post

Видео: MindMap со iThoughtsHD за iPad

MindMaps се можеби едни од најкористените мапи во скоро сите уреди кои ги користам. Дали е тоа кога бреинстормирам некои идеи, или кога правам структура за некој блог пост, или структура за е-книга како блогирање за бизнис, или пак обликување на бизнис идеја, или пак некоја почетна верзија на некој проект овие мапи се тука да ми помогнат.

Помошта е особено драгоцена што едноставно со нивна помош мојот мозок излегува од онаа линеарно размислување кое е доста ограничувачко и влегува во еден покреативен момент.

Ова е едно видео кое го направив уште во период кога го напишав постот iPad и неколку корисни апликации за продуктивност, но пред извесен период чистејќи ја мојата камера ги забележав и одлучив кога веќе ги има да одат онлајн на претприемач.

 

post

Цели за 2011: Како оди со постигнувањето?

Задачи пред започнување на бизнис

Задачи пред започнување на бизнис

Вие ја имате вашата визија, или она што ви кажува каде сакате да бидете на крајот од 2011 година.

Ги имате вашите цели, или она што треба да го постигнете до крајот на 2011 година.

Го имате вашиот план, или што треба да направите за да го постигнете она што сакате да го постигнете за да бидете онаму каде што сакате да бидете.

Полека, но сигурно навлегуваме во последните месеци од 2011 година. Можеби сега е вистинското време да се запрашате следниве прашања:

  • Одам ли по дефинираната траекторија за реализација на мојата визија?
  • Дали досегашните постигнувања гарантираат постигнување на поставените цели за 2011?
  • Дали просечниот месечен прогрес во постигнување на целите ветува целосно нивно исполнување до крајот на годината?
  • Доколку не ветува, зошто месечниот прогрес во постигнување на целите не ветува целосно нивно исполнување до крајот на годината?
  • Што треба да се прилагоди за да се обезбеди целосно постигнување на целите?
  • Постојат ли потреби да се сменат целите или пак треба да ги смениме активностите?
  • Постои ли потреба од дополнителни ресурси?

Сега, што ќе реба да направите откако ќе ги одговорите прашањата?

Првин осигурај се дека се е онака како што е планирано

Започни да се фокусираш на елементите кои те одалечуваат од постигнувањето на целите кон реализација на визијата. Море да бидете свесни дека секогаш ќе постојат препреки кои ќе ве притискаат наназад. Пронајди ги и елиминирај ги.

Доколку нешто оди во несакана насока, земете пенкало и хартија и забележете се што треба да биде подобрено за да се обезбеди целосно исполнување на целите.

Второ, доколку има потреба од промени, менувај!

Како што можете да забележите, ќе постојат потреби од промени во вашите задачи или пак во вашите цели.

Доколку откриете дека вашите цели се неостварливи или нереалистични ќе треба да ги промените.

Доколку откриете дека вашите цели се остварливи и реалистични, тогаш вашиот проблем не се целите, туку активностите предвидени и содржани во вашиот бизнис план. Ова значи дека вашите активности не допринесуваат во остварување на целите и затоа мора да ги смените.

Па, како оди со постигнувањето на вашите цели за 2011?

post

8 Стратегии за цени за твојот бизнис

 

Цените претставуваат еден бизнис елемент кој може да има значајна бизнис потенцијална енергија за самиот бизнис. Избор на вистинската ценовна стратегија има големо влијание на квалитетот на бизнис потенцијалната енергија. Доколку изберете ценовна стратегија со пониски цени вашата потенцијална енергија ќе биде помала бидејќи цените имат директно влијание на еден друг бизнис елемент кој драстично ја зголемува бизнис потенцијалната енергија – готовина. Повеќе готовина значи поголема бизнис потенцијална енерхија.

Токму затоа и во премиум претприемач цените претставуваат еден од најзначајните модули на кои дури 9 недели посветуваме внимание за анализа и избор на вистинската стратегија.

