Бидете секогаш најиновативни! Алатки, екниги и видео презентации само за најхрабрите!

post

Продажни цели за продавачи – Чекори за воспоставување

Кажи ми што морам да направам и ќе го направам тоа што морам. Вака функционира светот. Истото се однесува и за продажните цели. Доколку ангажирам продавач во мојот бизнис првото нешто што ќе треба да му кажам е што очекувам од него.

Дали имате продажни цели?

Како ги мерите перформансите на Вашите продавачи?

Тука се презентирани 5 едноставни чекори кои ќе ве водат низ дефинирање на продажните цели поставување на опипливи и мерливи мерки за мерење на перформансите на Вашиот продажен тим.

1. Дефинирање на нивоата на продажната инка

Продажната инка е начин на визуелизација на продажниот процес. Доколку сакате да дојдете до реални цели на еден продавач мора да ги дефинирате нивоата или процесите потребни еден потенцијален купувач да се претвори во вистински купувач.

Дефинирање на продажната инка

Дефинирање на продажната инка

2. Погледнете ги годишните бизнис цели

Втората работа која ќе треба да ја направите е да погледнете во годишните бизнис цели за да откриете колкав приход Вашиот бизнис мора да генерира за да ги постигне тие цели. Можеби имате цел да го зголемите профитот за 6% од претходната година. Колкав приход мора да генерирате за да ја постигнете таа цел?

3. Пресметајте ја потребната продажба која мора да се генерира од секој продавач

Колкава продажба треба да биде генерирана од просечен продавач за да се постигнат целите од претходниот чекор. На пример доколку имате цел да се генерира месечна продажба во износ од 60.000 долари, а Вашиот бизнис има 3 продавачи, секој од нив ќе треба да генерира по 20.000 долари.

4. Погледнете ги стапките на конверзија на продажната инка

Разгледајте ги различните нивоа на вашата продажна инка за да ги дефинирате стапките на конверзија на секое ниво. Стапката на конверзија од едно во друго ниво ќе ви даде информација какви акции треба да се превземат од страна на секој продавач.

Продажна инка со стапки на конверзија

Продажна инка со стапки на конверзија

5. Ајде да се играме со бројки

Сега кога знаете колкава продажба треба да има секој продавач, и го знаете просечниот приход од еден купувач ќе можете да продолжите со пресметките за да дојдете до тоа колку потенцијални купувачи треба да навлезат во продажната инка. Започнуваме од последното ниво на продажната инка и завршуваме со првото (види слика).

Пресметки во продажната инка

Пресметки во продажната инка

Сега, доколку нашиот продажен циклус е нешто како следново:

  • Повик на потенцијални клиенти – Дознавање
  • Конверзија со одлучувачите и состанок со истите – Интерес
  • Демонстрација – Желба
  • Купување

секој продавач ќе треба да направи:

  • 835 повици
  • 167 разговори и состноци со оние кои носат одлуки
  • 50 демонстрации
  • 20 продажби.

Доколку ги знаете целите за секој продавач ќе можете да ги мерите и нивните перформанси.

post

Продажна инка: Што претставува?

Продажбата не се случува одеднаш. Претприемачите мора да изведат повеќе активности за да ги претворат потенцијалните купувачи (или можните интересенти) во вистински купувачи. Еден бизнис може да има огромен број потенцијални купувачи, но се додека тие не станат вистински купувачи бизнисот нема да има корист од нив и навистина секој може да биде потенцијален купувач. За малопродажна продавница потенцијален купувач е секој кој поминува или живее на локацијата на која е сместена продавницата. За увозниците и големопродавачите потенцијални купувачи се сите мали бизниси во државата. За онлајн малопродажба, жителите на целиот свет се потенцијални купувачи. Значи од ваков голем број на потенцијани купувачи само одреден дел ќе станат вистински купувачи во одреден временски период. Затоа и се користи терминот инка, која служи да собере поголема количина на течност (потенцијални купувачи) и низ потесниот дел од цевката во одреден временски период да ја собира течноста (вистински купувачи) во шишето.

Што претставува продажна инка?

Продажната инка може да се сретне и како продажна цевка или продажен тунел и претставува начин на визуелизација на продажниот процес. Би било многу лесно доколку сите потенцијални потрошувачи самите си дојдат и станат вистински купувачи. Но, тоа би било можно само доколку не постои конкуренција, Вашиот бизнис е уникатен и секој мора да помине низ Вашиот бизнис. Но реалноста не е таква. За секој потенцијален купувач се борите и Вие и Вашата конкуренција. Кој има подобра продажна инка ќе има и поголема ефикасност во трансформација на потенцијалните купувачи во вистински купувачи. Значи, продажната инка доколку ги користиме законите од физиката претставува нешто што ја трансформира потенцијалната енергија на Вашиот бизнис во кинетичка енергија која овозможува движење напред.

Како функционира продажната инка?

На горната слика е претставена продажната инка и како истата функционира. Се што е надвор од инката е неограничен простор што претставува неограничен број на потенцијални купувачи за секој бизнис. За тој надворешен простор или потенцијални купувачи Вие како претприемач се борите со Вашата конкуренција.

Како пример ќе разработам некои делови на една продажна инка, кои не мора да бидат такви. Постојат различни теоретски и практични анализи и разглобувања на продажната инка. Не можеме да земеме еден темплејт и да го користиме. Светот, бизнисот и технологијата се развиваат многу бргу. Пред 5 години Facebook не би бил дел од Вашата продажна инка. Но сега е и би требало да биде. Но, како идеја за Ваше размислување може да ви помогне.

1. Дознавање

Вашата прва задача е со помош на маркетинг кампањи да внесете дел од потенцијалните купувачи во инката, односно во вашиот продажен простор. Успешна маркетинг кампања е онаа кампања која ќе внесе поголем број на потенцијални купувачи во инката. Преку оваа кампања потенцијалните купувачи ќе дознаат за Вас, за Вашиот бизнис, за производите и услугите што ги нудите, односно привлекувате внимание за Вашиот бизнис. На ваков начин тие ќе знаат дека постоите и така од неограничен простор Вие се сведувате на одреден број на потенцијални купувачи кои влегуваат во Вашата продажна инка. Тој број зависи од Вашата маркетинг кампања, од типот на бизнисот и од просторот на кој оперира бизнисот (локално, национално, онлајн). Значи може да бидат 100, 1.000, 10.000, милион потенцијални купувачи кои се веќе навлезени во Вашата продажна инка.

