post

Бизнис блог – ден 27: Вметни слики

Бизнис 101: идеи Продолжуваме со дваесетиседмиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот ден од предизвикот се однесуваа на надворешно линкување на постовите кој доколку не си го поминал би било добро да се вратиш пред да одиш со активности од овој дваесетиседми ден.

Ден 27: Вметни слики

Досега главните крупни работи за постовите се завршени. Тие се напишани и поставени се линкови кон внатрешноста така и кон надворешноста од вашиот бизнис блог. Денес вашата задача е да внесете одреден визуелен ефект на секој од постовите. Можеби веќе имате внесено на некои постови слики доколку сте пишувале за некој ваш производ или услуга, но сигурно има останато и некои кои се само текстуални без никаква слика да биде содржана во нив.

За овој ден обидете се да најдете соодветни слики и истите да ги вметнете во соодветните постови. Потребно е да внимавате кои слики ќе ставите и од каде ќе ги превземете доколку не користите ваши сопствени слики. При трансферот на овој предизвик во е-книга ќе обрнеме посебно внимание на неколку различни извори на слики како и авторските права за истите, односно дали и како можете да ги користите.

Во секој случај ако едни активности за овој ден би можеле да бидат:

  • Разгледај ги постовите ои останаа без слики.
  • Размисли за тоа каква слика би одговарала.
  • Провери дали имш таква слика кај тебе. Доколку имаш внеси ја во постот.
  • Доколку немаш побарај на сервисите за слики, но внимавај на авторските права и начинот на користење на тие слики.
  • Не заборавај насловот (името) на сликата да биде описно (намесото 123456.jpg во tvoja-tema.jpg).
  • Не заборавај на alt елементот на сликата кој кажува на пребарувачите за што се однесува таа слика.

Следува: Бизнис блог – Ден 28: Внеси SEO елементи, објави и распореди

post

Надминување на одложување преку елиминирање на причините

претприемач Дали си одложувач? Дали понекогаш за твоите важни задачи или активности велиш има време утре ќе ги завршам? Што мислиш за ова? Биди реален во твоите одговори на прашањата.

Како човечки суштества сите ние имаме одредени видови на одложувачи елементи во себе. Како и да е, кога зборуваме за бизнис и особено малите бизниси или пак за тебе како еден претприемач, одложувањето е нешто што може да го убие твојот бизнис.

Во Wikipedia, одложувањето е дефинирано како:

акт на замена на високоприоритетни акции со задачи од мал приоритет, поместувајќи ги важните задачи за подоцнежно време.

Како што можеш да забележиш, одложувањето те бутка наназад во однос на твоите најважни задачи.

Причини за одложување

Доколку сакаш да го избегнеш одложувањето во однос на твоите претприемнички активности, ќе мора да започнеш со причините за неговата појава.

Секогаш ќе постојат различни причини зошто како еден претприемач одложуваш, и твојата рабта е да ги најдеш и елиминираш истите.

Во најголем број на случаи, причините за одложување може да бидат следниве три:

  • Страв. Оваа причина се јавува кога чувствуваш страв поради можните последици од завршување на проектот или задачите содржани во тој проект. Секоја активност, секоја задача, секоја имплементција на одлука и секое завршување на проекти значи промена од актуелната status quo ситуација во нова состојба на системот. Овие нови состојби се непознаница за тебе и затоа чувствуваш страв од непознато.
  • Слабо менаџирање со проектот. Како втора причина за одложување може да биде слаб менаџмент со проектот. Кога проектот е лошо планиран, или лошо проектиран ќе имаш многу слабо дизајнирани чекори за акција. Во една таква ситуација ќе мора да го провериш дизајнот на проектот и да сеобидеш да го расчлениш во активности кои лесно се завршуваат.  Понекогаш подготовката на проектот те остава без неопходни информации кои ти се потребни за комплетирање на задачите од проектот.
  • Дали си вистинската личност за претприемништво? Доколку постојано одложуваш во однос на најважните задачи во твојот бизнис, можеби не си вистинската личност токму за тој вид на бизнис.

Елиминирање на причини за одложување

Ќе мора да ги елиминираш причините доколку сакаш да не одложуваш. Користи ги следниве прашања за да ги елиминираш причините:

  • Зошто одложувам?
  • Што можам да направам во однос на тоа?
  • Како можам да имплементирам можни стратегии за да ги елиминирам причините за одложување?
  • Како можам да ја подобрам мојата одговорност?
  • Како можам да се мотивирам себеси за секој прогрес кој ќе го постигнам?

