post

Бизнис блог – ден 14-17: Пишување на постови

Бизнис блог Да продолжиме со четиринаесетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот тринаесети ден од предизвикот се однесуваше на пишување на поднаслови на насловите кој доколку не си го поминал би било добро да се вратиш пред да одиш со активности од овој четиринаесети ден.

Ден 14-17: Пишување на постовите

Досега имаш завршено голема работа. Листовите не се празни, туку има наслови и поднаслови што едноставно сега треба да се поврзат со текстот кој се однесува на секој поднаслов. Доколку поднасловот е прашање одговорете го. Напи за што се однесува самиот поднаслов. Дај ги потребните одговори што твојот потенцијален купувач би се запрашувал за темата од поднасловот. Така ќе стигнете до една функционална целина.

Овие 3 дена потрошете ги да ги напишете сите пасоси кои се однесуваат на поднасловите. Користете обичен (човечки) јазик, не стручни зборови кои не се разбираат.

Додека пишувате запрашаувајте се за следниве работи:

  • Која ќе биде корисноста за читателот?
  • Дали е доволно јасно да се разбере од обичен човек?
  • Дали е доволно интересно?

Следува: Бизнис блог – ден 18: Вовед и заклучок за секој пост

post

Бизнис блог – ден 13: Поднаслови за секој наслов од претходниот ден

Бизнис блог - поднаслови

Бизнис блог - поднаслови

Ќе продолжиме со тринаесетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот дванаесети ден од предизвикот се однесуваше на конечно дефинирање на наслови  кој доколку не си го поминали би било добро да се вратиш пред да одиш со активности од овој дванаесетти ден.

Ден 13: Напишете ги поднасловите за секој наслов од претходниот ден

Доколку се оди како што треба од овој предизвик би требало веќе да имаш барем 100-тина наслови за твојот бизнис блог. Тоа е доволно за една година однапред да се осигураш дека ќе нема да имаш проблем со недостаток на содржина.

Повторно тука би напоменал дека постојат различни мислења од страна на експертите дали прво да се пишува содржина или пак да се започне со наслов и потоа да се структурира и довршува постот. Сепак сметам дека многу е полесно доколку започнеш да пишуваш кога страната не е целосно бела (има барем наслов), а подтоа доколку има потреба ќе извршиш потребна измена и во насловот.

За секој наслов од претходниот ден размисли за можните поднаслови. Овие поднаслови во голема мерка ќе го поедностават процесот на пишување на постовите бидејќи едноставно ќе знаете за секој дел што треба да напишете. Внимавајте во поднасловите да бидат содржани или примарните или секундарните зборови (сепак не треба да се претерува).

Целта е на крајот од овој ден да имате за секој наслов нешто вакво:

Наслов (примарен збор + други зборови)

Поднаслов 1 (Секундарен збор + други зборови)

Поднаслов 2 (Секундарен збор + други зборови)

…

Поднаслов N (Секундарен збор + други зборови)

Сакам уште еднаш да напоменам (иако во е-книгата која што ќе произлезе од оваа содржина ќе навлеземе подлабоко во оваа проблематика) немора секој поднаслов да содржи секундарен збор, туку може и без него. Сепак основната цел е да пишуваш за читателот, а не за пребарувачите. Од друга страна не можете, но и не е соодветно со еден пост или една страна да ги таргетирате сите клучни зборови (примарни, секундарни, терцијални…). Ова е поради фактот што секој клучен збор има одредено значење и соодветна тема која може да ја опише и која се разликува од останатите теми. Секој збор има свои приказни зад него кои не се соодветни со другите зборови. Замислете каква каша попара ќе стане доколку се обидете во еден пост да опфатите се и сешто. Забележувам многу грешки кога се „лупаат“ зборовите во meta tags само колку да ги има, но едно нешто ми е јасно од анализите кои ги правам на оваа поле – последните резултати се дека keyword meta tag има корелација 0 во однос на резултати од пребарување. Мислам дека само уште еден пребарувач (и тоа маргинален) ги користи и тоа со многу слаба корелација.

Сепак овој ден ја имате структурата на секој наслов, така да она што од утре и следните неколку денови што ќе треба да го правите ќе биде многу поедноставно.

