Бидете секогаш најиновативни! Алатки, екниги и видео презентации само за најхрабрите!

post

Иновација како основа во Facebook

Минатата недела гледав едно интервју со Mark Zuckerberg основачот и CEO на Facebook спонзорирано од Mercedes а исполнето од Business Insider. Нема потреба да пишувам што значи Facebook за денешниов секојдневен живот. Само една статистика би навел накратко:

Над 300 милиони корисници ширум светот. Повеќе од вкупниот број на жители на САД.

Во Македонија е на прво место по популарност согласно Alexa Ranking дури и пред Google, што сеуште не сум сретнал на друго место.

Иако оваа е веќе 6-та година дури оваа година започнува да работи со профит. Значи типовите се навистина трпеливи 5 години со загуба, но визијата е поголема. (Шеста од 12 грешки – нетрпеливост)

Додека го гледав интервјуто не само што научив нешто од најпопуларниот бизнис во светот туку и правев графичка презентација на најважните елементи кои со овој напис сакам да ги споделам.

Првин 4 клучни елементи за нивниот успех во иновативноста:

  • Поинаку од другите. Секогаш бараат начин да бидат поинакви од другите. Дури и да користат туѓа идеја ја преработуваат во уникатна идеја. Не копираат, туку иновираат. Едно е сигурно копијата е секогаш копија на оригиналот и никогаш не може да биде оригинал.
  • Брзи промени. Промената е постојана во нивниот бизнис. Не постои ден без промена во начинот на работата или пак во некоја нова идеја. Брзите промени им овозможуваат да ги следат трендовите и желбите на сопствените корисници.
  • Поттикнување на луѓето. Секогаш се обидуваат да ги поттикнат луѓето за производство на идеи како на внатрешните вработени, така и на луѓето од надвор – корисници. Врз тие идеи го базираат сопствениот развој. Поголема креативност, повеќе идеи. Повеќе идеи, поголем развој.
  • Фокусиранот. Фокусирани се на постојан развој на нивниот бизнис со цел да излезат во пресрет на корисниците. Што значи дека нивната клучна предност е фокусот на корисниците.
  • Бизнис култура на иновација. Оснавата на нивната бизнис култура е иновација и тоа постојана иновација.
  • Самодоверба. Самодоверба да носат одлуки кои влијаат на милиони луѓе. Се сеќавате кога го сменија изгледот. Сите кукаа и цимолеа. Но, тие имаа храброст да го направат тоа.

И уште неколку интересни детали за тоа како работат успешните:

  • Немаат потреба, а ниту време да пишуваат бизнис план. Многу интересно и сосема спротивно од онаа што се пропагира на универзитетите и посебно кај нас воопшто. Оваа интервју го гледав токму тогаш кога правев brainstorming за еден напис за бизнис план кој набргу ќе го објавам и таму наведов некои опасности од преголемо фокусирање на бизнис планот во стилот планирај го твојот бизнис план. А бизнис светот е брз и лесно може нашата првобитна идеја да биде спроведена од некој друг. И токму онаа што мислев дека претеруваме понекогаш и не се свртуваме кон иновација заради преголемо планирање го слушнав од една од најуспешните компании во светот.
  • Сакаат кога луѓето врескаат и цимолат. Со секоја промена луѓето врескаат и не ја сакаат истата. Но тогаш откриваат што тие мислат, слушаат што ќе речат, го користат фидбекот на спствените корисници и на таков начин градат производ кој е подобар за сите. А подобар производ го користа повеќе луѓе.

Се надевам дека може да се извлечат навистина корисни лекции од интервјуто. Јас од оваа едно гледање го забележав оваа што го напишав. Слободно оставете коментар доколку откриете уште нешто што е корисно за развој на претприемачите и претприемничкиот дух во Република Македонија.  Можете да го погледате на Business Insider.

post

Претприемач – Нов дизајн и можности

Иако не помина многу време од последниот редизајн на претприемач кога помислив дека конечно сум задоволен повторно извршив големи промени. Овој напис е дел од написите за интернет маркетинг или интернет бизниси во кој сакам да кажам што направив за само неколку часа и кои алатки ги користев. Може да се забележи огромен редизајн на целата страна.

