транспортните трошоци и од каде до каде, како и тоа кој го плаќа осигурувањето.

    Ова се основните работи кои треба да ги земете во предвид кога поставувате цена за Вашиот производ и/или услуга.

    post

    РЕГИСТРАЦИЈА НА ДОМЕИН И ХОСТИНГ – ВИДЕО 1

    Ова е првото видео од ветените 10 за бесплатна изработка на веб страна заради презентација на Вашиот бизнис или било која друга потреба. Во оваа прво видео опфатени се регистрација на домеин име и регистрација на бесплатен хостинг.

    Кликнете на сликата и ќе ве одведе до видеото.

    Чекори кои треба да ги преземете:

    • Регистрирајте домеин име како што е прикажано во видеото;
    • Регистрирајте хостинг;
    • Внесете ги податоците за хостинг на страната за подесување на домеин името;
    • Чекајте го следното видео наредната недела.
    post

    МАРКЕТИНГ СРЕДСТВА 18 – ВАШИОТ ПРОДАЖЕН ТИМ

    Често пати се заборава продажниот тим да се гледа како едно посебно маркетинг средство иако продажниот тим е првиот директен контакт со секој постоечки, нов или пак иден купувач. Често пати крајната одлука на купувачот за купување се базира токму на искуството што ќе го проживее со продавачот во Вашиот бизнис.

    Сигурно сте забележале огромна разлика од продавница до продавница во однесувањето на продавачите кон Вас како купувач. Сигурно сте се нашле во ситуација да донесете одлука да не купувате заради тоа што сметате дека не сте услужен на соодветен начин од страна на продавачот. Сигурно ви се има случено да влезете во продавница а продавачите да си разговаараат меѓу себе и да не обрнуваат внимание на Вас ниту на Вашите потреби. Сигурно ви се случило продавачите арогантно да ви кажат еве тука е изложено и бирај ако најдеш нешто. Сето оваа е контра Вашиот маркетинг. Вие се обидувате преку Вашиот маркетинг да доведете колку што може повеќе потенцијални потрошувачи додек Вашиот продажен тим може сиот Ваш напос со месеци и години да го урне за само една секунда.

    Мене на пример ми се има случено кога сакав да купам теписон продавачот воопшто да не ми помогне при изборот па дури и ме тераше самиот да го вртам парчето за да го измерам бидејќи тој не ги знаеше димензиите. Едноставно си излегов и му кажав чао на продавачот и на можна продажба во тој бизнис. Пред едно месец дена ми се јавуваат од една национална телевизија за да ми продадат реклама за мојот бизнис. Ми вели здраво ние сме од таа и таа телевизија да ви направиме реклама. Ниту ми кажа некоја предност зошто би ги избрал нив, ниту ми кажа во која рубрика би била мојата реклама, и ниту ми кажа колкава гледаност имаат и што би добил јас и мојот бизнис со таа реклама. Нормално, мојот одговор беше благодарам НЕ! Доколку беше поинтелигентен во обидот за продажба можеби и ќе размислев. Но вака воопшто не размислувам за таква реклама.

    Ова е огромна штета за Вашиот бизнис. Зошто да не се разгледува продажниот тим како едно маркетинг средство кое ќе овоможи зголемување на продажбата? Забележувате дека веќе навлеговме во маркетинг средства кои се насочени директно кон луѓето како купувачи или потенцијални купувачи. Овој директен контакт има најсилно влијание како маркетинг средство.

    Но, кои се елементите на кои треба да обрнете внимание?

