Бидете секогаш најиновативни! Алатки, екниги и видео презентации само за најхрабрите!

post

Идеи кои можете да ги искористите од Септември 2011

Претприемач

Претприемач

Кои се најкорисните идеи кои можете да ги искористите од минатиот месец кога станува збор за вашиот бизнис и искуство како еден претприемач? Овој месечен серијал на постови ги издвојува најдобрите наслови кои ќе влезат во страната Започни тука на претприемач на крајот на годината.

Оваа издание ќе го започнам со малку статистика. Во септември 2011 имаше 54 постови на претприемач. Ова е повеќе од вообичаено поради фактот што оди предизвикот за блогирање за бизнис во 30 дена. Оваа недела ќе заврши предизвикот но ќе започнеме со нов насловен како Подобри го твојот бизнис за 77 дена. Заклучно со 30.09.2011 има објавено 804 постови. Целта е да се стигне до 1000 до крајот на оваа година, но ќе видиме дали ќе може да се реализира.

Овој месец ја завршивме реализацијата на Бизнис совети 101 кој има за цел да ги групира многуте постови во еден прирачник кој може да ви помогне за вашиот бизнис. Но, она што ќе следува како на претприемач, така и на билтените и премиум претприемач носи голема возбудливост. Во секој случај ќе има многу промени, многу материјали и многу едукативни содржини.

Значи во септември на претприемач беа објавени вкупно 54 постови, да видиме кои може да влезат во категорија на најдоброто согласно идеите и посетеноста.

Започнување на бизнис

Започнување или стартапот е директно поврзано со претприемништво и претприемач. Но, сите три содржат и неизвесност, а неизвесноста е ризик. Многу елементи се поврзани директно со тебе – претприемачот. Сепак започнувањето иако можеби е најтешкиот тој е и највозбудливиот дел.

Продажба

Маркетинг

Бизнис план

post

Бизнис блог – Ден 28: Внеси SEO елементи, објави и распореди

SEO елементи Ова е дваесетиосмиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот ден од предизвикот се однесуваше на вметнување на слики кој доколку не си го поминал би било добро да се вратиш пред да одиш со активности од овој дваесетиосми ден.

Ден 28: Внеси SEO елементи, објави и распореди

Овој ден за секој пост внесете ги оние SEO елементи како наслов, опис и клучни зборови. Клучни зборови и не се важни и можете слободно да не ги внесувате бидејќи за најголемите пребарувачи (Bing и Google) воопшто немаат некакво влијание.

Ова го правите или преку самата тема која ја користите или преку некој додаток како All in One SEO (побарајте на Google и ќе го најдете). Откако ќе завршите можете да одите со фазата на објавување на првиот и распоредување за објавување за наредните. Ова ќе значи дека вашиот блог ќе биде жив во наредниот период барем 6-12 месеци доколку сте подготвиле толку постови колку што опфативме од овој предизвик.

  • Внимавај на насловот (Title Tag) кој ќе го внесеш да го содржи клучниот збор.
  • Внеси опис (елементот кој се покажува на страната со резулатите на пребарувачите). Внимавај да не биде преголемо и да содржи клучен збор.
  • Внимавај кога станува збор за насловот и описот и користењето на клучните зборови да биде усогласено со самиот текст. Ти можеби мислиш дека одреден клучен збор е примарен збор во твојот текст, но пребарувачите може да мислат поинаку. Така за постигнување на најдобри резултати потребна е соодветна усогласеност на овие елементи.
  • Објави го првиотпост кој ти е согласно Уредувачки календар (Editorial Calendar) од денот 23 од овој предизик за блогирање за бизнис.
  • Останатите распореди ги за објавување согласно уредувачкиот клендар.

Следува: Бизнис блог – Ден 29: Споделувај на социјални медиуми

post

Како да станеш претприемач?

Како да станеш претприемач? Ова е една од највозбудливите професии на светот. Возбудлива, но исто така и ризична за луѓето кои ја имаат.

Кога ќе почнеш да работиш со твојата компанија стануваш претприемач. Сепак, процесот не може да се дефинира од почеток до крај, затоа што ќе мора да превземеш многу повеќе активности, пред да започнеш со твојот бизнис за станеш претприемач.

Значи, како да станеш претприемач?

Во следните 87 точки, ќе споделам некои совети, мислења и акции кои треба да ги преземеш доколку сакаш да станеш успешен претприемач.

