post

Процес на безхартиено работење – Мора ли процесирање

Да продолжиме со нашата главна тема за оваа година на претприемач – процес за безхартиено работење.

Како што веќе знаете овој процес може да одигра важна улога во подобрување на вашата продуктивност, но и да обезбеди значителни заштеди за вашиот бизнис. Затоа и го одбравме да биде тема на годината.

Во минатиот наслов од оваа тема зборував за Inbox каде што го дефиниравме и ги објаснивме двата вида на Inbox – физички и дигитален.

Сега ќе одиме со следното нешто што се наоѓа на нашиот процес дијаграм, а тоа е првата одлука која ќе треба да ја донесеме кога започнуваме со процесирање на Inbox-от каде се наоѓа сета хартија која сеуште не е процесирана, а тоа е дали мора да биде процесирана хартијата.

Процес на безхартиено работење - дали треба процесирање

Како што веќе знаете вие имате физички Inbox каде секоја дојдовна и непроцесирана хартија ја ставате без никакво размислување, но и дигитален Inbox каде се онаа дигитално што има потенцијал да се пренесе на хартија, а сеуште не е процесирано го чувате се додека не започнете со процесирање.

Кога седнувате и започнувате со процесирањето првата одлука која треба да ја донесете е дали определената хартија која ќе ја земете во рацете треба да биде процесирана за понатаму.

Нема потреба од процесирање

Доколку одговорот е не, едноставно таа завршува во канта за отпадоци и веќе не ве мачи на никаков начин во вид на префрлување од едно до друго место или да се чудите што да правите со неа.

Веројатно имате искуство со ваков вид на хартија. Сега би навлегол во неколку идеи за хартија која ќе биде предмет на ваквата постапка.

На пример, сигурно добивате телефонска сметка во која се наоѓа и еден лист кој претставува некаков вид на реклама. Едноставно ја скенирате со очите, барате дали нешто има интересно за вас и доколку не бара ништо повеќе завршува во канта со отпадоци. Исто така добивате ваква хартија и од банки кои ви праќаат месечно известување за кредитни картички. На сличен начин ќе завршат и рекламните хартии кои ги добивате по пошта или ви ги ставаат во поштенското сандаче од разни компании или пак политички партии кои во моментов се доста активни.

Вториот вид на хартија која може да биде предмет на непроцесирање и завршување во канта со отпадоци е хартијата која веќе ја поседувате, сте имале потреба од неа во минатото, но веќе сметате дека немате потреба од истата, ниту пак ќе имате во иднината. На пример, на определен временски период, обично една година ја разгледувам старата хартија и носам одлука дали треба да биде процесирана, со тоа што ќе биде дигитализирана и сместена на соодветно место во Evernote, или едноставно треба да заврши во канта со отпадоци. Така, оваа година успеав да се ослободам од еден метар кубен хартија која постојано ја преместував од едно место до друго, и која ја собирам повеќе од десет години и ја чував бидејќи сметав дека ќе ми затреба.

Има потреба од процесирање

Втората одлука за секој лист хартија од Inbox-от e дека има потреба од процесирање. Оваа одлука значи дека хартијата уште ќе ви биде потребна, треба да преземете некои чекори во однос на неа и ќе треба да ја складирате на соодветен начин.

Како пример на ваквата хартија е хартиена верзија на известување од банка за кредитни картички, разни сметки кои ги плаќате а сеуште стигнуваат по пошта и во хартиена верзија, известувања и решенија за плаќање од владините институции…

Значи за ваков вид на хартија ќе мора да преземете некој чекор и тоа може да биде во следниов редослед:

  • Дигитализација
  • Дигитално складирање
  • Поставување на задача во вашата “да направам” листа
  • Физичко складирање
  • Изведување на задачата
  • Складирање или фрлање на хартиена верзија
  • Преместување во соодветен дигитален фолдер.

На ваков начин нема да заборавите дека треба нешто да направите, но и се ќе биде на свое место.

Во следните наслови од оваа тема ќе го разработуваме процесот кој е на скицата подетално.

post

[Инфографик] Топ 10 “вшмукувачи” на вашето време

Постојано работам на подобрување на мојата продуктивност без разлика каде работам и во кој вид на контекст е базирана мојата работа, односно работните задачи. Во последните неколку месеци успеав да ја зголемам мојата продуктивност особено во намалување на времето кое го трошам, а кое не додава голема вредност за онаа што го работам.

Мојата продуктивност од претходната недела е прикажана на следнава слика каде можете да забележите дека мојата продуктивност е повисока од 84% луѓе.

Продолжи…

post

Како лидерите можат да ги подобрат вештините на членовите на тимот?

Како еден претприемач вие сте тим лидер кој постојано ќе треба да работи на зголемување на нивото на вештини на членовите на вашиот бизнис.

Вашиот сопствен успех како тим лидер во голем дел ќе зависи од успехот на членовите на вашиот тим. Тие треба да бидат доволно вешти за да излезат во пресрет на предизвиците на тимот, но исто така треба да бидат доволно мотивирани за да го дадат најдоброто во севкупните напори на тимот.

Како можете да ги подобрите вештините на членовите на вашиот тим?

Оваа е важно прашање за секој претприемач.

Да се обидеме да одговориме или да дадеме некои совети кои можете да ги користите во подобрување на вештините на вашите вработени.

Продолжи…

post

Од домашно во меѓународно работење

Кога ќе се премине од домашно на меѓународно работење, се менува комплексноста во работењето. Врвниот менаџмент мора да изврши ревизија на мисијата и целите. Тие мора да ги оценуваат стратегиите од аспект на можностите и ограничувањата кои ги наметнува новото опкружување, како и нивните јаки и слаби страни.