Следува: Бизнис блог – ден 14-17:  Пишување на постови

post

Бизнис блог – ден 12: Дефинирање на конечните наслови

Бизнис блог Продолжуваме со дванаесеттиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот единаесетти ден од предизвикот се однесуваше на бреинстормирање на идеи на наслови  кој доколку не си го поминали би било добро да се вратиш пред да одиш со активности од овој дванаесетти ден.

Ден 12: Дефинирање на конечните наслови за идеите до кои дојдовте претходниот ден

Доколку ги следеше советите и упатствата од претходниот ден веќе денес треба да имаш можеби и 200 идеи за наслови во вашиот тефтер од овој предизвик за блогирање. Но, не се сите приоритетни или пак добри за твојот бизнис. Денешниот ден е повеќе за анализа на тие наслови и нивно прилагодување за твојот бизнис блог.

Кога веќе знаеш што ќе пишуваш (имаш 200-тина идеи) сега е време за секоја од тие идеи да направиш наслов во вистински смисол на зборот. Она на што треба да внимаваш е во тие наслови да биде содржан и твојот клучен збор (ден 5 и ден 7). Второ нешто на што треба да внимаваш е тој наслов да биде инспиративен за превземање на акција од страна на оној кој ќе дојде до него, барем за да кликне и да го прочита.

Да ги дефинираме практичните чекори кои ќе треба да го направиш токму овој ден:

  • Провери ги сите идеи-наслови од претходниот ден и едноставно претвори ги во наслови за твојот бизнис блог кои ќе одговараат на твојата индустрија и секако на потребите на твоите потрошувачи.
  • Осигурај се дека во секој од насловите ќе биде содржан по еден клучен збор (примарен или пак секундарен). Не обидувај се во еден наслов да сместуваш повеќе клучни зборови, тоа нема да ги даде резултатите кои мислиш дека ќе се добијат, но може да направи твојот наслов да изгледа глупаво и невредно.
  • Провери дали се инспиративни тие наслови или пак дали поттикнуваат некаков вид на акција. Дали се доволно информативни или не се? Доколку не се инспиративни, ориентирани кон акција или пак информативни, тогаш направи ги такви.

Следува: Бизнис блог – ден 13: Поднаслови за секој наслов од претходниот ден

post

Претприемнички живот: 5 инспиративни TED Talks

Можеме ли да го направиме претприемничкиот живот да биде полесен и подобар? Веројатно да, но тоа зависи од нас и нашиот сопствен начин на размислување.

Во изминатиот период многу зборувавме за живото на еден претприемач, за ризик, баланс помеѓу работата и приватниот живот и многу други секојдневни предизвици со кои се соочува еден претприемач.

Постојат повеќе принципи кои може да ти помогнат за менаџирање на бизнис и не бизнис живот за да се постигнат оптимални работни часови кои ќе ти овозможат тебе и на твоето семејство да имате прекрасен живот надвор од бизнисот.

Тука се некои навистина инспиративни TED Talks кои можат твојот претприемнички живот да го направат навистина подобар.

1. Nigel Marsh: Како балансот помеѓу работата и приватниот живот да профункционира

2. Arianna Huffington: Како да успееш? Со повеќе спиење

3. Noreena Hertz: Како да ги користиш експертите и кога да не ги користиш

4. Lisa Gansky: Иднината на бизнисот е “Mesh”

5. Jason Fried: Зошто работата не се случува на работа

post

Бизнис блог – ден 11: Бреинстормирање на наслови

Бизнис блог Ова е единаесетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот десети ден од предизвикот се однесуваше на инсталација на додатоци кои ќе ја зголемат функционалноста на твојот бизнис блог кој доколку не сте го поминале би било добро да се вратите пред да одите со активности од овој единаесети ден.

Ден 11: Бреинстормирање на наслови

Насловите се многу важни елементи од вашиот бизнис блог, но можеби и за вашиот иден бизнис успех. Постојат различни мислења дали да се оди првин со пишување на содржината, па од неа да се извлече насловот или обратно, првин насловот а потоа содржината. Во секој случај можеш да ги користиш и двата начина, но идејата во овој предизвик е да започнете со наслови заради полесно обезбедување на содржина во иднина.

