post

Свесност на потенцијалните купувачи како основа на приодот

Пред извесен период налетав на една книга која запрвпат била објавена во 1966 година и на која многу компании го темелат својот успех во постигнување од ништо нешто. Ме изненади фактот дека пред извесен период пред реобјавување на книгата луѓето биле спремни да платат и илјадници долари за копија од истата. Книгата е насловена како Breakthrough Advertising од Eugene M. Schwartz. Во истата меѓу другите елементи од областа на маркетингот и продажбатае солидно разработена и темата за свесноста на потенцијалниот купувач и различните приоди на пристап кон различното ниво на свесност што го има тој купувач во однос на желбата, потребата, бизнисот, брендот, производот или услугата. Што претставува состојба на свесност? Состојба на свесност, ни дава одговор за тоа колку луѓето, односно потенцијалните купувачи знаат за начинот на кој вашите производи ги задоволуваат нивните потреби. Авторот помеѓу милионите сиви варијанти успева да ги класифицира овие нивоа на 5 основни.

#1 Целосна свесност

Оваа состојба е кога потенцијалниот купувач знае за вашиот производ, знае што може вашиот производ да направи и секако знае дека му треба тој производ. Во една ваква состојба, продажбата е многу полесно да се изведе бидејќи е доволно било која рекламна кампања да го содржи името на производот и цената со уште еден елемент како тековен попуст, бонус или било што друго што би поттикнало моментална продажба на производот. Но, што е случајот со интернет маркетинг и онлајн продажбата? Истата рекламна кампања (односно насловот во стил “Производ тој и тој сега 3000 денари наместо 5000 денари”) ќе може да се користи за PPC реклами или банери. Но, повторно ќе остане еден дел од потенцијални купувачи во оваа ниво кои нема да ги видат тие кампањи туку едноставно ќе бараат на Googleза решение. Разликата е што тие во оваа ситуација нема да го впишат името на бизнисот, производ или услуга, туку ќе го впишат видот на проблемот. Затоа ќе бидат потребни дополнителни стратегии за пристапи и приоди.

#2 Свесност за производот, но едноставно не го сака…

Оваа состојба е кога потенцијалниот купувач знае за брендот, за производот, за она што производот го прави, но сепак сеуште не сака да го купи производот бидејќи не е целосно свесен за се она што производот може да го направи, или не знае колку добро тој производ го прави тоа или колку е подобар сега. Во една ваква состојба е потребен сосема поразличен приод отколку во нивото од претходната состојба кога потенцијалниот купувач беше целосно свесен. Така, авторот ги предлага следниве насоки (во книгата се повеќе но тука ги презентирам групирани):

  • Демонстрација дека производот е подобар од конкурентските производи.
  • Подобрување на имиџот за тоа како производот ги задоволува желбите.
  • Докажување и документирање за тоа како производот го решава проблемот.
  • Воведување на нови механизми со кои претходните ограничувања ќе се елиминираат.

#3 Свесност дека производот го обезбедува тоа што го сакаат, но не се сигурни дали производот го испорачува тоа…

Во оваа состојба потенцијалниот купувач знае дека сака она што производот го обезбедува, но сеуште не е е сигурен дека производот го обезбедува токму тоа. За да се надмине овој проблем, треба да се спроведат два чекори. Прво, треба да се посочи сеуште некристализираната желба на вашиот пазар. Ова ќе го изведете преку анализа на пазарот со определување на она што пазарот најмногу го прифаќа а вашиот производ или услуга го нуди. Второ е да обезбедите дека желбата и решението што го нудите е толку јасно што станува веднаш препознатливо од страна на пазарот.

#4 Свесност дека имаат потреба

Во оваа ниво на свесност, потенцијалниот купувач нема сеуште желба, туку е само свесен дека има потреба од нешто. Тие лесно ја сфаќаат потребата, но сеуште не го поврзуваат вашиот производ или услуга со таа потреба за да имаат желба да го купат. Како можен приод се предлага објаснување и интензивирање на потребата како нешто што треба да се задоволи. Тука станува збор за важноста на задоволување на таа потреба. Интересна споредба би била, стратегија која можеби и сеуште се применува од страна на Appleкога станува збор за нивниот iPad како производ. Скоро сите кампањи се однесуваа, и уште се однесуваат за важноста на потребата која може да се задоволи со тој производ (Читање на книга, обработка на документи, менаџирање на задачи…). Понатаму, се оди со презентирање на производот или услугата како незаменливо нешто во задоволување на таа потреба.

#5 Целосна несвесност

Најтешкото ниво е токму оваа ниво каде потенцијалниот купувач ниту е свесен за потребата ниту за желбата. Во оваа ниво не постои никаква врска со твојот производ, цена, понуда… Единствено нешто што е важно е потенцијалниот купувач при што приодот за таргетирање се нивните емоции, однесувања, незадоволство… Вашата цел е да ги поврзете со вашата порака. Само така ќе може да се изгради свесноста за потреба или желба за нешто.

post

Неколку правила за привлекување на внимание

Како претприемачи или сопственици на мал бизнис можеби веќе сте се нашле себеси во позиција кога можеби најважната активност во вашата работа е да привлечете внимание на потенцијалните купувачи.

Иако можеби изгледа лесно сепак бара повеќе напори.

Имате бизнис, имате производ или услуга, сега треба некој да чуе, да види, да почувствува дека вие сте тука спремни да го решите тој толку страшен, неподнослив, проблематичен и здодевен проблем за потенцијалните купувачи.

Првиот чекор е да го привлечете вниманието. Иако, привлекување на внимание нема да гарантира успех за вашиот бизнис за што може да прочитате повеќе во внимание, репутација и доверба, сепак претставува прв чекор кој мора да се преземе.

Вниманието има за цел да ги привлече потенцијалните купувачи кон вашиот бизнисот. Може да се постигне бесплатно во стил на вирозни маркетинг кампањи или препорака од уста до уста или пак да се плати за истото преку користење на различни маркетинг средства. Сепак, за да се постигне успехот ќе треба да се имплементираат некои правила. Веќе пишувавме за 10 начини на привлекување на вниманиеод кој произлезе следниов график:

Привлекување на внимание

Во овој пост би сакал да наведеме неколку можни правила кои би требало да ги имплементирате кога станува збор за вашите напори во привлекување на внимание.

