post

Зошто онлајн успех води до офлајн успех?

Онлајн стратегија Понекогаш постои страв дека онлајн активности не влијаат на офлајн подобрувања на бизнис функциите. Некои претприемачи сметаат дека постои јасна и недвосмислена граница меѓу офлајн и онлајн активности на еден мал бизнис и дека за некои бизниси не можат да се применуваат онлајн стратегии за да се успее целосно во офлајн светот на бизнисот.

Можеби постои мислење дека еден бизнис кој целосно е фокусиран на офлајн продажба нема потреба од онлајн присуство.

Но, сето тоа не е точно. А, еве и зошто.

#1 Се повеќе луѓе имаат интернет и го користат секојдневно

Дали се присутни заради комуникација, забава, информација, проширување на знаењето или било што друго, факт е дека луѓето поминуваат се повеќе време и се почесто се наоѓаат закачени на интернетот. Дали директо преку PC или пак лаптоп или пак во движење со мобилен телефон, тие се таму. Тие се присутни, комуницираат, споделуваат, се забавуваат, слушаат, гледаат, бараат, се информираат…

Каде ти и твојот бизнис се наоѓате во тој свет? Дали твоите летоци се присутни и достапни на овој се поголем и поголем сегмент? Дали твоите радио реклами или брошури се таму?

#2 Онлајн дава нов приод на комуникацијата

Знам дека имаш телефон и го користиш за повикување на потенцијални купувачи, примање на нарачки од тековни купувачи, обележување на некои денови како честитки за роденден или празници со тековните купувачи…

Знам дека користиш и состаноци, ручеци, вечери, кафиња… Сето тоа е твојата секојдневна комуникација со пазарот.

Но, може ли и нешто поинаку. Што е со видео презентација, коментар на блог пост, Google Hangout, Skype, социјални медиуми… Треба ли да ги избегнуваш. Доколку и мал дел од твоите потенцијални купувачи се онлајн, мора да ги користиш и новите онлајн техники на комуникација. Тие му даваат еден сосема нов приод на твојата секојдневна комуникација со пазарот.

#3 Поедноставена препорака

Твојот бизнис во голем дел зависи од препораки кои може да бидат од уста на уста, преку споделување на пишан материјал, преку раскажување за твојата радио реклама или ТВ реклама…

Но, што е полесно, прераскажување на ТВ реклама и чекање кога ќе биде (што воопшто не е така) или еден клик на YouTube видео реклама или презентација на твојот бизнис. Брзината со која препораките се одвиваат онлајн не може да се мери со брзината на препораките офлајн.

#4 Онлајн те поттикнува да излезеш од зимскиот сон

Да, токму така. Се чини дека се наоѓаш во зимски сон со твоите офлајн активности. Но, онлајн мора да бидеш жив, мора твојот бренд да биде жив. Се бара постојата комуникација, постојано споделување, постојана едукација… Нешто што те одржува буден постојано, а со тоа и твојот бренд.

#5 Луѓето се повеќе бараат производи и услуги онлајн

Првин ги интересира решение за проблемот за кое сакаат да се едуцираат. Потоа бараат понуди, споредуваат цени, карактеристики, бенефиции… Потоа проучуваат и анализираат брендови, кредибилитет, репутација, доверба.. А, потоа одлучуваат каде ќе купат.

Дали ти си присутен во овие фази од донесување на одлука на потенцијалниот купувач?

post

Како да го користиш Gmail како CRM алатка?

Како сопственик на мал бизнис, ти или поточно твојот бизнис ќе има потреба да биде во контакт со тековни и потенцијални купувачи.

Ќе сакаш да ги менаџираш тековните купувачи за да бидеш сигурен дека се е онака како што треба да биде и дека ти се задоволни со работата со твојот бизнис.

Ќе сакаш секогаш да го прошириш твојот бизнис со додавање на нови потрошувачи контактирајќи ги тие потенцијални купувачи за твојот бизнис.

Како да ја реализираш оваа едноставна но важна задача за тебе и твојот бизнис? Одговорот е дека ти треба еден систем за менаџирање на односите со потрошувачите – CRM систем.

