post

Некои причини за пад во растот

Добро е кога се започнува, можеби ризично, но претприемачот е тој кој носи одлуки, презема акции, избира насоки, се прилагодува…

Тоа е претприемачот. Од него зависи се, и пропаѓање и успех, и раст и пад… Но, проблемите не се решени. Првиот знак на раст, но и првите успеси и првите поголеми договори ќе бараат нови сили, нови вработени, нови процеси, нови правила на игра…

Во претприемачки успех може да доведе до претприемачка ноќна мора опишавме една ваква ситуација:

Кога компанијата расте, атмосферата се менува, се внесуваат менаџерски нивоа, почнува да се оформува пирамидално-хиерархиска структура, на што еден претприемач некогаш гледа со незадоволство.

Кога бизнисот расте, се менуваат вештините кои му се потребни на претприемачот.

Во првите години главно се потребни технички вештини, но и познавањето на финансиите. Кога фирмата расте, потребни се следните знаења: менаџерски, мотивирачки, (рако)водни.

Кога фирмата ќе порасне, претприемачот “ја губи подлогата под нозете” и чувствува дека бизнисот веќе не зависи од него и само од него, како и дека бизнисот го водат менаџерите.

Ова се вистински проблеми. Но, и чќести промени во секојдневието.

Зошто е тоа така?

Тука ќе се обидам да ги нафрлам само две причини зошто се појавува таков проблем.

  • Салб дизајн на бизнисот. Секој бизнис се дизајнира. Инженерите дизајнираат производи кои ќе го сменат светот. Претприемачот дизајнира бизнис кој ќе го смени светот. Кој претприемач има изработено дизајн на сопствен бизнис кој го започнал? Не верувам дека постојат многу. Тој дизајн мора да биде прилагоден на два вида на цели: на претприемачот и на купувачите. Оваа недела ќе биде објавен вебинарот за дизајнирање на бизнис на премиум претприемач..
  • Недостаток на системи. Дизајнот претставува проблем самиот по себе. Но, дизајн кој не предвидел дека ќе бидат потребни системи и не вклучил раст и развој врз основа на системите во бизнисот ќе предизвика голем проблем при првите знаци на раст. Бизнисот мора да се базира на системи, не на претприемачот, барем доколку сакаме да изградиме силен бизнис. Но, доколку градиме занимација за преживување, не ни требаат системи.

Затоа и изготвивме еден чекор по чекор систем кој едноставно може да се следи за избор на најважните системи кои ти требаат, но и за тоа како да се подготват, документираат и имплементираат во бизнисот.

post

Водич за поставување на бизнис цели

Поставување на бизнис цели Како еден претприемач сигурно имаш јасна визија за тоа што сакаш да постигнеш на деловен план. Веројатно имаш цели бидејќи знаеш што сакаш да постигнеш.

Но, проблемот не е во поставување на бизнис цели. Тој повеќе е во самиот процес на поставување на цели кои може да се постигнат и кои ќе бидат високо обврзувачки како за тебе така и за целиот твој тим.

Овој пост ќе биде како водич кој би те водел низ процесот за поставување на деловни цели, кои ќе бидат постигнати на крајот од периодот за кој се однесуваат.

Наједноставен начин за поставување на твоите цели е да започнеш со одговор на прашањето за тоа каде сакаш твојот бизнис да биде по одреден временски период и да го дефинираш патот за тоа како да стигнеш таму. Постојат повеќе насоки кои ќе ти помогнат да го однесеш бизнисот во посакуваната идна позиција, но тебе ти требаат вистинските насоки кои ќе ти помогнат да бидеш таму со оптимални напори и во најбрзо можно време.

#1 Започни со потребите за твојот бизнис

Прво првите работи. Ти треба јасна визија за тоа каде сакаш твојот бизнис да биде во иднината. Доколку не го знаеш одговорот не можеш да започнеш со поставување на цели за твојот бизнис.

Што ти треба? Што твојот бизнис има потреба за да постигне во иднина? Што сакаш?

Како што забележуваш во оваа ниво на поставување на бизнис цели ги користиш зборовите треба, сака, посакува, желба…

На пример, речениците би биле:

  • Треба да направам 200.000,00 денари профит.
  • Сакам да направам 200.000,00 денари профит.
  • Посакувам да направам 200.000,00 денари профит.

