post

Бизнис блог – ден 5: Клучни зборови

Враќање во училиште за да станеш одличен Ќе продолжиме со петиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Четвретиот ден од предизвикот се однесуваше на дефинирање на потрошувачите кој доколку не сте го поминале би било добро да се вратите пред да одите со активности од овој пети ден.

Ден 5: Клучни зборови

Веќе имашзавршено голема работа со претходниот ден и дефинирање на твоите потрошувачи, односно твојот целен пазар или оние до кои би сакал да допреш преку твојот бизнис блог. Целта е едноставно твојот бизнис блог да им излезе во пресрет на проблемите и потребите токму на тие целни потрошувачи.

Едноставно, овој петиот ден искористете го за бреинстормирање на клучни зборови. Кои зборови се поврзани со вашиот бизнис, пазар или пак индустријата? Што е она што потенцијалниот купувач би го барал кога е на интернет? Какви прашања му се вртат низ главата на потенцијалниот купувач? Кои проблеми ги има? Кои се неговите желби? Овие прашања само ќе ве насочат во однос на размислувањето и бреинстормингот на идеи за клучни зборови.

Да одиме практично со некои чекори што ќе треба да ги превземете токму овој ден:

  • Размисли за сите можни идеи кога станува збор за твојот бизнис и твојот потенцијален купувач и она што тој би го барал на интернет. Запиши ги сите идеи на еден лист хартија или било што користиш за овој твој проект. Започни од името на твојот бизнис, производите или услугите и проблемите и потребите кои тие ги решаваат. Продолжи со индустријата и пазарот.
  • Анализирај ги конкурентските сајтови од првиот ден. Провери кои клучни зборови тие користат.

Следува: Бизнис блог – ден 6: Одлука за домен и хостинг

post

Бизнис блог – ден 4: Дефинирање на потрошувачи

Конкуренција

Продолжуваме со предизвикот за блогирање за бизнис и се наоѓаме во четвртиот ден од истиот, кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Третиот ден од предизвикот се однесуваше на одговор на прашањето како ќе ги оствариме поставените цели кој доколку не сте го поминале би било добро да се вратите пред да одите со активности од овој четврти ден.

Ден 4: Дефинирање на потрошувачи

Потрошувачите се централната фигура во твојот бизнис, но и за твојот бизнис блог. Ти не си газда, тие се газдите на твојот бизнис блог. Тие одлучуваат што ќе читаат, дали ќе дојдат до твојот блог да читаат и што ќе превземат доколку се наоѓаат на твојот блог. Затоа овој ден претставува можеби еден од најважните денови од овој предизвик. Доколку промашите тука, не очекувај дека твојот бизнис блог ќе ги оствари дефинираните цели.

Кои се твоите купувачи? Кои се твоите потенцијални купувачи? Каков е профитот на тие потрошувачи? Дали тие потрошувачи поминуваат одредено време на интернет? Доколку поминуваат како и каде го поминуваат нивното време на интернетот? Ова се прашања кои треба да ви дадат одговор за тоа каде треба да се насочите со оваа маркетинг средство.

Да одиме практично со она што ќе треба да го направите токму овој ден:

  • Дефинирај ја целната аудиенција на твојот блог кои бидејќи станува збор за бизнис блог треба да бидат твоите тековни купувачи и твоите потенцијални купувачи. Одговори на прашањето кои се тие. Какви им се демографските карактеристики? Дали се тоа една, две или повеќе групи или сегменти?
  • Анализирај го нивното однесување на интернет. Мора да знаеш што и како тие прават кога се онлајн. Колку време поминуваат на интернет? Каде го поминуваат нивното време кога се на интернет? Што прават таму? Што е она што најмногу ги интересира?
  • За секој сегмент изгради измислен карактер со интегрирана приказна во него која едноставно ги интегрира одговорите на овие прашања за кои баравте одговор денес. Оваа приказна и овие карактери треба да ве водат за понатамошните одлуки за вашиот блог.