2. Интерес

Следната Ваша задача како претприемач е да се насочите кон овие потенцијални купувачи и да обезбедите тие да пројават интерес за Вашите производи и/или услуги што ги нудите. Ова може да го остварите со откривање на нивната потреба и да им дадете можност да ги пробаат тие производи (да се изврши промоција) со цел да утврдат дека токму тие производи и/или услуги ја задоволуваат нивната потреба. На пример, ако се работи за малопродажен бутик потенцијалните купувачи влегуваат во Вашата продавница, пројавуваат интерес да купат еден од Вашите производи и ги пробуваат.

3. Желба

Доколку се чувствуваат добро оние кои пробале нешто во Вашиот бутик тие пројавуваат желба за купување – следната фаза од продажниот тунел. Компанија која продава софтвери нуди можност за 30 дневно пробување на софтверот за да се уверат потенцијалните купувачи дека токму тој софтвер ќе ги задоволи нивните потреби и ќе се јави желба за купување. Значи откако ќе издејствувате интерес за Вашите производи и/или услуги вашата работа е интересот да го претворите во желба за купување. Оваа желба доведува до тоа да бидете контактирани за цена, за начин на испорака, за начин на плаќање.

4. Акција – Купување

Сето оваа резултира во преговарање од кое дел од овие потенцијални купувачи ќе се трансформираат во вистински потрошувачи, односно ќе донесат одлука за купување и ќе го купат вашиот производ и/или услуга.

Продажна инка во бројки

Како функционира продажниата инка во бројки?

Од неограничен број на потенцијални купувачи за Вас ќе дознаат на пример 1000 потенцијални купувачи. Од тие 1000 потенцијални купувачи интерес за Вашите производи и/или услуги ќе пројават на пример 500 потенцијални купувачи. Од овие 500, желба за купување ќе пројават 200 потенцијални купувачи. Но, на крајот одлука за купување ќе донесат 10 купувачи.

Вашата цел како претприемач и целта на Вашиот продажен тим доколку имате, е да обезбедите во секој момент продажната инка да биде полна во сите фази. Ова ќе го постигнете преку добра маркетинг кампања и одличен производ и/или услуга што ги нудите. Направете анализа на Вашиот продажен тунел на една скица и размислете како да го подобрите. Запомнете, ништо не е идеално. Секој процес може да се подобри, па така и Вашиот продажен тунел.

post

5 Слоеви за успешен бизнис блог

5 Слоеви на бизнис блог

5 Слоеви на бизнис блог

Блогирање во бизнис цели претставува дел од маркетинг стратегија која веќе „мора“ да биде содржана во секој маркетинг план на малиот бизнис. Се повеќе и повеќе претприемачи откриваат дека оваа стратегија е навистина успешна за нивниот бизнис. Некои мали бизниси пак нивната целосна маркетинг сратегија ја базираат на и околу нивниот бизнис блог.

Што претставува успешен блог за бизнис цели?

Ова е едно најчесто поставуваните прашања? Пред било што друго, мора да знаеме што ќе претставува успешен бизнис блог за бизнис цели. Многу поголем процент е на неуспешни отколку успешни бизнис блогови.

Наједноставно кажано:

Успешен бизнис блог претставува оној блог кој овозможува остварување на целите за онлајн присутноста на бизнисот.

Што сакаме да оствариме со ова маркетинг средство? Доколку го оствариме она што сакаме да го оствариме ќе можеме да кажеме дека бизнис блогот е успешен.

Секојдневно на веб просторот се појавуваат нови блогови креирани за бизнис цели. Некои се многу успешни, некои пак преосечни, додек другите освен денот на појавување понатаму остануваат незабележителни.

Секој бизнис на различен начин може да го концепира својот блог. Како и да е, потребно е да се воспостават одредени слоеви како камен темелници на кои секој бизнис блог ќе се развива.

Слоеви за успешен бизнис блог

За да изградите успешен бизнис блог мора да го градите истиот на 5 слоеви, започнувајќи од првиот до 5-тиот слој.

Слој 1: Цели

Првиот слој на кој оваа маркетинг средство треба да се базира претставуваат поставените цели кои треба да се постигнат со него. Ова е важен слој бидејќи сите останати слоеви ќе се базираат токму на овој.

Кога воспоставуваме цели за онлајн присутноста на бизнисот можеме да имаме два вида на цели: примарни и секундарни. На пример, за еден бизнис примарни цели би изгледале вака:

  • Градење на бренд
  • Рекламирање
  • Продажба
  • Обезбедување на информации за производи и/или услуги
  • Обезбедување на информации за бизнисот
  • Обезбедување на услуги и поддршка на купувачите
  • Подобрување на интеракција со тековни и потенцијални купувачи.

Додека секундарни цели би биле следниве:

  • Блогот треба да биде дизајниран согласно SEO принципите и да обезбеди да биде лесно најдени и повторување на посетите.
  • Блогот треба да има инкорпорирано елементи на вирозен маркетинг за да ги поттикне посетителите да ги преопрачуваат производите, услугите или постовите на други.
  • Блогот треба да обезбеди посетителите да останат подолго на него.
  • Блогот ќе треба да поттикне интерес за бизнисот, производите и услугите.
  • Блогот треба да ги конвертира посетителите во потенцијални купувачи и купувачи.
  • Блогот треба да има инкорпорирано e-mail маркетинг кој ќе ги конвертира потенцијалните купувачи во купувачи.

Ова е само пример кој би ребало да ве наведе на едно вакво размислување.

Слој 2: Технички слој

Кога ќе завршиме со првиот слој – целите, ќе можеме да започнеме со градење на техничкиот слој на нашиот бизнис блог. Овој слој мора да биде базиран на претходниот слој, односно целите кои блогот мора да ги исполни. Кога зборуваме за техничкиот слој мора да одлучиме за следниве прашања:

  • Која платформа за блогирање ќе ја користиме?
  • Статичка или динамична почетна страна?
  • Каков дизајн ќе се користи?
  • Каква и која графика ќе се користи?
  • Кои додатоци ќе се користат?

