post

Ден 13: Бизнис цели – 77 подобрувања за 77 дена

Подобрување на креативност Да продолжиме со тринаесетиот ден од предизвикот за подобрување на твојот бизнис за 77 дена. Сеуште сме во делот на подобрување на процесот на бизнис планирање како дел од севкупните бизнис подобрувања.

Веќе имаш работено на подобрување на претходно искуство со планирање, предвидување, знаење и бизнис моделот.

Сега, можеме да продолжиме со поспецифичните подрачја за подобрување кога станува збор за подготовка на твојот бизнис план. Денес, твојата задача ќе биде да работиш на подобрување на твоите бизнис цели.

Треба да запомниш дека твоите бизнис цели се првата специфична работа на која се останато во процесот на бизнис планирање ќе се базира.

Доколку погрешиш тука, целокпниот процес исто така ќе биде погрешен.

Бизнис цели

Твоите цели се нешто што твојот бизнис треба да постигне во определен временски период во иднина. Тие се составени од:

  • Нешто што треба да се постигне. На пример, зголемување на продажба е нешто што треба да се постигне.
  • Нешто што ќе прикаже мерка. На пример, целта зголемување на продажба не ни кажува нешто многу вредно затоа што не ни кажува за колку треба да се зголеми целта. Така, нашата цел сега би била зголемување на продажба за 10% во однос на минатата година. Оваа е многу подобра цел.
  • Време во кое тоа нешто треба да се постигне. На пример, целта е зголемување на продажба за 10% во однос на минатата година во следната година.

Каде треба да се фокусираш при подобрување?

Кога зборуваме за можните подобрувања во однос на бизнис целите ќе треба да го насочиш твоето внимание на следниве елементи:

#1 Мора да си објективен кога ги поставуваш целите

Да, можеш да започнеш со она што сакаш да го постигнеш, но тоа треба и да го провериш. Дали твоите цели се нешто што може да стане реалност? Понекогаш е подобро да поставиш ниски, но остварливи наместо превисоки неостварливи цели.

#2 Обврзување

Втората работа на која треба да се фокусираш при подобрување е твоето лично обврзување за остварување на целите кои ќе ги поставиш.

Замисли цел на еден претприемач каде тој/таа не се обврзани за постигнување. Дали ова има логика? Дали се имаш најдено во таква ситуација?

Доколку еден претприемач не е обврзан за постигнување на целите, тогаш како може да очекува вработените да се обврзат? Веројатно, и тие ќе го направат исто како и претприемачот. едноставно ќе ги игнорираат целите. Зошто треба да губиш време за поставување на цели за кои во една таква ситуација никој нема да се грижи?

Твојот пишан бизнис план би можел да биде првиот чекор кон тоа обврзување за постигнување на целите.

Но, важно е да знаеш дека доколку целите се напишани на хартија, ќе бидат во категорија на цели со поголемо обврзување за остварување во однос на цели кои остануваат само во твојата глава.

#3 SMART

И да, твоите цели треба да бидат SMART цели, што значи:

  • Да се специфични,
  • да се мерливи,
  • Да се остварливи,
  • Да се реалистични, и
  • Да се временски ограничени.

Прашања кои ќе треба да ги одговориш

Користи ги слениве прашања за да те водат низ процесот на можни подобрувања на твоите бизнис цели:

  1. Како можам да бидам објективен кога поставувам цели за мојот бизнис?
  2. Каква е мојата визија?
  3. Што сакам да постигнам во иднина?
  4. Каде сакам да ја видам мојата компанија во иднина?
  5. Какви се трендовите во мојата индустрија, пазарот или блиското опкружување на мојот бизнис?
  6. Што се случува во индустријата каде што функционира мојот бизнис?
  7. Каков е просекот во индустријата во последните неколку години?
  8. Кои се квантитативните ограничувања на пазарот?
  9. Дали квалитетот на мојата понуда е во согласност со потребите на пазарот?
  10. Што е со ресурсите? Ги имам ли доволно за да го постигнам тоа што го сакам?
  11. Каде во моментов се наоѓа мојата компанија во однос на потрошувачи, продажба, приход и профит?
  12. Какви се резултатите од минатото? Зошто ги имам постигнато целите кои се постигнати и зошто ги немам постигнато целите кои ги немам постигнато?
  13. Што е она што можам да го подобрам во процесот на поставување на цели врз основа на одговорите од претходните две прашања?
  14. каде сакам да ја видам мојата компанија во однос на потрошувачи, продажба, приходи и профит во следните пет години?
  15. Кои се моите таргети за следните 5 години?
  16. Постојат ли било какви препреки за остварување на таргетите?
  17. Како да ги надминам препреките доколку постојат?
  18. Што ќе се случи во иднината?
  19. Какви промени сакам да видам во мојата компанија во следните неколку години?
  20. какви промени сакам да видам надвор од мојата компанија во следните 5 години? Можни ли се и колку?
  21. Кои ќе бидат моите цели врз основа на одговорите на сите претходни прашања?
  22. Дали моите бизнис цели се специфични?
  23. Дали моите бизнис цели се мерливи?
  24. Дали моите бизнис цели се остварливи?
  25. Дали моите бизнис цели се реалистични?
  26. Дали моите бизнис цели се временски ограничени?
  27. Ги имам ли алоцирано одговорностите за секоја цел?
  28. Кои акции треба да ги преземам за остварување на секоја од поставените цели?
  29. Дали е тоа, она што сакам да го постигнам?
post