Следува: Бизнис блог – ден 5: Клучни зборови

post

Бизнис блог – ден 3: Како ќе ги постигнете поставените цели?

Овој пост претставува третиот ден од предизвикот за блогирање за бизнис  за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Вториот ден од предизвикот се однесуваше на дефинирање на целите кој доколку не сте го поминале би било добро да се вратите пред да одите со активности од овој втор ден.

Ден 3: Како ќе ги постигнете поставените цели

Сега веќе знаеш што се случува на пазарот, што прави конкуренцијата или пак другите бизниси на оваа поле, при што ја имаш дефинирано рамката за твојот блог. Исто така ги имаш дефинирано целите за твојот бизнис блог. Затоа веќе си подготвен да ја дефинираш патеката која реба да ја поврзе твојата сегашна позиција и позицијата каде сакаш да стигнеш дефинирана преку целите.

Денес ќе треба да одговорите на повеќе прашања. Какви проблеми ќе решавате преку блогот? На колку време ќе објавувате? Што ќе очекувате?

Но, да ги дефинираме практичните чекори кои ќе треба да го направите токму овој ден:

  • За секоја цел од претходниот ден дефинирај ги можните тактики кои треба да ги користиш за да ја исполниш целта. На пример, за зголемување на број на посетители може да биде секојдневно ажурирање, оптимизација на постовите, вмрежување на социјални медиуми…
  • За секоја тактика дефинирај активности и задачи кои ќе треба да се превземат за да се исполни поставента цел. На пример, за тактиката секојдневно ажурирање на блогот може да имате бреинстормирање на идеи за блог постови, дефинирање на структурата на постот, пишување, линквање…

Забележувате дека овој ден ќе завршите со една табела во која ќе имате 3 колони:

  • Цели
  • Тактики и
  • Активности

Следува: Бизнис блог – ден 4: Дефинирање на потрошувачи

post

Бизнис блог – ден 2: Определување на цели

Овој пост е дел од предизвикот за блогирање за бизнис и претставува втор ден за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Првиот ден од предизвикот се однесуваше на иницијална анализа кој доколку не сте го поминале би било добро да се вратите пред да одите со активности од овој втор ден.

Ден 2: Определување на цели

Откако веќе знаете што се случува на пазарот кога станува збор за интернетот можете да преминете на делот на дефинирање на вашите цели што всушност претставува дефинирање на вашиот финиш, односно она каде сакате да стигнете по една, две, три или пет години со помош на бизнис блог.

Тука ќе мора да одговорите на повеќе прашања. Што сакате да постигнете? Кои ќе бидат мерните индикатори? Колку време ќе помине за првите резултати?

Да одиме практично со она што ќе треба да го направите токму овој ден:

  • Продолжете во тетратката во која правевте анализа и отворете ново поглавје насловено како цели. Започнете со дефинирање на она што сакате вашиот бизнис да го постигне со бизнис блог. На пример, зголемување на препознатливоста на брендот, градење на репутација и кредибилитет, зголемување на довербата кон брендот, стекнување на подобро рангирање во однос на органско пребарување…
  • За секоја дефинирана цел, определете ги можните мерни индикатори. На пример, тоа може да биде број на посети, број на коментари, број на споделувања на социјални медиуми…
  • Една важна работа е да бидете подготвен во однос на временската рамка до првите резултати. Забележете дека ова средство бара многу енергија и напор од ваша страна. Затоа за да не се случи разочарување по објавување на првите 10 постови, поставете ја временската рамка за постигнување на зацртаните цели поголема. Размислете добро и навратете се на резултатите од иницијалната анализа и на статистиките, тие ќе ви покажат една рамка.

Следува: Бизнис блог – ден 3: Како ќе ги постигнете поставените цели

post

Бизнис блог – ден 1: Иницијална анализа

Овој пост е дел од предизвикот за блогирање за бизнис и претставува првиот ден за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба.

