post

Планирање на 2012 – Време е да се започне

SEO елементи Како што сме се поблиску и поблиску до 2012 година, треба да го почнеш планирањето на твоите идни бизнис чекори, или што се ќе треба твојата компанија да направи во 2012 година. Не ми се допаѓаат класичните бизнис планови со многу делови извлечени од книгите. Не ми се допаѓаат бизнис планови тешки за следење и имплементирање. Тоа е затоа што имам лошо искуство со таков бизнис план кој е многу непродуктивен.

Мојот идеален бизнис план е план кој што е целосно имплементиран, кој мерлив и лесно може да се анализира. Овој бизнис план може да ми донесе повеќе знаење и идни подобрувања за мене и за мојот бизнис.

Сепак, прашањето е што можеме да направиме во овој период на годината што може да го направи нашиот бизнис план поефикасен за следната година? Треба да ги започнеме подготовките затоа што времето не не чека нас.

Ајде да зборуваме за некои можни подготовки кои можат да се превземат од денес.

1. Проекции на продажба

До денес, веќе имаш солидна количина на податоци за продажбата кои можат да се споредат со планираните. Исто така, овие податоци можат да ти дадат некои можни трендови кои можеш да ги практикуваш во проекциите за наредната година. Треба да одовориш на следните прашања:

  • Дали планираните продажни бројки, се поголеми или помали од реализираните оваа година?
  • Зошто тие се поголеми или помали? Кои се причините за разликите?
  • Има ли нешто што може да се види како шило (големи натфрлувања)? Зошто се појавуваат такви шила? Што е она што твојата компанија ја имплементирала и резултирало со таков скок? Дали шилата се само за време на празниците или тие се исто така и во некои од останатите денови?
  • Дали има некои фактори во околината кои влијаеле на твојата продажбата за оваа година? Кои се тие? Како реагираше на нив? Дали твоите акции во справувањето со нив донеле резултати или не?
  • Дали има некои потенцијални фактори од околината кои ќе можат да влијаат на продажбата следната година? Што би можело тоа да биде? Како може да се справиш со нив? Што треба да направиш за да се справиш со нив?
  • Што мислиш за побарувачката за следната година? Може ли да се зголеми и што можеш да направиш за да ја зголемиш побарувачката на твоите производи и услуги за следната година?
  • Колкава продажба може да се очекува следната година врз основа на твоите бизнис цели и претходно одговарените прашања? Дали треба да се направи нешто повеќе за да се остварат продажните бројки во следната година?

2. Буџетот за 2012 година

Сега кога ги знаеш продажните бројки, и знаеш што може да влијае на нив и што е она што треба да го знаеш, сега може да започнеш со подготовка на твојот буџет за следната година.

3. Потреби на купувачи

Треба да ги знаеш твоите потрошувачи. Тоа значи дека треба да знаеш што сакаат, кои им се потреби, желби, сонувања, емоции … Кога зборуваме за бизнис план тебе ти треба ова знаење за да гоимплементираш во твојот план. Користи ги следниве прашања за да го прошириш знаењето за твоите купувачи:

  • Кои се прашањата што тие ги поставувале оваа година?
  • Има ли нешто дополнително што тие имаат потреба од твојата компанија? Што е тоа? Може ли да се спроведе тоа?
  • Дали има некои потрошувачи кои не купиле нешто од твојата компанија годинава? Зошто? Можеш ли да ги прашаш нив?
  • Дали има некои купувачи кои рапидно го зголемиле нивното купување од кај тебе оваа година? Зошто? Дали си направил нешто поради тоа? Можеш ли да ги прашаш за тоа?

Можеш да подготвиш едноставен прашалник за да ги прашаш за нивните потреби, проблеми, желби, најголемите фрустрации, соништа … Ова е најдобар начин да се соберат информации за потребите на потрошувачите.

4. Најголемите проблеми од 2011

Не постојат мали бизниси без проблеми. Ако не постојат проблеми веројатно не постои ни бизнисот во целина. Твојот бизнис план е нешто со што сакаш да ја подобриш твојата компанија. Зошто да не запреш еден момент и да размислиш за најголемите проблеми кои си ги имал оваа година и да најдеш начини да ги избегнеш истите следната година.

5. Најголеми пречки од 2011 година

Освен проблемите, исто така има и пречки кои го уназадуваат твојот бизнис успех. Кои се најголемите пречки? Што треба да направиш за да ги избегнеш следната година?

6. Маркетинг план

Ги имаш проценетите бројки за твојот буџет. Знаеш што ти треба за да ги исполниш очекуваните продажни бројки во следната година. Сега треба да направиш едноставен маркетинг план. Користи ги 5-те прашања и една табела за да го направиш твојот маркетинг план:

  • Кој е твојот целен пазар за следната година? Дали е истиот како и оваа година? Кои се промените на пазарот?
  • Кои се твоите маркетинг цели за следната година?
  • Кои ќе бидат твоите маркетинг стратегии за да се исполнат маркетинг целите?
  • Кои ќе бидат твоите маркетинг тактики (средства, канали)?
  • Кои ќе ти бидат активности и одговорности за спроведување на твојот маркетинг план?
post

Предизвик за 77 подобрувања за 77 дена

77 Подобрувања за 77 дена Сакаш ли да го подобриш твојот бизнис?

Сакаш ли да го подобриш твојот бизнис за максимум 77 денови?

Твоите напори за подобрување како еден претприемач се едни од најважните напори кои ги имаш ти како еден претприемач кои започнуваат уште од раните фази на твојот стартап и не завршува се додека твојот бизнис е жив.

Пред извесен период напишав за 77 подобрувања на бизнисот за 77 дена. Тој пост претставува листа на 77 подобрувања кои може да се спроведат во 77 денови, еден предмет на подобрување за секој ден.