Секоја компанија работи и дејствува во определено опкружување. Од меѓусебната јачина на сите чинители на опкружувањето ќе зависи и силината на меѓусебното влијание. Голем број на фактори кои дејствуваат од опкружувањето можат да се контролираат, но има и голем број на фактори кои влијаат на работењето на компанијата, а не можаат да се контролираат.

Доколку се набљудува меѓународното опкружување, мора да се смета на голем број на фактори, бидејќи случувањата во меѓународното опкружување се менуваат многу често, а променливите се во огромен број. Тие промени на меѓународните менаџери им создаваат големи обврски во процесот на усогласување на интересите на компанијата со интересите на опкружувањето.

Продолжи…

post

Подобрување на вашата да направам листа

Одлична презентација во оваа видео во која зборува David Allen, а објавена од срана на Epipheo за подобрување на вашата да направам листа и ослободување на вашиот мозок за да се фокусирате на најважното за вас.

post

Процес на безхартиено работење – Inbox

Како што веќе знаете главната тема на претприемач за оваа година претставува имплементација на процес за безхартиено работење како дел од вашите напори за постојано подобрување на вас самите како претприемач и вашиот бизнис воопшто. Оваа значи дека минимум еднаш месечно ќе имаме разработено еден наслов од оваа тема.

Минатогодишната тема беше за продуктивност каде што веќе имате над 90 наслови од таа тема.

Во постот насловен како процес на безхартиено работење од почетокот на оваа година презентирав еден дијаграм на процесот. Ајде сега подетално да ги разработиме елементите на дијаграмот.

Ќе започнеме со Inbox.

Продолжи…

post

Спроведете ги следниве вежби за да бидете пофокусиран претприемач

Вие сте претприемач и сигурно веќе знаете колку работи треба да завршите, колку акции треба да преземете и колку неизвесности околу вашиот бизнис треба да менаџирате.

Да се биде претприемач не е лесен и едноставен процес. За оваа повеќе пати имаме пишувано тука.

Но, не можам да кажам дека не можете да избегнете таква ситуација и фрустрација. Да, можете да бидете во позиција да си обезбедите себеси доволно слобода и фокус на најважните работи за вашиот бизнис кои едноставно ќе ви помогнат во растењето на вашиот бизнис. Премиум претприемач 2.0 е дизајниран токму да ви помогне во оваа намера.

Но, да започнеме со вежбите.

Првата работа во процесов е да станете пофокусиран претприемач. Пофокусиран не значи дека ќе треба да се фокусирате на повеќе работи со тоа што ќе го менаџирате вашиот фокус. Пофокусиран претприемач значи дека ќе треба да станете претприемач кој ќе се фокусира на помалку, но сепак најважни работи кои ќе обезбедат успех за вашиот бизнис.

Продолжи…

post

Неделен преглед на вашата да направам листа

Една од најзначајните алатки за зголемена лична продуктивност на секој претприемач претставува “да направам” листа. Досега повеќе пати пишував за составување на една таква листа, оптимално користење, подобрување…

Сега би сакал да презентирам дел од системот кој го користам, а кој навистина ми овозможува барем да се чувствувам полесно затоа што сметам дека се држам под контрола.

Неделни прегледи правам на мојот Inbox нотес во Evernote каде секојдневно нафрлувам се и сешто, што од глава, што најдам на интернет, што скенирам… Но, неделен преглед правам и на “да направам” листата која стана доста покомплексна одкако го користам OmniFocus како алатка за менаџирање на моите активности, имплементација на идеи и проекти.

Следниве прегледи се минимални прегледи кои би требало да ги правите барем еднаш неделно.

Продолжи…

post

Што претставува успешен бизнис?

Што претставува успешен бизнис? Прашање кое е значајно, но сепак заради неточен одговор предизвикува многу бизниси да пропаѓаат.

Успешен бизнис е оној бизнис кој ќе обезбеди реализација на сите ваши цели и соништа. Бизнис кој ќе ви го обезбеди животот кој што го сакате.

Успешен бизнис значи дека ќе ти овозможи да работите онолку часови колку што сакате и од каде што сакате. Да ги изведувате работите кои што сакате да ги изведувате и да заработите онолку колку што сакате да заработите.

А, за да го постигнете тој успех, ќе мора да ги разберете елементите кои доведуваат до него.

Најголемиот проблем зошто 80% од претприемачите не постигнуваат успех во првите 5 години од започнување, односно пропаѓаат, а оние 19% кои ќе успеат во тие 5 години, односно преживеат стануваат заглавени во бизнисот е што во самото креирање на бизнисот не знаат што е успех.

Можеби знаат што е успех, но сигурно успехот го гледаат како претесно нешто, а не нешто што е малку поопширно за да биде добра основа за вашата успешност.

Продолжи…

post

Како да одлучувате без двоумење

Сте се нашле ли во позиција кога треба да донесете одлука, но нешто ви кажува дека не ја правите вистинската работа? Тоа нешто ве двоуми околу одлуките кои треба да ги донесете.

Во една таква состојба, кога едноставно не верувате на вашите сопствени одлуки, или едноставно донесувате одлука со двоумење ќе се најдете во позиција да одлучите, но нема да ги имплементирате вашите одлуки, или едноставно ќе ги одложите.

Мора да верувате во вашите одлуки доколку сакате да ги имплементирате одлуките кои што сте ги донеле. Не смеете да дозволите вашите бизнис одлуки да се потпрат на вашето лично двоумење. Тоа е опасно за вашата компанија.

Како можете да креирате самодоверба кога треба да донесете вистински одлуки?

Продолжи…