post

Иновативни можности – Ограничувања и предупредувања

Вредност Да продолжиме со серијалот за иновативните можности и нивни извори. Во првиот пост зборувавме за иновативни можности каде што прикажавме одредени извори на иновативни можности. Потоа во следните два поста зборувавме за видови на иновативни можности согласно Peter Drucker кои се однесуваат на неочекувани случувања и несовпаѓања.

Во овој пост од серијалов ќе зборуваме малку за некои некои ограничувања и предупредувања.

#1 Потребата мора да се разбере

Да, потребата мора да се разбере. Не е доволно таа да се почувствува. Во спротивно, не можат да се дефинираат спецификациите на бараното решение.

На пример, се знае дека математиката е проблематична за учење. Само мал дел од учениците намаат проблеми со нејзиното учење. Но, сепак можно е поголем број ученици да се оспособат за полагање испит. Јапонците тоа го прават со голема концентрација при изучување на предметот. Меѓутоа, по десетина години и тие покажуваат исти слабости во знаењето на математиката како и нивните западни колеги. Во секоја генерација постои некој генијален учител по математика, кој може да ги научи математика дури и помалку талентираните ученици. Но, ретко се случува друг да може тоа да го повтори. Значи, потребата на процесот е воочена, но уште не може да се разбере во што е проблемот и како да се реши.

#2 Мора да постојат потребни знаења

Понекогаш може дури и да се сфати процесот, односно неговата потреба, па сепак да се немаат потребните знаења за извршување на задачата.

Во производство на хартија постои потреба да се пронајде поекономичен начин. Многу луѓе работеле на тој проблем. Точно се знае што е потребно: неопходно е да се изврши полимеризација на целулозниот молекул. Тоа би требало да биде лесно, бидејќи тоа веќе е направено со слични молекули. Меѓутоа, уште нема доволно знаење за реализација на овој проект.

#3 Усогласеноста на решението со луѓето кои ќе го користат

Решението мора да одговара на начинот на кој луѓето ја работат и сакаат да ја работат својата работа. Доколку решението за задоволување на потребата во целост ги менува досегашните начини на работа, истото ќе биде тешко прифатливо.

На пример, доколку измислите некој специјален и сосема иновативен компјутер, кој ќе користи тастатура која не е QWERTY тастатура на која корисниците се навикнале и знаат да работат без да гледаат во неа. Целото решение ќе биде тешко прифатливо бидејќи ќе бара сосема ново искуство и нов начин на користење за кое ќе треба време за да се усвои. Во таков случај корисниците ќе одат по линија на помал отпор, користење на она што веќе го имаат, знаат и имаат искуство да го користат.

Така се ризикува едно иновативно решение да не биде прифатено.

Останатите постови од серијалот за иновативни можности можете да ги прочитате:

post

Извори на иновативни можности – Несовпаѓања

Кратенки во бизнис Ќе продолжиме со иновативните можности и нивни извори. Во претходниот пост зборувавме за видови на иновативни можности согласно Peter Drucker кои се однесуваат на неочекувани случувања.

Тука ќе продолжиме со други видови на иновативни можности согласно Peter Drucker, но за несовпаѓањата.

Несовпаѓањето е несогласување помеѓу она што е и она што би требало да биде. Несовпаѓањето е симптом на можност за иновација. Тоа навестува постоење на некоја грешка, а таква грешка е повик за иновација. Тоа предизвикува нестабилност, во која и мали напори можат да предизвикат големи промени и да донесат преструктуирање на економската и социјалната структура.

Несовпаѓањето обично не се манифестира во облик на извештаи или податоци на кои раководителите на компаниите ќе обрнат внимание. Тие се повеќе од квалитативен отколку од квантитативен карактер.

Како и неочекуваното случување, без разлика дали се работи за успех или промашување, несовпаѓањето се исто така симптом на промени кои веќе се случиле или на оние кои ќе направат нешто да се случи.

Како и промените на кои укажуваат неочекуваните случувања, така и промените на кои укажува несовпаѓањето, по правило се промени во рамките на самата индустрија, пазарите, производниот процес. На тој начин несовпаѓањето е јасно видливо за луѓето близу одредена гранка на индустрија, пазари или процеси. Тоа се наоѓа пред нивните очи. Сепак, тоа често се губи од вид кај оние “внатре”, бидејќи се тие оптеретени со секојдневието и од “дрвјата едноставно не ја гледаат шумата”.

#1 Несовпаѓање на економската реалност

Доколку побарувачката за некој производ или услуга брзо расте, тогаш би требало да се подобрат и нивните економски перформанси. Полесно е да се биде профитабилен во стопанска гранка која бележи голем пораст на побарувачка. Меѓутоа, изоставувањето на профитабилност и резултати во таква стопанска гранка, укажува на постоење на несовпаѓање помеѓу економските реалности. Тие несовпаѓања се макрофеномени кои се случуваат во рамките на една цела индустриска гранка или во целиот сектор на услуги.

Тука обично постојат големи можности за иновации, пред се за мали и нови претпријатија, за еден претприемач. Иноваторот, кој го искористува тоа несовпаѓање, може да смета на тоа дека подолго време ќе биде “оставен на мир”, пред постојните снабдувачи и другите фирми да се “разбудат”, до таа мерка што ќе станат нови и опасни конкуренти. Ова е од причина што тие, толку долго се окупирани од настојувањето да го надминат јазот помеѓу растечката побарувачка и изоставувањето на резултати, што едвај и забележуваат дека некој друг работи нешто друго и различно, нешто што носи резултати, што ја користи растечката побарувачка.

Претприемачот не треба да се труди да разбере зошто работитете се случуваат, туку наместо тоа треба да си ги постави прашањата:

  • Како може тоа несовпаѓање да се искористи?
  • Како би можело да се претвори тоа во можност и што може тука да се направи?

Несовпаѓањето помеѓу економската реалност претставува повик за акција за претприемачите. Понекогаш акцијата која треба да се преземе е сосема јасна, иако проблемот сам по себе останува и понатаму нејасен. Понекогаш проблемот се разбира сосема добро, но уште не може да се замисли што треба да се направи. Случајот со мини челичарниците (од претходниот пост – неочекуваност), е добар пример за иновација која успешно го искористила несовпаѓањето. Повеќе од 50 год. големите челичарници работеле профитабилно само во воени услови. Доколку сака да работи исплатливо, челичарницата мора да работи со полн капацитет, а тоа се случува само во воени услови. Мини челичарниците можат да обезбедат економичност во работењето и во други услови. Владата, синдикатите и големите челичарници од самиот почеток биле против малите челичарници, но без оглед на тоа тие подоцна биле прифатени бидејќи биле успешни.

