post

Ден 2: Комуникација на идеите – 77 подобрувања за 77 дена

Подобрување на креативност Се наоѓаме во вториот ден во нашиот предизвик за подобрување на твојот бизнис во 77 дена. Претходен ден се однесуваше на подобрување на креативноста во твојот бизнис, кој ќе обезбеди колку што е можно повеќе квалитетни идеи.

Ако успееш во зголемувањето на креативноста во твојот бизнис, ќе имаш многу идеи кои ќе можеш да ги спроведеш при што ќе ја зголемиш твојата бизнис потенцијална енергија.

Ти не си сам, и идејата нема да биде само за тебе, доколку ја реализираш истата. Мора да започнеш да ја комуницираш идејата за да дојдеш до можни подобрувањата како резултат на таа комуникација.

Сепак, немa секоја идеја да вреди веднаш да се имплементира. Од друга страна, не можеш ни да спроведеш се и сешто одеднаш. На еден таков начин, ти и твојот бизнис ќе го изгубите фокусот и веројатно квалитетот на спроведувањето ќе биде на многу ниско ниво.

Поради тоа, како прв чекор, или првото нешто што како претприемач можеш да го подобриш по подобрување на креативноста е да се подобри процесот на комуникацијата на идеите кои се резултат на креативниот процес.

Тоа можат да бидат идеи за развој на нови производи или услуги. Тоа можат да бидат идеи за подобрување на технолошкиот процес. Тоа може да се нови идеи за маркетингот. Тоа може да биде нови продажни процеси. Тоа може да биде сè ново што до денес во твојот бизнис го немало.

Комуницирањето на идеите за подобрување значи тие да се покажат и да дискутира за нив како внатре во твојот бизнис така и надвор од исиот.  Ти треба процес за комуницирање на идеите кои произлегуваат од креативниот процес во твојот бизнис.

Внатрешна комуникација

Твоите идеи треба да бидат комуницирани внатре во твојот бизнис, бидејќи тие се само идеи. Секоја идеја може да се подобри ако се гледа од различни гледни точки во твојата компанија.

Надворешна комуникација

Надворешна комуникација е потребна за да ги провериш идеите преку надворешниот свет, односно твојата најблиска бизнис заедница.

Некои идеи не може да се комуницираат со надворешниот свет, бидејќи се строга тајност. Но сепак, можните резултати од самите идеи секогаш можат и треба да бидат комуницирани со надворешниот свет. На пример, не можеш отворено да зборуваш за идеи за технолошки подобрувања, но ќе можеш да зборуваш за резултатите од тоа подобрување како на пример квалитет на производите, пократки циклуси на истражување и развој, пократко време за производство, пониски трошоци на производство…

Процесот на комуникација на твоите идеи има за цел да го провери она што надворешниот свет го мисли за нив, а доколку светот ги сака дали има нешто што може да се подобри во согласност со нивните потреби. Важен дел од овој процес е да се провери дали идеите ги задоволиле потрошувачките очекувања, потреби и желби.

Пред да почнеш со комуникацијата ќе треба да создадеш процес. Еве неколку прашања кои треба да ги одговориш:

  • Која е твојата цел за комуницирање на идеите? Запомни дека различни идеи ќе имаат различни цели.
  • Зошто би требало другата страна да се грижи за тие идеи?
  • Што би сакал другата страна да направи?
  • Која е заедницата со која би сакал да ги комуницираш твоите идеи?
  • Кои се корисностите кои се добиваат со идеите?
  • Кои се можните подобрувања за идејата од самиот процес на комуникација?

Сега да разгледаме некои совети кои может да ти помогнат во подобрувањето на процесот на комуникација на идеите.

  • Користи визуелни ефекти кога ќе ги комуницираш идеите.
  • Најдобрата комуникација е кога постојат две страни во процесот, но со двонасочна комуникација.
  • Користи повеќе од еден начин за комуникација на твоите идеи.
  • Најди лица внатре и надвор од твојот бизнис, који ќе слушаат и ќе ти дадат соодветен feedback.
  • Поставуваj прашања. Поставувај многу прашања.
  • Комуницираj ги резултатите во вид на можните корисности, а не само идејата, или пак најзините карактеристики.

Утре ќе продолжиме со третиот ден, каде што ќе се работи на подобрувањето на заедницата со која ќе ги комуницираш твоите идеи.

post

Ден 1: Зголемување на креативноста – 77 подобрувања за 77 дена

Подобрување на креативност Ова е првиот ден од предизвикот за подобрување на твојот бизнис во 77 дена, каде што твојата задача е да ја зголемиш креативноста и да го подобриш целокупниот креативен процес во твојот бизнис.

Зголемување на сопствената креативност, креативноста на твојата работна средина и тимот на твојот мал бизнис е важна улога во подобрување на твојот вкупен бизнис.

Како и сè околу тебе, креативноста, исто така, може да се подобри. Ако се подобри твојата креативност и креативноста на твоите вработени, тоа ќе значи дека твојата компанија ќе создава поголема вредност за твоите потрошувачи, но исто така и ќе испорачува поголема вредност за нив.

Па, што е креативноста?

Во наједноставна форма, креативен си, ако направиш нешто од ништо. Криетивни луѓе ги гледаат можностите да создадат нешто од ништо.

Уметниците се креативни, бидејќи тие ставаат бои на бела хартија. Претприемачите се креативни, бидејќи тие создаваат нешто од ништо. Тоа нешто е бизнис, кој донесува вредност за потрошувачите.