  1. Планирајте го привлекувањето на внимание. Без разлика што понекогаш не може да се испланира се, но сепак многу посистематски приод ќе имате доколку ги планирате различните начини и можности за привлекување на внимание.
  2. Користете различни канали за привлекување на внимание. За различни бизниси ќе функционираат различни канали. Добро е да се обидете и да тестирате различни канали за привлекување на внимание.
  3. Дади внимание за добиеш внимание. Правило за реципроцитет кое потекнува од работата на професор Robert Cialdini од неговото дело Influence. Доколку дадеш, поверојатно е дека ќе добиеш.
  4. Ризикувај и информирај дури и за тајните. Ќе ме прочита конкуренцијата, ќе ме копираат, ќе ми го преземат… Иако исказиве се можни сепак мора да се преземе ризик, затоа што не може потенцијалниот купувач да дознае за тебе без неговото вистинско внимание.
  5. Бидете уникатни, не копирајте. Можете да ги проучите и анализирате конкурентите, но немојте да ги копирате. Вие сакате да бидете уникатни. Уникатноста е најдобро средтсво за привлекување на квалитетно внимание.
  6. Бидете реални. Не е важно што вие мислите, важно е што мислат твоите тековни купувачи. Тие ќе привлечат повеќе внимание кога го опишуваат вашиот производ или услуга, отколку кога вие ќе го презентирате.
  7. Престанете со зборување и започнете со слушање. Слушањето ќе ви каже што другата страна сака да постигне и доколку го знаете тоа и навистина ги погодите во нивното вистинско “сакам” еќ го имате нивното внимание.
post

Проверете ги вашите пораки за подобрување на перцепција

Како еден претприемач ќе испраќате секојдневно многу пораки.

Им испраќате пораки на своите вработени. Им праќате пораки на вашите купувачи. Праќате пораки до вашите потенцијални купувачи.

Тие можат да бидат испратени со збор од уста кога зборувате со вашите вработени или купувачи. Можат да бидат испратени преку пишани зборови кои можат да бидат во форма на е-маил, писмо, извештај, маркетинг материјали…

Пораките можат да бидат автоматизирани, како кога се користат аутореспондери за да се испрата е-маил пораки или различни маркетинг пораки. Понатаму, можете да ги испратите рачно кога ќе зборувате на состаноците, или праќате e-mail на вашиот бизнис партнер.

Таквите пораки се важен дел од вашата бизнис комуникација. Вашиот бизнис зависи од нив.

Но, што е со перцепција? Како тие пораки се перцепирани од страна на примателите?

Запомни дека има само еден сигурен извор кој ќе ви каже за перцепциите на твоите пораки, а тоа се приматели на тие пораки.

  1. Дали имате јасни цели за различните видови на комуникација која вие или вашиот бизнис ја изведувате? Важно е да се имаат јасни цели за различни канали на комуникација кои ги користите во вашиот бизнис. Јасни цели се нешто што може да ви каже за успехот на вашата комуникација. Без нив, не може да се оцени перцепција на примачот.
  2. Оценете ги перцепциите на примателите. Единствениот тест за успехот на вашите напори во комуникација, е она што примателите го перцепираат. Мора да најдеш начини како да се оцени таа перцепција без оглед на тоа дали станува збор за внатрешна или надворешна комуникација.
  3. Несакана перцепција ќе бара акција од твоја страна. Ако најдеш нешто погрешно во пораките кои ги комуницираш внатрешно или надворешново форма на неповолни перцепција треба да направите нешто. Започни со анализа на причините зошто тоа се случило. Тоа ќе ви даде основа за ефикасна комуникација во иднина.
  4. Треба да добиеш корисни повратни информации. Процесот треба да има систем кој ќе ти овозможи корисни повратни информации од корисниците на твоите пораки. Но, уште поважно е што ти можеш да направиш за тој фидбек. Што треба да се направи за подобрување на идната комуникација?
  5. Ако можеш најдеш повеќе од еден примач со негативна перцепција, веројатно ги има многу повеќе. Ова е важно правило ако сакаш да ја подобриш твојата целокупната комуникација. Не мисли дека станува збор за малцинство, секогаш мисли дека веројатно постојат повеќе лица со негативна перцепција. Само на тој начин ќе бидеш мотивирани да го подобриш твојот комуникациски процес.
  6. Излезете надвор од канцеларија во потрага по вистински повратни информации. Знам дека можеш да користиш анкети, фокусни групи и состаноци внатре во твојот бизнис, но ако сакаш да знаеш каква е перцепцијата надвор од твојата компанија за тебе и твојот бизнис ќе треба да излезете надвор.
  7. Треба првин да ислушаш пред да праќаш пораки. Ако сакаш да се зголеми успехот на твоите пораки, треба да знаеш што примачот сака да слушне, да прочита или да направи. Слушајте ги своите вработени, купувачи и потенцијални купувачи. Тоа се најдобарите повратните информации кои можете да ги добиете од нив за идното подобрување.
post

9 Прашања на кои треба да одговориш пред определување на цена

Грешки при определување на цени Многу работи во бизнисот ќе зависат од цената со која ќе се продаваат производите или услугите. Од цената ќе зависи продажбата, ќе зависи покривање на трошоци, ќе зависи профитот, приходот… Со еден збор успехот или неуспехот на еден бизнис.

Како консултант имам и странски клиенти и работам и работев на неколку проекти каде им помагам да изберат вистинска ценовна стратегија. Еден од почестите проблеми е што претприемачите се обраќаат за помош кога ќе настане проблем. Вообичаено започнуваат со влезни цени како стратегија на цени со драстично ниски цени, што во последниот случај изнесуваше дури 90% од просекот во индустријата.

Оваа стратегија вообичаено се користи од стартап бизнисите и бизнисите кои сакаат да влезат на нов пазар. Но, сепак претставува опасна стратегија, не заради одлуката на претприемачот туку заради стравот дека бизнисот нема да успее. А, стравот постои затоа што приодот на започнување не содржел елементи од Lean Startup и правилен начин на развој на купувачи. Но, тоа е друга тема која посебно ја обработуваме тука.

Досега повеќепати имаме пишивано за определување на цената која слободно може да се каже дека претставува комбинација на умешност, уметност и наука.

За да може даа комбинација да функционира и барем малку да влијае на вистинскиот избор на ценовна политика за претприемачите, потребно е пред да ја донесат одлуката да одговорат на следниве прашања.

