Бидете секогаш најиновативни! Алатки, екниги и видео презентации само за најхрабрите!

post

Претприемнички живот: 5 инспиративни TED Talks

Можеме ли да го направиме претприемничкиот живот да биде полесен и подобар? Веројатно да, но тоа зависи од нас и нашиот сопствен начин на размислување.

Во изминатиот период многу зборувавме за живото на еден претприемач, за ризик, баланс помеѓу работата и приватниот живот и многу други секојдневни предизвици со кои се соочува еден претприемач.

Постојат повеќе принципи кои може да ти помогнат за менаџирање на бизнис и не бизнис живот за да се постигнат оптимални работни часови кои ќе ти овозможат тебе и на твоето семејство да имате прекрасен живот надвор од бизнисот.

Тука се некои навистина инспиративни TED Talks кои можат твојот претприемнички живот да го направат навистина подобар.

1. Nigel Marsh: Како балансот помеѓу работата и приватниот живот да профункционира

2. Arianna Huffington: Како да успееш? Со повеќе спиење

3. Noreena Hertz: Како да ги користиш експертите и кога да не ги користиш

4. Lisa Gansky: Иднината на бизнисот е “Mesh”

5. Jason Fried: Зошто работата не се случува на работа

post

Бизнис блог – ден 11: Бреинстормирање на наслови

Бизнис блог Ова е единаесетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот десети ден од предизвикот се однесуваше на инсталација на додатоци кои ќе ја зголемат функционалноста на твојот бизнис блог кој доколку не сте го поминале би било добро да се вратите пред да одите со активности од овој единаесети ден.

Ден 11: Бреинстормирање на наслови

Насловите се многу важни елементи од вашиот бизнис блог, но можеби и за вашиот иден бизнис успех. Постојат различни мислења дали да се оди првин со пишување на содржината, па од неа да се извлече насловот или обратно, првин насловот а потоа содржината. Во секој случај можеш да ги користиш и двата начина, но идејата во овој предизвик е да започнете со наслови заради полесно обезбедување на содржина во иднина.

Овој ден ќе биде многу важен ден за идниот развој на вашиот бизнис блог. Вие веќе ги имате категориите и тие може да бидат стартна позиција за бреинстормирање на наслови. Едноставно обидете се од секоја категорија да извлечете барем по 10 можни наслови. Од друга страна ги имате и 50-те идеи за блог постови во книгата блогирање за бизнис. Вашата задача за овој 11-ти ден е да дојдете до колку што можете повеќе наслови. Иако овој предизвик е на дневна основа, сепак секоја активност можете да ја имплементирате онолку колку што ви е потребно време. Врз основа на тие 50 идеи можете да дојдете до 100 уникатни наслови за вашиот бизнис блог. Тоа би било доволно за цела година доколку објавувате по 2-3 наслови неделно.

Од друга страна, тука ќе ја најавам ексклузивно уште едната алатка која скоро е подготвена и се однесува токму на овие наслови, а тоа се 100 идеи-наслови за блог постови преку претприемач каде првите 50 ќе бидат оние опфатени во книгата блогирање за бизнис, додека останатите 50 ќе бидат сосема нови и спремни за прилагодување кон твојата индустрија.

Да ги дефинираме практичните чекори кои ќе треба да го направиш токму овој ден:

  • Добро разгледај ги твоите категории и во тефтерот или нотесот кој ви служи за овој предизвик определете по една страна за една категорија.
  • За секоја категорија размислете што е она што првин би го прашал твојот потенцијален купувач. Врз основа на одговорите напиши ги насловите на таа страна која е определена за таа категорија. Истото повтори го и со останатите категории. Доколку имаш 8 категории ќе имаши 80 наслови.
  • Искористете ги 50-те идеи од книгата блогирање за бизнис и едноставно дојдете до уште 100-тина наслови. Запомнете дека колку повеќе наслови толку подобро и за вас и за вашиот бизнис блог.

Следува: Бизнис блог – ден 12: Дефинирање на конечни наслови

post

Совет за еден мал бизнис: Претвори ги твоите слаби страни во силни

Совет за мал бизнис

Совет за мал бизнис

Ова е уште еден посt од неделниот серијал на совети за малите бизниси за претприемачи.

Во моето минато сеуште немам видено претприемач без слабости. Можам да кажам дека имам сретнато успешни и неуспешни претприемачи врз основа на тоа како тие ги трансферираат нивните слабости во јаки страни.