Ден 12: Бизнис модел – 77 подобрувања за 77 дена

Подобрување на креативност Денес, ќе продолжиме со дванаесетиот ден од нашиот предизвик за подобрување на бизнисот за 77 денови. Се наоѓаме во делот на подобрување на процесот на бизнис планирање и веќе поминавме подобрувања на претходно искуство, предвидување и знаење.

Сега е време да продолжиме со бизнис моделот, бидејќи твојот процес на бизнис планирање во голем дел ќе се базира на него, или на основните релации помеѓу различните елементи на твојот бизнис модел.

Бизнис моделот претставува фундаментално место каде ќе можат да се најдат можни подрачја за подобрување.

Твојот бизнис модел е нешто што едноставно во една слика ќе опише како твојата компанија креира, дистрибуира и комуницира вредност со потрошувачите. Вредноста е основната премиса на секој бизнис. таа е нешто што твојата компанија го нуди на пазарот. Може да креираш и да имаш вредност, но без соодветна дистрибуција и комуниакција на таа вредност не можеш да очекуваш успех за бизнисот. Доколку не ја комуницираш вредноста, твоите потенцијални пкупувачи нема да знаат за постоењето на таа вредност.

Бизнис моделот може да биде обична слика со дијаграм кој ќе ги поврзе различните елементи како вредноста, каналите на дистрибуција, потрошувачи, конкуренти, стејкхолдери…

Исто така може да биде и на парче хартија со неколку зборови или реченици кои наративно ги опишуваат истите конекции како погоре.

Сметам дека повеќето бизниси страдаат поради недостаток на јасно дефиниран бизнис модел. Без него, не можат да изработат соодветна стратегија или бизнис план кој би ја поддржал таа стратегија. Затоа и претставува важен дел од твојот процес на подобрување. Подобар бизнис модел, значи подобар бизнис план и подобра иднина за твојата компанија.

  1. Дали твојот бизнис модел е едноставен, нешто што јасно ќе ја комуницира секоја твоја бизнис активност?
  2. Дали твојот бизнис модел е специфичен, нешто што ги одговара сите прашања поврзани со твојата компанија?
  3. Дали твојот бизнис модел ја опишува вредноста која ја нудиш?
  4. Дали вредноста е сеуште нешто што потрошувачите го сакаат, имаат потреба или желба?
  5. Каква е перцепцијата на твоите потрошувачи за твојата вредност? Можеш ли да подобриш нешто за подобра перцепција?
  6. Можеш ли да подобриш нешто, или додадеш нешто во вредноста за да ја подобриш твојата севкупна понуда?
  7. Кој е твојот целен пазар?
  8. Кои се твоите идеални потрошувачи?
  9. Ги знаеш ливните потреби, проблеми, желби?
  10. дали нивните потреби се исти или има и постојат некои промени?
  11. Што ќе биде во иднина? Дали истите потрошувачки сегменти ќе бидат соодветни за твојата компанија?
  12. Дали постојат на пазарот други сегменти кои може да ги прошират твоите постоечки сегменти?
  13. Може ли твојата компанија да задоволи други сегменти кои сеуште не се задоволени?
  14. Како твојот бизнис заработува? Размисли за цените, модели за цени, ценовни стратегии… Може ли да подобриш нешто?
  15. Кои се најголемите извори на приходи во твојот бизнис? Можеш ли да ги подобриш?
  16. Може ли да додадеш некои дополнителни извори на приходи?
  17. Како ја комуницираш и дистрибуираш вредноста со потрошувачите?
  18. Што твоите потрошувачи мислат за тековните канали на комуникација и дистрибуција?
  19. Можеш ли да ги подобриш каналите за комуникација и дистрибуција?
  20. Кои се твоите клучни ресурси?
  21. Што е со ефикасноста и ефективноста на твоите ресурси?
  22. Можеш ли да ја подобриш ефикасноста и ефективноста на твоите ресурси?
  23. Дали навистина ти требаат сите тие ресурси?
  24. Како твоите ресурси се користат при додавање на вредност за твоите потрошувачи?
  25. Што е со односите со твоите потрошувачи? Може ли да подобриш нешто во врска со тоа?
  26. Што е со твоите трошоци? Можеш ли да подобриш нешто во однос на твојата трошочна структура?
post

10 Чекори за да бидеш подобар претприемач

Подобар претприемач Значи, сакаш да станеш претприемач, но не било каков претприемач. Ти сакаш да бидеш подобар претприемач.