    Вие како претприемач имате должност да го запознаете Вашиот продажен тим со правилата на игра во Вашиот бизнис. Што е ин а што аут? Следниве елементи се некои кои може да одиграат голема маркетиншка улога во Вашиот бизнис:

    1. Однесување. Како прво и основно е однесувањето на Вашиот продажен тим кон купувачите или потенцијалните купувачи и кон останатите во околината на Вашиот бизнис. Секој продавач мора да биде културен и учтив. Да го цени секој оној кој се интересира за нешто во Вашиот бизнис. Можеби нема да купи ништо, но сепак може да биде вреден потенцијален купувач. Доколку Вашиот продажен тим му остави силен впечаток поголема е веројатноста дека ќе се врати.
    2. Изглед. Во продажбата не се бара модна писта, но не е дозволиво продавачите да бидат сосема неугледни. Продавачите се огледало на Вашиот бизнис.
    3. Речник. Видот на бизнисот бара и различен речник кој ќе се употребува. Вашиот продажен тим мора да ги знае клучните зборови и реченици како да се допадне на потенцијалниот купувач.
    4. Искреност. Мора да се биде искрен со секој купувач или потенцијален купувач. Инаку, на лагата и се кратки нозете. Не е работа да продадете само денес, туку да продадете и утре на истиоут купувач.

    Мора да се запомни дека продавачот е тука заради тие купувачи или потенцијални купувачи, а не се тие тука заради продавачот. Се што ќе побара ќе мора да му се покаже и објасни. Па обидете се да го имплементирате ова што го наведов доколку сакате да изградите навистина бизнис со голема бизнис потенцијална енергија.

    post

    СЕРИЈАЛ ОД ВИДЕО МАТЕРИЈАЛИ ЗА ИЗРАБОТКА НА ВЕБ ПРЕЗЕНТАЦИЈА

    Како што ветив во претходниот напис за изработка на веб презентација веќе 3 видео серии се изработени едното ќе биде достапно уште оваа недела за регистрираните за неделни билтени. Останатите 2 се во фаза на едитирање и ќе бидат готови наредната недела. Еве како ќе изгледаат насловите на видео материјалите:

    1. Видео 1: Регистрирање на бесплатно домеин име и бесплатен веб хостинг со 1500 мегабајти веб простор и 100 гигабајти месечен сообраќај. Повеќе за хостинг и она што треба да се спореди при избор можете да прочитате во насловот: Што треба да споредите при изборот на хостинг пакет.
    2. Видео 2: Инсталација на WordPress платформата. Во оваа видео ќе можете да видите неколку работи. Прво, каде да ја најдете и симнете WordPress, потоа каде да најдете, да го симнете и како да го подесите софтвер за File Transfer Protocol (FTP) кој служи за поставување на фајловите на веб серверот. И како трето ќе имате можност да видите чекор по чекор што треба да направите за да ја инсталирате WordPress платформата.
    3. Видео 3: Избор и инсталација на тема на WordPress. Ова видео ќе ви покаже како да најдете една од илјадниците бесплатни теми за WordPress кои служат за персонализација на изгледот на Вашата веб страна. Во видеото е прикажан процесот чекор по чекор.
    4. Видео 4: Објавување и ажурирање на содржини на Вашата веб страна. Ова видео сеуште не е изработено, но во текот на неделава ќе биде секако. Во видеото ќе ви биде поакажн процесот на објавување на нови содржини во вид на написи и веб страни, како и манипулирање со слики во написите.
    5. Видео 5: Додатоци – како да најдете и да ги инсталирате? Оваа видео ќе се однесува на додатоци кои што ја зголемуваат функционалноста на Вашата нова веб страна при што ќе бидат опфатени некои основни кои мора да ги инсталирате и да ги имате ставено во функција.
    6. Видео 6: Како да извршите персонализација на темата која што сте ја избрале? Оваа видео ќе ви покаже како можете да ја смените основната тема како менување на бои или пак превод од англиски на македонски.
    7. Видео 7: Како да изработите статична веб страна. Статична веб страна има неколку страни и не се ажурира често содржината. Се користи за едноставна презентација на Вашиот бизнис. Вообичаено има страна за контакт, производи и услуги и почетна страна. Во оваа видео ќе ви биде покажано чекор по чекор каде да најдете бесплатни темплејти и да ги искористите како Ваша веб страна.
    8. Видео 8: Персонализација на темплејтите. Во оваа видео ќе биде опфатено симнување на бесплатна алатка за едитирање на веб страници и чекор по чекор постапка за менување на темплејтот што сте го избрале.
    9. Видео 9: Изработка на видео и поставување на Вашата веб страна. Во оваа видео ќе ви покажеме како да направите видео, да го едитирате и да го поставите на Вашата веб страна на WordPress.
    10. Видео 10: Поставување на видео на статична веб страна. Она што го направивме со WordPress беше едноставно бидејќи се работи директно во WordPress, додека за статична веб страна ќе треба да изведеме уште неколку чекори.