Не постојат супермен претприемачи кој ќе го управува сопствениот бизнис со ниту една слаба страна.

Што мислиш за себеси? Дали имаш некој вид на претприемнички слабости? Или пак ти си единствениот кој ги немаш?

Ти си претприемач и мора да бидеш искрен со себеси за твоите лични и на твојот бизнис слабости. Што ќе добиеш доколку се мамиш себеси? Што ќе добиеш доколку ги мамиш твоите потрошувачи или пак потенцијални потрошувачи? Ништо, ја губиш сопствената игра на свој терен кога се мамиш себеси и твоите потрошувачи.

Ги губиш можностите да се подобриш себеси и твојот бизнис. Ова значи дека ги губиш можностите да го направиш твојот бизнис многу посилен отколку што е сега.

Затоа како прв чекор што треба да го превземеш е да бидеш искрен со самиот себеси. Доколку знаеш за твоите слабости, не игнорирај ги. Обиди се да ги поправиш и претвориш во твои јаки страни. Доколку не знаеш за некои слабости, анализирај се себеси и обиди се да ги најдеш твоите скриени слабости и слабостите кои може да се појават во иднина. Елиминирај ги сите скриени слабости и подготви се за они идни.

Едно можно решение за твојата целосна посветеност кон решавање на твоите слабости е доколку одиш еден чекор понапред и јавно покажеш каде си слаб и што планираш да направиш во однос на тие слабости. На таков начин освен твојата целосна посветеност, ќе усееш да изградиш и доверба во очите на потрошувачите како еден претприемач.

Прашањата кои ќе треба да ги одговориш се следниве:

  • Кои се моите познати слабости?
  • Кои се моите скриени слабости?
  • Кои ќе бидат моите слаби страни во иднина?
  • Како можам да ги претворам моите слабости во мои најсилни страни?
  • Како можам да се подготвам за идните можнис лабости?
  • Како можам да го покажам мојот прогрес на моите сегашни и идни купувачи?

За оваа недела совет за еден мал бизнис: Започни со самоанализа и откриј ги сите твои слабости како еден претприемач. Пронајди ги можните начини за да ги претвориш тие слабости во твои најголеми силни страни и цврсто обврзи се дека ќе го постигнеш тоа. Подготви се себеси за идните слабости, слабости кои сеуште ги немаш, но постои голема веројатност дека ќе се појават во иднина. Покажи го прогресот и твоите нови силни страни.

post

Бизнис блог – ден 10: Инсталација на додатоци

WordPress лого Да продолжиме со десетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот девети ден од предизвикот се однесуваше на подготовка на технологијата кој доколку не сте го поминале би било добро да се вратите пред да одите со активности од овој десети ден.

Ден 10: Инсталација на додатоци

Word Press е одлична платформа која во старт ќе ти обезбеди многу функционалности. Сепак додатоците (Plugins) само уште повеќе ќе ја подобрат функционалноста на твојот бизнис блог, а ги има премногу. Сакам да напоменам да не се залетувате со се и сеште. Секогаш запрашајте се дали навистина ќе ви биде потребно нешто.

Овој ден е за да ги инсталирате додатоците (plugins) за Word Press со што ќе му ја зголемите функционалноста на истиот. Во книгата блогирање за бизнис ги наведовме основните кои би требало да ги инсталирате. Но, тука би напоменал уште некои (можеби некои и ќе се преклопат со книгата). На пример, инсталирајте WP Backup, All In One SEO Pack, Akismet, Google Analytics, Google XML Sitemap Generator, и Contact Form 7.

Врз основа на темата која ќе ја користите некои може и да нем потреба да ги инсталирате. На пример, јас веќе не го користам All in One SEO Pack бидејќи самата тема која ја користам ми го обезбедува се она што ми го нуди тој додаток.

Да ги дефинираме практичните чекори кои ќе треба да го направиш токму овој ден:

  • Инсталирајте ги гореспоменатите додатоци.
  • Извршете ги неопходните подесувања за истите.

Следува: Бизнис блог – ден 11: Бреинстормирање на наслови

post

10 Вештини кои на секој претприемач му требаат веднаш

Вештини Една од највлијателната бизнис потенцијална енергија во тебе како еден претприемач се твоите вештини.

Можеби ќе ги имаш уште пред да започнеш со бизнисот но, исто така, можеш и да започнеш со твојот бизнис и да ги развиваваш сопствените вештини во текот на работата. Сепак, колку побрзо ќе се изградат тие вештини, побрзо ќе ја вбризгаат бизнис потенцијалната енергија во твојата компанија, што пак го гарантира успехот на твојот бизнис.