Како можеш да бидеш подобар претприемач? Што треба да направиш за тоа? Кои се чекорите кои треба да ги преземеш за да биднеш подобар претприемач?

Ова се доста комплицирани прашања, кои не можат да бидат одговорени со едноставен темплејт кој може да се следи. Различни бизниси и различни лица – претприемачи, бараат различни акциони чекори.

Но, како и секогаш, постојат некои заеднички често користени принципи или чекори кои имаат потенцијал да го разликуваат просечниот претприемач од подобар претприемач.

Во последните неколку години, работев со различни претприемачи од различни индустрии и различни бизниси од различни пазари. Сите тие се различни, и никој од нив ги нема преземено истите чекори за да постане успешен. Но, можам да направам разлика меѓу нив, или попрецизно да направам некоја разлика помеѓу успешни и просечни. Сите успешни претприемачи ги користеле следниве чекори и затоа и се разликуваат во поглед на успешноста од оние кои не ги користеле.

#1 Успешни претприемачи преземаат акција

Тие имаат идеи, сакаат да сонуваат за нивните идеи, но исто така преземаат акции (прва особина на успешен претприемач) за да нивните соништа станат реалност.

Без тие акции, тие не би биле онаму каде што се денес. Без тие акции нивните соништа не би станале реалност. Без тие акции, тие не би биле претприемачи.

#2 Повеќе акции

Тие секогаш преземаат повеќе акции бидејќи никогаш не се задоволни со тековната ситуација, иако презеле претходно акција и успеале со неа.

Секогаш постои нешто повеќе за нив, нешто што може да се подобри, нешто подобро…

#3 Заедница

Претприемачи без заедница не можат да бидат претприемачи. Успешни претприемачи имаат голема заедница на поддржувачи, истомисленици, привлекувачи на внимание, следачи… Тие знаат дека без нив, нивниот бизнис би бил во опасност. Тие знаат дека нивниот бизнис успех ќе се потпира на таа заедница.

Затоа и една од најважните задачи за нив е подобрување на квантитетот и квалитетот на заедницата.

#4 Учат од нивната заедница

Нивните поддржувачи, истомисленици, привлекувачи на внимание и следачи секогаш можат да им дадат идеи за можни подобрувања, можни потреби или пак можни проблеми кои бизнисот може да ги реши, а сеуште не се решени.

Овие претприемачи го имаат најголемиот потенцијал за зголемување на сопствената бизнис потенцијална енергија директно од нивната заедница зголемувајќи го нивното знаење за тоа што луѓето сакаат. На таков начин, ќе можат да им го дадат она што го сакаат. Тоа е добива-добива (win-win) ситуација.

#5 Не стравуваат од неуспех

Дури може да се каже и дека сакаат да не успеат, но да не успеат колку што може побргу. Доколку направиле грешка, подобро е да не успеат во раните фази на проектот кога неуспехот не е толку болен како што би бил подоцна.

#6 Учат од неуспех и грешки

Доколку немаат неуспеси, нема ниту да научат. Доколку не научат нема да знаат што да прават во иднина. Дали ова е едноставно?

#7 Она што го научиле, го применуваат во следните чекори

Секогаш се спремни да преземат акција и преземаат акција. Но, она што го знаат од формално и неформално образование го користат во секојдневната работа.

Наученото е стандард за во иднина.

#8 Секогаш се обидуваат да научат нешто ново

Читаат книги кои може да го подобрат нивниот претприемнички ивот. Зборуваат со разни лица и учат истовремено. Никогаш не запираат со пробување на различни начини да научат нешто ново што може да се користи во нивниот бизнис.

#9 Никогаш не забораваат да преземат акција

Секоја одлука мора да биде имплементирана. Секој проект мора да се започне и заврши до крај. Секогаш постои нешто што треба да се направи.

Добредојде во бизнис светот!

#10 И, да, неуспехот е дел од нивниот секојдневен живот

Доколку се менаџира на вистинскиот начин, тие може да не успеат 9 пати од 10 обиди. Но, последниот, десетиот успех, може да биде вреден за сите девет неуспеси.

Значи, треба да направиш нешто, да не успееш и да научиш од тој неуспех. Тоа е основната филозофија на станување на постојано подобар претприемач.

Може ли да споделиш твои размислувања за успешен претприемач? Што мислиш, постои ли уште нешто што ќе ја подобри листава?

Да, секогаш може нешто да се подобри, дури и листава.

 

post

Ден 11: Знаење – 77 подобрувања за 77 дена

Подобрување на креативност Да продолжиме со единаесетиот ден од нашиот предизвик за подобрување на твојот бизнис за 77 дена. Сеуште сме во секторот на подобрување на процесот на бизнис планирање каде веќе работевме на подобрување на претходно искуство и секако предвидување.