Овој ден ќе биде многу важен ден за идниот развој на вашиот бизнис блог. Вие веќе ги имате категориите и тие може да бидат стартна позиција за бреинстормирање на наслови. Едноставно обидете се од секоја категорија да извлечете барем по 10 можни наслови. Од друга страна ги имате и 50-те идеи за блог постови во книгата блогирање за бизнис. Вашата задача за овој 11-ти ден е да дојдете до колку што можете повеќе наслови. Иако овој предизвик е на дневна основа, сепак секоја активност можете да ја имплементирате онолку колку што ви е потребно време. Врз основа на тие 50 идеи можете да дојдете до 100 уникатни наслови за вашиот бизнис блог. Тоа би било доволно за цела година доколку објавувате по 2-3 наслови неделно.

Од друга страна, тука ќе ја најавам ексклузивно уште едната алатка која скоро е подготвена и се однесува токму на овие наслови, а тоа се 100 идеи-наслови за блог постови преку претприемач каде првите 50 ќе бидат оние опфатени во книгата блогирање за бизнис, додека останатите 50 ќе бидат сосема нови и спремни за прилагодување кон твојата индустрија.

Да ги дефинираме практичните чекори кои ќе треба да го направиш токму овој ден:

  • Добро разгледај ги твоите категории и во тефтерот или нотесот кој ви служи за овој предизвик определете по една страна за една категорија.
  • За секоја категорија размислете што е она што првин би го прашал твојот потенцијален купувач. Врз основа на одговорите напиши ги насловите на таа страна која е определена за таа категорија. Истото повтори го и со останатите категории. Доколку имаш 8 категории ќе имаши 80 наслови.
  • Искористете ги 50-те идеи од книгата блогирање за бизнис и едноставно дојдете до уште 100-тина наслови. Запомнете дека колку повеќе наслови толку подобро и за вас и за вашиот бизнис блог.

Следува: Бизнис блог – ден 12: Дефинирање на конечни наслови

post

Совет за еден мал бизнис: Претвори ги твоите слаби страни во силни

Совет за мал бизнис

Совет за мал бизнис

Ова е уште еден посt од неделниот серијал на совети за малите бизниси за претприемачи.

Во моето минато сеуште немам видено претприемач без слабости. Можам да кажам дека имам сретнато успешни и неуспешни претприемачи врз основа на тоа како тие ги трансферираат нивните слабости во јаки страни.

Не постојат супермен претприемачи кој ќе го управува сопствениот бизнис со ниту една слаба страна.

Што мислиш за себеси? Дали имаш некој вид на претприемнички слабости? Или пак ти си единствениот кој ги немаш?

Ти си претприемач и мора да бидеш искрен со себеси за твоите лични и на твојот бизнис слабости. Што ќе добиеш доколку се мамиш себеси? Што ќе добиеш доколку ги мамиш твоите потрошувачи или пак потенцијални потрошувачи? Ништо, ја губиш сопствената игра на свој терен кога се мамиш себеси и твоите потрошувачи.

Ги губиш можностите да се подобриш себеси и твојот бизнис. Ова значи дека ги губиш можностите да го направиш твојот бизнис многу посилен отколку што е сега.

Затоа како прв чекор што треба да го превземеш е да бидеш искрен со самиот себеси. Доколку знаеш за твоите слабости, не игнорирај ги. Обиди се да ги поправиш и претвориш во твои јаки страни. Доколку не знаеш за некои слабости, анализирај се себеси и обиди се да ги најдеш твоите скриени слабости и слабостите кои може да се појават во иднина. Елиминирај ги сите скриени слабости и подготви се за они идни.

Едно можно решение за твојата целосна посветеност кон решавање на твоите слабости е доколку одиш еден чекор понапред и јавно покажеш каде си слаб и што планираш да направиш во однос на тие слабости. На таков начин освен твојата целосна посветеност, ќе усееш да изградиш и доверба во очите на потрошувачите како еден претприемач.