1. Биди уникатен

Мора да бидеш различен од остатокот на светот, доколку сакаш да станеш претприемач. Тоа значи дека треба да го погледнеш светот со други очи. Треба да ги видиш можностите, каде што сите другите гледаат проблеми. Твојата компанија ќе биде уникатна врз основа на тоа колку ти ќе бидеш уникатен.

2. Размислувај поинаку

Доколку си уникатен веројатно и размислуваш поинаку од остатокот од светот. Треба да најдеш различни начини за да ги решаваш истите проблеми. Тоа е разликата помеѓу претприемачите и остатокот од светот.

3. Размислувај за големи идеи

Успешните претприемачи имаат големи идеи кои се уникатни, различни и корисни за потенцијалните купувачи. Ако сакаш да изградиш компанија со голема бизнис потенцијална енергија и да станеш претприемач ќе мораш да размислуваш за големи идеи, а не за просечни. Помина времето на просечни производи за просечни луѓе.

4. Сонувај за промена на светот

Секоја одлична идеја може да го промени светот. Погледни го Apple и Steve Jobs, кои навистина го сменија изгледот на светот во однос на минатото. Ако сакаш да станеш успешен претприемач, треба да сонуваш. Сонувај за невозможн работи, бидејќи не постои ништо што е невозможно.

5. Следи ја твојата пасија

Доколку сакаш да станеш претприемач, вклучи ја твојата пасија во твојот бизнис. Тоа се твоите лични чувства и емоции кои овозможуваат да чувствуваш позитивнен афинитет за нешто што го правиш. Твојата пасија е потребна на твојата компанија.

6. Размислувај за најголемите проблеми

Во светот секогаш ќе има проблеми кои не се решени до денес. Најди ги најголемите, оние што можеш да ги решиш и да ги преточиш во твој бизнис. Тоа е начин да се стане претприемач.

7. Размислувај за најголемите потреби

На пазарот исто така постојат потреби. Треба да ги најдеш најголемите и да ги инкорпорираш можните начини на нивното задоволување во твојот бизнис.

8. Размисли за најдобрите решенија за проблемите и потребите

Секој проблем има потреба од решение, кое ќе задоволи некои од најголемите потреби на пазарот. Направи ги најдобрите решенија за постоечките проблеми и потребите на пазарот.

9. Размисли за тоа што те прави среќен

Да се стане претприемач, не значи дека треба да се биде несреќен. Ти си на првото место во твојата компанија. Размисли за тоа што те прави среќен, обиди се да го вклучиш тоа во твојот бизнис модел.

10. Не заборавај на твоите лични цели

Ти пред се си човечко суштество и пред и откако ќе станеш претприемач. Мора да размислуваш за твоите лични цели кои треба да ги оствариш кога ќе станеш претприемач.

11. Започни со вмрежување

Ќе имаш потреба од, колку што може повеќе мрежи за твојата компанија. Ти не можеш да стартуваш со твојот бизнис без мрежата, која ти овозможува или барем дава потенцијал за успешен почеток.

12. Почни да слушаш

Слушањето станува една од најважните бизнис функции денес. Треба да слушаш ако сакаш да ги дознаеш проблемите и потребите на твоите купувачи. Тоа се многу корисни информации кои можеш да ги искористиш за твојата компанија.

13. Најди ја твојата лична уникатност

Твојата лична уникатност е нешто што ќе те разликува од останатите претприемачи, и во исто време ќе ја разликува и твојата компанија од остатокот на компаниите.

14. Учи од успешните

Ако сакаш да станеш претприемач, мора да почнеш да учиш од успешни луѓе.

15. Читај книги од успешни претприемачи

Постојат многу книги од успешни претприемачи кои можат да ти дадат знаење како да станеш успешен претприемач.

16. Читај многу

Треба да читаш многу, бидејќи тоа е единствениот начин секогаш да го зголемуваш твоето знаење и на таков начин да ја зголемиш твојата бизнис потенцијална енергија.

17 .Читај блогови за претприемништво

Постојат многу блогови за претприемништвото кои ќе можеш да ги читаш секојдневно, за да го зголемуваш твоето знаење, за да дојдеш до некои корисни идеи или некои нови технологии.

18. Биди дисциплиниран

Ако сакаш да станеш претприемач заборави недисциплина.

19. Верувај во своите способности

Како можеш да очекуваш твоите купувачи да ти веруваат на тебе или на твојата компанија, доколку не веруваш самиот во своите способности?