Но, како што знаеш, процесот на планирање во голем дел ќе се базира на твоето знаење како еден претприемач, но и на знаењето на твојот тим кој на некој начин ќе биде вклучен во самиот процес било да станува збор за подготовка или имплементација на планот.

Кога зборувавме за факторите кои еден претприемач го прават успешен, вториот слој беше знаење и креативност. Таму зборувавме за знаењето и стекнувањето на тоа знаење.

Секоја личност има некое специфично знаење кое си го носи со себе. Мислам и дека не пости човек кој нема одредено знаење. Знаење почнува уште од нашето раѓање. Секој нов ден од нашиот живот претставува стекнување на одредено знаење. Знаењето го стекнуваме, дома од родителите, во градинка, подоцна во училиште, факултет и од животот.

Кога станува збор за знаење и подобрување во тоа подрачје постојат две работи кои ти како еден претприемач можеш да ги имплементираш во твојот бизнис:

  • Зголемување на знаењето во твојот бизнис.
  • Имплементација на знаењето во секојдневното работење на твојот бизнис.

Но, прашањето е како можеш да го зголемиш знаење во твојот бизнис?

Постојат два основни начини на кои можеш да работиш за зголемување на знаењет:

  • Претходно искуство кое беше дел од подобрување во овој предизвик – ден 9. Со поголемо искуство доаѓа и поголемо знаење за предметот на искуството. Секогаш кога ќе го зголемиш искуството со нешто ново, го зголемуваш и знаењето за тоа ново. Ова е системот пробувај – греши – учи.
  • Едукација. Сите ние голем дел од нашиот живот го имаме поминато низ формалниот едукациски систем кој ни го дава основното знаење кое можеме да го имплементираме во иднина. Но, секоја од нашите идни задачи ќе бара и дополнително знаење кое треба да го стекнуваме преку различни курсеви, семинари, книги, информации од интернет… Сето ова е дел од нашето формално и неформално образование кое ќе ја зголеми нашата бизнис потенцијална енергија.

Следниот дел е имплементација на се она што го знаеш. Зошто ти е потребно знаењето доколку не го имплементираш во твојот бизнис?

Да сублимираме накратко:

  • Ти треба знаење доколку сакаш да го подобриш процесот на бизнис планирање.
  • Доколку знаеш повеќе за твојот бизнис, твојот пазар или пак твојата индустрија ќе имаш и подобар бизнис план.
  • Твоето знаење доаѓа од искуство и преку едукација – учење.
  • Треба да го користиш и имплементираш знаењето во процесот на бизнис планирање и акционите чекори кои ќе бидат резултат на тој процес.

Како можеш да го подобриш знаењето во процесот на бизнис планирање?

Ова е еден систематски приод кој ќе треба да го имплементираш и користиш во твојот бизнис. Како добра стартна позиција за да го дефинираш тој систем одговори ги следниве прашања:

  • Кое знаење е најважно за мојот бизнис?
  • Како може да го стекнам тоа знаење?
  • Како континуирано да го зголемувам тоа знаење во мојот бизнис?
  • За какво знаење имаат потреба различните работни места во мојот мизнис?
  • Кои се извори на знаење можеме да ги користиме во мојот бизнис?
  • Каков ќе биде процесот на имплементација на ново стекнатото знаење во мојот бизнис?
post

Ден 10: Предвидување – 77 подобрувања за 77 дена

Подобрување на креативност Да продолжиме со нашиот предизвик да го подобриш твојот бизнис за 77 дена.

Претходниот ден на кој што работеше е за подобрување на твоето претходно искуство со процесот на бизнис планирање. Денес, ќе продолжиме со еден од најважните елементи на процеот на планирање, а тоа е предвидување.

Што можеш да подобриш во твоето предвидување?

Предвидувањето е важно бидејќи секој бизнис план се базира токму на него, а понекогаш се нарекува и претпоставување бидејќи не можеме секогаш да ја предвидиме иднината. Би било премногу едноставно да бидеш претприемач доколку можеш да гледаш во иднината. Реалноста е многу поинаква и поради тоа многуте од твои идни активности ќе бидат базирани на твоите планови, кои пак од друга страна се базираат на предвидување и претпоставување.

Најголемиот предизвик за подобрување на предвидувањето е да успееш истото да биде колку што може поблиску до реалноста кога ќе се случи. Ова значи дека целите на твоите напори за подобрување ќе бидат да ја намалиш разликата помеѓу предвидената ситуација и вистинската ситуација.

На пример, доколку предвидиш дека твојата продажба во следните 6 месеци ќе биде 1000 парчиња, ќе сакаш на крајот од шестиот месец да имаш реализирано продажба која ќе е блиску до тој број. Доброто предвидување ќе значи дека имаш реализирано продажба помеѓу 900 и 1100 парчиња. Доколку имаш помалку, ќе треба да работиш на подобрување на твоите предвидувања за следниот циклус.

Кои се факторите кои влијаат на твоето предвидување?

