post

Завршете ја работата без да ја работите

Како еден претприемач сигурно имате многу работа. Многу цели, активности, задачи… Секојдневно…

Во секој случај не е лесно.

Прво треба да се обидете да ја завршите сета работа која треба да се заврши. Сепак нема се ист приоритет. А, понекогаш може да се случи и се да има ист приоритет и да не знаете со што како прво да започнете. Повеќе можете да прочитате во можете ли да приоритизирате кога се е приоритет и кој проект да има приоритет.

Сепак суштината на претприемништвото не е само да се започне бизнис. Суштината на претприемништвото не е само изработка на бизнис план или процес на бизнис планирање. Претприемништвото не е само финансиски аспект на работење и на функционирање на бизнисот.

Претприемништвото е многу повеќе од тоа – градење на еден жив организам, кој ќе продолжи да расте и да се развива и без вас како претприемачи.

Продолжи…

post

Пасијата е само почеток, но потоа…

Да, кога станува збор за бизнис и започнување на бизнис, но и претприемништвото, пасијата е само почеток на една игра.

Едноставно сакате или имате силна желба да се вклучите токму во таа игра.

Не се знае дали ќе победите и дали можете да победите.

Не се знае дали ќе ја завршите играта.

Не се знае до кога ќе ви биде пријатно.

Не се знае дали ќе се променат правилата на играта и не се знае кој ја води играта.

Тоа е и со бизнисот. Го започнувате затоа што имате силна пасија за нешто. Имате силно лично чувство, силни емоции и силен позитивен афинитет за тоа нешто дека е вистинската работа за вас. Но, сепак не е доволно.

Забележувате дека зборувам за ВАШИ чувства, емоции и афинитети за бизнисот кој го започнувате. И тоа е добро треба да го имате во фаза на започнување бидејќи претставува единствен извор на енергија за вас како иден претприемач. Но, сепак за градење на успешен бизнис потребни се многу други работи.

Бизнисите претставуваат системи со повеќе операции базирани на набљудувани и објективни мерки. Градење на бизнис веќе станува процес кој се базира на повеќе научни методи. За да се успее, сите емоции и фантазии на еден претприемач треба да се тргнат на страна, особено кога станува збор за фидбек од страна на купувачите.

Развојот на купувачи и нивниот фидбек може навистина да биде брутален и целосно спротивставен на вашите емоции и фантазии, на вашата пасија. Но, тоа е реалноста и колку побргу го сфатите тоа, толку подобро за вас како еден иден претприемач.

Започнување на бизнис не е ништо друго освен тестирање, тестирање на вашите хипотези кои делумно се базираат на вашата пасија и фантазија. Дали се точни не знаете. Вашата работа како претприемач е да ги тестирате и проверите нивната точност.

А, што доколку не се точни? Ништо, продолжувате понатаму. Најлошо е да се разочарате и да запрете. Едноставно сменете ги хипотезите, слушајте го гласот на потенцијалниот купувач и повторно тестирајте. И така во еден спирален процес се до конечниот успех.

Може ќе ви требаат неколку месеци, но можеби и неколку години. Сепак пасијата е таа што или ќе ве одржи или оттргне од ваквите потфати. А, обликот на резултатот нема да зависи од вашата пасија.

post

15 Начини да го избегнете одложувањето

Одложувањето на завршување на работите претставува навика и тоа лоша навика.

Како и секоја навика, така и одложувањето преку соодветна вежба може да биде елиминирано од вашиот живот, барем за важните приоритети кога станува збор за вашиот бизнис.

Има време!

Можам и утре!

Ќе бидне!

Не мора денес!

Сите овие претставуваат оправдувања со кои се лажеме себеси за да одложиме некоја работа.

Искуствено забележувам дека имаме тенденција да си поставиме многу поголеми рокови за завршување на работите отколку што навистина ни се потребни. На пример, во понеделник велиме дека до петок мора да завршиме нешто. Но, не започнуваме да работиме на тоа нешто се до четврток или пак петок наутро.

И го завршуваме до петок, но дали навистина за тоа нешто се потребни толку денови или само еден ден?

Дали сме можеле да го завршиме тоа нешто уште во понеделник?

Дали би се чувствувале порастеретено доколку го завршиме тоа нешто во понеделник?

Секоја личност се однесува различно кога одложува. Користи различни методи на одложување и различни причини за да ги померува работите за во иднина. Мора да се проучите себеси и да знаете што ќе функционира за вас, а што нема да функционира.

Подолу се дадени 15 начини кои може да ви помогнат во процесот на намалување на одложувањето.

  1. Едноставно започни веднаш со работата.
  2. Вежбајте самодисциплина.
  3. Користете тајмер за работно и неработно време.
  4. Поставете си рокови.
  5. Добро менаџирајте го ваето време.
  6. Исклучете се околу вас.
  7. Добро изолирајте се кога работите на важни активности во вашиот бизнис.
  8. Јавно искажете ја задачата која ќе ја имплементирате.
  9. Проучете ги последиците од завршување и незавршување на задачата.
  10. Споредете ги последиците од завршување и незавршување на задачата.
  11. Поделете ја задачата во помали активности (како еден проект).
  12. Обезбедете си награда за завршување.
  13. Осигурајте се дека имате вистинска пасија за задачата.
  14. Доколку немате пасија, делегирајте или елиминирајте.
  15. Зголемете ја самодовербата преку размислување за вашата емоционална сотојба по претходните успешно завршени задачи.
post

[Видео] Инспиративен говор на Ал Пачино

Можностите се насекаде околу нас. Дури и да не ги гледаме (да ги нема, да не ги препознаваме), можеме да ги креираме. Сепак процесот не е лесен.

Прашањето е дали сакаме да ги откриеме или креираме. Дали можеме да го понесеме товарот на одговорноста.

Оваа видео е извадок од филмот Any Given Sunday, во кој Ал Пачино има инспиративен говор пред рагби тимот. Станува збор за искористување на можностите и нивно постојано подобрување преку константни мали промени (инч по инч, или пак милиметар по милиметар, чекор по чекор…)

Вреди да се погледа.

post

Организирајте се самите себеси поради следниве 8 бенефити

Дали сте високо организирана личност или пак некој кој остава неорганизираноста да влијае врз вашата продуктивност?

Организирање е бара инвестиција од нашето време и напор со цел да станеме поорганизирани. Инвестирајте сега, или денес и почувствувајте ги придобивките утре. Дали ни е потребна таква инвестиција?

Многумина си го поставуваат оваа прашање. Но, никогаш не можете да најдете некој вид на инвестиција која ќе ви донесе веднаш бенефиции.

Едно нешто е точно: ако стануваме се поорганизирани ќе имаме бенефити од системот што ќе не организира.

Еве некои од бенефити кои можете да ги доживеете ако инвестирате во организирање на самиот себеси и доколку станете поорганизиран.

Продолжи…

post

Еколошки аспекти на меѓународното работење

Екологијата во голема мерка зависи од економските состојби кои владеат во клучните земји. Доколку економијата е во експанзија, тогаш фабриките интензивно работат и се јавува исклучително голема потреба за суровини и енергенси. Производствените капацитети се лоцираат во непосредно опкружување на големите градови за да се заштеди за транспортните трошоци, па доаѓа до зголемено загадување на почвата, водата и воздухот како и до прекумерно искористување на природните богаства.

Доколку економијата е слаба, тогаш луѓето за да преживеат ги распродаваат своите природни богатства, бидејќи во таквите случаи тие имаат за нив секундарно значење. Екологијата зависи и од силината на конкурентските односи помеѓу компаниите. Доколку конкуренцијата е посилна, а ривалите се со подеднаква сила, тогаш користењето на евтини суровини, енергенси и други природни богаства претставуваат еден од условите за создавање на конкурентската предност.

Еколошкото влијание на транснационалните компании можеме да го набљудуваме од две страни: однесувањето на овие компании во матичните држави и нивното однесување во земјите богати со природни ресурси. Седиштето на големите транснационални компании најчесто се во трите најсилни економски блока САД, ЕУ, Јапонија. Што значи дека почетните работења на овие компании се врзуваат за овие земји. Покрај постигнувањето на исклучително позитивни економски резултати, овие компании извршија големи загадувања во овие држави. Како економскиот раст напредуваше, напредуваше и образованието на поголемиот број на луѓе во овие земји, па се разви голема свест за еколошките проблеми кои ги предизвикуваат овие компании. Во голема мерка тие и лично ги почувствуваа последиците на загадувањето. Едни од најпознатите организации за заштита на човечката средина се Greenpeace и Frends of the Earth.

Поради овие причини се воведени построги закони за заштита на работниците што работат во овие компании, а од друга страна се воведоа построги критериуми за работење на компаниите, заради зачувување на здравјето на луѓето како и на природните богатства во целото општество. Па компаниите беа принудени се повеќе да одвојуваат од профитот, за еколошката заштита. Поради овие причини, а и поради желбата да се сочуваат себе си, своите роднини и пријатели, голем број на транснационални компании ги дислоцираа производните капацитети на “валканите” индустрии во посиромашните земји. Друга причина за дислокација е и приближување на производните капацитети до природните богаства и евтините енергенси.

Продолжи…

post

Зголемeте ја продуктивноста, дури и ако мислите дека не можете

Секој кој работи на нешто, секогаш ќе сака да биде попродуктивен.

Нормално е да сакаме да завршиме повеќе работа со подобар квалитет побрзо. Тоа значи подобра продуктивност. Поради тоа не сакаме да изгубиме дури ни секунда од нашиот ден особено затоа што знаеме дека денес нашето време е најскапиот ресурс.

Но, тоа е полесно да се каже отколку да се имплементира во секојдневната работа. Имаме тони задачи кои треба да се сработат. Имаме тони идеи подготвени за имплементација. Имаме тони одвлекувања на вниманието околу нас…

Како можеме да бидеме попродуктивни во таков хаотичен свет во кој што живееме? Одговорот е едноставен: треба да бидеме самодисциплинирани, подобро организирани, и подготвени да ги смениме работите околу нас, со цел да ја подобриме нашата сопствена продуктивност.

Тука сакам да ја споделам мојата листа со 33 чекори кои започнав да ги имплементирам. Ова е мојот акционен план за зголемување на сопствената продуктивност, и она што веќе го имам имплементирано ми ги дава саканите резултати.

Продолжи…

post

Следете ги работите кои ги делегирате

За да ја зголемите вашата продуктивност ќе треба да делегирате доколку сакате да завршите повеќе важни работи, и да бидете попродуктивни.

Делегирањето е процес кога едно лице пренесува некои од задачи или одговорности на друго лице.

Еден од најголемите проблеми за луѓето кога станува збор за делегирање е дека тие не се сигурни за квалитетот на извршената работа преку процесот на делегирање. Тие не се сигурни дека се ќе се заврши со соодветен квалитет и во соодветен временски период. Во таква ситуација, најбрзото и во исто време најлошото решение е одлуката да не се делегира.

Но, таквата одлука ќе ви наштети. Што можете да направите за да ја избегнете таквата ситуација?

Второто решение, што е многу подобро за вашата севкупната продуктивност е да ги следите задачите кои што сте им ги делегирале на другите.

Ајде да погледнеме некои работи што можете да ги направите.

Продолжи…

post

Науката на мотивација [TED]

Мотивацијата е една од поважните функции на секој претприемач или менаџер без разлика дали станува збор за мало или големо претпријатие.

Одлична TED презентација во однос на мотивацијата и влијанието на традиционалните системи на наградување од страна на Dan Pink вреди да се погледа.

post

Претпоставки на кои НЕ треба да се потпрете

Многу активности што како еден претприемач ќе ги преземете се базираат на претпоставки. Затоа и насоките во кои ќе се движи бизнисот се базираат на претпоставки.

Понекогаш и немаме доволно информации за да донесеме одлука, па затоа мора да се водиме од претпоставките. Но, некои претпоставки може да бидат навистина опасни за претприемачот и за бизнисот воопшто.

Некои одлуки не смеат да бидат базирани на непотврдени претпоставки, особено во фазата на започнување на бизнисот. Кои се тие претпоставки?

Одговорот е едноставен, тоа се два вида на претпоставки на кои се базираат повеќето бизниси:

  • Претпоставка за тоа што купувачите сакаат и
  • Претпоставка за тоа кои карактеристики треба да ги содржи вашиот производ.