Можеби немаш доволно ресурси и не ти треба комплексен систем од комерцијални снабдувачи (кој секако нема да биде некорисен доколку го имаш), па затоа и едно решение е да го користиш акаунтот на Gmail за менаџирање на твоите активности во однос на потрошувачите.

Зошто ти треба CRM?

Целта на еден CRM систем е да овозможи твојот бизнис, односно ти едноставно:

  • да ги идентификуваш и таргетираш најдобрите купувачи,
  • да направиш сегментација на потрошувачите,
  • да ги менаџираш различните маркетинг кампањи за различни сегменти,
  • да ги следиш мерките на конверзија,
  • да градиш персонализирани односи со потрошувачите за да го зголеми нивното задоволство и да го максимизираш профитот,
  • да го зголемиш знаењето за потрошувачите,
  • да научиш повеќе за потрошувачите,
  • да знаеш што потрошувачите сакаат, а што не сакаат,
  • да знаеш точно кои се твоите потрошувачи, а кои се потенцијални потрошувачи,
  • да знаеш кои треба да бидат идните чекори со потрошувачите, а кои со потенцијалните потрошувачи.

Gmail како CRM алатка

Добра алатка за почеток за да ги изведуваш овие активности може да послужи еден Gmail акаунт, особено доколку твоите најголеми потреби се да следиш кого контактираш, кога си го контактирал, што бил предметот на контактот, каков бил одговорот и кои треба да бидат идните чекори на твојата компанија.

Што е она што едноставно можеш да го направиш со Gmail како една CRM алатка за твојот бизнис?

  • Можеш да собираш информации за твоите потрошувачи.
  • Можеш да собираш информации за твоите потенцијални потрошувачи.
  • Можеш едноставно да ги сегментираш.
  • Можеш да ги следиш твоите маркетинг активности со секој од твоите потрошувачи.
  • Можеш да научиш повеќе за нив.
  • Можеш да изградиш подобри односи со нив.

Да погледнеме како може да ги изведеш овие активности со помош на Gmail.

Собирање на информации

Контакти во Gmail

Контакти во Gmail

Ти треба постојано да собираш информации за контакт со твоите потрошувачи и секако потенцијални потрошувачи. Бидејќи денес една од најкористените форми за контактирање претставува email, оваа работа со Gmail станува многу полесна.

Секој Gmail акаунт доаѓа со контакт база на податоци која може автоматски да ги складира контакт деталите од било кој со кој имаш некаков вид на коресподенција.

Исто така можеш да импортираш надворешни контакти или да ги додадеш рачно.

Постои можност за додавање на многу повеќе информации освен email адресата и името. Може да додадеш роденден, брачна состојба, URL кон нивниот веб сајт, но она што е најдоброто е што можеш да додадеш прилагодливо поле, односно како сакаш да го наречеш согласно твоите потреби.

Додавање на контакти

Додавање на контакти

Сегментирање на потрошувачи и следење на активности

Најдобрата работа кога станува збор за Gmail и користење како CRM за твојот мал бизнис се групите. Групите се нешто што ќе ви овозможи да направите различни сегменти од твоите контакти. На пример, може да имате една група за купувачи, една за потенцијални купувачи, една за партнери итн.

Креирање на групи или сегменти

Креирање на групи или сегменти

Додавање на контакти во групи или сегменти

Додавање на контакти во групи или сегменти

Друг начин за додавање на сегменти во самите групи е да користиш различни фолдери за различни сегменти.

Доколку сакаш да ги следиш нивните активности имаш неколку опции. Едната е интегрирана во самиот Gmail, а втората е да ги користиш задачите (Tasks) или закажувања во Google Calendar. Јас сакам да го користам полето насловено како додади забелешка (Add Note) за секој контакт каде едноставно можам да напишам кога лицето е контактирано, што е пратено, каков е одговорот и кои ќе бидат моите следни чекори.