Претходно користев бесплатна тема за WordPres која навистина има убав дизајн во вид на магазини. Но, секоја промена или додавање на некој мој код во позадината на истата правеше толкава збрка што седев по цели ноќи за да ги поправам работите и повторно да ги вратам како што беа. Од друга страна, толку многу работи натрупани на една насловна страна правеа толкава збрка да понекогаш и јас не можев да се снаоѓам а да не зборуваме за посетителите. Уште една работа што не ми се допаѓаше е автоматското пребарување вградено во WordPress кое не даваше баш добри резултати. И пред неколку месеци купив професионална тема за WordPress лиценцирана за повеќе веб страни па си реков зошто да не ја искористам. А, од друга страна секоја промена ми е едноставно играње со нови можности и секако простор за проширување на знаењето.

Па да кренам со она што сега е карактеристично за претприемач:

Thesis WordPress тема

Ја искористив професионалната и уникатна Thesis тема за WordPress. Ова е тема која едноставно се персонализира, SEO оптимизирана, флексибилна  и која овозможува едноставно кажано да направите чуда со изгледот на Вашата веб страна и без знаење од програмирање. Од друга страна имаат одлична подршка и форум на кој ќе најдете кодови кои директно можете да ги искористите на Вашата страна.

FAQ – Постојано поставувани прашања

Имате една уникатна можност преку поставување на прашања да добиете одговор на истите било од претприемач или пак од голем број на луѓе од светот со кои сме поврзани можеме да добиеме одговор. Секое прашање ќе биде на страната. Така да ќе се формира една база на податоци со одговорени прашања кои секој посетител може да ги пребарува и чита.

Едноставно одете на страната FAQ:


Откако ќе влезете на страната ќе можете да поставите прашање како на сликата подолу. Инаку, можете и да не го внесувате mail-от, но во таков случај нема да го добиете одговорот по mail туку истиот ќе биде само објавен на страната. Значи мailo-от служи само за да бидете известени кога прашањето ќе биде одговорено. Ќе се обидеме одговорот да биде даден во тек на 24 часа по поставување на прашањето. Па повелете!

Google Custom Search

Како трета опција која со оваа нова верзија дојде на претприемач е што е подобрено пребарувањето низ истиот. Досега на претприемач го користевме дифолт системот на WordPress како можност за пребарување низ сајтот. Но, сега поставивме можност за пребарување базиран на Google, односно Google Custom Search кој навистина дава многу подобри резултати. Од друга страна пребарувањето се врши и на артиклите на претприемач кои веќе не ги ажурираме. Еве како изгледа новото пребарување:

Поврзување

Добро овој дел го имаше во една друга варијанта, но приметив дека отворањето на сраната ја успоруваа премногу. Да се тчита Twitter па Facebook бараше премногу време. Па, затоја ги дизајнирав разните копчиња за поврзување со претприемач во еден дел на самиот почеток на страната.

Преку првото копче можеме да се поврземе на Twitter. Второто е RSS Feed на претприемач да го поставите на вашиот RSS читач како што е Google Reader и да имате информација секогаш кога ќе излезе ново на претприемач. Третото копче е знакот на FeedBurner која исто така е поседувано од Google (го купија заради можноста рекламите да ги постават и преку mail). Оваа копче е исто како претходно што имаше форма со e-mail и кога ќе го кликнете ќе побара да го внесете Вашиот e-mail и да го потврдите за сите написи на претприемач да ги добивате во Вашиот inbox. И последното (4-то), добро познато на сите, е на Facebook за да биднете фанови на страната на претприемач на Facebook. На таа страна гледам да објавувам повеќе видео материјали од областа на претприемништвото како и секој напис кој се објавува на претприемач.

****

Иако само неколку часа ми требаа да го средам овој нов дизајн сепaк не беше лесно. Но, нема прашања на кои нема одговор на интернетот.

post

Маркетинг Средство – Piggy-Backing Маркетинг

Маркетинг средства

Маркетинг средства

Уште сме на offline маркетинг средства кои може да се користат од страна на малите бизнис. Сакам да завршам со овој тип на маркетинг средства за да се свртам целосно кон онлајн маркетинг средствата за кои имам премногу да пишувам. Оваа е малку понетрадиционално средство и не може да се најде во учебниците за маркетинг. Но, во пракса функционира и се користи максимално, а резултатите секогаш се одлични и можат да дводеат до неколкукратно па дури и троцифрено зголемување на продажбата.