20. Зголемувај ја самодовербата

Ако веруваш во твоите способности дека можеш да станеш претприемач ќе имаш доволно самодоверба за таков вид на работа. Доколку немаш, веднаш почни да бараш начини да си ја зголемиш самодовербата.

21. Најди ја твојата најголема инспирација

Што те инспирира? Твојата инспирација ќе ја води твојата компанија во иднина.

22. Престани да сонуваш, почни да правиш нешто

Време е да се престане со сонување и спиење. Луѓе кои само сонуваат не можат да станат претприемачи. Поради тоа почни да правиш нешто сега.

23. Не потпирај се на случајности

Случајностите не се правила во претприемништвото. Не потпирај се на нив во твојот бизнис.

24. Биди одличен за нешто

Ако сакаш да станеш претприемач, ти треба да бидеш одличен за нешто. Треба да бидеш подобар од сите други. Дали си?

25. Развивај ја твојата одличност

Ако мислиш дека не си толку одличен да започнеш со твојата компанија сега, започни со развој на твојата одличност.

26. Прави нешто подобро од сите други

Ти не треба да го откриеш тркалото, тоа веќе е откриено. Треба само да направиш нешто подобро од него.

27. Започни со прототип

Време е да го направиш твојот прв прототип на твоите производи или услуги.

28. Испробај се на пазарот

Можеби твоите прототипи на производи и услуги се најдобрите на светот, но ти не си оној кој суди. На пазарот, купувачите се судии за тоа.

29. Имплементирај ги повратните информации од пазарот во твоите производи и услуги

Зошто да се испробуваш на пазарот ако не ги имплементираш повратните информации во форма на подобрување на твоите производи и услуги или подобрување на твојот бизнис воопшто?

30. Направи ги твоите производи и услуги лесно разбирливи

Како да станеш претприемач Неможеш да се очекуваш дека ќе ги продаваш твоите производи и услуги, доколку тие не се разбирливи за твоите потенцијални купувачи. Направи ги да бидат лесно разбирливи.

31. Брендирај го твојот бизнис

Што е со твоето бизнис име или лого? Направи нешто навистина препознатливо.

32. Што е со сопствениот ризик?

Размисли за сопствениот ризик. Колкав ризик можеш да толерираш?

33. Не заборавај да зборуваш за тоа постојано

Сакаш да станеш претприемач, почни да зборуваш за твојата пасија, за иднината на твојот бизнис, за проблемите кои тој ќе ги решава…

34. Која е твојата визија?

Како ја гледаш иднината на твојата компанија? Каде ќе биде по пет или десет години.

35. Стратегијата

Ќе ти треба стратегија, ако сакаш твојата визија да стане реалност.

36. Јасен бизнис модел

Нацртај го твојот бизнис модел на парче хартија. Разгледај ги врските меѓу најважните бизнис елементи.

37. Планирај го твојот пат до успехот

Знаеш каде си сега, и знаеш каде би сакал да бидеш по пет или десет години. Следно што ќе ти треба е да ги поврзеш точките. Треба да ја нацрташ траекторијата до твојата визија. Тоа е твојот план.

38. Подготви се за следните 5 години

Мора да се подготвиш себе си за следните пет години.

39. Напиши бизнис план

Бизнис планот ќе биде твојот пат кон успехот. Се што ќе направиш до тука треба да се пренесе во одличен бизнис план.

40. Дефинирај SMART цели

Кога ќе ги поставиш твоите бизнис цели, провери дали тие се SMART (специфични, мерливи, остварливи, реални и временски ограничени).

41. Биди реален кога го планираш твојот бизнис

Не лажи се себе си со твојот бизнис план. Направи го тоа толку реално колку што е можно повеќе. Кога е потребно, прегрупирај да биде во корелација со реалноста.

42. Побарај помош ако ти е потребна кога го планираш твојот бизнис

Понекогаш сам не можеш да ги направиш сите предвидувања, анализи и пресметки во бизнис планот. Доколку ти е потребна помош не двоуми се да побараш помош.

43. Најдобар план е кога се содржани одговори од потенцијалните купувачи

Осигурај се дека твојот бизнис план ги има вградено одговорите од твоите потенцијални купувачи. Тие се важни затоа што нив твојата компанија ќе им служи.

44. Твојот план нека бидне колку што е можно поедноставен

Многу е поважно ти и твоите вработени да го разберете планот одколку комплексноста и правилата од училиштата.