#2 Несовпаѓање помеѓу реалноста и претпоставките за неа

Секогаш кога луѓето од една производна или услужна дејност погрешно ќе ја забележат реалноста и ќе направат погрешни претпоставки за неа, нивните напори ќе бидат насочени во погрешна насока. Тие ќе се концентрираат во област каде резултатите не можат да постојат. Тогаш постои несовпаѓање помеѓу реалноста и однесувањето, кое одново дава можност за успешна иновација, на секој што ќе го забележи и искористи.

Во педесеттите години на минатиот век се сметало дека прекуокеанскиот транспорт нема повеќе да биде ефикасен. Сите информации укажувале дека ќе биде заменет со воздушен транспорт. Трошоците на ваков превоз растеле, кражбата на стоката била голема, било потребно долго време за товарење, па бродовите долго чекале на ред за товарање. Главната причина била таа што бродарството погрешно ги насочувало своите напори, во правец на непостоечки резултати. Тие се обиделе да постигнат успех со брзи бродови, како и со бродовите кои користат помалку гориво и имаат помал екипаж, односно се концентрирале на економичниост на бродовите додека тие пловеле по море. Меѓутоа, бродот како капитално добро прави најголеми трошоци кога не е во активна употреба.

Решението било едноставно! Товарањето треба да се изврши на копно, каде има доволен простор и каде што тоа може да се изврши пред да дојде бродот во пристаништето, при што единствено останува да се подготви товарот кој ќе биде натоварен на бродот, за бродот веднаш да исплови. Резултатите од тие прости иновации биле големи. Товарниот поморски сообраќај, во период од 30 години, бил зголемен за пет пати. Трошоците се во просек намалени за 60 %. Времето на задржување на бродовите во пристаништата е намалено за 3/4, а задушувањето на пристаништето, како и штетите од кражбата се намалени.

Несовпаѓањето помеѓу забележаната и вистинската реалност многу ретко бара  “херојски” иновации.

#3 Несовпаѓање помеѓу забележаните и вистинските вредности и очекувањата на купувачите

Една од најекспанзивните американски финансиски установи, во осумдесеттите години на минатиот век, била фирмата за трговија со хартии од вредност, лоцирана не во Њујорк, туку во предградие на Средниот Запад.

Својот пораст и успех му го должи на искористувањето на едно несовпаѓање. Големите финансиски институции преtпоставуваат дека нивните клиенти имаат исти мерила како и тие. За нив е очигледно дека луѓето треба да вложуваат за да се збогатат. Меѓутоа, таа констатација важи само за дел од тие инвеститори, а не за сите. Тие знаат дека доколку некој сака да се збогати по пат на инвестиции, мора да работи полно работно време на работи за управување со пари и при тоа да е многу финансиски образован. Локалните занаетчии, малите бизнисмени, фармерите… немаат толку време, ни знаење. Тие се зафатени со заработка на пари и немаат време да управуваат со нив. Тое е всушност несовпаѓањето кое го искористила фирмата за трговија со хартии од вредност.

Надворешно набљудувано, таа изгледа исто како и секоја друга фирма за трговија со хартии од вредност. Таа е членка на Њујоршката берза. Меѓутоа на берзанските работи отпаѓа 1/8 од нејзините вкупни работи. Таа останува подалеку од работите со кои најмногу се занимаваат големите трговски куќи на Wall street: со опции, со стоковни термински трансакции. Наместо тоа, ја привлекуваат работи кои таа ги нарекува интелегентен инвеститор. Таа не ветува дека нејзините клиенти ќе станат богати. Тие сакаат клиенти кои заработуваат повеќе пари отколку што трошат, што е типично за успешните приватни професии. Тогаш оваа фирма одговара на нивната психичка потреба да ги заштитат своите пари. Она што таа фирма го продава е можноста, заштедените пари да ја задржат својата вредност. Производот кој фирмата го “испорачува” е душевниот мир за своите клиенти. Помеѓу несовпаѓањето на вистинската и забележаната реалност секогаш се наоѓа елемент на интелектуална ароганција, ригидност и догматизам.

#4 Несовпаѓање во рамките на ритамот и логиката на процесот

За да се оствари иновацијата, најчесто недостасува некој кој ќе слуша и кој би бил подготвен сериозно да го разгледа проблемот што секој го истакнува. Целта на постоење на некој производ или услуга е да ги задоволи купувачите. Доколку тоа се прифати и по него се постапи, користењето на несовпаѓањето како можност за иновација станува лесно и ефикасно. Но, постои и едно ограничување. Несовпаѓањето,  обично е “на располагање” на луѓето кои се наоѓаат во рамките на дадениот сектор на производство или услуга. Некој однадвор, тешко би можел да го забележи и да го разбере и поради тоа да биде во состојба да го искористи.

Во педесетите години на минатиот век, еден продавач во фармацевската компанија одлучил да отпочне самостојно да работи. Затоа побарал несовпаѓање во рамките на процесите во медицинската практика. Едно нешто пронашол веднаш. Една од највообичаените хируршки операции е операцијата на катаракт на око. Во текот на годините, практиката и постапката на операцијата биле усовршени, па таа се одвивала под целосна контрола.

Меѓутоа постоел еден момент во таа операција кој бил надвор од тој ритам. Во таа фаза на операција, очниот хирург морал да го исече лигаментот, да ги поврзе крвните садови, а со тоа создавал ризик од крварење, кое тогаш го загрозува и самото око.

Таа постапка била успешна во повеќе од 99 % од операциите; всушност, таа и не била многу тешка, но сепак им пречела на хирурзите. Тоа ги терало да го променат ритамот на процесот на работа и кај нив предизвикувало вознемиреност. Без оглед колку често ја правеле операцијата, очните хирурзи се плашеле од таа една кратка и брза фаза во целиот процес. Wiliam Conor заклучил дека во текот на 1890 год. бил изолиран еден ензим кој скоро моментално го раствора лигаментот. Единствено што тогаш никој, ни со помош на ладење, не можел да го сочува тој ензим подолго од неколку часа. Conor во текот на неколку месеци, вршејки експерименти, успеал да го сочува ензимот. Во рок од неколку години, сите очни хирурзи го користеле оваа патентирано соединение. Дваесет години подоцна, тој ја продал својата компанија на “Alkon Laboratory” за голема сума пари.