Некои можат да кажат дека оваа маркетинг средство не е морално, но за мене сите средства кои не ги кршат локалните, националните и меѓународните закони, а носат успешност на бизнисот не се неморални. Неморални се за оние претприемачи кои не се креативни, а оние креативните претприемачи сигурно ќе го искористат и ќе излезат како победници.

Што е тоа Piggy-Backing Маркетинг?

Првин се трудев да го преведувам и навистина не знам да најдам соодветен преведен збор бидејќи преводот е многу смешен. Во бизнис поимникот на претприемач го додадов зборот и дадов кратко објаснување:

…оваа маркетинг стратегија е навистина моќна и ја користат и се користела од многу бизниси кои доживеале невиден успех. Оваа стратегија значи користење на партнер кој ќе му помогне на бизнисот да изгради кредибилитет и препознатливост на пазарот. Всушност, се е во привлекување на внимание. Вообичаено се најмува некој кој веќе има големо внимание како познати личности и тие се поврзуваат со вашиот бизнис и на таков начин преку нивното внимание Вашиот бизнис доживува брзо внимание од страна на пазарот.

Едноставно кажано оваа маркетинг средство значи привлекување на внимание и тоа со помош на некој кој веќе го има вниманието. Една од најважните работи на претприемачите е да привлечат колку што можат поголемо внимание. Па, и целта на маркетингот ни е да привлечеме внимание. Го истражуваме пазарот за да го пронајдеме однесувањето на целниот пазар или одредениот сегмент на пазарот за да понудиме нешто со што ќе им го привлечеме вниманието кон бизнисот. Правиме пропагандни пораки за да привлечеме внимание…

Едно е јасно, успешни бизниси и успешни претприемачи се оние кои успеат да привлечат внимание кон нив. А кога се привлече внимание успешноста е неминовна.

Примери на Piggy-Backing Маркетинг

Paris Hilton

Оваа убавица во последниве неколку години заработува милионски суми во долари се разбира само заради тоа што има привлечено огромно внимание. Особено во бизнис светот за оваа се полемизира за тоа во што е добра таа. Не знае да глуми, не знае да пее, не знае да свири никаков инструмент, не е спортистка или пак некој познат дизајнер. Единствено што знае е да привлече внимание и тоа и носи милионски суми на пари. Дали знаете дека таа заработува стотици илјади долари (американски се разбира) само да излезе еднаш во еден ноќен клуб? Да, претприемачот (сопственикот на клубот) и плаќа за да таа излезе една вечер само за да привлече внимание. Тие претприемачи знаат дека откако таа ќе се појави таму сите весници, неделници, трач рубрики, ТВ емисии ќе креват бука за тоа каде е видена со кого е видена што носела, што јадела, што пиела итн. И заради тоа сите други потрошувачи ќе излегуваат таму затоа што Paris излегува таму. Навистина креативно.

Madonna

Еден претприемач купува малопродажен бизнис за облека (бутик) кој е до гуша во долгови. Таа продавница била просечна која едвај скрпувала крај со крај. Но, за кратко време претприемачот ја претворил во една од најуспешните бутици. Со едноставно преуредување и привлекување на една пејачка која каде и да се појави околу неа се фотографи кои ја следат и по тоа сите пишуваат и зборуваат за тоа. Каде Madonna се облекува, односно каде купува облека. По не се појавуваат и други познати фаци, па потоа и продажбата на нормални (непознати) купувачи расте со експоненцијален раст. Тој претприемач на своја 25 годишна возраст има заработено над 7 милиони долари и отишол во пензија.

Мислам дека се доста овие два примери за да се свати суштината на оваа маркетинг стратегија или средство.

За крај само би напоменал дека оваа средство може да биде скапо или пак бесплатно. Скапо е кога специјално се прави договор со некоја ѕвезда. Но, доколку бизнисот со некој од претходните маркетинг средства како квалитет, потрошувачот во центарот на внимание итн. успее да привлече внимание на некоја ѕвезда секако дека ќе доведе до огромен успех.

post

Транспортна Берза – Нов Портал во Македонија

Од 30.09.2009 година започна со работа новиот портал наречен транспортна берза. Транспортна берза е место каде транспортерите – оние кои нудат транспорт и фирмите кои имаат потреба од транспорт може да се најдат и да ги задоволат своите потреби. Адресата на порталот е www.transport.com.mk.
Како што е наведено на самиот портал transport.com.mk претставува:

веб-базиран систем за администрирање со понуда и побарувачка на товар и возила како за Македонија така и за цела Европа. Преку овој систем се разменуваат податоци помеѓу фирмите: транспортери, шпедитери, трговци, производители …

http://pretpriemac.com/myPictures/Transportna-Berza.png

Она што е најважно услугите на овој портал се бесплатни. За да објавите потреба за превоз на товар или пак за да објавите слободни возила или пак да добиете некоја информација за онаа што се наоѓа како понуда или пак побарувачка на пазарот на транспортот потребно е само да се регистрирате.
Еве и некои предности кои се наведени на порталот за фирмите кои нудат товар за транспорт (трговци, производители, шпедитери…):

  • Бесплатна регистрација !
  • Заштедете време и пари (намалете ги трошоците) !
  • Бесплатно објавување на товар за кој ви е потребен транспорт !
  • Можност за брзо добивање на понуди за превоз од различни транспортери !
  • Избор на вистинскиот транспортер по најповолна цена !
  • Економичност во работењето (без дополнително трошење на време и водење на скапи телефонски разговори) !
  • . . .

А предности за транспортерите се:

  • Бесплатна регистрација !
  • Оптимално искористување на транспортните средства !
  • Можност за објавување на транспортните капацитети за кој ви е потребен товар !
  • Можност да го намалат бројот на празни тури. Не дозволувајте вашите транспортни средства да се движат празни.
post

50 Совети за да бидете Успешен Претприемач

Започнување и менаџирање на успешен бизнис не е едноставна задача. Постојат премногу потешкотии за еден претприемач. Во моето практично искуство, направив премногу грешки. Со овој напис сакам да споделам 50 различни совети кои ги извлеков од моето искуство како практично така и на научно ниво.

http://entrepreneurshipinabox.com/wp-content/uploads/50Advices.png
Ова се 50-те совети кои би ги споделил и кои ми паднаа на ум кога го разработував овој напис:

  1. Размисли повќепати пред да го започнеш бизнисот.
  2. Користи книга со бизнис идеи за да ја забележиш секоја бизнис идеја која ќе светне во твојот мозок.
  3. Не размислувај за квалитетот на бизнис идеите до кои ќе дојдеш само забележи ги во книгата со бизнис идеи. Ќе ги анализираш подоцна.
  4. Бидни колку што може покреативен за твоите бизнис идеи.
  5. Размислувај за уникатноста на бизнис идејата.
  6. Пронајди го вистинскиот пазар и дознај што сака тој пазар.
  7. Избери добро бизнис име.
  8. Направи добро лого.
  9. Потроши одредено време за подготовка на бизнис план. Но, не претерувај. Многумина научно ќе те учат за добар бизнис план во вид планирај го бизнис планот (вообичаено од луѓе кои никогаш не започнале бизнис). Ова може да те вовлече да останеш засекогаш во фазата на сонување.
  10. Потроши одредено време за да ја провериш актуелната сoстојба со она што си го испланирал во бизнис планот.
  11. Започни со градење на листа од самиот почеток.
  12. Користи вмрежување пред и по започнување на бизнисот.
  13. Користи ги социјалните медиуми. Имаат преголема моќ.
  14. Започни со градење на односи со други луѓе од индустријата и надвор од неа.
  15. Никогаш не запирај со подобрување на личните вештини.
  16. Учи, учи и само учи.
  17. Пронајди го вистинскиот начин во балансирање на бизнис животот со семејниот живот.
  18. Најмувај најдобри вработени, не членови на семејството.
  19. Побарај помош кога имаш потреба од помош.
  20. Бидни трпелив, успешноста не е нешто што доаѓа преку ноќ.
  21. Секогаш размислувај за подобрување на продажната инка.
  22. Започни со делегирање на неважни активности на твоите вработени.
  23. Гледај во промените како нешто нормално и нешто што никогаш не запира.
  24. Не се противи на промените.
  25. Користи ги сугестиите на вработените за можните подобрувања.
  26. Секогаш барај да го дознаеш она што твоите потрошувачи го сакаат.
  27. Продавај придобивки за твоите потрошувачи, не производ и услуга.
  28. Не се плшаи од грешките, туку учи од истите.
  29. Преземај ризик. Претприемачите се преземачи на ризик и калкулатори на ризик.
  30. Никогаш не запирај со маркетинг за твојот бизнис.
  31. Промовирај го бизнисот иако и на места кои не се за промоција.
  32. Зборувај со луѓето и сподели ги твоите идеи.
  33. Користи блог за промоција на бизнисот.
  34. Барај препораки и претходни искуства за твојот бизнис од страна на твои потрошувачи и искористи ги за промотивни активности.
  35. Не ги гледај твоите конкуренти како твои непријатели. Учи од нив и користи ги нивните грешки.
  36. Немој никогаш да конкурираш само на цената. Тоа е лоша стратегија.
  37. Пробај да тестираш било што пред да го започнеш.
  38. Не троши ги бизнис парите на бизнис зделки кои не знаеш да ги спроведеш.
  39. Пробај да го зголемиш профитот од секоја продажба.
  40. Користи различни продажни стратегии.
  41. Автоматизирај се што може да се автоматизира.
  42. Користи го твоето време на најефективен можен начин.
  43. Бидни ефективен и ефикасен во исто време.
  44. Направи го твојот бизнис да биде ефикасен и ефективен.
  45. Секогаш анализирај ги работите околу и во твојот бизнис.
  46. Мери ги најважните показатели.
  47. Размислувај и континуирано подобрувај ја твојата репутација и имиџ на бизнисот.
  48. Секогаш размислувај за штедење на пари и кратење на непотребни трошоци. Ќе имаш потреба од пари за „лоши денови“.
  49. Биди подготвен за „лоши денови“ како да ќе дојдат утре, а работи како никогаш дека ќе нема да дојдат.
  50. Размислувај постојано за иднината и позицијата на твојот бизнис во таа иднина.