Слој 3: Содржина

Третиот и најважниот слој е содржината. Прашањето на кое треба да се одговори во овој дел е што ќе се објавува на блогот? Во 10 блог теми за Вашиот бизнис блог ги презентирав следниве идеи:

  1. Блог написи за производи и/или услуги.
  2. Блог написи за индустријата.
  3. Блог написи за Вашата експертиза.
  4. Блог написи за искуството на задоволни потрошувачи.
  5. Блог написи за проблеми на потрошувачи.
  6. Видео презентации.
  7. Блог написи за резултати од прашалници.
  8. Блог написи за тековни настани.
  9. Одговарајте на прашања од коментари.
  10. Општи теми.

Не се ограничувајте само на овие теми, можеби ќе имате уште десетици и стотици идеи за теми, едноставно бреинстормирајте ги и искористете се што мислите дек ќе биде интересно за оној за кој е наменет блогот.

Слој 4: Маркетинг

Овој слој се однесува на маркетинг функцијата на бизнис блогот. Сите претходни слоеви помагаат да се изгради овој слој со следниве елементи за успешен бизнис блог:

  • Репутација. Блогот претставува навистина одлична алатка за градење на добра претприемничка и бизнис репутација. Овој елемент треба да овозможи да се разликувате од конкуренцијата. Репутацијата претставува мислење на личност, група или организација која го има за Вас или Вашиот бизнис. Затоа е важна.
  • Кредибилитет. Кредибилитетот претставува верување дека некое лица има експертиза и знаење и може да биде сигурен за бизнис со него. Доколку го користите блогот на вистинскиот начин ќе можете да изградите добар кредибилитет како претприемач и бизнис.
  • Бреднирање. Одлично место за градење на силно препознатлив бренд за Вашиот бизнис претставува токму Вашиот бизнис блог. Секој блог пост мора да има нешто преку што ќе се комуницира Вашиот личен и бизнис бренд на посетителите и читателите.
  • Поврзување. Вашиот блог ќе ве поврзе сомногу поединци и бизниси кои можат да станат Ваши купувачи или бизнис партнери.
  • Релации. Една можност која што ја обезбедува блогот е создавање на квалитетни релации сопосетители и читатели. Коментарите се една опција која овозможува ова да биде навистина едноставно.
  • Вирозни елементи. Постовите се вирозни и секој пост може да биде проследен до пријател. Добар блог пост може да биде виден од голем број на потенцијални купувачи.

Слој 5: Бизнис

Да бидеме реални за момент. Целта на секој бизнис блог е да создаде бизнис со потенцијални купувачи. Затоа последниот слој во градење на еден бизнис блог е да му се даде бизнис карактер на истиот. Секој бизнис продава нешто и целта е да се зголеми продажбата. Затоа блогот мора да ги содржи бармен следниве можности:

  • Да овозможи лесен контакт до бизнисот.
  • Да бидат презентирани производите и/или услугите во форма на бенефиции (полезности).
  • Да овозможи лесно купување на производите и/или услугите.
  • Да овозможи подршка за купувачите.
post

Facebook Бесплатно – Маркетинг средство 77

Facebook - Маркетинг средство Ќе продолжиме со серијалот за маркетинг средства на претприемач и за оваа недела како 77-мо маркетинг средство го избравме Facebook. Со оваа маркетинг средство започнуваме со последна група од онлајн маркетинг средства кои ќе се однесуваат на социјални медиуми.

Малку статистика

Популраноста на социјалните медиуми во светски рамки го достигнува својот врв. Кај нас исто така можеме да кажеме дека е на високо ниво, а тоа го засновувам особено токму на оваа маркетинг средство – Facebook кој во моментов кога го пишувам овој пост согласно Facebookers се наоѓа на 74 место во светот по број на корисници, со 729220 корисници. Тоа е навистина импресивна бројка.

Доколку погледаме во демографијата на корисниците од Македонија ќе видиме различна застапеност на лица со различна возраст. Сепак од 13 до 44 годишна возраст претставуваат 96% од македонските корисници на Facebook.

Корисници во Македонија - Возраст

На глобално ниво станува збор за над 550 милиони корисници на оваа платформа. Најмногу корисници има во Северна Америка, Европа и Азија кои опфаќаат скоро 85% од сите корисници на Facebook.

Кога станува збор за број на посетители се чини дека оваа година Facebook го надмина и Google. Согласно податоците на Compete во Септември 2010 година Facebook имал 3,416,501,818 посетители додека Google имал 3,027,990,471.

Сепак кога станува збор за уникатни посетители Google сеуште бега (но се чини не за долго).

Што претставува Facebook?

Facebook претставува платформа која има за цел да се поврзат брзо пријателите, роднините, соработниците, познаниците или пак непознаниците преку различни мрежи на групи достапни преку платформата или пак преку различните апликации кои може да се користат во платформата.

Целта е да се поттикне комуникација, да се разменат мислења, слики, видеа, настани…

Како да се користи во бизнис цели?

Да, Facebook од страна на маркетарите е препознаен како одлична можност за промоција на бизнисите. Голем број на корисници се повеќе го привлекува вниманието на бизнисите. Не знам, дали денес може да се замисли еден бизнис кој на некаков начин не е присутен на оваа платформа дали тоа ќе биде преку личниот профил на претприемачот, личните профили на вработените или пак специјализирана бизнис страна на Facebook.

Сепак кога станува збор за презентација на бизнисот не треба да се оди со креирање на личен профил со име на бизнисот и слика на бизнис лого. За бизнис презентација Facebook овозможува креирање на посебна страна која се разликува од личните профили.

Кај нас сеуште може да се забележат лични профили како бизниси, што претставува еден сосема погрешен пристап во користење на Facebook како едно маркетинг средство за бизнисите.

Освен страните како ефективно средство може да послужат и Facebook групите кои сепак не ја менуваат страната. Страната останува како едно централно место за презентација на оваа платформа, додека групите може да послужат како комуникација за каузи, мислења, дискусиони форуми…

Како да креирате страна?

Креирање на Facebook странаПрвин за да креирате Facebook страна ќе мора да имате личен профил, па доколку немате започнете го процесот на регистрација на личен профил. Додадете Ваша слика, работодавец (ваш бизнис) некои информации за Вас и побарајте пријатели со кои ќе се поврзете.