  1. Дали цената ги покрива трошоците за твојот бизнис? Да не се лажеме, секој бизнис има трошоци, работел или не работел. Пред и да помислиш било што друго мора да бидеш сигурен дека цената ќе ги покрие во целост трошоците што твојот бизнис ги прави.
  2. Дали цената обезбедува профит за твојот бизнис? Откако ќе бидеш сигурен дека цената ги покрива трошоците, следното нешто е да провериш дали таквата цена ќе обезбеди профитабилност на бизнисот. Сепак, твојата цел како еден претприемач е да оствариш профит.
  3. Колкав е профитот и дали би бил задоволен од истиот? Следното нешто е самиот износ на профитот. Некои ќе се задоволат со помал износ, додека некои ќе сакаат поголем. Дали профитот што ти го овозможува цената ќе овозможи реализација на твоите лични цели?
  4. Каква е твојата позиција на пазарот во споредба со конкурентите? Од твојата позиција на пазарот ќе зависат и цените. Доколку твоите производи или услуги се нешто навистина квалитетно, сеуште недостапно за конкуренцијата, тогаш ќе имаш можност за повисоки цени. Просекот на на цените во индустријата и твоето присуство исто така ќе ти кажат повеќе детали за тоа како би требало да постапиш.
  5. Што е со купувачите, дали тие би ја прифатиле цената? И се би било ОК, доколку одлуката за тоа дали твојата цена е превисока или прениска не ја носи купувачот. Сепак, тие се оние кои би требало да се прашаат. Сега, сите претходни прашања и сите наредни прашања ќе треба да ти ја отстранат можноста за субјективизам од страна на купувачите. Секој сака пониски цени, а ти сакаш повисоки цени. Мора да се најдете во вашите желби.
  6. Дали ќе имаш различни купувачи од различни сегменти? Различни купувачи и различни сегменти на пазарот ќе бидат различно спремни да платат различна сума на пари за твојот производ. Твојата цел е да го максимизираш износот од секој сегмент. Затоа мора да размислиш на оваа прашање.
  7. Дали твоите маркетинг активности ќе содржат и попусти? Често пати кога се поставуваат цените се заборава на маркетинг активности кои ќе содржат попусти. Доколку не го предвидиш овој дел, може да се доведеш во состојба доколку обезбедуваш попусти да навлезеш и во непрофитабилно работење. Сепак, како еден претприемач ти тоа не го сакаш.
  8. Дали количината на продажба ќе влијае на цената? Понекогаш поголемите износи во обем на продажба може како промотивен пакет да влијае на цената. Пред да ја поставиш цената ќе мора да размислиш и за овие прашања.
  9. Дали твојот бизнис модел се базира на повторена продажба? Некои бизниси се базираат на трансакциска продажба, каде купувачот купува еднаш и мала е веројатноста дека ќе се врати повторно да купи. Таквите бизниси имаат цел да наплатат колку што може повеќе при таа една трансакција, бидејќи знаат дека нема утре. Но, доколку успехот на бизнисот се базира на повторување на продажба, најверојатно ќе одиш со нешто пониски цени како би обезбедил да се врати и го повтори купувањето.
post

Купувачите на прво место

Вистини за купувачи Повеќепати пишувавме за купувачи, нивното значење за бизнисот, начинот на привлекување…

И добро, успееме да ги привлечеме. Што потоа?

Секој претприемач сака да има и постојано да ја зголемува базата на купувачи со нови, но и да се враќаат со повторно купување постоечките.

Како да се обезбеди да се вратат да купат повторно?

Едноставно, тие нека бидат пред се останато во бизнисот. Тие да бидат на прво место за тебе како претприемач, за твоите вработени, за твоите системи, за твојот бизнис воопшто.

#1 Прилагоди го твојот бизнис кон задоволување на нивните потреби

Можеби е вистинското време да се запрашаш дали твојот бизнис ги задоволува вистинските потреби на твоите купувачи.

Дали потребите не се смениле досега? Тука зборуваме за веќе постоечки бизнис, не за стартап кој самиот развива купувачи за што зборуваме во теорија на бизнис идеи.

Доколку сакаш купувачот да биде на прво место, тогаш мора да се прилагодиш кон него.

#2 Покажи дека се грижиш за нив

Дали знаеш кога им е роденден? Дали знаеш што последен пат купиле и зошто? Дали знаеш кои се нивните најголеми проблеми надвор од бизнисот со тебе?

Доколку знаеш, а би требало да знаеш, покажи дека знаеш. Покажи дека се грижиш за нив. Обиди се да им помогнеш во решавањето на нивните проблеми.

#3 Дали ги слушаш?

Многу ме нервира кога некој онака наизуст ќе ми изрецитира нешто кога сака да ми продаде. Алооо! Не ме интересираат карактеристики, најдобрите искуства или се она што го имаш научено за да ми го кажеш. Ме интересира единствено решение на мојот проблем. А, ќе ми го решиш само ако добро ме ислушаш што е тој проблем. А, ќе донесам одлука ако видам дека навистина си сфатил што барам.

Слушањето станува полека но сигурно една нова функција во бизнисите. Доколку знаеш да ислушаш, значи дека се грижиш за купувачите.

#4 Секогаш биди при рака

И во добро и во зло, ти и твојот бизнис мора да бидете при рака на купувачите. Така ќе покажеш дека доволно се грижиш за нив и дека тие ти се на првото место.

post

Маркетинг микс

Маркетинг план Маркетинг миксот е еден од најважните и најкористените термини во маркетингот. Може слободно да се каже дека претставува основа на маркетингот, се користи и во подготовка на маркетинг планот, како и во делот за маркетинг при подготовка на бизнис планот. Маркетинг миксот може да се сретне и како 4P што се однесува на 4 елементи на маркетинг миксот кои на англиски започнуваат на P.

Не би навлегувале во историја и како е дојдено до тие елемнти, но може да се напомене дека за некои експерти од маркетинг овие елементи на маркетинг миксот ги прошируваат со уште P-a. Но, сепак сметаме дека основните елементи на маркетинг миксот, односно оние елементи кои во најголем дел доведуваат до зголемување на потенцијалната енергија на бизнисот се основните 4P, останатите предлози се содржани во основните или претставуваат комбинација на нешто “нормално” со маркетинг активностите.

Елементите на маркетинг миксот се:

  • Производ (Product)
  • Цена (Price)
  • Дистрибуција (Place)
  • Промоција (Promotion)

Производ

Секој бизнис продава нешто. Тоа нешто може да биде или производ или услуга. Откако ќе се продаде тој производ и/или услуга бизнисот за возврат прима финансиски средства (пари) со кои може да го финансира сопственото работење (плати, набавки, трошоци…).

Уште на стартот би нагласиле дека произвдот и/или услугата е еден елемент кој содржи бизнис потенцијална енергија. Колку е поголема таа бизнис потенцијална енергија толку и ќе учествува во зголемувањето на севкупната бизнис потенцијална енергија.

Во овој елемент не е само производ како физички опиплив производ, туку може да биде и услуга или пак некој вид на производ во електронска форма (на пример електронска книга, веб страна, мобилна апликација итн).