Твоите потреби, посакувања, ќелби ќе креираат јасна визија каде сакаш да бидеш во иднина.

#2 Трансформација на потребите во акциони елементи

Доколку погледнеш во речениците од претходниот чекор ќе забележиш дека тие не се акционо ориентирани, тие се само желби или твои соништа. Твоите цели мора да бидат акциони колку што може повеќе.

Потреби, желби, или посакувања може да бидат корисни, но тие се облигаторни само за тебе како еден претприемач за да ги оствариш. Многу е подобро да користиш изјава како ќе направам 200.000,00 денари профит. Така ќе бидеш многу повеќе поттикнат да работиш за остварување на таа цел.

#3 Направи колку што можеш помала листа

Може да имаш голема листа на твои соништа трансформирани во акциони елементи. Но, ти немаш потенцијал за постигнување на сите нив во ист временски период. Мора да одлучиш што ќе биде најприоритетно на таа листа.

Избери помеѓу 5 до 10 реченици како добра основа за твоите бизнис цели.

#4 Направи ја листата SMART

Твоите цели мора да бидат SMART цели.

  • Специфични. Целите мора да бидат колку што може повеќе специфични. Запрашај се себеси дали целите се специфични. На пример, ти треба специфична цел која ќе каже ќе направам профит од 200.000,000 денари наместо цел која ќе каже ќе направам профит без колку ќе изнесува тој профит.
  • Мерливи. Мора да бидат мерливи бидејќи само така ќе можеш да го мериш прогресот и го прилагодуваш она што го правиш за нивно остварување.
  • Остварливи. Целите мора да бидат нешто навистина остварливо. На пример, можеш ли да оствариш 200.000 денари профит? Доколку сметаш дека не можеш или претставува навистина нереално да се оствари, подобро смени ја целта.
  • Реални. Дали целите се реални? Сакаш да ја оствариш целта за остварување на профит од 200.000 денари, но дали ти и твојот бизнис сте подготвени за една таква цел? Дали бизнисот е на доволно голем пазар за да оствари таква цел?
  • Временски ограничени. Дали целите се временски ограничени? Доколку не ги направиш целите временски ограничени, едноставно ќе немаш ни цели. Нешто без ограничување кога треба да биде постигнато не може да биде цел. На пример, целта ќе биде нешто како следнава реченица: Ќе направам 200.000 денари профит во следните 12 месеци.

#5 Не заборавај на емоционални конекции

Еден од најголемите проблеми со целите дури да бидат SMART цели е недостаток на емоционални конекции помеѓу тебе – претприемачот и твоите цели. Може да ги имаш најдобрите цели, и тие може да бидат SMART цели, но тие се за иднината. Ги поставуваш денес и ќе ги користиш утре. Но, утрешницата може да донесе други можности или пак други активности кои ќе те оттргнат од твоите иницијални цели.

Откако ќе ги подготвиш целите до оваа ниво ќе треба да додадеш едно затоа што веднаш по нив. На пример, ќе направам 200.000 денари профит затоа што… Адговори ги следниве прашања за бреинстормирање на можни завршетоци на речениците за цели на твојот бизнис:

  • Зошто ќе ја оствариш таа цел?
  • Што ќе добиеш?
  • Што твоите купувачи ќе добијат од постигнување на таа цел?

#6 Напиши ги целите

Сега кога веќе ги имаш дефинирано твоите цели мора да ги направиш видливи, односно да седнеш и да ги напишеш на хартија. Целта на пишување на целите на хартија е да се зголеми твоето обврзување за остварување на само што дефинираните цели.

#7 Јавно покажи ја твојата листа на цели

Мора јавно да ги комуницираш твоите само што дефинирани цели доколку сакаш да го зголемиш обврзувањето и одговорноста за тебе како еден претприемач. Ти си одговорен за остварување на целите.

Разговарај за нив со твоите вработени, потрошувачи или деловни партнери. Доколку кажеш нешто за твоите цели со важни личности за твојот бизнис, ќе бидеш повеќе обврзан за остварување.

post

Претприемачкиот успех може да доведе до претприемачка ноќна мора

Претприемачка ноќна мора

Претприемачка ноќна мора

Има ли претприемач кој не сака успех? Не верувам. Толку многу креативност, напор и вложен труд за да се доведе бизнисот до пиедесталот кој може да се нарече успешност. Но, за несреќа проблемите допрва може да започнат за еден претприемач.

