post

Дали знаете каде сте сега?

Сакаме да размислуваме за иднината и да заборавиме на минатото. Сепак, живееме во сегашноста, а денешницата е многу влијателна во создавањето на нашата иднина.

Размислете за прашањето во насловот на овој пост? Дали навистина знаете каде сте сега?

Не знам каде сум во овој момент во времето, но знам, каде сакам да бидам. Можно ли е тоа?

Како можeмe да отидeмe некаде, ако не знаeмe каде сме сега и што ќе треба да направиме со цел да стигнеме до местото каде што сакаме да бидеме во иднина?

Продолжи…

post

Идеи кои можете да ги искористите од Септември 2012

Полека но сигурно доаѓаме до крајот на годината, последниот квартал кој треба да се помине во имплементација на сите задачи кои остануваат да се имплементираат, а се испланирани и секако проверка на реализација на целите поставени за оваа година.

Освен овие активности на еден претприемач, полека еден поглед се свртува кон идната година и можните цели и планови за период кој следува.

Како и секој месец, овој наслов претставува сублимирање од претходниот месец, или серијал од месечни идеи кои можете да ги искористите од претходниот месец, во овој случај Септември 2012. Тука е даден збир на најчитаните наслови кои како идеи можете да ги искористите за развој или подобрување на вашиот бизнис, но и на вас самите како еден претприемач.

Насловите од овој серијал, на крајот на годината по уште една анализа ќе влезат на страната Започни тука.

Во септември 2012 на претприемач беа објавени 23 наслови во кои доминираше темата за претприемачот и започнување на бизниси и стартапи. Тука се презентирани 10 наслови од тие 23 кои се најчитаните и доколку сте ги пропуштиле можеби ќе ви се најдат во вашите напори за развој на бизнисот.

Да видиме што е она најактуелното што можеш да го искористиш за твојот бизнис од Септември 2012 година.

Продолжи…

post

Може ли да фунцкионира вашиот бизнис без вас

Знам дека вие сте претприемач, некој кој го создал своето бебе – бизнисот, некој кој вложил се да го застане на нозе, да прооди, да функционира…

Но, дали тоа функционирање е самостојно?

Што доколку не сте тука, да кажеме цел еден месец?

Дали во една таква состојба бизнисот може да преживее?

Непредвидливи работи се случуваат, но бизнисот мора да има вградени механизми да функционира и без вас.

Продолжи…

post

Трпреливоста треба да се вежба

Една од клучните карактеристики на успешни претприемачи е истрајноста, да се истрае во намерите кои си ги има поставено на патот кон успехот. За да се истрае треба да се биде трпелив.

Многупати тука пишував за тоа дека треба да бидеме трпеливи, треба да ислушаме, треба да не се откажуваме по првите неуспеси…

Но, прашањето е до каде се границите на трпеливоста. Понекогаш преголема трпеливост во форма на “удирање на глава во ѕид” кога нешто не оди и неоди може да биде сосема погрешен пристап од страна на претприемачите, па дури и со катастрофални последици.

Значи, трпеливоста значи дека не треба да се откажуваме, но од друга страна мора да внимаваме да не претераме со преголема трпеливост.

Кога станува збор за претприемачи, јас ја нарекувам “избалансирана трпеливост” онаа трпеливост која ќе ве направи поистрајни и поупорни во вистинска смисла на зборот чекорејќи на патот кој води кон успешноста на бизнисот.

Најдобар начин за да стекнете “избалансирана трпеливост” е да вежбате да бидете трпеливи. никој со сила не може да ве направи трпеливи, бидејќи трпеливоста е нешто што доаѓа преку вашето лично искуство.

Подолу се некои чекори кои ги имам дефинирано за вежбање да се стекне “избалансирана трпеливост”.

Продолжи…

post

Кој кого води? Вие бизнисот или тој вас?

Започнување на бизнис и водење на успешен бизнис не е лесна задача.

Зошто велам и започнување на бизнисот?

Затоа што фазата на започнување ќе има огромна улога во подоцнежните фази. Во фазата започнување со поставаат основните нацрти, основните темели на кои ќе се потпира бизнисот во иднина.

Но, не значи дека тие темели нема да се зајакнат, нема да се зацврстат или пак променат на подобро.

Едно нешто е сигурно, а тоа е дека кога ќе излезете од фазата започнување вие како еден претприемач ќе реба да ги смените во целост вашите улоги што ги имате во бизнисот.

Улогите на еден претприемач во започнување и раст на бизнисот се сосема различни. Во фазата на започнување едноставно не се знае кој кого води. Бизнисот се уште не е оној вистински бизнис. Одлуките се носат, онака од нога, без размислување, без преголеми проценки. Се слуша само еден ентитет од надворешноста на бизнисот, а тоа е купувачот.

Но, кога бизнисот започнува да расте, да се шири и зголемува, веќе ништо не е исто. Сега дететео кое го учевте да проодува во претходната фаза е силно и може да ве влече, да ве турне или пак да ве притисне толку силно што тешко дека ќе можете да се повратите во нормала.

Истите улоги нема да ги дадат очекуваните резултати. Се се менува!

Па, тогаш кој кого води? Дали вие како еден претприемач го водите вашиот бизнис, или пак вашиот бизнис ве преземал и започнува да ве води?

Бизнисот сте го започнале со одредена причина, сте имале силна визија, сте воспоставиле силни цели. Дали таа причина, визијата и целите сеуште се валидни за вас како претприемач? Дали се гледа приближувањето кон визијата или полека започнувате да се одвојувате?