45. Користи цртички во твојот план

Најдобрите бизнис планови кои сум ги видел до сега се бизнис плановите со цртички. Тоа е затоа што цртичките се наједноставна форма која обезбедува спроведување на самиот план.

46. Не ги заборавај одговорностите

Од друга страна, цртичките бараат јасни одговорности за имплементација. Не заборавај да ги вклучиш во секоја цртичка.

47. Јасно дефинирај го процесот на делегирање

Делегирање е важен дел за твојата бизнис иднина. Најдобро време да се дефинира процесот на делегирање е сега.

48. Ти не си сам

Мора да разбереш дека ти не си човек за се. Ти не си сам.

49. Неможеш да преживееш сам

Ако сакаш да бидеш човек за се, треба да разбереш дека ќе ја намалиш можноста да станеш претприемач.

50. Регрутирај паметно

Треба да создадеш процес со кој ќе ги регрутираш најдобрите вработени за твојот бизнис. Тие се твојата идна бизнис потенцијална енергија.

51. Мотивирај паметно

Вработените бараат мотивација доколку сакаш да го извлечеш најдоброто од нив.

52. Биди лидер

Ти си лидерот. Твојата работа е да бидеш лидер.

53. Неможеш да ги задоволиш сите

Разбери дека неможеш да ги задоволиш сите. Доколку се обидеш, ќе изгубиш поголем дел од твојата бизнис потенцијална енергија.

54. Сега, кој е твојот целен пазар?

Јасно дефинирај го целниот пазар, доколку сакаш да го дадеш најдоброто од себе за да го задоволиш.

55. Секогаш биди блиску до твојот целен пазар

Ќе треба секогаш да бидеш на местата каде што се твоите целни купувачи. Да ги слушаш, да ги едуцираш, да им помагаш…

56. Не заборавај да поставуваш прашања

Поставувај прашања. Поставувај многу прашања.

57. Твојот фокус секогаш нека биде кон твоите потрошувачи

Твоите потрошувачи се твоите шефови ако сакаш да станеш претприемач. Треба да се фокусираш на нив како нешто основно за тебе.

58. Креирај вредност

Ти ќе продаваш вредност, а не само производи и услуги.

59. Започни со испорака на вредноста

Вредноста не е за тебе. Таа е за твоите потенцијални купувачи. Поради тоа започни со испорака веднаш.

60. Направи навистина неодолива понуда

Неодолива понуда е нешто на што не може да му се спротивстави, нешто што ќе му обезбеди долгорочен успех на твојот бизнис. Обиди се да направиш навистина неодолива понуда.

61. Секогаш истражувај

Ако сакаш да станеш претприемач, треба да истражуваш секогаш околу твојот бизнис.

62. Набљудувај сè околу тебе

Како претприемач во иднина треба да бидеш добар набљудувач.

63. Евалуирај но исто така завршувај со евалуацијата

Твоја работа доколку станеш претприемач ќе биде да евалуираш, но не дозволувај твојата евалуација да трае вечно. Таа треба да заврши, а резултатите од неа да бидат спроведени во твојот бизнис.

64. Секогаш прашувај се зошто, што, кој, кога и како

Клучните прашања кои секогаш ќе треба да си ги поставуваш кога ќе станеш претприемач се: зошто, што, кој, кога и како, за се што се околу твојот бизнис.

65. Не заборавај на твоите силни и слаби страни

Секогаш обидувај се да ги подобриш твоите силни странии и во исто време елиминирај ги сите твои слабости.

66. Но, исто така гледај ги можностите и заканите

Ќе треба да погледнеш и надвор од твојата компанија. Таму постојат можности и закани.

67. Секогаш барај препораки

Препораките може да ја зголемат твојата бизнис потенцијална енергија драстично. Поради тоа, треба секогаш да барате препораки.

68. Користете паметен маркетинг, не скап маркетинг

Ти треба паметен маркетинг, а не маркетинг за кој само ќе се потрошат пари без резултати.

69. Секогаш обидувај се да инсталираш вирозност во твоите маркетинг средства

На твоите маркетинг средства им треба вирозност, доколку сакаш да бидат забележани од колку што е можно повеќе потенцијални купувачи.

70. Нека сите твои маркетинг средства ја комуницираат твојата вредност

Секогаш проверувај го твиете маркетинг средства, за да видиш дали јасно ја комуницираат вредноста која твојот бизнис ја нуди.