Прашањата кои ќе треба да ги одговориш се следниве:

  • Кои се моите познати слабости?
  • Кои се моите скриени слабости?
  • Кои ќе бидат моите слаби страни во иднина?
  • Како можам да ги претворам моите слабости во мои најсилни страни?
  • Како можам да се подготвам за идните можнис лабости?
  • Како можам да го покажам мојот прогрес на моите сегашни и идни купувачи?

За оваа недела совет за еден мал бизнис: Започни со самоанализа и откриј ги сите твои слабости како еден претприемач. Пронајди ги можните начини за да ги претвориш тие слабости во твои најголеми силни страни и цврсто обврзи се дека ќе го постигнеш тоа. Подготви се себеси за идните слабости, слабости кои сеуште ги немаш, но постои голема веројатност дека ќе се појават во иднина. Покажи го прогресот и твоите нови силни страни.

post

Бизнис блог – ден 10: Инсталација на додатоци

WordPress лого Да продолжиме со десетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот девети ден од предизвикот се однесуваше на подготовка на технологијата кој доколку не сте го поминале би било добро да се вратите пред да одите со активности од овој десети ден.

Ден 10: Инсталација на додатоци

Word Press е одлична платформа која во старт ќе ти обезбеди многу функционалности. Сепак додатоците (Plugins) само уште повеќе ќе ја подобрат функционалноста на твојот бизнис блог, а ги има премногу. Сакам да напоменам да не се залетувате со се и сеште. Секогаш запрашајте се дали навистина ќе ви биде потребно нешто.

Овој ден е за да ги инсталирате додатоците (plugins) за Word Press со што ќе му ја зголемите функционалноста на истиот. Во книгата блогирање за бизнис ги наведовме основните кои би требало да ги инсталирате. Но, тука би напоменал уште некои (можеби некои и ќе се преклопат со книгата). На пример, инсталирајте WP Backup, All In One SEO Pack, Akismet, Google Analytics, Google XML Sitemap Generator, и Contact Form 7.

Врз основа на темата која ќе ја користите некои може и да нем потреба да ги инсталирате. На пример, јас веќе не го користам All in One SEO Pack бидејќи самата тема која ја користам ми го обезбедува се она што ми го нуди тој додаток.

Да ги дефинираме практичните чекори кои ќе треба да го направиш токму овој ден:

  • Инсталирајте ги гореспоменатите додатоци.
  • Извршете ги неопходните подесувања за истите.

Следува: Бизнис блог – ден 11: Бреинстормирање на наслови

post

10 Вештини кои на секој претприемач му требаат веднаш

Вештини Една од највлијателната бизнис потенцијална енергија во тебе како еден претприемач се твоите вештини.

Можеби ќе ги имаш уште пред да започнеш со бизнисот но, исто така, можеш и да започнеш со твојот бизнис и да ги развиваваш сопствените вештини во текот на работата. Сепак, колку побрзо ќе се изградат тие вештини, побрзо ќе ја вбризгаат бизнис потенцијалната енергија во твојата компанија, што пак го гарантира успехот на твојот бизнис.

Поради тоа, овие вештини ти се потребно веднаш, и затоа мораш да започнешда ги развиваш уште сега.

1. Маркетинг вештини

Твојата компанија е ништо без купувачи. Како можат да се најдат купувачи за твојот бизнис, или уште подобро како твоите потенцијални купувачи ќе ја најдат твојата компанија?

Ќе ти требаат маркетинг вештини за да бидеш во можност да обезбедиш доволно купувачи кои ќе купуваат производи и услуги што ти ги продаваш.

2. Продажни вештини

Ова се можеби најважната претприемачки вештини. Твојата компанија не може да преживее ако не продава она што треба да го продава на купувачите. Веројатно утре ќе имаш свој тим за продажба, но ако си во стартап фаза, ќе треба да оствариш колку што е можно повеќе продажби за твојот бизнис.

Заради тоа ќе треба да имаш одлични продажни вештини што ќе овозможи континуиран готовински прилив за твојот бизнис.