Пред да изберете некоја од овие стратегии првин треба да ги определите вашите ценовни цели, односно што сакате да постигнете со истите. Размислете за маржата која сакате да ја поставите и каков е просекот во вашата индустрија. Нивото на профитот кој сакате да го остварите, уделот на пазарот и количината на продажбата само ќе ви помогнат во изборот на вистинскта стратегија. Не смеете да заборавите и да ја определите вистинската вредност која е содржана во вашата понуда, односно дали вреди толку колку што сакате да наплатите или пак она што сакате да го постигнете.

Повеќе детали за ова што треба да го направите при изборот на продажна стратегија можете да прочитате чек листа при поставување на цена.

8 различни ценовни стратегии кои можете да ги користите за Вашиот бизнис се:

  1. Влезни цени. Оваа стратегија значи намалување на цените на ниско ниво и се користи заради влез на пазарот. Оваа стратегија вообичаено се користи од стартап бизнисите и бизнисите кои сакаат да влезат на нов пазар. Но, бидете внимателни доколку сте стартап бизнис, оваа стртегија може да биде и штетна за Вашиот бизнис бидејќи поголема е веројатноста конкуренцијата да биде подготвена да возврати со исто намалување, па дури и поголемо.
  2. Стратегија на постепено намалување на цените. Со оваа стратегија поставувате високи почетни цени и потоа постепено ги намалувате истите. Вообичаено оваа стратегија се користи од бизнисите кои нудат уникатни производи и/или услуги на пазарот и по одредено време кога се зголемува конкурентноста истите се намалуваат постепено.
  3. Линија на цени. Со оваа стратегија избирате група на производи и ги групирате во различни категории, а потоа поставувате иста цена за секоја група. Бидете внимателни просечната цена да може да ги покрие трошоците и да донесе профит. Морате да разграничите кај кои производи од категоријата на производи се продаваат најмноги за да не се случи на тој производ да одите со загуба, а продажниот волумен на останатите да не ги покрива загубите.
  4. Психолошки цени. Со оваа стратегија вие поставувате цени кои завршуват на непарни броеви, вообичаено 9-ка (299 денари, 399 денари). Оваа цена влијае психолошки при донесување на одлука за купување. Иако цената всушност е 300 денари, 299 изгледа многу поевтено.
  5. Ризични цени. Оваа стратегија значи спуштање на цените под трошоците за да се обезбедат повеќе купувачи и удел на пазарот. Кога ќе се постигнат целите цените се поставуваат на нормала. Оваа стратегија се користи за да се зголеми продажбата на некои производи, да се привлечат повеќе потрошувачи и да се зголеми учеството на пазарот. Бидете внимателни со оваа стратегија, бидејќи доколку еднаш ја намалите цената многу потешко ќе ја вратите во нормала.
  6. Се за една цена. Оваа стратегија значи да се стават сите производи со една цена. На пример се за 200 денари. Вообичаено се користи за евтини производи кои имаат приближно иста цена. На еден ќе заработите повеќе на друг помалку. Мора да го пресметате просечниот трошок и просечната маржа за да ги поставите сите производи со иста цена.
  7. Сетови. Со оваа стратегија групирате неколку производи во еден и го продавате сетот за пониска цена отколку сите посебно. На ваков начин се обидувате да ја зголемите продажбата од еден купувач. Оваа стратегија можете да ја користите периодично за да го зголемите волуменот на продажбата.
  8. Премиум цени. Оваа стратегија значи поставување на високи цени заради уникатноста и квалитетот на Вашите производи и/или услуги. Од друга страна оваа стратегија може да придонесе и за зголемување на имиџот на вашиот бизнис како ексклузивност и квалитет.

Внимавајте кога одлучувате за цените бидејќи навистина претставуваат еден од позначајните фактори на Вашиот бизнис. Запомнете дека секогаш е полесно да ги намалите цените отколку да ги зголемите. Направете соодветна анализа на пазарот и гледајте да не се потпирате само на цената како конкурентска предност.

post

Совет за еден мал бизнис: Фокусирај се кон потрошувачите

Совет за мал бизнис: Фокус кон потрошувачот

Совет за мал бизнис: Фокус кон потрошувачот

Знам дека си роден постојано да конкурираш со нешто, и се што ќе видиш се обидуваш да го споредиш со нешто твое.

Дури и сега како еден претприемач, твојот фокус е исто така соодветно да конкурираш, обидувајќи се да ја надминеш или пак уништиш конкуренцијата. Се обидуваш да направиш подобра понуда, подобри промоции, поголеми бонуси…

Но, се она што го споменав тука како твои обиди ги споредуваш со твоите конкуренти, не со потрошувачите и нивните потреби.

Нормлно е во бизнисот да имаш такви активности (понуди, промоции, бонуси…), но не поради конкуренцијата, туку поради твоите потрошувачи.

Морам да напоменам дека ова што тука го зборувам не значи дека треба да ја заборавите конкуренцијата и да се фокусирате само на потрошувачот (иако и тоа понекогаш може да успее бидејќи познавајќи го добро потрошувачот и излегувајќи во пресрет на неговите вистински потреби ќе ти помогне да бидеш пред конкуренцијата). Наместо тоа, сакам да кажам дека мора да го смените вашиот фокус доколку тој во голема мерка е насочен кон конкуренцијата да биде примарно насочен кон потрошувачот.

На таков начин ти како еден споственик на мал бизнис ќе ги имаш одговорите на следниве прашања:

  • Кои се твоите вистински потрошувачи?
  • Што е тоа што тие навистина го сакаат?
  • Кои се нивните најголеми фрустрации?
  • Кои се нивните најголеми проблеми?
  • Зошто тие го сакаат она што го сакаат?
  • Како ќе излезеш во пресрет на нивните најголеми желби и потреби?
  • Што ќе треба да направиш за да излезеш во пресрет на нивните најголеми желби и потреби?
  • Дали се задоволни со твојата понуда?
  • Дали треба да смениш нешто во однос на твојата понуда?
  • Каков вид на односи твоите потрошувачи сакаат да градат со тебе и твојот бизнис?
  • Кој вид на комуникациски канали тие преферираат да користат со тебе и твојот бизнис?
  • Зошто некои потрошувачи ги избираат вашите конкуренти наместо вас?
  • Што треба да направите за да ги привлечете потрошувачите кои ги избират вашите конкуренти наместо вас?

Овие прашања и нивните одговори ќе ти дадат многу поголема конкурентска предност отколку кога твојот фокус е примарно кон конкуренцијата наместо кон потрошувачите.

Замислете ги овие одговори комбинирани со информации за твоите конкуренти. Ова знаење ќе ти даде огромна конкурентска предност, нормално доколку го примениш.

Затоа, запомни да се фокусираш прво кон потрошувачот, потоа кон конкуренцијата.

 

post

Google + и можното влијание врз бизнисите

Google Plus лого

Google+

Веќе месец дена Google+ (последниот обид на Google со социјални медиуми) e на глобалната сцена. Во ова време се појавија многу вести, многу пофалби и напаѓања, многу шпекулации во однос на „големата преселба на народите“…

Не сакам воопшто да навлегувам во тоа дали Google+ ќе биде закана за Facebook или за Twitter или пак за некоја друга социјална мрежа бидејќи единствено што знам е дека Google+ е тука веќе поставен на сцената (иако сеуште во тест период и само со покани), има брз раст, има подршка од повеќе луѓе на глобално ниво оние првите кои започнуваат и креваат врева за социјалните медиуми и секако има влијае на подобрување на искуството на социјалните медиуми.

Особено ова последното е нешто што покажува дека е добро да постои конкуренција, Facebook вќе е во оној иновативен модалитет.

Од друга страна иако ова е нов играч на пазарот (претходните обиди беа неуспешни) сепак не треба да се заборави дека има голема предност:

  • Искуство и знаење од претходните промашувања,
  • Комбинација на најдобрите елементи од најуспешните и отфрлање на сето она што не додава вредност и
  • Има други производи кои останатите конкуренти ги немаат (пребарувач, Google Places, Docs, AdWords, AdSense, Gmail, Chrome, YouTube…)

Замислете ја само вистинската комбинација со овие производи и една социјална мрежа. На пример, со Google Docs може да се отвори широк спектар на real time групна соработка преку една социјална мрежа. Со Google AdWords би се добил конечно еден вистински систем за таргетирани реклами на социјални мрежи (што го сметам како една од најголемите слабости на Facebook во моментов иако имаат некои подобрувања, но сеуште се далеку од контекстуални реклами).

Но, дали Google+ ќе биде нешто корисно за бизнисите и особено малите бизниси?

Интересно прашање и секогаш важно пред еден претприемач да започне да гради присуство на некоја платформа. Но, она што е важно во овој момент е дека сеуште Google+ нема излезено со некоја официјална понуда за бизнисите. Дури и оние кои направија личен профил за да го презентирааат својот бизнис едноставно ги снемува (се бришат од страна на Google). Официјално е најавено дека набргу ќе излезат со една таква понуда и дека е најдобро да се почека бидејќи во моментов работат со одреден број на компании за подготовка на платформата за бизнисите.

Затоа и не можеме да дадеме еден конечен и квалтетен одговор на тоа дали ќе биде корисен за бизнисите, едноставно можеме да анализирам и да претпоставуваме. Но, она што во овој момент секој претприемач би требало да се запраша е следново:

  • Дали моите потенцијални купувачи ќе бидат присутни на оваа нова социјална мрежа?
  • Дали персоната, односно профилот на мојот идеален купувач може да одговара на она што во моментов се нуди на оваа социјална мрежа?
  • Дали можам на некој начин и како да ја искористам оваа нова социјална мрежа за зајакнување и подобрување на односите со моите купувачи како и испорачаната вредност на мојот бизнис?
  • Што би можел да понудам преку оваа социјална мрежа и дали тоа што можам да го понудам ќе биде вредно за моите потенцијални купувачи?

Ова се основните прашања на кои еден претприемач би требало да побара одговор.

Од друга страна, по скоро едномесечно користење на Google+ би навел и некои можности за малите бизниси кои едноставно ми навлегоа во глава.

  • Прво што ми падна на памет е бреинсторминг сесии. Едноставно еден круг за лица со кои ќе бреинстормирате и сите учесници ќе имаат круг за таа специфична тема на бреинстормирање.
  • Едноставно следење на ажурирања и персонализирање на истите ќе овозможи постојано учење на нешто ново.
  • Hangout овозможува видео конференциска врска за до 10 лица.
  • Продуктивна соработка со колеги заради подобрување на продуктивноста кај вашиот тим.

И за крај повторно, дали Google+ ќе биде корисен за малите бизниси?

Моето мислење е да, но сепак треба да почекаме да видиме како ќе се зголемува бројот на корисниците, каков профил на корисници ќе бидат присутни, што ќе понудат во однос на бизнис профили и секако во која насока ќе се движи идниот развој на социјалните медиуми бидејќи сепак ова е само почеток

.

post

30 работи кои можете да ги направите во однос на вашиот бизнис план

 

Бизнис план

Бизнис план

Бизнис план претставува алака која значи живот за вашиот бизнис. Тој е тука за да ти помогне како на еден претприемач, твојата компанија да биде подобра, попрофитабилна, постабилна… Мора да го искористиш потенцијалот складиран во една таква алатка – бизнис план.

Имам видено бизнис кои немале бизнис план и сепак успеале. Но, како и да е потенцијаот на тие бизниси би бил многу поголем доколку претприемачите користеле и имплементирале процес на бизнис планирање кој ќе го дизајнира (мапира) патог кон успехот. Најмалку, бизнис планот би го намалил времеот од започнување до успехот.

Затоа тука е направен обид да се сублимираат некои работи кои би можеле да ги направите во однос на вашиот бизнис план како во ниво на подготовка, така и во ниво на имплементација.

  1. Нека биде едноставен.
  2. Нека поттикнува акција.
  3. Нека биде реален.
  4. Направи го ветувачки.
  5. Направи го да биде ориентиран кон потрошувачите.
  6. Нека биде едноставен за користење.
  7. Нека биде едноставен за имплементација.
  8. Нека овозможи лесно следење на имплементацијата.
  9. Нека претставува рамка за вашиот бизнис.
  10. Користи го како блуптинт.
  11. Користи го како средство за финансирање на започнување.
  12. Користи го како генератор за бизнис идеи.
  13. Користи го како средство за опис на твоите идеи.
  14. Користи го како алатка за имплементација на стратегија.
  15. Користи го како мапа за идни бизнис активности.
  16. Користи го секогаш кога треба да донесеш некаква одлука.
  17. Користи го за развој на нови производи и услуги.
  18. Користи го кога имаш потреба за мозочна регулација.
  19. Користи го како алатка за контролната функција.
  20. Користи го за подобрување на твојот бизнис.
  21. Користи го како алатка за менаџирање на сегашен и иден ризик.
  22. Користи го за проверка на тоа дали целите се остварени.
  23. Користи го за подобрување на твојот глобален бизнис модел.
  24.  Користи го како водич за градење на посилна заедница околу твојата компанија.
  25. Користи го како алатка за комуникација помеѓу тебе, твојот менаџерски тим и сите вработени.
  26. Користи го како регулатор за трошење на пари.
  27. Користи го како алатка за наоѓање и анализа на твоите силни страни.
  28. Користи го како алатка за наоѓање и анализа на твоите слаби страни.
  29. Користи го како алатка за наоѓање и анализа на можности.
  30. Користи го како алатка за наоѓање и анализа на закани.
post

Идеи кои можете да ги искористите од Јули 2011

Претприемач

Претприемач

Овој месец малку задоцнивме со идеи кои можете да ги искористите од минатиот месец. Ова се постови кои ќе влезат во потесен избор за најдоброто за оваа година и најдобрите ќе станат дел од Започни тука – страната која на некој начин претставува збир на уптства и водичи за претприемачите. Да видиме што е она што од минатиот месец ќе влезе во потесна категорија за „најдоброто“.

Продажба

Секој претприемач се стреми продажбата да биде на ниво кое ќе обезбеди нормално функционирање на бизнисот, но и остварување на профит. Во јули се занимававме со:

Менаџмент и продуктивност

Категоријата за менаџмент и особено продуктивноста беше најзастапена категорија во јули, од кои ги издвојуваме следниве:

Маркетинг

Бизнис идеја

post

Што е она што го продаваш на твоите потрошувачи?

Што ти или твојот бизнис им продава на потрошувачите? Твојот одговор како и одговорот на повеќето претприемачи би бил дека тоа се твоите производи и/или услуги.

Некој можеби ќе одговори дека продава решени за проблемите на целниот пазар. И тоа е точен одговор.

Некој пак може да одговори дека продава задоволување на потреби за потрошувачите. И тоа е точен одговор.

Како и да е, она што го забележувам во одговорите и секако од разговорите со претприемачите е многу тесен поглед при едни вакви одговори кога станува збор за вистинската ситуација на пазарот.

Денешните, но и идните пазари се како екосистеми. Потребите и решенијата кои им се нудат не се веќе само производи или услуги. Ова е една од најважните заклучоци до кои како еден претприемач мора да дојдеш заради идните подобрувања и прилагодувања на твојот бизнис.

Да, твојот суштински бизнис е продажба на производи или услуги, но ќе мора да продаваш многу повеќе од тоа доколку сакаш да опстоиш на пазарот.

На пример, Apple продава производ (hardware – iPhone, iPad), но исто така продава и производи на други луѓе или бизниси како апликации, игри, весници и магазини. Дали сметате дека оваа компанија би го имала денешниот успех доколку не успеала во привлекување на дизајнери и бизниси кои едноставно само додаваат вредност на нивниот основен производ?

Евиденција за истиот пазар е Nokia и нивните денешни проблеми иако имаат одлични производи, но немаат соодветен екосистем околу тие нивни производи. (Повеќе за Nokia и нивните проблеми во Писмо на CEO до вработените на Nokia).

Твоите производи и услуги се само еден мал дел од вашата севкупна понуда. Понудата може да биде вашиот основен производ или услуга и се друго што додава или има потенцијал да додаде вредност во очите на твоите потрошувачи. Тоа се друго може да биде:

  • Внатрешни елементи. Она што е додадено од твојот бизнис (логистика, гаранција, поврзани производи или услуги, бонуси, цени, поддршка, достапност…)
  • Надворешни елементи. Она што се додава во понудата а не излегува директно од твојот бизнис (производи и услуги кои на некаков начин се поврзани со твоите и можат да го подобрат задоволството на твоите купувачи, но се обезбедени од страна на други луѓе или бизниси).

Бизнис екосистеми

Сега, размисли каде е твојот бизнис во оваа борба на екосистеми.

Севкупна понуда и бизнис екосистеми

post

Што еден претприемач и спајдермен имаат заедничко?

Спајдермен и претприемач

Спајдермен и претприемач

Спајдермен е вид на суперхерој кој има неверојатна моќ која едноставно ја насочува кон обезбедување на бенефити за заедницата. Еден претприемач, исто така е моќна личност која креира повеќе корисности за заедницата. Претприемачите иновираат, градат и испорачуваат вредност, креираат работни места, исполнуваат различни потреби, прават нешто од ништо…  Сите овие бенефити се за заедницата каде што функционира еден претприемач.

Пред извесен период, бев принуден од мојот петгодишен син да ги гледам сите делови од серијалот на филмови за Спајдермен.

Гледајќи ги филмовите се прашав себеси што има заедничко Спајдермен со претприемачот, или што е она што го има кај Спајдермен а е корисно за еден претприемач.

Во оваа моја мала анализа гледајќи филмови издвоив 5 заеднички карактеристики.

1. Со голема моќ доаѓа и поголема одговорност

Колку поголема моќ како претприемач имате (раст и развој на бизнисот), одговорноста за заедницата ќе ви се зголемува. Зголемувајќи ја вашата моќ, ја зголемувате и вашата одговорност кон заедницата.

2. Фокусирај се на нешто кое што вреди за фокусирање доколку сакаш да успееш

Успехот на бизнисот се базира на соодветен фокус на претприемачот за да ги направи правите работи. Доколку го загубите вашиот фокус, веројатноста за успех ќе се намали.

3. Не можеш да бидеш секаде

Поврзано со претходниот фокус е и тоа дека вие не можете да бидете секаде во исто време. Најдобриот опис на ова е цитатот од Bill Cosby:

Не го знам клучот за успехот, но клучот за неуспех е обид да се задоволат сите.

4. Еден момент понекогаш може да ти ја смени целата судбина

Понекогаш еден момент, една одлука, или пак една акција ќе може да ти ја смени целата судбина и твојот личен и бизнис живот. Биди внимателен со одлуките кои ги носиш и акциите кои ги превземаш. 

5. Секогаш избирај ја вистинската страна

Која е насоката која ја бираш за твојот бизнис? Дали тоа е онаа вистинската страна? Дали е вистинската страна која ќе гарантира успех? Знам дека секогаш имаме повеќе насоки од кои треба да избереме една. Како и да е, само една или неколку се оние вистинските за бизнис успехот.

post

Препораки за бизнис модел од Guy Kawasaki

Бизнис моделот е стартната точка на секој бизнис и првата работа која би требало да ја направите по иницијалната бизнис идеја. Тој е еден од најважните бизнис елементи, бидејќи сите останати елементи како бизнис стратегија, бизнис план или акциони чекори ќе се базираат токму на тој твој бизнис модел.

Тој може да биде едноставна слика во вид на дијаграм кој ги поврзува различните бизнис елементи како вредноста, дистрибуцијата на вредноста, комуникациските канали, потрошувачите, конкурентите стејкхолдерите…

Но исто така може да биде и во вид на парче хартија со неколку зборови или реченици кои наративно ги опишуваат истите конекции од погоре.

Имам забележано дека многу бизниси страдаат токму поради тој недостаток на јасно дефиниран бизнис модел, бидејќи без него, не еден претприемач не може да изготви соодветна стратегија или бизнис план кој би ја поддржал таа стратегија.

Во видеото подолу е Guy Kawasaki кој објаснува три препораки за бизнис моделот:

  • Биди специфичен!
  • Нека биде едноставен!
  • Прашај жена!