post

Koj e најважниот ден за претприемачот?

Според вас, како претприемач кој е вашиот најважен ден?

Дали е тоа денот на започнувањена бизнисот?

Дали е тоа денот кога сте ја направиле најголемата грешка?

Или пак тоа е денот кога сте ја договориле најголемата зделка? Или едноставно првата најслатка зделка?

Дали е тоа некој ден во иднина? Нешто што планирате да го постигнете во таа иднина?

Но, минатото не се менува и значајноста за денес и за иднината е се помала на некој ден од минатото, освен за паметење, раскажување, славење… Иднината пак сеуште не можеме да ја контролираме, освен да ја планираме.

Затоа и одговорот на сите претходни прашања е не, не се тие денови најважни за еден претприемач.

Договорените зделки се минато, и треба да се размислува за нивно продолжување. Бизнисот е веќе започнат и треба да се мисли за неговиот развој и раст. Грешките се веќе направени, сега кога веќе ги знаеме треба да ги исправиме или едноставно да ги елиминираме од картата на нивно појавување во иднина. Сеуште не знаете што се случува во иднината, само можете да планирате како би изгледала таа иднина.

Одговорот на прашањето од насловот на овој пост е едноставен, тоа е денес. И тоа секогаш, најважниот ден за еден претприемач е денес.

Зошто?

Затоа што денес е единствениот ден во кој можете да направите нешто. Во кој што можете да ги поправите грешките од минатото, да се подготвите за иднината и да ја промените иднината.

Минатото не можете да го промените, но она што го правите денес ќе го смени обликот на иднината.

Иднината не е акциски ориентирана, таа е само планирана, но повторно планирате денес, за утрешни активности.

Во денес се се врти околу “акција”. Eдноставно направете го она што треба да го направите, затоа што утре нема да можете да го испорачате онаа што треба да го испорачате без да го направите она што треба да го направите денес.

Нека биде денес најважниот ден во вашиот живот и ден во кој секогаш е почеток на остатокот од вашиот живот.

post

Pomodoro техника за зголемување на продуктивноста

Кога зборуваме за претприемаштво, претприемачот и бизнисот воопшто неизоставен дел е продуктивноста.

Поголема продуктивност, поголема севкупна успешност на бизнисот.

Подобрување на вашата лична и на вашите вработени продуктивност претставува и севкупно подобрување на вашиот бизнис.

Во еден од претходните наслови (Како до потребниот фокус) најавив дека подетално ќе опишам една техника за зголемување на продуктивноста – Pomodoro техника.

Pomodoro техника ја има токму таа цел, зголемување и постојано подобрување на вашата продуктивност, што значи завршување на повеќе работи, поквалитетно и побргу.

Што претставува Pomodoro техника?

Најпросто кажано оваа техника како алатка претставува еден систем за менаџирање на времето, но не само тоа туку систем кој овозможува бележење и подобрување на истото.

Техниката е креирана од страна на Francesco Cirillo во 1980-тите години, а името доаѓа од кујнскиот часовник кој се користи заради мерење на времето во форма на домат (pomodoro).

Продолжи…

post

Како до потребниот фокус?

Дали сте се нашле во ситуација кога сте планирале да завршите многу важни работи за денес, но сепак вечерта доаѓате дома без да го завршите она што сте планирале?

Сите претприемачи, без разлика за каков бизнис станува збор имаат потреба од фокусираност во она што го работат.

Мултитаскингот во многу случаи иако е корисен и ја зголемува продуктивноста, сепак може да допринесе до лоши последици како за претприемачот така и за бизнисот воопшто.

Не можете да го дадете сопствениот максимум и да ги искористите вашите суштински компетенции како еден претприемач доколку не сте фокусирани на она што го работите.

Но, како до потребната фокусираност кога живееме во навистина хаотично време?

Успешните претприемачи добро се справуваат, но и добро го управуваат хаосот околу нив.