Кога го разгледуваме секој производ треба да опфатиме три нивоа:

  • Основа на производот – неопиплив елемент и се однесува на ползите кои луѓето ќе ги имаат од тој производ. На пример храната му овозможува полза на корисникот бидејќи му го намалува чувството на глад, дава одредени состојки потребни за нормално функционирање на човечкиот систем, овозможува внесување на одредени витамини… Автомобилот му овозможува превоз од едно до друго место, му дава чувство на луксузност, чувство на престиж итн. За секој производ и/или услуга мора да има потреба која треба со тој производ и/или услуга да се задоволи. Дали ни треба некој производ со кој не би задоволиле некоја наша потреба? Дали би купиле автомобил доколку не ни треба превозно средство, не сакаме да се чувствуваме луксузно и престижот не ни е битен? Секако дека одговорот е НЕ! Занчи секогаш кога размислуваме за бизнис мора да размислиме и да извршиме одредено истражување за тоа што не е задоволено на пазарот, а постои голема потреба.
  • Вистински производ – ова е нивото кога веќе производот е опиплив и може да се користи. Тоа е производот кој можеме да го користиме и да ги задоволуваме нашите потреби со истиот. Ова ниво на производот како дел од маркетинг миксот мора да обезбеди дека ќе се задоволат потребите од претходното ниво. Сигурно нема да започнеме со бизнис или пак постоечки бизнис да лансира нов производ и/или за кој ќе велиме дека го задоволува првото ниво, но во реалноста да не е така. Во ова ниво размислуваме за квалитетот, функционалноста, безбедноста, пакувањето…
  • Дополнителни придобивки – ова се дополнителните придобивки кои се добиваат со купениот производот како дополнителна услуга, гаранција, инсталација… Квалитетен маркетинг секогаш бара да истакне некои дополнителни придобивки на тие производи. Купувачите одлуката за купување не ја носат само врз основа на квалитетот и функционалноста туку бараат и дополнителни придобивки во вид на гаранција, помош при инсталација итн. На пример, треба да избереме помеѓу два автомобила, на едниот цената му е 10.000 евра и даваат 3 години гаранција, а на другиот цената му е 11.000 евра но даваат 5 години гаранција. Логично е да се избере автомобилот со цена од 11.000 евра бидејќи имаме гаранција дека две години повеќе нема ништо да се случи или пак доколку се случи поправката ќе ни биде поправено бесплатно. Но, оваа гаранција во очите на купувачите го потврдува и квалитетот на производот. Така се зголемува бизнис потенцијалната енергија на елементот производ.

Сите овие нивоа можат да бидат различни за ист производ и заради тоа постојат и различни цени на тие производи. Од друга страна овие нивоа овозможуваат потенцијалните потрошувачи да гледаат одредена вредност во понудениот производ преку задоволување на одредени потреби, можност за користење и дополнителни придобивки од поседување.

Можеме да сублимираме дека ова се трите нивоа на елементот производ со кој би ја зголемиле бизнис потенцијалната енергија. За зголемување на бизнис потенцијалната енергија потребно е да ги разгледаме и да донесеме одлука за следниве елементи:

  • Колку е висока потребата што ќе ја задоволува тој производ?
  • Квалитетот кој ќе го понуди тој производ и/или услуга?
  • Каква ќе биде функционалноста?
  • Каков ќе биде изгледот или стајлингот на тој производ?
  • Какво ќе биде пакувањето?
  • Колкава ќе биде гаранцијата?
  • Каква ќе биде безбедноста при упореба на тој производ?
  • Ќе се понуди ли одржување и поправка?
  • Ќе се понуди ли дополнителна опрема?

Овие прашања ќе помогнат и при определување на цената (едно од останатите P на маркетинг миксот). Но, за да се одговорат ове прашања кои ќе ја определат и бизнис потенцијалната енергија ќе мора да се разгледаат уште две работи:

Животни циклуси на производи Животен циклус на производот и/или услугата е слично како и животниот циклус на биолошките системи. На пример, човекот се раѓа, расте, созрева, старее и умира. Истото е и со животните. Истото е и со растенијата со садење на семе кое подоцна прераснува во цвеќе, па подоцна созрева и започнува да увенува. Животен циклус на производот може да биде:

  • Воведување
  • Раст
  • Созревање
  • Стареење
  • Повлекување

Маркетингот мора да воспостави стратегии за секоја од оваа фаза на животен циклус на производот. Од друга страна во секоја од фазите и цената нема да биде иста.

Позиционирањето на производот на пазарот зависи од повеќе фактори. Но, како наједноставно разгледување на позиционирањето на птоизводот и/или услугата може да се искористи:

  • Учеството на производот на пазарот
  • Квалитетот на производот

Сето оваа маркетингот треба да го искомбинира, така да она што ќе се понуди биде навистина она вистинското и да креира вистинска вредност на тој производ во очите на потрошувачите.

Цена

Цената претставува вториот елемент од маркетинг миксот и игра важна улога во определување на маркетинг стратегијата. Постојат различни начини на определување на цената на производите. Повеќе можете да прочитате во методите за определување на продажни цени и поставување на продажните цени. Но, кога станува збор за маркетинг миксот треба да се напомене дека цената ќе зависи од квалитетот на производот и побарувачката на тој производ. При разгледување на цената од маркетиншки апсект потребно е да се изготви стратегија на цени што ќе подразбира една од следниве цени:

  • Економична цена (ниска цена и слаб квалитет)
  • Висока цена со слаб квалитет
  • Ниска цена за висок квалитет
  • Премиум цена (висок квалитет за висока цена

Она што треба да се забележи е дека сите останати елементи на маркетинг миксот (производи, дистрибуција и продажба) претставуваат трошок додека цената е нешто што генерира приходи од продажба. За вистински производ и/или услуга ќе треба да потрошиме пари, за дистрибуција ќе треба да потрошиме пари, за промоција исто така ќе потрошиме пари, додека за цената не трошиме пари. Потребно е само соодветна анализа и избор на стратегија која ќе ја применуваме.

Кога цените ги разгледуваме како дел од маркетингот ќе мора да тргнеме од фактори кои влијаат на политиката на цени која ќе ја избереме. На цените влијаат следниве фактори:

  • Трошоци или цена на чинење на производот и/или услугата плус трошоци на бизнисот. Накратко секоја цена треба да се формира врз основа на трошоците за производство на тој производ и/или услуга плус трошоците на бизнисот (сите останати трошоци кои не се вклучени во производот и/или услугата) плус саканата добивка. Оваа е основното кое што треба да биде вклучено во цената. Секако дека не би сакале бизнис кој ќе продава со цена со која нема да ги покрие сите трошоци. Ове фактори се под контрола на претприемачот и може да ги менува, со што добива поголема моќ во одлучување за избор на политика за цени.
  • Конкуренција. Ова е навистина нешто што не се контролира и што е надвор од дофат на рацете на претприемачот. Но, доколку не се контролира може да се следи и да се врши прилагодување на сопствените цени. Во секој случај конкуренцијата има голема улога во избор на политиката на цени. На пример, доколку немаме конкуренција на пазарот ќе поставиме цени какви што ќе сакаме. Но, доколку имаме конкуренција, што е пореално, ќе мора да внимаваме да не претераме.
  • Понуда и побарувачка. Третиот фактор кој влијае на цените претставува понуда и побарувачка на таквите производи. Ова значи дека доколку понудата е поголема и цената ќе биде помала, но доколку понудата е голема а побарувачка голема ќе имаме повисока цена отколку голема понуда, а мала побарувачка. И обратно, со мала понуда а висока побарувачка имаме и високи цени.
  • Државата. Државата преку мерки на економска политика кои може да бидат изразени преку даноци, царински стапки или акцизи може да влијае на цената. Во оваа категорија спаѓаат акцизните производи како цигари, алкохол и нафта. Претприемачот при избор на политика на цени ќе мора да ги земе во предвид и овие фактори.