Овие прашања се многу важни прашања и ќе треба постојано да си ги поставувате, бидејќи едноставно тие претставуваат знаци за тоа дали нешто ќе треба да промените кај вас или во бизнисот.

post

Идеи кои можете да ги искористите од Август 2012

Се ближиме во пеиодот од годината кога задачата на претприемачите е да го проверат и врз основа на тоа да го забрзаат или прилагодат процесот на реализација на целите за 2012 година.

Поминати 8 месеци. Вистинско време да се постави прашањето до каде сме и што треба да правиме во останатите месеци од годината?

Како и секој месец, овој пост е сублимирање од претходниот месец, или серијал од месечни идеи кои можете да ги искористите од претходниот месец, во овој случај Август 2012.

Овој пост претставува збир на најчитаните наслови кои како идеи можете да ги искористите за развој или подобрување на вашиот бизнис, но и на вас самите како еден претприемач.

Насловите од овој серијал, на крајот на годината по уште една анализа на популарноста ќе влезат на страната Започни тука.

Во август 2012 на претприемач беа објавени 20 наслови (годишен одмор, мало олабавување…) во кои некако доминираше темата за започнување на бизниси и стартапи. Тука се презентирани 10 наслови од тие 20 кои се најчитаните и доколку сте ги пропуштиле можеби ќе ви се најдат во вашите напори за развој на бизнисот.

Да видиме што е она најактуелното што можеш да го искористиш за твојот бизнис од Август 2012 година.

Продолжи…

post

10 Навики за успех на еден претприемач

Претприемач е човек кој креира нешто од ништо, кој знае како да го направи тоа нешто достапно за севкупната јавност и да им го подобри животот на оние кои ќе го поседуваат тоа нешто.

Не е лесно да се креира. Потребни се многу активности, добри навики и секако желба за креирање.

Да разгледаме 10 навики на успешните претприемачи.

Продолжи…

post

Што градите и зошто?

Како претприемач виде сте градител.

Градите бизнис. Градите системи. Градите процеси. Градите процедури. Градите тим.

Но, знаете ли точно што градите и зошто го градите тоа што го градите.

Да, можеби едноставен одговор е дека градите бизнис. Но, сепак тоа е премногу општ одговор, не доаѓа длабоко од вашето срце ниту е поврзан длабоко со вашите купувачи.

Размислете повторно, што градите и зошто?

Дали ја градите вашата иднина? Или пак едноставно иднината на вашата околина?

Дали градите нешто што ќе го промени и подобри светот во кој што живеете? Или пак едноставно, нешто што ќе го подобри само вашиот живот?

Дали градите работни места за вашата заедница? Или пак градите подобар живот за вашите купувачи?

Можеме да одиме со безброј вакви прашања. Но, можете да забележите дека тие се длабоко поврзани едно со друго. Едно прашање може да биде последица на друго прашање.

Продолжи…

post

Завршете ја работата без да ја работите

Како еден претприемач сигурно имате многу работа. Многу цели, активности, задачи… Секојдневно…

Во секој случај не е лесно.

Прво треба да се обидете да ја завршите сета работа која треба да се заврши. Сепак нема се ист приоритет. А, понекогаш може да се случи и се да има ист приоритет и да не знаете со што како прво да започнете. Повеќе можете да прочитате во можете ли да приоритизирате кога се е приоритет и кој проект да има приоритет.

Сепак суштината на претприемништвото не е само да се започне бизнис. Суштината на претприемништвото не е само изработка на бизнис план или процес на бизнис планирање. Претприемништвото не е само финансиски аспект на работење и на функционирање на бизнисот.

Претприемништвото е многу повеќе од тоа – градење на еден жив организам, кој ќе продолжи да расте и да се развива и без вас како претприемачи.

Продолжи…

post

Идеи кои можете да ги искористите од Јули 2012

Повеќе од половина од оваа 2012 година е веќе зад нас. Длабоко сме навлезени во годишни одмори, опуштање, море, плажа… Но, и размислување за остатокот од годината и подобрување на резултатите на бизнисот во периодот кој ни останува.

Како и секој месец, овој пост е сублимирање од претходниот месец, или  серијал од месечни идеи кои можете да ги искористите од претходниот месец, во овој случај Јули 2012.

Овој пост претставува збир на најчитаните наслови кои како идеи можете да ги искористите за развој или подобрување на вашиот бизнис, но и на вас самите како еден претприемач.

Насловите од овој серијал, на крајот на годината по уште една анализа на популарноста ќе влезат на страната Започни тука.

Во јули 2012 на претприемач беа објавени 31 наслови во кои немаше одредена доминантна тема која би ја издвоиле. Како и да е, тука се презентирани 9 наслови од тие 31 кои се најчитаните и доколку сте ги пропуштиле можеби ќе ви се најдат во вашите напори за развој на бизнисот. Јули месец беше и месец на додавање уште една екнига на претприемач, а која се однесува на процес на изработка на маркетинг план. Очекуваме дека до крајот на месецот ќе биде завршена и втората екнига која е резултат на анкетата која ја направивме при што го определивме приоритетот на објавување.

Сега, да видиме што е она најактуелното што можеш да го искористиш за твојот бизнис од Јуни 2012 година.

1. Започнување на бизнис

2. Маркетинг

3. Менаџмент

4. Продуктивност