3. Комуникациски вештини

Како претприемач ќе имаш секојдневна комуникација со твоите купувачи, твоите потенцијални купувачи, вработените и твоите добавувачи. Потребно е да овозможиш другата страна да те слуша кога зборуваш за твојата компанија. Ако никој не те слуша, тогаш зошто зборуваш?

Затоа ти треба да имаш силни комуникациски вештини.

4. Преговарачки вештини

Сè што е во бизнисот е врз основа на твоите преговарачки вештини. Мораш да преговараш со твоите купувачи, да направиш договор, мораш да преговараш со добавувачите, исто така да се направи договор во твоја корист, мораш да преговараш со твоите партнери, понекогаш мораш да преговараш со заедницата, каде што твојата компанија се наоѓа …

5. Вештини за вмрежување

Пред започнување, за време на започнување и после започнување на твојот бизнис се додека твојата компанија е жива треба да градиш твои лични и бизнис мрежи. Колку подобри и поголеми мрежи можеш да изградиш, ќе обезбедиш поголем успех за твојата компанија.

6. Менаџерски вештини

Без оглед на тоа дали ти се допаѓа или не, ти секогаш мораш да управуваш со твојата компанија. Мораш да планираш, да регрутираш, да мотивираш, контролираш и едуцираш. Менаџерските вештини се важни за успехот на твојот бизнис.

7. Финансиски вештини

Имаш бизнис кој продава нешто во замена на пари. Треба да имаш знаење и вештини за менаџирање на приходите, трошоците, профитот, даноците, готовинскиот тек, рентабилноста …

8. Самомотивациски вештини

Како претприемач ќе имааш многу задачи кои ќе бидат на твојот грб. Нема да имаш шеф, кој ќе ти каже што треба да направиш денес. Твојата сопруга/сопруг не може да ти каже нешто во врска со денешните задачи во твојата компанија.

Одложувањето е нешто многу опасно за твојот бизнис. Поради тоа ти требаат самомотивациски вештини кои ќе ти овозможат да знаеш кога ќе мораш да почнеш нешто, без одлагање, и кога ќе мораш да престанеш.

9. Вештини за управување со времето

Премногу активности и премногу задачи за кои е потребен твојот ангажман ќе го направат еден просечен ден да изгледа како хаос. Треба да ги знаеш сите важностите и приоритетите на твоите активности. Мора да знаеш што и кога треба нешто да се заврши.

Кога ќе се разбудиш наутро, мора да се будиш со јасен план за задачите на денот кој следи.

10. Лидерски вештини

Како претприемач ти мора да бидеш лидер. Сè што ќе направиш во твојата компанија истото и  вработените ќе го прават. Ако ти додадеш вредност со твоите активности, тогаш и твоите вработени, исто така, ќе додадат вредност. Мораш да бидеш во можност да споиш различни луѓе со различно потекло, знаење, вештини и искуство во твојата сопствена бизнис кауза.

post

Бизнис блог – ден 9: Подготовка на технологија

WordPress лого Ќе продолжуваме со деветиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба.  Претходниот осми ден од предизвикот се однесуваше на дефинирање и подготовка на категориите и основните страни кој доколку не сте го поминале би било добро да се вратите пред да одите со активности од овој девети ден.

Ден 9: Подготовка на технологија

Како што можете да забележите од овој предизвик технологијата е само мал дел (само еден ден) од овој предизвик за блогирање за бизнис. Но, сепак мора да се помине без разлика дали тоа ќе го направи твојот дизајнер или ќе бидеш направи сам претприемач. Пред да продолжиме со овој ден сакам да напоменам дека постојат повеќе платформи за блогирање, но како препорака во овој предизвик ќе го користиме WordPress.

Овој ден ќе го искористиш за инсталација на платформата за блогирање. Имаш 10 видео материјали во првиот email доколку сте регистрирани за двонеделните билтени на претприемач кои ќе ве водат низ процесот на инсталација на WordPress. Направете ги неопходните подесувања како General Settings и Permalinks, направете ги категориите и подкатегориите кои ги определивте претходниот ден.