Сето ова значи дека:

  • Треба да ја одржуваш креативноста во твојата компанија на високо ниво.
  • Треба да најдеш начини да ја зголемиш таа креативност.
  • Конечниот проценител на успехот во твоите напори за во креативноста во твојот бизнис ќе бидат твоите потрошувачи, или твојот пазар.

Ајде да погледнеме некои совети кои можат да ти помогнат да се стекне и да се зголеми процесот на креативноста во твојата компанија:

  • Ако не се обидеш нема ни да знаеш. Треба да се проба нешто ново, ако сакаш да бидеш креативен. Не можеш само да го чекаш вистинскиот момент. Понекогаш вистинскиот момент никогаш нема да дојде.
  • Лоши идеи денес можат да бидат добри идеи утре. Не плаши се дека ти или твоите вработени ќе имате лоши идеи. Ова е најголемата пречка на инвентивноста во твојот бизнис.
  • Бидете подготвени, идеите може да дојдат од секаде. Да, креативни идеи можат да дојдат од секаде, но тие можат и да бидат заборавени набргу, ако не ги запишеш. Секогаш биди подготвен да сочуваш идеи за анализа во иднина. Можеш да користиш лаптоп компјутери или уредите за снимање. Денес барем ова е лесно. Исто така, охрабри ги своите вработени да го сторат истото.
  • Направи твој бизнис да биде многу креативно работното место. Не мислам за мебел или боја на ѕид. Мислам на процеси, процедури и стандарди кои се користат во твојата компанија. Тие се едни од најголемите непријатели на иновации. Но, не треба да ги отстраниш, бидејчи од друга страна пак тие се нешто што може да ја зголемат продуктивноста. Едноставно, треба да ги промениш за да донесат повеќе слобода во процесот на работата, да овозможат споделување на идеите во рамките на твојот бизнис и да овозможат сите луѓе лесно да се префрлуваат од еден вид на работните активности на друг. Тоа ќе ја зголеми иновацијата и креативноста во твојата компанија.
  • Користи mind maps. Овие мапи се едно од најкреативното оружје на креативни луѓе.
  • Обиди се да ја охрабриш промената во рутините. Секојдневната рутина е убиство за инвентивноста во твојот бизнис. Обиди се да најдеш начин да направиш што е можно побрзи промени на рутини во твојот живот и твојот бизнис.
  • Користи вмрежување за да ја зголемиш креативноста во твојот бизнис. Сретнувај различни луѓе, разменувај различни мислења и зборувај за различни искуства со нив. Користи социјални мрежи за да се поврзеш и да комуницираш со колку што е можно повеќе различни луѓе. Охрабри ги своите вработени да го прават истото. Ова ќе го зголеми нивото на иновации во твојата компанија.
  • Наградувај ја инвентивноста. Користи различни наградни системи за да ги охрабриш сите во твојот бизнис да бидат покреативни.
  • Користи brainstorming состаноци за поттикнување на иновациите. Tреба да планираш некое време секоја недела да поминеш со твојот бизнис тим каде што ќе зборувате за нови идеи и можната имплементација на истите. Сите нека бидат охрабрени да споделуваат идеи.
  • Погледнете ги проблемите и различни решенија. Проблемите кои постојат во твојата компанија можат да бидат совршен извор на инвентивност, но и на креативноста.

Следува: Ден 2: Комуницирајте ги идеите

post

Предизвик за 77 подобрувања за 77 дена

77 Подобрувања за 77 дена Сакаш ли да го подобриш твојот бизнис?

Сакаш ли да го подобриш твојот бизнис за максимум 77 денови?

Твоите напори за подобрување како еден претприемач се едни од најважните напори кои ги имаш ти како еден претприемач кои започнуваат уште од раните фази на твојот стартап и не завршува се додека твојот бизнис е жив.

Пред извесен период напишав за 77 подобрувања на бизнисот за 77 дена. Тој пост претставува листа на 77 подобрувања кои може да се спроведат во 77 денови, еден предмет на подобрување за секој ден.

Денес сакам да започнеме еден предизвик за следните 77 денови за да го подобриш твојот бизнис. Секој ден ќе објавиме по едно подобрување за тој ден и потребните акции кои како еден претприемач ќетреба да ги превземеш.

Откако секој ден ќе биде објавен, ќе се ажурира и линкот на овој пост.

Во наредниот дел е презентиран распоредот и календарот за овој предизвик.

Бизнис идеја

Бизнис план

  • Ден 9: Претходно искуство
  • Ден 10: Предвидување
  • Ден 11: Знаење
  • Ден 12: Бизнис модел
  • Ден 13: Цели
  • Ден 14: Графици
  • Ден 15: Намената на бизнис планот
  • Ден 16: Интересност
  • Ден 17: Реалистичност наместо оптимистичност
  • Ден 18: Јас, јас и само јас синдром
  • Ден 19: Поглед кон конкуренцијата
  • Ден 20: Перспективи
  • Ден 21: План за имплементација на планираното
  • Ден 22: Докази

Финансии

  • Ден 23: Извор на финансии
  • Ден 24: Готовински тек
  • Ден 25: Вештини за готовински тек
  • Ден 26: Трошоци
  • Ден 27: Рентабилност
  • Ден 28: Проекции на профит/загуба
  • Ден 29: Коефициент на економичност
  • Ден 30: Коефициент на повраток на инвестиција
  • Ден 31: Стапка на акумулативност