Доколку имате искуство со нешто за кое би дале совет за претприемачите слободно поделете го Вашето мислење преку оставање на коментар подолу.

post

Маркетинг Средства 23 – Понуда од Аспект на Потрошувачите

Бизнис понудата мора да се базира на потрошувачите и пазарот, не на желбите на претприемачот. Ние можеме да сакаме било што, но тоа е различно од она што нашите тековни и потенцијални потрошувачи го сакаат. Поради тоа нашата понуда мора да биде базирана на желбата на нашите потрошувачи. Една важна работа е нашата понуда да ја содржи нашата супериорна вредност. Една од поголемите грешки на претприемачите и на бизнисите воопшто е да се фокусираат на нивните производи и услуги. Да, производите и услугите претставуваат дел од нашата понуда но не и наша севкупна понуда. Нашата севкупна понуда мора да содржи повеќе работи што всушност ќе претставува нашата супериорна вредност. Да видиме од кои компоненти е составена нашата севкупна понуда:

http://entrepreneurshipinabox.com/wp-content/uploads/Offer1.png
  • Производи и/или услуги. Првиот дел од нашата понуда се производите и услугите кои ги продаваме и производите и услугите кои ги даваме како бесплатни подароци или бонуси. Оваа е комбинација од две подкатегории. Првата се примарни производи и услуги кои ги продаваме и втората подкатегорија се секундарни производи и/или услуги како што се бесплатна испорака, гаранција, логистика, подршка итн. Се што е во директна врска со примарните производи кои бизнисот ги продава се во оваа подкатегорија.
  • Супериорна вредност. Ова е дополнителен дел на Вашата примарна понуда која ја прави разликата помеѓу Вашиот бизнис, производи и услуги од конкурентските бизниси, производи и услуги. Супериорната вредност е нешто што ќе ја подобри Вашата понуда во очите на Вашите тековни и потенцијални потрошувачи. Тие даваат пари за производите и услугите и сакаат и нормално е да сакаат да знаат која е вредноста на тие производи и услуги за нив.
  • Перспектива на потрошувачите. Последен дел се однесува директно на потрошувачите, или она што тие го сакаат. Им го кажуваме она што тие сакаат да го слушнат и да го знаат како што е вредноста што ќе ја добијат од нашите производи и услуги и проблемите кои што ќе ги решат со нашиот бизнис… Сите претходни компоненти мора да бидат базирани на оваа компонента бидејќи оваа компонента и најважната компонента на нашата понуда. Доколку понудата не е базирана на нивните потреби тогаш претходните две компоненти како производот и услугата и супериорната вредност нема да допре до нивниот купувачки интерес за нашиот бизнис.