#5 Потребата на процесот

Потребата на процесот за разлика од останатите извори на иновација, не почнува во околината, било интерна или екстерна. Таа почнува со работата која треба да се направи и повеќе е насочена кон работната задача, отколку кон ситуацијата. Таа го усовршува процесот кој веќе постои, ја заменува врската која е слаба, одново го проектира стариот процес врз основа на нови сознанија. Понекогаш дури овозможува одвивање на самиот процес, со тоа што му ја испорачува алката која недостасува. Во иновациите засновани на потребите на процесите, секој во организацијата знае дека таа потреба постои. Сепак за неа никој не знае. Меѓутоа, иновацијата ќе се појави, таа веднаш ќе биде прифатена како очигледна и забрзано станува стандард.

Во 1909 год. еден статистичар, вработен во телефонскиот систем Бел (Bell Telephone System) определил две криви за демографски статистики за наредните 15 години: крива на пораст на американско население и крива на бројот на луѓето, потребни да работат како оператори на телефонски централи. Тие проекции покажале дека секоја американска жена, во старосна граница помеѓу седумнаесет и шеесет год., треба да биде вработена како оператор на телефонска централа, некаде околу 1925 или 1930 год., доколку биде задржан во употреба дотогашниот систем на вклучување на врската. Две години подоцна Беловите инженери проектирале и ја пуштиле во погон првата автоматска централа.

Сите овие примери покажуваат дека успешните иновации, засновани на потребите на процесот бараат задоволување на следниве критериуми: тоа да биде самодоволен процес, да постои една слаба или недостасувачка врска, да постои јасно дефинирана цел, да постои јасно утврдена можност и спецификација на бараното решение, да постои раширено и општо прифатено разбирање, да може да постои подобар начин, односно висок степен на заинтересираност за барање на задоволително решение.

Останатите постови од серијалот за иновативни можности можете да ги прочитате:

post

Извори на иновативни можности – Неочекувани случувања

Маркетинг пред започнување

Маркетинг пред започнување

Во претходниот пост зборувавме воопшто за иновативни можности кога станува збор за еден претприемач.

Тука би продолжил со уште една презентација на видови на иновативни можности која доаѓа од страна на Peter Drucker, таткото на модерниот менаџмент.

Peter Drucker ги разликува следниве извори на иновативни можности кога станува збор за неочекуваност:

#1 Неочекуван успех

Неочекуваниот успех нуди најголеми можности за реализирање на успешни иновации. Иновативните можности се најмалку ризични и нивното остварување е најлесно.

Неочекуваниот успех е честопати занемарен, а менаџерите покажуваат тенденција за негово негирање. 

Во 70-тите години од минатиот век големите челичарници не ја прифатиле идејата за мини челичарница. Опремата им била застарена, а за модернизација им биле потребни милијарди долари, но тие немале толку пари. Решението се гледало во отворање на мини челичарници. Во тоа време мини челичарниците доживеале голем успех.

Врвното раководство на една голема челичарница ја отфрлило идејата за мини челичарница, а луѓето што биле за оваа идеја биле отпуштени од работа. Успехот на мини челичарниците не бил прифатен. Врвното раководство било сентиментално врзано со“големиот челик”, а се друго за нив било мода. Тие не сакале да го видат овој неочекуван успех. 

Неочекуваниот успех може да иритира. Компанијата многу тешко се определува за каква било промена. Промените ги спроведува доколку е изложена на притисок од големите купувачи или од некоја влијателна личност. Меѓутоа, ретко кој очекува од таа постапка да дојде до подобрување на продажбата.

Кога “кучето” почнува да трча и почнува да ги загрозува “ѕвездите” доаѓа до изненадување, а со тоа и до несоодветно третирање на тој производ на пазарот.

Неочекуваниот успех најчесто не може да се види и никој на него не обрнува внимание. Поради тоа, никој и не ја користи можноста за негова понатамошна експлоатација, со неизбежен резултат конкурентите тоа да го воочат и од тоа да извлечат корист за себе. 

Можноста за искористување на иновацијата, која се појавува со неочекуваниот успех, бара посебна анализа. Неочекуваниот успех не е само една можност за иновација, тој бара иновација. Треба да се постават следниве прашања:

  • Кои основни промени сега се соодветни за таа организација?
  • Промена во нејзината технологија?
  • Нови пазари?

Кога ќе се соочат со тие прашања, тогаш неочекуваниот успех отвора најветувачки и најмалку ризични можности. 

За секој успех мора да се организира соодветно истражување. Првата работа која треба да се направи е да се обезбедат услови со кои неочекуваниот успех треба да се забележи. Раководството на компанијата мора да внимава на секој неочекуван успех, така што себеси ќе си ги поставува прашањата од типот: 

  • Што би значел успехот за нас доколку го искористиме?
  • Каде би можел да не однесе?
  • Што би требало да направиме за да го претвориме во можност?
  • Како ќе постапиме во врска со тоа? 

Раководството треба да одвои посебно време да расправа за секој неочекуван успех. Неочекуваниот успех бара да биде одржуван со помош на најспособни расположливи луѓе, а никако со било кои луѓе. Тој бара сериозност и поддршка од страна на раководството, сразмерно на можноста која се јавила.

#2 Неочекуваното промашување

Неочекувано промашување исто така е голем носител на иновативни можности.

За разлика од успехот, промашувањето не може да помине незабележано, но и тоа често не се гледа како симптом на можност.

Големиот број промашувања се резултат на алчност, глупост, на непромислено подржување на мнозинството или неспособност за проектирање или извршување на проекти.

Доколку нешто не се оствари, иако внимателно е планирано, таквото промашување често навестува промена.

Претпоставките на кои се засноваат производите или услугите, нивното проектирање или маркетиншка стратегија, можеби не одговара на реалноста.

Купувачите ја промениле својата вредност и забележување: иако се уште ја купуваат истата стока, тие сега всушност купуваат различна вредност.

Подеднакво се битни и неочекуваниот успех и неочекуваното промашување на директните конкуренти. Во двата случаја треба сериозно да се земе таквото случување како можен симптом за иновативни можности. Често се заклучува што се случува, не водејќи многу сметка зошто тоа се случува.

Фордов модел “Edsel” од 1957 год. бил детално планиран и стручно маркентишки воден. Ford бил на водечка позиција во три од четири пазарни класи (висока, средно-ниска и ниска). Останала само средно-високата класа и “Edsel” бил наменет за неа. Овој производ доживеал неуспех на пазарот и Ford почнал да истражува зошто овој модел не успеал. Заклучиле дека поделбата на класите од дваесетите години веќе не важи и дека настанале големи промени. Се појавила поделба на пазарот според стилот на живеење. Ова неочекувано промашување резултирало со нов модел (Thunderbird) и е постигнат најголем успех, по моделот “T” од 1908 год. Не било познато што ја предизвикало промената.