Продуктивност

  • Ден 32: Организација
  • Ден 33: Планирање
  • Ден 34: Системи
  • Ден 35: Личен живот
  • Ден 36: To-Do Листи
  • Ден 37: Препреки
  • Ден 38: Аутсурсинг
  • Ден 39: Вработени
  • Ден 40: Менаџмент системи
  • Ден 41: Информативни системи и софтвер алатки
  • Ден 42: Систем за учење

Бизнис процеси

  • Ден 43: Организирај го неорганизираното
  • Ден 44: Систематизирај ги бизнис процесите
  • Ден 45: Технологија
  • Ден 46: Влез/Излез
  • Ден 47: Бизнис модел

Маркетинг

  • Ден 48: Маркетинг план
  • Ден 49: 4P
  • Ден 50: Маркетинг средства
  • Ден 51: Маркетинг календар
  • Ден 52: Повик за акција
  • Ден 53: Сегментација
  • Ден 54: Листа на потрошувачи
  • Ден 55: Листа на потенцијални потрошувачи
  • Ден 56: Блог дизајн
  • Ден 57: Дизајн на веб страна
  • Ден 58: Маркетинг кампањи
  • Ден 59: Онлајн стратегија
  • Ден 60: Внимание, репутација и доверба
  • Ден 61: Дополнителна услуга
  • Ден 62: Запознај ги подобро потрошувачите
  • Ден 63: Ургентност
  • Ден 64: Корисности
  • Ден 65: Кредибилитет
  • Ден 66: Понуда
  • Ден 67: Социјални медиуми
  • Ден 68: SEO

Продажба

  • Ден 69: Продажна инка
  • Ден 70: Влез во продажна инка
  • Ден 71: Стапка на конверзија
  • Ден 72: Просечна продажба
  • Ден 73: Времетраење на продажна инка
  • Ден 74: Продажен тим
  • Ден 75: Знаење на продажниот тим
  • Ден 76: Насмевка
  • Ден 77: Објаснување
post

Концепт на трансфер и унапредување на кадри

Екипирање - човечки ресурси

Екипирање - човечки ресурси

Со оглед на постигнатите работни резултати, залагање и способност на вработените, може да се врши и трансфер на вработените.

Трансфер претставува преместување на вработените од едно работно место на друго.

Унапредување, претставува преместување на повисоко хиерархииско ниво, кое најчесто е проследено со повисока плата, статус и власт.

Хоризонтален трансфер претставува поместување од една на друга позиција, која се наоѓа на исто хиерархииско ниво. Овој трансфер се применува доколку се јави недостаток на одреден профил на вработените, па се врши дополнување од друг сектор.

Доколку вработениот не ги исполнува работните задачи, не се ангажира доволно и нема соодветно знаење или способности, тогаш се врши трансфер наречен уназадување или деградација. Тоа е преместување на пониско хиерархиско место, пратено со намалување на плати и бенефиции или може да се добие и отказ.

Во текот на работниот век, вработените се унапредуваат почнувајќи од пониска па одејки кон повисока позиција во компанијата. Унапредувањето може да биде иницирано од различни причини:

  • покажани способности,
  • докажана лојалност,
  • потреба за воведување на нови сектори,
  • испразнети повисоки позиции,
  • роднински и пријателски врски и слично.

Чест случај е унапредливите луѓе да чекаат одреден временски период, додека не се ослободи или не се отвори ново работно место каде би се вработиле. Постојат различни причини за испразнување на работни места. Тоа се: пензионирање, болест, смрт, деградација, отказ, напуштање по сопствена иницијатива или доколку со унапредување останало непополнето претходно работно место.

Кога се зборува за унапредување, најчесто се мисли на унапредување кое се врши во рамките на компанијата. И самите вработени повеќе сакаат ваков тип на унапредување, бидејќи се надеваат дека и тие еден ден ќе бидат унапредени на подобра работна позиција.

Политика на унапредување одвнатре

Забраната за поставување на луѓе од надвор на одредена позиција, ја ограничува конкуренцијата и им дава на вработените во компанијата монопол на работните места. Политиката на унапредување од внатре може да биде пригодна за големи компании, бидејќи има многу квалификувани луѓе, па унапредувањето од внатре се приближува до ситуација слична на политика на отворена конкуренција.

Сепак, компаниите често се принудени да одат надвор кога се бара кадар. Опасно е за компанијата доколку следи исклучиво политика на унапредување од внатре, бидејќи можат да се унапредуваат луѓе кои немаат доволно способности или луѓе кои работеле под закрило на успешен претпоставен, па се предимензионирала сликата за способностите на неговиот подреден, која не е потполно исправна.

Често пати при унапредување од внатре се јавува љубомора, ривалство и конфронтација што може трајно да го наруши работењето на компанијата. Тешкотиите се најевидентни при изборот на клучни менаџери или инженери, бидејќи тогаш се во прашање најголеми интереси па конфронтацијата е најинтензивна. Врвните менаџери честопати во такви случаи, одлучуваат да го изберат полесниот пат и да ги избегнат проблемите и конфронтациите со избор на личност надвор од компанијата, кој би завзел клучна позиција во компанијата.

Политика на отворена конкуренција

Но, факт е дека компанијата реално има потреба за луѓе од надвор, за да воведат нови идеи, нови практики и нови методи во работење. Менаџерите мора да одлучат, дали предностите од политиката на унапредување од внатре, се поважни од нејзините недостатоци. Разбирливи се причините за спроведување на принципите на отворена конкуренција, преку отварањето на слободни работни места за најдобро квалификуваните луѓе кои стојат на располагање, било да се од внатре или од надвор. Тоа и дава можност на компанијата, на крајот од анализата, да прими најсоодветен кандидат. На овој начин се надминуваат недостатоците од политиката на исклучиво унапредување од внатре, при тоа овозможувајќи и на компанијата да ги примени најдобрите техники за регрутација на менаџери и неменаџери.