Секој потрошувач ќе се запраша себеси 4 клучни прашања за производот или услугата од потрошувачка перспектива:

  • Што има тука за мене? За секој бизнис многу е важно што нивните потрошувачи сакаат или имаат потреба. Секој тековен или пак потенцијален потрошувач кога донесува одлука за купување си го поставува оваа прашање, и доколку пронајде нешто вредно или корисно во производот или услугата ќе донесе позитивна одлука. Вашата понуда мора да ги содржи најважните придобивки кои ќе ги добие потрошувачот кога ќе го купи Вашиот производ или услуга.
  • Кои придобивки ќе ги добијам во замена за парите? Ова е дополнително прашање кое пролетува низ главата на потрошувачот и е поврзано со парите кои ќе треба да ги потрошат за да ги почувствуваат придобивките од производот или услугата. Понудата треба да ја содржи вредноста во поглед на парите што тие ќе треба да ги потрошат.
  • Кои проблеми ќе ги решам? Ова прашање е поврзано со проблемите кои ќе ги решат со купување и користење на производот или услугата. Доколку проблемот е поголем, поголема ќе биде желбата за купување на тој производ кој го решава проблемот.
  • Дали мојот живот ќе биде подобар или поедноставен? Секој производ или услуга мора да има компонента на подобрување на животот на потрошувачот. Ова е едно од прашањата кои потрошувачот ќе се запраша при донесување на одлука за купување.

Размисли за сите 4 прашања, направи истражување на пазарот при што ќе ги добиеш некои од одговорите и вклучи ги во твојата понуда. Потоа. по подобрување на севкупната понуда Вие како претприемач ќе:

  • Имате секогаш одлична понуда за Вашите потрошувачи,
  • Познавате Вашите потрошувачи, и
  • Го развиете вашиот бизнис за иднината преку еден поглед од страна на потрошувачот.
post

ДОДАВАЊЕ НА ВИДЕО НА ВАШАТА ВЕБ СТРАНА – ВИДЕО – 8

Стигнавме до седмото видео од овој серијал на премиум видео материјали за беплатна презентација на Вашиот бизнис.

Досега го направивме следново:

  • Во првото видео регистриравме домеин име и бесплатен хостинг
  • Во второто видео инсталиравме WordPress платформа преку која ќе објавувате содржина на Вашата веб страна
  • Во третото видео изберавме и инсталиравме тема на WordPress која го смени оној дифолт изглед на нашата веб страна.
  • Во четвртото видео ја ажуриравме содржината на нашиот нов веб сајт.
  • Во петото видео видовме каде да најдеме и како да инсталираме додатоци кои ќе ја подобрат функционалноста на нашата веб страна.
  • Во шестото видео опфативме нешто за персонализација, односно промена на темата која сте ја избрале. Таму најдовте и користевте две бесплатни алатки за вршење на измените. Овие алатки ќе ги користите и понатаму.
  • Во седмото видео изработивме една статична веб страна. Ова значи дека не е систем за менаџирање на содржина туку веб страна со неколку страни за Вашиот бизнис. Исто така во тоа видео видовме како Word Press да се направи како статична веб страна и ќе симнеме една бесплатна алатка за едитирање.
  • Во оваа осмо видео ќе изработиме едно видео кое ќе го поставиме на веб страната и во Word Press и на статичната страна.

Кликнете на сликата и ќе ве одведе до видеото:

http://pretpriemac.com/myPictures/Video-8.png

Чекори кои ќе треба да ги спроведете:

  1. Да го симнете Cam Studio
  2. Да изработите видео
  3. Да го upload-ирате на YouTube
  4. да го поставите на Вашата страна
post

ИЗБЕГНУВАЊЕ НА КРАТЕЊЕ НА ТРОШОЦИ ЗА МАРКЕТИНГ ВО РЕЦЕСИЈА

Една од првите активности на менаџерите и претприемачите во услови на рецесија е дhttp://pretpriemac.com/wp-content/Marketing.pngа започнат со кратење на маркетинг трошоците на бизнисот. Во повеќето бизниси кога ќе се погледнат трошоците како една поголема ставка изгледаат маркетинг трошоците. Во време на рецесија кога продажбата и развојот на бизнисот се успорени се бараат начини да се скратат трошоците. Понекогаш оваа кратење може да доведе и до влошување на меѓучовечки односи и затоа вообичаено менаџерите бараат начин да не се случи некој оддел или некоја моќна група во бизнисот се почувствува како губитник. Во таков случај едно од најдобрите решенија е да никој не биде губитник туку бизнисот. Сепак бизнисот го водат луѓе. Па, маркетингот е најповолен за кратење на трошоците.
Наидов на едно интересно истражување спроведено од Jenny Darroch, експерт за маркетинг стратегии на факултетот Drucker School of Management на Claremont Graduate University под наслов Avoid the Temptation to Cut Marketing Budgets to Balance the Books.
Зошто маркетинг буџетот се крати?
Jenny Darroch вели:

Сите разбираме дека маркетинг трошоците не се директно поврзани со моментално производство на аутпутот (резултати). Ова значи дека маркетинг буџетот е меѓу први кој реба да биде скратен кога менаџерите се обидуваат да најдат начин да ги намалт трошоците за да ја задржат довербата на акционерите и да продолжат да со безбедно пловење… Размислувањето е дека кога рецесијата ќе заврши ќе можат да се вратат на претходното ниво на маркетинг трошоци. Размислувањето е дека може да се продолжи од таму каде што е застанато без да се наштети на брендот.

Jenny Darroch извршила едно мало истражување за перформансите на бизнисите во претходната рецесија во 1980-тите години. Таа извршила мерење на перформансите на бизнисите една година пред рецесија, ги мерела маркетинг трошоците пред рецесијата и перформансите на бизнисите една година и 5 години по рецесијата. Откритието го коментира:

Открив дека бизнисите кои трошат повеќе во текот на рецесијата уживаат повисока пазарна вредност пет години по завршување на рецесијата. За мене оваа претставува јасен доказ за долгорочните ефекти на маркетинг трошоците.

Во текот на рецесијата вообичаено се користат краткорочни маркетинг средства вовид на попусти и купони. Кои може да дадат брзи резутати. Но, градење на долгорочна вредност на брендот се избегнува. Оваа истражување навистина ни кажува како не треба да се однесуваме во текот на рецесијата.
Кога навистина ќе погледна во изминативе 15 години се чини дека ние нон-стоп сме во некоја рецесија. А кога ќе погледнам како малите бизниси се справуваат во време на рецесија навистина гледам само краткорочни маркетинг напори.
Едно клучно правило е дека производството или продажбата, маркетингот и сметководството никогаш не можат да се мирисаат. Ова е поради фактот што маркетингот што ќе зацрта производството и продажбата не можат да остварат. Што сметководството гледа како трошок останатите гледаат како развој. Но, затоа е тука добар менаџмент. Кој треба да гледа непристрасно и да пресече онака не како е најдобро за поединци туку како е најдобро долгорочно гледано за бизнисот во целина.
Втората работа е трпеливоста. Секој вложен денар во маркетингот не се враќа во вид на 3 денари денес или утре. Туку се враќа во вид на 3 денари по една, две или пак три години. Ова сметководителот не може да го види бидејќи книгите се однесуваат за денешното трошење на парите, а денес од вложеното не се враќаат.

post

ЕДНОШАЛТЕРСКИ СИСТЕМ ЗА ДОЗВОЛИ ЗА УВОЗ, ИЗВОЗ, ТРАНЗИТ И ТАРИФНИ КВОТИ

Како што веќе наведов ќе гледам што попрактични информации и блог написи да објавувам на претприемач. Инспирацијата за овој напис е една алатка која навистина го олеснува животот на увозниците и извозниците а многу малку врева се крена за неа иако веќе функционира одредено време. Првин знам дека голем труд беше вложен од страна на царинската управа на Република Македонија за да се спроведе еден ваков проект. Луѓето што работеа на проектот остануваат до доцните вечерни часови за да профункционира системот. Проверив дека само една веб страна има линк до овој сервис за едношалтерски систем и тоа само официјалната страна на царинска управа. Затоа си зедов за право да напишам нешто за овој сервис.
Првин нешто за историја. Едно време сите увозници и извозници мораа да одат од една институција до друга за да соберат еден куп на докоменти за непречено работење во надворешно-трговскиот промет. Да не споменувам моето искуство какво беше кога 4 години работев како виш цариник и виш цариник контролор кога еден куп на увозници или пак извозници со пристигнат камион за царинење не ни знаеа дека им треба некое документче за да нормално си ја завршат работата. Што се губи:

  1. Време. Камионот со производите за увоз или извоз стојат на царински терминал. А, времето е пари.
  2. Клиенти. Ако е за извоз производите ќе доцнат. Никој не сака да доцни нешто што е договорено. Зборовите на основачот на Toyota кога поминувал низ погонот биле Just-In-Time, Just-In-Time. А, знаеме што претставува Toyota денес. Aко е за увоз ќе доцни продажба за веќе платени производи или пак доколку се работи за репроматеријал ќе доцни производството.
  3. Пари. Се плаќа царински терминал за поминато време. Се плаќа транспортерот зошто превозното средство му е заробено. Се плаќаат пенали за доцнење.