Научи повеќе за нив и изгради подобри односи

Едно од најдобрите решенија за да научиш нешто повеќе за твоите потрошувачи и потенцијални потрошувачи и така да изградиш подобри односи со нив е да искористиш решение како додаток на твојот Gmail акаунт наречен како Rapportive. Тоа е алатка која ќе додаде податоци од социјални медиуми за твоите контакти. Кога ги знаеш тие податоци ќе можеш да одиш и еден чекор понапред во градење на едни долгорочни односи со нив. За оваа алатка веќе имавме објавено едно видео кое можеш да го погледнеш подолу.

post

[Видео] Seth Godin за идеите и успехот

Уште едно видео за кое сметам дека треба и МОРА да се погледа (бара само 8 минути од твоето време) а сепак објаснува кои идеи успеваат и зошто? Дали се во однос на идејата или се бара и нешто друго – привлекување на внимание?

post

Како да ја анализираш конкуренцијата?

Конкуренција

Конкуренција

Дали знаеш што твоите главни конкуренти прават на пазарот?

Како одговараш на нивните акции?

Дали имаш стратешки имплементиран процес кој ќе те води низ соодветно истражување и одговор на конкурентските чекори?

Конкуренцијата за еден претприемач секогаш ќе биде реалност која не може да се избегне. Тие се тука, околу тебе и твојот бизнис. И може да имаат влијание на твоите севкупни бизнис активности.

Доколку сакаш да успееш, ти како еден претприемач секогаш мора со едното око да гледаш во твојата конкуренција. Секогаш мора да ги користиш информациите од твоите истражувања за да ги донесеш вистинските одлуки за идните чекори на твојот бизнис.

Кои се тие? Што прават? Кои се импликациите врз твојот бизнис од она што тие го прават? Што треба да направиш?

Овие прашања секогаш ќе те следат и тебе и твојот бизнис. Затоа мора постојано да ја анализираш конкуренцијата како сегашна така и идната, потенцијална конкуренција.

Да видиме 9 начини кои можеш да ги искористиш за оваа цел, кои секако не се конечни.

#1 Започни со Google

Добра стартна позиција на твоето истражување е Google, најголемата онлајн база на податоци. Побарај со различни зборови кои го опишуваат твојот бизнис, твојот пазар и твојата индустрија. Особено внимание посвети на зборовите кои најверојатно потенцијалниот купувач би ги користел кога бара решение за проблем кој твојот бизнис го нуди.

#2 Не заборавај ги социјалните медиуми

Следното место каде што може да продолжиш со твоето истражување претставуваат социјалните медиуми. Погледни преку Twitter Search и Facebook и пронајди ги профилите на компаниите твоите конкуренти (доколку имаат). Можеш да пронајдеш многу информации, трендови, идеи… Сега, тука е и Google+ (патем, можете да го следите Претприемач на Google+) кој има или ќе има огромен потенцијал за да дојдеш до различни информации кои ќе те интересираат.

#3 Прашај го твојот продажен тим

Твојот продажен тим е во секојдневен контакт со твоите потрошувачи. Тие може да знаат што твоите купувачи мислат за твоите најголеми конкуренти. Зошто да не ги искористиш тие информации?

#4 Прашај ги твоите купувачи

Твоите купувачи се најдобриот извор на информации кога станува збор за твојата конкуренција. Зошто да не ги прашаш што мислат за твојата конкуренција. И зошто те избрале тебе намсето нив?

#5 Спроведи анкета

Анкетите се постојано добар извор на информации кога станува збор за истражување на пазарот и конкуренцијата.

#6 Снабдувачите може да бидат одличен извор на информации

Твоите снабдувачи може да бидат и снабдувачи на твоите конкуренти. Зошто да не се обидеш да извлечеш некои информации за твоите конкуренти (кои ги имаат во изобилство) од нив?

#7 Разгледај ги нивните понуди

Нивните понуди се место каде тие ги опишуваат вредностите кои тие ги нудат на пазарот. Тие се неверојатен извор на информации за тебе.

#8 Поставувај прашања за нив и за нивните акции

Поставувај прашања за нив и нивните акции и чекори кои ги преземаат. Поставувај многу прашања, и обиди се да ги најдеш одговорите.

#9 5 Зошто

На секоја информација или на секое прашање кое ти како еден претприемач даваш одговор за твојата конкуренција користи го 5 Зошто принципот.O 5 Зошто значи дека ќе мора да се прашаш себеси 5 пати зошто за се кога станува збор за конкуренцијата. Ова е нешто што ќе те води во едно подлабоко истражување на твојата конкуренција.

post

Како потрошувачите да те изберат тебе место конкуренцијата?