Политиката на отворена конкуренција е подобро и почесно средство при обезбедувањето на потребниот кадар, отколку задолжителното унапредување од внатре. Доколку е потребно да се сочува моралот на вработените, при примена на политиката на отворена конкуренција, компанијата мора да има фер и објективен метод за оценување и избор на своите луѓе. Доколку вработените знаат дека нивните квалификации и способности ќе бидат разгледани и дека ќе бидат добро оценети, а при тоа им се овозможи развој на знаења и вештини, чувството на неправда, ако на испразнето место дојде некој од надвор, ќе биде помало.

Во секој случај вработените треба да бидат способни да им конкурираат на луѓето од надвор. Ако вработените од внатре имаат способност за конкурирање на отвореното работно место, ќе имаат голема предност, бидејќи се запознати со компанијата и нејзиниот персонал, историјата, проблемите, политиката и целите. За таков кандидат политиката на отворена конкуренција треба да биде предизвик, а не пречка при унапредувањето.

Унапредување на клучни менаџери

Клучните менаџери се луѓе кои ја водат компанијата или водат одредени развојни и производни програми, без оглед дали се работи за техничко-технолошко или менаџерско работење.

Вакви менаџери можат да се најдат во сите организациски нивоа, но најчесто се среќаваат на самиот врв или близу до врвот на компанијата. Тие менаџери формираат и спроведуваат клучни идеи, ставови и судови кои и помагаат на компанија да ги постигне своите цели. Тие имаат задача да ја развиваат севкупната политика и работењето на компанијата. Развиваат производи, услуги, кадри, начини за финансирање. Одлучуваат за развојот на нови технологии и други важни прашања за работењето на компанијата, па изборот на клучниот менаџер е од голема важност за понатамошното работење на компанијата.

Во пракса можат да се најдат голем број на примери каде клучните менаџери се прикажани како клучни за успехот или неуспехот на компанијата. Така да изборот на клучен менаџер, претставува одговорна задача во која треба да се вклучат сите релевантни структури во компанијата.

Многу е важно под кои услови доаѓа до бирање на нови клучни менаџери, но важна е и сопственичката структура на компанијата. Во некои случаи, сопствениците на најголем број на акции определуваат менаџери на клучната позиција, а некогаш одлучувањето за клучните менаџери се препушта на врвниот менаџмент на компанијата.

Доколку е тоа редовна замена заради пензионирање, компанијата работи стабилно, има добри резултати во работење, тогаш бирањето на клучни менаџери претставува помал проблем, при што може и претходниот менаџер да промовира свој наследник или тоа може тивко да се изврши во рамките на самата компанија.

Тука единствено настанува проблем доколку постои ривалство помеѓу клучните менаџери, па тоа ривалство може да биде продолжено и по изборот. Така што новоизбраниот менаџер може да му се реваншира негативно на својот ривал, преместувајќи го на пониско работно место, терајќи го на тој начин сам да ја напушти компанија, што во такви случаи претставува и најдобро решение за компанијата, бидејќи се избегнува конфронтација.

Но, доколку компанијата се наоѓа во лоша состојба, унапредување од внатре не е препорачливо, бидејќи луѓето од внатре ја создале таа ситуација. Но, тоа секогаш и не мора да биде точно, бидејќи помладата менаџерска структура нема клучна улога во донесувањето на главни одлуки, па не може во иста мерка да ја понесе и одговорноста за неуспехот. Од друга страна тие ја познаваат состојбата во компанијата, па со поголемо унапредување можат да покажат успех во работењето.

Но, постојат и голем број на причини за избор на клучни менаџери надвор од компанијата. На надворешните кандидати може да се смета повеќе отколку на внатрешните, бидејќи тие немат разгранети роднински и пријателски врски, па можат да одлучуваат без дополнителни притисоци. Нов клучен менаџер може да се доведе од страна и во случај кога некој менаџер долго стои на одредена позиција, па е потребно да се внесе ’свежа крв’ за да компанијата добие полетна атмосфера. Во секој случај, изборот на нов клучен менаџер ќе ја обележи нова ера во работењето на компанијата.

post

6 Совети за да го извлечеш најдоброто од твоите вработени

Најдоброто од вработени Ти не си сам во активностите да го направиш твојотот бизнис да биде успешен. Како еден претприемач ти си важен дел од твојот бизнис успех, но твоите вработени му даваат нуклеарната енергија на бизнисот за патот кон успешноста.

Многу од твоите планирани активности може да пропаднат, доколку вработените не ги спроведуваат на вистински начин. Можеш да го имаш најдобриот план, опрема, производи и услуги, но ако вработените не го дадат својот максимум во спроведувањето, твојот бизнис нема да успее.

Како да го добиеш најдоброто од твоите вработени?

Како можеш да го извлечеш максимумот од нив?

Еве неколку совети кои можат да ти помогнат во добивање на она што го сакаш од твоите вработени.

1. Секогаш имај ги вистинските луѓе за твојот бизнис

Ако сакаш твојот бизнис да успее, тогаш ќе ти требаат прави луѓе за него. Неможеш да ги вработиш сите. Но, ако ги имаш вистинските луѓе во твојот бизнис, тие ќе го дадат најдоброто од себе за спроведување на сите твои стратегии.