Откако ќе ја утврдиме политиката на цените преку анализа на се она што влијае врз цените и кога ќе знаеме што сакаме да постигнеме со цените ќе можеме да избереме стратегија на цени. Следниве стратегии на цени ни стојат на располагање:

  • Цени за продирање на пазар – пенетрација.
  • Конкурентни цени.
  • Стратегија на снижување на цени.
  • Цени на групни производи.
  • Цени на линија на производи.
  • Психолошки цени.
  • Опционални цени.
  • Премиум цени или цени на престиж.

Не мора да изберете само една стратегија и да одите со неа. Можете да направите комбинација од стратегии така да некои производи и/или услуги ги продавате преку една стратегија на цени додека други преу друга стратегија на цени. Сепак пазарот е оној кој ќе ве одведе во најправилниот и вистинскиот правец. Внимавајте и на квалитетот како и на дополнителните услуги. Сепак тие може да бидат клучни за избор на некоја од горенаведените стратегии.

Изборот на соодветна политика на цени за бизнисот ќе бара и спроведување на различни методи и техники за определување на цени кои ќе обезбедат добивка (профит) на бизнисот, а од друга страна и ќе бидат прифатливи за потрошувачите. А, оваа баш и не е толку лесно. Токму во тоа е содржана  уметноста и креативноста на маркетингот.

Дистрибуција

Дистрибуција претставува третиот елемент на маркетинг миксот. Таа е едноставно пренесување на производот и/или услугата од бизнисот што продава до купувачот. Во овој дел од маркетинг миксот е потребно да се разработат различните канали за дистрибуција кои бизнисот ќе ги користи за доставување на производите и/или услугите до потрошувачите. На пример, дистрибуцијата може да биде во определена физичка локација (продавница), праќање по пошта, сопствена испорака, електронска трговија итн.

Клучот или финишот на секоја маркетинг активност е дистрибуцијата кога ќе се достави производот и/или услугата на купувачот. Можеби читателите кои се занимаваат со малопродажба ќе кажат што е тука важна дистрибуцијата за мене. Но во секој случај и малопродажен бизнис е вклучен во одреден сегмент на каналот на дистрибуција.

На пример, производот е произведен во фабрика, потоа е пренесен до еден посредник, потоа е пренесен до големопродавач (друг посредник), потоа до малопродажна продавница која ги изложува во продажниот простор каде што крајните потрошувачи го разгледуваат и го купуваат тој производ. И тука завршува процесот на дистрибуција. Значи и малопродажниот бизнис е вклучен во еден поголем канал на дистрибуција. Но, дали малопродажниот објект може да понуди уште еден сегмент во овој канал како што е испорака до дома. Ова, на пример е многу важно за малопродавачите кои продаваат големи или габаритни предмети во малопродажен објект како што се некои производи од бела техника (машини за перење, телевизори, шпорети, печки…). Јас на пример како купувач го избрав малопродавачот кој за иста цена ми понуди и бесплатна испорака до дома од неговиот малпродажен објект. Тоа е веќе дистрибуција како дел од маркетинг миксот.

Многу често се заборава на дистрибуцијата како елемент од маркетинг микс. Најчесто се смета дека маркетинг е само пропагандата. Но, гледаме дека не е точно. Продавницата која што ја избрав не ја избрав заради реклама на ТВ или радио, или пак нивната цена, или пак нивната брошура. Ја зибрав зато што ја транспортираа стоката до местото кое го избрав јас.

Што е дистрибуција и канали на дистрибуција?

Наједноставно кажано, дистрибуција е процесот кој започнува од завршување на производството до прифаќање на производите и/или услугите од страна на директните корисници на тие производи и/или услуги.

Значи дистрибуцијата претставува активност на дистрибуирање (доставување) на производите и/или услугите до крајните потрошувачи, односно процес на доставување на тие производи и/или услуги до крајните потрошувачи.

Канал на дистрибуција пак, претставува синџир на посредници кој еден од друг ја пренесуваат стоката се додека на стигне до крајниот корисник. Значи канал на дистрибуција е синџирот помежу производителот и крајниот корисник на производите и/или услугите.

Типови на канали за дистрибуција

Каналите на дистрибуција можат да бидат:

  • Дирекетн канал на дистрибуција. Овој канал е кога производителот продава директно на крајниот потрошувач.
  • Посреднички канал на дистрибуција. Овој канал е кога производителот користи осредници за дистрибуција на производите до крајниот потрошувач.
  • Комбиниран канал на дистрибуција. Овој канал е кога производителот директно комуницира со некои потрошувачи, но користи и посредници за други потрошувачи.

Кој канал на дистрибуција ќе се избере зависи од пазарот и од типот на бизнисот, односно какви производи и/или услуги продава.

На пример, за една меѓународна компанија поедноставно е за секоја земја каде настапува да избере еден посредник (дистрибутер) отколку самата да започнува. Ова е поради фактот што локалната компанија која ќе биде како дистрибутер подобро го познава пазарот и потрошувачите и може подобро да ја изведува таа работа.

Каналите на дистрибуција можат да бидат и во следниот облик:

  • Физички – кога производот патува физички до потрошувачот
  • Електронски – кога производот по електронски пат стигнува до купувачот.

Во денешницата многу производи како што се CD, DVD филмови, софтвери, книги, курсеви итн. се дистрибуираат директно по електронски пат. Купувачот плаќа со платежна картичка и му се отвора просторот за симнување на електронскиот производ.

Учесници во канал на дистрибуција

Како учесници во каналите на дистрибуција можат да се јават следниве ентитети:

  • Производител – оној кој ги произведува производите
  • Трговија на големо – преку која се дистрибуираат производите до друг големопродавач или пак директно на малопродавачот
  • Трговија на мало – преку која производите се дистрибуираат директно на купувачот
  • Транспортери – оние кои го изведуваат физичкиот транспорт од едно на друго место
  • Шпедитери – кои ги изведуваат шпедитерските услуги за усогласување на сите ранспортни формалности.
  • Осигурителни компании – институции преку кои се врши осигурување од ризик при транспортот на стоката.
  • Складишта – во кои стоката мирува во процесот на изведување на дистрибуцијата
  • Компании кои изведуваат услуги за наплата преку интернет доколку бизнисот врши електронска дистрибуција.

Промоција

Четвртото P од маркетинг миксот се сите алатки кои му се достапни на маркетарот за маркетинг комуникација – промоција. Со помош на алатките на промоција потенцијалните потрошувачи дознаваат за производот и/или услугата на бизнисот како и за самиот бизнис. Промоцијата претставува и посебен микс како дел од маркетинг микс. Составена е од повеќе елементи или алатки кои се мешаат во зависност од потребата и изборот на претприемачот. Постојат различни размислувања што се опфаќа овој елемент. Некои завршуваат со конечна листа од 6 или 7 поделементи. Некои пак со листа од 200 или повеќе. Ние сметаме дека не треба да се ограничуваме на бројка бидејќи навистина промотивниот микс е составен од бесконечно многу алатки и елементи. Може да бидат од обичен разговор со нов познаник на кој му кажувате за Вашиот бизнис преку е-маркетинг до скапи ТВ или радио реклами.