Како постојано да се надополнува бизнис потенцијалната енергија во тебе како еден претприемач? Знаењето е едно од клучните елементи на бизнис потенцијалната енергија складирана во тебе.

Затоа од минатата недела на секои две недели на премиум претприемач објавуваме по еден вебинар. Вебинарите не се во живо туку се снимаат или ќе се снимаат, но за да се надополни тој недостаток во секој вебинар има специјализирана контакт форма преку која може да се постават прашања, да се прикаже напредокот во однос на акционите чекори преземени по следење на вебинарот и секако да бидеме во можност да ти дадеме дополнителни насоки.

Првиот од 24-те во следните 12 месеци е насловен како: Како потрошувачите да те изберат тебе наместо конкуренцијата?

Едно од најважните прашања за секој бизнис. Затоа и го избравме како прво што ќе биде одговорено низ вебинарот.

Во овој вебинар станува збор за следниве прашања:

  • Како да се дојде до неверојатен кредибилитет и доверба? Овој дел од вебинарот навлегува во клучните влијателни фактори кои влијаат на тоа еден потенцијален купувач да го избере твојот бизнис наместо конкурентскиот. Врз основа на научни и секако практично докажани факти доаѓаме до сржта на она што го поттикнува потенцијалниот купувач да донесе брза и правилна одлука кога станува збор за твојот бизнис.
  • Акции за брзо градење на кредибилитет. Врз основа на научните сознанија во првиот сегмент на вебинарот презентираме повеќе акции кои ќе ти помогнат за брзо градење на кредибилитетот. Ова е нешто што можеш да го преземеш уште денес и секако да ги почувствуваш корисностите.
  • Акции за градење на долгорочен кредибилитет. Освен онаа брзо градење, во исто време треба да работиш и на долгорочно градење на кредибилитетот. Ова е твојата стратешка цел, која ќе ја исполниш следејќи ги презентираните акции.
  • Обезбедување на непристрасност. Секогаш ти треба и ќе ти треба некој кој едноставно ќе те освести, ќе ти каже каде навистина се наоѓаш. Вистината и реалноста понекогаш е тешка. Но, што е тука е, мора да работиме за да ја подобриме. Овој сегмент навлегува токму во тоа, да ти помогне да бидеш непристрасен кога станува збор за самоанализа.
  • Обезбедување на ефективни и ефикасни контакти со пазарот. Едно од најсилните средства за градење и јакнење на кредибилитетот е контактот со пазарот. Ќе одговориме на прашањето како да имплементираш ефективни и ефикасни контакти со пазарот.
  • Акции кои треба да ги превземете. И секако кои се акции ќе треба да ги преземете е сржта на секој вебинар кој ќе го реализираме. Доколку не преземеш акција, бесцелно е следење на вебинарот. Затоа подготвивме за овој (истото ќе биде и за секој друг) акциона листа од 22 страни каде се објаснети сите чекори кои ќе треба да ги преземеш како и сите алатки кои може да ти помогнат во спроведување на тие чекори.

Вебинарот трае еден час и десет минути, а со пристап до вебинарот имаш и пристап до транскрипт на истиот, самата презентација и секако она највредното акциона листа која доколку ја спроведете ќе ве лансира до успешноста.

Може и да го погледнете воведниот дел на истиот во видеото подолу:

И уште еднаш линкот преку кој можеш да пристапиш до вебинарот е следниов: Како потрошувачите да те изберат тебе наместо конкуренцијата?

 

post

Претприемач на Google+

Пред извесен период, поточно во август оваа година напишав еден пост насловен како Google+ и можното влијание врз бизнисите. Тогаш во однос на бизнис профили, или страни беше следнава состојба:

Но, она што е важно во овој момент е дека сеуште Google+ нема излезено со некоја официјална понуда за бизнисите. Дури и оние кои направија личен профил за да го презентирааат својот бизнис едноставно ги снемува (се бришат од страна на Google). Официјално е најавено дека набргу ќе излезат со една таква понуда и дека е најдобро да се почека бидејќи во моментов работат со одреден број на компании за подготовка на платформата за бизнисите.