Денес сакам да започнеме еден предизвик за следните 77 денови за да го подобриш твојот бизнис. Секој ден ќе објавиме по едно подобрување за тој ден и потребните акции кои како еден претприемач ќетреба да ги превземеш.

Откако секој ден ќе биде објавен, ќе се ажурира и линкот на овој пост.

Во наредниот дел е презентиран распоредот и календарот за овој предизвик.

Бизнис идеја

Бизнис план

  • Ден 9: Претходно искуство
  • Ден 10: Предвидување
  • Ден 11: Знаење
  • Ден 12: Бизнис модел
  • Ден 13: Цели
  • Ден 14: Графици
  • Ден 15: Намената на бизнис планот
  • Ден 16: Интересност
  • Ден 17: Реалистичност наместо оптимистичност
  • Ден 18: Јас, јас и само јас синдром
  • Ден 19: Поглед кон конкуренцијата
  • Ден 20: Перспективи
  • Ден 21: План за имплементација на планираното
  • Ден 22: Докази

Финансии

  • Ден 23: Извор на финансии
  • Ден 24: Готовински тек
  • Ден 25: Вештини за готовински тек
  • Ден 26: Трошоци
  • Ден 27: Рентабилност
  • Ден 28: Проекции на профит/загуба
  • Ден 29: Коефициент на економичност
  • Ден 30: Коефициент на повраток на инвестиција
  • Ден 31: Стапка на акумулативност

Продуктивност

  • Ден 32: Организација
  • Ден 33: Планирање
  • Ден 34: Системи
  • Ден 35: Личен живот
  • Ден 36: To-Do Листи
  • Ден 37: Препреки
  • Ден 38: Аутсурсинг
  • Ден 39: Вработени
  • Ден 40: Менаџмент системи
  • Ден 41: Информативни системи и софтвер алатки
  • Ден 42: Систем за учење

Бизнис процеси

  • Ден 43: Организирај го неорганизираното
  • Ден 44: Систематизирај ги бизнис процесите
  • Ден 45: Технологија
  • Ден 46: Влез/Излез
  • Ден 47: Бизнис модел

Маркетинг

  • Ден 48: Маркетинг план
  • Ден 49: 4P
  • Ден 50: Маркетинг средства
  • Ден 51: Маркетинг календар
  • Ден 52: Повик за акција
  • Ден 53: Сегментација
  • Ден 54: Листа на потрошувачи
  • Ден 55: Листа на потенцијални потрошувачи
  • Ден 56: Блог дизајн
  • Ден 57: Дизајн на веб страна
  • Ден 58: Маркетинг кампањи
  • Ден 59: Онлајн стратегија
  • Ден 60: Внимание, репутација и доверба
  • Ден 61: Дополнителна услуга
  • Ден 62: Запознај ги подобро потрошувачите
  • Ден 63: Ургентност
  • Ден 64: Корисности
  • Ден 65: Кредибилитет
  • Ден 66: Понуда
  • Ден 67: Социјални медиуми
  • Ден 68: SEO

Продажба

  • Ден 69: Продажна инка
  • Ден 70: Влез во продажна инка
  • Ден 71: Стапка на конверзија
  • Ден 72: Просечна продажба
  • Ден 73: Времетраење на продажна инка
  • Ден 74: Продажен тим
  • Ден 75: Знаење на продажниот тим
  • Ден 76: Насмевка
  • Ден 77: Објаснување
post

Предизвици на претпреимач

Бизнис блог за 30 дена Како што можеше д забележиш од минатите 30-тина дена секојдневно одеше по еден пост за секој ден со активности за тој ден за блогирање за бизнис. Ова е предизвикот за блогирање за бизнис.

30 дена за градење на блог за твојот бизнис. 30 дена за одлична можност за привлекување на внимание, градење на репутација, кредибилитет и доверба. Но, тука не застануваме.

Овие 30 денови ќе бидат обработени во детали и ќе служат за ажурирање на книгата насловена како блогирање за бизнис. Работата е започната.

Иако оваа недела завршивме со предизвик за блогирање за бизнис на претприемач, од понеделник започнуваме со нов предизвик, кој е уште попредизвикувачки и ќе трае 77 денови.

Тоа можноство наредните 77 дена да работиш интензивно на подобрување на твојот бизнис.

Основата на овој предизвик е 77 бизнис подобрувања за 77 дена. Ова ќе биде еден систематски пристап кој секојдневно ќе нвлегува во по еден ден од тие 77 дена и кој ќе ти помогне со мали подобрувања и размислувања за подобрувања да успееш на крајот од 77 ден да имаш бизнис кој драстично ќе се разликува од она што претставува и како изгледа денес.

Често пати ме прашуват зошто токму 77 подобрувања и 77 денови. Кога работев на насловот едноставно одлучив да ги напишам можните подобрувања за кои сметам дека се најмоќни за еден мал бизнис и на крајот да го прилагодам насловот во однос на бројот на подобрувања и во однос на бројот на денови. Така да бројката е само случајна.

Но, и ова нема да биде се. По завршување на овој предизвик за пдообрување ќе одиме со следен. Веќе имаме неколку во план, но доколку сакаш нешто посебно да се разработи во еден ваков предизвик на претприемач слободно коментирај подолу. И врз основа на тоа ќе ги направиме приоритетите во иднина.

Тоа би било се за оваа најава. Уште во текот на денов ќе одиме со првиот оној нјавен пост за 77 подобрувања за 77 дена во кој ќе биде презентиран редоследот на деновите за кои од утре ќе стане збор секојдневно во наредните 77 денови.

post

Концепт на трансфер и унапредување на кадри

Екипирање - човечки ресурси

Екипирање - човечки ресурси

Со оглед на постигнатите работни резултати, залагање и способност на вработените, може да се врши и трансфер на вработените.