Да ги дефинираме практичните чекори кои ќе треба да го направиш токму овој ден:

  • Инсталирајте го WordPress.
  • Во општите сетинзи напишете го насловот како и поднасловот на твојот бизнис блог. Обиди се и во насловот и во поднасловот да користиш некои од примарните клучни зборови. Во истиот овој дел подесте ги URL-ата како и временската зона.
  • Следното важно подесување, ако не и најважно е да ги подесиш permalinks. Овие подесувања ќе го определат изгледот и структурата на URL-ата кои ќе се покажуваат за страните и постовите на твојот бизнис. Не избирајте ја опцијата со бројчаник, туку изберете описен изглед. На пример: www.tvojblog.mk/naslov-post.
  • Направете ги сите страни кои ги одготвивте вчера.
  • Креирајте ги категориите и подкатегориите кои ги подготвивте вчера.

Слдеува: Бизнис блог – ден 10: Инсталација на додатоци

post

Кратенки може да бидат опасни за твојот бизнис, понекогаш

Кратенки во бизнис Дали си претприемач кој секогаш сака да си најде кратенки при донесување на одлуки за бизнис?

Кратенките можат да бидат многу корисни за претприемачите и нивните компании. Тие ја прават продуктивноста да биде на повисоко ниво и го скратуваат времето во работата.

Сепак, дури и ако тие понекогаш се корисни, мора да знаеш дека постојат два различни вида на кратенки:

  • Првите се кратенките кои ќе те доведат до исполнување на целта. Тоа се кратенки кои се корисни за тебе и за твојот бизнис во целина. Тие тебе и твојот бизнис ве прават попродуктивни. Тие допринесуваат во дополнителното време да се сконцентрираш на други важни активности за твојата компанија.
  • Сепак, постои и втор тип на кратенки кои не те доведуваат до целната линија. Тие не ги даваат очекуваните резултати дури и да го скратат твоето работно време. Од друга страна, бидејќи тие не ги направиле достигнувањата на вашите деловни цели, не можеш да ги ставиш во категорија на нешто со што се зголемува твојата продуктивност. Да се биде продуктивен не е доволен само квантитетот, туку и квалитетот.

Многу пати, во обид да се намали нашето време за да бидеме попродуктивни ја ризикуваме вредноста која треба да биде постигната и испорачана кон крајниот купувач или потенцијален купувач.

Да речеме дека продуктивноста е вредност што треба да се подели со нашето потрошено време за произведувавање на таа вредност

Продуктивноста = Вредност / Време

Сега, ајде да речеме дека ти е потребна вредност од 10 и за да се постигне тоа треба да се потрошат три часа од твоето време.  Продуктивноста ќе биде 3,33.

Ако најдеш  кратенка која може да ти донесе иста вредност, но ќе треба да се потрошат само два часа за да се заврши работата за таа вредност,продуктивноста ќе биде 5. Ова е добра кратенка, и веќе можеш да ја направиш стандардизирана за иднина на твоите бизнис активности.

Сепак, што ако кратенката не обезбеди иста вредност, што честопати е случај? Да речеме дека на кратенката ќе ја скратиш вредноста за 50%. Сега продуктивноста ќе биде 2,5.

Понекогаш некои кратенки можат да ја зголемат нашата продуктивност дури и со помала вредност. На пример, ако вредноста е 9 за кратенка што ќе бара само два часа од твоето време, тогаш продуктивноста ќе биде 4,5 што сепак е поголема од твојата почетна позиција од 3,33. Сепак, прашањето сега е за вредноста. Дали вредноста 9 ќе биде доволна за да го обезбедиш успехот во твојот бизнис? Ако е ДА, тогаш ќе можеш да ја стандардизираш оваа кратенка.

Некои деловни активности ќе бараат повеќе работа за да се спроведат, но на крајот резултатите ќе бидат многу важни за успехот на твојот бизнис. Со кратенки во такви важни активности го ризикуваш квалитетот на работата што може директно да влијае врз успехот на твојот бизнис.

Грешките со кратенки може да бидат фатални за претприемачот и неговиот бизнис. Понекогаш времето кое тие го поминуваат на нивните кратенки може да биде навистина безвредно потрошено време.

Сега, што мислиш за кратенките? Дали тие секогаш ја зголемуваат продуктивноста во твојот бизнис?