Бизнис блог Ден 1: Иницијална анализа

Во бизнисот секоја активност која планирате да ја превземете треба да започне со иницијална анализа. Мора да знаете каде сте, што се случува околу вас и каде сакате да бидете. Тоа е основата, тоа се темелите на она што сакате да го постигнете.

Одговорете на прашањата кој, што и како прави на интернет во однос на индустријата или пазарот во кој се наоѓа вашиот бизнис. Побарајте по клучни зборови за вашиот бизнис за да утврдите што се случува. Дали конкуренцијата има блог? Како е светското искуство на оваа поле? Што опфаќаат на нивниот блог глобалните бизниси од твојата индустрија? Што блогираат локалните бизниси од друг пазар?

Одговорот на овие прашања ќе ви даде можни идеи за насоките кои ќе ги превземе вашиот бизнис.

Но, да одиме практично со она што ќе треба да го направите токму овој ден:

  1. Дефинирајте 5-10 клучни зборови (и на македонски и на англиски) поврзани со вашата индустрија и пребарувајте на Google за да ги видите резултатите. Бележете ги бизнисите кои имаат блог.
  2. Изберете 5-10 од тие бизнис блогови кои на некаков начин ви оставиле впечаток и групирајте ги во вид на домашни и странски, односно глобални.
  3. Анализирајте ги во однос на дизајнот, она што објавуваат, должината на постовите, идеите за блог постови, период на ажурирање, денови во кои објавуваат, статистиката…

Совет: Земете една тетратка или отворете Word документ или пак на вашиот таблет или мобилен телефон бележете се што ќе откриете. Овој ден ќе најдете многу важни информации за вашиот бизнис блог за во иднина. Можете листот хартија да го поделите на она што ќе го забележите и идеи за она што ќе го примените. Така да ќе имате две колони на една страна.

Следува: Бизнис блог – ден 2: Определување на цели

post

Бизнис блог – Предизвик

Бизнис блог за 30 дена Во последните 5-6 недели како дел од билтените на претприемач работевме на еден предизвик наречен блогирање за бизнис или како до квалитетен бизнис блог за твојот бизнис за 30 дена.

Идејата уште во старт беше да се објават 30 дена во 3 билтени со кратко објаснување на секој ден, а потоа сите тие денови во 30 дневен период да се објавуваат на претприемач со дрфинирање на основните чекори за секој ден.

По завршување на овие 30 денови кои ќе бидат објавувани од денес па се до 30-тиот ден сите овие денови ќе бидат обработени во детали и ќе служат за ажурирање на книгата насловена како блогирање за бизнис.

Така да објавувањето на 3 билтени со по 10 дена заврши и ја користам оваа можност уште еднаш да се заблагодарам на сите кои дадоа активен допринос со нивното искуство што ќе го искористиме во подготовка на поквалитетен материјал. Сега следуваат овие 30 дена кои започнуваат уште денес:

post

Блогирање за бизнис – Е-книга

Се повеќе луѓе од светот на бизнисот сфаќаат дека доколку не се видливи во онлајн светот, воопшто нема да постојат за нивните потрошувачи. Веб сајт спакуван со маркетиншки јазик кој е нешто за малку повеќе од вашата брошура не е доволен. Се бара едукација, се бара информација, се бара препорака, едноставно се бара содржина која ќе се преплетува како „пајакова мрежа“ низ интернетот. (Повеќе детали за оваа пајакова мрежа можете да прочитате во Промени во маркетингот.)

Повеќепати на претприемач имавме содржина која се однесува на оваа маркетинг средство. Доколку сте пропуштиле можете да ги прочитате следниве наслови за блог како маркетинг средство:

Но, да се вратиме на целта на овој пост, а тоа е новата е-книга за блогирање на бизнис.