Постојат повеќе фактори, но најважните за тебе се:

#1 Квалитет на историски податоци.

Секое предвидување започнува со анализа на твоите историски податоци, нешто што твојата компанија го има во некаков вид на запис во минатото.

Доколку немаш такви податоци, ќе бидеш навистина во една незгодна ситуација за твоите предвидувања, бидејќи ако сакаш да направиш добри предвидувања на иднината ќе ти треба нешто од каде би можел да започнеш, а твоите историски податоци се одлично место за започнување.

Да видиме што можеш да подобриш во овој дел:

  • Доколку немаш база на податоци за следење и запишување на податоци од твојот сопствен бизнис, започни со креирање на нешто такво.
  • Осигурај се дека најмалку ги имаш податоците од продажба, трошоците и односи со потрошувачите.
  • Обезбеди дека лесно можеш да пристапиш и да ги анализираш податоците.

#2 Надворешни фактори

Иако не можеш да имаш некое големо влијание на надворешните фактори, треба да ги користиш во твоите предвидувања бидејќи тие имаат огромно влијание на твојата бизнис иденина.

Ти треба систем за следење и подобрување на твоето сопствено знаење најмалку за овие фактори:

  • конкуренција,
  • општи бизнис услови,
  • општи економски услови и
  • трендови на пазарот.

#3 Внатрешни фактори

Освен надворешни фактори, твоите предвидувања треба да содржат и некои дополнителни внатрешни фактори како што се твоите планови во однос на реклами, промоции, развој на нови производи и процеси, ценовни политики…

Дали имаш јасен поглед на се она што сакаш да го постигнеш во иднина?

Доколку немаш, обиди се да бидеш сигурен за тоа.

#4 Временска рамка

Твоето предвидување како и разликата помеѓу предвидување и реалноста во голем дел зависи од временската рамка за која ќе се однесуваат предвидувањата. Помеѓу нив постои вистинска позитивна корелација. Доколку временската рамка е помала, помала ќе биде и разликата предвиденото и реалноста и обратно.

Доколку сакаш да го подобриш твоето предвидување и бизнисот во целост, ќе треба да користиш планови кои ќе се базираат на пократок временски период, па така и предвидувањата ќе се однесуваат на пократок временски период. На таков начин ќе ја зголемиш успешноста на твоите предвидувања.

Секогаш подобро можеш да предвидиш што ќе се случи утре отколку следниот месец.

#5 Твоите сопствени вештини

Ти си претприемач и ти требаат различни претприемнички и менаџерски вештини за да ја предвидиш иднината. Еден дел од процесот на подобрување е секогаш да ги подобруваш твоите вештини.

Читај книги, читај списанија и весници поврзани со индустријата, читај блогови од индустријата, читај се што на некаков начин е поврзано со твојата индустрија и твојот пазар… Така секогаш ќе знаеш што се случува надвор од твојот бизнис.

#6 Секогаш обидувај се да вметнеш проценка на грешка

Повеќето од твоите идни активности ќе се базираат на предвидување за кое знаеш дека не може да биде 100% точно. Зошто не се обидеш да ги процениш можните грешки и да ги користиш во процесот на имплементација?

На ваков начин ќе можеш да знаеш каде би можело да треба да вметнеш некои промени кога имплементираш нешто врз основа на предвидувања со поголема проценка на грешки.

post

Ден 9: Претходно искуство – 77 Подобрувања за 77 дена

Подобрување на креативност Започнуваме со вториот дел од нашиот предизвик за подобрување на твојот бизнис во 77 дена. Овој дел се однесува на подобрувања во однос на процесот на бизнис планирање.

Најдобар начин за да започнеш со подобрување на процесот на бизнис планирање е со твоето претходно искуство во еден таков процес.

Ти знаеш, што си направил добро, а што лошо во минатото. Знаеш што ти ги донело посакуваните резултати, а што не. Ги знаеш сите твои грешки. Тоа знаење ќе ти ги даде можните места каде треба да започнеш со подобрување на процесот на бизнис планирање.

Интересно е што постои голема корелација (силна) помеѓу подобрувањата во процесот на планирање и севкупните бизнис подобрувања. Преку подобрувања во процесот на планирање, ја подобруваш и иднината на твојот бизнис.