Секој претприемач посакува и се бори за да постигне успех во работата која ја отпочнал. Но, секој успех не носи нужно и комплетно задоволство. Во секој случај се е од корен изменето и претприемачот се сретнува со драматично изменета состојба, како на работното место така и во својот приватен живот. Ништо не е како што било порано.

Започнувањето и раната фаза од бизнисот се највозбудливи, при што е потребна идеја, креативност и визија. Предизвикот е голем, дури и ако се купи веќе разработен бизнис. Кога работата ќе тргне, предизвикот се губи, бидејќи многу работи се стандардизираат, се воведуваат системи на кои бизнисот мора да се потпира за да продолжи да функционира. Некои претприемачи обидувајќи се да си го задржат предизвикот во работата започнуваат нов бизнис за да се оствари нов предизвик, а старата фирма или ја продаваат или поставуваат менаџер, кој понатаму ќе раководи со работењето на претпријатието. Кога фирмата е мала, постои семејна атмосфера. Претприемачот ги знае вработените, работи директно со нив, одблиску ги менаџира и директно е вклучен во работата. Излегува на забави со нив. Постои една врска која во тој дел од животот претставува нераскинлива спрега.

Кога компанијата расте, атмосферата се менува, се внесуваат менаџерски нивоа, почнува да се оформува пирамидално-хиерархиска структура, на што еден претприемач некогаш гледа со незадоволство.

Кога бизнисот расте, се менуваат вештините кои му се потребни на претприемачот.

Во првите години главно се потребни технички вештини, но и познавањето на финансиите. Кога фирмата расте, потребни се следните знаења: менаџерски, мотивирачки, (рако)водни.

Кога фирмата ќе порасне, претприемачот “ја губи подлогата под нозете” и чувствува дека бизнисот веќе не зависи од него и само од него, како и дека бизнисот го водат менаџерите.

Доколку сака да има бизнис до одредено ниво, за да се посвети и на други обврски (деца, семејство, пријатели, спорт, одржување на здравје), а бизнисот несразмерно порасне, тоа доведува до конфликт со претходно зацртаните лични цели, бидејќи се јавува растргнатост помеѓу двете обврски, што предизвикува незадоволство кај претприемачот.

Сепак, успехот не е препорачливо да се отфрли и занемари. Потребно е незадоволствата да се канализираат, како и да се побараат решенија за да се намалат незадоволствата (доколку е потребно да се консултира со експерти, искусни менаџери и други стручни лица, зависно од тоа што за претприемачот претставува проблем и што му предизвикува вознемиреност и незадоволство).

Нека се постигне успехот, а ваквите незадоволства може да се средат, но добро е да се знаат.

post

Менаџмент – Најдоброто од 2011 година

Претприемач новогодишно 2012

Претприемач новогодишно 2012

Категоријата менаџмент на претприемач веќе содржи околу 230 наслови од кои дури половината или 115 се од оваа година. Се чини дека доста поголем акцент ставивме токму на менаџментот.

Значи имаме бизнис идеја, правиме план, започнуваме со бизнисот, се грижиме да дознаат колку што може повеќе луѓе како би станале купувачи. Потоа доаѓа првиот раст, ширење на бизнисот, потреба од системи, управување… Тука веќе доаѓа на сцената менаџментот.

Да ги издвоиме најдобрите постови од оваа гупа од 115 постови во категоријата менаџмент за оваа година.