Затоа, многу е важно за да имаш прав систем за регрутирање на кадри во твојот бизнис.

2. Обезбеди фер плата

Правило е да дадеш, ако сакаш да го добиеш најдоброто од твоите вработени. Важно е за нив да не се чувствуваат како некој кој дава повеќе работа за помала плата.

Обезбеди фер услови за нивната плата, ако сакаш да го извлечеш најдоброто од нив.

3. Обезбеди добри услови за работа

Никој не сака да работи и да придонесува во лоши работни услови. Добри услови за работа се работните места кои овозможуваат непречено извршување на работните задачи и во исто време се инспиративни и задоволувачки за вработените.

Обезбеди одлични работни услови и работна околина, ако сакаш да го извлечеш најдоброто од нив.

4. Поттикнувај ги да работат подобро

Можеш да користиш различни стимуланси кои ќе ги охрабрат да работат подобро. Таквите стимуланси ќе ги поттикнат секојдневно да ги подобруваат сопствените резултати. Како пример за овие видови на стимуланси може да биде план за делење на профитот кој нормално ќе ги охрабри да придонесат во зголемувањето на профитот во вашиот бизнис.

5. Дај им целосна контрола на нивната работа

Тие се секојдневно во контакт со својата работа. Тие се супериорни во она што го работат. Зошто не би им дал/а можност да ги контролираат сопствените работи и активности што ги спроведуваат?

6. Дајте им дефинитивни одговорности

Дали би сакал/а да работиш нешто за што не ги знаеш своите обврски? Секој сака да знае што е неговата одговорност. Ако им објасниш кои се нивните одговорности и што се очекува од нив, се здобиваш автоматски со подобар потенцијал за извлекување на најдоброто од нив.

 

post

Кратенки може да бидат опасни за твојот бизнис, понекогаш

Кратенки во бизнис Дали си претприемач кој секогаш сака да си најде кратенки при донесување на одлуки за бизнис?

Кратенките можат да бидат многу корисни за претприемачите и нивните компании. Тие ја прават продуктивноста да биде на повисоко ниво и го скратуваат времето во работата.

Сепак, дури и ако тие понекогаш се корисни, мора да знаеш дека постојат два различни вида на кратенки:

  • Првите се кратенките кои ќе те доведат до исполнување на целта. Тоа се кратенки кои се корисни за тебе и за твојот бизнис во целина. Тие тебе и твојот бизнис ве прават попродуктивни. Тие допринесуваат во дополнителното време да се сконцентрираш на други важни активности за твојата компанија.
  • Сепак, постои и втор тип на кратенки кои не те доведуваат до целната линија. Тие не ги даваат очекуваните резултати дури и да го скратат твоето работно време. Од друга страна, бидејќи тие не ги направиле достигнувањата на вашите деловни цели, не можеш да ги ставиш во категорија на нешто со што се зголемува твојата продуктивност. Да се биде продуктивен не е доволен само квантитетот, туку и квалитетот.

Многу пати, во обид да се намали нашето време за да бидеме попродуктивни ја ризикуваме вредноста која треба да биде постигната и испорачана кон крајниот купувач или потенцијален купувач.

Да речеме дека продуктивноста е вредност што треба да се подели со нашето потрошено време за произведувавање на таа вредност

Продуктивноста = Вредност / Време

Сега, ајде да речеме дека ти е потребна вредност од 10 и за да се постигне тоа треба да се потрошат три часа од твоето време.  Продуктивноста ќе биде 3,33.

Ако најдеш  кратенка која може да ти донесе иста вредност, но ќе треба да се потрошат само два часа за да се заврши работата за таа вредност,продуктивноста ќе биде 5. Ова е добра кратенка, и веќе можеш да ја направиш стандардизирана за иднина на твоите бизнис активности.

Сепак, што ако кратенката не обезбеди иста вредност, што честопати е случај? Да речеме дека на кратенката ќе ја скратиш вредноста за 50%. Сега продуктивноста ќе биде 2,5.

Понекогаш некои кратенки можат да ја зголемат нашата продуктивност дури и со помала вредност. На пример, ако вредноста е 9 за кратенка што ќе бара само два часа од твоето време, тогаш продуктивноста ќе биде 4,5 што сепак е поголема од твојата почетна позиција од 3,33. Сепак, прашањето сега е за вредноста. Дали вредноста 9 ќе биде доволна за да го обезбедиш успехот во твојот бизнис? Ако е ДА, тогаш ќе можеш да ја стандардизираш оваа кратенка.

Некои деловни активности ќе бараат повеќе работа за да се спроведат, но на крајот резултатите ќе бидат многу важни за успехот на твојот бизнис. Со кратенки во такви важни активности го ризикуваш квалитетот на работата што може директно да влијае врз успехот на твојот бизнис.

Грешките со кратенки може да бидат фатални за претприемачот и неговиот бизнис. Понекогаш времето кое тие го поминуваат на нивните кратенки може да биде навистина безвредно потрошено време.

Сега, што мислиш за кратенките? Дали тие секогаш ја зголемуваат продуктивноста во твојот бизнис?

post

Постави ги твоите бизнис цели одговарајќи на следниве прашања

Бизнис цели

Бизнис цели

Во светот на малите бизниси, се што ти или твојот бизнис го превземате или секоја акција која ја превземаш е за да постигнеш нешто. Тоа нешто се твоите бизнис цели.

Дали ти си претприемач кој го води сопствениот бизнис без цели?