Трансфер претставува преместување на вработените од едно работно место на друго.

Унапредување, претставува преместување на повисоко хиерархииско ниво, кое најчесто е проследено со повисока плата, статус и власт.

Хоризонтален трансфер претставува поместување од една на друга позиција, која се наоѓа на исто хиерархииско ниво. Овој трансфер се применува доколку се јави недостаток на одреден профил на вработените, па се врши дополнување од друг сектор.

Доколку вработениот не ги исполнува работните задачи, не се ангажира доволно и нема соодветно знаење или способности, тогаш се врши трансфер наречен уназадување или деградација. Тоа е преместување на пониско хиерархиско место, пратено со намалување на плати и бенефиции или може да се добие и отказ.

Во текот на работниот век, вработените се унапредуваат почнувајќи од пониска па одејки кон повисока позиција во компанијата. Унапредувањето може да биде иницирано од различни причини:

  • покажани способности,
  • докажана лојалност,
  • потреба за воведување на нови сектори,
  • испразнети повисоки позиции,
  • роднински и пријателски врски и слично.

Чест случај е унапредливите луѓе да чекаат одреден временски период, додека не се ослободи или не се отвори ново работно место каде би се вработиле. Постојат различни причини за испразнување на работни места. Тоа се: пензионирање, болест, смрт, деградација, отказ, напуштање по сопствена иницијатива или доколку со унапредување останало непополнето претходно работно место.

Кога се зборува за унапредување, најчесто се мисли на унапредување кое се врши во рамките на компанијата. И самите вработени повеќе сакаат ваков тип на унапредување, бидејќи се надеваат дека и тие еден ден ќе бидат унапредени на подобра работна позиција.

Политика на унапредување одвнатре

Забраната за поставување на луѓе од надвор на одредена позиција, ја ограничува конкуренцијата и им дава на вработените во компанијата монопол на работните места. Политиката на унапредување од внатре може да биде пригодна за големи компании, бидејќи има многу квалификувани луѓе, па унапредувањето од внатре се приближува до ситуација слична на политика на отворена конкуренција.

Сепак, компаниите често се принудени да одат надвор кога се бара кадар. Опасно е за компанијата доколку следи исклучиво политика на унапредување од внатре, бидејќи можат да се унапредуваат луѓе кои немаат доволно способности или луѓе кои работеле под закрило на успешен претпоставен, па се предимензионирала сликата за способностите на неговиот подреден, која не е потполно исправна.

Често пати при унапредување од внатре се јавува љубомора, ривалство и конфронтација што може трајно да го наруши работењето на компанијата. Тешкотиите се најевидентни при изборот на клучни менаџери или инженери, бидејќи тогаш се во прашање најголеми интереси па конфронтацијата е најинтензивна. Врвните менаџери честопати во такви случаи, одлучуваат да го изберат полесниот пат и да ги избегнат проблемите и конфронтациите со избор на личност надвор од компанијата, кој би завзел клучна позиција во компанијата.

Политика на отворена конкуренција

Но, факт е дека компанијата реално има потреба за луѓе од надвор, за да воведат нови идеи, нови практики и нови методи во работење. Менаџерите мора да одлучат, дали предностите од политиката на унапредување од внатре, се поважни од нејзините недостатоци. Разбирливи се причините за спроведување на принципите на отворена конкуренција, преку отварањето на слободни работни места за најдобро квалификуваните луѓе кои стојат на располагање, било да се од внатре или од надвор. Тоа и дава можност на компанијата, на крајот од анализата, да прими најсоодветен кандидат. На овој начин се надминуваат недостатоците од политиката на исклучиво унапредување од внатре, при тоа овозможувајќи и на компанијата да ги примени најдобрите техники за регрутација на менаџери и неменаџери.

Политиката на отворена конкуренција е подобро и почесно средство при обезбедувањето на потребниот кадар, отколку задолжителното унапредување од внатре. Доколку е потребно да се сочува моралот на вработените, при примена на политиката на отворена конкуренција, компанијата мора да има фер и објективен метод за оценување и избор на своите луѓе. Доколку вработените знаат дека нивните квалификации и способности ќе бидат разгледани и дека ќе бидат добро оценети, а при тоа им се овозможи развој на знаења и вештини, чувството на неправда, ако на испразнето место дојде некој од надвор, ќе биде помало.

Во секој случај вработените треба да бидат способни да им конкурираат на луѓето од надвор. Ако вработените од внатре имаат способност за конкурирање на отвореното работно место, ќе имаат голема предност, бидејќи се запознати со компанијата и нејзиниот персонал, историјата, проблемите, политиката и целите. За таков кандидат политиката на отворена конкуренција треба да биде предизвик, а не пречка при унапредувањето.

Унапредување на клучни менаџери

Клучните менаџери се луѓе кои ја водат компанијата или водат одредени развојни и производни програми, без оглед дали се работи за техничко-технолошко или менаџерско работење.

Вакви менаџери можат да се најдат во сите организациски нивоа, но најчесто се среќаваат на самиот врв или близу до врвот на компанијата. Тие менаџери формираат и спроведуваат клучни идеи, ставови и судови кои и помагаат на компанија да ги постигне своите цели. Тие имаат задача да ја развиваат севкупната политика и работењето на компанијата. Развиваат производи, услуги, кадри, начини за финансирање. Одлучуваат за развојот на нови технологии и други важни прашања за работењето на компанијата, па изборот на клучниот менаџер е од голема важност за понатамошното работење на компанијата.

Во пракса можат да се најдат голем број на примери каде клучните менаџери се прикажани како клучни за успехот или неуспехот на компанијата. Така да изборот на клучен менаџер, претставува одговорна задача во која треба да се вклучат сите релевантни структури во компанијата.