Да погледнеме во прашањата кои ќе те водат кон можните подобрувања:

  • Во претходно искуство, кои се целите во твојот бизнис план кои не си ги постигнал? Зошто не си ги постигнал тие цели?
  • Во прерходно искуство, кои се целите во твојот бизнис план кои што си ги постигнал? Зошто си успеал да ги постигнеш тие цели?
  • Дали постои нешто во твоите производи или услуги што може да биде подобрено врз основа на имплементација на претходните бизнис планови?
  • Дали твоите производи или услуги се во согласност со вистинските потреби на твоите потрошувачи? Зошто не се, доколку не се во согласност со вистинските потреби?
  • Дали твојот бизнис модел е нешто што ја дозволил имплементацијата на претходните бизнис планови такви како што биле без проблем?
  • Какво е твоето претходно искуство со предвидување на продажбата? Дали реализираните бројки се исти со планираните? Зошто се различни доколку се различни? Кои се причините за разликите?
  • Кога ќе погледнеш во твоите продажни бројки, може ли да видиш некои “шила” во нив? Зошто постојат такви нагли зголемувања или намалувања? Што можеш да научиш од нив?
  • Дали твоите претходни бизнис планови си ги базирал на потребите на потрошувачите? Дали тие потреби се менуваат брзо или пак остануваат непроменети во текот на целиот процес на имплементација на планот? Можеш ли да најдеш нешто повеќе за нивните потреби што би се вклучило во идните активности од процесот на бизнис планирање?
  • Дали некои потрошувачи си ги вклучил во твоите предвидувања, но тие едноставно не купиле ништо од тебе? Зошто? Можеш ли да ги повратиш и како?
  • Твоите бизнис планови се базираат на претпоставки и хипотези. Можеш ли да ги идентификуваш грешките во твоите претпоставки и хипотези? Можеш ли да ги подобриш претпоставките и хипотезите? Можеш ли да го подобриш бизнис планот кога се имплементира, доколку откриеш дека тој се базира на погрешни претпоставки и хипотези?

Одговори ги овие прашања и ќе ги откриеш подрачјата каде ќе треба да имплементираш подобрувања за идните процеси на бизнис планирање.

Следниот ден од овој предизвик е подобрување на предвидувањето како важен сегмент од процесот на бизнис планирање.

post

Ден 8: Капацитет за имплементација – 77 Подобрувања за 77 дена

Подобрување на креативност Продолжуваме со осмиот ден од нашиот предизвик за подобрување на твојот бизнис во 77 дена. Претходниот ден (ден 7)се однесуваше за лидерството и подобрување на лидерството во твојот бизнис.

Досега го имаш подобрено твојот процес на креативноста, со што имаш подобри и повеќе бизнис идеи спремни за имплементација.

Но, прашањето е можеш ли да ги имплементираш сите тие идеи?

Повторно тука би сакал да напоменам дека бизнис идеи не се само идеи за нови производи или услуги, тие можат да бидат идеи за нови проекти, проширување на постоечки проекти, подобрувања, нови технологии, нови процеси, нови системи во твојот бизнис… Сето тоа се идеи кои ги имаш и кои едноставно се наоѓаат во “чекална” за имплементација.

Поради приоритизацијата, веќе знаеш што мора да биде имплементирано како прво, што како второ, а што како последно. И така, едно по едно можеш да започнеш да имплементираш различни идеи кои ќе го подобрат твојот бизнис.

Од друга страна, ова бара да имаш капацитети кои ќе се справуваат со различни процеси на имплементација кои во одредени случаи истовремено може да бидат повеќе. Не можеш да имплементираш нешто без капацитет. Не можеш ниту да одржуваш нешто ново доколку твојот бизнис и нормално ти како претприемач немаш капацитет.

Потребен ти е капацитет за процесот на креација на идеи. Ти треба капацитет за комуницирање на тие идеи со заедницата. Ти треба капацитет за имплементација на сите тие идеи.

Иако веќе доста имаш подобрено во овој процес кога станува збор за бизнис идеи, сепак како што веќе знаеш, секогаш можеме да најдеме нешто што може да се подобри, особено кога станува збор за бизнисите. Ова е еден систематски приод кој бара постојани инкрементални подобрувања на секој од твоите чекори кои ги спроведуваш како еден претприемач.

Кога зборуваме за подобрување на капацитетот на имплементацијата, се однесува на зголемување на способностите на бизнисот да имплементира колку што може повеќе идеи со колку што може подобар квалитет.

Еве некои прашања на кои ќе треба да дадеш одговор.

  • Дали имаш доволно способности за да ги имплементираш идеите?
  • Може ли нешто да биде подобрено тука?
  • Што е со времето? Имаш ли доволно време, или пак немаш доволно време и потребни ти се дополнителни човечки ресурси за да процесот на имплементација може да се спроведе?
  • Каков вид на човечки ресурси ти се потребни?
  • Можеш ли да ги издржиш трошоците на процесот на имплементацијата или пак ти требаат повеќе пари? Колку пари ќе ти требаат? Од каде можеш да дојдеш до тие пари?
  • Имаш ли доволно информации за процесот на имплементација, или пак ќе ти бидат потребни дополнителни информации за да се спречи дефицитот или пак можните “тесни грла”?
  • Што е со твоето знаење, вештини и искуство? Може ли твоето тековно знаење, вештини и искуство да го поддржат процесот на имплементација онака како што треба? Што можеш да направиш за да го подобриш твоето знаење, вештини и искуство?
  • Дали вработените имаат доволно знаење, вештини и искуство за имплементација на тие нови идеи? Може ли да го поддржат процесот? Можеш ли да направиш нешто за да го подобриш нивното знаење, вештини и искуство?
  • Што е со технологијата која во моментов ја користиш? Дали таа може да ги поддржи твоите нови идеи? Можеш ли да подобриш нешто во твојата тековна технологија или пак мора да инвестираш во нешто ново?