Мал бизнис без соодветни цели е исто што и човек загубен во една прашума.

Знај го твојот финиш

Не можеш да започнеш со поставување на бизнис цели доколку не знаеш што сакаш да постигнеш во иднина, односно за времето за кое ќе се однесуваат целите. Мора да знаеш каде твојот бизнис сакаш да биде во иднина.

Одговори ги следниве прашања:

  • Каде се наоѓа мојот бизнис сега кога станува збор за потрошувачи, продажба, приход, профит…?
  • Какви се резултатите од минатото? Зошто ги имам постигнато и зошто ги немам постигнато моите цели во минатото?
  • Што морам да поправам мојот процес на поставување на цели, а што го научив од одговорот на претходните две прашања?
  • Каде сакам мојата компанија да биде во однос на потрошувачи, продажба, приход, профит… по 5 години од сега?
  • Каква е визијата за мојот бизнис?
  • Кои се моите таргети за следните 5 години?
  • Постојат ли билокакви препреки за постигнување на моите цели?
  • Како можам да ги надминам препреките доколку постојат?
  • Што ќе се случува во иднината?
  • Кои се трендовите во мојата индустрија, пазарот или блиското бизнис опкружување?
  • Какви промени би сакал да видам во мојот бизнис во следните 5 години?
  • Какви промени би сакал да ги видам надвор од мојот бизнис во наредните 5 години? Дали тоа е возможно и колку?

Забележувате дека прашањата ве водат низ еден систематски пристап на определување на вашите цели започнувајќи од вашата сегашна состојба, преку визија, терндови и аспирации до можните цели.

Определување на твоите бизнис цели

Како што можеш да забележиш од претходниот дел и прашањата, ја имаш основната рамка за твоите бизнис цели. Знаеш што сакаш да постигнеш, ги знаеш идните трендови и заеш што МОРА да постигнеш.

Гледај ги твоите цели како точки кои ја поврзуваат траекторијата од твојата сегашна позиција до точката каде сакаш да биднеш во следните 5 години.

Сега со сето тоа знаење, едноставно треба да ги поставите вашите бизнис цели на парче хартија и да ги одговорите следниве прашања:

  • Дали моите цели се специфични?
  • Дали моите цели се мерливи?
  • Дали моите цели се остварливи?
  • Дали моите цели се реалистични?
  • Дали моите цели се временски ограничени?

Целта на овие прашања е да ги направите вашите цели во SMART форма.

Дефинирај конкретни чекори за секоја цел

Тука ќе треба да одговорите на само едно прашање по што ќе бидете спремни да го започнете маратонот на дефинираната траекторија се до финишот кој сте го предвиделе.

  • Кои акции треба да ги превземам за да ги исполнам секоја од моите дефинирани цели?
post

Слушање како нова бизнис функција

Слушање Дали ги слушате вашите потрошувачи?

Дали ги слушате вашите потенцијални потрошувачи?

Видот на малите бизниси кој го познававме во минатото полека но сигурно се губи од сцената на денешниот бизнис свет.

Некои од нив се трансформираат и започнуваат да ги користат новите алатки за водење на бизнис. Некои од нив едноставно исчезнуваат бидејќи едноставно не сакаат да ги прифатат промените. Но, и некои од нив кои сеуште не исчезнале, набргу ќе исчезнат доколку не превземат нешто за да се променат самите себеси.

Мора да започнеш да го слушаш твојот пазар.

Слушај ги твоите потрошувачи и потенцијални потрошувачи

Денес твоите потрошувачи и потенцијални потрошувачи се помоќни од било кога во минатото. Тие се опремени со алатки наречени како социјални медиуми кои им овозможуваат да ја распространат нивната мисла со светлосна брзина. Тие можат да и помогнат на твојата компанија преку споделување на добар збор за тебе, твојот бизнис, твојот бренд или пак твоите производи и услуги. Но, исто така тие можат да те нападнат и создадат лошпублицитет за твојот бизнис.

Затоа како еден претприемач секогаш мора да бидеш блиску до твоите потрошувачи и потенцијални потрошувачи. Мора да започнеш да ги слушаш секаде каде што се наоѓаат, да одговараш и да комуницираш со нив.

Мора да им помогнеш доколку се обидуваат да најдат решение за нивните проблеми, мора да комуницираш со нив за темите на твојата експертиза. Мора да се извиниш за некои твои грешки кога тие зборуваат за нив и да им понудиш можности да се поправат грешките.

Слушај ги твоите конкуренти

Од друга страна, тука се и твоите конкуренти кои што исто така мора да ги слушаш. Што тие велат, нудат, користат, како комуницираат со нивните потрошувачи и потенцијални потрошувачи…? Сите овие прашања се вредни за тебе и твојата компанија бидејќи може да се користат во процесот на учење и подобрување на бизнисот во иднина.

На пример, можеш да дојдеш до конверзација помеѓу твоите конкуренти и нивните незадоволни потрошувачи. Зошто да не започнеш конверзација со тие потрошувачи и да се обидеш да ги конвертираш во твои задоволни потрошувачи.

Ова е нов вид на разузнавање кое може да ја зголеми твојата бизнис потенцијална енергија.

Што треба да слушаш?

Мора да слушаш се што се однесува за:

  • Твојот бренд,
  • Иметона твојата компанија,
  • Името на твојата компанија плус придавки,
  • Индустрија,
  • Производи и услуги,
  • Главните конкуренти,
  • Конкурентските производи и услуги,
  • Твоите тековни потрошувачи и нивните имиња или имињата на нивните компании,
  • Конверзацијата на твоите тековни потрошувачи…

Како што можеш да забележиш слушањето станува една од најважните бизнис активности денес. Тоа е нова функција која носи нова и ја зголемува постоечката бизнис потенцијална енергија на твојот мал бизнис.