  1. Подобрување – последица на грешки. Секоја грешка може да се гледа како основа за подобрување.
  2. Концепт на еж. Ежот знае само еден трик, кој постојано го применува и во најголем број на случаи успева. Наместо да користи или да пробува различни стратегии тој ја користи онаа за која е специјализиран и секако која најдобро ја знае.
  3. Дали структурата е во тек со времето? Структурите се тука во бизнисот и си имаат своја цел. Но, истите мора да бидат во тек со времето во кое функционира бизнисот. Застарени структури претставуваат опасност.
  4. Однесување на менаџерите кон вработените. Начинот на однесување на менаџерите кон вработените има големо влијание во севкупното работење на организацискиот систем. Какви односи може да имаат менаџерите кон вработените?
  5. Развој на вашата стратегија во 4 чекори. Во постот е даден еден едноставн пристап за развој на стратегија во вашиот бизнис.
  6. Работни задачи на менаџерите. Ова е еден серијал на постови кои се однесуваат на менаџерите и нивните работни задачи.
  7. Дали носите добри одлуки? Дали вашите одлуки се добри? Во постот се дадени прашања кои што ќе ви помогнат да видите дали сте добар „одлучувач“, односно дали носите добри одлуки и да ја увидите можноста од ваше лично подобрување.
  8. Стилови на менаџментот. Постот ги презентира 6 најчесто користени стилови во менаџментот.
  9. Знаења и вештини распределени низ менџерски нивоа. Презентиран е еден преглед на знаењата и вештините како и нивната распределба низ менаџерските нивоа.
  10. Истражување: Главни извори на промени во компании. Резултати од едно истражување спроведено од EIU (Economist Intelligence Unit) спонзорирано од Celerant Consulting спроведено во ноември 2010 година преку анкетирање на 288 менаџери од Северна Америка, Западна Европа и Латинска Америка.
  11. 24 Совети за менаџирање на времето. Сите го имаме истото време на располагање. Успешните стигнуваат да го искористат, но некои не успеваат. Разликата е во ефикасно користење на времето кое го поседуваме.
  12. 8 стапици за продуктивноста. Во овој пост опфатени се 8 стапици кои може да се јават како непријатели на вашата продуктивност доколку не се менаџираат на вистинскиот начин.
  13. Ефективно и ефикасно користење на времето. Постот опишува фрустрирачко работно време и чекори кои би можеле да ги преземете за да избегнете една таква состојба.
  14. Делегирање за зголемување на продуктивноста. Успешен менаџер делегира и знае како, кога и на кого треба да делегира дел од работните активности.
  15. Видови на моќ во компаниите. Лидерот со своите: способности, углед, авторитет, популарност, може многу да постигне кај вработените, но мора во одредени случаи да поседува и користи моќ, за да биде во состојба да ги реализира задачите.
  16. Добар менаџер – постои ли такво нешто? Кои се некои од најдобрите особини кои треба да ги поседува еден менаџер? Во овој пост се дадени некои од нив и секако доколку сакате да ги погледнете преку една видео презентација можете да го погледнете и видеото.
  17. 10 книги за менаџмент кои мора да се прочитаат. Еден начин за да ја зголемиш твојата бизнис потенцијална енергија во твоите менаџерски вештини е да најдеш, прочиташ и научиш од различни книги за темата. Во постот е дадена листа од најважните книги за кои јас сметам дека ти како еден претприемач мора да ги прочиташ доколку сакаш да ја менаџираш твојата компанија кон успехот.
  18. 30 цитати за одложување. Дали си се нашол во ситуација да одложиш некоја твоја важна активност? Во постот се дадени 30 цитати кои се однесуваат на оваа зло за еден претприемач.
  19. Претприемнички стратегии. Ова е еден серијал од постови кои содржат претприемнички стратегии.

 

post

[Цитат] Немање на цели

Цитати кои вреди да се потенцираат

Цитати кои вреди да се потенцираат

Проблемот со немање на цел е дека може да ти помине животот во трчкање нагоре-надолу низ теренот, но секогаш остануваш без погодок.

~ Bill Copeland

Како помош во поставување на цели:

post

Систематизација на твојот бизнис

Кога зборувам за систематизација не мислам на подготовка на “систематизација” како организациска структура и документ кој ги опишува работните места и работните задачи на твојот бизнис иако и ова е дел од процесот како што ќе видите низ вебинарот. Во овој вебинар станува збор за систематизација како еден процес на градење на системи во твојот бизнис, на кои се останато ќе се потпира.

Ти си претприемач и веднаш по завршување на стартап фазата доаѓаш во позиција во која системите ќе ти бидат попотребни од било кога досега.