Често пати целокупниот маркетинг се асоцира со само овој лемент од маркетинг миксот притоа заборавајќи ги останатите три елементи како производ, цена и дистрибуција. Ова е грешно толкување на маркетингот од страна на претприемачите. Што претставува промоција? Наједноставно кажано промоција претставува распространување на информации за бизнисот, производот и/или услугата, брендот и се што е поврзано во однос на бизнисот.

Промоцијата како дел од маркетинг миксот има сопствен микс на промоција составен од 4 елементи:

  • Економска пропаганда – Advertising. Рекламата има за цел да даде точна информација за производот и/или услугата, брендот или бизнисот воопшто. Рекламирањето претставува платена презентација на бизнисот. Вообичаено под овој елемент на маркетинг миксот спаѓаат печатени реклами, весници, ТВ, радио, билборди, брошури, веб страници итн. За овие начини на рекламирање како маркетиншки средства објавуваме и ќе објавуваме се до бројката 100 на блогот. Често пати рекламирањето се изедначува во целост со промоцијата што како што ќе забележите не е точно, туку рекламирањето е само еден елемент од промоцијата.
  • Лична продажба. Личната продажба претставува процес на давање на помош на потенцијалниот потрошувач за да донесе одлука за купување на производот и/или услугта. Личната продажба претставува елемент од промоција која претставува орална презентација. Овој елемент се изведува преку продажни состаноци, продажни презентации, продажни обуки, телефнски презентации итн. Скоро секоја продажба на крајот завршува со лична продажба. На пример, со омош на економска пропаганда го будите интересот кај поенцијалниот потрошувач кој доаѓа во Вашиот продажен објект. Тука стапува на сила продажниот тим кој ќе треба да го презентира производот и/или услугата како потенцијалниот купувач стане вистински купвач со донесув ање на одлука за купување.
  • Промоција на продажба. Ова се елемнти од промотивниот микс кој треба да стимулира на краток рок купување или продажба на производи. Како примери од овој облика на промоција можеме да ги наведеме попустните купони, попусти, тестери и мостри, премии, саеми, наградни игри … Сите овие промотивни елементи се дизајнирани да стимулираат поголема продажба. Препорачливо е користење на ваквити стимулирачки промоции како би се привлекле повеќе потенцијални потрошувачи, како би се наградиле сегашните купувачи и како би извлекле поголема продажба од сите потрошувачи. Ова го прават сите големи компании.
  • Односи со јавноста и публицитет. Односи со јавноста претставува планирана активност на комуницирање со потенцијални потрошувачи со цел да се влијае на прифаќањето на бизнисот и производите на бизнисот. Публицитет пак претставува бесплатна вест за бизнисот или пак производот и/или услугата која може да има озитивно влијание врз потенцијалните потрошувачи. Ова може да биде вет во весници, ТВ, радио, интернет … Овој тип на промоција претставува

Значи целта на промоцијата е да распространи информации за бизнисот до потенцијалните потрошувачи. Која од погоренаведените промотивни елементи ќе се користи и како зависи од типот на бизнисот и пазарот на кој се наоѓа бизнисот.

Пожелно е претприемачите да направат план за промоција на бизнисот и производите и/или услугите кои што ги нуди бизнисот. Планот би ребало до содржи:

  • цел на промотивна кампања,
  • што треба да се постигне со истата
  • тип на промотивна кампања
  • буџет за истата
  • период во кој ќе се спроведува

Различна промотивна форма различно влијае на потенцијалните потрошувачи. Вистинскиот избор на миксот на пропагандните елементи може да допринесе до зголемување на влезот на потенцијалните потрошувачи во продажната инка на бизнисот. Потребно е многу добро да се дизајнира промоцијата од страна на претприемачот како би можело ефективно и ефикасно секој денар вложен да се врати неколкукратно во полза на бизнисот.

post

Не започнувај со маркетинг пред да ги кажеш следниве искази

Листа на маркетинг активности Маркетинг е зборот кој скоро во сите формални процеси на претприемништво претставува составен дел.

Кога сме кај процес на претприемништво, вчера завршив со една сосема нова скица на тој процес во која се вклучени сите модерни (и секако потребни) подпроцеси на тој процес (тука е и маркетингот), но и одредени сегменти од теорија на бизнис идеи која ја развиваме тука. Дури и го именував, се вика претприемнички часовник. Го оставам малку да одлежи, и по одредени дополнителни проверки и тестирања може да го презентирам. Процесот ги содржи идеите на lean стартап, развој на купувачи и моделирање на бизнисот како најголеми измени од традиционалниот процес кој најверојатно сте го сретнале. И да, не е посебно издвоен бизнис планот, одлучив дека процесот на бизнис планирање е подобро да биде во процесот на менаџментот (нели и една од функциите на менаџментот е планирање) бидејќи дури тогаш ќе се користи.

Ние тука зборуваме за мали бизниси. Зборуваме за тоа да се постигне повеќе со оптимално ниво на вложување во маркетинг. Вложување не значат само пари, туку и труд, енергија, време…

Во изминатите неколку години имам видено многу мали бизниси, па може да се каже и стартапи кои започнуваат со вложување на голем износ на финансиски средства токму во маркетингот. Оваа моја реченица не значи дека не треба да се вложуваат, но значи да се постави прашањето колкав е повраток на таа инвестиција. Не значи дека не треба да се инвестира, туку значи знаење за тоа како и каде да се инвестира. Не значи дека не треба да се започнува со големи вложувања, туку значи да се провери дали тие вложувања се “паметни” вложувања.

И добро, да не должам премногу да преминам на најважните искази кои треба да си ги кажеш како еден претприемач пред да започнеш со имплементација на било која маркетинг тактика:

  • Јас знам кои се точно моите идеални купувачи.
  • Јас знам точно што сакам да постигнам.
  • Јас знам точно што сакаат моите купувачи.
  • Јас знам точно како да допрам до моите купувачи.
  • Јас знам точно каде се моите купувачи.
  • Јас знам точно кое маркетинг средство за кој сегмент одговара.
  • Јас знам точно што треба да правам за да го постигнам она што сакам да го постигнам.
  • Јас имам маркетинг план чија реализација ќе помогне во постигнување на она што сакам да го постигнам.
  • Јас знам кои се клучните индикатори кои треба да ги мерам за да постојано го подобрувам процесот.
post

Публицитет преку односи со јавноста

Публицитет Публицитетот е еден вид на однос со јавноста кој и овозможува да се изврши промоција на компанијата, менаџментот како и производот/услугата.

Доколку компанија е силна, тогаш таа нема некој преголем интерес за создавање на позитивни врски со јавноста од оние кои ќе и ја обезбедат или одржат силината која веќе ја имаат. Но, доколку позициите на компанијата се нарушат, поради различни причини (судир со политичко раководство, разни обвинувања од страна на конкуренцијата и слично), тогаш доброто мислење на јавноста за компанијата претставува голем капитал, кој компанијата може да го искористи за остварување на своите цели.