Неочекуваното промашување е преобразено во можност за остварување на ефикасна иновација. Тоа покажува дека и неочекуван успех и неочекуван неуспех, може да се претвори во можност за остварување на ефикасни и корисни иновации.

Пример кој покажува типични неочекувани надворешни случувања и нивно користење како главни можности за успешни иновации се однесува на IBM и персоналните компјутери.

Колку и да се разликувале мислењата на раководителите и инженерите во IBM, постоело единствено мислење дека иднината им припаѓа на централизираните системи на компјутери со големи можности, со најголема меморија и капацитет. IBM ги концентрирал напорите и ресурсите на одржување на лидерството на пазарот на големи централизирани компјутери. 

Во 1975 год., на општо изненадување, десетгодишните деца почнале да играт компјутерски игри, а нивните татковци посакале да имаат личен компјутер. Посебните машини чинат многу повеќе од еден терминал, а истовремено имаат далеку помал капацитет. Без оглед на таквите прогнози, дошло до ширење на компјутерите како и на нивните програми, а целата област на компјутерите станала хаотична, посебно во секторот на сервисирање и поправки. Меѓутоа, сето тоа ни најмалку не им пречело на купувачите.

Спротивно на очекувањата, американскиот пазар на персонални компјутери, во периодот 1979-1984 год. достигнал годишен обем на продажба од околу 15 милијарди долари. За таков “скок” на “големите” компјутери им требале 30 години. Во 1977 год. годишната продажба на персоналните компјутери била помала од 200 милиони долари (додека продажбата на “големите” била 7 милијарди долари) и IBM формирал свои тимови на стручни лица со задача да развијат нов модел на персонален компјутер.

IBM во 1980 година произвел сопствен персонален компјутер во моментот кога пазарот едноставно “експлодирал”.

Постов е дел од серијалот за иновативни можности. Можете да ги прочитате останатите:

 

post

Иновативни можности на еден претприемач

Kaizen подобрување, мало но големо Иновација и иновативност е нешто што е блиску поврзано со секој претприемач. Не зборуваме секогаш за високотехнолошки иновации кога зборуваме за иновативноста на претприемачот, но секој претприемач на ваков или онаков начин е поврзан со некаква иновација или препознаена иновативна можност, што всушност е и основата на неговиот бизнис.

Иновативноста претставува една организирана, систематска и рационална активност. Една од главните црти кои се провлекуваат во работење на претприемачите се иновации. Бидејќи претприемачите најчесто се со ограничени ресурси (финансиски, технолошки) тие мора да покажат големо ниво на итрост и со помош на иновациите да постигнуваат зголемени резултати во работењето.

Иновациите претставуваат специфично оружје на претприемачите, со чија помош ја користат промената како можност за извршување на разни производни и/или услужни активности. Претприемачите по правило носат некој вид иновации. Иновацијата претставува активност која ги дарува ресурсите со нови капацитети за создавање.

Иновациите можат да се толкуваат во смисла на промени на употребните вредности на ресурсот, за задоволување на некоја потреба на потрошувачот.

Успешните претприемачи не бараат по секоја цена големи инвестиции кои ќе развијат револуционерна индустрија, туку се задоволуваат и со помали иновации.

Огромен број успешни иновации користат промени. Иновативноста може да се претстави како научна дисциплина, подобна да биде научена и да биде практикувана. Претприемачите треба да истражуваат за можни извори на иновации, промени и нивните симптоми кои означуваат можност за остварување на успешни иновации. Тие треба да знаат и да го применуваат принципот на успешни иновации.

Разликуваме неколку видови иновации:

#1 Продорни иновации

Продорни иновации ги има најмалку, меѓутоа кога ќе дојде до правилно реализирање на овој тип на иновации, добиените резултати се најголеми. Овие иновации се случуват поретко и до нив се доаѓа потешко. Но, кога ќе се реализираат, може да настане и цела нова индустриска гранка, една цела нова потреба на пазарот за која ни самиот пазар не е свесен дека постои или ја има.

#2 Технолошки иновации

При секојдневна работа, како и со специјални истражувања, се доаѓа до овие иновации. Револуционерните технолошки иновации се поретки и секогаш бурно се проследени од јавноста. Секојдневните технолошки иновации всушност, претставуваат подобрување во процесот и се значајни за глобалните подобрувања на севкупниот процес.

#3 Обични иновации

Обичните иновации се најзастапени и се најмногу користени во практиката. Од нив не се очекува некоја спектакуларна добивка, меѓутоа тие се многу значајни за секој процес и носат големи подобрувања. ”Со ситни удари се постигнуваат значителни резултати”.

#4 Системските иновации

Систематските иновации се состојат од организирано барање на промени. Тоа се планирани промени во определени временски интервали кои едноставно на еден систематски начин овозможуваат еден организациски систем да провери дали се е онака како што треба и што би требало да се промени.

Во наредниот период ќе се занимаваме малку со иновативни можности, така да ќе опфатиме:

post

Ден 13: Бизнис цели – 77 подобрувања за 77 дена

Подобрување на креативност Да продолжиме со тринаесетиот ден од предизвикот за подобрување на твојот бизнис за 77 дена. Сеуште сме во делот на подобрување на процесот на бизнис планирање како дел од севкупните бизнис подобрувања.

Веќе имаш работено на подобрување на претходно искуство со планирање, предвидување, знаење и бизнис моделот.

Сега, можеме да продолжиме со поспецифичните подрачја за подобрување кога станува збор за подготовка на твојот бизнис план. Денес, твојата задача ќе биде да работиш на подобрување на твоите бизнис цели.

Треба да запомниш дека твоите бизнис цели се првата специфична работа на која се останато во процесот на бизнис планирање ќе се базира.

Доколку погрешиш тука, целокпниот процес исто така ќе биде погрешен.

Бизнис цели

Твоите цели се нешто што твојот бизнис треба да постигне во определен временски период во иднина. Тие се составени од:

  • Нешто што треба да се постигне. На пример, зголемување на продажба е нешто што треба да се постигне.
  • Нешто што ќе прикаже мерка. На пример, целта зголемување на продажба не ни кажува нешто многу вредно затоа што не ни кажува за колку треба да се зголеми целта. Така, нашата цел сега би била зголемување на продажба за 10% во однос на минатата година. Оваа е многу подобра цел.
  • Време во кое тоа нешто треба да се постигне. На пример, целта е зголемување на продажба за 10% во однос на минатата година во следната година.

Каде треба да се фокусираш при подобрување?