Што мислите за слушањето како една бизнис функција? Дали го користите слушањето и што слушате за вашиот бизнис?

post

27 Ресурси на информации за твоите бизнис одлуки

Твоите одлуки ќе се базираат на информации кои ги имаш во самиот процес на донесување на одлуки. Како ќе можете да донесете одлука доколку немате вистинска информација, во вистинска форма на вистинско место.

Информациите се едни од најважните ресурси за твојата компанија. Доколку во минатото зборувавме само за човечки, финансиски и материјални ресурси, денес никако не смееме да ги исклучиме информациите како еден важен ресурс за твојот бизнис. Информациите се нешто што креираат знаење за твојот бизнис, а знаење ја зголемува бизнис потенцијалната енергија.

Да зборуваме малку за можните извори на информации кои можеш да ги користиш во процесот на донесување на одлуки.

1. Ресурси лоцирани во внатрешноста на твојот бизнис

Добро почетно место за стекнување на информации е твојот бизнис. Доколку твојот бизнис собира, класифицира и складира податоци во некоја корисна форма, процесот ќе биде многу поедноставен. Како и да е, доколку твојата компанија има голема количина на податоци, од кои одреден дел се несакани или воопшто некорисни, ќе ви биде потребно доста време за да дојдете до нешто релевантно.

Многу пати корисни информации може да се стекнат од колегите, но ова се базира на постоење на добра колегијална соработка. На различни хиерархиски нивоа, постојат различни податоци. Мора да имплементираш систематски приод за собирање, класифицирање и складирање на корисни податоци во твојот бизнис.

  1. Внатрешни статистики
  2. IT сектор
  3. Финансиски сектор
  4. Продажба
  5. Колеги
  6. Истражувања
  7. Бизнис библиотека
  8. Истражување на пазарот
  9. Внатрешни формални комуникациски алатки
  10. Внатрешни неформални комуникациски алатки
  11. Белешки од состаноците

2. Ресурси лоцирани надвор од твојот бизнис

Твојот бизнис не е сам во галаксијата наречена пазар. Многу различни ентитети постојат и ќе постојат кои можат да влијаат на твоите бизнис одлуки. Затоа не можеш да ги базираш твоите бизнис одлуки само на внатрешните извори на информации.

Корисни идеи, вредни податоци и придонеси може да пристигнат од надворешноста на твојот бизнис. Постојат многу експерти. многу индивидуални извори и интернетот кои може да бидат корисни за твојот бизнис.

  1. Семејство
  2. Пријатели
  3. Контакти
  4. Конкуренти
  5. Stakeholders
  6. Настани
  7. Публикации
  8. Пресови
  9. Консултанти
  10. Надворешни истражувања
  11. Универзитети
  12. Медиуми
  13. Интернет
  14. Социјални медиуми
  15. Истражувачки публикации
  16. Вести од индустријата.
post

Обука – Создавање на успешни и ефикасни кадри

Екипирање како менаџерска функција

Обука на кадар

Под обука се подразбира усовршување на вработените. Постојат големи разлики во способностите, искуството и карактерот на кандидатите, па квалитетот на обуката се зголемува во зависност од инивидуалните способности на кандидатот.

Со образовните програми најчесто не е можно да се опфатат сите практични знаења кои ги бара една компанијата, па се јавува потреба за обучување на нововработениот кадар.

Тоа е скап процес, бара да се одвои време и финансиски средства за да се ангажираат други вработени, кои наместо да бидат ангажирани со исполнување на своите работни задачи, работат на обучување на нововработените. Секоја компанија одделно одлучува дали и во која мерка ќе обучува свои нововработени. Точно е дека така обучените вработени подоцна, со своето работење ги надоместуваат вложените средства, но компанијата секогаш мора да дозира одредено ниво на обука, бидејќи е можно да се јави нелојалност на вработениот, па тој со стекнатите знаења да прејде во друга компанија. Затоа секоја компанија одделно одлучува за должината и интензитетот на обуката, најчесто во зависност од сложеноста на работните задачи кои стојат пред нововработените.

Обука може да се смета еднодневна подготовка за извршување на работните задачи, но како обука може да се смета и повеќемесечното високософистицирано подучување. Но, во секој случај овој процес е насочен кон зголемување на способностите на поединците или групите. Програмите за обука се директно задолжени за одржување и унапредување на тековните работни способности на нововработените, а програмите за развој се грижаат за идните потреби на компанијата.

Развојните програми се така дизајнирани што на вработените ќе им дадат знаење кое ги надминува рамките на нивната моментна позиција. Вака оспособени, тие се подготвени да одговораат на задачите што ги носи времето пред нив. Во поголемите компании, кадровското одделение е должно да изготви соодветни програми за обука на целокупниот нововработен персонал. Во наши услови, особено во малите бизниси, по правило нема време и средства за обука на вработени или се работи со програми кои се со скратена содржина. Неменаџерскиот кадар обично се обучува за мануелно технички вештини, додека менаџерите се обучуваат за развивање на менаџерски знаења и вештини. Без оглед на различните знаења и вештини, кои се потребни за менаџерскиот и за неменаџерскиот кадар, принципите на обуката се слични и ние ќе ги прикажеме унифицирано. Овој кадар е доста мотивиран, па обуката оди брзо и лесно, бидејќи непосредно по завршената обука следи вистинско вработување. Резултатите од обуката се евидентираат, па кандидатите кои во текот на обуката покажале поголемо знаење, вештина или иницијатива, се назначуваат како потенцијално унапредлив кадар. Теоретски постои можност, на кандидатите кои не ја завршиле со успех обуката, истата да им се повтори, но во пракса тоа ретко се случува. Кандидатите кои не ја задоволиле обуката, најчесто се отстрануваат од компанијата.