Публицитетот е форма на бесплатна реклама (или многу евтина), меѓутоа нејзините цели се комерцијални. Фактот дека промоцијата за компанијата е ефтина, не значи дека со неа не треба ефикасно да се управува, заедно со останатите инструментите на промотивниот микс.

Менаџерот некогаш не може во потполност да ја контролира сликата која неговата компанија ја има во опкружувањето, но може значајно да влијае врз подобрување на таа слика преку примена на публицитетот како и со севкупното подобрување на односите со јавноста.

Еден од начините за ефикасно управување на публицитетот е градење на доверба со водечките менаџери на одделни информативни гласила, како и одржување добри односи со новинарски, радио и ТВ-куќи, односно обезбедување на информации, кои би се пласирале во вистинско време и кои во одреден момент би можеле да бидат атрактивни и вредни за објавување.

Публицитетот е моќен инструмент на промотивниот микс, бидејќи креира кредибилитет на компанијата, на производите/услугите и на менаџментот. На публицитетот по правило му се верува, и вистина е дека добриот или лошиот публицитет, има големо влијание врз имиџот на компанијата, како и врз обемот на продажбата.

Прво е потребно да се дефинираат целите кои треба да се остварат со публицитетот. Во креирањето на кампањата, менаџерите на располагање ги имаат следниве можности: објавување одредени информации за компанијата, за производот или менаџментот (во весници, на телевизија, радио, интернет). Понатаму, препорака е организирање на прес конференција, на која се најавуваат одредени деловни потфати (ова е добро доколку одредени објаснувања не можат да се дадат во кратките информации од весниците). Исто така препорачливо е да се организира прием за видни гости при промоција на нов модел на производот или при отварање на нова технолошка линија, што како големо случување треба добро да се подготви и маркетиншки испрати, со цел видните гости да бидат импресионирани, па тие понатаму во пошироката заедница да шират убави зборови за компанијата и нејзиното работење. Може да биде овозможена посета на компанијата и од други таргетни групи (ученици, студенти, одредени здруженија, и слично), кои ќе ги видат работните простории, магацини, ќе се запознаат со начинот на функционирање на компанијата и ќе се запознат со вработените во компанијата.

Сите овие контакти имаат за цел создавање добра слика за компанијата во јавноста, што за компанијата ќе претставува вреден потенцијален капитал.

post

Маркетинг стимулации на меѓународниот пазар

Маркетинг Компанијата треба да го анализира побарувањето на производот/услугата на домашниот и странскиот пазар, за да се утврди на колкава побарувачка треба да се смета во одреден временски период. За таа цел се проверуваат податоци за неколку години порано, за приближно да може да се предвиди порачката.

Врз база на тоа се прават планови за продажба, а врз база на тие планови се создаваат ориентири, преку кои може да се набљудува продажбата, односно порачката на производите.

Вистинската побарувачка на производите може да биде мала, преголема или во рамките на очекуваното. Со оглед на овие показатели се приспособува работењето на компанијата. Односно, компанијата го намалува, зголемува или држи на исто ниво производството. Доколку побарувањето е поголемо, акцент се става на зголемување на производството. Односно се врши обезбедување на доволен број на производи за заинтересираните купувачи. Доколку побарувачката е помала, тогаш акцентот во работењето се става на маркетинг акциите со кои би се стимулирало побарување на производите. Доколку поради одредени причини тие акции не вродат со плод, тогаш како прв чекор следува намалување па дури и стопирање на вкупното производство, за да не се зголемуваат губитоците. Доколку побарувањето е во рамки на предвиденото, тогаш се продолжува континуитетот на активностите, бидејќи менаџерскиот врв извршил квалитетно планирање.

Негативното побарување се јавува доколку се продаваат производите кои не се барани за одредени подрачја. Пример: Опрема за зимско скијање да се продава на море. Секако дека и таму би се нашол по некој купувач, но тој број не би бил доволен за профитабилно работење. Негативно побарување се јавува и доколку купувачите не се запознати со можностите што ги нуди производот. Доколку е помала побарувачката на производите од планираното ниво, тогаш треба маркетингот да открие дали производот ќе се купува доколку се редизајнира, доколку се намалат цените или се подобри рекламата. На тој начин негативното побарување се преобразува во позитивно побарување.

Менаџерите задолжени за маркетинг се оспособени да го стимулираат побарувањето на производите што ги произведува компанијата, односно треба да пронајдат купувачи за постоечките производи. Заради тоа, задачата на менаџерите е да го објаснат значењето на производот, со што би извршиле стимулирање на продажбата. Поради овие стимулации, компаниите често се наоѓат на удар на јавната критика. Компаниите се бранат со објаснување дека тие не создаваат непостоечки потреби, туку дека потребите постојат и дека тие само таквите потреби ги активираат.

Компаниите преку рекламата психолошки дејствува на купувачите да го купуваат одредениот производ, па најчесто купувачите не се ни свесни дека се изманипулирани, туку мислат дека тоа е нивна сопствена одлука. Пример: Доколку на ТВ или радио се слуша одредена музика која оди со рекламираниот производ, а купувачот се најде во продажен објект и ја слушне музиката, веднаш ќе се асоцира на одредениот производ и во голем број на случаи и ќе го купи.

Голем број на купувачи често не се ни свесни за суптилните маркетинг пораки, преку кои се наведени да купат одредени производи или да користат одредена услуга, туку мислат дека самите одлучиле да извршат купување. Маркетинг експертите користат значајни маркетинг стимулатори како: музика, боја, дизајн, вкус, мирис, пакување… Нудат дополнителни сатисфакции на редовни или потенционални купувачи. Доколку купувачот го повтори купувањето, тогаш тој заслужува “награда”. Пример: Купи пет добиваш едно гратис; купи масло за кола-замена гратис; нудење на одложено плаќање и слично, се со цел да се придобијат купувачите.

На купувачите може да им се постават и излезни бариери, доколку им се продадат производи кои не се со стандардни димензии и кои тешко можат да се најдат кај конкуренцијата. Пример: полначите кај мобилните телефони не можат да се комбинират за секој телефон, додека каблите кај компјутерите можат да се комбинираат. За да го сокријат овој трик, компаниите во договорот можат да гарантираат дека ќе обезбедат во наредните неколку години делови за одреден производ, но сепак тој производ може да се купи само кај нивните представници.

Некогаш стимулирањето на купувачите се врши преку наградување, врз база на вредноста на купената стока, а некогаш врз база на фрекфенцијата на купување. Често се користи кредитна политика, како стимулирачки фактор за подобрување на продажбата. Некои производи можат да се продадат само доколку се кредитираат купувачите.

Кредитирањето се врши најчесто при купување на поскапи предмети. Тоа е најчест случај при купување на капитални производи како: производствени машини, багер, камион, комбајн.