Важно е да ги најдеш вистинските одговори на овие прашања бидејќи тие ќе ти кажат што мора да направиш за да ги елиминираш сите причини за одложување и ќе ти ги покажат сите стратегии кои ќе треба да ги имплементираш за да се подобриш себеси.

post

Бизнис блог – ден 26: Надворешно линкување

Бизнис 101: Маркетинг Ќе продолжиме со дваесетишестиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходните, три дена од предизвикот се однесуваа на внатрешно линкување во постовите кој доколку не си го поминал би било добро да се вратиш пред да одиш со активности од овој дваесетитрети до дваесетишести ден.

Ден 26: Надворешно линкување

Претходните 3 дена беа распоредени за да додавање на линкови кон некоја друга страна на твојот сајт или блог во секој од подготвените постови. Денес е истата задача, со тоа што линковите ќе бидат кон некој надворешен извор.

Освен внарешни линкови добро е во одредени постови да имате и линкови кон некој надворешен сајт доколку содржината бара такво нешто. Овој ден проверете ги сите постови и каде треба да додате линк до сајт на некој ваш купувач, некој ваш снабдувач или пак до некој трет сајт кој претставува субјект во вашиот пост.

  • Размисли за можни надворешни линкови. Тоа може да бидат вести од индустријата, статистика, сајт на ваши купувачи, некој интересен блог…
  • Разгледај ги сите подготвени постови и размисли каде би можел да ставиш некој надворешен линк.
  • Поставете ги линковите во постовите кои сте ги избрале.

Следува: Бизнис блог – Ден 27: Вметни слики

post

Бизнис блог – Ден 23-25: Интерно линкување

Претприемништво: Дали си вистинската личност? Ќе продолжиме со дваесетитретиот до дваесетипетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот, дваесетивтори ден од предизвикот се однесуваше на подготовка на уредувачки календар кој доколку не си го поминал би било добро да се вратиш пред да одиш со активности од овој дваесетитрети до дваесетипети ден.

Ден 23-25: Интерно линкување

Сега кога го имате редоследот и датумите на објавување потребно е да направите внатрешно линкување меѓу постовите.

Овие три дена ќе треба да ги разгледате ги сите постови преку календарот и размислете во кој пост што да линкувате. Внимавајте линкувањето да биде од понови постови кон постари за да не се случи да поставите линк во некој пост до пост кој сеуште не е објавен. Освен тоа размислете и каде ќе поставите линк до некој ваш производ или понуда (но, не претерувајте со ова, не мора секој пост да содржи линкови до вашите производи). Ова е многу значајно како за добивање на соодветен тек на вашите блог постови преку актуелизација на постарите во поновите како и за SEO. Обезбете барем 2-3 линкови во еден пост.

  • Започнете од првиот кој ќе се објавува одејќи кон оние кои ќе се објавуваат во иднина.
  • Внимавај да не поставиш линк до пост кој согласно календарот сеуште нема да биде објавен.
  • Внимавај на текстот кој ќе претставува линк до друг пост (anchor text) тој има важна улога.
  • Може да поставиш и линк до производ или услуга доколку текстот се однесува на нешто што твој производ или услуга го обезбедува.
  • Обезбеди барем по 2-3 линкови до внатрешни локации во секој пост. Ова ќе зависи од големината на самиот пост во кој ќе ставаш линкови. Повеќе постови, повеќе линкови. Некои анализи покажуваат дека бројката треба да биде од еден линк на од 100 до 150 зборови.

Следува: Бизнис блог – Ден 26: Надворешно линкување

post

Дали си доволно самокритичен?

Самокритичност Дали си доволно самокритичен?

Ова е веројатно едно од најконтроверзните прашања за претприемачите. Сепак, многу е важно да се знае прашањето и нормално одговорот.

Што мислиш дали си доволно самокритичен како еден претприемач кога станува збор за тебе и за твојот бизнис?

Треба ли и зошто треба да бидеш самокритичен?

Ти не си и неможеш да бидеш секогаш 100% во право. Самокритиката ти укажува кога грешиш а кога си во право. Тоа е потенцијал кој може да го зголеми твоето знаење за самиот себеси, и на таков начин ќе ја зголеми и твојата самодоверба.