Социјални медиуми, вработени, партнери, снабдувачи, потреба од проширување на знаење, премногу достапни информации… Ова се само еден дел од креаторите на хаосот во бизнисот.

1. Користи “да направам” листа

“Да направам” листа едноставно ви кажува што треба да направите и кога треба да го направите тоа. Одлична алатка за задржување на вашиот фокус кон она што е важно за вас како претприемачи.

2. Обврзи се за нејзина целосна реализација

Од друга страна имање “да направам” листа не гарантира целосен фокус за нејзино комплетирање во целост.

Доколку секој искрено би кажал колкав е процентот на комплетирање на една таква листа, би се зачудиле колку е низок.

Затоа, за да биднете фокусирани целосно кон она што треба да го направите, потребно е да бидете обврзани дека ќе го комплетирате се она што ќе го ставите на една таква листа. И не само тоа, комплетирањето треба да биде конкретно за тој ден без одложување.

3. Затвори ја вратата се додека не завршиш со имплементација на она што е планирано

Отворена врата значи дозвола на огромен број на одвлекувања на внимание, што пак значи намалување на фокусот.

Мора да обезбедите одлична работна атмосфера доколку сакате да бидете во целост фокусирани на она што го работите. За се останато има време.

И еден совет, запомнете дека секој кој доаѓа кај вас не доаѓа првенствено да реши ваш проблем или пак да ви помогне да го завршите она што реба да го завршите, туку доаѓа со негов проблем за кој ќе сака да одземе дел од вашето време. Сепак, ова не значи дека нема да ги примите тие луѓе (можеби ваши вработени), но значи дека ќе им обрнете внимание кога ќе дојде време за тоа, а тоа откако ќе ги завршите вашите обврски.

4. Користи приоритети

не постои нешто што не може да се приоритизира. Вашиот најголем фокус е најпотребен во најприоритетните задачи.

Затоа користете приоритизација во вашата “да направам” листа и обезбедете 100% фокусираност на најприоритетните активности.

5. Воведи правила како да ве контактираат вработените

Барем денес е лесно да се обезбеди соодветна комуникација без да ви се одземе фокусот од она што го правите.

Тие правила треба да обезбедат прецизно дефинирање како вработените ќе ве комуницираат во однос на проблемите кои им се појавиле во текот на работата. Голем дел може да биде преку епошта која еднаш дневно ќе ја прегледате (откако ќе завршите со вашите приоритети за тој ден). Можете да определите точно дефинирано време во кое ќе разговарате со вашите соработници за тие проблеми кои ги мачат.

Но, без прецизно дефинирани правила лесно ќе навлезете во еден хаос, и секако вашите приоритети ќе бидат заборавени.

6. Избери време во кое ќе прегледуваш епошта и ќе одговараш

Според многу истражувања епоштата претставува еден од најголемите прекинувачи на вашиот тековен процес, а со тоа и ваш дефокусатор.

Еден начин да го избегнете овој проблем е да имате прецизно дефинирано време еднаш или двапати дневно во кое ќе ја прегледувате епоштата и одговарате на она што треба да се одговори.

7. Избери време во кое ќе бидете присутни на социјалните медиуми

Освен епоштата ги имаме и социјалните медиуми кои исто така може да претставуваат дефокусатори во вашата работа. Затоа избери време, кое нема да биде кога работите на вашата “да направам” листа.

8. Исклучи ги веб сајтовите кои еднставно ти го вшмукуваат времето

Интернетот е страшна работа кога станува збор за продуктивноста и фокусот на вашето внимание.

Колку пати ви се случило да започнете со барање на нешто, но да завршите со читање на нешто воопшто неповрзано со она што сте го барале.

Затоа, добро е да ги блокирате сајтовите кои се најголеми одвлекувачи на вашето внимание во периодот во кој работите на вашата “да направам” листа. Во еден од претходните наслови пишувавме за Google Chrome апликации за зголемување на продуктивноста. За оваа намена добро решение е Stay Focused.

