post

Инспиративно видео: Реализирање на соништа од детството

Се започнува од нашето детство, нашите соништа без никакви ограничувања во сонувањето.

Се сеќавате кога се беше можно? Кога се качувавме на дрвата без да мислиме дали ќе паднеме? Или кога скокавме од различни висини без да мислиме на последиците?

Оваа е одлично инспиративно видео каде Randy Pausch зборува за неговото искуство и дава совети како да ги постигнете вашите цели и соништа.

Вредно е да потрошите време да го изгледате целото предавање.

post

Како да подготвите одлична презентација?

Како еден претприемач ќе имате потреба да користите презентации за да ја испорачате пораката која сакате да ја испорачате за различна аудиенција. Користите ли презентации како моќно орудие во вашиот бизнис?

Како претприемач имате потреба да испорачате различни пораки, да градите различни односи, да изградите сопствен авторитет и доверба, да комуницирате со различни луѓе. Сакете да успеете со се што ќе се обидете да го испорачате.

Добри презентациски вештини се важни за вас како еден претприемач. Сакам да споделам некои од мои заклучоци од претходно искуство при испорака на презентации за различни типови на аудиенција.

Едноставно, го поделив целиот процес на испорака на одлични презентации во три делови: подготовка на презентација, ваша лична подготовка и менаџирање на процесот на презентација.

Да започнеме со еден по еден дел од процесот.

Продолжи…

post

Креирајте ја вашата стратегија за маркетинг со содржина

Содржината станува една од најважните маркетинг тактики за денештните претприемачи. Сега, секој мал бизнис станува креатор и на содржина.

Зошто имате потреба од различна содржина за вашиот мал бизнис?

Живееме во ера на социјални медиуми, каде секој креира нешто, дава нешто, споделува нешто, зборува за нешто… Тоа нешто е еден вид на содржина креирана од лица кои се обидуваат да креираат различни релации со други луѓе. Тие креираат и споделуваат пораки, блог постови, слики, видео, презентации…

Растот на различните социјални медиуми околу нас го прават овој процес на креирање и дистрибуција како и достапноста на различна содржина за различни лица многу полесен. Малите бизниси го знаат или пак треба да го знаат тоа и едноставно сакаат да бидат дел од севкупниот екосистем на креирање, дистрибуција и консумпција на различна содржина.

Во овој наслов, сакам да зборувам малку за стратегија за маркетинг со содржина бидејќи доколку знаете дека ви треба содржина, знаете и дека ќе ви треба одлична стратегија. Одлична стратегија значи дека ќе имплементирате стратешки приод за да успеете во вашиот напор во однос на креирање и дистрибуирање на содржина заради зголемување на потенцијалот на бизнисот.

Продолжи…

post

Зошто на администрацијата и се потребни индустриски инженери

Сакам овој пост да го претворам во еден вид на искуство што го доживеав пред некој ден, но испреплетено и со искуството и кога јас бев дел од административната служба во земјава.

Веќе мислам дека 20 години зборуваме за “тромава” администрација, неефективна администрација, скапа администрација… Но, ми се чини дека остануваме на тоа зборување.

Марк Твен вели:

Акцијата зборува погласно од зборови, но не и толку често.

Тоа и се случува, секогаш сме појаки на зборовите отколку на делата и акциите кои ги преземаме. Па, дали ниедна влада досега не успеа да забележи подрачја за подобрувања. Не, ни требаат огромни пари, ниту скапи консултантски компании, ниту пак премногу дополнителни ресурси… Нам едноставно ни треба да ги искористиме сопствените ресурси но да ја подобриме работата на администрацијата, но и подобра услуга за народот кој ја користи услугата од тие административни органи.

Продолжи…

post

Кампања со директна пошта во 12 чекори

Директна пошта е важен дел од вашата стратегија за стекнување на нови купувачи и задржување на постоечки купувачи.

Користите ли директна пошта како маркетинг средство за вашиот бизнис?

Следниве чекори ќе ви помогнат во започнување и подобрување на вашите претприемачки напори во однос на директна пошта како едно маркетинг средство за вашиот мал бизнис.

Успехот на оваа маркетинг средство се базира на вашата претприемачка креативност, тестирање и прилагодување на сите елементи од вашата кампања, наместо чекање успехот да се појави со самата кампања.

Можеби некој ќе ми каже дека не вреди сега да се пишува за директна пошта. Дваесет и први век, интернет, маркетинг преку е-пошта, социјални медиуми… Сето тоа држи вода. Но, како и секогаш кога станува збор за претприемништвото секогаш постои некако “но”, традиционалните маркетинг средства сеуште може да одиграат важна улога во креирање на успехот на вашата компанија.

Зошто? Не би сакал во овој наслов да навлегувам, но имам подготвена една драфт верзија на пост за Entrepreneurship in a box во која се наведени причините за сеуште големата важност на директна пошта која ќе биде објавена и тука на претприема. Тогаш ќе дискутираме за тие елементи.

Сега да се вратиме на темава. Тука би сакал да презентирам 12 различни чекори кои ќе ви помогнат во вашите напори да ја оптимизирате кампањата со директна пошта и да го зголемите повратокот на инвестиција преку стекнување на повеќе купувачи, обезбедување на поголем приход и поголема профитабилност за вашиот бизнис.

Продолжи…

post

Инспиративно видео: Никогаш не се откажувај

Никогаш не се откажувај е советот што го давам секогаш и особено на претприемачите.

Не е лесно. Знам, сум поминувал и поминувам. Било и подобро. Знам, и тоа сум го поминал. Но, започнување на еден пат, кој да бидеме искрени не е баш лесен пат и кој е наречен претприемачки пат значи дека враќање назад нема. Успехот не се случува преку ноќ. Потребна е и упорност и истрајност (карактеристки на успешни претприемачи).

Затоа и сакам да го споделам оваа видео во кое се гледа упорноста да се опстои, да се преживее и да не се откаже од основната цел (преживување).

Уживајте, а вашето мислење е добредојдено, преку коментарите подолу.

post

Процес на безхартиено работење

Кога веќе започнав да пишувам за безхартиено работење, би продолжил и оваа година со моите тестови и експерименти. Претходните два наслови од овој серијал можете да ги погледнете преку следниве линкови:

Додека во претходните наслови можевте да ги видите некои од првите резултати од имплементација на овој процес како и три основни процеси на овој процес, овој наслов претставува продолжување на овој серијал и навлегување во самите подпроцеси кои ги опишав.

На сликата подолу е претставен општиот процес од кој започнав со имплементација. Иако, моменталниот кој го користам е значително изменет, сепак ќе одам итеративно дел по дел со објавување на постовите од овој серијал.

Продолжи…

post

Најкористени алатки во мојот арсенал

Иако можеби ќе изгледа како да се повторувам бидејќи повеќе пати објавувам вакви наслови со различни алатки или апликации кои ги користам. Но, сепак живееме во многу динамично време. Нешто што користиме денес можеби нема да користиме утре. Или пак она што сме го користеле сме го замениле со нешто друго.

Развојот на технологијата не не остава веќе да бидеме мирни подолг временски период. Секојдневно излегуваат нови алатки, нови технологии, нови можности за претприемачи… Мора да следиме што се случува околу нас, но и да го користиме сето она што ќе ни биде потребно, а се со една цел, подобрување на нашите лични и бизнис перформанси.

Сега кога ја започнуваме оваа 2013 година, погледнав во разните алатки кои ги користам. Може да се каже дека се неколку стотици. Но, доколку треба да изберам да ги презентирам десетте најкористени алатки тоа се алатките наведени подолу. Редоследот не се однесува на важноста.

Продолжи…

post

6 Совети за задржување на купувачите

Целта на секој претприемач во секојдневната работа е да стекнува, одржува и го зголемува бројот на купувачите во неговиот бизнис.

Иако, се чеини лесно, сепак не е така. Успехот во овој процес на стекнување, одржување и зголемување на купувачите ќе биде трансфериран во успех на целиот бизнис. Затоа што поголем број на купувачи, значи поголем приход и поголема профитабилност за бизнисот.

Подолу се дадени 6 совети кои ќе ви помогнат во задржување, односно одржување на тековните купувачи за вашиот бизнис.

Продолжи…

post

6 Основи на успешно претприемништво

Размислувајќи за основите на успешно претприемништво направив една листа кои можеби претставуваат еден вид на принципи на кои се базира претприемништвото.

Сакаме да постигнеме успех во развој на претприемачи, претприемништвото како процес, како наука, како практика… Можеби направивме многу во последниве години, но сепак…

Зошто и треба ли ни тоа сепак на крај…

Да, ни треба иако можеби некој од вас нема да се сложи. Мораме да менуваме многу навики, практики, теории… Зошто? Затоа што доколку го гледам претприемништвото од еден научен аспект, слободно може да кажам дека претставува една од најсложените научни дисциплини затоа што се менува многу бргу, а претставува еден микс или коктел на сите останати науки во една.

Но, ајде да поминеме на една листа на основи на претприемништвото која претставува еден дел од лкистата која ја направив пред извесен период.

1. Претприемништвото се тренира

Доколку во минатото се полемизираше дали претприемништвото може да се изучува, денес нема потреба за такво нешто затоа што станува се поочигледно дека и за најкреативните луѓе знаењето од претприемништво е важно за зголемување на веројатноста за успех на бизнисот.

2. Претприемништвото значи испорака на вредност

Вие како претприемач, кој креира сопствен процес на претприемништвото имате вредност само доколку испорачаната вредност од вашиот систем ги прави примателите на вредноста среќни и задоволни.

Дали оваа не е точно? Што мислите? Не мора да одговарате, доволно е само да ја препрочитате горната реченица неколку пати и да подразмислите за вредноста што вие ја испорачувате.

3. Претприемништвото се базира на визија на претприемачот

Се започнува од вашата визија како еден претприемач. Од визијата се препознава дестинацијата. Од дестинацијата се препознаваат целите. Целите ги дефинираат проектите и активностите.

Пред неколку години напишав една мала книга насловена како “Претприемач центарот на се во бизнисот”. Мислам дека така се викаше, а објавена е во некои сегменти на премиум претприемач, дел мислам дека излезе преку билтените на претприемач, а дел објавив во вид на постови… Сето тоа имаше за цел да го прикаже претприемачкиот процес како нешто што започнува од самиот претприемач, а не од било што други.

4. Грешките и падови се составен дел на секој претприемачки процес

Секој претприемачки процес е составен од грешки и падови. Не постои перфекционизам, сигурна успешност или извесност.

Доколку пак нема грешки и падови, можеби треба да се запрашате дали е се ов ред.

5. Претприемништвото претпоставува дека претприемачот го сака она што го прави

Да се биде претприемач, значи да се сака она што се работи. Тешко е враќање назад. Добро размислете дали навистина сакате да го правите тоа.

6. Претприемништвото е континуиран процес

Точно, тоа повеќепати го имам пишувано тука. Во книгата Иновации и претприемништво (патем електронската верзија е 100 денари) тој процес го презентиравме во вид на часовник, кој никогаш не застанува.