Поради тоа, овие вештини ти се потребно веднаш, и затоа мораш да започнешда ги развиваш уште сега.

1. Маркетинг вештини

Твојата компанија е ништо без купувачи. Како можат да се најдат купувачи за твојот бизнис, или уште подобро како твоите потенцијални купувачи ќе ја најдат твојата компанија?

Ќе ти требаат маркетинг вештини за да бидеш во можност да обезбедиш доволно купувачи кои ќе купуваат производи и услуги што ти ги продаваш.

2. Продажни вештини

Ова се можеби најважната претприемачки вештини. Твојата компанија не може да преживее ако не продава она што треба да го продава на купувачите. Веројатно утре ќе имаш свој тим за продажба, но ако си во стартап фаза, ќе треба да оствариш колку што е можно повеќе продажби за твојот бизнис.

Заради тоа ќе треба да имаш одлични продажни вештини што ќе овозможи континуиран готовински прилив за твојот бизнис.

3. Комуникациски вештини

Како претприемач ќе имаш секојдневна комуникација со твоите купувачи, твоите потенцијални купувачи, вработените и твоите добавувачи. Потребно е да овозможиш другата страна да те слуша кога зборуваш за твојата компанија. Ако никој не те слуша, тогаш зошто зборуваш?

Затоа ти треба да имаш силни комуникациски вештини.

4. Преговарачки вештини

Сè што е во бизнисот е врз основа на твоите преговарачки вештини. Мораш да преговараш со твоите купувачи, да направиш договор, мораш да преговараш со добавувачите, исто така да се направи договор во твоја корист, мораш да преговараш со твоите партнери, понекогаш мораш да преговараш со заедницата, каде што твојата компанија се наоѓа …

5. Вештини за вмрежување

Пред започнување, за време на започнување и после започнување на твојот бизнис се додека твојата компанија е жива треба да градиш твои лични и бизнис мрежи. Колку подобри и поголеми мрежи можеш да изградиш, ќе обезбедиш поголем успех за твојата компанија.

6. Менаџерски вештини

Без оглед на тоа дали ти се допаѓа или не, ти секогаш мораш да управуваш со твојата компанија. Мораш да планираш, да регрутираш, да мотивираш, контролираш и едуцираш. Менаџерските вештини се важни за успехот на твојот бизнис.

7. Финансиски вештини

Имаш бизнис кој продава нешто во замена на пари. Треба да имаш знаење и вештини за менаџирање на приходите, трошоците, профитот, даноците, готовинскиот тек, рентабилноста …

8. Самомотивациски вештини

Како претприемач ќе имааш многу задачи кои ќе бидат на твојот грб. Нема да имаш шеф, кој ќе ти каже што треба да направиш денес. Твојата сопруга/сопруг не може да ти каже нешто во врска со денешните задачи во твојата компанија.

Одложувањето е нешто многу опасно за твојот бизнис. Поради тоа ти требаат самомотивациски вештини кои ќе ти овозможат да знаеш кога ќе мораш да почнеш нешто, без одлагање, и кога ќе мораш да престанеш.

9. Вештини за управување со времето

Премногу активности и премногу задачи за кои е потребен твојот ангажман ќе го направат еден просечен ден да изгледа како хаос. Треба да ги знаеш сите важностите и приоритетите на твоите активности. Мора да знаеш што и кога треба нешто да се заврши.

Кога ќе се разбудиш наутро, мора да се будиш со јасен план за задачите на денот кој следи.

10. Лидерски вештини

Како претприемач ти мора да бидеш лидер. Сè што ќе направиш во твојата компанија истото и  вработените ќе го прават. Ако ти додадеш вредност со твоите активности, тогаш и твоите вработени, исто така, ќе додадат вредност. Мораш да бидеш во можност да споиш различни луѓе со различно потекло, знаење, вештини и искуство во твојата сопствена бизнис кауза.

post

Бизнис блог – ден 9: Подготовка на технологија

WordPress лого Ќе продолжуваме со деветиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба.  Претходниот осми ден од предизвикот се однесуваше на дефинирање и подготовка на категориите и основните страни кој доколку не сте го поминале би било добро да се вратите пред да одите со активности од овој девети ден.