Постојат многу практики кои покажуваат дека и тој мал број кога ќе ја преживее стартап фазата и кога започнува одреден видлив раст на бизнисот да се случи да пропаднат. Зошто?

Затоа што во следните фази бизнисот не може да се потпира само на тебе, претприемачот или пак на истите принципи на кои го обезбедил успехот во стартап фазата.

Потребни се сосема нови принципи. Она што функционирало во стартап фазата, нема и не може да функционира во следните фази.

Во третиот вебинар на премиум претприемач стана збор за темата од теорија на системи и практична креација и користење на системите во твојот бизнис. Многу е важно твојот бизнис да се потпира на квалитетно изградени системи, отколку само на тебе – претприемачот.

Тука одговараме на следниве прашања:

  • Што се тоа системи и каква врска имаат со твојот бизнис?
  • Какво е влијанието на системите врз твојот бизнис?
  • Од каде да почнеш си креирање на системи за твојот бизнис?
  • Чекор по чекор систем за креирање на системи во твојот бизнис.
  • Акции кои треба да ги преземете.

Овој вебинар во времетраење од 55 минути е само вовед во она што следува во делот на вебинари, бидејќи уште оваа недела го подготвуваме вебинарот за градење на твојот бизнис блупринт, за во почетокот на новата 2012 година да преминеме со моделирање на твојот бизнис. Во еден таков случај ке имате применето еден системски пристап на градење на бизнисот, со што ќе можеме да одиме со примена на една теорија насловена како теорија на ограничувањата која ќе помогне едноставно да се надминат сите пречки во однос на напредување на бизнисот.

Првите 10 минути од овој вебинар можете да ги погледате во видеото подолу.

post

30 Цитати за одложувањето

Цитати Одложувањето претставува голема опасност за малите бизниси и претприемачите, нормално.

Тоа те турка наназад, те запира во напредокот, те враќа назад и те одржува во status quo ситуација во твојот бизнис. Одложувањето може да биде удобно денес, но многу опасно утре.

Неможеш да очекуваш иновации и подобрувања со постојани одложувања на одредени активности во твојот бизнис. Не можеш да очекуваш да ја победиш твојата конкуренција ако ги одложуваш клучните активности. Неможеш ни да очекуваш доверба од  твоите потрошувачи доколку одлагаш со испораката на вредност за нив.

Во претходниот пост, зборуваме за три типа на причини за одложување кои треба да се отстранат, ако сакаме да го надминеме одложувањето. Тука, сакам да групирам 30-тина цитати за одложување.