71. Одлучувај брзо, но базирај се на квалитетни информации

Твоите одлуки треба да се врз основа на квалитетни информации, во вистинско време и на вистинското место.

72. Секогаш биди транспарентен

Транспарентност ќе го направи твојот бизнис многу посилнен отколку што мислиш.

73. Биди трпелив, претприемништво не е стратегија за брзо богатење

Ти треба трпеливост. Претприемачите се трпеливи. Тие знаат дека успехот не се стекнува преку ноќ.

74. Подготви се за лоши сценарија

Треба да знаеш дека статистички гледано повеќе бизниси не успале. Тоа значи дека повеќе луѓе не станале претприемачи. Затоа треба да се подготвиш за лошото сценарио со твојот бизнис.

75. Имај план Б

Успешен претприемач секогаш има план Б во џебот.

76. Веројатно, ќе треба да го жртвуваш твојот животен стил

Да се биде претприемач може да бара од тебе да жртвуваш нешто, или во некои случаи целиот твој животен стил.

77. Развивај на план за повторување на продажбите

Успешните бизниси се потпираат на повторување на купување. Ќе треба да развиеш јасен план, за да се обезбеди повторување на купувањата.

78. Размисли два пати пред да почнеш

Почекај за момент и размисли повторно, пред да започнеш.

79. Размислете за outsourcing

Можеш да ја зголемиш твојата продуктивност ако outsourcing е дел од твојот бизнис модел.

80. Биди позитивен, дури и кога губиш

Никогаш не биди негативен, па дури и ако губиш. Доколку ја губиш битката, не значи дека си ја изгубил војната.

81. Почни со блогирање за твојот бизнис

Блогирањето е еден од најмоќните начини за споделување на некој збор за твојот бизнис. Зошто и ти не би го користел?

82. Едуцирај, не продавај

Кога ќе блогираш за твојот бизнис, не пробувај да продааваш туку едуцирај.

83. Не биди здодевен со твојот бизнис блог

Избегни ја филозофијата на добро познатите здодевни корпоративните блогови.

84. Избегни го јас, јас и јас синдромот

Како што научивме од претходните совети во овој пост, ти не си сам. Сето ова не е за тебе или за твојот бизнис. Ова е повеќе за твоите потрошувачи.

85. Перманентно елиминирај ги причините на проблемите кога ги решаваш

Доколку сакаш да елиминираш повторување на истите проблеми, ќе треба да ја елиминираш причината веднаш откако ќе го решиш проблемот.

86. Елиминирај ги сите твои препреки кон успехот

Ќе имаш многу препреки на твојот пат да станеш претприемач. Секогаш отстранувај ги истите.

87. Среќно! Ќе ти треба

post

Бизнис блог – ден 27: Вметни слики

Бизнис 101: идеи Продолжуваме со дваесетиседмиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот ден од предизвикот се однесуваа на надворешно линкување на постовите кој доколку не си го поминал би било добро да се вратиш пред да одиш со активности од овој дваесетиседми ден.

Ден 27: Вметни слики

Досега главните крупни работи за постовите се завршени. Тие се напишани и поставени се линкови кон внатрешноста така и кон надворешноста од вашиот бизнис блог. Денес вашата задача е да внесете одреден визуелен ефект на секој од постовите. Можеби веќе имате внесено на некои постови слики доколку сте пишувале за некој ваш производ или услуга, но сигурно има останато и некои кои се само текстуални без никаква слика да биде содржана во нив.

За овој ден обидете се да најдете соодветни слики и истите да ги вметнете во соодветните постови. Потребно е да внимавате кои слики ќе ставите и од каде ќе ги превземете доколку не користите ваши сопствени слики. При трансферот на овој предизвик во е-книга ќе обрнеме посебно внимание на неколку различни извори на слики како и авторските права за истите, односно дали и како можете да ги користите.

Во секој случај ако едни активности за овој ден би можеле да бидат:

  • Разгледај ги постовите ои останаа без слики.
  • Размисли за тоа каква слика би одговарала.
  • Провери дали имш таква слика кај тебе. Доколку имаш внеси ја во постот.
  • Доколку немаш побарај на сервисите за слики, но внимавај на авторските права и начинот на користење на тие слики.
  • Не заборавај насловот (името) на сликата да биде описно (намесото 123456.jpg во tvoja-tema.jpg).
  • Не заборавај на alt елементот на сликата кој кажува на пребарувачите за што се однесува таа слика.