Ден 9: Подготовка на технологија

Како што можете да забележите од овој предизвик технологијата е само мал дел (само еден ден) од овој предизвик за блогирање за бизнис. Но, сепак мора да се помине без разлика дали тоа ќе го направи твојот дизајнер или ќе бидеш направи сам претприемач. Пред да продолжиме со овој ден сакам да напоменам дека постојат повеќе платформи за блогирање, но како препорака во овој предизвик ќе го користиме WordPress.

Овој ден ќе го искористиш за инсталација на платформата за блогирање. Имаш 10 видео материјали во првиот email доколку сте регистрирани за двонеделните билтени на претприемач кои ќе ве водат низ процесот на инсталација на WordPress. Направете ги неопходните подесувања како General Settings и Permalinks, направете ги категориите и подкатегориите кои ги определивте претходниот ден.

Да ги дефинираме практичните чекори кои ќе треба да го направиш токму овој ден:

  • Инсталирајте го WordPress.
  • Во општите сетинзи напишете го насловот како и поднасловот на твојот бизнис блог. Обиди се и во насловот и во поднасловот да користиш некои од примарните клучни зборови. Во истиот овој дел подесте ги URL-ата како и временската зона.
  • Следното важно подесување, ако не и најважно е да ги подесиш permalinks. Овие подесувања ќе го определат изгледот и структурата на URL-ата кои ќе се покажуваат за страните и постовите на твојот бизнис. Не избирајте ја опцијата со бројчаник, туку изберете описен изглед. На пример: www.tvojblog.mk/naslov-post.
  • Направете ги сите страни кои ги одготвивте вчера.
  • Креирајте ги категориите и подкатегориите кои ги подготвивте вчера.

Слдеува: Бизнис блог – ден 10: Инсталација на додатоци

post

Кратенки може да бидат опасни за твојот бизнис, понекогаш

Кратенки во бизнис Дали си претприемач кој секогаш сака да си најде кратенки при донесување на одлуки за бизнис?

Кратенките можат да бидат многу корисни за претприемачите и нивните компании. Тие ја прават продуктивноста да биде на повисоко ниво и го скратуваат времето во работата.

Сепак, дури и ако тие понекогаш се корисни, мора да знаеш дека постојат два различни вида на кратенки:

  • Првите се кратенките кои ќе те доведат до исполнување на целта. Тоа се кратенки кои се корисни за тебе и за твојот бизнис во целина. Тие тебе и твојот бизнис ве прават попродуктивни. Тие допринесуваат во дополнителното време да се сконцентрираш на други важни активности за твојата компанија.
  • Сепак, постои и втор тип на кратенки кои не те доведуваат до целната линија. Тие не ги даваат очекуваните резултати дури и да го скратат твоето работно време. Од друга страна, бидејќи тие не ги направиле достигнувањата на вашите деловни цели, не можеш да ги ставиш во категорија на нешто со што се зголемува твојата продуктивност. Да се биде продуктивен не е доволен само квантитетот, туку и квалитетот.

Многу пати, во обид да се намали нашето време за да бидеме попродуктивни ја ризикуваме вредноста која треба да биде постигната и испорачана кон крајниот купувач или потенцијален купувач.

Да речеме дека продуктивноста е вредност што треба да се подели со нашето потрошено време за произведувавање на таа вредност

Продуктивноста = Вредност / Време

Сега, ајде да речеме дека ти е потребна вредност од 10 и за да се постигне тоа треба да се потрошат три часа од твоето време.  Продуктивноста ќе биде 3,33.

Ако најдеш  кратенка која може да ти донесе иста вредност, но ќе треба да се потрошат само два часа за да се заврши работата за таа вредност,продуктивноста ќе биде 5. Ова е добра кратенка, и веќе можеш да ја направиш стандардизирана за иднина на твоите бизнис активности.

Сепак, што ако кратенката не обезбеди иста вредност, што честопати е случај? Да речеме дека на кратенката ќе ја скратиш вредноста за 50%. Сега продуктивноста ќе биде 2,5.

Понекогаш некои кратенки можат да ја зголемат нашата продуктивност дури и со помала вредност. На пример, ако вредноста е 9 за кратенка што ќе бара само два часа од твоето време, тогаш продуктивноста ќе биде 4,5 што сепак е поголема од твојата почетна позиција од 3,33. Сепак, прашањето сега е за вредноста. Дали вредноста 9 ќе биде доволна за да го обезбедиш успехот во твојот бизнис? Ако е ДА, тогаш ќе можеш да ја стандардизираш оваа кратенка.