Google Plus лого

Google+

Пред една недела и бизнис страните станаа реалност со што Google+ станува достапен за брендирани страници.

Сеуште платформата не е богата со премногу карактеристики, но сепак она што може да се прави не ја намалува вредноста и особено заради тоа што сепак компанијата која стои зад оваа социјална мрежа е најголемиот пребарувач, а Google+ ќе има големо влијание во иднина во развојот на SEO индустријата.

Сепак овој пост е само информативен дека можете да го следите Претприемач на Google+, а корисностите и функционалноста и секако идеите за користење од страна на бизнисите во друга прилика.

Што би правеле таму?

Ајде да одиме еден чекор понапред. Едноставно,

  • Ставете ја страната на претприемач во некој ваш круг (дали преку линкот од тука или десно на страничната лента),
  • Поставувајте прашања преку коментарите на постовите кои ќе ги споделуваме за да бреинстормираме квалитетни идеи,
  • Покажете што ви се допаѓа преку +1 копчето,
  • Можеме да имаме видео чет преку hangout каде дури 10-мина ќе разговараме одеднаш и
  • Секако препорачајте ја страната на вашите пријатели.

Се гледаме на Google+.

post

Како да ја комуницираш вредноста?

Вредност Дали твојот бизнис нуди вредност?

Доколку немаш вредност, веројатно не си ни во бизнисот, односно не си претприемач.

Секој бизнис, како креација од страна на претприемачи има своја сопствена вредност која ја нуди на пазарот. И најверојатно, многу е тешко да најдеш два бизниси од иста индустрија со ист производ или услуга кој го нудат да имаат сосема иста вредност која ја нудат. Вредноста е нешто што разликата ја прави јасна помеѓу бизнисите. Тоа е нешто што влијае на потрошувачите да изберат еден во однос на друг бизнис кога одлучуваат за купување.

Но, постои една опасност, а тоа е кога претприемачот има јасна вредност која ја нуди, но едноставно не ја комуницира истата со потенцијалните купувачи или пошироката заедница каде всушност бизнисот оперира.

Зошто им е вредноста кога нивните потенцијални купувачи не можат да ја најдат и користат при донесување на одлука за купување?

Зошто имаат вредност кога нивните потенцијални купувачи не можат да ја најдат и користат во нивниот процес на диференцијација помеѓу два и повеќе бизниси?

Важно е за тебе како еден претприемач да ја комуницираш вредноста. Да овозможиш твоите потенцијални купувачи да знаат за неа, бидејќи ти им нудиш вредност, не треба да ја криеш твојата вредност од нив.

Но, прашањето е кој е најефикасен начин да се комуницира вредноста?

Да погледнеме во еден можен процес кој може да го искористиш. Но, запомни дека секогаш можеш да го промениш или прилагодиш за твојот сопствен бизнис.

#1 Кои се најголемите вредности кои твојот бизнис ги нуди?

Мора да знаеш што е највредно за твоите купувачи.

Знам дека имаш многу вредности кои може да ги бреинстормираш и кои секако ги нудиш, но застани за момент, и размисли за најважните. Кога велам најважни, не мислам за најважни за тебе, туку за најважни за твоите купувачи.

Направи листа на најважните вредности кои ги нудиш. Анализирај ги тие вредности, истражи го пазарот, прашај ги тековните потрошувачи и врз основа на тоа приоритизирај ги.

#2 Направи можни групи со по три вредности кои се најважни за твоите купувачи

Сега ќе можеш да направиш различни понуди со по три вредности кои ќе ги комуницираш и кои претставуваат најважни вредности за купувачите. Не користи повеќе од 3 вредности во една понуда. луѓето не можат да процесираат повеќе од три. Подобро е да имаш повеќе понуди со различни вредности отколку една понуда со премногу вредности, што може да изгледа дека се обидуваш да бидеш се за секого.

#3 Тестирај ги понудите со различни комбинации на вредности

Ова е континуиран процес кој бара постојано подобрување. Најдобар начин да ги подобриш твоите понуди е да ги тестираш истите. На таков начин ќе знаеш директно од твоите купувачи која е најдобрата комбинација на вредности за нив.