Следниот ден ќе се однесува на вториот сегмент на подобрувања, а тоа е процесот на бизнис планирање при што ќе започнеме со претходното искуство.

post

Ден 7: Лидерство – 77 Подобрувања за 77 дена

Подобрување на креативност Ќе продолжиме со седмиот ден од нашиот предизвик за подобрување на твојот бизнис во 77 дена. Претходниот ден се однесуваше за процесот на имплементација и подобрување на истиот.

До денес, ти веќе работеше на подобрување на твојата креативност која ќе ти даде подобри идеи за твојот бизнис. Си започнал со комуникацијата на идеите со твојата заедница. Си работел на подобрување твојата заедница за подобри повратни информации кои ќе ти овозможат да ги подобриш твоите основни идеи. Имаш приоритет на твоите идеи и направен план за имплементација. Си започнал со процесот на имплементација и постојано подобрување низ тој процес.

Сега, ако сакаш да имаш подобар процес на имплементација, ќе ти треба подобро лидерство.

Кој е лидер?

Кој е лицето кое ќе го води целиот процес се до конечниот успех?

Ти како еден претприемач мора да бидеш најголемиот лидер во твојот бизнис, ако сакаш да успееш со секој проект како резултат на идеи од креативниот процес во твојот бизнис. Меѓутоа, ако твојот бизнис има структура и различни менаџерски нивоа, освен тебе, ќе има потреба од лидерство и на менаџерско ниво во твојата компанија.

Лидери се лица кои водат нешто во твојот бизнис. Тие се одговорни да делегираат задачи потребни за остварување на процесот на имплементација. Тие се одговорни да користитат ефикасна комуникација помеѓу вработените и потрошувачите и потенцијалните потрошувачи. Тие се одговорни да ги мотивираат своите тимови. Тие се одговорни за успешно завршување на проектите.

Твојата цел е целиот процес на имплементација да биде успешен. Поради тоа твојата цел и на твоите менаџерски лидери е да се направи успешна имплементација на проектот.

Треба да сфатиш дека имаш многу важна улога во процесот на имплементација на твоите идеи како претприемач. Многу често она што го правиш ќе им биде императив на сите вработени. Ти си огледало во кое сите бизнис членови се огледуваат и се обидуваат да се најдат.

Да ги погледнеме прашања кои ќе треба да ги одговориш за подобрување на твоите и на твојот менаџерски тим лидерски способности:

  • Дали твојот комуникациски процесот е нешто што може да се подобри?
  • Можеш ли да комуницираш со сите вработени без никакви проблеми?
  • Како твоите  вработени те перцепираат? Можеш ли да подобриш нешто во врска со тоа?
  • Дали твоите упатства, стратегии и методи се јасни за твоите вработени?
  • Можеш ли да подобриш нешто во твоите инструкции, стратегии и методи за да бидат поразбирливи за твоите вработени?
  • Дали твоите вработени ги исполнуваат роковите за поставите задачи? Ако не, зошто не? Може да ли се подобри нешто што ќе ги направи постигнување во рокови?
  • Како се мотивира твојот тим? Може ла да се подобри нешто?
  • Како твоите нови идеи ги гледаат твоите вработени? Дали тие гледаат на нив како нешто што е дел од нив? Дали тие гледаат на нив како нешто што ќе им го подобри сопствениот живот? Што е потребно да направиш околу тоа?
  • Дали твоите вработени работат во тимови? Дали тие придонесуваат за целиот успех на твојот тим? Дали знаат што точно е нивната функција, што се твоите очекувања од нив и како тие придонесуваат за успехот на твојот бизнис?
  • Дали твоите вработени се горди, бидејќи работат за твојот бизнис? Може ли да се подобри нешто во врска со тоа?

Овие прашања се најважните делови од твоите лидерски способности. Тие ќе те водат низ можни подобрувања тебе и твојот менаџерски тим за лидерство.

Ќе продолжиме со осмиот ден каде што ќе разговараме за капацитет за имплементација на твојот бизнис.

post

Ден 6: Процес на имплементација – 77 Подобрувања за 77 дена

Подобрување на креативност Се наоѓаме во шестиот ден во нашиот предизвик за подобрување на твојот бизнис за 77 дена. Претходниот ден, разговаравме за подобрување на твојот план за имплементација.

Сега, имаш подобар креативен процес во твојот бизнис. Си го подобрил процесот на комуникација на твоите идеи кои резултираат во подобрувањата на основните идеи. Имаш голема заедница околу твојотот бизнис, знаеш што е приоритет број еден за твојот бизнис, и имаш план за имплементација на идеи кои треба да бидат имплементирани.

Сега, е време да се започне со процесот на имплементација.

