Бидете секогаш најиновативни! Алатки, екниги и видео презентации само за најхрабрите!

post

ТЕХНОЛОГИЈА – НЕМА ПРИЧИНИ ЗА СТРАВ

Кога го изговараме зборот технологија мислиме не само на технлогијата како тврд елемент (нешто што се опипува) туку и на примена на знаење, методи, техники и средства во остваување на целите. Секој претприемач има поставено цел за сопствениот бизнис. Целта може да биде обезбудување на плати за себе и за вработените, остваување на профит, градење на стаблен бизнис кој ќе носи соодветен приход итн. Значи се она што ќе помогне во остварување на нашите претприемнички цели треба да го искористиме. Технологијата има огромна улога во исполнување на нашите цели. Но, од друга страна постои огромен страв во користење на истата. Стравот доаѓа заради следниве причини:

  • Дали ќе се снајдеме да ја користиме новата технологија која постои.
  • Ќе треба да учиме за да го зголемиме знаењето за новата технологија.
  • Дали ќе се исплати вложениот труд?
  • Нашето досегашно знаење за работата ќе треба да се промени, а со тоа ја губиме моќта што ни е обезбедена од досегашното знаење.
  • Ќе реба да се спроведат промени во работењето на бизнисот.
  • Вработените ќе бидат отпорни кон користење на новата технологија.

Сакаме да докажеме дека овие причини за страв се неосновани:

  • Човекот по природа е снаодлив. Некој омалку, некој повеќе, но сепак секој човек е доволно снаодлив инаку не би опстанал на планетата земја. Така да секој може да се снајде да користи нова технологија, некој со помалку, а некој со повеќе труд.
  • Човекот по природа постојано учи. Некој помалку, некој повеќе, но никој не е „глуп“ да не може да научи нешто. Така знаењето за новата технологија секогаш може да се зголемува.
  • Секој вложен труд некогаш ќе се сиплати. Ако не веднаш по еден месе, два месеци, година.
  • Ќе ја изгубиме моќта со претходното знаење, но ќе добиеме поголема моќ со новото знаење и во комбинација со новата технологија таа моќ ќе бидеуште посилна.
  • Отпорноста кон промени секогаш ќе постои, но и методи и техники за надминување на таа отпорност.

А што ќе добиеме со примена на нова технологија во работењето на бизнисот?

  • Зголемена ефикасност и ефективност како на личен така и на бизнис план.
  • Зголемена конкурентска предност.
  • Повеќе потрошувачи.
  • Подобра контрола на работата.
  • Поголемо задоволство.
  • Поголема моќ как на претприемачот така и на бизнисот

ОТФРЛЕТЕ ГО СТРАВОТ. НЕ ВИ Е ПОРЕБЕН. ПРЕПРИЕМАЧИТЕ, ОНИЕ УСПЕШНИТЕ СЕ ХРАБРИ.

post

МАЛОПРОДАЖБА – ОГРОМНО ЕКОНОМСКО ЗНАЧЕЊЕ ЗА СИТЕ ЗЕМЈИ

Малопродажбата претставува еден многу динамичен сектор кој се разликува од сите останати бини сектори. Повеќето од развиените земји малопродажбата ја сметаат како еден од назјачајните економски елементи на земјата. Зошто е тоа така? Малопродажбата:

  • обезбедува огромно вработување а со тоа и посилна економија на државата (во еден просечен град од околу 100.000 жители доколку има 3.000 малопродажни објекти со просек oд 3 вработени тоа се скоро 10 процентно вработување)
  • поттикнува инвестиции (се градат објекти, се инвестира во опрема, се градат пристапни патишта…)
  • носи технолошки напредок (се бараат нови начини на продажба, се бараат нови производи и/или услуги …)
  • претставува директен генератор на приход
  • обезбедува стоки и услуги по соодветна цена на крајните потрошувачи
  • претставува директен контакт со корисникот на производите и/или услугите

Но, од друга страна не е лесно да се работи и опстане во овој сектор бидејќи:

  • Постои голема конкуренција (најлесно е да се започне со малопродажба, се бира локација, се набавуваат производите и се отпочнува со малопродажба)
  • Малопродажбата секогаш е прва на удар на инспекциските органи за ситни работи (Ова е поради фактот бидејќи само тоа знаат да го работат. Но, размслуваме зошто е тоа така? Во еден поранешен систем во кој беше и нашата земја, големите претпријатија беа во сопственост на државата и по налог на некои т.н ценрални комитети нормално не сепроверуваа. А, од друга страна малопродажбата беше еден од ретките можности за приватен сектор и претприемничко работење, па секако преставуваа „најголема опасност“ за државата. Со тоа инспекциските органи стекнаа едно огромно искуство во малопродажбата. Е, токму тоа искуство стекнато од еден поранешен период не може да се избрише. Иако штетата за државата на некои други места е многу поголема.)
  • Мора да ги следи роковите, цените, пазарот… Доколку не се следат овие елементи набавените производи можат да остнат на грбот на малопродавачот и наместо профит следува загуба.

Дистрибуцијата на потрошувачките производи започнува со производителот, преку еден или повеќе дистрибутери, преку малопродавачот до крајниот потрошувач. Значи, од малопродажбата во голем дел зависи и успехот на одредени производи и/или услуги.

post

ИЗРАБОТКА НА ГРАФИК ЗА ABC АНАЛИЗА СО ПОМОШ НА MS EXCEL

Ова видео претставува продолжение на претходното за користење на MS Excel во изработка на ABC анализа. Графичката претстава е поедноставна за разбирање од табеларната и со само еден поглед може да се забележат кои производи спаѓаат во категорија А, кои во B, a кои во C.

 

post

PRETPRIEMAC.COM ПО 2 МЕСЕЦИ

Што се направивме за два месеци? Еве накратко што се можете да најдете на pretpriemac.com и на блогот на pretpriemac.com:

  • До 20.02.2009 објавивме 45 артикли на pretpriemac.com. Секој артикал е околу 3 страни, при што добивате електронска книга за претприемништво од 135 страни. Ова е само во моментов секоја недела страните се зголемуваат за 4 артикли (12 страни). Ова се материјали за општо за претприемништво и бизнисот, започнување на бизнис, финансии, маркетинг, бизнис план, анализи итн. Тие се во вид на упатства, анализи, истражувања. Сите имаат одредена вредност која може да биде упоребна за Вашиот бизнис. Сите тие овозможуваат учење, а учењето ќе ве зајакне со знаење, а знаењето ќе ви даде моќ.
  • До 20.02.2009 објавивме 24 блог постови на блогот на pretpriemac.com. Секој од овие блог постови е околу 1 страна и тоа се 24 страни материјал. Ова е необавезен материјал како мислења, ставови, препораки и слободни состави кои едноставно можат да ви дадат идеа за некои правци за Вашиот бизнис. Тие се дизајнирани да можете да давате и Ваши коментари со цел да се подобрува целокупната содржина на pretpriemac.com.
  • Во тек е едно исражување кое ќе трае 3 месеци. Оваа е општа нализа на пазарот во Република Македонија која откако анкетниот прашалник ќе се затвори ќе се изанализираат податоците и ќе бидат објавени на pretpriemac.com за да можете да ги користите во Вашите бизнис планови.
  • Имаме изработено 2 видео материјали кои се од 3-7 минути едно. Едното е објавено, а второто следува. Целта ни е 3-4 видео материјали месечно да објавуваме на pretpriemac.com. Доколку една слика менува 1000 зборови, колку зборови менува едно видео? Овие видео материјали се и ќе биднат со практични содржини како да направите нешто, како да користите некој софтвер и се тоа во полза на Вашиот бизнис. Искористете ги тие се БЕСПЛАТНИ.
  • Започнавме со Форум на www.forum.pretpriemac.com но можеби прерано. Но тој е отворен за секој да може да твара теми и поставува прашања преку истиот.

Да сублимираме: 160 страни материјал од областа на претприемништво за читање, едно истражување, видео материјали од над 10 минути, форум. Сето ова е достапно на pretpriemac.com за само 2 месеци. А што се ќе има по 2 месеци, сеуште и ние не можеме да замислиме.

post

НОВ НАПРЕДОК – ПЛАЌАЊЕ ПРЕКУ ИНТЕРНЕТ НО ДАЛИ Е ДОВОЛЕН?