#4 Избери различни медиуми за различни понуди кои треба да ги комуницираат твоите вредности

Нешто што функционира на твојот веб сајт, нема да функционира на твоите летоци. Од друга страна, она што функционира на летоците, нема да функционира на социјалните медиуми. Треба да ја најдеш најдобрата можна комбинација на понуди кои ќе функционираат на соодветниот медиум.

post

Како да се диференцираш себеси?

Дали се разликуваш од твоите конкуренти?

Дали правиш нешто што никој друг не го прави?

Дали си најдобар во правење на она што го правиш?

Мора да се диференцираш себеси во однос на твоите конкуренти. Мора да правиш нешто што никој друг не го прави. Мора да бидеш најдобар во нешто.

Ова не се однесува само на твоите производи или услуги. Една грешка од страна на претприемачите која е забележлива е што тие сметаат дека нивните производи или услуги мора да бидат различни како еден и единствен елемент кој ќе ги разликува од остатокот од светот.

Ти можеш да се диференцираш себеси од конкурентите и тоа ќе биде твојата конкурентска предност. Твојот начин на комуникација со твојата заедница исто така може да те диференцира и да биде вреднувано од твоите купувачи.

Затоа мора да размислуваш и за тоа. Започни со прашањето: Што е она најважното што потрошувачите го вреднуваат во мене и мојот бизнис најмногу?

Да поминеме низ еден можен процес кој ти како еден претприемач можеш да го користиш за да се диференцираш себеси и твојот бизнис.

#1 Кои се твоите главни конкуренти?

Може да започнеш со конкурентите и твоето тековно знаење за нив. Едноставно направи листа со 5 главни конкуренти за твојот бизнис.

#2 Прашај ги твоите потрошувачи за конкурентите

Може да ги прашаш твоите потрошувачи за тоа кои компании ги разгледувале пред да го изберат твојот бизнис. Разговорот може да продолжи и за тоа зошто ве избрале токму вас, наместо таа конкуренција која ја разгледувале.

Понекогаш може и да не ги знаеш вистинските разлики кои ти и твојот бизнис ги имате. Понекогаш (а и многу често) она што ти мислиш дека е она во што ти се разликуваш не значи дека и потрошувачите го мислат истотот.

#3 Прашај ја заедницата за конкурентите

Веќе ги имаш информациите од твоите потрошувачи, зошто да не се обидеш и со пошироката заедница за да најдеш дополнителни информации за твоите конкуренти.

Може да ги прашаш снабдувачите. Може да ги прашаш колегите или пшак другите партнери за тоа кого тие гледаат како главен конкурент за твојот бизнис.

#4 Прашај го Google

Зошто да не ја прашаш најголемата база на податоци во светот? Започни со зборови кои го опишуваат твојот бизнис, твојата индустрија или твојот пазар. Или едноставно користи зборови за кои мислиш дека твојот пазар би ги користел кога бара за проблеми кои твојот бизнис ги решава.

Проучи ги страните кои ќе бидат прикажани од пребарувачите и процени дали тие навистина се твоите конкуренти.

#5 Изведи подлабоко истражување

Сега кога имаш повеќе од еден извор на информации ќе може да направиш листа на компании кандидати за твоите топ конкуренти.

Започни со нивна анализа еден по еден. Прегледај ги нивните веб сајтови, нивното присуство на социјални медиуми, нивната физичка локација…

Врз основа на оваа истражување ќе можеш да ги определиш петте најголеми конкуренти за твојот бизнис. Ќе знаеш што тие прават, како го прават тоа, кои се нивни силни страни, кои се нивни слабости, што нудат, што не нудат, што е добро, а што лошо во нивните понуди…

#6 Што е со твојот бизнис?

Бидејќи ги знаеш најважните конкуренти, ќе можеш да си ги поставиш истите прашања за твојот бизнис.

  • Кои се твоите силни страни?
  • Кои се твоите слабости?
  • Каква е твојата понуда?
  • Што е она што не го нудиш?
  • Што е добро, а што лошо во твојата понуда?