Откако ќе го креирате личниот профил можете да започнете со креација на страната едноставно преку менито од лева страна со кликнување на копчето за Огласи и страници, а потоа кликнете на копчето Страници. Потоа кликнете на Креирај страница.

Не би одел понатаму бидејќи самата платформа ќе ве води низ процесот на завршување на креирањето на страната многу едноставно.

Сепак пред да започнете ќе ви биде потребна слика за страната која може да биде:

  • Лого на Вашиот бизнис
  • Комбинација на лого со некои елементи на Вашиот бизнис.

Внесете соодветен опис на Вашиот бизниси или опис на она што ќе го опфаќа таа Ваша Facebook бизнис страна. Можете да додадете администратори кои дополнително со Вас ќе ја ажурираат и администрираат страната. Тоа може да биде и некој вработен во Вашиот бизнис.

Сепак пред да кликнете на копчето Publish. Осигурајте се дека сите слики, насловот, иницијалната содржина, линкови исето останато што планирате да го споделувате преку таа страна е спремно и Ready to Go.

Што понатаму?

Креирање на страната е наједноставен процес. Но сепак остануваат многу незавршени работи. Имање на бизнис страна на Facebook не значи дека сте завршиле голема работа во маркетингот. Тоа е само еден почеток. Потребно е:

  • Ажурирање,
  • Поттикнување на комуникација
  • Привлекување на фанови
  • Интеракција со фановите.

Затоа како еден поедноставен процес можете да го користите следниов:

  • Креирајте ја страната
  • Објавете неколку содржини (Но, внимавајте не претерувајте со промоција)
  • Поканете некои Ваши пријатели за кои ќе сметате дека ќе ги интересира Вашата страна.
  • Направете план за содржина на страната (Што ќе објавувате, кога ќе објавувате и како ќе објавувате?)
  • Поставете на Вашиот веб сајт линк или копче до Facebook страната.
  • На сите останати маркетинг средства каде има можност промовирајте ја и оваа страна.
  • Бидете конзистентни во ажурирање, не ја заборавајте страната.
  • Секогаш одговарајте на поставените прашања на страната.
  • Од 5 објави 4 нека бидат корисности, а една промоција на бизнисот.
post

Со научни методи до бизнис идеја

Овој пост е напишан од М-р Илија Чубровиќ, коавтор на книгата Менаџмент на Претприемничкиот Бизнис и еден од креаторите на идејата за овој веб сајт.

Бизнис идеи преку научни методи

Бизнис идеи преку научни методи

Не постои бизнис кој може да успее без луѓе. Претприемачот кој сака да започне со работа треба да има контакти со голем број на луѓе, да биде добро социјализиран и да слуша туѓи идеи. Најчесто луѓете со добри бизнис идеи не се и добри реализатори или им недостасува некоја од компонентите (искуство, знаење или финансии) па не можат да ја реализираат идеjата. Со слушање на изнесените идеи, решителен и дисциплиниран човек може за себе да обезбеди добар бизнис. За жал оној што имал добра идеја, а немал одлучност да ја реализира идеjата останува само нем посматрач на туѓиот успех (и никој не му кажува ни благодарам).

За отпочнување на секој бизнис потребно е да се има добра идеjа. Идеjата сама по себе не претставува решение на сите проблеми, ама претставува голем потикнувачки фактор за отпочнување на бизнис активности. Групирање на идеи може да се изврши и преку одредени научни методи. Во светот постојат неколку широко применети методи кои поттикнуваат интуитивно размислување. Тие методи најчесто настануваат преку потребата на воените служби или претставуваат успешни проекти на големите универзитети кои понатаму стануваат општо познати и применливи за широкото стопанство. Тука се опишани методи за добивање на идеи за големи системи, меѓутоа со одредена апроксимација (упростување) може да послужат и како начин за добивање идеи и во малите системи.

1. Brainstorming (мозочна бура или бура од идеи)

Оваа техника се состои во организирање креативен состанок на одредени стручни лица чиј број најчесто се движи помеѓу 5 и 15, на кој се врши собирање на мислења и ставови како и идеи за конктретно прашање, поради што се организира тој состанок. Се бара целосно слободно изјаснување. Критиката е исклучена. Не смее да се слушне збор тоа е глупаво, тоа е неможно и слично, со цел да се соберат што повеќе идеи без оглед на нивното значење и можно влијание на решавањето на конкретниот проблем. Потоа следува оценување на значењето на секоја идеја и нејзино рангирање. По рангирањето идеите влегуваат во понатамошен третман и високо рангираните идеи одат на понатамошно реализирање.

Оваа може да се примени и во малите фирми (бизниси) на тој начин што претприемачот би собрал луѓе (сега има се поголем број на високообразованите претприемачи кои исто така имаат високообразовани пријатели кои можат конструктивно да учествуваат во добивање на идеи, меѓутоа секој човек може да даде конструктивно решение) кои слободно и спонтано би изнеле идеи, а понатаму високорангираните идеи претприемачот би ги реализирал.

2. Delphi Метод

Оваа метода го добила името по грчкиот град каде во старите времиња се предвидувала иднината. Методот се состои од одделни испитувања, најчесто преку прашалници, се повикуваат експерти, носители на клучни работни задачи на повеќекратен разговор поради утврдување на нивниот став, идеја или предлог. Тие даваат одговори, наведуваат факти и предлози. Во вториот круг од разговорите учесниците се известуваат за дотогашните вкупни резултати, па од нив се бара да ги бранат своите ставови. Постапката по потреба се повторува. За тоа време доаѓа до расчистување на проблемот, до кристализација на конечните ставови, идеи и предлози. Доколку не се постигне резултат, испитувањето се прекинува, а може да се продолжи со другите учесници. Исто оваа може да го примени претприемачот за своите потреби во упростената форма каде би составил прашалник и би собрал одредена група на пријатели и би се обидел да собере одреден број на корисни идеи.

3. Синектички метод

Ова е специфичен облик на дискусиски метод за пронаоѓање идеи, решавање на одредени проблеми и др. Дискусиски тим се состои од 5 до 7 лица со различна стручност и образование, лица кои се специјално одбрани за таа пригода. Проблемот, целта и планот се разложуваат толку долго се додека сите членови на дискусискиот тим не ја сфатат нивна суштина, значењето и она што се сака да се постигне со работата на тимот. Потоа проблемот се отуѓува и се наоѓа сличност во природата (се земаат ликови во вид на животни: риби, жаби, желки… и други облици како идејни облици за одредените производи) и слично. Со помош на таквото апстрактно скршнување од почетниот проблем се бара и се наоѓа неговото решение. Решението може да претставува идеја која се граничи со фантазија што на организаторот на дискусијата му остава задача подоцна со обработката на резултатите, да извлече корисни и потребни сознанија и заклучоци.