Пред некое време УНИ Банка ја воведе својата најавувана услуга за овозможување на плаќање преку интернет. И тоа е добро, за првпат една банка воведува ваква можност. На една страна ги наведува предностите од користење на e-commerce услугата на банката, па вели:

  • ниски трошоци за формирање и одражување на Интернет продажното место во однос на класичното продажно место (не постои продавница во физичка смисла, оптимална количина на залиха, помал број на вработени и сл.);
  • работење по принципот 24×7 (Интернет продажното место не е ограничено со работно време);
  • достапност на производите/услугите до потрошувачите во целиот свет;
  • cross-selling и поголема сегментација на пазарот;
  • продавачот ќе биде идентификуван од страна на купувачот како лидер во примената на современата технологија.

Сето оваа е точно секоја чест.

Потоа, посебно ги наведува критериумите кои е потребно да се исполнат (небаре запишувате факултет):

  • е регистрирано за извршување одредени видови на дејности и тоа минимум да работи веќе две години; (ЗОШТО ВАКВО ОГРАНИЧУВАЊЕ)
  • има отворена сметка во УНИБанка; (ОК, СОПСТВЕНА УСЛУГА)
  • да нема доспеани а ненаплатени обврски кон УНИбанка и да не доцнело повеќе од 30 дена во подмирување на обврските; (НЕ МОЖЕ ДА НАПЛАТИ ПОБАРУВАЊА ОД НЕКОИ КЛИЕНТИ, ПА СО ВАКВИ УСЛОВИ ЌЕ ГО ЕЛИМИНИРА)
  • во последните 12 месеци да нема блокада поголема од 5 дена во континуитет, а во последните 6 месеци, 5 дена вкупна блокада; (ПА И ОВА ОК)
  • има остварено приход во предходната година од работење; (НЕ ЗНАМ НА ШТО СЕ МИСЛИ, ПРИХОД МОЖЕ ДА БИДЕ И 1 ДЕНАР)
  • има потпишано договор за прифаќање на платежни картички на ПОС терминали на УНИБанка, доколку правното лице работи со платежни картички. (СОСЕМА НЕРАЗБИРЛИВО ЗОШТО, ОСВЕН ДЕКА СЕ ОБИДУВА ДА ЈА ЗГОЛЕМИ ПРОДАЖБА НА ЕДЕН ВИД НА УСЛУГИ СО ОВОЗМОЖУВАЊЕ НА ДРУГ ВИД).

Потоа има Минимум барања во вид на pdf документ кој можете да го симнете и вика (САМО НАЈИНТЕРЕСНИТЕ):

  • Business plan за Интернет продажното место за минимум 1 година (бонитет на фирмата, пазар на набавка и пазар на продажба, организациони аспекти на проектот – вработени, одговорности, финансиска анализа т.е cost-benefit анализа, извори на финансирање, приходи и расходи; пазарно-финансиска оценка на проектот- конкуренција, пазарно учество; специфицирани производи кои ќе се продаваат, начин на испорака, начин на рекламација, планиран обем на промет, диапазон на цени на производите кои ќе ги продава…) – КУКУ ЛЕЛЕ
  • Допонително по барање од банката: Тековна состојба од Централен регистар, ЗП образец од Централен регистар, Даночна регистрација (ЕДБ), Финансиски извештаи за последните два периоди, Даночен биланс, Заклучен лист со последна дата, Опис на побарувањата и обврските, Попис на основните средства, Картица на денарски и девизен промет, Потврда од суд за постоење или непостоење на стечајна постапка /ликвидација (Ова дополнително сигурно ќе биде задолжително) – ПАК КУКУ ЛЕЛЕ

Потоа има други барања и барања за web сајтот и вика:

  1. Shopping Card-Koшничка
  2. SSL Sertifikat- secure socket layer
  3. Data Base за сите пријавени кои ја користеле кошничката и се регистрирале за купување
  4. Privacy Policy
  5. Refund Policy
  6. Shipping Policy (за колку дена ќе биде испорачана стоката, како ќе биде испорачана на пр: DHL и сл.)

Да видиме слична услуга на CLICKBANK како се подесува (Штета што ја нема Македонија како опција):

  • Регистрација на clickbank
  • Да имате 2 страни, една со објаснување на Вашите производи и друга страна со благодарност.
  • Поврзување на тие страни со формата за нарачка на clickbank
  • Да имате страна за испорака и e-mail за техничка подршка.
  • И тоа е тоа. И се онлајн без еден куп на документи од еден куп институции.

НО И ОВА НАШЕВО Е ЕДЕН ВИД НА ПОЧЕТОК. САМО ДА НЕ ЗАСТАНЕ ТУКА И ДА НЕ СОПРЕ НЕКОИ ГЛОБАЛНИ ТРЕНДОВИ ДА БИДАТ ДОСТАПНИ И ЗА МАКЕДОНИЈА (PayPal, ClickBank …). ТОКМУ И ТОА Е ЦЕЛТА НА ОВОЈ БЛОГ.

post

KAKO СО MS EXCELL ДО ABC АНАЛИЗА

Овој видео материјал е со цел да Ви помогне во изработка на ABC анализа со Microsoft Excel. Некој можеби е понапреден и ќе може да го користи во убрзана верзија, некој може да кликне на пауза. Ова е најпрост облик на ABC анализа. За демонсттрација е користен е MS Excel 2007 додека претходните верзии се поразлични единствено во линијата на алатки. Така само знакот на сума може да биде проблем (но тоа е истиот знак ∑). Полесно се наоѓа во претходните верзии. Она што е важно е дека ќе треба доколку имате софтвер за продажба податоците да ги пренесете во MS Excel, а пак доколку немате електронска евиденција на продажбата рачно од Вашите тетратки внесете ги во табелата. Можеби ќе изгубите еден ден, но верувајте ќе ви даде насоки за иднина кои се повредни од еден ден работа. Погледајте го видеото и ќе видите колку е едноставно да се направи ABC анализа.

Откако ќе завршите со анализава прикажана на видеото Вие ќе ги имате вашите производи (материјали или услуги) поделено во 3 категории. Направете го следново по анализата:

  1. Насочете се на категоријата A (имајте ги на залиха секогаш во доволни количини).
  2. Производите од категорија B држете ги во помала количина од А но пробајте на некој начин да ги префрлите во B со зголемување на продажбата на истите.
  3. Производите од категоријата С или елиминирајте ги или најдете начин дел од истите да ги префрлите во категорија В, па потоа во А.

Така ќе се насочите поефективно и поефикасно кон системот за управување со залихи и ќе ги откриете производите кои не ви носат приход, а со тоа ни профит.

post

ЕДНА ВИСТИНИТА ПРИКАЗНА ЗА ЛОША ПРОДАВАЧКА!

Ова е вистинита случка со еден претприемач и една негова продавачка. Се работи за стартап бизнис во кој претходните 4 месеци работи самиот претприемач. По четири месеци како што полека се зголемува работата претприемачот одлучува да вработи една продавачка на половина работно време од 4 часа. Добива препорака од еден добар пријател за едно девојче. Договорот е на фиксна и варијабилна плата (како процент од продажба). Продавачката е студент и и треба некој џепарец. И се е ОК. Претприемачот се разлабавува во поглед на продажба со цел да се насочи на маркетинг, соодветни набавки и анализа за тоа што треба да се набавува повеќе. Поминува една недела, продавачката не знае да фати метла. Поминува втора недела, продавачката не знае да избрише прашина. Поминува трета недела, продавачката од 4 часа работно време 3,5 ги поминува во дуќан од спротивната срана на улицата на кафе муабет. Додека да претрчи потенцијалните купувачи си одат. Поминува пета недела, претприемачот забележува дека продавачката воопшто не знае со кои производи располага малопродажниот бјект. Поминува шеста недела, претприемачот забележува дека продавачката не знае да продава (не знае да процени кој за што влегува, каков производ прво да онуди поскап или поевтин итн.) Поминува и седма недела претприемачот и дава дополнтелна задача за парите што ги зима како плата во вид на подготовка на неделни блтени итн. Поминува и осма недела, ништо, продажба стои во место 0 или празно множество, а бизнисот прави загуба во висина на платата што ја исплаќа. Поминува и девета недела и пак ништо. Претприемачот се обидува со раговори, обуки, но незаинтересираноста продолжува. Поминува 10 недела, претприемачот воведува таргети во продажба и ја намалува платата во износ на процент на неостварени таргети. Но, повторно ништо, незаинтересираност и незаинтересираност. Поминуваат 4 месеци, на продавачката и е даден одмор. Сите викаат браво. Но, загубите се трупаат и трупаат се додека на по петиот месец претприемачот и продавачката не се разделија.

Што е онаа што треба да се извлече како поука:

  1. Внимавајте кога вработувате, изберете го најдобриот.
  2. Студент може да ве превари. Не значи дека ако студира дека тогаш е доволно интелигентен. Продажбата бара интелигентни луѓе.
  3. Од секое дрвце свирче не бидува. Не губете време на обука и разговори. Не го очеувајте невозможното. Доколку во овој случај е реагирано по првиот месец би се уштеделе загубите од наредните неколку месеци.
  4. Бизнисот емоции не познава, туку добивки и загуби. Немојте да сте емотивен и емотивно да се врзувате со вработени. Ако не ги бидува не ги бидува и тоа е крај.
post

СИНЏИР УЧЕЊЕ – ЗНАЕЊЕ – МОЌ

Знаењето претставува една од најголемите потенцијални енергии на секој бизнис. Доколку претприемачот има знаење, тоа е негово. За него не плаќа камата на банки како за финансии кои претставуваат друга потенцијална енергија на бизнисите. Знаењето не може да го изгуби како парите. Тоа останува засекогаш во главата или поточно во мозокот на претприемачот и се користи за постигнување на успеси на бизнисот.

Знаењето е моќ. Моќта различно се деифинира од различна научна дисциплина. Физиката моќта ја дефинира како износ на извршена работа во единица време. Ако знаењето предизвикува моќВие ќе можете да извршите поголема работа во единица време. Точно. Доколку нешто знаете, проблемот побргу ќе го решите. Во однос на социолошкиот аспект, Max Weber ја дефинира моќта како можност која постои во социјални односи и која овозможува некој да ја наметне својата сопствена волја дури и ако постои отпорност кон тоа. Просто кажано, оној кој има моќ ја наметнува својата волја на другиот кој нема моќ да се спротивстави на тоа. Ако знаењето ви дава моќ вие тоа ќе го искористите да наметнете своја волја врз некој друг. Точно. Со знаење наметнувате сопствена волја на вработени, на снабдувачи (одложено плаќање, пониски цени), на купувачи при продажба итн.

Но треба да се опфати уште еден елемент во овој синџир знаење – моќ, а тоа е дека знаењето е последица на учењето. Човекот не се раѓа со знаење. Бебето кога се раѓа нема ништо во мозокот. Во текот на живото се посетуваат различни едукациски училишта (основно, средно, високо…), различни дополнителни курсеви, различно практично искуство кое се претвора во учење а потоа во знаење.

За претприемачите карактерисично е што постојано треба да учат и со тоа да го збогатуваат своето знаење, а со тоа и сопствената моќ. Со моќен претприемач и бизнисот е моќен. Со мала или воопшто без инвестиција можете да станете навистина моќен. Сега е моментот на вистинската одлука за учење и постојано учење. Само мала инвестиција во знаење може да ви донесе огромен упех. Затоа запомнете го синџирот:

УЧЕЊЕ – ЗНАЕЊЕ – МОЌ

post

ФИСКАЛНИ И СОФТВЕРИ ЗА ПРОДАЖБА

Како стоиме со фискални апарати, принтери итн. Да, тоа е регулирано со Закон за регистрирање на готовински плаќања со кој се уредува воведување и користење на фискален систем на опрема за регистрирање на готовински плаќања и кој стапи на сила на 04.05.2001. Супер, уште малку па 8 години како е на сила.  Нешто што е доста интересно со тој закон е регулирано и постоење на овластени производители и дистрибутери на фискални системи кои учествувале на повик на Министерство за финансии, ги исполниле пропишаните критериуми и добиле дозвола за производство. И на еден таков конкурс се избрани „најдобрите“, „најспособните“, „најквалитетните“ во „грабеж“ на векот во нашава напатена државичка. И така 6 фирми си го поделија кајмакот и уште си го делат од фискализацијата на нашата напатена државичка, а со тоа и успешно учествуваат во рушењето на претприемништвото и претприемничкиот дух. Уште нешто со тој закон. Вие како претприемач ќе мора да им плаќате за одржување на дистрибутерите на фискалните без разлика дали имате потреба од нивно одржување или не. Е ТОА СЕ ВИКА ПАЗАРНА ЕКОНОМИЈА ВО ЦРВЕНА (СОЦИЈАЛИСТИЧКА) БОЈА.

Софтвери за продажба се нешто сосема друго. Доколку сакаш фискален принтер кој работи преку компјутер и мора да има софтвер за продажба ќе мора да го набавиш од истиот дистрибутер (на фискалната) или пак од некој негов близок програмер кој е „најспособниот“ во програмирање за да го направи софтверот компатибилен со фискалниот принтер. Но од друга страна кога ќе појдете по продавници ќе забележите дека во најголем број на случаи се користат софтвери стари „100“ години. Ова се забележува по интерфејсот на истите. Едно нешто реба да се знае, и најдобриот програмер не може да направи бизнис софтвер сам. Не ја знае бизнис логиката. Во секој софтвер 10% е рабта на програмерот, а 90% е работа на бизнис експертот. Овој софтвер кој служи и за продажба и за регистрирање на готовински плаќања треба да му овозможи многу повеќе функции на претприемачот во вид на извештаи и аларми. Какви аларми? Аларми за залихи, аларми за потребни набавки, аларми за потребни плаќања итн. Какви извештаи? Извештаи кои во секој момент ќе дадат графички приказ за тековна состојба, за движењето на продажбата во определен временски период, за денови со најголем промет или најмал промет, за просечно купување од еден купувач, за маркетинг кампањи во споредба со продажбата… И уште еден куп други можности. Ова ќе овозможи соодветно следење на состојбата и подобрување на квалитетот на одлуките кои ќе се носат во иднина. Ова се вика BUSINESS INTELLIGENCE. Дури и Microsoft Excel може да ви даде подобри резултати отколку тие т.н. софтвери за продажба. А пак да не зборуваме за MS Access.

Но, да се надеваме дека некој ден ќе се либерализира и овој пазар во Република Македонија па и напатените претприемачи ќе ги почувствуваат поволностите. Едно време имавме најскап интернет. Конкуренцијата овозможи поевтин но поквалитетен интернет. Така и во оваа подрачје на фискализација е потребна одредена либерализација на пазарот, но со точно дефинирани минимални стандарди кои една фискална каса треба да ги исполнува. Зошто минимални? Па ако стандардите бидат максимални, нашиве колку се разбираат пак ќе го ограничат технолошкиот напредок. А тоа значи смрт за секаков бизнис.

post

ТРПЕЛИВОСТ, УПОРНОСТ

Секој бизнис нема да може да носи профит од самиот старт. Можеби ќе бидат потребни 1-3 години да се почувствува сласта на профитот. Но и тогаш парите ќе бидат малку. Многу бизниси пропаѓаат заради разочарување на претприемачите. Тие очекувале повеќе пари уште од самиот старт. Но секој нов бизнис е исто како бебе. Вие како родител рчате се додека е бебе. Тоа не може да ве послуша да ви донесе нешто се додека не порасне и не почне да разбира. Така и новите бизниси бараат вложување на труд и пари се додека не застанат на нозе. Овој период може да биде краток (што е редок случај), но може да биде и подолг (што е чест случај).

Затоа едни од клучните фактори за успех на претприемачите е трпеливоста и упорноста. Како претприемач морате да бидете трпеливи и да знаете дека вашиот бизнис е нов и не им е познат на потрошувачите. Како нов претприемач мора да знаете дека мора да бидете упорни и да не се откажувате по првата сопка. А, сопки ќе имате. Овие сопки можат да бидат во вид на потребни фнансии, во вид на напади од конкуренти, во вид на изгубени зделки…

Морате да бидете трпеливи со вашите маркетинг кампањи и да ги следите за да продолжите со оние кои даваат допринос во зголемување на продажбата. Морате да бидете упорни со вашите маркетинг кампањи, бидејќи само преку добар маркетинг ќе привлечете внимание. А, внимание ви е потребно. Запомнете дека сеуште сте нов во бизнисот. Морате да бидете и трпеливи и упорни за менување на навиките на вашите потенцијални клиенти. Тие досега биле клиенти на вашите конкуренти. Како ќе ве забележат, зошто да ја сменат навиката на купување?

Трпеливоста и упорноста на новите претприемачи е потребна заради тоа што:

  • бизнисот е нов и непознат
  • потребно е огромно количество на труд
  • слаб маркетинг или мал буџет за маркетинг
  • имате недостаток на финансии
  • постои можност од разочарување
  • страв за тоа дали ќе се постигне успех
  • доколку не сте трпеливи и упорни нема да го видите вистинскиот потенцијал на вашиот нов бизнис.