Е-книга – Блогирање за бизнис

По неколку месеци работа (добро, не постојано туку кога ќе успеев да украдам време) успеавме да ја завршиме првата верзија на оваа книга насловена како Блогирање за бизнис.

Велам првична верзија бидејќи истата ќе подлежи на промени не само поради тоа што се однесува на подрачје од бизнисот кое континуирано се менува туку и заради тоа што знам дека има простор за подобрување и секако има простор за уште наслови во самата книга. Затоа секоја добронамерна забелешка е добредојдена и слоборно можете да ни реплицирате со идеи или потреби кои ги имате во однос на блогирање за бизнис.

Како што знаете пред да ја довршиме книгата преку еден од билтените на претприемач побаравме одговор на еден прашалник за теми кои би сакале да се опфатат во книгата. Од одговорите најмногу се бараа темите за стратешко планирање, чек листа за успешен бизнис блог и 50 идеи за блог постови на кои и посветивме повеќе внимание.

Што е опфатено во блогирање за бизнис?

Овој материјал е структуриран преку следнава содржина:

  • Вовед
  • Што е тоа бизнис блог?
  • Зошто блогирање за бизнис?
  • Стратешко планирање за имплементација на блогирање за бизнис како дел од вашата маркетинг стратегија.
  • Креирање на содржина, видови на содржина, структура на содржина и оптимизација на содржина.
  • 50 идеи за блог постови
  • Технологија за бизнис блог
  • Чек листа која ќе ве води кон успешно блогирање за бизнис.

Најмногу внимание посветивме на сратешко планирање и креирање на содржина. Особено во делот за креирање на содржина можете да прочитате за видови на содржина која ќе се објавува на вашиот бизнис блог, структура на содржината (секој блог пост), процес на креирање на таа структура од идеја до вистински блог пост како и 50 идеи за блог постови за вашиот бизнис блог. Овие 50 идеи се дел од еден сервис во кој како тест период беа и сеуште се вклучени неколку бизниси кои секоја недела добиваат по 5 идеи. Тука од над 100-тината идеи ги ставивме 50-те за кои сметаме дека се едни од најважните.

Но, да не должиме многу. Можете да ја превземете оваа е-книга од 72 страни преку регистрација за неделни билтени. По регистрација веднаш ќе добиете email со линкови од оваа книга како и други бонус материјали како дел од овие билтени на претприемач.

post

10 Причини да имате WordPress блог за вашиот бизнис

Гостински пост од Владимир Апостолски: Авторот е дипломиран инженер по информатика. Моментално е развивач на софтвер. Еден од ентузијастите позади агрегаторот на попусти http://bagatela.mk. Повеќе информации на: http://about.me/vladimir.apostolski

Бизнис блог со WordPress

Бизнис блог со WordPress

Како претприемачи, досега би требало да ви е јасно дека ви е потребен блог за поддршка на бизнисот. Блогот дава уникатна можност да допрете до вашите идни клиенти, им оставате простор да се едуцираат околу вашите активности, услуги и производи. Тој треба да биде интегриран, но независен од примарната веб страница која ја користите за презентирање на вашите бизнис активности.

За оние што се уште немаат блог за својот бизнис, но јасно им е како треба да изгледа и што е неговата цел, еве еден предлог за изборот на платформата на блогот: WordPress. Во продолжение се наоѓаат 10 причини зошто е добро да ја одберете оваа платформа за блогирање

1. WordPress е бесплатен

Meѓу ретките бесплатни работи на овој свет. И покрај тоа што во бизнис светот се вели „Не постои бесплатен ручек“, кај софтверот ова не е секогаш случај. WordPress е еден ваков пример, па затоа е многу поволен за да биде платформата на која ќе се потпира блогот.

2. Набрзина се инсталира

WordPress е исклучително лесен за „инсталирање“. Доволно е да го превземете (http://wordpress.org/download/) и да го поставите на веб сервер и со минимални подесувања вашиот блог ќе биде подготвен за вашиот прв напис. Добра идеја е да го поставите на посебен поддомен од вашиот сајт, како на пример blog.mojdomen.com или mojdomen.com/blog .

3.Можете да се искажете „на долго и широко“, а сепак уредно

Со помош на WordPress можете да напишете и подолги, но лесно читливи написи, со слики, видеа и поврзани содржини. На клиентите им е многу важен уредниот изглед на текстот, а за самиот автор е важно да може без многу напор да објавува вакви написи. Интегрираниот уредувач на текст многу ќе ви помогне во оваа работа

4.Едноставно споделување содржини преку друштвените мрежи

Со оваа платформа, на вашиот блог лесно се активираат додатоци за споделување на написите преку социјалните мрежи. Како што знаеме, блогот е моќна маркетинг алатка и како таков е одлична можност за да допрете до потенцијалните клиенти преку друштвените мрежи.

5.Wordpress е популарен

Популарноста значи дека софтверот го користат многу луѓе и дека генерално се задоволни од неговите функционалности. Штом постојат над 20.7 милиони WordPress блогови ширум светот, тогаш сигурно постои добра причина тоа. Освен што шансите за багови се помали, и самите читатели ќе се чувствуваат побезбедно да остават коментар на платформа која ја познаваат.

6.Стабилност

Зад WordPress стојат 8 години развој, надоградување и поправки на багови. Она што е мошне фасцинантно, Wordrpess развивачката заедница ги слуша потребите на корисниците, па со гласање се одлучува што ќе биде овозможено во следната верзија. Со WordPress вашиот бизнис блог би бил во сигурни раце и можете мирно да спиете дека нема некои елементарни грешки да го нарушат вашиот кредибилитет.

7.Отворен код

Технологијата која е употребена за развивање на самата блог платформа (PHP) е една од најпопуларните во светот и што е поважно, целиот код за неа е отворен. Тоа значи дека доколку вашиот бизнис блог користи WordPress, многу лесно ќе најдете развивач на софтвер или дизајнер што може да го уреди неговиот изглед да биде по ваш вкус.

8.Лесна оптимизација за веб пребарувачи

Веб пребарувачите (како Google и Bing) во целост ги разбираат содржините кои ги пласирате и им даваат големо значење при рангирањето на резултатите. Бизнис блогот може да ви послужи како моќно SEO оружје за да се рангирате подобро за одредени клучни термини за вашиот пазар.

9.Многу развивачи и дизајнери

Уште една предност која ја уживаат WordPress блоговите. Лесно ќе најдете дизајнер што ќе ви направи дизајн по ваша мерка и ќе го отсликува корпоративниот дух, ќе го интегрира блогот со амбиентот од вашата примарна веб страница или ќе приспособи некој веќе постоечки дизајн (кој исто така може да биде бесплатен). Истото важи и доколку сакате некои посебни функционалности на блогот, но за тоа ќе ви треба програмер.

10. Бесплатни и корисни додатоци

Скоро на се што ќе помислите, веќе постои бесплатен додаток, кој можете да го инсталирате со два клика. WordPress платформата не бара да имате програмерски способности за да додавате нови функционалности и однесувања.

За крај, запомнете, дури и да не користите WordPress, важно е да имате блог кој ќе го поддржува вашиот бизнис. Во најмала рака, ќе ви помогне да изградите свој сериозен бренд, а ќе бидете и изненадени од потребата на корисниците да ве контактираат преку блогот, и покрај добро познатите можности, како на пример, е-пошта, Фејсбук и Твитер.

За да не биде дека зборувам напразно, туку од искуство, можете да го погледнете блогот на bagatela.mk (http://blog.bagatela.mk/) да видите како овие совети се применети на дело.

Имате ли бизнис блог? Која платформа ја користите и дали успевате да допрете до клиентите со помош на блогот?

Кои функционалности најмногу ви вршат работа?

post

Кревање на врева со бизнис блог

Бизнис блог

Бизнис блог

Најлесно нешто кога станува збор за бизнис блог како маркетинг средство е да се постави блогот да биде жив онлајн. Процесот е инсталација на CMS (најкорисен е WordPress), одлука за тема, инсталација и неколку подесувања. На мојот личен блог пишував како се завршив за 30 минути со помош на Genesis и темата Prose во тој случај.

Но, што понатаму? Бизнис блогот е поставен и жив онлајн. Како сега да го ставиме во функција на бизнисот? Тоа е и првото прашање кое треба да се одговори од страна на претприемачот. Понекогаш и доста често оваа прашање останува неодговорено и целиот процес завршува тука. Ова е поради фактот што претприемачот сфаќа дека ова е долг и макотрпен процес кој не гарантира брзи резултати. Но, на долги стази овој процес може само да помогне во градење на долгорочна благосостојба на бизнисот.

Многу често првиот пост кој се пишува е пост кој содржи нешто вакво:

Ова е блог на тој и тој бизнис и во него ќе читате за нашите производи и/услуги како и сите последни информации за нашиот бизнис. Ќе ве известуваме за нашите постигнувања како и за сите наши прес конференции. И супер, нас многу ни е драго што вие сте тука, за да прочитате за нашите бла, бла, бла…

Од здодевно има ли поздодевно. Многу ми е гајле за твоите производи и/или услуги. Сигурно ги имате на вашиот веб сајт и ако затоа сум тука би ги побарал на страната Производи. Могу ми е гајле што Вие правите или пак што ќе правите. Многу ми е гајле за Вас. Многу ми е гајле за Вашите прес конференции – не сум новинар. Но, првото прашање ќе ми биде: Што има за мене тука? Вредност? Дали треба да се навраќам на овој блог повторно?

Затоа секој (или во поголем дел) блог пост треба да креира некаква вредност за мене. Би требало да ме поттикне на нешто:

  • да ве контактирам
  • да купам доколку продаваш
  • да споделам…

Во денешно време контактирање и купување не оди толку бргу, сепак зависи и од видот на проблемот кој вашиот бизнис го решава и вистинската потреба од решавање на тој проблем на пазарот. Но, иако некој не ве контактира, не значи дека сте го загубиле доколку комуницирате вредност преку вашиот бизнис блог. Тој е тука, ќе дојде и утре, или пак можеби за една недела или за некој месец или пак за некоја година да косумира уште од вредноста која ја давате и можеби тогаш ќе одлучи да превземе чекор за поблизок однос со вашиот бизнис.

Истиот тој, можеби ќе забележи нешто вредно и ќе сподели на Facebook за тоа да биде прочитано од неговите виртуелни пријатели. Зарем ова не е придобивка за вашиот бизнис – вашиот бизнис блог станува нешто со висок потенцијал да генерира вирозен маркетинг од содржината која ја објавувате.

Бизнис блог е одлично маркетинг средство кое комбинира персоналност и градење на односи кои пак водат до лојални потрошувачи кои стануваат ваши најголеми поддржувачи.

Прашања пред започнување со бизнис блог

Започни со следниве прашања:

  • Каква вредност нуди мојот бизнис?
  • Како таа вредност да ја трансформирам во вредност која ќе се комуницира преку мојот бизнис блог?
  • Што ќе поттикне насмевка на лицата на читателите на мојот бизнис блог?
  • Што е она што нема да биде здодевно за нив?
  • Што е она што сакаат да го читаат?
  • Што е она што ќе ги поттикне да превземат некоја акција (контакт, купување, споделување)?
  • Кои се првите 20-30 наслови кои би биле интересни?

4 Совети за кревање на врева

Во наредниот дел би споделил неколку совети кои можете да ги применувате кога станува збор за користење на бизнис блог како маркетинг средство и кревање на врева преку овозможување на вирозен елемент во истиот.

  • Иако, тука на претприемач блогот го нарекуваме како маркетинг средство, сепак тој е само еден од многуте социјални медиуми. Дали кога ќе се сретнете со некој ваш потенцијален клиент на некој настан на кој присуствувате и двајцата веднаш му давате брошура со вашите производи или услуги? Најверојатно не, првин се запознавате, разменувате бизнис картички, разговарате и за приватни работи, кажувате вицеви, можеби ќе закажете видување на ручек или на кафе, споделувате искуства… Така да запомни дека твојот бизнис блог служи за градење на долгорочни односи, а не за директна продажба, па затоа не пробувај да продаваш во секој пост. Затоа споделувај совети кои ќе бидат корисни за читателите.
  • Кога станува збор за производите или услугите кои твој бизнис ги продава сподели информации за продажни промоции и попусти. Читателите и потенцијалните купувачи ќе сакаат да добиваат информација од прва рака за тоа кога можат да купат нешто поевтино и ќе се навраќаат за да проверат дали таква информација постои. Мора да се вметне конзистентноста во однос на оваа прашање за да не се случи по неколку обиди и не наоѓање на таква информација да дојде до откажување.
  • Секогаш кога ќе спомнете некој од вашите производи или услуги не ги објаснувајте во детали. Тие треба да се објаснети на страната за продажба (доколку имате) или пак на страната наречена како “Производи” на вашиот веб сајт или пак во вашиот каталог ако немате таква страна. Наместо објаснување кое би било повторување на овие елементи едноставно ставете линк до тие елементи и ако некој сака да прочита или да се информира повеќе за вашите производи ќе одлучи да кликне.
  • На одреден временски период објавувај наградни игри преку кои ќе изберете победници кои ќе добијат некоја награда во вид на попуст или пак некој производ кој го нудите. Луѓето сакаат да учествуваат во наградни игри и да добиваат награди. Освен тоа еден ваков пристап поттикнува интеракција со потенцијалните купувачи. За да ја добијат наградата ќе мора нешто да направат (коментираат, споделат линк до постот каде е наградата или било што што може да има некоја идна вредност за вашиот бизнис). На пример, ZAGG – онлајн продавница од која купив тастатура во месец февруари секој ден доделуваше по еден iPad за еден од оние кои ќе споделат информација за оваа промоција. За да учествуваш во можноста за извлекување треба да се вклучиш во нивната листа. За да ја зголемиш за двојно можноста од извлекување треба да споделиш линк на Facebook и Twitter каде постои потенцијал за нови потенцијални потрошувачи кои ќе влезат во нивната emal листа.

Ова се само еден мал дел од препораките кои можам да ги опфатам тука, но во секој случај едни од поважните за да го користите во вашиот бизнис блог како средство за кревање на врева за вашиот бизнис.

post

Бизнис блог во 10 чекори

Бизнис блог во 10 чекори

Бизнис блог во 10 чекори

Кога зборуваме за бизнис блог, веднаш ни се јавува слика во нашиот мозок која ни покажува здодевни корпорациски пресови и премногу непознат бизнис жаргон. Како и да е, ова може да биде сменето кога станува збор за твојот бизнис блог со помош на овие 10 чекори.

1. Одлучи кој ќе пишува

Оваа одлука е едноставна. Доколку е можно, секој член на твојот бизнис треба да пишува за бизнис блогот. Секој може да сподели нешто од негово работно искуство. Секој има нешто да сподели од личниот живот. Блогирањето треба да биде дел од вашата стратегија за социјални медиуми, а социјалните медиуми се за секого, не само за една личност.

2. Направи план за темите

Бреинстормирајте ги сите можни теми поврзани со бизнисот и пошироко. Фокусирајте се на вашата индустрија. Бидете фокусирани на вистинскиот интерес на целниот пазар во вашата индустрија. Не се врзувајте само на една тема. Секоја индустрија во поглед на различните интереси мже да се подели на повеќе теми. Секоја од овие главни теми направете ги да бидат категории на вашиот бизнис блог.