4. Морфолошки метод

Овој метод е соодветен за идеите за високата технологија. Тој обезбедува да се избегнат важните грешки во пристапите од кои се тргнува во предвидувањето и овозможува примена на принципот на повеќе димензионална класификација, која се сведува на расчленување на одредена целина на составните делови. Се формира матрица во која во првата колона се основните обележја а во другите колони се варијацији на основните обележја. При примената на морфолошкиот метод во прв ред е потребно да се утврдат сите постојни обележја (се анализираат сите можни варијанти без оглед колку се чудни или тешко остварливи) и се внесуваатт во матрицата. На тој начин овој метод може да помогне да се изврши соодветна класификација на новите технолошки решенија. Покрај тоа се отвара можност за комбинирање на елементите во нов пристап, независно од тоа во која мерка таквите решенија се моментално можни, изводливи и ефикасни.

Морфолошка матрица

5. Креативен удар

Овој термин прв пат е употребен од Tom Peters со цел да се опише процесот на агресивно откривање на знаењата и интересите на конкурентите. Тој предлага сите вработени да се преобразат во т. н. Vacuum cleaners (правосмукалки) за да побараат и да го разберат најдоброто што го нудат другите. Токму тоа го правел Marriott при дизајнирање на својата мрежа хотели. Цели тимови од вработени во маркетингот, финансиите, човековите ресурси и оперативата биле испратени на близу 400 конкурентски хотели за да ги истражат нивните карактеристики (креветите, големина на собите, дебелина на зидовите, придружните ресторани итн.), нивните услуги ( резервации, внимание на персоналот и др.) и нивниот менаџмент (работење, морал …). Резултат на тоа била добро дизајнирана мрежа хотели со пристапни цени наменети за бизнисмени кои често патуваат.

Истото ова секој претприемач мора да го применува се додека работи. Бидејки внимание кое се обрнува на конкурентите мора да биде големо за да се знае однесувањето на секој конкурент (цени, односот кон клиенти, начин на плаќање…). Секаде во светот е голема чест да се има вработување и не е ни лесно ни едноставно да се бара ново вработување, поаѓајки од тоа секој вработен треба без никакво посебно насочување да го следи пазарот и конкурентите и за тоа да го известува претприемачот кој соодветно би реагирал на секој предизвик (види SWOT-анализа).

post

Алатки за содржина

Алатки за содржина

Алатки за содржина

Доколку сте сопственик на мал бизнис веројатно размислувате или веќе користите содржина како маркетинг средство за да привлечете нови потрошувачи или да ја зголемите комуникацијата со тековните потрошувачи.

Содржината како маркетинг средство е нешто што може да се класифицира како едно од најважните маркетинг алатки на денешницата. Многу мали бизниси користат маркетинг стратегии во кои се опфатени и содржини за да ја зголемат нивната онлајн и офлајн продажба. Досегашната практика покажува дека содржината може да доведе неколку пати повеќе потрошувачи за бизнисите кои ја имплементирале.

Нешто што треба да се нагласи е дека имплементација на маркетинг стратегија за соджина е бесплатна или во некои случаи може да ве чини $1000. Како и да е, од друга страна ова бара многу време. Времето е потребно за бреинстормирање на содржина и секако за креација на таа содржина.

Постојат повеќе алатки кои можат да ви помогнат да бидете поорганизирани и да ги имплементирате тие стратегии на најдобар начин. Сум се обидел со различни алатки. Некои се одлични, некои не. За некои платив, а некои се бесплатни. Но, секоја алатка користена во овие цели може да довде до зголемување на продуктивноста. Еве ги некои од алатките кои во моментов ги користам за оваа намена (и секако и за други намени):

WLW за креирање на содржина

WLW за креирање на содржина

1. Windows Live Writer

Windows Live Writer е десктоп апликација развиена од страна на Microsoft која може да се користи за ажурирање на блог на WordPress.org, WordPress.com, Blogger, TypePad и многу други сервиси за блогирање. Она што е најкорисно е што можете да снимите драфт верзии на содржината кои ќе бидат организирани во подрачјето за драфт, подоцна едитирани и објавени кога ќе бидат финиширани.

2. Evernote

Користам Evernote за PC и Evernote за iPhone со чија помош секоја идеја од секојдневен живот, од компјутер, од телефон можам да ја сместам на едно место со оваа алатка.

Evernote за iPhone

Evernote за iPhone

3. Mindmaps

Нешто без што во последниве години неможам да си го замислам животот. Пред да започнам да корстам вакви мапи за да ги организирам моите идеи и идни акции повеќето од тие идеи станаа ѓубре. Секогаш кога ќе дојдам до некоја идеја ја ставам во Mindmap. На таков начин станувам поорганизиран, попродуктивен и секоја идеја е разработена и подготвена да стане реалност. Користам десктоп апликација и секако iThoughts за iPhone која ми дава можност да ја снимам мапата во формат читлив и на десктоп компјутерот.

iThougts за MindMaps

iThougts за MindMaps

4. Аудио рекордер на iPhone

Многупшати кога се наоѓам во ситуација кога не можам да запишувам го користам аудио рекордерот на мојот телефон со што идејата не останува незабележана и заборавена.

5. TextExpander за iPhone

Пред извесен период дојдов до ова алатка која денес претставува навистина корисна за мене. Ја користам да напишам нешто или да ги трансферирам моите идеи во текст. Она што е најкорисно е што за различните состаноци оваа апликација во целост го замени тефтерот, па така имам готов текст од забелешки кои едноставно можам да ги препратам во текст фајл и доработам на компјутер. Од друга страна апликацијата има можност за додавање на кратенки со што пишувањето со текот на време станува многу побрзо (внесеш две букви за цел збор).