    Овие видео материјали не се едноставна презентација на слики туку реален приказ како изработувам една веб страна www.pretpriemac.co.cc која веќе постои при изработка на првите 3 видео серии. Можете да ја погледнете. Оваа веб страна ќе се менува како што ќе ги изработувам видео материјалите. Инаку оваа веб страна е само за презентација и нема да бидат објавувани некои реални содржини на истата.

    Доколку сакате оваа листа да се надополни со уште некое видео слободно можете да оставите коментар при што секоја желба ќе се обидеме да ја оствариме. Инаку во моментов ми текна уште едно можно Бонус видео за Joomla. Всушност ќе претставува поглед на артиклите на претприемач во позадина на Joomla за да ги видите можностите и на оваа платформа.

    Знам дека можеби ќе погодам некој со овие видео материјали, но не ми е тоа намерата. Едноставно ја следам мисијата на претприемач да биде извор на знаење за малите бизниси. Со развој на малите бизниси ќе се развие и македонската економија на која толку многу и треба развој. Со веб презентација на малите бизниси без да гледат во тоа како огромен трошок ќе се овозможи нивен излез пред светот. А, од друга страна се надевам на поконкурентски односи во однос на веб развојот во Македонија со што ќе се понуди и квалитет и квантитет на ваквите услуги врз основа на сопствен интелект на понудувачот.

    Па, се гледаме во среда со првото видео: Регистрација на домеин име и хостинг.

    post

    ИЗРАБОТКА НА ВЕБ ПРЕЗЕНТАЦИЈА ЗА ВАШИОТ БИЗНИС

    Го пишувам овој напис во рани утрински часови бидејќи разгледував неколку македонски веб страни кои нудат одреден тип на услуга. Во пресрет на темата за интернет бизниси која ја започнавме пред одреден период и насловите кои што следуваат а се однесуваат за она што треба да споредите кога ќе се одлучувате да купите хостинг пакет, како и една анализа на македонските хостинг компании, и една споредба помеѓу две платформи (системи за менаџирање на web содржина) Joomla и WordPress би најавил нешто невидено во Македонија.

    Од друга страна бев во една наша производствена компанија и разговарав за нивниот дизајн и она што би требале да го сменат на нивната страна како би биле подостапни на надворешниот пазар. Тоа ме поттикна да ги разгледувам малку компаниите кои ја нудат оваа услуга бидејќи видов дека сите нудат услуги од типот на оптимизација за пребарувачи итн… итн… Но, никаде не можев да видам пример на успешен проект.

    Оваа го имав во глава од пред некое време но заради работата на www.entrepreneurshipinabox.com не можев да постигнам. Затоа се одлучив да напишам напис кој ќе ме држи за зборот да го сработам ова што го најавувам како нешто невидено во Македонија. Прва и единствена цел која што си ја поставив за pretpriemac.com е да се направи обид да се развие претприемништвото во Република Македонија. И можете да забележите дека за едно кратко време на блогот и на артиклите има огромен извор на информации и знаење. Материјализацијата на pretpriemac.com сеуште не е нешто за кое размислувам иако вложив многу труд, енергија па и пари.