Гледаш дека е ужасно тешко да се зборува или пишува за сопствените работи, бидејќи ако тоа нешто било добро, ти си знаеш колку е тоа добро – но ако само кажеш така, се чувствуваш како гомно. ~ Ернест Хемингвеј

Ти си човечко суштество, и можеш да направиш грешки, но ако си самокритичен пред да направиш грешка, тогаш ќе можеш да ја избегнеш. Ова значи дека ќе се подобриш пред да направиш некаква идна грешка.

Носиш стотици или повеќе важни одлуки за твојот бизнис, но како можеш да очекуваш дека сите тие се исправни, ако не си доволно самокритичен?

Самокритиката може да донесе значајни подобрувања во твојот бизнис. Доколку си самокритичен, тогаш знаеш дека ништо не е совршено.

Самокритиката може да ги подобри твојите процеси во донесувањето на одлуки. Ако сите твои бизнис одлуки се критикувани, тогаш ќе застанеш за момент и провериш уште еднаш пред да одлучиш и направиш можна грешка со имплементација на одлуката.

Ако си доволно самокритичен, ќе овозможиш и да бидеш критикуван од другите. Уште поважно е дека ќе очекуваш и ќе ги поттикнуваш критиките кои можат да го подобрат твојот бизнис без разлика од каде доаѓаат.

Најпаметен од сите, според мое мислење, е оној човек кој себеси се нарекува будала најмалку еднаш месечно. ~ Фјодор Достоевски

post

Бизнис блог – Ден 22: Уредувачки календар (Editorial Calendar)

Бизнис блог за 30 дена Да продолжиме со дваесетивториот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот, дваесетипрви ден од предизвикот се однесуваше на ставање на сервер на постовите преку платформа за блогирање кој доколку не си го поминал би било добро да се вратиш пред да одиш со активности од овој дваесетивтори ден.

Ден 22: Уредувачки календар (Editorial Calendar)

Досега ги имате напишано постовите и ги поставивте како драфт на сервер. Иако можеби сте размислувале за редоследот, сепак целта е преку овој предизвик да имате покриеност барем за една година, а во меѓувреме нормално со нови идеи (кои ќе ги имате) да надополнувате.

Но, со она што во моментов го имате би било добро да размислите за еден логичен редослед на објавување. Освен тој редослед мора да размислите и за приоритетот на објавување (некој пост е поважен од друг). Од друга страна ќе се појави пореба некои понови постови да се повикуваат на претходно објавени, што исто така треба да го имате во предвид при реорганизација на овие постови.

За да си ја олесните работата во организација на време на објавување како и редоследот на објавување добро е да имате еден уредувачки календар. Една алатка која може да ви помогне е додатокот Editorial Calendar кој би требало да го инсталирате и во еден поглед во вид на календар ќе можете со едноставно влечење на насловите да ги подредите во најдобар редослед за објавување.

  • Определете го приоритетот на постовите. Некои ќе бидат промотивни за одреден период во година. Некои ќе бидат важни заради содржината на информациите. Сето тоа мора да го означите со соодветен приоритет за објавување.
  • Размислете и одлучете за логичен распоред на објавување. Гледајте ги насловите како една голема функционална целина. Што треба да биде прво, а што потоа?
  • Инсталирајте го додатокот Editorial Calendar и врз основа н претходните две точки подредете ги постовите.

Следува: Бизнис блог – ден 23: Интерно линкување

post

Совет за еден мал бизнис: Користи upselling стратегијa

Совет за мал бизнис

Совет за мал бизнис

Ти како еден претприемач вложуваш големи напори зa да ja направиш првата продажба кај еден потенцијален купувач. Зошто не би се обидел/а да продадеш повеќе? Зошто да не се обидеш да презентираш дополнителна понуда од твојт бизнис и да ја зголемиш просечната продажба. На таков начин, би го зголемил твојот бизнис потенцијал за да обезбедиш поголема продажба за твојот бизнис.

Дали користиш една таква можност за твојот бизнис? Или, пак, едноставно тој потенцијал за продажба го оставаш или се откажуваш онака?

Доколку сеуште не си ја користел таа можност, веројатно ова е вистинското време да дизајнираш нешто што ќе може да ти користи за зголемување на севкупната бизнис потенцијална енергија во твојата компанија. Така може да видиш драматични зголемувања во твојот приход.