6. Dropbox

Dropbox го користам за да се поврзам до моите идеи од било каде. Вообичаено мапите и текстовите ги снимам во dropbox и можам да пристапам до истите и од телефон и од компјутерот. Оние што треба да се споделат одат во фолдер кој се споделува со соработниците.

post

Извори на организациски промени: Навремено откривање

Навремено откривање на извори на организациски проемни

Навремено откривање на извори на организациски проемни

Изворите (причини, сили или фактори) на организациските промени се основа за секоја организациска промена. Промените се постојани. Малите бизниси се тие кои се доста прилагодливи и тоа е главната предност на малите бизниси во однос на големите компании. Но, секоја промена е последица на некое дејствие. Тоа дејствие претставуваат изворите на организациските промени и тоа дејствие ви дава сигнал дека нешто мора да менувате во вашето работење. Дали е тоа намалена продажба како внатрешен фактор или тоа е законска регулатива како политички извор од надворешни извори на организациски промени вие како претприемач мора да преземете соодветна акција – промена.

Можете да прочитате за извори на организациски промени каде што се обработени внатрешните и надворешните извори на промените, односно основните извори на организациски промени. Но, сепак постои прашање дали изворите на организациските промени се значајни за претприемачите? Претприемачите кои не ги следат изворите на организациски промени нема уште долго време да бидат претприемачи.

Еве некои причини заради кои се значајни изворите на организациските промени за претприемачите:

  • Кога се знаат изворите (причини) за организациските промени, претприемачите поедноставно ќе можат да го испланираат процесост на промените.
  • Бидејќи организациските промени претставуваат решение на некој проблем, така изворот на организациските промени го расветлува проблемот кој треба да се реши
  • Познавањето на изворите на организациските промени дава одговор на тоа кога организацијата треба да се менува
  • Изворите на организациските промени не дозволуваат фирмата да влезе во зимски сон, туку ја одржуваат будна за да може соодветно да реагира на сите тие сили кои бараат промени
  • Надворешните и внатрешните извори на промени ја одржуваат фирмата во рамнотежа со околината.

Значајнста на навремено откривање на изворите на организациските промени ја прикажува Peter Senge во неговото дело Пета дисциплина (The Fifth Discipline: The art and practice of the learning organization). Тој ненавременото откривање на изворите (причините) на организациските промени го споредува со парабола на „варена жаба“. Senge опишува дека кога жаба ќе ставиме во врела вода таа веднаш ќе се обиде да излезе од садот во кој се наоѓа водата, но доколку во садот има вода со собна температура, жабата ќе остане во садот. Ако постепено ја зголемуваме температурата на водата на 20 до 25 оC жабата нема да реагира и дури ќе покажува знаци на задоволство и удобност. Со понатамошно покачување на температурата, на жабата ќе и биде се потопло и потопло, но нема да реагира се додека веќе не биде во состојба да реагира и ќе се свари. Senge вели дека ова се случува заради тоа што жабата има внатрешен детектор на закани кој е подесен на ненадејни крупни проблеми. Слично може да се случи и со бизнисите (организациските системи) кои постојано се наоѓаат под одредено влијание на околината. Доколку во околината се случат крупни проблеми претприемачот ќе возврати со организациски промени со кои ќе избегне да тие промени во околината влијаат негативно на работењето на неговиот бизнис. Но, доколку промените во околината се постепени и постојани, претрпиемачот нема да одговори на истите закани се додека не сфатат дека веќе е предоцна да се стори нешто за опстанок.

Да земеме еден пример. Доколку приходот на бизнисот се намали за 100 денари во просек дневно, претприемачот нема да примети се додека не свати дека на крајот на годината е 30.000 денари во загуба, па потоа да презема мерки кои можеби ќе бидат предоцнети. Но доколку прометот му се намали за неколку илјади денари секако дека ќе забележи и ќе размислува што е тоа за вакво движење и ќе бара решение и ќе имплементира решение кое ќе го подобри работењето на бизнисот.

Внимавајте на изворите на организациските промени како на внатрешните така и на надворешните, како и на крупните така и на ситните. Токму ова може да биде клуч за вашата конкурентска предност. Следете се што се случува и во внатрешноста и во надворешноста од границите на вашиот бизнис.

post

Два вида на извори на организациски промени

За секоја организациска промена постои некоја сила, причина, односно извор на таа организациска промена. Дали тоа е притисок од околината, дали тоа е внатрешен притисок секоја организациска промена има своја причина, а таа причина се нарекува извор на таа промена. Што е онаа што малите бизниси и претприемачи ги прави успешни? Тоа е флексибилноста. Флексибилноста значи дека претприемачите брзо се менуваат самите себеси и својот бизнис за да успеат и да го развијат бизнисот и фирмата која ја поседуваат. Секој претприемач мора да воспостави систем преку кој ќе ги следи овие можни извори на промените и без одлагање да изврши прилагодување во своето работење. Во прилог на текстов е дадено кратко разработување на можните извори на организациски промени.

Организациските промени не се појавуваат сами од себе. За било која постапка која ја изведуваме постои одредена причина, односно постапката е последица на одредена причина. Доколку не постои причина за одредена постапка или дејствување, логично е дека нема да постои ни таа постапка или дејствување. Бидејќи организациските промени се постојани во еден животен циклус на бизнисите, секогаш ќе постојат и причини за тие организациските промени. Овие причини (поттикнувачи, сили) ги нарекуваме извори на организациски промени.

Надворешни извори на организациски промени

Врз основа на тоа како ја делиме околината така може да се определат подрачјата во кои спаѓаат надворешните извори на промените. На сликата е дадена општата поделба на околината на една организација.