Некои деловни активности ќе бараат повеќе работа за да се спроведат, но на крајот резултатите ќе бидат многу важни за успехот на твојот бизнис. Со кратенки во такви важни активности го ризикуваш квалитетот на работата што може директно да влијае врз успехот на твојот бизнис.

Грешките со кратенки може да бидат фатални за претприемачот и неговиот бизнис. Понекогаш времето кое тие го поминуваат на нивните кратенки може да биде навистина безвредно потрошено време.

Сега, што мислиш за кратенките? Дали тие секогаш ја зголемуваат продуктивноста во твојот бизнис?

post

Бизнис блог – ден 8: Категории и основни страни

Убиство на сопствениот бизнис Продолжуваме со осмиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Помина една недела од овој предизвик.  Претходниот ден (седми) од предизвикот се однесуваше на анализа на клучните зборови кој доколку не сте го поминале би било добро да се вратите пред да одите со активности од овој осми ден.

Ден 8: Категории и основни страни

Доброто структурирање на самиот блог значи и голема работа завршена за тебе кога станува збор за блогирање за бизнис. Оваа структурирање освен што има потенцијал да обезбеди добар однос со вашите потенцијални потрошувачи бидејќи тие треба лесно да се снаоѓаат и доаѓаат до она што им е потребно, има потенцијал и за подобрување на самата оптимизација на твојот бизнис блог. Без добра структура воопшто не размислувајте за продолжување понатаму. Ова е една од најголемите грешки кои гледам дека се прават, но и самиот сум поминал преку оваа грешка.

Блогот освен блог постови ќе има и категории и некои основни страни како контакт страна и за нас страната. Овој ден искористете го за дизајн на структурата на вашиот блог, односно кои ќе бидат главните категории, а кои подкатегории како и сите страни кои што ќе ги има (може да имате и специфични влезни-целни страни преку кои ќе се обидете да навлезете во процесот на конверзија). Кога станува збор за категории сите примарни зборови може да претставуваат категории додека сите секундарни зборови подкатегории (доколку имате подктегории).

  • Одлучи за самата категоризација на твојот бизнис блог. Колку категории ќе има? Кои можни категории би влегле во потесен круг за избор? Дали се доволни само категории или ќе требаат и подкатегории.
  • Наврати се на анализата на клучни зборови од вчера и провери дали некои од примарните зборови може да влезат како категории за твојот бизнис блог и дали некои од секундарните зборови може да влезат како подкатегории на главните категории.
  • Донеси конечна одлука за категоризацијата на твојот бизнис блог.
  • Донеси одлука за основните страни кои ќе ги содржи блогот. Тоа се најчесто страните за компанијата, контакт страната, страната за архива и целни страници доколку сакаш веднаш да започнеш со одреден вид на конверзија на твојот бизнис блог.
  • Направи ја содржината на тие страни од претходниот чекор.

Следува: Бизнис блог – ден 9: Подготовка на технологија

post

Претприемништво: Дали си вистинската личност за ова…?

Претприемништво: Дали си вистинската личност? Дали мислиш дека ти си вистинската личност за претприемништво?

Дали си ти тој кој може да биде вистински претприемач?

Постојат различни сили – покренувачи за да се стане претприемач. Сепак,  дали тоа се вистинските сили, кои ќе ти донесат долгорочна успешност на твојот нов, или иден бизнис?

Една од најважните или највлијателните сили, кои ги туркаат лицата да станат претприемачи е обезбедување на подобар живот во иднина. Едноставно сакате да заработите повеќе пари со нешто што го знаете повеќе од другите.

Сакаш да го пренесеш твоето хоби и страст  во нешто што е вредно за бизнис. Но, дали е тоа доволно за да станеш успешен претприемач?

Сакаш да бидеш свој сопствен шеф, но дали сакаш повеќе шефови?

Сакаш да бидеш свој шеф. Но, да се биде шеф е различно од твојата страст или хоби. Да се ​​биде шеф не е исто што и твојот актуелен шеф на твојата моментална работа.

Како претприемач исто така, ќе имаш дури и повеќе шефови кои ќе управуваат со твоите дневни претприемачки активности и задачи.

Што мислш за твоите купувачи? Дали тие ќе ти бидат нови шефови? Ќе мора да ги решиш нивните проблеми. Мораш да ги исполнуваш нивните потреби. Мора да ги слушаш и спроведуваш сите нивни потреби во твојата понуда. Доколку не ги решаваш нивните проблеми, или не ги исполнуваш нивните потреби, или не ги слушаш и имплементираш тие потреби во твојата понуда, нема ни да имаш купувачи за твојот бизнис. Тоа значи дека ќе немаш ни бизнис воопшто. Бизнис без купувачине е бизнис, и претприемачи без бизнис не се претприемачи.