Што може да се подобри таму?

Нам ни треба одговор на тоа прашање, но првин да видиме што овозможува еден процес на имплементација да биде одличен.

  • Треба процесот да се имплементира како што е планирано.
  • Ни треба подобрување во самиот процес кога ќе откриеме дека нешто што не е во ред.
  • Ни треба процес кој ќе создаде поголема вредност за нашите потрошувачи што е можно поскоро.
  • Ни треба процес кој ќе го избегне можниот отпор кон истиот.

Тоа се основните работи кои треба да се подобрат, кога станува збор за твојот процес на имплементација.

Секој процес има своја почетна точка и завршна точка. Стартот е врз основа на планот за имплементација. Целната линија мора да биде нешто што може да донесе остварување на нашите цели. Сепак, ова не значи дека не можеме да го подобриме процесот, бидејќи имаме јасен план.

Планови се базираат на претпоставки, а не може да се земат здраво за готово како нешто што не може да се промени во процесот на имплементација. Ние зборуваме за подобрувања и сето она што може да се подобри е дозволено да се промени.

Кога си во процесот на имплементација, или по процесот, треба секогаш да ги најдеш одговорите на овие прашања доколку сакаш да имаш постојано подобрување во твојот бизнис:

  • Дали твојот план е имплементиран?
  • Дали се појавиле некои грешки кои треба да бидат корегирани?
  • Како можат да се коригираат грешките од твојот план?
  • Зошто постојат  разлики помеѓу планот и резултатите од имплементацијата?
  • Што треба да направиш за да се отстранат тие разлики?
  • Што треба да се направиш во иднина за да се минимизираат појавите на такви разлики?
  • Дали она што го спроведуваш сега е нешто што создава вредност за твоите потошувачи?
  • Можеш ли да ја зголемиш вредноста за твоите потрошувачи ?
  • Што треба да се спроведе за да се зголеми вредноста на твоите потрошувачи?
  • Може ли некако да се скрати спроведувањето на таков начин при што ќе биде завршено што е можно поскоро, но ќе има многу поголема вредност за твоите потрошувачи?
  • Дали има некој вид на отпор на промените?
  • Како може да се минимизираат или елиминираат можните отпори кон промените?

Овие прашања и нивните одговори ќе те водат низ континуирано подобрување при имплементација на нови идеи во твојот бизнис.

Утре ќе продолжиме со седмиот ден кога ќе работиме на лидерство.

post

Ден 5: План за имплементација – 77 Подобрувања за 77 дена

Подобрување на креативност Продолжуваме со петтиот ден во нашиот предизвик за подобрување на твојот бизнис во 77 дена. Претходниот ден се однесуваше за приоритизација на твоите идеи што ти обезбеди јасна слика за тоа што треба да спроведеш како прво.

До денес во овој предизвик, ние ги  подготвувавме нашите сништа, но сега сакаме да го направиме нашиот прв чекор со нешто опипливо, што ќе не подготви за ефективна имплементација на процесот.

Многу добри идеи не се трансформираат во успешен бизниси, или пак во успех на постоечки бизнис, едноставно затоа што тие не се спроведени. Меѓутоа, ако се направи добар план за имплементација, половина од спроведувањето ќе биде завршено.

Од друга страна, добри идеи се добри само додека не застарат. Да, ти имаш приоритети, но ако не започнеш со имплементација веднаш за да бидеш прв на пазарот со тоа што идејата го обезбедува, твојата идеја ќе застаре и ќе ја изгубиш конкурентската предност.

Кога зборуваме за планирање на имплементација, постои нешто што може да биде многу опасно за твојот бизнис. Тоа е кога ќе се обидеш да бараш перфекционизам во сè. Важно е се да биде перфектно, но понекогаш тоа може да те однесе во еден бескраен циклус на планирање. Ваквите планови никогаш не се спроведуваат затоа што не се перфектни.

Друга работа што сакам да ја напоменам кога станува збор за планови и процесот на планирање е дека најдобар бизнис план е план кој е целосно имплементиран.

Тука се дадени неколку прашања кои ќе те доведат до брзо планирање во процесот на имплементација на твоите идеи.

  • Која е целта на идејата што ќе треба да се спроведе?
  • Колку време ќе биде потребно за да се спроведе идејата?
  • Каков ќе биде процесот на имплементација?
  • Кој ќе биде одговорен за имплементацијата?
  • Кои чекори ќе треба да се спроведат?
  • Кој ќе биде одговорен за тие чекори и кога?
  • Кои ќе бидат показателите за мерење на процесот на имплементација?
  • Што треба да се подобри врз основа на процесот на имплементација?

Тоа е тоа! Одговори на прашања и ќе имаш план за имплементација. Што е уште поважно е дека овој вид на прашања, исто така, ќе те одведат во еден процес на континуирано подобрување.

Ќе продолжиме со шестиот ден, каде што ќе започнеме со процесот на имплементација.