Надворешни извори на организациски промени

Надворешни извори на организациски промени

Од сликата се гледа дека околината на организацијата ја сочинуваат следниве подрачја, а со тоа и надворешни извори на организациски промени:

  • Економски надворешни извори на организациски промени. Тоа се конкурентите, добавувачите, каматни стапки, стапка на невработеност, приходи на населението, кредитна политика, бруто општествен производ, инфлација, степен на меѓународна размена… Сите овие фактори влијаат на потреба од промени во организацијата. Потребно е добро следење на истите како би се донеле вистинските одлуки за промените.
  • Технолошко подрачје како извор на организациските промени. Технологијата претставува примена на знаење, методи, техники и средства со кои една организација го трансформира влезот во излезот. Стапката на влијание на технологијата како надворешен извор на организациски промени варира од индустрија до индустрија. Секој претприемач мора да го следи развојот на технологијата во сопствената индустриска гранка и воопшто и да ги применува најновите достигнувања во развојот на сопствениот бизнис. Ова ќе бара организациски промени.
  • Социо-културно подрачје. Ова подрачје на околината како надворешен извор на организациските промени е составено од вредности, навики/традиција, норми, ставови и демографски карактеристики на луѓето. Секое општество има различни социо-културни карактеристики кои може да се разликуваат врз основа на регионот, етничка основа, населението итн. Сите овие фактори различно влијаат врз бизнисите и бараат различни прилагодувања кон нив.
  • Политичко подрачје. Оваа подрачје како надворешен извор на организациските промени се базира на законските и подзаконските акти донесени од страна на законодавните домови на една држава како и прописи од страна на владите. Политичкото подрачје содржи елементи како законодавство, стабилност навлада, штрајкови, политички состојби во соседни земји, оданочување итн. Овие извори на промени мора да се почитуваат од претприемачите и да се инкорпорираат во работењето на нивните фирми.
  • Меѓународно подрачје.  Земјата во која работи една фирм претставува потесна околина на организацијата, но пошироката околина како меѓународното подрачје во последно време има се поголем замав во влијанието врз бизнисите заради се поголема глобализација на пазарот. Она што се случува на меѓународен пазар влијае на сите бизниси. Пример е тековната глобална економска криза која го зафати целиот свет.

Внатрешни извори на организациски промени

Внатрешните извори на организациските промени претставуваат сили кои се појавуваат од внатрешноста на организацијата. Контролирањето на овие извори на организациски промени е поедноставно за претприемачите и менаџерите бидејќи доаѓаат од внатрешноста на организацијата, нешто што според функцијата, менаџментот го контролира.

Исто како и кај надворешните извори на организациските промени и тука би можело да го искористиме истиот пристап во дефинирање на внатрешните извори на промени. Поаѓаме од внатрешната околина на една организација. Што претставува внатрешна околина на една организација? Наједноставно кажано, внатрешната околина на една организација претставува се она што е внатре во организацијата. Организацијата како систем е составена од:

  1. Луѓе
  2. Структура
  3. Процеси

Луѓето се тие кои ги извршуваат сите активности во организацијата. Можеме да ја имаме најдобрата структура и најдобрите процеси, но без луѓето процесот на трансформација на влезот во излезот нема да може да се изврши. Луѓето во организацијата може да бидат менаџерски или неменаџерски кадар, но и двата типа претставуваат извор на организациски промени. Вработените се тие од кои може да потекне иницијативата за промени во нивното работно место, односно промени на работните задачи заради поефективно и поефикасно извршување на истите.

Структурата на една организација е таа што не дозволува појава на хаос во работењето на истата. Таа ги дава меѓусебните односи на сите компоненти на организацијата. Организациската структура го дефинира местото на секој поединец во организацијата преку хиерархијата, и улогите на секој поединец преку правила, норми и процедури. Со текот на времето организациската структура не може да одговори на потребата од ефикасно и ефективно работење на организацијата па така станува внатрешен извор на организациските промени.

Процесите во една организација ги претставуваат сите активности кои се изведуваат за да влезовите се трансформираат во излез кој ќе има некоја вредност за потрошувачите. Процесите во организацијата може да бидат различни, но ќе дадеме дел од нив кои се најзначајни за бизнисот:

  • Технолошки процеси (процеси кои ги трансформираат организациските ресурси во производи или услуги)
  • Процес на донесување на одлуки (избор на насока на дејствување од страна на луѓето)
  • Процес на комуницирање (распределба на информации помеѓу луѓето во организацијата)
  • Процес на управување (менаџментот како процес – управување на луѓето во насока на исполнување на целите на организацијата)

Овие процеси претставуваат внатрешен извор на организациските промени, бидејќи било каков проблем во истите ќе бара решавање на тој проблем што пак претставува нов начин на функционирање на тој процес или организациската промена.

post

Дизајн – Маркетинг средство 76

веб дизајн

Дизајн како маркетинг средство

Стигнавме до 76-тото маркетинг средство на претприемач како дел од серијалот 100 маркетинг средства. Досега ги обработивме веб сајтот, блогот и содржината како еден дел што ќе бидат опфатени во Вашата онлајн стратегија. Поминавме и два стила на привлекување на посетители – SEO оптимизација и PPC кампањи преку Google Adwords.

Но, што потоа? Имаме ваб сајт, имаме блог и имаме содржина, но каде е конверзијата? Што очекуваме еден посетител кој на одреден начин ќе пристигне до тие наши платформи да направи?

Во голем дел, конверзијата ќе зависи од дизајнот и пораката во тие платформи.

Со овој пост би сакал да опфатам неколку елементи на дизајнот:

  • Корисност
  • Начин на користење не од ваша страна, од страна на посетителите
  • Скенирање, не читање

Корисност

Првиот елемент кој сакам да го потенцирам е корисноста.

Корисноста наједноставно претставува лесно користење на платформата без разлика дали станува збор за веб сајтот или пак за блогот.

Кога станува збор за корисноста не можам а да не го споменам првиот закон на корисноста согласно Steve Krug во неговата книга Don’t Make Me Think!

Прв закон на корисноста: Не терај ме да мислам!

Тоа значи дека кога еден посетител ќе дојде ќе треба брзо и лесно да увиди:

  • Што има тука за него?
  • Што треба да направи?
  • Како треба да го направи тоа?

За да посетителот не размислува треба да се избегнат прашањата во неговата глава како следниве:

  • Каде да започнам?
  • Што понатаму?
  • Дали ова е мени?
  • Можам ли да кликнам тука?
  • Дали да кликнам тука?
  • Што значи ова или она?
  • Како да купам?
  • Зошто таа слика или тој текст е токму тука?

Ова се многу важни прашања за еден веб сајт или блог кога станува збор за онлајн маркетинг. На интернетот постоеле, постојат и ќе постојат конкуренти кои секогаш може да бидат привлечни. Па затоа доколку посетителот неможе брзо да се снајде, едноставно ќе го кликне знакчето X, што секако не го посакувате.