  1. Ако чекаш ветрот и времето да бидат како што треба, никогаш нема да засадиш нешто и никогаш не ќе жнееш нешто. ~ Библија
  2. Одложувањето е крадец на времето. ~ Edward Young
  3. Во текот на многу зафатен живот често ме прашуваат, “Како успеваш да го направиш сето тоа?” Одговорот е многу едноставен. Тоа е затоа што се што правам го правам веднаш. ~ Richard Tangue
  4. Наскоро не сега, станува никогаш. ~ Martin Luther
  5. Одложувањето е страв од успех. Луѓето одлагат, бидејќи се плашат од успех за кој ги знаат резултатите, доколку одат напред. Бидејќи успехот е тежок, носи одговорност со него, многу е полесно да се одлага и да се живее со “еден ден ќе” филозофијата. ~ Denis Waitley
  6. Сите работи доаѓаат до оние кои чекаат, но кога ќе дојдат тие веќе се застарени. ~ Непознат
  7. Одложувањето е како кредитна картичка, многу е забавно се додека не се добие сметка. ~ Christopher Parker
  8. Одложи за кратко време, доцнењата имаат опасен завршеток. ~ William Shakespeare
  9. Во задоцнување не се наоѓа многу нешто. ~ William Shakespeare
  10. Не одложувај го за утре она во што можеш да уживаш денес. ~ Josh Billings
  11. Никогаш не оставај за утре она што можеш да направиш денес. ~ Thomas Jefferson
  12. Ако го чекаме моментот кога се, апсолутно се е спремно, ние никогаш нема да почнеме. ~ Ivan Turgenev
  13. Одложувањето е уметност за задржување на вчера ~ Don Marquis
  14. Низ историјата, неактивноста на оние кои би можеле да имаат дејствија, рамнодушноста на оние кои требало да знаат подобро, молкот на гласот на правдата кога е важен за повеќето, овозможило злото да триумфира. ~ Haile Selassie
  15. Доцнењето е најкрвавата форма на негирање. ~ C. Northcote Parkinson
  16. Сите ние длабоко се жалиме на недостаток на време, а сепак имаме многу повеќе отколку што знаеме што да правиме со него. Нашите животи се или поминати во правење ништо, или се ништо не се прави за целите, или во не правење нешто што треба да се направи. Секогаш се жалиме дека нашите денови се кратки, и дејствуваме како да нема да има крај на нив. ~ Seneca
  17. Нема ништо толку фатално за карактер како половина завршена задача. ~ David Lloyd George
  18. Мојот зол гениј Одложување ми шепнува следи ја истата динамика до поудобна сезона. ~ Mary Todd Lincoln
  19. Ја знаш вистинската вредност на време; грабни, искористи, и уживај во секој момент од него. Не безделничи, без доцнења, без одложувања; никогаш не го одложувај за утре она што можеш да го направиш денес. ~ Earl of Chesterfield
  20. Одложувањето е мојот грев. Тоа ме носи ниикаде, во тага. Знам дека треба да го спречам тоа. Всушност, ќе го спречам – утре! ~ Gloria Pitzer
  21. Дали знаете што ќе се случи кога на одложувачот му дадете добра идеја? Ништо! ~ Donald Gardner
  22. Оној кој чека многу, малку може да очекува. ~ Gabriel Garcia Marquez
  23. Ако масата на луѓе се мисли да дејствува, штрајкува брзо и со смелост, храброто срце кое ја разбира и запленува можноста, може се. ~ Johann Wolfgang Von Goethe
  24. За работата која никогаш не почнала потребно е најдолго време за крај. ~ J.R.Tolkien
  25. Еден човек кој одложува во изборот неизбежно изборот ќе му биде направен врз база на околностите. ~ Hunter S. Thompson
  26. Најголемата количина на потрошено време е време да не се започне. ~ Dawson Trotman
  27. Ниту возраста или времето на живот, ниту место или околност имат монопол врз успехот. Било која возраст е вистинскато возраст за да почнете да дејствувате! ~ Ralph Gerard
  28. Одложувањето е природен убиец на можностите. ~ Victor Kiam
  29. Еден ден не е ден од седмицата. ~ Непознат
  30. Ќе задоцниш, но времето нема, а изгубеното време никогаш нема да го најдете повторно. ~ Benjamin Franklin
post

Етика, морал и одговорност при создавање на профит

Етика, морал и одговорност при создавање на профит. Постои ли нешто такво? Често пати во трка по профитот можеме да заборавиме кои сме, што сме, што сакаме, што не сакаме…

Можеме да заборавиме на основните вредности на кои сме започнале да го градиме бизнисот, тоа се основните столбови преку кои сме почнале да градиме и сме дошле во позиција да имаме хиерархија, структура, менаџмент, системи…

Дали сакаш да ти прават тебе нешто што не ти е пријатно?

Размисли малку, доколку си во една менаџерска позиција за еден просечен работен ден во твојата организациона единица за она што го правиш на твоите вработени. Излистај ги сите тие активности и за секоја од нив одговори на прашањето: Доколку јас сум во позиција на тој мој вработен, дали би сакал такво однесување?

Многу едноставно, веќе ќе имаш идеја барем во еден мал сегмент за твојот менаџерски стил кој го употребуваш.

Истото е и со колегите, партнерите и потрошувачите.

Како и во приватниот живот, така и во работењето неопходно е да се има одговорност, како кон себе, така и кон околината.

Постои потреба за запазување на етичкото однесување, односно, да не им го правиме на другите, она што не сакаме да ни го прават нам, т.е. да постои фер плеј во работењето.

Потребно е да се има одговорност, како кон вработените така и кон партнерите, дури и кон конкуренцијата, секаде треба да постои чесен однос.

Внимателно треба да се зборува, а изречениот збор треба да се почитува и исполнува.

На тој начин се стекнува доверба кај вработените, а менаџерот стекнува имиџ на човек кој го држи дадениот збор и на кого може да се потпреме во секоја ситуација.