Твоите потрошувачи не се единствените газди во твојот бизнис. Тука се и твоите партнери, банки од кои си зел кредит, пријатели или семејството кои ти позајмуваат пари за стартување. Дали мислиш дека твојата сопруг/а и децата нема да бидеат твои шефови? Мора да им се објасни зошто не можете да им дадете се она што тие  би го сакале, бидејќи мораат да се купи нова опрема за поддршка на твојот бизнис.

Потребни се повеќе активности отколку што мислиш

Твојата потенцијална енергија е важна за твојот претприемнички пат. Ако сакаш да станеш претприемач, мораш да имаш знаење и искуство. Твојата пасија и хобито не се доволни. Посветеноста и парите не се доволни за да се стане претприемач. Ќе треба да преземаш ризик. Ќе мора да спроведеш многу повеќе активности отколку што мислиш дека треба. Ќе мора да ги маркетираш твоите производи и услуги за да најдеш купувачи за твојот бизнис. Мораш да ги менаџираш твоите вработени. Тоа значи да се  планира нивната работа, да се едуцираат и да се обучат, да ги контролираш, да ги мотивираш … Ќе треба да управуваш со сметководствените книги. Ќе мора да контактираш со сметководител и адвокат. Ќе треба да одговориш на жалбите од страна на твоите купувачи.

Дали и сега мислиш дека ќе го работиш само она што го знаеш? Мислиш ли дека си вистинската личност за претприемништво? Дали мислиш дека ова е вистинскиот момент за да станеш еден претприемач?

Претприемништвото не е формула за брзо богатење. За тоа треба да вложиш премногу време, пари и напор, како иден сопственик на бизнис. Размисли два пати пред да одлучиш да станеш претприемач. Скенирај се себеси за да ја најдеш твојата потенцијална енергија и скенирај ја твојата околина за да ги откриеш можностите кои ти се нудат.

post

Бизнис блог – ден 7: Анализа на клучни зборови

Враќање во училиште за да станеш одличен Ќе продолжуваме со седмиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот ден (шести) од предизвикот се однесуваше на одлука за домен и хостинг кој доколку не сте го поминале би било добро да се вратите пред да одите со активности од овој седми ден.

Ден 7: Анализа на клучни зборови

Ова е ден во кој можете и треба да дојдеш до многу интересни информации кои ќе ги применуваш во иднина за твојот бизнис блог. Твојата досегашна анализа беше да видиш што прават другите (можна конкуренција) и што твоите потрошувачи сакаат. Кога ги анализираше потрошувачите размислуваше за можниот одговор на прашањето: Како тие би дошле до мојот блог?

Секако дека вие во 5-тиот ден сте бреинстормирале доволно зборови, но сепак треба да проверите дали тие зборови се барани или пак да до јдете до некои други зборови. Затоа повторно преку Google Keyword Tool проверете ги сите зборови и дојдете до дополнителни. Класифицирајте ги на примарни, секундарни и терцијални зборови како во е-книгата блогирање за бизнис.

Да одиме практично со некои чекори што ќе треба да ги превземеш токму овој ден:

  • Подготви ги сите клучни зборови до кои преку анализите од претходните денови дојдовте. Уште еднаш ставете се во положба на еден ваш потенцијален потрошувач или пак доколку имате повеќе потрошувачки персони обиди се да одговорише на прашањето доколку секоја од тие персони бара решение на проблем кој твојот бизнис го решава кои зборови би ги впишал во пребарувачите.
  • Сите тие зборови стави ги во Google Keyword Tool кој ќе ти даде една анализа на самите тие зборови како и дополнителни зборови како сугестија на она што е поврзано со вашите и што е барано преку пребарувачот.
  • Рангирајте ги зборовите по бројот на пребарувања на месечно ниво, за да видите што е она што е барано и колку е барано.
  • Врз основа на рангирањето обидете се да ги класифицирате клучните зборови на примарни, секундарни и терцијални клучни зборови како во е-книгата блогирање за бизнис. Тоа ќе бидат зборови на кои ќе се насочите преку вашиот бизнис блог во идниот период.

Следува: Бизнис блог – ден 8: Категории и основни страни