9. Прави паузи по одредено време поминато во целосна посветеност на работата

Како поминува времето во посветеност на работата стануваме се поизморени и се подефокусирани за да го дадеме вистинскиот максимум.

Затоа обидете се со кратки паузи во текот на работата кои едноставно ќе ве релаксираат и ќе ги дополнат вашите батерии за продолжување на работата. Можете да се обидете со Pomodoro техника за оваа намена. (Ќе напишам и посебен пост во кој ќе резентирам и една апликација за оваа намена).

10. Награди се себеси за завршување на она што си го планирал

И секако вака организираниот ден, обезбедува да завршите се што сте планирале, но и да решите “туѓи” проблеми преку одговарање на епошта, состанок со вработени…

Заслужувате награда. Утре ве очекува истото темпо.

post

Може ли да приоритизирате кога се е приоритет?

Успешното завршување на работите значи и потреба за приоритизација. Што е поважно од останатото? Со што треба прво да започнеме? Што треба да е второ, а што може да остане за утре?

Што доколку се е со ист приоритет?

Иако, не е можно со 100% сигурност да биде така, сепак честопати се наоѓаме во ситуација кога сметаме дека се е приоритетно. Како да се извлечеме од една таква ситуација?

Еве некои совети кои можете да ги имплементирате.

1. Заборавете на приоритизација и завршувајте ги работите

Иако е важна сепак денеска може слободно да се отфрли приоритизацијата бидејќи едноставно вршиме различни работни задачи кои се поврзани со различни елементи од нашата околина.

Во зависност од тие елементи во околината ќе морате да ги завршувате работите. На пример, ако е преглед на примени епошти од купувачи кога ќе сте пред компјутер ќе ги прегледате и одговорите. Доколку пак задачата е да  имате состанок со клиент ќе ја завршите во согласност со клеинтот и на местотот кое го користите за состаноци.

2. Завршувајте ги работите во зависност на местото на кое се наоѓате

Сите работни задачи не мора да се изведат од едно исто место. Сите задачи не користат исти алатки за спроведување. Затоа и завршувањето на задачите во голем дел ќе зависи од тоа дали сте во канцеларија или дома, дали имате телефон при рака или не, дали сте пред компјутер или не, дали сте во производствениот погон или не…

3. Состави “да направам” листа и започни со првата задача

Бидејќи се е приоритет, започнете со првата задача од “да направам” листа и завршувајте ги една по една се до последната.

Важно е да започнете, дури и не мора да започнете со првата задача. Мо-ете да започнете со последната или онаа во средината, или пак едноставно онаа што сметате дека најбргу ќе ја завршите. Важно е да завршите се, бидејќи се е приоритетно.

4. Поделете ја листата на половина – едната за денес втората за утре

Ако се е приоритет и имате премногу задачи, можете да ја поделите “да направам” листата на половина и првиот дел да го завршите денес, а останатиот втор дел да го завршите утре.

post

Не е до заборавањето, до процесот е…

Запиши, нема да заборавиш. Секогаш не учеле така!

Кога појдовме во прво одделение имавме тетратка во која учевме да пишуваме. Во средно по секој предмет носевме тетратки во кои фаќавме белешки. На факултет, една тетратка или нотес повторно полн со белешки…

На првото работно место и првиот состанок кај шефот со тетратка или нотес за да забележиме што ќе работиме…

Но, сето тоа друг ни го наметнал. Учителката, наставниците, асистентите, професорите, родителите, шефовите…

Но, има повеќе од еден проблем.

Прво, денес не мораме да запишуваме, можеме да снимиме. Денес не мораме да го носиме “тефтерот” со нас, тој е во секој наш уред било каде и да сме.

Но и тоа не е проблем, проблемот е еден чекор понапред… Што потоа?

Можете да имате десетици тефтери, тетратки… Можете да имате илјадници нотеси во вашиот Evernote акаунт. Но, што потоа…

Можете да имате различни рамки, со црвена боја, подвлекувања… Но, тие се само во тевтерот или Evernote или Word документ. Што доколку не се завршуваат работите?