Кога зборуваме за можните подобрувања во однос на бизнис целите ќе треба да го насочиш твоето внимание на следниве елементи:

#1 Мора да си објективен кога ги поставуваш целите

Да, можеш да започнеш со она што сакаш да го постигнеш, но тоа треба и да го провериш. Дали твоите цели се нешто што може да стане реалност? Понекогаш е подобро да поставиш ниски, но остварливи наместо превисоки неостварливи цели.

#2 Обврзување

Втората работа на која треба да се фокусираш при подобрување е твоето лично обврзување за остварување на целите кои ќе ги поставиш.

Замисли цел на еден претприемач каде тој/таа не се обврзани за постигнување. Дали ова има логика? Дали се имаш најдено во таква ситуација?

Доколку еден претприемач не е обврзан за постигнување на целите, тогаш како може да очекува вработените да се обврзат? Веројатно, и тие ќе го направат исто како и претприемачот. едноставно ќе ги игнорираат целите. Зошто треба да губиш време за поставување на цели за кои во една таква ситуација никој нема да се грижи?

Твојот пишан бизнис план би можел да биде првиот чекор кон тоа обврзување за постигнување на целите.

Но, важно е да знаеш дека доколку целите се напишани на хартија, ќе бидат во категорија на цели со поголемо обврзување за остварување во однос на цели кои остануваат само во твојата глава.

#3 SMART

И да, твоите цели треба да бидат SMART цели, што значи:

  • Да се специфични,
  • да се мерливи,
  • Да се остварливи,
  • Да се реалистични, и
  • Да се временски ограничени.

Прашања кои ќе треба да ги одговориш

Користи ги слениве прашања за да те водат низ процесот на можни подобрувања на твоите бизнис цели:

  1. Како можам да бидам објективен кога поставувам цели за мојот бизнис?
  2. Каква е мојата визија?
  3. Што сакам да постигнам во иднина?
  4. Каде сакам да ја видам мојата компанија во иднина?
  5. Какви се трендовите во мојата индустрија, пазарот или блиското опкружување на мојот бизнис?
  6. Што се случува во индустријата каде што функционира мојот бизнис?
  7. Каков е просекот во индустријата во последните неколку години?
  8. Кои се квантитативните ограничувања на пазарот?
  9. Дали квалитетот на мојата понуда е во согласност со потребите на пазарот?
  10. Што е со ресурсите? Ги имам ли доволно за да го постигнам тоа што го сакам?
  11. Каде во моментов се наоѓа мојата компанија во однос на потрошувачи, продажба, приход и профит?
  12. Какви се резултатите од минатото? Зошто ги имам постигнато целите кои се постигнати и зошто ги немам постигнато целите кои ги немам постигнато?
  13. Што е она што можам да го подобрам во процесот на поставување на цели врз основа на одговорите од претходните две прашања?
  14. каде сакам да ја видам мојата компанија во однос на потрошувачи, продажба, приходи и профит во следните пет години?
  15. Кои се моите таргети за следните 5 години?
  16. Постојат ли било какви препреки за остварување на таргетите?
  17. Како да ги надминам препреките доколку постојат?
  18. Што ќе се случи во иднината?
  19. Какви промени сакам да видам во мојата компанија во следните неколку години?
  20. какви промени сакам да видам надвор од мојата компанија во следните 5 години? Можни ли се и колку?
  21. Кои ќе бидат моите цели врз основа на одговорите на сите претходни прашања?
  22. Дали моите бизнис цели се специфични?
  23. Дали моите бизнис цели се мерливи?
  24. Дали моите бизнис цели се остварливи?
  25. Дали моите бизнис цели се реалистични?
  26. Дали моите бизнис цели се временски ограничени?
  27. Ги имам ли алоцирано одговорностите за секоја цел?
  28. Кои акции треба да ги преземам за остварување на секоја од поставените цели?
  29. Дали е тоа, она што сакам да го постигнам?
post

Ден 12: Бизнис модел – 77 подобрувања за 77 дена

Подобрување на креативност Денес, ќе продолжиме со дванаесетиот ден од нашиот предизвик за подобрување на бизнисот за 77 денови. Се наоѓаме во делот на подобрување на процесот на бизнис планирање и веќе поминавме подобрувања на претходно искуство, предвидување и знаење.

Сега е време да продолжиме со бизнис моделот, бидејќи твојот процес на бизнис планирање во голем дел ќе се базира на него, или на основните релации помеѓу различните елементи на твојот бизнис модел.

Бизнис моделот претставува фундаментално место каде ќе можат да се најдат можни подрачја за подобрување.

Твојот бизнис модел е нешто што едноставно во една слика ќе опише како твојата компанија креира, дистрибуира и комуницира вредност со потрошувачите. Вредноста е основната премиса на секој бизнис. таа е нешто што твојата компанија го нуди на пазарот. Може да креираш и да имаш вредност, но без соодветна дистрибуција и комуниакција на таа вредност не можеш да очекуваш успех за бизнисот. Доколку не ја комуницираш вредноста, твоите потенцијални пкупувачи нема да знаат за постоењето на таа вредност.

Бизнис моделот може да биде обична слика со дијаграм кој ќе ги поврзе различните елементи како вредноста, каналите на дистрибуција, потрошувачи, конкуренти, стејкхолдери…

Исто така може да биде и на парче хартија со неколку зборови или реченици кои наративно ги опишуваат истите конекции како погоре.

Сметам дека повеќето бизниси страдаат поради недостаток на јасно дефиниран бизнис модел. Без него, не можат да изработат соодветна стратегија или бизнис план кој би ја поддржал таа стратегија. Затоа и претставува важен дел од твојот процес на подобрување. Подобар бизнис модел, значи подобар бизнис план и подобра иднина за твојата компанија.

  1. Дали твојот бизнис модел е едноставен, нешто што јасно ќе ја комуницира секоја твоја бизнис активност?
  2. Дали твојот бизнис модел е специфичен, нешто што ги одговара сите прашања поврзани со твојата компанија?
  3. Дали твојот бизнис модел ја опишува вредноста која ја нудиш?
  4. Дали вредноста е сеуште нешто што потрошувачите го сакаат, имаат потреба или желба?
  5. Каква е перцепцијата на твоите потрошувачи за твојата вредност? Можеш ли да подобриш нешто за подобра перцепција?
  6. Можеш ли да подобриш нешто, или додадеш нешто во вредноста за да ја подобриш твојата севкупна понуда?
  7. Кој е твојот целен пазар?
  8. Кои се твоите идеални потрошувачи?
  9. Ги знаеш ливните потреби, проблеми, желби?
  10. дали нивните потреби се исти или има и постојат некои промени?
  11. Што ќе биде во иднина? Дали истите потрошувачки сегменти ќе бидат соодветни за твојата компанија?
  12. Дали постојат на пазарот други сегменти кои може да ги прошират твоите постоечки сегменти?
  13. Може ли твојата компанија да задоволи други сегменти кои сеуште не се задоволени?
  14. Како твојот бизнис заработува? Размисли за цените, модели за цени, ценовни стратегии… Може ли да подобриш нешто?
  15. Кои се најголемите извори на приходи во твојот бизнис? Можеш ли да ги подобриш?
  16. Може ли да додадеш некои дополнителни извори на приходи?
  17. Како ја комуницираш и дистрибуираш вредноста со потрошувачите?
  18. Што твоите потрошувачи мислат за тековните канали на комуникација и дистрибуција?
  19. Можеш ли да ги подобриш каналите за комуникација и дистрибуција?
  20. Кои се твоите клучни ресурси?
  21. Што е со ефикасноста и ефективноста на твоите ресурси?
  22. Можеш ли да ја подобриш ефикасноста и ефективноста на твоите ресурси?
  23. Дали навистина ти требаат сите тие ресурси?
  24. Како твоите ресурси се користат при додавање на вредност за твоите потрошувачи?
  25. Што е со односите со твоите потрошувачи? Може ли да подобриш нешто во врска со тоа?
  26. Што е со твоите трошоци? Можеш ли да подобриш нешто во однос на твојата трошочна структура?
post

Процес на организациски промени – Зошто ти треба?

Инкрементални промени Живееме во време кога промените се нешто што спаѓаат во категорија мора кај бизнисите. Од друга страна, пристисокот од околината ги тера претприемачите постојано да работат на наоѓање на подобри начини да го подобрат сопствениот бизнис. Подобрувањата бараат промени.

Секој ден кога ќе дојдеш на работното место размислуваш за можни подобрувања. Тоа е еден процес на промени. Понекогаш мали подобрувања во кратки периоди, понекогаш големи проекти во подолги периоди кои имаат големо влијание на подобрување на секојдневните бизнис операции.

Но, прашањето е како можеш да продолжиш да работиш на процесите на организациски промени, кога понекоша можат да бидат и повеќе од еден истовремено, а да останеш фокусиран на важните деловни информации обидувајќи се да најдеш начин за подобрување на тие процеси?

Тука, кога зборувам за организациски промени, мислам на сите можни промени во една организација, а не само на организацискиот дизајн во твојот бизнис. Може да имплементираш промени во трошочната структура, подобрување во технологија, во продажни и маркетинг процеси…

Во моето лично искуство, понекогаш работам на неколку различни процеси на промени. Некои од нив рапидни, со големо влијание на перформансите, а некои од нив помали секојдневни подобрувања. Она што ми треба и она што го сакам е да имам можност да ги менаџирам тие различни процеси поефективно и да најдам начини за подобрување на циклусите на слични проекти на организациски промени.

Да видиме зошто ти треба формален или пишан процес на организациски проемни.

Let’s see why you need some formal, or written on the paper organizational change procedures.

#1 Брзо започнување со промените

Процесот на организациските промени ќе ти помогне брзо да започнеш со промените. Доколку имаш нешто напишано, што ќе ти каже кои треба да бидат твоите следни чекори ќе биде многу поедноставно за започнување. Тука не размислуваш за подобрување на самата имплементација, размислуваш само да започнеш колку што може побргу. Запомни дека твојот бизнис функционира во многу динамична околина, и секое одложување на започнување може да биде штетно за твојот бизнис. Сакаш секогаш да бидеш еден чекор пред конкуренцијата.

#2 Го намалува отпорот кон промените

Процесот на организациски промени во формално издание може да го намали отпорот кон тие промени. Кога луѓето знаат дека промените се нешто нормално, и што може да очекуваат во иднина во текот на имплементацијата тогаш веројатноста за појава на отпор кон промени ќе биде многу помала отколку да работиш и да ги имплементираш промените без дефинирани процедури. Размисли малку за ова. Што за тебе ќе биде поприфатливо, да работиш на нешто за што знаеш кои ќе бидат следните чекори, или да работиш вo сосема неизвесна околина? Твоите процедури за организациски промени ќе ја намалат таа неизвесност.

#3 Промените се константа која мора да се имплементира

Мора да знаеш дека промените се една голема константа во твојот бизнис. Мора да се промениш себеси, или пазарот ќе те проемни. Во таков случај, ти не си личноста која ќе ја има контролата за иднината на твојот бизнис. Затоа и мора секогаш да бидеш инволвиран во некои процеси на промени. Докоилку имаш прецизно дефинирани процеси за организациски промени, ќе ти биде поедноставно да ги менаџираш истите.

#4 Лесно можеш да го забележиш сопствениот прогрес

Твојот процес на организациски промени ќе ти овозможи на тебе како на еден претприемач брзо да го видиш прогресот кој го правиш со секој од процесите на имплементација. Брзо ќе можеш да ги откиреш сите можни “тесни грла” кои се опасни за процесот, и ќе можеш брзо да ги елиминираш. на таков начин ќе ја подобриш имплементацијата во стилот “подобрувај како што имплементираш”. Тоа е голем императив за секој претприемач.

#5 Ќе можеш да ги видиш можните подобрувања за иднина

Кога работиш во согласност со прецизно дефинирани процедури, ќе можеш да ги видиш можните подобрувања за во иднина, и поради тоа секогаш ќе имаш подобар процес во следните циклуси на организациски промени. Ова се нарекува континуирано подобрување на процесот.

Не ти треба премногу време да го дефинираш твојот процес на организациски промени. Но, ти ќе треба да го следиш и подобруваш секогаш кога ќе го имплементираш. Она што ќе го добиеш вреди за вложениот напор и време за дефинирање на процесот.

Што мислиш за твојот процес на организациски проемни? Го имаш ли на хартија или било каква друга форма?

post

10 Чекори за да бидеш подобар претприемач

Подобар претприемач Значи, сакаш да станеш претприемач, но не било каков претприемач. Ти сакаш да бидеш подобар претприемач.

Како можеш да бидеш подобар претприемач? Што треба да направиш за тоа? Кои се чекорите кои треба да ги преземеш за да биднеш подобар претприемач?

Ова се доста комплицирани прашања, кои не можат да бидат одговорени со едноставен темплејт кој може да се следи. Различни бизниси и различни лица – претприемачи, бараат различни акциони чекори.

Но, како и секогаш, постојат некои заеднички често користени принципи или чекори кои имаат потенцијал да го разликуваат просечниот претприемач од подобар претприемач.

Во последните неколку години, работев со различни претприемачи од различни индустрии и различни бизниси од различни пазари. Сите тие се различни, и никој од нив ги нема преземено истите чекори за да постане успешен. Но, можам да направам разлика меѓу нив, или попрецизно да направам некоја разлика помеѓу успешни и просечни. Сите успешни претприемачи ги користеле следниве чекори и затоа и се разликуваат во поглед на успешноста од оние кои не ги користеле.

#1 Успешни претприемачи преземаат акција

Тие имаат идеи, сакаат да сонуваат за нивните идеи, но исто така преземаат акции (прва особина на успешен претприемач) за да нивните соништа станат реалност.

Без тие акции, тие не би биле онаму каде што се денес. Без тие акции нивните соништа не би станале реалност. Без тие акции, тие не би биле претприемачи.

#2 Повеќе акции

Тие секогаш преземаат повеќе акции бидејќи никогаш не се задоволни со тековната ситуација, иако презеле претходно акција и успеале со неа.

Секогаш постои нешто повеќе за нив, нешто што може да се подобри, нешто подобро…

#3 Заедница

Претприемачи без заедница не можат да бидат претприемачи. Успешни претприемачи имаат голема заедница на поддржувачи, истомисленици, привлекувачи на внимание, следачи… Тие знаат дека без нив, нивниот бизнис би бил во опасност. Тие знаат дека нивниот бизнис успех ќе се потпира на таа заедница.

Затоа и една од најважните задачи за нив е подобрување на квантитетот и квалитетот на заедницата.

#4 Учат од нивната заедница

Нивните поддржувачи, истомисленици, привлекувачи на внимание и следачи секогаш можат да им дадат идеи за можни подобрувања, можни потреби или пак можни проблеми кои бизнисот може да ги реши, а сеуште не се решени.

Овие претприемачи го имаат најголемиот потенцијал за зголемување на сопствената бизнис потенцијална енергија директно од нивната заедница зголемувајќи го нивното знаење за тоа што луѓето сакаат. На таков начин, ќе можат да им го дадат она што го сакаат. Тоа е добива-добива (win-win) ситуација.

#5 Не стравуваат од неуспех

Дури може да се каже и дека сакаат да не успеат, но да не успеат колку што може побргу. Доколку направиле грешка, подобро е да не успеат во раните фази на проектот кога неуспехот не е толку болен како што би бил подоцна.

#6 Учат од неуспех и грешки

Доколку немаат неуспеси, нема ниту да научат. Доколку не научат нема да знаат што да прават во иднина. Дали ова е едноставно?

#7 Она што го научиле, го применуваат во следните чекори

Секогаш се спремни да преземат акција и преземаат акција. Но, она што го знаат од формално и неформално образование го користат во секојдневната работа.

Наученото е стандард за во иднина.

#8 Секогаш се обидуваат да научат нешто ново

Читаат книги кои може да го подобрат нивниот претприемнички ивот. Зборуваат со разни лица и учат истовремено. Никогаш не запираат со пробување на различни начини да научат нешто ново што може да се користи во нивниот бизнис.

#9 Никогаш не забораваат да преземат акција

Секоја одлука мора да биде имплементирана. Секој проект мора да се започне и заврши до крај. Секогаш постои нешто што треба да се направи.

Добредојде во бизнис светот!

#10 И, да, неуспехот е дел од нивниот секојдневен живот

Доколку се менаџира на вистинскиот начин, тие може да не успеат 9 пати од 10 обиди. Но, последниот, десетиот успех, може да биде вреден за сите девет неуспеси.

Значи, треба да направиш нешто, да не успееш и да научиш од тој неуспех. Тоа е основната филозофија на станување на постојано подобар претприемач.

Може ли да споделиш твои размислувања за успешен претприемач? Што мислиш, постои ли уште нешто што ќе ја подобри листава?

Да, секогаш може нешто да се подобри, дури и листава.

 

post

Може ли поголема продуктивност со Evernote

Во изминатите неколку недели одлучив малку повеќе да се занимавам со користење на Evernote како една апликација која има потенцијал да ја зголеми мојата продуктивност.

Морам да напоменам дека сеуште сум во фаза на бреинстормирање и пробување на различни идеи како да се организирам самиот себеси и се она околу мене за да ја зголемам сопствената продуктивност. Затоа и планирам во нареден период да обработам повеќе постови за различно користење на Evernote како алатка за продуктивност.

Evernote

Досега повеќе пати во изминатите две години пишував за корисноста на оваа алатка, па можете да ги погледнете тие постови како за почеток.

Но, она што можев да го забележам во изминатите неколку недели е дека иако ја знам корисноста, иако го користам, јас не ги искористувам ни 10% од можностите што ми ги нуди алатката.

Зошто една ваква констатација. Можеби, но и најверојатно затоа што никогаш не сум имал време да седнам и подетално да потрошам неколку часови за да ги испитам сите можни опции истовремено размислувајќи за тоа како да ги користам тие опции за мене. Сепак останав едно утро до 3 часот по полноќ и успеав да се пограм доволно за да ја ставам алатката во категорија на најкористена на сите мои уреди: iMac, iPad и iPhone.

Тука би сакал да напоменам за некои начини на користење што ме натераа секојдневно да биде вклучена алатката:

#1 To-Do дневни листи

За една организација на моите дневни активности го користам Things за iPad. Алатката е одлична и можете да го видите и видеото кое го направив за Things. Но, сепак има и некои недостатоци, сеуште не работи во cloud како автоматски би се синхронизирале активностите на сите уреди (напомена: во моментов оваа опција е во фаза на тестирање). А, сепак понекогаш некои активности едноставно произлегуваат од некои забелешки, од нешто што прочитам на интернет или некоја книга која ја читам на iPad.

Затоа и започнав да го користам Evernote како надополнување на Things за поставување на некои активности кои треба да ги спроведам во иднина. Фолдерот за овие активности го именував како My Big To-Do List. Од друга страна денес (недела кога го пишувам овој пост) забележав 10-тици ливчиња на мојата работна маса кои содржеа белешки за некои активности и страници од некои книги на кои треба да се навратам а кои се однесуваат на еден проект кој го работам за еден мал бизнис. Сите тие ливчиња завршија во канта едноставно по внесување во Evernote.

#2 Блог постови

На претприемач сеуште не ги обработувам постовите во Evernote, но во изминатата недела сите постови за Entrepreneurship in a Box ги обработив тука. Забележав дека процесот е доста поедноставен, бидејќи постои еден фолдер каде што се наоѓаат идеи за идни постови кои ги ажурирав секојдневно за да на крајот ја завршам драфт верзијата. Не сум врзан за потреба да имам компјутер или интернет. Едноставно некоја идеја може да се заведе и преку мобилен телефон на место на кое немате Wi-Fi конекција, а кога ќе дојдете во позиција да имате интернет, апликацијата синхронизира и идејата е достапна од секој уред.

Морам да напоменам дека за оваа цел направив еден посебен темплејт во кој се обработува еден блог пост, а содржи различни елементи за олеснување на работата. На пример, темплејтот содржи и листа на активности кои треба да се преземат за еден пост, како на пример, обработка на драфт  верзија, проверка, избор на слика, избор на линкови… Но, повторно да напоменам дека овие идеи за користење подетално ќе ги обработам во посебен блог пост.

#3 Работа со клиенти

Оваа работа консултантска бара навистина големо ниво на фокусираност и секако креативност и инвентивност. Затоа и поставив еден фолдер во кој за секој клиент направив подфолдери каде идеите за нивно подобрување или она што би требало да се направи ги бележам. Ова е поради фактот што забележав дека идеите ми доаѓаат на различни места независни од клиентот, а тогаш и најбргу се забораваат.

Она што ми се допаѓа е што можам да додадам и аудио забелешка така да додека возам, кога и сум најкреативен лесно можам да додадам забелешка без да гледам во телефонот.

#4 Најинтересни сегменти од книги

Бидејќи оваа година започнав да читам само во електронска верзија книги најчесто на Kindle купени од Amazon, забележав еден недостаток покрај многуте предности. Иако апликацијата Kindle ми дава можност да подвлечам нешто и да се навратам на тоа нешто сепак некако не е баш најдобро решение. Ми се случува да она што сум го прочитам биде актуелно во мојот мозок се додека не поминам на друга книга.

Затоа одлучив да го користам Evernote каде ќе ги складирам сите тие забелешки или подвлекувања од книгите. Она што најмногу ми се допаѓа е што забелешки стануваат лесно достапни и преку фунцкијата пребарување и тоа без ограничување на една книга или пак извор на информацијата.

#5 Што уште планирам

Секако, тука не е и крај на можностите на користење на оваа алатка. Планирам се повеќе да ги зголемувам така да стане најголемиот извор на мое лично организирање . Тука ќе наведам некои планови за иднина кои ги вадам од белешката од Evernote:

  • Одделување на лични од бизнис белешки
  • Изработка на темплејт на белешка за бизнис идеи во стилот на книга со бизнис идеи
  • Изработка на темплејт за анализи и фолдер за идеи и белешки за анализи
  • Да го користам како основен извор на информации
  • Изработка на библиотека на хардкопи книги кои ги имам (околу 400), а кои досега се евидентирани во тефтер со број име на книга, автор, издавач и година на издавање.
  • Целата Email комуникација со клиенти да оди во соодветниот фолдер за клеинтот.
Но, подетално искуството од сите овие користење ќе бидат споделени во посебни постови.
post

Ден 11: Знаење – 77 подобрувања за 77 дена

Подобрување на креативност Да продолжиме со единаесетиот ден од нашиот предизвик за подобрување на твојот бизнис за 77 дена. Сеуште сме во секторот на подобрување на процесот на бизнис планирање каде веќе работевме на подобрување на претходно искуство и секако предвидување.

Но, како што знаеш, процесот на планирање во голем дел ќе се базира на твоето знаење како еден претприемач, но и на знаењето на твојот тим кој на некој начин ќе биде вклучен во самиот процес било да станува збор за подготовка или имплементација на планот.

Кога зборувавме за факторите кои еден претприемач го прават успешен, вториот слој беше знаење и креативност. Таму зборувавме за знаењето и стекнувањето на тоа знаење.

Секоја личност има некое специфично знаење кое си го носи со себе. Мислам и дека не пости човек кој нема одредено знаење. Знаење почнува уште од нашето раѓање. Секој нов ден од нашиот живот претставува стекнување на одредено знаење. Знаењето го стекнуваме, дома од родителите, во градинка, подоцна во училиште, факултет и од животот.

Кога станува збор за знаење и подобрување во тоа подрачје постојат две работи кои ти како еден претприемач можеш да ги имплементираш во твојот бизнис:

  • Зголемување на знаењето во твојот бизнис.
  • Имплементација на знаењето во секојдневното работење на твојот бизнис.

Но, прашањето е како можеш да го зголемиш знаење во твојот бизнис?

Постојат два основни начини на кои можеш да работиш за зголемување на знаењет:

  • Претходно искуство кое беше дел од подобрување во овој предизвик – ден 9. Со поголемо искуство доаѓа и поголемо знаење за предметот на искуството. Секогаш кога ќе го зголемиш искуството со нешто ново, го зголемуваш и знаењето за тоа ново. Ова е системот пробувај – греши – учи.
  • Едукација. Сите ние голем дел од нашиот живот го имаме поминато низ формалниот едукациски систем кој ни го дава основното знаење кое можеме да го имплементираме во иднина. Но, секоја од нашите идни задачи ќе бара и дополнително знаење кое треба да го стекнуваме преку различни курсеви, семинари, книги, информации од интернет… Сето ова е дел од нашето формално и неформално образование кое ќе ја зголеми нашата бизнис потенцијална енергија.

Следниот дел е имплементација на се она што го знаеш. Зошто ти е потребно знаењето доколку не го имплементираш во твојот бизнис?

Да сублимираме накратко:

  • Ти треба знаење доколку сакаш да го подобриш процесот на бизнис планирање.
  • Доколку знаеш повеќе за твојот бизнис, твојот пазар или пак твојата индустрија ќе имаш и подобар бизнис план.
  • Твоето знаење доаѓа од искуство и преку едукација – учење.
  • Треба да го користиш и имплементираш знаењето во процесот на бизнис планирање и акционите чекори кои ќе бидат резултат на тој процес.

Како можеш да го подобриш знаењето во процесот на бизнис планирање?

Ова е еден систематски приод кој ќе треба да го имплементираш и користиш во твојот бизнис. Како добра стартна позиција за да го дефинираш тој систем одговори ги следниве прашања:

  • Кое знаење е најважно за мојот бизнис?
  • Како може да го стекнам тоа знаење?
  • Како континуирано да го зголемувам тоа знаење во мојот бизнис?
  • За какво знаење имаат потреба различните работни места во мојот мизнис?
  • Кои се извори на знаење можеме да ги користиме во мојот бизнис?
  • Каков ќе биде процесот на имплементација на ново стекнатото знаење во мојот бизнис?