3. Што ќе креира вредност за читателите?

Секој пост мора да креира некаков вид на вредност за посетителите. Вредноста е најважниот ингредиент кој мора да биде содржан во вашиот бизнис блог. Одговорете на оваа прашање со неколку опции кои ќе претставуваат вредност за вашите читатели. На ваков начин, вие едноставно ќе можете да го проверите и подобрите секој пост согласно вредноста што тој ќе ја додаде за читателите.

4. Одлучи за содржината

За секој успешен бизнис блог содржинта е круцијална. Како и да е, постои едно прашање: За што ќе пишувате на вашиот бизнис блог? Бреинстормирајте различни извори на идеи за содржина кои можат да бидат прашања од потрошувачите, искуство на потрошувачте, опис на настани, полезности од вашиот и други слични производи… Дојдете од 10 до 20 различни извори на идеи за содржина кои вие и вашиот тим мора да ги следите за да вашиот блог биде свеж и интересен за чтателите.

5. Одлучи за домен името

Тука имаме неколку опции:

  • Користење на некои од бесплатни платформи за блогирање и да имате домен како nasblog.blogger.com, nasblog.wordpress.com, nasblog.typepad.com…
  • Користење на различно домен име во однос на бизнис веб сајтот. Името на блогот повеќе зависи од вашата бизнис тема отколку од името на вашиот бизнис.
  • Користење на домен име како дел од вашиот вебсајт домен  – blog.vasbiznisvebsajt.com, vasbiznisvebsajt.com/blog/.

Секоја од овие опции има свои предности и недостатоци, кои ќе ги дискутираме во некоја друга прилика.

6. Одлучи за објавување

Колку пати неделно ќе го ажурирате блогот? ова прашање е важно и бара јасен одговор. Доколку објавуваме почесто ќе имаме потреба од повеќе ресурси. Од друга страна, повеќе блог потсови значи повеќе инедксирани страни од Google, што пак значи повеќе потенцијални купувачи за твојот бизнис.

Анализирајте ги вашите бизнис потреби и потребите на вашите потрошувачи и донеси одлука за ова прашање.

7. Нека биде со личен карактер

Кога зборувам за личен карактер на блогот, не мислам за пишување за тоа во кој ресторан ќе бидете за вечера, или за случките од годишен одмор. Мислам за поличен карактер внтаре во индустријата или бизнисот. Мислам за вистински случки, искуства или примери поврзани со вашиот бизнис.

8. Обиди се да поттикнеш интеракција

Вашиот блог мора да има место за коментари. Повеќето блогови денес го користат Facebook за да им овозможат на корисниците брзо да се поврзат и остават коментар или да споделат искуство преку делот за коментирање. Напиши прашање, прашај ги читателите, одговарај на коментарите, биди човек… На ваков начин вашиот блог ќе биде повеќе од еден обичен блог, туку одличен извор на информации за вашиот бизнис.

9. Користи приказни

Приказни се нешто што луѓето сакаат да читаат. Приказните се во нас уште од бебешките денови. Секогаш сакаме да слушаме приказни. Тие започнуваат од нашите родители, училиштето, работното место… Ги сакаме приказните бидејќи тие се интересни и и презентирани на еден таков начин ни кажуваат вистинко искуство на кажувачот на приказната.

10. Користи видео

Живееме во време кога не треба да чекаме да станеме голем бизнис за да контактираме професионална маркетинг агенција која ќе креира видео маркетинг кампања или видео материајали како онлајн ресурси на нашиот бизнис.  Вашето видео не мора да биде професионално продуцирано, но мора да донесе вредност за читателите на вашиот блог. Мора да им помогне да ги решат нивните проблеми, да им помогне да донесат одлука, да им помогне да научат нешто…