Вашата книга со бизнис идеи може да има илјадници идеи, вредни илјадници евра… Но, доколку не се имплементираат тие се обичен лист хартија.

Постојат успешни луѓе кои воопшто не запишуваат, снимаат или бележат. Немаат потреба за тоа, затоа што веднаш имплементираат.

Затоа, не е до заборавањето… Може да биде заборавено и на хартија и на Word документ и во Evernote акаунт. Најискрено, колку белешки имате во било каква форма?

Важен е процесот на завршување на работите и бришење на она што е во мозокот, на хартија, Word документ или Evernote акаунт.

Заборавањето е наша природна особина. Но, завршување на работите се чини не е. Тоа е процес. Нешто што бара вежбање, стандардизација, подобрување и имплементација.

Еден од најдобрите процеси е GTD (Getting Things Done) од David Allen, иако морам да напоменам дека не гарантира резултати, без прилагодување и обврзување за реализација… Процесот го напоменавме во Evernote и GTD каде можете да го видите и дијаграмот на истиот.

post

Со помош на 5S направете го вашето работно место попродуктивно

Сакате да бидете попродуктивни, да завршите повеќе работа побрзо, но истовремено со подобар квалитет на работа. Во голем дел, нашата продуктивност ќе се базира на самото работното место каде што обично ја изведуваме нашата работа.

Како можете да ја организирате вашата канцеларија за да стане попродуктивна?

Да, можете да ја зголемите вашата продуктивност, едноставно со организирање на работите околу вас за да ви бидат подобро достапни.

Сте се нашле ли во ситуација кога губите дел од вашето време за да најдете некој физички предмет околу вас во вашата канцеларија? Сте се нашле ли во ситуација кога троште премногу време за да најдете документ во вашиот компјутер?

Ако вашиот одговор е ДА, тогаш навистина ќе сакате да ја реорганизирате вашата работна средина.

Во овој пост, сакам да зборувам за методологија која може да ви помогне во организирање на работите во вашата канцеларија, а која корените ги влече од производството и Lean филозофијата.

Што претставува 5S?

5S е методологија за организација на работното место, развиена во Јапонија и главно се користи во производство. Името доаѓа од пет јапонски зборови кои започнуваат со буквата “S”.

  • Seiri – сортирање.
  • Seiton – подредување.
  • Seisi – чистење.
  • Seiketsu – стандардизирање.
  • Shitsuke – одржување.

Како можете со помош на 5S да ја зголемите продуктивноста?

5S е процес составен од 5 различни фази кои треба да се спроведат на работното место.

Првите нешта треба да бидат во прв план. Вам не ви треба да подобрувате нешто што не е потребено во вашата дневна работа рутина. Како прво треба да започнете со Seiri, сортирање на сè околу вас, во вашето работно место. Сортирањето значи да најдете сè околу вас и да го елиминирате сето она што не ви е потребно во работата. Користете ги следниве прашање кои ќе ви помогнат да започнете со сортирање:

  • Што се се наоѓа во мојата работното просторија?
  • Дали ми е потребно?
  • Кои работи треба да се елиминираат?

Кога ќе го елиминирате се она што не ви е потребно, а вие знаете колку е важен е специфичниот елемент кој ви треба, можете да започнете со подредување (Seiton). Направете место за сè и се треба да биде на своето место. Ова ќе ви обезбеди лесна достапност на она што ќе ви биде потребно во даден момент. Одговорете на следниве прашања во оваа фаза:

  • Колку е важен специфичниот предмет за мојата работа?
  • Колку пати сте го користиле специфичниот предмет на дневна, неделена и месечна основа?
  • Дали предметот е на вистинското место?
  • Што треба да сторите кога ќе ви треба специфичниот предмет?
  • Дали движењето кое што го правите кога ви треба специфичниот предмет е оптимално?
  • Дали местото каде што секој специфичен предмет е ставен е вистинското место за твојата работа рутина?
  • Каде секоја специфичен предмет ќе биде сместен?
  • Како ќе бидат означени тие места?