Цел на секоја кредитна политика е да се зголеми побарувачката, а при тоа да се обезбеди сигурна наплата на побарувањата. При кредитирањето се води сметка за ниво на врзување на финансиските средства, како и за ризикот при наплата, односно дали навремено и целосно ќе биде наплатен побаруваниот износ, бидејќи со тие пари потребно е да се платат пристигнатите обврски кои ги има компанијата, спрема своите доверители. Во пракса, за купувачите постојат добри и лоши кредити.

Добри кредити се оние со помала кредитна стапка, но тоа и не е толку пресудно, бидејќи условите на кредитирањето се определуваат од страна на банките, па компаниите немаат големо влијание врз кредитот.

Доколку се земе кредит за да се купи машина со која понатаму ќе се заработува, тоа е добар кредит. Доколку се земе кредит за производите кои не се неопходни, а се немаат реални приходи за покривање на тие издатоци, таквото кредитирање, односно задолжување на купувачите, е негативно.

Заради ваквите купувања често се обвинуваат компаниите кои со маркетинг акциите стимулираат вакви, помалку потребни купувања. Тоа се работи под парола “купи сега, плати подоцна”, “мала рата лесна отплата”.

Покрај добрите страни, кедитирањето има и негативности, бидејќи се врзуваат финансиски средства, па најчесто компаниите за тоа наплаќаат камати. Некаде не се наплаќаат камати, што е најчесто врзано за односот на конкуренцијата, но зависи и од стабилноста на финансискиот пазар. Некогаш пресметувањето на каматите, компаниите суптилно го кријат. За да ги заштитат своите средства, компаниите најчесто им нудат можност на купувачите да извршат купување по една цена, доколку веднаш платат, а друга поголема цена, за одложено плаќање. При одобрување на продажбата преку кредит, мора да се води сметка и за законските ограничувања, кои ги наметнуваат државните органи, врзани за условите на кредитирање. Треба да се испитаат и можностите како купувачите полесно да дојдат до потрошувачките кредити кои ги одобруваат банки.

Платежните картички овозможуваат плаќање во земјата и во странство. Банките издаваат кредитни картички, па гарантираат наплата на долгот, што за компанијата претставува поволна можност и намалување на ризикот.

Давањето стока на почек, е вид на кредитирање. Во некои продавници постојат тетратки во кои се евидентирани сите набавки од одредени купувачи и тие еднаш месечно плаќат. Доколку купувачот е склон кон шпекулации, ова стратегија може да биде лоша. Кога ќе се соочи со плаќање, купувачот може да се префрли кај конкуренцијата, за да го избегне или одложи плаќањето.

Со цел да се зголеми продажбата, на купувачите може да им се одобри бесплатен превоз за купените производи. Зголемена побарувачка може да се оствари и со намалување на даноците и таксите, бидејќи тогаш на луѓето им остануват поголеми средства на располагање. Но овие поволности се во надлежност на државата, па на нив компанијата помалку може да влијае.

post

Промотивна продажба

Маркетинг пред започнување Промотивната продажба се дефинира како промоција, која подразбира моментално поттикнување на купувачите за купување на одреден производ (услуга).

За разлика од рекламирањето, каде ефектот може да биде подолгорочен, промотивната продажба е пред се тактички инструмент, преку кој најчесто се продават новите производи, но секако дека има и рекламен карактер. Промотивната продажба е директно насочена кон купувачите и има за цел директно да се контактира со купувачите (преку рекламна пошта, рекламни медиуми, бесплатни примероци, поклони, купони за попусти), со цел да се увиди нивното мислење и став спрема производот и спрема компанијата, но истовремено се настојува и тој производ да се промовира и прикаже во најдобро светло, за да се продаде.

Во меѓународните услови на работењето, често се наметнува потреба промоцијата да ја врши промотер кој доаѓа од друга држава.

Секако дека тие промотери добро го познават англискиот јазик, но најчесто не ги познаваат локалните јазици што некогаш може да претставува проблем во комуникацијата. Во тој случај организаторот на промотивната продажба мора да обезбеди човек, кој ќе биде врска помеѓу англискиот и локалниот јазик. Но, не е доволно само познавање на јазиците, тие личности мора да поседуват и технички знаења, но и преговарачки знаења, за да може промотивната продажба да се реализира.

Промотивната продажба најчесто се организира таму каде што има голем број на потенцијални купувачи. Потребно е купувачите да се поттикнуваат да ги пробаат производите, за да се уверат во нивниот квалитет и да ги купат во поголеми количини. Промотивната продажба може да биде насочена кон целен пазар, односно кон поединец, група, но и кон одделни канали на дистрибуција на производот како што се трговијата на големо и трговијата на мало.

Доколку дистрибутерот е голем и значаен, тогаш презентацијата може да се организира само за него, но во некои случаи може да се организира промоција и пред повеќе дистрибутери, што на некој начин би ја поттикнала конкуренцијата меѓу нив и би се направил обид да се создаде мислење дека претставува престиж купувањето на производот на таа компанија.

Преку промоцијата, трговците се стимулираат да купуваат (за понатамошната продажба) одреден производ, а бидејќи се запознаени со квалитетот кој го поседува производот или пак го виделе начинот на производството, кое се одвива на квалитетен начин, не се сомневаат дека при користење на тој производ може да дојде до несакани дефекти. Со тоа го потврдуваат мислење дека купувачите ќе бидат задоволни и ќе има побарувања за тој производ.

Промоцијата во продавниците има за цел да се комуницира со купувачите при купувањето на одреден производ во реално опкружување. Најчесто се определува место во продажниот простор, каде што се врши промоцијата на новите или подобрените производи.

Доколку се рекламираат пијалоци или храна, најчесто се овозможува дегустирање на истите, со што купувачите би се увериле за квалитетот на производите. Доколку се промовира нов автомобил, тогаш би им се дозволило на заинтересираните, во присуство на промотерите, да извршат пробно возење. Доколку се рекламират одредени машини, тогаш се презентираат техничките карактеристики и можности на тие машини. Доколку машините се големи, промоцијата може да се организира и во самата компанија, каде би се повикале потенцијалните купувачи и би се организирала промоцијата.

Саемските манифестации, изложби и слични случувања се погодни за вршење на промотивна продажба, бидејќи тоа се места на кои се собираат голем број на луѓе. Колку бројот на луѓе е поголем, поголем е и ефектот од промоцијата, но и од продажбата. На купувачите најчесто им се нудат специјални попусти, доколку го купат одредениот производ, додека трае манифестацијата, што за купувачите претставува дополнителна стимулација. При тоа треба да се организира и паралелно течење на рекламните пораки преку различни медиуми, за кои се смета дека ќе постигнат најдобар ефект. Врз база на изнесеното, заклучуваме дека промотивната продажба има двоен ефект. Како прво се врши промоција на производите и на компанијата, но не се останува само на тоа, туку се врши и продажба, што е крајна цел на секое производство, производот да се продаде.