Дали е сето ова потребно. Секако не! Овој сервис можете да го најдете на http://www.exim.gov.mk.

Што е Exim?

EXIM e електронски систем кој го користат 16 институции кои имаат надлежности во областа на надворешно-трговското работење.

Претприемачите треба и мора да го користат системот за:

  • Добивање на информации. Можете да пребарувате тарифни ознаки. Тарифна ознака е нешто што ја кажува царинската стапка и износ на ДДВ како и потребата од некои дозволи согласно формите на увоз и на извоз пропишани со Уредба. Можете едноставно доколку го знеате производот кој треба да го извезете или увезете да се информирате за потребна дозвола и кое министерство ја издава. Можете да се информирате за тоа кои тарифни квоти и од кои земји се достапни за распределба. Квоти претставуваат ослободување од царински давачки согласно одредени договори за слободна трговија.
  • Електронско поднесување на барања. Ова се барањата за дозволи за увоз, извоз и транзит од страна на бизнисите, како и електронско издавање на дозволите од страна на надлежните институции. Значи електронски од Вашата канцеларија можете да аплицирате за дозволи распределба на квоти и електронски да ја добиете.

Предностите кои претприемачите можат да ги добијат се наведени на самата страна:

  • Достапност на услугата 24 часа, 7 дена во неделата
  • Заштеда на време и трошоци за компаниите поради електронското поднесување на барањата
  • Зголемување на ефикасноста на процесот за издавање на дозволите
  • Стандардизирани и хармонизирани податоци во барањата кои во иднина ќе овозможат посеопфатна размена на податоците
  • Електронско следење на искористеноста на дозволите
  • Електронско поднесување на барања и транспарентна електронска распределба на тарифните квоти

Јас би додал и дека ќе се избегне корупција да некој надлежен инспектор ви го одолговлекува издавањето на документот. Системот бележи се и нема играчки.
Мој совет е сите претприемачи кои се занимаваат со увоз и извоз да ги корстат услугите на овој сервис бидејќи истите се за претприемачите.
Пред било која зделка проверете дали ви треба некоја дозвола:


Пред да нарачате производи на квота проверете дали има преостаната количина:


Пополнете барање и аплицирајте за потребните документи.

post

Бизнис идеи – 3 Генератори

На претприемач пред повеќе месеци објавивме напис за еден генератор на бизнис идеи. Всушност тоа се онлајн алатки кои можат да помогнат во зголемување на креативноста при генерирање на бизнис идеи кога сте во фаза на започнување на бизнис или пак сакате да го проширите постоечкиот бизнис со нов. Извршив едно истражување и пронајдов уште некои такви алатки – помагала за зголемување на креативноста при генерирање на бизнис идеи.

  • Генератор на бизнис идеи на Тhe Director’s Bureau. Ова е алатката која веќе ја споменав. Од три категории на зборови по случаен избор креира сложенки кои може да претатавуваат извор на креативност за добра бизнис идеја.
  • Генератор на имиња на проекти online-generator. Овој генератор генерира по случаен избор креативни имиња на проекти. Целта на овој генератор е да изработи креативни имиња на проекти кои се инспиративни. Може да се извлечат интересни бизнис идеи. Има над 5 милиони случајни имиња на проекти. На оваа страна можете да најдете уште неколку онлајн генератори како генератор на бизнис име, на производ …
  • Генератор на бизнис идеја на randomzoo. Ова е уште еден генератор кој со еден клик генерира различни бизнис идеи. Има навистина забавни, па дури и смешни бизнис идеи како на пример, производи за ослабнување на свињи.

Ова се само алатки кои би ја зголемиле креативноста и не значи дека веднаш може да се применат тие идеи во започнување на нов бизнис. Прв чекор во започнување на секој бизнис е зголемување на креативноста заради генерирање на колку што можеме повеќе бизнис идеи. Можете да прочитате за 6 совети за зголемување на креативноста за добра бизнис идеја.
Ќе продолжиме со серијалот за бизнис идеи на претприемач. Следува:

  • Online места како извор на бизнис идеи
  • Ofline места како извор на бизнис идеи