Сега, кога ќе се елиминира се што не ви е потребано, се си има своето место, и се е на своето место имате многу подобро работно опкружување околу себе. Следното нешто што ќе ви треба е рутинското чистење (Seisi). Чиста работна средина е многу попродуктивна од неорганизирано и валкано работното место.

На крајот на секој работен ден ќе треба да го исчистите вашето работно место на таков начин сè да си биде на своето место, подготвено за вашата утрешна употреба.

Клучна работа е дека чистењето и враќањето на своето место треба да биде дел од вашата секојдневна работна рутина. Ако ја користите оваа фаза само повремено, вашето работно место наскоро ќе стане повторно неуредно, неорганизирано и валкано.

Кога знаете што ви треба, каде треба да стои, како да ги подредите и очистите работите, сето тоа ќе треба да се стандардизира како посебна работна практика (Seiketsu). Оваа методологија не претставува еднократнно имплементирање и не значи дека ќе се спроведува без да се заборави. Треба да се стандардизираат практиките од првите три S во ваша дневна работна рутина. На таков начин, можете лесно и брзо да го подобрите вашето работно место со што истото ќе биде попродуктивно.

Кога првите четири S се воспоставени и имплементирани како нешто нормално во вашата дневна работа, ќе треба да го проверите и прегледате процесот за да најдете подобри начини да ги организирате нештата околу вас (Shitsuke). Пронајди го најдоброто време за да ги ревидираш твоите стандардни процедури за одржување и подобрување на работното место.

post

Ќе треба да кажете НЕ на многу работи

Честопати се наоѓам себеси во ситуација кога треба да кажам не на многу од работите кои ми доаѓаат на ум. Снимам сè околу мене за што мислам дека ќе ми биде корисно во иднина, но сепак, таковиот начин за отпочнување на имплементација на различни работи е опасен, затоа што лесно можам да се најдам во позиција со премногу работи кои сакам да ги започнам, што во реалноста е невозможно.

Морам да кажам не на многу од работите, затоа што знам дека имам само 24 часа во мојот ден, и морам да го користам тоа време оптимално.

Да се каже не не е лесна задача, и не може да се сработи денес и да трае постојано во иднина. Утре, пак ќе има многу можни задачи, можни идеи и можни работи кои сакате, или посакувате да да ги сработите. За да се каже не потребно е вежбање.

Моите вежби започнуваат со спроведување различни системи кои ќе ми помогнат да управувам со моето време, и моите дневни задачи што сакам и треба да ги сработам и во исто време да имам време и за другите лични активности.

Еве една листа на некои промени што ги имам направено во последните неколку години за спроведување на систематскиот приод да се каже не за многу нешта.

  • Прво, ми треба систем што ќе го забележува сето она што мислам дека ќе биде важно за мене. Тоа се оние работи кои доаѓаат до мојот ум во форма на идеи, задачи, списоци за читање, желби … Бидејќи мојот ум не е во позиција за рационална одлука за она што е важно, итно, или дали имам време да направам нешто во тој моментот со тоа, сакам сето тоа да биде на некое место каде што можам да се навратам подоцна и да ги процесирам работите. Тоа место сега е Evernote, каде што нафрлувам сè, од секаде.
  • Второ, ми треба време кое ќе го користам за процесирање на работите и да одлучам кои ќе бидат следните чекори. Бидејќи мојата листа на работи кои го ставам како белешки може да биде многу долг, и знам дека не можам да почнам да работам сè, потребно е да се каже не на многу од работите. Таа одлука ќе биде донесена на дневна основа, кога започнувам со процесирање на Inbox фолдерот во Evernote со сето она што го ставам таму во тој ден. Овој дел од процесот повторно е некој вид на вежба, бидејќи ми треба рутинска работа секојдневно за да се процесира сè што се наоѓа таму.
  • Третата работа е да кажам не на многу работи. Кога велам не, не мислам сите работи да бидат трајно отстранети, бидејќи многу од нив ќе останат како опција за во иднина, или ќе бидат имплементирани од другите луѓе (делегирање).
  • Ќе кажам не за работите кои не се важни ниту итни за мене. Ги бришам од Inbox фолдерот, бидејќи не сакам да се мачам со нив ни денес ни во иднина. Тие едноставно претставуваат губење на моето време.
  • Ќе кажам не за работите за кои мислам дека некој друг може да ги направи за мене. Тие работи ги делегирам.
  • Ќе кажам не за работите кои се важни, но не итни за мене. Ова не значи дека ќе ги отфрлам бидејќи тие ќе останат некаде во мојот систем за управување на задачи (сега го користам OmniFocus), затоа што планирам да ги спроведам во иднина, или едноставно да ме потсетат дека имам такво нешто.

На ваков начин, едноставно можам да елиминирам во повеќето случаи повеќе од половина од задачите, обезбедувајќи дека ќе работам на она што е најважно и најитно за мене, а сè друго што е важно, ќе биде процесирано на соодветен начин за да биде завршено во иднина.

Сакам да напоменам, дека овој процес не е успешен поради процесот, тој може да биде успешен само поради вашиот начин на размислување. Ако одлучите, да станете попродуктивни и многу пофокусирани на она што е важно за вас, ќе треба да експериментирате и вежбате со различни пристапи.

post

За важноста во вашиот работен ден…

Ако земеме да го анализираме нашиот просечен работен ден ќе видиме дека работиме се и сешто. Важно и неважно. Интересно и неинтересно. Корисно и некорисно. Ургентни и неургентни.

Кога ќе го сместиме сето тоа во еден просечен ден на еден лист хартија ќе видиме колку многу хаотичен е тој наш еден ден.

Сето тоа “не” треба да се отфрли. Да започнеме со важноста која треба да не насочи само на оние најважните разботи за нас.

Овој наслов има за цел да ве поттикне да размислите за некои прашања, а не да ви даде решение за вашите проблеми околу важноста. Решенијата се уникатни за секој од вас и во целосна одговорност на вас самите.

Па, што мислите за вашите одговори на следниве прашања?

  • Кога ме контактира некој преку било кое средство за комуникација, дали темата е важна за мене, за него или двострано?
  • Кога еден од моите вработени влегува во мојата канцеларија со прашање, дали прашањето е важно за мене, мојот бизнис, за мене и мојот бизнис или само за поставувачот на прашањето.
  • Кога седнувам да работам на мојата “да направам” листа колку од задачите се важни за мене, а колку се важни за некој друг?
  • Кога мојот бизнис го контактира потенцијален купувач, колку тој купувач е важен за бизнисот, и колку вредат напорите за негово интегрирање во продажната инка?
  • Кога се наоѓам на состанок, колку од темите на агендата се важни за мене како еден претприемач, а колку се важни за останатите учесници на состанокот?
  • Колку јас самиот си го губам времето, а колку некој друг го губи моето време?

Важноста е значаен елемент во еден твој претприемачки живот. Дали си целосно фокусиран кон најважното за тебе или кон најважното за другите?

Добро е да размислиш, а одговорите ќе те доведат до можни решенија на некои проблеми или пак до можни идни активности заради подобрување. Но, подобрување кое ќе го подобри твојот живот.

post

Да се сработи или да не се сработи?

Ви се случуваат ли ситуации кога треба да одлучите дали мора да сработите нешто или не во моментот?

Ова е веројатно една од најтешките одлуки која треба да ја донесете во вашиот работен ден.

Вие знаете дека постојат многу работи кои морате да ги сработите во еден ден, но работите едноставно се случуваат околу вас и без да ги планирате, па затоа и ќе се најдете во ситуација да треба да ја донесете таа тешка одлука. