Бидете секогаш најиновативни! Алатки, екниги и видео презентации само за најхрабрите!

post

МАРКЕТИНГ СРЕДСТВА 18 – ВАШИОТ ПРОДАЖЕН ТИМ

Често пати се заборава продажниот тим да се гледа како едно посебно маркетинг средство иако продажниот тим е првиот директен контакт со секој постоечки, нов или пак иден купувач. Често пати крајната одлука на купувачот за купување се базира токму на искуството што ќе го проживее со продавачот во Вашиот бизнис.

Сигурно сте забележале огромна разлика од продавница до продавница во однесувањето на продавачите кон Вас како купувач. Сигурно сте се нашле во ситуација да донесете одлука да не купувате заради тоа што сметате дека не сте услужен на соодветен начин од страна на продавачот. Сигурно ви се има случено да влезете во продавница а продавачите да си разговаараат меѓу себе и да не обрнуваат внимание на Вас ниту на Вашите потреби. Сигурно ви се случило продавачите арогантно да ви кажат еве тука е изложено и бирај ако најдеш нешто. Сето оваа е контра Вашиот маркетинг. Вие се обидувате преку Вашиот маркетинг да доведете колку што може повеќе потенцијални потрошувачи додек Вашиот продажен тим може сиот Ваш напос со месеци и години да го урне за само една секунда.

Мене на пример ми се има случено кога сакав да купам теписон продавачот воопшто да не ми помогне при изборот па дури и ме тераше самиот да го вртам парчето за да го измерам бидејќи тој не ги знаеше димензиите. Едноставно си излегов и му кажав чао на продавачот и на можна продажба во тој бизнис. Пред едно месец дена ми се јавуваат од една национална телевизија за да ми продадат реклама за мојот бизнис. Ми вели здраво ние сме од таа и таа телевизија да ви направиме реклама. Ниту ми кажа некоја предност зошто би ги избрал нив, ниту ми кажа во која рубрика би била мојата реклама, и ниту ми кажа колкава гледаност имаат и што би добил јас и мојот бизнис со таа реклама. Нормално, мојот одговор беше благодарам НЕ! Доколку беше поинтелигентен во обидот за продажба можеби и ќе размислев. Но вака воопшто не размислувам за таква реклама.

Ова е огромна штета за Вашиот бизнис. Зошто да не се разгледува продажниот тим како едно маркетинг средство кое ќе овоможи зголемување на продажбата? Забележувате дека веќе навлеговме во маркетинг средства кои се насочени директно кон луѓето како купувачи или потенцијални купувачи. Овој директен контакт има најсилно влијание како маркетинг средство.

Но, кои се елементите на кои треба да обрнете внимание?

Вие како претприемач имате должност да го запознаете Вашиот продажен тим со правилата на игра во Вашиот бизнис. Што е ин а што аут? Следниве елементи се некои кои може да одиграат голема маркетиншка улога во Вашиот бизнис:

  1. Однесување. Како прво и основно е однесувањето на Вашиот продажен тим кон купувачите или потенцијалните купувачи и кон останатите во околината на Вашиот бизнис. Секој продавач мора да биде културен и учтив. Да го цени секој оној кој се интересира за нешто во Вашиот бизнис. Можеби нема да купи ништо, но сепак може да биде вреден потенцијален купувач. Доколку Вашиот продажен тим му остави силен впечаток поголема е веројатноста дека ќе се врати.
  2. Изглед. Во продажбата не се бара модна писта, но не е дозволиво продавачите да бидат сосема неугледни. Продавачите се огледало на Вашиот бизнис.
  3. Речник. Видот на бизнисот бара и различен речник кој ќе се употребува. Вашиот продажен тим мора да ги знае клучните зборови и реченици како да се допадне на потенцијалниот купувач.
  4. Искреност. Мора да се биде искрен со секој купувач или потенцијален купувач. Инаку, на лагата и се кратки нозете. Не е работа да продадете само денес, туку да продадете и утре на истиоут купувач.

Мора да се запомни дека продавачот е тука заради тие купувачи или потенцијални купувачи, а не се тие тука заради продавачот. Се што ќе побара ќе мора да му се покаже и објасни. Па обидете се да го имплементирате ова што го наведов доколку сакате да изградите навистина бизнис со голема бизнис потенцијална енергија.

post

СЕРИЈАЛ ОД ВИДЕО МАТЕРИЈАЛИ ЗА ИЗРАБОТКА НА ВЕБ ПРЕЗЕНТАЦИЈА

Како што ветив во претходниот напис за изработка на веб презентација веќе 3 видео серии се изработени едното ќе биде достапно уште оваа недела за регистрираните за неделни билтени. Останатите 2 се во фаза на едитирање и ќе бидат готови наредната недела. Еве како ќе изгледаат насловите на видео материјалите:

  1. Видео 1: Регистрирање на бесплатно домеин име и бесплатен веб хостинг со 1500 мегабајти веб простор и 100 гигабајти месечен сообраќај. Повеќе за хостинг и она што треба да се спореди при избор можете да прочитате во насловот: Што треба да споредите при изборот на хостинг пакет.
  2. Видео 2: Инсталација на WordPress платформата. Во оваа видео ќе можете да видите неколку работи. Прво, каде да ја најдете и симнете WordPress, потоа каде да најдете, да го симнете и како да го подесите софтвер за File Transfer Protocol (FTP) кој служи за поставување на фајловите на веб серверот. И како трето ќе имате можност да видите чекор по чекор што треба да направите за да ја инсталирате WordPress платформата.
  3. Видео 3: Избор и инсталација на тема на WordPress. Ова видео ќе ви покаже како да најдете една од илјадниците бесплатни теми за WordPress кои служат за персонализација на изгледот на Вашата веб страна. Во видеото е прикажан процесот чекор по чекор.
  4. Видео 4: Објавување и ажурирање на содржини на Вашата веб страна. Ова видео сеуште не е изработено, но во текот на неделава ќе биде секако. Во видеото ќе ви биде поакажн процесот на објавување на нови содржини во вид на написи и веб страни, како и манипулирање со слики во написите.
  5. Видео 5: Додатоци – како да најдете и да ги инсталирате? Оваа видео ќе се однесува на додатоци кои што ја зголемуваат функционалноста на Вашата нова веб страна при што ќе бидат опфатени некои основни кои мора да ги инсталирате и да ги имате ставено во функција.
  6. Видео 6: Како да извршите персонализација на темата која што сте ја избрале? Оваа видео ќе ви покаже како можете да ја смените основната тема како менување на бои или пак превод од англиски на македонски.
  7. Видео 7: Како да изработите статична веб страна. Статична веб страна има неколку страни и не се ажурира често содржината. Се користи за едноставна презентација на Вашиот бизнис. Вообичаено има страна за контакт, производи и услуги и почетна страна. Во оваа видео ќе ви биде покажано чекор по чекор каде да најдете бесплатни темплејти и да ги искористите како Ваша веб страна.
  8. Видео 8: Персонализација на темплејтите. Во оваа видео ќе биде опфатено симнување на бесплатна алатка за едитирање на веб страници и чекор по чекор постапка за менување на темплејтот што сте го избрале.
  9. Видео 9: Изработка на видео и поставување на Вашата веб страна. Во оваа видео ќе ви покажеме како да направите видео, да го едитирате и да го поставите на Вашата веб страна на WordPress.
  10. Видео 10: Поставување на видео на статична веб страна. Она што го направивме со WordPress беше едноставно бидејќи се работи директно во WordPress, додека за статична веб страна ќе треба да изведеме уште неколку чекори.

Овие видео материјали не се едноставна презентација на слики туку реален приказ како изработувам една веб страна www.pretpriemac.co.cc која веќе постои при изработка на првите 3 видео серии. Можете да ја погледнете. Оваа веб страна ќе се менува како што ќе ги изработувам видео материјалите. Инаку оваа веб страна е само за презентација и нема да бидат објавувани некои реални содржини на истата.

Доколку сакате оваа листа да се надополни со уште некое видео слободно можете да оставите коментар при што секоја желба ќе се обидеме да ја оствариме. Инаку во моментов ми текна уште едно можно Бонус видео за Joomla. Всушност ќе претставува поглед на артиклите на претприемач во позадина на Joomla за да ги видите можностите и на оваа платформа.

Знам дека можеби ќе погодам некој со овие видео материјали, но не ми е тоа намерата. Едноставно ја следам мисијата на претприемач да биде извор на знаење за малите бизниси. Со развој на малите бизниси ќе се развие и македонската економија на која толку многу и треба развој. Со веб презентација на малите бизниси без да гледат во тоа како огромен трошок ќе се овозможи нивен излез пред светот. А, од друга страна се надевам на поконкурентски односи во однос на веб развојот во Македонија со што ќе се понуди и квалитет и квантитет на ваквите услуги врз основа на сопствен интелект на понудувачот.

Па, се гледаме во среда со првото видео: Регистрација на домеин име и хостинг.

post

ИЗРАБОТКА НА ВЕБ ПРЕЗЕНТАЦИЈА ЗА ВАШИОТ БИЗНИС

Го пишувам овој напис во рани утрински часови бидејќи разгледував неколку македонски веб страни кои нудат одреден тип на услуга. Во пресрет на темата за интернет бизниси која ја започнавме пред одреден период и насловите кои што следуваат а се однесуваат за она што треба да споредите кога ќе се одлучувате да купите хостинг пакет, како и една анализа на македонските хостинг компании, и една споредба помеѓу две платформи (системи за менаџирање на web содржина) Joomla и WordPress би најавил нешто невидено во Македонија.

Од друга страна бев во една наша производствена компанија и разговарав за нивниот дизајн и она што би требале да го сменат на нивната страна како би биле подостапни на надворешниот пазар. Тоа ме поттикна да ги разгледувам малку компаниите кои ја нудат оваа услуга бидејќи видов дека сите нудат услуги од типот на оптимизација за пребарувачи итн… итн… Но, никаде не можев да видам пример на успешен проект.

Оваа го имав во глава од пред некое време но заради работата на www.entrepreneurshipinabox.com не можев да постигнам. Затоа се одлучив да напишам напис кој ќе ме држи за зборот да го сработам ова што го најавувам како нешто невидено во Македонија. Прва и единствена цел која што си ја поставив за pretpriemac.com е да се направи обид да се развие претприемништвото во Република Македонија. И можете да забележите дека за едно кратко време на блогот и на артиклите има огромен извор на информации и знаење. Материјализацијата на pretpriemac.com сеуште не е нешто за кое размислувам иако вложив многу труд, енергија па и пари.

Можете да забележите дека користиме професионален аутореспондер GetResponse кој не е бесплатен. Секој може секогаш и кога сака да се отпише од неделните билтени и трикови за претприемништвото со едноставно кликнување на Unsubscribe и нормално бесплатните материјали кои што сте ги добиле задржете си ги, нема лутење. Бидејќи цената на услугата на GetResponse ми е од број на регистрирани членови подобро ми е тоа отколку да плаќам за некој регистриран кого не го интересира проблематиката која ја обработува претпримач. Освен билтени понекогаш може да ви испратам и некои материјали кои ќе можете да ги купите скоро бесплатно. Јас сум регистриран и сум член на неколку големи обуки за интернет бизнис. И добивам редовно известување за најголемите промоции во однос на интернет бизнисите. На пример, така успеав за само 20$ да го добијам комплетниот пакет на Butterfly Marketing на Mike Filsaime кој чини 2000$. Пакетот ја содржи скриптата Butterfly Marketing, 2 книги – The 7 Figure Secrets и Butterfly Marketing Manuscript како и комплет од 10 диска од семинари и интервјуа. Пред некој ден успеав да го нарачам и курсот ListBuilding Course само со плаќање на транспортни трошоци кој се продавал за 2000$. За овој ви пратив информација.

Но да не должиме туку да видиме што е тоа невидено во Македонија. Секој регистриран член на претприемач ќе има можност да добие пристап до серијал на видео материјали за тоа како да направите веб страна и тоа без да платите ни еден денар. Единствено ќе ви биде потребно следење на видео материјалите на претприемач. Веќе наредната недела ќе го имате првото видео. Нема да зборувам за поддомеини во вид на www.vaseime.blogspot.com или пак www.vaseime.wordpress.com туку за многу попрофесионално домеин име и вистински хостинг сервис. Сепак ќе напоменам дека многу е подобро да најмите хостинг кој ќе си го платите особено заради сигурноста, но за да започнете со Вашата веб презентација во секој случај ќе ви биде добредојдено. Еве што ќе биде предмет на овој е-курс:

  • Ќе ви покажам реален вистински сајт кој е направен за помалку од неколку часа без да се потроши ниту еден денар.
  • Ќе ви покажам како да најдете професионален аутореспондер без да платитет ниту денар. Не e како GetResponse но, за она што го пишуваме на претприемач како гради листа во секој случај ќе ви помогне. Ќе ви покажам како да ја редизајнирате Вашата веб страна.
  • Ќе ви покажам како да најдете готови веб темплејти и со софтвер (повторно бесплатен) да го редизајнирате.
  • Ќе ви покажам како да ги сместите вашите html фајлови на веб сервер со помош на софтвер (и повторно бесплатен).
  • Ќе ви покажам како да инсталирате WordPress платформа (повтроно бесплатна) за Вашиот динамичен веб сајт. Морам да напоменам дека постои и друга опција како joomla (повтроно бесплатна) која јас ја имам и ја користам за артиклите на претприемач. Но, сите најголеми интернет маркетари па и јас сме подржувачи на WordPress. Во посебен напис ќе стане збор за споредбата.
  • Ќе ви покажам како да го оптимизирате за веб пребарувачи Вашата нова веб страна.
  • Ќе ви окажам се што ќе ми дојде на ум за интернет бизниси (и повтроно бесплатно)…

Единствено нешто што ќе биде побарано од Вас е пријателство преку неделни билтени. Затоа сите кои веќе се регистрирани не мора ништо да прават ќе добијат пристап веќе следната недела до првото видео. Оние кои не се регистрирани пополнете ја формата од десно и ќе бидете вклучени во системо на е-learning. Па нека ви е честито Вашиот нов веб сајт (БЕСПЛАТЕН се разбира).

Доколку имате некои идеи слободно оставете коментар и се што е во моја можност ќе биде опфатено во овој видео серијал. За слободно информирање и достапноста на знаење Напре!!!

post

МАРКЕТИНГ СРЕДСТВА 17 – ИЗЛОГ

Стигнавме до седумнаесетото маркетинг средство во овој серијал од над сто маркетинг средства за малите бизниси. Како седумнаесето средство се одлучив да го презентирам излогот на продажниот објект. Излогот претставува прозорец на продавниците каде се изложуват различни производи или пак други дизајнирани предмети за да го привлече вниманието на потенцијалните потрошувачи. Интересно е што честопати оваа маркетинг средство се заборава и не се гледа како нешто што може да ја зголеми стапката на трансформација на Вашата продажна инка.

Излогот како еден дел од Вашиот продажен објект претставува прва вистинска слика за Вашиот бизнис. На пример, потенцијалниот потрошувач поминува и со помош на светлечката реклама го запазува Вашиот продажен објект, но не влегува веднаш туку застанува на излогот за да види што се продава. Доколку излогот му остави силен впечаток и му вроди поголем интерес ќе влезе да види што може да најде за себе во вашата продавница.

Видови на излози

Постојат неколку видови на излози во зависност од типот на бизнисот:

  • Сезонски излог. Овој излог се менува периодично врз основа на сезоната во која се продава одреден тип на производи. На пример бутиците користат сезонски излози кои се различни во зависност од годишното време.
  • Излог за истакнување на производи. Овој излог се користи кога во одреден временски период се сака да се истакнат одредени производи кои се наредени во излогот.
  • Излог за истакнување на брендот. Ова е излог во кој повремено се истакнуваат производи со еден бренд. Се користи за да се зголеми продажбата на производи од одреден бренд.

Можете да ги користите сите три типа на излози во зависност од временски период во кој ги менувате. Во секој случај одредено освежување не може да му наштети на Вашиот излог.

Најважни елементи за секој излог

Може да се најдат многу елементи кои влијаат на успешноста на излогот во трансформција на случајни минувачи во купувачи. Најважните 5 елементи се:

  • Осветленост. Осветленоста треба да биде посилна од вообичаено како би привлекла доволно внимание на случајните минувачи. Но, сепак не треба да се претера со тоа што светлосниот фликс ќе ги замара очите на минувачите и во таков случај да предизвика негативен ефект.
  • Количина на производи изложени. Кога станува збор за излогот не важи правилото колку повеќе е изложено толку подобро. Понекогаш само едно парче производ може да привлече поголемо внимание во однос на пренатрупан излог.
  • Доминантна боја. Внимателно изберете која боја ќе биде доминантна во Вашиот излог. Бојата треба да го нагласува типот на бизнисот и тековниот тренд во однос на производите што ги продавате, а од друга страна да привлече доволно внимание на случајните минувачи.
  • Декорација. На декорацијата постојано треба да се внимава. Не е доволно само да се нафрлаат производите без некоја соодветна декорација. Но, внимавајте да не претерате па да отидете во друга крајност – кич.
  • Постојаност. Излогот не е средство кое ќе се подеси и ќе се заборави. Мора да се менува од време навреме со свежи содржини во истиот. Ист излог подолго време може да стане незабележлив. Но, сепак не треба да се претерува со постојано секојдневно минување. Доволно е еднаш месечно да извршите освежување а на секои два месеци целосно менување на стилот и декорацијата на излогот.

И уште еден совет. направете го Вашиот излог да биде уникатен и несекојдневен. Искористете ја Вашата креативност за да изгледа навистина беспрекорно. Не копирајте туѓи излози. Биднете оригинален, а не обичен копирач.

post

ПОДОБРУВАЊЕ НА ПРОДАЖНAТА ИНКА

Продажната инка е нешто што постојано ја зголемува или би требало да ја зголемува бизнис потенцијалната енергија. Колку подобро функционира продажната инка толку ќе биде поголема бизнис потенцијалната енергија на Вашиот бизнис. На артиклите на претприемач опфативме неколку артикли за продажната инка. Пред да продолжите со овој напис кој ќе се занимава со подобрувањето на продажната инка разгледајте ги артиклите за тоа што претставува продажна инка и како да ја подестите продажната инка.

Секоја продажна инка започнува со маркетинг кампања која ќе резултира во будење на свеста кај потенцијалните потрошувачи за Вашиот бизнис и Вашите производи и/или услуги што ги продавате. Дел од тие потенцијални потрошувачи кои ќе бидат свесни за Вашиот бизнис ќе пројават интерес за производите и/или услугите. Кај дел од тие со интерес ќе се појави желба за купување на нешто од кај Вашиот бизнис. И на крајот на продажната инка дел од оне со желба ќе донесат одлука за купување.

Забележувате дека Вашата продажна инка има влез на потенцијални потрошувачи кои низ процесот на продажната инка ќе бидат трансформирани во купувачи. Поради тоа кога размилсуваме за подобрување на продажната инка имаме 2 опции:

  • Подобрување на влезот на продажната инка
  • Подобрување на стапка на трансформација на продажната инка.

Подобрување претставува процес кој доведува некои работи да ги изведуваме подобро од претходно. Кога станува збор за подобрување на продажната инка станува збор за подобрување на продажбата на бизнисот, односно обезбедување на поголема продажба.

Подобрување на влезот

Бројот на купувачи на крајот од продажната инка ќе зависи од бројот на потенцијални потрошувачи кои ќе влезат во продажната инка. Доколку имаме повеќе потенцијални потрошувачи на влезот во продажната инка ќе имаме повеќе купувачи на излезот. На пример, имаме влез од 1000 потенцијални потрошувачи, а стапката на трансформација е 5%. Со овие параметри ќе имаме 50 купувачи кои доколку во просек трошат по 1000 денари ќе имаме приход од 50.000 денари.

Доколку направиме промени со кои ќе го подобриме влезот во продажната инка на 3000 потенцијални потрошувачи и со 5% стапка на трансформација ќе имаме 150 купувачи кои ќе потрошат во просек по 1.000 денари и ќе ни донесат приход од 150.000 денари. Како да го подобриме влезот во процесот? Еден и единствен начин на подобрување на влезот претставува маркетингот. Доколку ги подобриме маркетинг активностите при што ќе ја зголемиме видливоста на нашиот бизнис, тогаш ќе го зголемиме и бројот на потенцијалните потрошувачи кои влегуваат во продажната инка.

Подобрување на стапката на трансформација

Ова е второ подрачје каде можеме да имаме подобрување на продажната инка. Освен маркетингот кој продолжува да игра голема улога во процесот на трансформација, доаѓаат до израз и локација, внтрешниот дизајн на продажниот објект, квалитетот на производите и/или услугите… На пример, доколку имаме 1000 потенцијални потрошувачи кои влегуваат во нашиот продажен тунел и тековната стапка на рансформација е 5% ќе имаме 50 купувачи на крајот на процесот. Доколку ја подобриме стапката на трансформација од 5% на 8% на крајот на процесот ќе имаме 80 купувачи кои со просечно трошење од 1.000 денари ќе значи приход од 80.000 денари што претставува за 30.000 денари повеќе приход во однос на продажната инка со 5% стапка на трансформација. Но, како да ја подобриме стапката на трансформација? Некои од можните активности во овој процес ќе бидат:

  • Трансформација на повеќе индивидуалци со свесност во индивидуалци со интерес. Во овој процес голема улога ќе имаат Вашите маркетинг материјали, избор на вистинската ниша на пазарот, локација, дизајн на продажниот објект итн. На пример, имаш 1.000 потенцијални потрошувачи со свесност за Вашиот бизнис. Во моментов стапката на трансформација на потенцијални потрошувачи со свесност во потенцијални потрошувачи со интерес е 50%. Сакате да го подобрите тој процент и спроведувате анализа на пазарот и ја избирате вистинската ниша на пазарот. Го подобрувате имиџот на Вашиот бизнис со тоа го зголемувате тој процент на 60%. Сега ќе имате 600 индивидуалци кои ќе имаат интерес за Вашиот бизнис.
  • Трансформација на повеќе индивидуалци со интерес во индивидуалци со желба. Кога некои индивидуалци ќе имаат интерес за Вашиот бизнис, Вашиот продажен тим ќе мора да ги трансформира во индивидуалци со желба за купување. На пример вашата стапка на трансформација на индивидуалци со интерес во индивидуалци со желба е 50% што ќе ви донесе 300 индивидуалци со желба за купување. Сега Вашиот продажен тим ги контактира директно, им праќа е-mail, ги едуцира за производот и/или услугата и на таков начин ја подобрува стапката на трансформација од 50% на 60% што ќе ви донесе 360 индивидуалци со желба за купување.
  • Трансформација на повеќе индивидуалци со желба во купувачи. Сега потенцијалните потрошувчи се во Вашиот продажен објект и го гледат и допираат производот. На пример, квалитетот на понудата и на самите производи во овозможува стапка на трансформација од 50%. Доколку го подобрите дизајнот и квалитетот на Вашите производи и/или услуги ќе ја зголемите стапката на трансформација на 60% и ќе имате 216 купувачи.

Значи без подобрување ќе имате 500 со интерес, 250 со желба и 125 купувачи. Со 10% зголемување на трите трансформации во продажната инка ќе имате 216 купувачи што претставува зголемување од 72,8% на вкупната стапка на трансформација (од 12,5 на 21,6). Тоа претставува ефект на пеперутка.

post

МАРКЕТИНГ СРЕДСТВА 16 – СВЕТЛЕЧКИ РЕКЛАМИ

Досега во оваа серија од над 100 маркетинг средства опфативме некои медиуми кои се делат како брошури, флаери и визит карти. Опфативме некои средства кои претставуваат маркетинг помагала – маркетинг план и маркетинг календар. Сега како 16 средство нешто што се наоѓа надвор од бизнисот а може да има силен маркетиншки ефект во зголемување на бројот на потрошувачите за Вашиот бизнис. Ова 16-то маркетинг средство е светлечката реклама пред Вашиот бизнис. Ова средство е применливо за малопродажните или во одредени случаи за големопродажните бизниси. Иако не е забрането и за производствените и услужните бизниси.

Зошто светлечки реклами?

Едноставно да не ве поминат. Луѓето често пати не загледуват лево или десно од нивниот пат. Особено кога живееме во време кога ретко можеме да видиме човек без проблеми, луѓето едноставно се замислени во своите сопствени проблеми и се случува со години да не забележат дека е отворена нова продавница иако секојдневно поминуваат по таа улица. Затоа е потребно нешто што ќе им го привлече вниманието, нешто што ќе им го сврти погледот кон Вашиот бизнис.

Во ноќните часови ова се остварува со помош на светлечките реклами пред Вашиот бизнис. Тие ќе му го привлечат вниманието на обичниот поминувач низ улицата и ќе го навлечат да влезе едноставно да види што има и што се нуди.

Би зел еден пример:

  • Низ Вашата улица дневно поминуваат 1000 луѓе. Да кажеме дека 10% од истите ќе погледнат кон Вашиот продажен простор. Тоа се 100 луѓе од кои 10% ќе влезат тоа се 10 луѓе од кои 10% ќе купат тоа е еден.
  • Доколку Вашата светлечка реклама привлече внимание на уште 20% од случајните минувачи ќе имате 300 луѓе кои ќе погледнат, 30 ќе влезат, а 3 ќе купат.

Вистинската пресметка на овој ефект ќе ја добиете со вистинските бројки од Вашата продажна инка.

Во секој случај ефект постои. Но од тој ефект ќе зависи и бројот на луѓето кои ќе ја забележат Вашата светлечка реклама. Доколку навистина привлекува внимание наместо 20% дополнителни можеби ќе остварите 50% дополнителни а тоа ќе значи 6 луѓе кои ќе купат.

Како да ја подесите

Ќе наведеме неколку работи на кои треба да обрнете внимание при избор и подесување на Вашата светлечка реклама:

  • Да биде доволно голема за да биде видлива за случајните минувачи.
  • Да постои можност да се гледа и прочита од двата правца на движење по улицата.
  • Да користи бои кои привлечуваат внимание, но не замараат од друга страна.
  • Да го има логото на Вашиот бизнис.
  • Да пренесува порака за Вашиот имиџ на случајните минувачи.
post

МАРКЕТИНГ СРЕДСТВА 15 – ЗАДОВОЛНИ ПОТРОШУВАЧИ

Продолжуваме со 15-тото маркетинг средство од ветените над 100 маркетинг средства. За 15-то маркетинг средство се одлучивме да биде задоволни потрошувачи. Често пати оваа маркетинг средство се заборава како едно од најефикасните и најефективните маркетинг средства. Претприемачите во потрага по нови свежи потрошувачи забораваат на тековните задоволни потрошувачи. Ова маркетинг средство може да претставува како една маркетинг стратегија која претставува win-win стратегија.

Задоволните потрошувачи – нејефективно маркетинг средство

Зошто задоволните потрошувачи претставуваат Ваше најефективно маркетинг средство. Како прво тие не ве чинат ништо, можат да ви донесат уште многу други потрошувачи кои може да станат задоволни потрошувачи. Ова е еден вид на маркетинг од уста до уста. Да земеме еден пример:

  • Имате 10 задоволни потрошувачи кои постојано се враќаат и купуваат кај Вас.
  • Тие 10 задоволни, но навистина задоволни и импресионирани од бизнисот со Вас нека ве препорачаат и испофалат на 5 свои пријатели. Тоа се веќе 50 нови потрошувачи за Вашиот бизнис.
  • Вие успевате и тие 50 да ги претворите во навистина задоволни потрошувачи. Па сега имате 60 задоволни потрошувачи во Вашиот бизнис. Новите 50 нека ве препорачаат на уште по 5 свои пријатели. Така ќе добиете 250 нови потрошувачи.
  • Повторно успевате да ги задоволите истите и да ги претворите во навистина задоволни потрошувачи.И сега имате 310 задоволни потрошувачи. Тие 250 ново задоволни потрошувачи ве препорачаат на уште по 5 свои блиски. Тоа се 1250 нови потрошувачи. Кои доколку ги задоволите ќе станаат задоволни потрошувачи.
  • Продолжете и понатаму со исто темпо.

Да видиме какви се финансиските импликации од ваков начин на работа. На пример секој од задоволните потрошувачи троши по 2000 денари месечно во Вашиот бизнис. Во првиот циклус со 10 задоволни потрошувачи ќе имате приход од 20.000 денари месечно од истите. Во вториот циклус со 60 задоволни потрошувачи по 2000 денари тоа 120.000 денари приход. Во третиот циклус ќе имате 310 задоволни потрошувачи по 2000 денари во просек тоа се неверојатни 620.000 денари месечен приход. Во четвртиот циклус ќе имате 1560 задоволни потрошувачи по 2000 денри во просек ќе имате крајно неверојатни 3.120.000 денари месечно. Забележувате каков експоненцијален раст претставува од еден во друг циклус. Со искачување од прво ниво до четврто ниво Вашата продажба ќе се зголеми за 156 пати.

На ваков начин Вашиот бизнис ќе расте со експоненцијален раст. Влегувате во еден една бесконечна спирала на раст на базата на податоци од Вашите задоволни потрошувачи. А не сте потрошиле дополнителни пари за реклами на радио, ТВ, брошури итн.

Друг начин на искористување на оваа богатство

Освен распространувањето за Вас и Вашиот бизнис преку уста до уста од страна на задоволните потрошувачи постојат и други начини за нивно искористување. Едно од најкористените начини е збогатување на Вашите маркетинг материјали со препораките од Вашите задоволни потрошувачи. Ова значи да ги истакнете препораките во вашите брошури, флаери, продажни писма, бизнис веб страната итн. На ваков начин само уште повеќе ќе ја зголемувата базата на податоци на задоволни потрошувачи.

Луѓето вообичаено сакаат да слушнат од некого некој добар збор пред да донесат одлука за купување. Доколку прочитаат дека некој кој работел со Вас претходно иуште работи навистина е задоволен од Вашите производи и услугата која му ја пружате полесно ќе донесе одлука да купува кај Вас.

Оваа маркетинг средство значи да ги претворите Вашите купувачи во Ваш продажен тим. Оваа ја зголемува потенцијалната енергија како на Вашиот бизнис така и на Вашиот маркетинг.

Да ја провериме оваа комбинација на два начина на искористување на оваа маркетинг средство:

  • Започнуваме со истиот број на 10 задоволни потрошувачи кои препорачуваат на по 5 свои блиски. Во исто време некој на Вашата веб страна чита за препораките од Вашите задоволни потрошувачи, некој ќе ја прочита Вашата брошура со препраката, а некој ќе прочита од некое друго маркетинг средство. На таков начин, на пример добивате уште да кажеме 20 нови потрошувачи. Сега имате 10 задоволни и 70 нови потрошувачи кои доколку ги претворите во задоволни ќе имате 80 задоволни потрошувачи.
  • Втор циклус. Новите 70 задоволни ве препорачуваат на по 5 свои блиски. Тоа се 350 нови потрошувачи кои се надополнуваат на пример со 50 нови потрошувачи кои прочитале некоја препорака за Вас. И сега доколку тие нови 400 потрошувачи ги претворите во задоволни потрошувачи ќе имате 480 нови задоволни потрошувачи.
  • И така натаму до бесконечност.

Која е Вашата работа?

Сето горенаведено изгледа супер. Но, сепак е тешко остварливо. За ефикасно и ефективно користење на оваа маркетинг средство ќе треба да се насочите на следниве 3 работи:

  • Прво и основно секој потрошувач да го задоволите за да стане во исто време и Ваш продавач. Понудете му квалитетен производ, квалитетна услуга. (Прочитајте за маркетинг стратегијата пржено јајце). Таа трансформација од потрошувач во задоволен потрошувач не е лесна. Ја градите со градење на Вашиот кредибилитет, репутација, начин на однесување, дополнителни услуги, имиџот…
  • Контактирајте ги одвреме навреме тие Ваши задоволни потрошувачи. Прашајте ги кои им се потребите. Станете блиски со нив. На ваков начин ќе ја зголемите довербата.
  • Постојано барајте препораки од Вашите задоволни потрошувачи и изберете ја најдобрата препорака која со одобрение на тој Ваш потрошувач ќе ја вметнете во Вашите останати маркетинг материјали.

Треба да знаете дека некаде ќе успее додека некаде нема да успее оваа маркетинг средство. Но, во секој случај не губите, задоволниот потрошувач продолжува да биде Ваш потрошувач.

post

ВЕШТИНИ КАКО ИЗВОР НА ПОТЕНЦИЈАЛНА ЕНЕРГИЈА КОЈ ПРЕСУШУВА

За вештините, поточно за менаџерските вештини стана збор во еден од претходните написи – менаџмент вештини. Во тој напис вештините ги опишавме како знаење да се извршуваат некои активности или задачи. Кога станува збор за менаџерски вештини тоа се знаење за да се извршуваат менаџерски активности или задачи. А, пак кога санува збор за претпреимнички вештини тоа се знаење да се извршуваат претпреимнички активности или задачи.

Вештините може да бидат вродени (интелигенција), стекнати со учење преку образовниот систем, стекнати преку искуство или пак преку некое хоби со кое се релаксираме. Многу е погрешно кога се мисли дека е доволно само образованието, на пример, факултетот и имам вештини за се. Факултетите не можат да не научат на се! Тие само ни ги даваат правците за понатаможна доедукација за стекнување на вештини.

Како прво сакам да нагласам дека вештините не се непресушни. Можете да имате вештини за изведување на денешните бизнис активности, но истите да не одговараат за изведување на утрешните бизнис активности. А вашиот бизнис се менува постојано. Па така денес сте добар претприемач, утре слаб. Значи Вашите вештини претставуваат како сад со вода (вештини) кое на дното е избушен и малку по малку водата (вештините) истекуваат. Оваа е заради временската рамка која постои кај вештините. Доколку постојано не го надополнувате шишето со нова водата (вештини) по одреден период шишето ќе стане празно, односно вашите вештини нема да одговараат за времето кое го живеете.

На сликата десно е претставена ова појава. Значи имаме сад со вода. Садот претставува претприемачот, додека водата ги претставува вештините. Можете да забележите дека од садот постојано истекува вода – вештините. Ова значи дека претприемачите ги губат сопствените вештини. Затоа, постојано мора да се додава вода – вештини во садот како истиот постојано би бил полн.

Зошто доаѓа до една ваква состојба на постојано истекување на вештините на претприемачот:

  • Временска рамка. Со текот на времето и потребните вештини се менуваат. На пример, пред 30 години не биле потребни вештините за работа на компјутер. Но, биле потребни вештините за водење на хартиена евиденција.
  • Напредок на науката. Науката во светски рамки се развива толку бргу што не може да се следи со голо око. Оваа наука влијае на светските трендови како во однос на живото на луѓето така и на функционирањето на бизнисите. Ние не можевме ни да замислиме дека денес нашите деца ќе се играат со играчки какви што постојт денес.
  • Развој на нова технологија. Технологијата постојано се развива. Производствените процеси не се исти како пред 20-30 години. Дури и да има исти не верувам дека уште долго време ќе опстанат. Многу производствени претпријатија се затворија во последните 15 до 20 години токму поради тоа што не ја менуваа опствента технологија на производство.
  • Конкуренција. Постои можност конкуренцијата да ги следи тредовите во однос на вештините и да стекне поголеми вештини од Вас. Така Вашите вештини губат вредност во бизнис светот.

Забележувате дека вештините се пресушен извор на потенцијална енергија за Вашиот бизнис. Затоа мора постојано да ги надополнувате како постојано би ја зголемувале бизнис потенцијалната енергија. Но, како?

Прво нешто е постојано да се учи и да се следи се што се случува на полето на технологијата како на локално така и на глобално ниво. Втора работа е следење на состојбите во индустријата во која се наоѓа Вашиот бизнис преку читање на списанија или веб страници на интернет кои се занимаваат со оваа проблематика.

Во еден од следните написи за методи и техники за да не се овозможи истекување на вештините.

post

КАКО ДО БИЗНИС ИДЕЈА КОЈА Е ВО СОГЛАСНОСТ СО ВАШИТЕ ВЕШТИНИ?

Како што знаете секој бизнис започнува со бизнис идеја која што доаѓа од мозокот на претприемачот. Колку Вашата бизнис идеја има поголема бизнис потенцијална енергија толку ќе биде поголема бизнис потенцијалната енергија на целиот бизнис. Бизнис идејата е првиот чекор во започнување на бизнис. Но, една работа која може драматично да ја зголемат потенцијалната енергија на Вашата бизнис идеја е таа бизнис идеја да одговара на Вашето знаење и пасија за нешто.
Веќе пишувавме за три чекори во процесот на генерирање на бизнис идеи:

  • Прв чекор: Интеграција на Вашето знаење, пасија и хоби
  • Втор чекор: наоѓање на проблем на пазарот и
  • Трет Чекор: Дефинирање на целен пазар

Доколку го изведете успешно првиот чекор од процесот на креација на бизнис идеја веќе ќе поминете половина пат за да постигнете Вашата бизнис идеј да биде со најголема бизнис потенцијална енергија.

Овој прв чекор интеграција на знаење, пасија и хоби претставува интеграција на Вашите вештини во Вашиот иден бизнис. Што се тоа вештини? Наједноставно кажано вештините претставуват знаење да се извршуваат некои активности или задачи. Но, од каде оваа знаење? Знаењето се стекнува преку пет можни извори на знаење како што се:

  • Знаење од образовниот систем
  • Знаење од дома
  • Вродена интелигенција
  • Знаење стекнато со искуство
  • Знаење од Вашето хоби

Кои се идните поволности

Вашите вештини претставуваат непресушен извор на потенцијална енергија за Вашиот бизнис не само во фазата на започнување туку и во понатамошните фази од животниот циклус на бизнисите. Тие претставуваат Вашата суштинска конкурентска предност за Вашиот бизнис. Можеби во почетните фази на Вашиот бизнис токму вашите Вештини ќе бидат клучни за стекнување на соодветна конкурентска предност. Кога имате вештини за Вашиот бизнис ќе имате моќ да го однесете Вашиот бизнис кон успешноста. Потоа ќе ја сакате Вашата работа со што ќе донесете голем потенцијал во Вас самите како претприемач. Да не заборавиме на заштедите кои ги добивате.
Следниве поволности ќе можете да ги почувствувате со започнување на бизнис кој е креација на бизнис идеја која е во склад со Вашето знаење:

  • Ќе имате знаење за Вашиот бизнис. Доколку имате знаење ќе ги избегнете грешките кои може да бидат опасни за Вашиот бизнис.
  • Доколку имате вештини со кои ќе ги изведувате активностите на Вашиот бизнис тогаш ќе заштедите пари од најмување на луѓе за да се изведат тие активности.
  • Ќе можете да го решите секој проблем кој ќе се појави во Вашиот бизнис.
  • Процесот на донесување на одлуки ќе биде поквалитетен и поефективен.
  • Ќе ја сакате Вашата работа. Ова ќе донесе и среќа во Вашиот живот.
  • Вашата пасија за бизнисот ќе биде на највисоко можно ниво.
  • Вашата работа нема да биде многу стресна.
  • Ќе стекнете конкурентска предност која не може да се имитира.

Процес на добивање на бизнис идеја во согласност со Вашите вештини

Значи вие имате некои вештини стекнати преку едукација, интелигенција, од дома, искуство или пак хобито. Доколку сакате да дојдете до бизнис идеја која ќе биде во согласност со Вашите вештини ќе треба да поминете низ следниов процес на генерирање на бизнис идеи:

  • Анализа на Вашите вештини. Во овој дел ќе треба да си поставите и одговорите неколку прашања. Какви се вештини ги имате? Кои вештини ви се на високо, а кои на ниско ниво? Какво е Вашето образование? Кое е Вашето хоби? Откако ќе ги наведете сите вештини кои ги имате подредете ги од оние со највисоко ниво до оние со најниско ниво
  • Генерирање на бизнис идеи во согласност со тие вештини. Во оваа фаза од овој процес мора да ја кренете креативноста да ви биде на високо ниво. Веќе пишувавме за креативноста во 6 совети за креативност за добра бизнис идеја. Забележувајте ги идеите покрај секоја претходно забележана вештина.
  • Избор на бизнис идеја која е во согласност со повеќето од Вашите вештини. При избор внимавјте да ги изберете идеите кои се во согласност со вештините кои ви се на повисоко ниво.

При овој процес изберте повеќе бизнис идеи бидејќи ова е само првиот чекор од процесот на креација на бизнис идеи. Сеуште ќе треба во идејата да ја внесете пазарната карактеристика на истата – проблем и целен пазар. Но, во секој случај како што напоменавме ова е половина пат до Вашата бизнис идеја со голема потенцијална енергија.

post

МАРКЕТИНГ СТРАТЕГИЈА – ПРЖЕНО ЈАЈЦЕ

Да разгледаме една интересна маркетинг стратегија која може да има силно влијание врз начинот на практицирање на Вашиот бизнис.

Автор на оваа стратегија е Бошко Тоскиќ кое своето големо професионално искуство стекнато во кампании како ИБМ, Ауди, Ивеко, Алфа Ромео, итн., го преточи во неколку бестселери како „Verbal driver” и „Стратегија на пржено јајце„.

Во овој текст ке ги изложиме основните тези на овој експерт од областа на маркетингот. По него купувачеот не купува, туку купувечот бира. Или се разликуваш или не си одбран. Ти не продаваш!!! Постоат два начини да се издвоиш од конкуренцијата:

  • Попуст и
  • Вредност.

Во секој случај подобро е вредноста да ве разликува од Вашата конкуренција. Паролата како шо е :„Купувај од мене оти ти давам поголем попуст„ во секој случај донесува мал профит! Од друга страна паролата :„Купувај од мене оти ти давам поголема вредност„ – донесува според него поголеми нарачки.

Не го убедувај купувачот да купува! Запали го огинот и гледај…. „Сакам да купувам, ама мразам да ми продаваат„ е парола на скоро секој купувач. Денешниот купувач поседува голем број на информации, станува се повеќе упатен во производите/услугите, и кога ке ја осети потребата, тој поминува низ три фази:

  • Ке одреди одреден број на набавувачи кои можат да ја задоволат неговата потреба
  • Ја проценува секоа алтернатива
  • Ја избира онаа алтернатива која ке ја задоволи неговата потреба

Жолтката од јајцето е производ. Белката е услуга. Купувачот сака цело јајце – и жолтката и белката, поточно купувачот ја сака додадената вредност (Added Value)!

Ако купувачот мисли дека вашиот производ е сличен како производите на конкуренцијата, ќе бара дополнителни попусти, рабати … итн. само за да ви го одбере вашиот производ/услуга.

Диференцирајте ги вашите производи за да ги избегните бесконечните попусти, бонуси, рабати…Вашата жолтка заокружете ја со белката, за да бидете препознати на пазарот, за да ги зголемите можностите и за да се издвоите од конкуренцијата.

**********************************************************

Овој напис е напишан од Предраг Стојковски директор на компанијата INTRO GROUP ДООЕЛ Битола која се занимава со финансиски консалтинг. http://www.introgroup.co.cc

**********************************************************