#7 Направи листа на твоите тековни и потенцијални разлики

Сега знаеш доволно за тебе и за твоите конкуренти. Ги знаеш разликите на кои се насочуваат конкурентите и знаеш во што ти се разликуваш. Исто така знаеш и кои разлики кои ги поседува конкуренцијата сакаш и ти да ги поседуваш.

Така, сега може да направиш посебни листи за оние разлики кои сега ги поседуваш и посебна листа со потенцијални или идни разлики кои сакаш да ги поседуваш.

#8 Направи изјава за диференцијација

Може ли да напишеш во една изјава како твојот бизнис е различен? Не размислувај за конкуренцијата, напиши ги твоите диференцијации кои твојот бизнис ги поседува, а твоите конкуренти не ги поседуваат.

post

Како да изградиш силни односи со твојата заедница?

Односи со заедница Ти како еден претприемач и твојот бизнис не сте сами во светот на бизнисот.

Имаш потрошувачи, и сакаш тие да купуваат се повеќе од тебе. Имаш потенцијални купувачи, и сакаш тие да станат твои купувачи. Имаш снабдувачи. Имаш партнери.

Имаш сопствена бизнис заедница каде што опстојува твојот бизнис и без која твојот бизнис не може да преживее.

Освен градење и одржување на твојата заедница мора да градиш и подобри односи. Мора да комуницираш со таа заедница. Мора да направиш да ти биднат партнери. Ти треба нивната помош доколку сакаш да го раснеш твојот бизнис.

#1 Првата импресија е многу важна

Веројатно, тоа се неколку секунди за првата импресија која може да доведе до една цела слика за тебе и твојот бизнис во мозокот на лицето со кое комуницираш. Не пропуштај ја можноста да креираш одлична импресија. Во Enchantment: The Art of Changing Hearts, Minds, and Actions, Guy Kawasaki за таа прва импресија навлегува во неколку подрачја кои што се важни како насмевка, облека, ракување и речник.

#2 Пронајди заедничка пасија

Луѓето се приклучуваат во неформални групи и заедници бидејќи имаат нешто заедничко со останатите. Најчесто тоа е пасија за нешто што ги поврзува. Тие сакаат да ги споделат нивните идеи, сличните проблеми кои ги имаат, сличните вредности кои ги негуваат… Пронајди нешто заедничко помеѓу тебе и другата страна и зборувај за тоа.

Доколку се согласувате околу нешто, или пак и двајцата имате ист проблем поверојатно е дека со тие луѓе ќе изградите подобри односи.

#3 Секогаш нека бидат Win-Win ситуации

Никој не сака да губи. Ти не си таму за да победиш, а со тоа другата страна да изгуби. (Потсетете се само на големото враќање на Steve Jobs во Apple кога на негодување на фановите на Apple ја најавува соработката со Microsoft и кога им објасни дека треба да се напушти патот кој се базира на тоа за да Apple победи Microsoft мора да изгуби. Каде е сега компанијата кога тогаш беше во криза?)

Секогаш барај ситуации кога сите ќе победат, тоа е пат за градење на долгорочни односи.

#4 Верувај им, доколку сакаш тебе да ти веруваат

Како можеш да очекуваш некој да ти верува доколку тој/таа не може да види дека ти имаш доверба во нив. Доколку веруваш некому и таа личност може да го забележи тоа, тогаш и таа личност ќе ти верува тебе. Градиш односи на взаемна доверба. Има ли подобро нешто од тоа?

#5 Несебично споделувај го твоето знаење и вештини

Знам дека имаш знаење, искуство и вештини. Но, тоа знаење, искуство и вештини не се само за тебе, инаку се безвредни. Мора да го споделиш тоа знаење, искуство и вештини со твојата заедница доколку сакаш да станеш вистински дел од таа заедница.

#6 Помогни им

Секој има проблеми. (Или како што Исак Адижес вели: проблеми немаме само доколку сме мртви.) Доколку помагаш на заедницата, ќе започнеш да градиш кредибилитет и доверба. Тоа е највредното ниво во твоите односи со заедницата.

#7 Не си најдобар во се

Иако имаш знаење, искуство и вештини, сепак не си најдобар во се. Секогаш ќе има некој што во нешто и знае, и има искуство и има вештини повеќе од тебе. Затоа треба и да слушаш за да научиш нешто од нив.

#8 Учи од нив и покажи дека си научил од нив

Доколку слушаш, ќе слушнеш нешто. Доколку слушнеш нешто и ќе научиш нешто што можеби можеш да го имплементираш во твојот бизнис. Но, кога ќе имплементираш нешто што си научил од твојата заедница, нека знаат за тоа.

#9 Мотивирај ги

Ти си дел од твојата заедница. Треба да помагаш и да ја мотивираш твојата заедница да стане подобра, членовите да си го подобрат сопствениот живот. Тоа е делот во кој ти го градиш твојот кредибилитет.

#10 Биди човек

Ти си човек пред се останато. Твојата заедница е составена од човечки суштества. Зошто да бидеш нешто што не си во твојата заедница.

post

Не што тие велат дека сакаат или што ти мислиш дека сакаат

Маркетинг пораки Она што мислам дека го сакам и она што навистина сакам понекогаш е сосема различно.

Што ти мислиш дека сакам е различно од она што јас навистина сакам.

Ова се случува кога ти не ја знаеш суштината на моите потреби.

Ова е вистински проблем за сопствениците на малиот бизнис, претприемачите и луѓето кои се занимаваат со маркетингот. Денес, пак во времето во кое што живееме можеби и уште потешко да се дознае.

Доколку одам во една кафетерија да испијам кафе, во најголем број на случаи не одам заради кафето иако не е за потценување и квалитетот на кафето кое се служи. Можам да пијам кафе било каде околу мене, барем тоа денес е лесно (на секој чекор има кафетерија). Можам да пијам кафе дома, во канцеларија, кај пријатели… Но, вистинската причина зошто одам во кафетерија е да ја избегнам дневната рутина и да се видам со луѓе со кои сакам да се видам и да разговарам, разменам мислење, комуницирам…

Ако ја земеме облеката како еден друг пример, денес не можеме да кажеме дека се облекуваме бидејќи не е соодветно да одиме голи. 🙂 Иако тоа е една од основните причини зошто се облекуваме. Но, денес таа причина не се користи и ние не купуваме поради таа причина, бидејќи тоа е нормално. Ние сакаме и имаме потреба од облека која ќе изгледа прекрасно на нашето тело. Понекогаш сакаме нешто што е во тренд. Понекогаш купуваме облека која ќе ја покаже нашата личност на еден прекрасен начин.

Како што може да забележиш од овие два примери, постојат повеќе потреби за потрошувачите отколку само една.

Она што мора да го напоменам и она што мора да го знаете како еден претприемач е дека понекогаш вистинските потреби може воопшто и да не постојат. Твојата работа тогаш е да ги креираш доколку сакаш твојот бизнис да успее.

Застани за момент и размисли за сите твои производи или услуги. Кои се потребите кои тие ги задоволуваат на твоите потрошувачи?

Сега, предлагам да одиме со некои препораки кои можете да ги искористите за бреинстормирање на различни потреби на твоите сегашни или потенцијални потрошувачи колку што може повеќе.

  • Започни со нивното јавно кажување за она што тие го сакаат.
  • Направи листа за нивните јавни потреби.
  • Обиди се да влезеш во нивниот мозок. Што ти тогаш би сакал?
  • Продолжи со размислување за она што тие го сакаат.
  • Направи прашалник и прашај ги што сакаат.
  • Анализирај ги нивните одговори и оди подлабоко за да ги откриеш можните скриени потреби.
  • Разговарај со нив за нивните најголеми фрустрации и сонови.
  • Прашај го твојот продажен тим за нивното искуство со твоите потрошувачи.
  • Направи листа на нивните скриени потреби кои што ги откри преку прашалникот, твојата директна конверзација и твојот продажен тим.
  • Проучи ја листата која што ја направи преку оваа вежба и направи приоритизација на потребите.
  • Имплементирај ги откритијата во твоите производи, услуги и воопшто во твојот бизнис, но биди сигурен дека имплементацијата ќе оди согласно приоритизацијата.