Следува: Бизнис блог – Ден 28: Внеси SEO елементи, објави и распореди

post

Надминување на одложување преку елиминирање на причините

претприемач Дали си одложувач? Дали понекогаш за твоите важни задачи или активности велиш има време утре ќе ги завршам? Што мислиш за ова? Биди реален во твоите одговори на прашањата.

Како човечки суштества сите ние имаме одредени видови на одложувачи елементи во себе. Како и да е, кога зборуваме за бизнис и особено малите бизниси или пак за тебе како еден претприемач, одложувањето е нешто што може да го убие твојот бизнис.

Во Wikipedia, одложувањето е дефинирано како:

акт на замена на високоприоритетни акции со задачи од мал приоритет, поместувајќи ги важните задачи за подоцнежно време.

Како што можеш да забележиш, одложувањето те бутка наназад во однос на твоите најважни задачи.

Причини за одложување

Доколку сакаш да го избегнеш одложувањето во однос на твоите претприемнички активности, ќе мора да започнеш со причините за неговата појава.

Секогаш ќе постојат различни причини зошто како еден претприемач одложуваш, и твојата рабта е да ги најдеш и елиминираш истите.

Во најголем број на случаи, причините за одложување може да бидат следниве три:

  • Страв. Оваа причина се јавува кога чувствуваш страв поради можните последици од завршување на проектот или задачите содржани во тој проект. Секоја активност, секоја задача, секоја имплементција на одлука и секое завршување на проекти значи промена од актуелната status quo ситуација во нова состојба на системот. Овие нови состојби се непознаница за тебе и затоа чувствуваш страв од непознато.
  • Слабо менаџирање со проектот. Како втора причина за одложување може да биде слаб менаџмент со проектот. Кога проектот е лошо планиран, или лошо проектиран ќе имаш многу слабо дизајнирани чекори за акција. Во една таква ситуација ќе мора да го провериш дизајнот на проектот и да сеобидеш да го расчлениш во активности кои лесно се завршуваат.  Понекогаш подготовката на проектот те остава без неопходни информации кои ти се потребни за комплетирање на задачите од проектот.
  • Дали си вистинската личност за претприемништво? Доколку постојано одложуваш во однос на најважните задачи во твојот бизнис, можеби не си вистинската личност токму за тој вид на бизнис.

Елиминирање на причини за одложување

Ќе мора да ги елиминираш причините доколку сакаш да не одложуваш. Користи ги следниве прашања за да ги елиминираш причините:

  • Зошто одложувам?
  • Што можам да направам во однос на тоа?
  • Како можам да имплементирам можни стратегии за да ги елиминирам причините за одложување?
  • Како можам да ја подобрам мојата одговорност?
  • Како можам да се мотивирам себеси за секој прогрес кој ќе го постигнам?

Важно е да ги најдеш вистинските одговори на овие прашања бидејќи тие ќе ти кажат што мора да направиш за да ги елиминираш сите причини за одложување и ќе ти ги покажат сите стратегии кои ќе треба да ги имплементираш за да се подобриш себеси.

post

Бизнис блог – ден 26: Надворешно линкување

Бизнис 101: Маркетинг Ќе продолжиме со дваесетишестиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходните, три дена од предизвикот се однесуваа на внатрешно линкување во постовите кој доколку не си го поминал би било добро да се вратиш пред да одиш со активности од овој дваесетитрети до дваесетишести ден.

Ден 26: Надворешно линкување

Претходните 3 дена беа распоредени за да додавање на линкови кон некоја друга страна на твојот сајт или блог во секој од подготвените постови. Денес е истата задача, со тоа што линковите ќе бидат кон некој надворешен извор.

Освен внарешни линкови добро е во одредени постови да имате и линкови кон некој надворешен сајт доколку содржината бара такво нешто. Овој ден проверете ги сите постови и каде треба да додате линк до сајт на некој ваш купувач, некој ваш снабдувач или пак до некој трет сајт кој претставува субјект во вашиот пост.

  • Размисли за можни надворешни линкови. Тоа може да бидат вести од индустријата, статистика, сајт на ваши купувачи, некој интересен блог…
  • Разгледај ги сите подготвени постови и размисли каде би можел да ставиш некој надворешен линк.
  • Поставете ги линковите во постовите кои сте ги избрале.

Следува: Бизнис блог – Ден 27: Вметни слики

post

Бизнис блог – Ден 23-25: Интерно линкување

Претприемништво: Дали си вистинската личност? Ќе продолжиме со дваесетитретиот до дваесетипетиот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот, дваесетивтори ден од предизвикот се однесуваше на подготовка на уредувачки календар кој доколку не си го поминал би било добро да се вратиш пред да одиш со активности од овој дваесетитрети до дваесетипети ден.

Ден 23-25: Интерно линкување

Сега кога го имате редоследот и датумите на објавување потребно е да направите внатрешно линкување меѓу постовите.

Овие три дена ќе треба да ги разгледате ги сите постови преку календарот и размислете во кој пост што да линкувате. Внимавајте линкувањето да биде од понови постови кон постари за да не се случи да поставите линк во некој пост до пост кој сеуште не е објавен. Освен тоа размислете и каде ќе поставите линк до некој ваш производ или понуда (но, не претерувајте со ова, не мора секој пост да содржи линкови до вашите производи). Ова е многу значајно како за добивање на соодветен тек на вашите блог постови преку актуелизација на постарите во поновите како и за SEO. Обезбете барем 2-3 линкови во еден пост.

  • Започнете од првиот кој ќе се објавува одејќи кон оние кои ќе се објавуваат во иднина.
  • Внимавај да не поставиш линк до пост кој согласно календарот сеуште нема да биде објавен.
  • Внимавај на текстот кој ќе претставува линк до друг пост (anchor text) тој има важна улога.
  • Може да поставиш и линк до производ или услуга доколку текстот се однесува на нешто што твој производ или услуга го обезбедува.
  • Обезбеди барем по 2-3 линкови до внатрешни локации во секој пост. Ова ќе зависи од големината на самиот пост во кој ќе ставаш линкови. Повеќе постови, повеќе линкови. Некои анализи покажуваат дека бројката треба да биде од еден линк на од 100 до 150 зборови.

Следува: Бизнис блог – Ден 26: Надворешно линкување

post

Дали си доволно самокритичен?

Самокритичност Дали си доволно самокритичен?

Ова е веројатно едно од најконтроверзните прашања за претприемачите. Сепак, многу е важно да се знае прашањето и нормално одговорот.

Што мислиш дали си доволно самокритичен како еден претприемач кога станува збор за тебе и за твојот бизнис?

Треба ли и зошто треба да бидеш самокритичен?

Ти не си и неможеш да бидеш секогаш 100% во право. Самокритиката ти укажува кога грешиш а кога си во право. Тоа е потенцијал кој може да го зголеми твоето знаење за самиот себеси, и на таков начин ќе ја зголеми и твојата самодоверба.

Гледаш дека е ужасно тешко да се зборува или пишува за сопствените работи, бидејќи ако тоа нешто било добро, ти си знаеш колку е тоа добро – но ако само кажеш така, се чувствуваш како гомно. ~ Ернест Хемингвеј

Ти си човечко суштество, и можеш да направиш грешки, но ако си самокритичен пред да направиш грешка, тогаш ќе можеш да ја избегнеш. Ова значи дека ќе се подобриш пред да направиш некаква идна грешка.

Носиш стотици или повеќе важни одлуки за твојот бизнис, но како можеш да очекуваш дека сите тие се исправни, ако не си доволно самокритичен?

Самокритиката може да донесе значајни подобрувања во твојот бизнис. Доколку си самокритичен, тогаш знаеш дека ништо не е совршено.

Самокритиката може да ги подобри твојите процеси во донесувањето на одлуки. Ако сите твои бизнис одлуки се критикувани, тогаш ќе застанеш за момент и провериш уште еднаш пред да одлучиш и направиш можна грешка со имплементација на одлуката.

Ако си доволно самокритичен, ќе овозможиш и да бидеш критикуван од другите. Уште поважно е дека ќе очекуваш и ќе ги поттикнуваш критиките кои можат да го подобрат твојот бизнис без разлика од каде доаѓаат.

Најпаметен од сите, според мое мислење, е оној човек кој себеси се нарекува будала најмалку еднаш месечно. ~ Фјодор Достоевски

post

Бизнис блог – Ден 22: Уредувачки календар (Editorial Calendar)

Бизнис блог за 30 дена Да продолжиме со дваесетивториот ден од предизвикот за блогирање за бизнис  кој служи за претприемачи кои сакаат да започнат да го користат блогот за привлекување на внимание, градење на репутација, кредибилитет и доверба. Претходниот, дваесетипрви ден од предизвикот се однесуваше на ставање на сервер на постовите преку платформа за блогирање кој доколку не си го поминал би било добро да се вратиш пред да одиш со активности од овој дваесетивтори ден.

Ден 22: Уредувачки календар (Editorial Calendar)

Досега ги имате напишано постовите и ги поставивте како драфт на сервер. Иако можеби сте размислувале за редоследот, сепак целта е преку овој предизвик да имате покриеност барем за една година, а во меѓувреме нормално со нови идеи (кои ќе ги имате) да надополнувате.

Но, со она што во моментов го имате би било добро да размислите за еден логичен редослед на објавување. Освен тој редослед мора да размислите и за приоритетот на објавување (некој пост е поважен од друг). Од друга страна ќе се појави пореба некои понови постови да се повикуваат на претходно објавени, што исто така треба да го имате во предвид при реорганизација на овие постови.

За да си ја олесните работата во организација на време на објавување како и редоследот на објавување добро е да имате еден уредувачки календар. Една алатка која може да ви помогне е додатокот Editorial Calendar кој би требало да го инсталирате и во еден поглед во вид на календар ќе можете со едноставно влечење на насловите да ги подредите во најдобар редослед за објавување.

  • Определете го приоритетот на постовите. Некои ќе бидат промотивни за одреден период во година. Некои ќе бидат важни заради содржината на информациите. Сето тоа мора да го означите со соодветен приоритет за објавување.
  • Размислете и одлучете за логичен распоред на објавување. Гледајте ги насловите како една голема функционална целина. Што треба да биде прво, а што потоа?
  • Инсталирајте го додатокот Editorial Calendar и врз основа н претходните две точки подредете ги постовите.

Следува: Бизнис блог – ден 23: Интерно линкување

post

Совет за еден мал бизнис: Користи upselling стратегијa

Совет за мал бизнис

Совет за мал бизнис

Ти како еден претприемач вложуваш големи напори зa да ja направиш првата продажба кај еден потенцијален купувач. Зошто не би се обидел/а да продадеш повеќе? Зошто да не се обидеш да презентираш дополнителна понуда од твојт бизнис и да ја зголемиш просечната продажба. На таков начин, би го зголемил твојот бизнис потенцијал за да обезбедиш поголема продажба за твојот бизнис.

Дали користиш една таква можност за твојот бизнис? Или, пак, едноставно тој потенцијал за продажба го оставаш или се откажуваш онака?

Доколку сеуште не си ја користел таа можност, веројатно ова е вистинското време да дизајнираш нешто што ќе може да ти користи за зголемување на севкупната бизнис потенцијална енергија во твојата компанија. Така може да видиш драматични зголемувања во твојот приход.

Откако ќе успееш со таа прва продажба ти како еден претприемач ќе сакаш да купат што е можно повеќе од твоите понуди. Вака не ризикуваш ништо, бидејќи твоите купувачи веќе донеле одлука за да купат нешто. Тука само им нудиш дополнителна вредност под посебни услови, бидејќи тие веќе купуваат. Ако не сакаат да ги купат твоите дополнителни понуди, едноставно ќе ги игнорираат, и животот продолжува понатаму.

Она што е важно е што доколку не се обидеш со дополнителни понуди како дел од upselling стратегија, се откажуваш од можноста на дополнителни продажби.

Еден факто кој претставува добра основа за мерење и подобрување е стапката на конверзија. Доколку го дизајнираш процесот на вистински начин, стапката на конверзија ќе биде многу поголема. Кога зборувам за вистински начин, мислам на следново:

  • Да им понудиш производи и услуги кои на твоите актуелни купувачи им се навистина потребни.
  • Да понудиш производи и услуги кои се во согласност со веќе купените производи и услуги, или дополнување на тие производи и услуги.
  • Да понудиш нешто што навистина вреди за купувачите.
  • Да направиш навистина една неодолива понуда.

За оваа недела совет за еден мал бизнис: Анализирај ги твоите тековни понуди и обиди се да најдеш каде би можел да користиш upselling стратегија. Дизајнирај го процесот правилно и анализирај ги резултатите. Твојата работа ќе биде да ја зголемиш стапката на конверзија преку тестирање на различни производи и услуги и различни понуди.