Откако ќе успееш со таа прва продажба ти како еден претприемач ќе сакаш да купат што е можно повеќе од твоите понуди. Вака не ризикуваш ништо, бидејќи твоите купувачи веќе донеле одлука за да купат нешто. Тука само им нудиш дополнителна вредност под посебни услови, бидејќи тие веќе купуваат. Ако не сакаат да ги купат твоите дополнителни понуди, едноставно ќе ги игнорираат, и животот продолжува понатаму.

Она што е важно е што доколку не се обидеш со дополнителни понуди како дел од upselling стратегија, се откажуваш од можноста на дополнителни продажби.

Еден факто кој претставува добра основа за мерење и подобрување е стапката на конверзија. Доколку го дизајнираш процесот на вистински начин, стапката на конверзија ќе биде многу поголема. Кога зборувам за вистински начин, мислам на следново:

  • Да им понудиш производи и услуги кои на твоите актуелни купувачи им се навистина потребни.
  • Да понудиш производи и услуги кои се во согласност со веќе купените производи и услуги, или дополнување на тие производи и услуги.
  • Да понудиш нешто што навистина вреди за купувачите.
  • Да направиш навистина една неодолива понуда.

За оваа недела совет за еден мал бизнис: Анализирај ги твоите тековни понуди и обиди се да најдеш каде би можел да користиш upselling стратегија. Дизајнирај го процесот правилно и анализирај ги резултатите. Твојата работа ќе биде да ја зголемиш стапката на конверзија преку тестирање на различни производи и услуги и различни понуди.

post

Бизнис блог – ден 21: Ставање на сервер преку платформата за блогирање

WordPress лого Ќе продолжиме со дваесетипрвиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот, дваесети ден од предизвикот се однесуваше на оптимизација на постовите кој доколку не си го поминал би било добро да се вратиш пред да одиш со активности од овој дваесетипрви ден.

Ден 21: Ставање на сервер преку платформата за блогирање

Ова можеби е и наједноставната работа, затоа што ти во претходните десетина дена веќе работеше на подготовката на постовите кои сега се целосно комплетни и спремни за објавување. Затоа денес сето она што го имате завршено едноставно едноставно го пренесувате да биде на сервер во драфт верзија.

Веќе имате 100-тина наслови напишано и оптимизирано во однос на клучните зборови кои ќе ги користе. Сега е време сите тие постови да ги поставите на сервер преку платформата за блогирање која ја користите (во Блогирање за бизнис ја препорачав WordPress). Сите тие сеуште се драфт верзии, не брзајте со објавување, важно е денеска да ги имате подготвено на сервер заради објавување.

Следува: Бизнис блог – ден 22: Уредувачки календар

post

Бизнис блог – ден 20: Оптимизација на постовите

SEO Да продолжиме со дваесетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот, деветнаесети ден од предизвикот се однесуваше на пишување на додавање на повик за акција во твоите постови кој доколку не си го поминал би било добро да се вратиш пред да одиш со активности од овој дваесети ден.

Ден 20: Оптимизација на постовите

Задачите од овој ден се едни од поважните кои што ќе треба да ги спроведеш за твојто бизнис блог. Она што сакам да го напоменам е дека оптимизација не значи „превара“ туку едноставно да им помогнете на пребарувачите полесно да дојдат до секој блог пост и полесно да сватат за што станува збор. Доколку започнеш со еден ваков пристап се друго е полесно и секако ќе ти се исплати.

Овој ден твојата задача ќе биде да ги оптимизираш постовите за пребарувачи. Како добро почетно место за она што ќе треба да го правиш го предлагам серијалот на постови на претприемач за SEO кои сеуште се актуелни и можат да ти помогнат секој твој пост да биде одлично оптимизиран.

Но, да презентираме една листа на активности за овој ден:

  • Секој пост на кој работевте во претходните неколку дена проверете го во однос на клучните зборови. Дали ги има доволни и дали случајно некаде си претерал?
  • Дали содржината е структурирана така да биде лесно разбирлива за потенцијалниот читател? Оваа прашање мора да го одговорите бидејќи интеракцијата на читателот со вашиот блог пост може да влијае и врз пребарувачите (подетално за ова ќе стане збор во книгата која ќе произлезе од овој предизвик).
  • Провери дали содржината содржи корисни линкови до твоите останати постови.
  • Провери дали URL-ата на постовите ги содржат клучните зборови.
  • Напиши го насловот на постот кој ќе биде читан и прикажан од пребарувачите.
  • Напиши го описот кој ќе биде читан и прикажан на страната со резултатите на пребарувачите.

Следува: Бизнис блог – ден 21: Ставање на сервер преку платформата за блогирање

post

Твоите маркетинг пораки треба да ги дадат овие одговори…

Маркетинг пораки Твоите маркетинг напори се еден од најважните напори кои ќе треба ти како еден претприемач да ги превземеш во твојот мал бизнис. Ако успееш во овие напори, ќе успееш како претприемач и твојот бизнис ќе биде на вистинскиот пат.

Секој твој потенцијален купувач одлучува дали ќе купи или нема да ги купи твоите производи и услуги. Овие одлуки во наједноставна форма можат да бидат ДА (што нормални ти го сакаш) и НЕ (што не го сакаш како одговор). Твоите маркетинг активности треба да комуницираат со твоите потенцијални купувачи, едноставно така за да им помогнат да донесат правилна одлука.

Во овој пост, би сакал да спомнам некои од најчесто користените прашања на твоите потенцијални купувачи, кога тие се во процесот на донесување одлуки.

1. Дали е премногу скапо за мене?

Едно од првите прашања што си ги поставуваат потенцијалните купувачи е колку тоа задоволство ќе ги чини. Веднаш, одкако ќе го добијат одговорот тие ќе споредуваат повеќе елементи во својот мозок, за да ја најдат вредноста, и дали ќе имаат доволно пари за да си ги дозволат твоите производи и услуги.

Ако твојата маркетинг порака не е наменета да им помогне да го најдат одговорот во неколку секунди најверојатно ќе ги изгубиш тие потенцијални купувачи за твојот бизнис. Како може да се одговори на овие прашања?

Првин размисли за одговорите на овие прашања:

  • Дали твојот производ, може да им донесе на твоите купувачи повеќе пари?
  • Ќе можат ли тие да заработат повеќе?
  • Колку време ќе треба за да им се вратат нивните инвестиции од твоите производи и услуги?

Ако твоите маркетинг пораки ги објаснуваат овие одговори, тогаш тие многу брзо можат да одлучат да купат од вас. Уште поважно е што тие јасно ќе разберат за вредноста што ќе ја добијат.

2. Колку време ќе заштедам? Ќе бидам ли попродуктивен?

Понекогаш потрошувачите освен парите го користат и нивното време за да ја споредуваат вредноста што ќе ја добијат. Знаеш, времето е пари. Секој сака да заштеди од своето време, да биде попродуктивен додавајќи ја истата или подобра вредност како резултат на нивните активности.

Ако твојот производ е нешто што го прави тоа можно, тогаш твојата маркетинг пораки треба да бидат дизајнирани на таков начин, да објаснуваат брзо за овие вредности на твоите производи и услуги.

3. Дали е тоа нешто што ќе функционира и за мене?

Ова е третото прашање што потенцијалните купувачи се прашуваат кога се во фаза на донесување на одлука за купување.

За да се ​​направат овие можни стапици ирелевантни, твоите маркетинг пораки треба да дадат одговори на ова прашање. Алтернативно, барем да им помогнат да одговорат на ова прашање, но во твоја корист.

Ќе треба да им укажеш на некои луѓе кои ги користат твоите производи и услуги, и дека тие функционирале и им помогнале. Тоа е најдобрата помош која би можел да ја обезбедиш.

4. Како можам да ти верувам?

Оваа прашање е важно и е дел од изнаоѓање одговори од твоите потенцијални купувачи кога одлучуваат за купување на твоите производи и услуги. Од друга страна има голем потенцијал да доведе до губење на можната продажба.

Најдобро решение за овој тип на проблем е твојата маркетинг порака да покаже социјален доказ за тебе и за твоите понуди.

Друго можно решение, ако сеуште немаш изградено социјален доказ се тестови, примери или пробен период на твоите производи и услуги.

Многу мали бизниси станале успешни бизниси откако успеале да го изградат социјалниот доказ врз основа на бесплатна работа во деновите на започнување. Понекогаш во првите денови тие даваат дел од своите услуги бесплатно, затоа што сакаат да изградат социјален доказ дека постојат корисници на нивните производи или услуги и дека тие навистина функционираат.

5. Не ми се потребни твоите производи и услуги

Ова не е прашање. Ова е одговор, најлошиот одговор.

Ако примиш ваков одговор на твојата понуда, најверојатно си тропнал на погрешна врата. Едноставно си го промашил твојот целен пазар.