Треба да се работи во интерес на компанијата, а не поради своите интереси да се доведе во прашање опстанокот на компанијата.

Од страна на вработените, потребно е да се зголеми одговорноста, моралот и лојалноста кон компанијата и кон поставените цели.

post

10 Книги за менаџмент кои мора да се прочитаат од секој претприемач

Работиш ли со луѓе во твојата компанија?

Менаџираш ли различни проекти во твојот бизнис?

Сакаш ли твојот бизнис да успее?

Доколку одговориш со да на овие прашања тогаш ќе ти бидат потребни менаџерски вештини. А, ќе ти требаат и лидерски вештини.

Еден начин за да ја зголемиш твојата бизнис потенцијална енергија во твоите менаџерски вештини е да најдеш, прочиташ и научиш од различни книги за темата. Тука сакам да споделам листа од најважните книги за кои јас сметам дека ти како еден претприемач мора да ги прочиташ доколку сакаш да ја менаџираш твојата компанија кон успехот.

Листата не е согласно некое рангирање по важност.

1. The Lean Startup

The Lean Startup The Lean Startup: How Today’s Entrepreneurs Use Continuous Innovation to Create Radically Successful Businesses претставува книга која навистина може да ја зголеми твојата бизнис потенцијална енергија преку имплементирање на lean принципи во твојот мал бизнис. Книгата ги користи основите на lean производство за да ти помогне во креирање на една навистина иновативна компанија преку континуирано учење, експериментирање и тестирање на твојата визија како еден претприемач.

2. Linchpin

Linchpin Linchpin – Are You Indispensable? Книга, која ќе го промени твоето размислување за се околу твојот бизнис. Книга која ќе ги отвори твоите очи за да гледаат на работите во твојот бизнис многу поразлично и во корелација со денешната реалност. Seth Godin зборува за тоа како менаџерските и лидерските стилови можат да те направат тебе, твоите партнери, твоите соработници и твоите вработени неопходни (indispensable). Оваа е книга која мора да се прочита од секој претприемач.

3. StrengthsFinder 2.0

StrengthsFinder 2.0 Знам дека ти како еден претприемач знаеш многу работи кои ги работиш. Но, знаеш ли што е она што го знаеш најдобро, нешто во што навистина си најдобар? Дали го работиш токму она што го знаеш најдобро и во што си најсилен? Дали си се нашол себеси во средување на твоите недостатоци или слабости, наместо да ги развиваш твоите силни страни? Strengths Finder 2.0 е книга која ќе ти помогне да ги пронајдеш твоите јаки страни, да ги развиеш и да започнеш да го градиш се останатото врз нив.

4. Good to Great

Good To Great Good to Great од Jim Collins е нешто што исто така мора да биде прочитано од секој претприемач. Никој не е совршен. Но, како твојот бизнис може да постигне трајна одличност од нешто што се нарекува добар бизнис, просечен бизнис или пак лош бизнис. Книгата ќе ти покаже зошто некои компании стануваат одлични компании додека останатите остануваат само добри.

5. Thinking Fast and Slow

Thinking Fast and Slow Thinking Fast and Slow од Daniel Kahneman се однесува на нашето размислување, или на нашиот мозок и начинот на кој го користиме при размислување. Книгата опишува два системи кои ги користиме во процесот на размислување: првиот е системот на брзо размислување кој се базира на интуиција и емоции, додека вториор е систем на споро размислување базиран на логиката. Важно е за тебе како еден претприемач да знаеш кога можеш, а кога не можеш да и веруваш на твојата интуиција.

6. The Tipping Point

The Tipping Point The Tipping Point: How Little Things Can Make a Big Difference од Malcolm Gladwell претставува книга за промени, кои можат да започнат од нешто навистина мало и да го промени целиот твој живот или целиот твој бизнис. Овој феномен авторот го нарекува како tipping point кој во целост е опишан во книгата. И оваа е едно задолжително четиво за претприемачите.

7. Start With Why

Start With Why Размисли за тоа колку пати како еден претприемач си дошол до идеи за подобрување на твојот бизнис едноставно преку одговор на едно прашање кое едноставно започнува со зошто, или пак целото прашање е само зошто. Во книгата Start With Why, Simon Sinek обезбедува една рамка околу идејата која тој ја нарекува “The Golden Circle”. Таа идеја може да ти помогне да изградиш одличен бизнис, и таа идеја започнува токму со тоа “зошто”.