    Можете да забележите дека користиме професионален аутореспондер GetResponse кој не е бесплатен. Секој може секогаш и кога сака да се отпише од неделните билтени и трикови за претприемништвото со едноставно кликнување на Unsubscribe и нормално бесплатните материјали кои што сте ги добиле задржете си ги, нема лутење. Бидејќи цената на услугата на GetResponse ми е од број на регистрирани членови подобро ми е тоа отколку да плаќам за некој регистриран кого не го интересира проблематиката која ја обработува претпримач. Освен билтени понекогаш може да ви испратам и некои материјали кои ќе можете да ги купите скоро бесплатно. Јас сум регистриран и сум член на неколку големи обуки за интернет бизнис. И добивам редовно известување за најголемите промоции во однос на интернет бизнисите. На пример, така успеав за само 20$ да го добијам комплетниот пакет на Butterfly Marketing на Mike Filsaime кој чини 2000$. Пакетот ја содржи скриптата Butterfly Marketing, 2 книги – The 7 Figure Secrets и Butterfly Marketing Manuscript како и комплет од 10 диска од семинари и интервјуа. Пред некој ден успеав да го нарачам и курсот ListBuilding Course само со плаќање на транспортни трошоци кој се продавал за 2000$. За овој ви пратив информација.

    Но да не должиме туку да видиме што е тоа невидено во Македонија. Секој регистриран член на претприемач ќе има можност да добие пристап до серијал на видео материјали за тоа како да направите веб страна и тоа без да платите ни еден денар. Единствено ќе ви биде потребно следење на видео материјалите на претприемач. Веќе наредната недела ќе го имате првото видео. Нема да зборувам за поддомеини во вид на www.vaseime.blogspot.com или пак www.vaseime.wordpress.com туку за многу попрофесионално домеин име и вистински хостинг сервис. Сепак ќе напоменам дека многу е подобро да најмите хостинг кој ќе си го платите особено заради сигурноста, но за да започнете со Вашата веб презентација во секој случај ќе ви биде добредојдено. Еве што ќе биде предмет на овој е-курс:

    • Ќе ви покажам реален вистински сајт кој е направен за помалку од неколку часа без да се потроши ниту еден денар.
    • Ќе ви покажам како да најдете професионален аутореспондер без да платитет ниту денар. Не e како GetResponse но, за она што го пишуваме на претприемач како гради листа во секој случај ќе ви помогне. Ќе ви покажам како да ја редизајнирате Вашата веб страна.
    • Ќе ви покажам како да најдете готови веб темплејти и со софтвер (повторно бесплатен) да го редизајнирате.
    • Ќе ви покажам како да ги сместите вашите html фајлови на веб сервер со помош на софтвер (и повторно бесплатен).
    • Ќе ви покажам како да инсталирате WordPress платформа (повтроно бесплатна) за Вашиот динамичен веб сајт. Морам да напоменам дека постои и друга опција како joomla (повтроно бесплатна) која јас ја имам и ја користам за артиклите на претприемач. Но, сите најголеми интернет маркетари па и јас сме подржувачи на WordPress. Во посебен напис ќе стане збор за споредбата.
    • Ќе ви покажам како да го оптимизирате за веб пребарувачи Вашата нова веб страна.
    • Ќе ви окажам се што ќе ми дојде на ум за интернет бизниси (и повтроно бесплатно)…

    Единствено нешто што ќе биде побарано од Вас е пријателство преку неделни билтени. Затоа сите кои веќе се регистрирани не мора ништо да прават ќе добијат пристап веќе следната недела до првото видео. Оние кои не се регистрирани пополнете ја формата од десно и ќе бидете вклучени во системо на е-learning. Па нека ви е честито Вашиот нов веб сајт (БЕСПЛАТЕН се разбира).

    Доколку имате некои идеи слободно оставете коментар и се што е во моја можност ќе биде опфатено во овој видео серијал. За слободно информирање и достапноста на знаење Напре!!!