Како се користи страната од страна на посетителот

Можеме да најмиме одличен дизајнер кој визуелно ќе дизајнира чудо кое ќе предизвика кај нас воздишка. Има супер бои, супер анимации, супер музика во позадина… Но, посетителот не бара да види боја. Не бара да види и да чека анимација пред да се отвори она што го бара. Не бара да слуша музика, доколку е така ќе оди на онлајн радио. Тој едноставно:

  • Бара информација
  • Бара решение за својот проблем преку Ваш производ или услуга
  • Донел одлука за купување и сака да купи.

Затоа кога станува збор за дизајнот мора да се тргне од пазарот и да се одговори на следниве прашања:

  • Кои се целните посетители?
  • Што тие бараат на интернет?
  • Што сакаат да прочитаат?
  • Дали купуваат на интернет?
  • Како купуваат?
  • Кој е прецесот на нивното купување?

Скенирање, не читање

Кога сме поврзани на интернет и кога бараме нешто без разлика дали станува збор за информација или пак за производ кој можеби би го купиле ние не читаме се од збор до збор, ние скенираме. Зошто скенираме? Затоа што немаме време и така сме научени.

На пример кога бараме нешто на Google, на страната со резултатите ќе добиеме она што Google смета дека ние го сакаме. Но, ние не ги отвораме сите страни. Едноставно ги скенираме насловите бидејќи се најупадливи и доколку некој наслов го привлече нашето внимание, гледаме во описот (не читаме) и одлучуваме дали ќе кликнеме или не. Сетоа тоа се одвива во еден временски еприод од неколку секунди до неколку десетици секунди.

Истото се случува и кога читаме весник. Не верувам дека започнувате од првиот до последниот текст. Едноставно ги разлистувате страните, гледате во насловите и одлучувате дали ќе го читате текстот или не. Понекогаш и некоја слика ќе ви го привлече вниманието и ќе донесете одлука за продолжување на читање на тој текст или не.

Она што е карактеристично и најмалку што треба да го знаеме е дека:

  • Времето за донесување на одлука за она што сакаме еден посетител да го направи е многу пократко во однос на било кој друг маркетинг медиум.
  • Се што ќе поставиме или напишеме или презентираме нема да биде видено од првпат. Мора да имаме план Б.

Затоа пред да се одлучите за дизајнот:

  • Ставете се во улога на еден посетител и неговите цели.
  • Прашајте еден просечен купувач што би сакал.
  • Разговарајте со вашите роднини и пријатели за идеи или нивниот начин на користење на интернетот.
  • Направете различни профили на посетители врз основа на нивното различно однесување. Еден купувач не се однесува исто како еден барател на информација.
  • Прилагодете го дизајнот на тие профили.
post

Претприемничката инерција: Идеи за да ја победите

Претприемничка инерција

Претприемничка инерција

Претприемничката инерција е нешто што предизвикува еден претприемач да се противи кон промените што е спротивно на она што по дефиниција треба да биде претприемачот.

Понекогаш навистина доаѓаме во ситуација и кога не сакаме да одбиеме нешто што претставува акција за нас или пак за нашиот бизнис. Ваквите ситуации сигурно сте ги окусиле во Вашиот живот.

Дали сте се нашле во ситуација кога сакате или мора да превземете акција, но не ги превземате?

Дали сте се нашле во позиција да сакате да започнете бизнис, но нешто ве повлекува наназад кон статус кво ситуацијата?

Дали сте се нашле во ситуација кога мора да донесете одлука, но сепак не ја ностите?

Дали сте се нашле себеси во ситуација да имате визија за нешто, но сепак да кажете нема врска?

Сите овие ситуации се пример на претприемничка инерција која може да го направи Вашиот претприемнички живот доста потежок.

1. Биди упорен, не се откажувај!

Упорноста е нешто што ќе ви даде способност никогаш да не бидете инертни во Вашиот бизнис. Доколку имате јасни цели и во исто време сте упорни да ги остварите тие цели никогаш нема да бидете дел од претприемничка инерција.

2. Отстранете ги сите можни препреки!

Пронаоѓање и перманентно елиминирање на препреките ќе ја зголеми Вашата лична и бизнис продуктивност. Продуктивноста претставува опозиција на инертноста. Од друга страна секогаш ќе постојат препреки во вид на страв, недостаток на талент, потреба од перфекционизам… Доколку сакате да побегнете од претприемничката инерција, отстранете ги од Вашиот мозок.

3. Не одложувајте!

Одложувањето е причина и влезна порта кон инертноста. Не одложувајте. Завршете се што имате на листата за денес и нема да бидете дел од претприемничката инерција.

4. За секоја бизнис одлука веднаш направете акциони чекори

Самата одлука не претставува акција. Нешто што не претставува акција со што ќе ве придвижи нанапред претставува дел од инерција. За да се осигурате дека ќе ја имплементирате секоја бизнис одлука веднаш по одлучувањето направете акциони чекори кои ќе ве водат кон имплементација.

5. Бидете јасни во вашите цели!

Нејасни цели ќе ве водат до скокнување на некои од нив и продолжување со наредните на листата. Доколку вашите цели се јасни и конкретни сите Ваши цели ќе бидат постигнати и никогаш нема да бидете дел од претприемничката инерција.

6. Направете сите Ваши идеи да станат реалност

Знам, сите ние имаме премногу идеи кои едноставно неможат да станат реалност. Но, доколку се организираме на вистинскиот начин се може да стане реалност. Прочитајте ја книгата Making Ideas Happen од Scott Belsky.

7. Не обидувајте се да биде перфектно

Понекогаш перфектноста може да биде многу далеку од нас. Но, тоа не значи дека ние ќе треба да ги запреме нашите бизнис активности. Ништо не е перфектно. Се може да се подобри.

8. Побегнете од негативците

Уште од самиот почеток на овој блог напишав наслов за негативците (всушност тоа беше заеднички напишано со мојот колега м-р Илија Чубровиќ). Негативците околу вас може да бидат голем извор на инертноста. Обидете се да избегате од нив, доколку не сакате нивната негативна енергија да биде пренесена на вас.

9. Наградете се!

Наградите навистина можат да бидат голем придвижувач нанапред. Наградете се за секое постигнување.

10. Објавете го она што планирате да го направите

Доколку нешто е јавно објавено, постои голема веројатност дека ќе биде и завршено. Доколку јавно обајвите дека нешто ќе направите ќе има поголема тежина доколку тоа го знаете само вие.