8. The E-Myth Revisited

The E-Myth Revisited The E-Myth Revisited: Why Most Small Businesses Don’t Work and What to Do About It од Michael E. Gerber ќе те води низ процесот кој треба да го имплементираш доколку сакаш да успееш преку сите нивоа на животни циклуси на твојот бизнис. Друг важен аспект кој ќе го научиш преку читање на оваа книга е разликата помеѓу тоа да работиш на твојот бизнис и да работиш во твојот бизнис.

9. The Speed of Trust

The Speed Of Trust Како еден претприемач секогаш ќе бидеш во потрага по довербата околу тебе. Сакаш твоите потрошувачи да ти веруваат. Сакаш твоите вработени да ти веруваат. Сакаш твоите партнери да ти веруваат. Довербата е најважниот елемент за секој мал бизнис. Колку побргу ја изградиш, побргу твојот бизнис ќе стане успешен. The Speed of Trust: The One Thing That Changes Everything од Stephen M.R. Covey е книга која ќе те води низ процесот на креирање на силна доверба околу тебе и твојот бизнис.

10. Blue Ocean Strategy

Blue Ocean Strategy Blue Ocean Strategy: How to Create Uncontested Market Space and Make Competition Irrelevant е книга која може да ти даде многу идеи како да пристапиш на пазарот со нешто навистина различно, нешто што ќе креира нов пазар и нова потреба за твоите производи и услуги. Авторите оваа различно и ново го нарекуваат како “плав океан”, кој ти треба да го креираш на пазарот.

post

Бизнис одлуки

Како еден претприемач твојата работа во голем дел ќе биде да носиш одлуки за твојот бизнис. Не важно дали сакаш или не сакаш да носиш одлуки. Ќе мора да одлучуваш бидејќи сакаш да бидеш претприемач.

Што ќе направиш? Што треба да направиш? Кој ќе направи што? Како твојата компанија ќе продава? Како ќе ги понудиш твоите производи или услуги?

All of these and much more are everyday questions that you as an entrepreneur must answer, or make decisions about them.

Одлуките не се носат само заради тоа што треба да одлучиме за нешто. Ни требаат добри одлуки, или вистинските одлуки кои ќе ја зголемат бизнис потенцијалната енергија на компанијата.

Кои се најважните фактори за донесување на добри одлуки за нашата компанија?

Што точно значи една квалитетна претприемничка одлука?

Одговорите на овие две прашања се дадени во mindmap-от подолу.

 

Бизнис одлуки

Фактори на кои се базираат добрите бизнис одлуки

  • Ти треба знаење за предметот на одлуката доколку сакаш да ја донесеш вистинската одлука.
  • Твоето искуство во предметот на одлучување само ќе го подобри севкупниот процес. Нема да му наштети, а ти треба.
  • Твоите вештини се важен дел од целиот процес и донесување на најдобрата одлука.
  • Потребни ти се одредени информации врз база на кои ќе ја донесеш одлуката.
  • Понекогаш ќе ти треба и среќа.
  • Во ситуации кога недостасуваат информации, а ќе ги има многу, ќе треба да се базираш и на сопствениот инстикт.
  • Одлуките се базираат на логични заклучоци. Како на еден претприемач ти треба логично размислување.
  • Голем дел на процесот на донесување на одлуки се базира токму на анализи.

Квалитетни одлуки се одлуки кои:

  • се имплементирани,
  • ја водат твојата компанија кон успехот,
  • ја подобруваат твојата компанија и
  • ги решаваат вистинските проблеми.

Доколку донесеш одлука која нема да биде имплементирана, исто е како и да не си одлучил за тоа нешто. Не гу би време за донесување на одлуки кои нема да бидат имплементирани.

Зошто ги носиш одлуките? Бидејќи сакаш твојот бизнис да успее.

Секоја одлука е дел од процесот на решавање на проблеми. Секој процес на решавање на проблеми е дел од процес на подобрување.

Мора да ги приоритизираш одлуките. Првин, мора да бидат решени вистинските проблеми.