Обука надвор од работното место

Предноста на овој метод е што ги одалечува нововработените од стресот, кој може да го предизвика работното место, па можат непречено да обрнат внимание на самата обука.

Но има и голем недостаток, бидејќи бара големи финансиски средства за да се симулираат вистински работни услови. Обуката се врши со индентични задачи и опрема, како и вистинската, но во различна просторија со цел да се избегне негативното влијание на просторот врз обуката.

Самата обука се изведува преку класична настава, преку практична настава, преку семинари, со компјутерска симулација и слично, а главно е наменета за совладување на пософистицирани работни задачи. Покрај обуката, се зголемуваат контактите помеѓу вработените од различни служби на компанијата, што претставува дополнителен позитивен ефект. Менаџерите ги разменуваат своите знаења и искуства со нововработените, што ќе им биде добродојдено во нивната понатамошна работа. Секоја програма за развој вклучува и теоретска настава која ја извршуваат специјалисти од разни области, но тука е и практичната настава. Овие методи, најчесто се развиени од страна на универзитети и институти, кои можат да бидат независни или во состав на компанијата. Можат да се применуваат и симулации, па и истражувања во разни области.

Некои компании, испраќаат одбрани кандидати на специјална настава на универзитетите. Најчесто, овие кандидати компанијата ги припрема за идни врвни менаџери или технички стручњаци.

Методи за обука низ работа

Овие методи се најраспространети бидејќи обезбедуваат одлични резултати, не се скапи и се погодни за голем број на компании.

Подучување. Оваа е обука на нововработените од непосредните раководители или поискусни работници. Во согласност со покажаниот успех, на нововработените треба да им се дозволи да работат и да ги решаваат проблемите на свој начин, но под супервизија на искусен инструктор или ментор. Нововработените можат да се задолжат да водат одредени програми или да учествуваат на важни состаноци. На тој начин тие ги зголемуваат знаењата и искуствата, потребни за извршување на работните задачи. Овие програми за обука мора да бидат цврсто контролирани, бидејќи поискусните вработени можат да се чуствуваат загрозени од новодојдените, затоа што на тој начин создаваат сопствена конкуренција и да не сакаат да го пренесуваат свое знаење и искуство. Заради тоа е добро програмите за обука, да ги водат инструктори чии позиции не се загрозени од новодојдените или пак обука да ја водат самоуверени луѓе кои не се плашат од конкуренцијата. Всушност, секој инструктор спремајќи се за предавање и обука ги зголемува и сопствените знаења. Инструкторите се задолжени да водат комплетни забелешки за знаењето и напредокот во обуката, но и за слабостите и грешките. Врз основа на овие досијеа, кадровскиот менаџер прави планови за понатамошна обука и унапредување.

Ротација на работни места. Нововработените се преместуваат од едно на друго работно место, со цел да ги прошират своите знаења и се стекнуваат со зголемено искуство. Престојот на едно место зависи од времето кое е планирано за обуката, но доколку времето не е проблем, тогаш престојот на едно работно место зависи од покажаните знаења и способноста на нововработениот да ги совлада работните задачи.

Обука на искусните работници. Покрај обука на нововработените, за развој на компанијата потребно е и искусните работници да се испраќаат на дополнителни обуки. Работата на менаџерскиот или неменаџерскиот кадар е специфична и бара постојано усовршување и следење на развојот на новите техники и средства, како и нови менаџмент методи со цел да се остане во тек со светскиот развој. Сите вработени, и менаџери и неменаџери, особено вработени на клучните позиции, мора да ги надоградуваат своите знаења за да можат да ја водат компанијата напред и да се справат со новите ситуации, кои можат да ја затекнат компанијата неподготвена да реагира правилно во дадениот момент. Најчесто, тоа е обука која ги надминува капацитетите на компанијата, па се упатуваат вработените на обука во некоја партнерска компанија која има поголеми капацитети или се праќаат на универзитети, институти, семинари, курсеви и слично каде ќе се стекнат со дополнителни знаења. Некогаш се оди со однапред поставени цели кои треба да се постигнат во тек на обуката, а некогаш се оди врз база на добиените информации за одредени проекти или предавања, бидејќи се смета дека тоа знаење ќе биде полезно за компанијата. Потоа се одбираат кандидатите кои ќе бидат испратени на обука. Одбраните кандидати мора да имаат желба за учење, да имаат веќе постигнати резултати во работењето, но мора да бидат способни и да го совладаат новото знаење. Ако вработените мислат за себе дека доволно знаат за својата работа и дека во иднина ќе може да се потпрат само врз досегашните знаења и вештини, ќе направат голема грешка. Многу е поволно за вработените, од сите хиерархиски нивоа, да посетуваат повремено некои од специјализираните курсеви, за да се запознаат со новите техники и достигнувања во одредени области.

Уште треба да се нагласи дека компанијата, покрај специфична обука за извршување на работните задачи, е должна да изврши обука на нововработените од областа на заштитата при работата.