Многу е важно под кои услови доаѓа до бирање на нови клучни менаџери, но важна е и сопственичката структура на компанијата. Во некои случаи, сопствениците на најголем број на акции определуваат менаџери на клучната позиција, а некогаш одлучувањето за клучните менаџери се препушта на врвниот менаџмент на компанијата.

Доколку е тоа редовна замена заради пензионирање, компанијата работи стабилно, има добри резултати во работење, тогаш бирањето на клучни менаџери претставува помал проблем, при што може и претходниот менаџер да промовира свој наследник или тоа може тивко да се изврши во рамките на самата компанија.

Тука единствено настанува проблем доколку постои ривалство помеѓу клучните менаџери, па тоа ривалство може да биде продолжено и по изборот. Така што новоизбраниот менаџер може да му се реваншира негативно на својот ривал, преместувајќи го на пониско работно место, терајќи го на тој начин сам да ја напушти компанија, што во такви случаи претставува и најдобро решение за компанијата, бидејќи се избегнува конфронтација.

Но, доколку компанијата се наоѓа во лоша состојба, унапредување од внатре не е препорачливо, бидејќи луѓето од внатре ја создале таа ситуација. Но, тоа секогаш и не мора да биде точно, бидејќи помладата менаџерска структура нема клучна улога во донесувањето на главни одлуки, па не може во иста мерка да ја понесе и одговорноста за неуспехот. Од друга страна тие ја познаваат состојбата во компанијата, па со поголемо унапредување можат да покажат успех во работењето.

Но, постојат и голем број на причини за избор на клучни менаџери надвор од компанијата. На надворешните кандидати може да се смета повеќе отколку на внатрешните, бидејќи тие немат разгранети роднински и пријателски врски, па можат да одлучуваат без дополнителни притисоци. Нов клучен менаџер може да се доведе од страна и во случај кога некој менаџер долго стои на одредена позиција, па е потребно да се внесе ’свежа крв’ за да компанијата добие полетна атмосфера. Во секој случај, изборот на нов клучен менаџер ќе ја обележи нова ера во работењето на компанијата.

post

Бизнис блог – ден 30: Следи, анализирај, бреинстормирај, пишувај…

Бизнис блог за 30 дена Ќе го завршиме овој предизвик со триесетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот ден од предизвикот се однесуваше на споделување на социјални медиуми кој доколку не си го поминал би било добро да се вратиш пред да одиш со активности од овој триесети ден.

Ден 30: Следи, анализирај, бреинстормирај, пишувај

Досега имаш завршено голема работа доколку редовно стигна до овој последен ден од предизвикот. Имаш стотина блог постови, добро осмислени и оптимизирани и подесени за објавување во нареден период. Но, процесот не застанува тука. Блогирање за бизнис е активен процес кој никогаш не треба да заврши, бидејќи ако застанеш на оваа ниво за брзо време ќе дојде денот кога повторно твојот бизнис блог ќе застане (ќе нема што да објави).

Затоа мора постојано да размислуваш за насловот од овој ден од предизвикот за бизнис блог.

Ова последниот ден од овој предизвик кој всушност ќе претставува и почеток на следниот циклус на ваков предизвик. Следете ја аналитиката, особено во однос на она што е почитано. И обидете се сите тие анализи да ги искористите за бреинстормирање на нови идеи за наслови и еден нов циклус за вашиот блог.

  • Следи се што се случува во однос на твојот бизнис блог. Поставувај прашања, поставувај многу прашања. Секогаш нека следи уште едно прашање: Зошто?
  • Следи што се случува во индустријата. Мора да бидеш информиран и полн со знаење.
  • Анализирај ги податоците од аналитиката, од индустријата, од внатрешноста и од надворешноста на твојот бизнис. Сето ова ќе ти даде една слика за понатамошните насоки кои ќе треба да ги користиш.
  • Идеи за блог постови се насекаде околу тебе како во внатрешноста така и во надворешноста на твојот бизнис. Постојано обидувај се во се да гледаш како можност да напишеш нешто за твојот блог.
  • Не запирај во пишување. Бизнисите денес имаат уште една функција, а тоа е издавачката функција.
post

Совет за еден мал бизнис: Познавај ги твоите потрошувачи пред се друго

Совет за мал бизнис

Совет за мал бизнис

Ако планираш да започнеш бизнис знаеш ли точно кои ќе бидат твоите купувачи?

Доколку пак веќе имаш мал бизнис, имаш ли доволно знаење за твоите купувачи?

Ти комуницирај со нив на секојдневна основа. Треба да ги знаеш. Но, дали е тоа доволно за да успееш со твојот мал бизнис?

Понекогаш треба да знаеш за нивните проблеми поврзани со твоите бизнис решенија. Но, понекогаш ќе треба да знаеш нешто за нив што не е во корелација со твојот бизнис.

Треба да знаеш каде се тие за да започнеш разговор со нив. Но, исто така, ќе треба да знаеш што тие сакаат да зборуваат во тој разговор

Денес пазарот е содржан со твои потенцијални купувачи кои имаат многу различни потреби, желби, проблеми, емоции, соништа… Твоите потенцијални купувачи се помоќни отколку што можеш да помислиш дека се. Тие имаат голема слобода да изберат за она што би го правеле и со кого би го правеле тоа што ќе го прават.

Мораш да знаеш колку што е можно повеќе за нив ако сакаш да се обидеш да им продадеш. Ние живееме во свет каде што еден просечен човек е бомбардиран со премногу информации во еден момент. 99% од информациите се игнорирани од твоите потенцијални купувачи. Како можеш да очекуваш да продаваш ако твоите информации не стигнат до нивниот мозок? Доколку знаеш повеќе за нив, имаш многу повеќе потенцијал да ги поминеш чуварите на портите во нивниот мозок.

Основните прашања кои треба да ги одговориш во процесот на стекнување на знаење за твоите клиенти се:

  • Кои се тие навистина?
  • Каде се наоѓаат?
  • Што прават таму каде што се наоѓаат?
  • Што е со нивното семејство?
  • Кои се нивните пријатели?
  • Што тие сакаат?
  • Што е со нивните најголеми проблеми?
  • Што е со нивните најголеми желби?
  • За што сонуваат?
  • Кои се нивните најголеми фрустрации?
  • Кој е јазикот кој тие ги користат во комуникацијата со другите?
  • Кои средства на комуникација ги користат?
  • Колку време тие поминуваат на различни места каде што ти би сакал да се сртетнеш со нив?
  • Како го трошат своето време таму каде што се?

Разгледај ги прашањата и најди ги одговорите. Треба да знаеш дека за различни купувачи, ќе има различни одговори. Тоа ќе те наведе да направиш различни сегменти кои се различни од традиционалната маркетинг сегментација од книгите за маркетинг. Ќе имаш многу повеќе сегменти и многу повеќе начини за комуникација, кои ќе треба да се користат за тие сегменти. Тоа е нашата денешна реалност. Не можеш да избегаш од неа. Доколку се обидеш да избегаш ќе изгубиш.

За оваа недела совет за еден мал бизнис: Почни да ги запознаваш твоите потенцијални купувачи колку што е можно повеќе. Врз основа на стекнатите знаења, групирај ги твоите потенцијални купувачи во различни сегменти и различни бизнис процеси за контакт и комуникација со нив.

post

Бизнис блог – Ден 29: Споделувај на социјални медиуми

Како да станеш претприемач Продолжуваме со дваесетидеветиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот ден од предизвикот се однесуваше на SEO елементи, распоредување и објавување кој доколку не си го поминал би било добро да се вратиш пред да одиш со активности од овој дваесетидевети ден.

Ден 29: Споделувај на социјални медиуми

Овој ден е нешто што ќе се изведува континуирано. Но, проблемот не е во објавување или споделување, туку дали твојата аудиенција е онаму каде што си ти присутен или пак мислиш да бидеш присутен. Можеби најважното нешто што би требало да го направите денес е да одговорите на следниве прашања:

  • Каде да споделувате.
  • Што да споделувате.
  • Кога да споделувате.
  • Како да споделувате.

Ова е ден кој ќе трае повеќе од еден ден бидејќи се однесува на време кога постот ќе биде жив онлајн. Доколку имате бизнис страни на социјални медиуми споделете го објавениот пост за тој ден.

  • Направи една анализа за тоа каде може да биде твојата аудиенција (потенцијални купувачи или лица кои ќе имаат интерес за твојата работа).
  • Направи стратегија која ќе одговори на прашањата каде, што, кога и како.
  • Направи план кој ќе ги прецизира активностите, времето на извршување и одговорностите.
  • Започни со спроведување.

Следува: Бизнис блог – Ден 30: Следи, анализирај, бреинстормирај и пишувај

post

Идеи кои можете да ги искористите од Септември 2011

Претприемач

Претприемач

Кои се најкорисните идеи кои можете да ги искористите од минатиот месец кога станува збор за вашиот бизнис и искуство како еден претприемач? Овој месечен серијал на постови ги издвојува најдобрите наслови кои ќе влезат во страната Започни тука на претприемач на крајот на годината.

Оваа издание ќе го започнам со малку статистика. Во септември 2011 имаше 54 постови на претприемач. Ова е повеќе од вообичаено поради фактот што оди предизвикот за блогирање за бизнис во 30 дена. Оваа недела ќе заврши предизвикот но ќе започнеме со нов насловен како Подобри го твојот бизнис за 77 дена. Заклучно со 30.09.2011 има објавено 804 постови. Целта е да се стигне до 1000 до крајот на оваа година, но ќе видиме дали ќе може да се реализира.

Овој месец ја завршивме реализацијата на Бизнис совети 101 кој има за цел да ги групира многуте постови во еден прирачник кој може да ви помогне за вашиот бизнис. Но, она што ќе следува како на претприемач, така и на билтените и премиум претприемач носи голема возбудливост. Во секој случај ќе има многу промени, многу материјали и многу едукативни содржини.

Значи во септември на претприемач беа објавени вкупно 54 постови, да видиме кои може да влезат во категорија на најдоброто согласно идеите и посетеноста.

Започнување на бизнис

Започнување или стартапот е директно поврзано со претприемништво и претприемач. Но, сите три содржат и неизвесност, а неизвесноста е ризик. Многу елементи се поврзани директно со тебе – претприемачот. Сепак започнувањето иако можеби е најтешкиот тој е и највозбудливиот дел.

Продажба

Маркетинг

Бизнис план

post

Бизнис блог – Ден 28: Внеси SEO елементи, објави и распореди

SEO елементи Ова е дваесетиосмиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот ден од предизвикот се однесуваше на вметнување на слики кој доколку не си го поминал би било добро да се вратиш пред да одиш со активности од овој дваесетиосми ден.

Ден 28: Внеси SEO елементи, објави и распореди

Овој ден за секој пост внесете ги оние SEO елементи како наслов, опис и клучни зборови. Клучни зборови и не се важни и можете слободно да не ги внесувате бидејќи за најголемите пребарувачи (Bing и Google) воопшто немаат некакво влијание.

Ова го правите или преку самата тема која ја користите или преку некој додаток како All in One SEO (побарајте на Google и ќе го најдете). Откако ќе завршите можете да одите со фазата на објавување на првиот и распоредување за објавување за наредните. Ова ќе значи дека вашиот блог ќе биде жив во наредниот период барем 6-12 месеци доколку сте подготвиле толку постови колку што опфативме од овој предизвик.

  • Внимавај на насловот (Title Tag) кој ќе го внесеш да го содржи клучниот збор.
  • Внеси опис (елементот кој се покажува на страната со резулатите на пребарувачите). Внимавај да не биде преголемо и да содржи клучен збор.
  • Внимавај кога станува збор за насловот и описот и користењето на клучните зборови да биде усогласено со самиот текст. Ти можеби мислиш дека одреден клучен збор е примарен збор во твојот текст, но пребарувачите може да мислат поинаку. Така за постигнување на најдобри резултати потребна е соодветна усогласеност на овие елементи.
  • Објави го првиотпост кој ти е согласно Уредувачки календар (Editorial Calendar) од денот 23 од овој предизик за блогирање за бизнис.
  • Останатите распореди ги за објавување согласно уредувачкиот клендар.

Следува: Бизнис блог – Ден 29: Споделувај на социјални медиуми

post

Како да станеш претприемач?

Како да станеш претприемач? Ова е една од највозбудливите професии на светот. Возбудлива, но исто така и ризична за луѓето кои ја имаат.

Кога ќе почнеш да работиш со твојата компанија стануваш претприемач. Сепак, процесот не може да се дефинира од почеток до крај, затоа што ќе мора да превземеш многу повеќе активности, пред да започнеш со твојот бизнис за станеш претприемач.

Значи, како да станеш претприемач?

Во следните 87 точки, ќе споделам некои совети, мислења и акции кои треба да ги преземеш доколку сакаш да станеш успешен претприемач.

1. Биди уникатен

Мора да бидеш различен од остатокот на светот, доколку сакаш да станеш претприемач. Тоа значи дека треба да го погледнеш светот со други очи. Треба да ги видиш можностите, каде што сите другите гледаат проблеми. Твојата компанија ќе биде уникатна врз основа на тоа колку ти ќе бидеш уникатен.

2. Размислувај поинаку

Доколку си уникатен веројатно и размислуваш поинаку од остатокот од светот. Треба да најдеш различни начини за да ги решаваш истите проблеми. Тоа е разликата помеѓу претприемачите и остатокот од светот.

3. Размислувај за големи идеи

Успешните претприемачи имаат големи идеи кои се уникатни, различни и корисни за потенцијалните купувачи. Ако сакаш да изградиш компанија со голема бизнис потенцијална енергија и да станеш претприемач ќе мораш да размислуваш за големи идеи, а не за просечни. Помина времето на просечни производи за просечни луѓе.

4. Сонувај за промена на светот

Секоја одлична идеја може да го промени светот. Погледни го Apple и Steve Jobs, кои навистина го сменија изгледот на светот во однос на минатото. Ако сакаш да станеш успешен претприемач, треба да сонуваш. Сонувај за невозможн работи, бидејќи не постои ништо што е невозможно.

5. Следи ја твојата пасија

Доколку сакаш да станеш претприемач, вклучи ја твојата пасија во твојот бизнис. Тоа се твоите лични чувства и емоции кои овозможуваат да чувствуваш позитивнен афинитет за нешто што го правиш. Твојата пасија е потребна на твојата компанија.

6. Размислувај за најголемите проблеми

Во светот секогаш ќе има проблеми кои не се решени до денес. Најди ги најголемите, оние што можеш да ги решиш и да ги преточиш во твој бизнис. Тоа е начин да се стане претприемач.

7. Размислувај за најголемите потреби

На пазарот исто така постојат потреби. Треба да ги најдеш најголемите и да ги инкорпорираш можните начини на нивното задоволување во твојот бизнис.

8. Размисли за најдобрите решенија за проблемите и потребите

Секој проблем има потреба од решение, кое ќе задоволи некои од најголемите потреби на пазарот. Направи ги најдобрите решенија за постоечките проблеми и потребите на пазарот.

9. Размисли за тоа што те прави среќен

Да се стане претприемач, не значи дека треба да се биде несреќен. Ти си на првото место во твојата компанија. Размисли за тоа што те прави среќен, обиди се да го вклучиш тоа во твојот бизнис модел.

10. Не заборавај на твоите лични цели

Ти пред се си човечко суштество и пред и откако ќе станеш претприемач. Мора да размислуваш за твоите лични цели кои треба да ги оствариш кога ќе станеш претприемач.

11. Започни со вмрежување

Ќе имаш потреба од, колку што може повеќе мрежи за твојата компанија. Ти не можеш да стартуваш со твојот бизнис без мрежата, која ти овозможува или барем дава потенцијал за успешен почеток.

12. Почни да слушаш

Слушањето станува една од најважните бизнис функции денес. Треба да слушаш ако сакаш да ги дознаеш проблемите и потребите на твоите купувачи. Тоа се многу корисни информации кои можеш да ги искористиш за твојата компанија.

13. Најди ја твојата лична уникатност

Твојата лична уникатност е нешто што ќе те разликува од останатите претприемачи, и во исто време ќе ја разликува и твојата компанија од остатокот на компаниите.

14. Учи од успешните

Ако сакаш да станеш претприемач, мора да почнеш да учиш од успешни луѓе.

15. Читај книги од успешни претприемачи

Постојат многу книги од успешни претприемачи кои можат да ти дадат знаење како да станеш успешен претприемач.

16. Читај многу

Треба да читаш многу, бидејќи тоа е единствениот начин секогаш да го зголемуваш твоето знаење и на таков начин да ја зголемиш твојата бизнис потенцијална енергија.

17 .Читај блогови за претприемништво

Постојат многу блогови за претприемништвото кои ќе можеш да ги читаш секојдневно, за да го зголемуваш твоето знаење, за да дојдеш до некои корисни идеи или некои нови технологии.

18. Биди дисциплиниран

Ако сакаш да станеш претприемач заборави недисциплина.

19. Верувај во своите способности

Како можеш да очекуваш твоите купувачи да ти веруваат на тебе или на твојата компанија, доколку не веруваш самиот во своите способности?

20. Зголемувај ја самодовербата

Ако веруваш во твоите способности дека можеш да станеш претприемач ќе имаш доволно самодоверба за таков вид на работа. Доколку немаш, веднаш почни да бараш начини да си ја зголемиш самодовербата.

21. Најди ја твојата најголема инспирација

Што те инспирира? Твојата инспирација ќе ја води твојата компанија во иднина.

22. Престани да сонуваш, почни да правиш нешто

Време е да се престане со сонување и спиење. Луѓе кои само сонуваат не можат да станат претприемачи. Поради тоа почни да правиш нешто сега.

23. Не потпирај се на случајности

Случајностите не се правила во претприемништвото. Не потпирај се на нив во твојот бизнис.

24. Биди одличен за нешто

Ако сакаш да станеш претприемач, ти треба да бидеш одличен за нешто. Треба да бидеш подобар од сите други. Дали си?

25. Развивај ја твојата одличност

Ако мислиш дека не си толку одличен да започнеш со твојата компанија сега, започни со развој на твојата одличност.

26. Прави нешто подобро од сите други

Ти не треба да го откриеш тркалото, тоа веќе е откриено. Треба само да направиш нешто подобро од него.

27. Започни со прототип

Време е да го направиш твојот прв прототип на твоите производи или услуги.

28. Испробај се на пазарот

Можеби твоите прототипи на производи и услуги се најдобрите на светот, но ти не си оној кој суди. На пазарот, купувачите се судии за тоа.

29. Имплементирај ги повратните информации од пазарот во твоите производи и услуги

Зошто да се испробуваш на пазарот ако не ги имплементираш повратните информации во форма на подобрување на твоите производи и услуги или подобрување на твојот бизнис воопшто?

30. Направи ги твоите производи и услуги лесно разбирливи

Како да станеш претприемач Неможеш да се очекуваш дека ќе ги продаваш твоите производи и услуги, доколку тие не се разбирливи за твоите потенцијални купувачи. Направи ги да бидат лесно разбирливи.

31. Брендирај го твојот бизнис

Што е со твоето бизнис име или лого? Направи нешто навистина препознатливо.

32. Што е со сопствениот ризик?

Размисли за сопствениот ризик. Колкав ризик можеш да толерираш?

33. Не заборавај да зборуваш за тоа постојано

Сакаш да станеш претприемач, почни да зборуваш за твојата пасија, за иднината на твојот бизнис, за проблемите кои тој ќе ги решава…

34. Која е твојата визија?

Како ја гледаш иднината на твојата компанија? Каде ќе биде по пет или десет години.

35. Стратегијата

Ќе ти треба стратегија, ако сакаш твојата визија да стане реалност.

36. Јасен бизнис модел

Нацртај го твојот бизнис модел на парче хартија. Разгледај ги врските меѓу најважните бизнис елементи.

37. Планирај го твојот пат до успехот

Знаеш каде си сега, и знаеш каде би сакал да бидеш по пет или десет години. Следно што ќе ти треба е да ги поврзеш точките. Треба да ја нацрташ траекторијата до твојата визија. Тоа е твојот план.

38. Подготви се за следните 5 години

Мора да се подготвиш себе си за следните пет години.

39. Напиши бизнис план

Бизнис планот ќе биде твојот пат кон успехот. Се што ќе направиш до тука треба да се пренесе во одличен бизнис план.

40. Дефинирај SMART цели

Кога ќе ги поставиш твоите бизнис цели, провери дали тие се SMART (специфични, мерливи, остварливи, реални и временски ограничени).

41. Биди реален кога го планираш твојот бизнис

Не лажи се себе си со твојот бизнис план. Направи го тоа толку реално колку што е можно повеќе. Кога е потребно, прегрупирај да биде во корелација со реалноста.

42. Побарај помош ако ти е потребна кога го планираш твојот бизнис

Понекогаш сам не можеш да ги направиш сите предвидувања, анализи и пресметки во бизнис планот. Доколку ти е потребна помош не двоуми се да побараш помош.

43. Најдобар план е кога се содржани одговори од потенцијалните купувачи

Осигурај се дека твојот бизнис план ги има вградено одговорите од твоите потенцијални купувачи. Тие се важни затоа што нив твојата компанија ќе им служи.

44. Твојот план нека бидне колку што е можно поедноставен

Многу е поважно ти и твоите вработени да го разберете планот одколку комплексноста и правилата од училиштата.

45. Користи цртички во твојот план

Најдобрите бизнис планови кои сум ги видел до сега се бизнис плановите со цртички. Тоа е затоа што цртичките се наједноставна форма која обезбедува спроведување на самиот план.

46. Не ги заборавај одговорностите

Од друга страна, цртичките бараат јасни одговорности за имплементација. Не заборавај да ги вклучиш во секоја цртичка.

47. Јасно дефинирај го процесот на делегирање

Делегирање е важен дел за твојата бизнис иднина. Најдобро време да се дефинира процесот на делегирање е сега.

48. Ти не си сам

Мора да разбереш дека ти не си човек за се. Ти не си сам.

49. Неможеш да преживееш сам

Ако сакаш да бидеш човек за се, треба да разбереш дека ќе ја намалиш можноста да станеш претприемач.

50. Регрутирај паметно

Треба да создадеш процес со кој ќе ги регрутираш најдобрите вработени за твојот бизнис. Тие се твојата идна бизнис потенцијална енергија.

51. Мотивирај паметно

Вработените бараат мотивација доколку сакаш да го извлечеш најдоброто од нив.

52. Биди лидер

Ти си лидерот. Твојата работа е да бидеш лидер.

53. Неможеш да ги задоволиш сите

Разбери дека неможеш да ги задоволиш сите. Доколку се обидеш, ќе изгубиш поголем дел од твојата бизнис потенцијална енергија.

54. Сега, кој е твојот целен пазар?

Јасно дефинирај го целниот пазар, доколку сакаш да го дадеш најдоброто од себе за да го задоволиш.

55. Секогаш биди блиску до твојот целен пазар

Ќе треба секогаш да бидеш на местата каде што се твоите целни купувачи. Да ги слушаш, да ги едуцираш, да им помагаш…

56. Не заборавај да поставуваш прашања

Поставувај прашања. Поставувај многу прашања.

57. Твојот фокус секогаш нека биде кон твоите потрошувачи

Твоите потрошувачи се твоите шефови ако сакаш да станеш претприемач. Треба да се фокусираш на нив како нешто основно за тебе.

58. Креирај вредност

Ти ќе продаваш вредност, а не само производи и услуги.

59. Започни со испорака на вредноста

Вредноста не е за тебе. Таа е за твоите потенцијални купувачи. Поради тоа започни со испорака веднаш.

60. Направи навистина неодолива понуда

Неодолива понуда е нешто на што не може да му се спротивстави, нешто што ќе му обезбеди долгорочен успех на твојот бизнис. Обиди се да направиш навистина неодолива понуда.

61. Секогаш истражувај

Ако сакаш да станеш претприемач, треба да истражуваш секогаш околу твојот бизнис.

62. Набљудувај сè околу тебе

Како претприемач во иднина треба да бидеш добар набљудувач.

63. Евалуирај но исто така завршувај со евалуацијата

Твоја работа доколку станеш претприемач ќе биде да евалуираш, но не дозволувај твојата евалуација да трае вечно. Таа треба да заврши, а резултатите од неа да бидат спроведени во твојот бизнис.

64. Секогаш прашувај се зошто, што, кој, кога и како

Клучните прашања кои секогаш ќе треба да си ги поставуваш кога ќе станеш претприемач се: зошто, што, кој, кога и како, за се што се околу твојот бизнис.

65. Не заборавај на твоите силни и слаби страни

Секогаш обидувај се да ги подобриш твоите силни странии и во исто време елиминирај ги сите твои слабости.

66. Но, исто така гледај ги можностите и заканите

Ќе треба да погледнеш и надвор од твојата компанија. Таму постојат можности и закани.

67. Секогаш барај препораки

Препораките може да ја зголемат твојата бизнис потенцијална енергија драстично. Поради тоа, треба секогаш да барате препораки.

68. Користете паметен маркетинг, не скап маркетинг

Ти треба паметен маркетинг, а не маркетинг за кој само ќе се потрошат пари без резултати.

69. Секогаш обидувај се да инсталираш вирозност во твоите маркетинг средства

На твоите маркетинг средства им треба вирозност, доколку сакаш да бидат забележани од колку што е можно повеќе потенцијални купувачи.

70. Нека сите твои маркетинг средства ја комуницираат твојата вредност

Секогаш проверувај го твиете маркетинг средства, за да видиш дали јасно ја комуницираат вредноста која твојот бизнис ја нуди.

71. Одлучувај брзо, но базирај се на квалитетни информации

Твоите одлуки треба да се врз основа на квалитетни информации, во вистинско време и на вистинското место.

72. Секогаш биди транспарентен

Транспарентност ќе го направи твојот бизнис многу посилнен отколку што мислиш.

73. Биди трпелив, претприемништво не е стратегија за брзо богатење

Ти треба трпеливост. Претприемачите се трпеливи. Тие знаат дека успехот не се стекнува преку ноќ.

74. Подготви се за лоши сценарија

Треба да знаеш дека статистички гледано повеќе бизниси не успале. Тоа значи дека повеќе луѓе не станале претприемачи. Затоа треба да се подготвиш за лошото сценарио со твојот бизнис.

75. Имај план Б

Успешен претприемач секогаш има план Б во џебот.

76. Веројатно, ќе треба да го жртвуваш твојот животен стил

Да се биде претприемач може да бара од тебе да жртвуваш нешто, или во некои случаи целиот твој животен стил.

77. Развивај на план за повторување на продажбите

Успешните бизниси се потпираат на повторување на купување. Ќе треба да развиеш јасен план, за да се обезбеди повторување на купувањата.

78. Размисли два пати пред да почнеш

Почекај за момент и размисли повторно, пред да започнеш.

79. Размислете за outsourcing

Можеш да ја зголемиш твојата продуктивност ако outsourcing е дел од твојот бизнис модел.

80. Биди позитивен, дури и кога губиш

Никогаш не биди негативен, па дури и ако губиш. Доколку ја губиш битката, не значи дека си ја изгубил војната.

81. Почни со блогирање за твојот бизнис

Блогирањето е еден од најмоќните начини за споделување на некој збор за твојот бизнис. Зошто и ти не би го користел?

82. Едуцирај, не продавај

Кога ќе блогираш за твојот бизнис, не пробувај да продааваш туку едуцирај.

83. Не биди здодевен со твојот бизнис блог

Избегни ја филозофијата на добро познатите здодевни корпоративните блогови.

84. Избегни го јас, јас и јас синдромот

Како што научивме од претходните совети во овој пост, ти не си сам. Сето ова не е за тебе или за твојот бизнис. Ова е повеќе за твоите потрошувачи.

85. Перманентно елиминирај ги причините на проблемите кога ги решаваш

Доколку сакаш да елиминираш повторување на истите проблеми, ќе треба да ја елиминираш причината веднаш откако ќе го решиш проблемот.

86. Елиминирај ги сите твои препреки кон успехот

Ќе имаш многу препреки на твојот пат да станеш претприемач. Секогаш отстранувај ги истите.

87. Среќно! Ќе ти треба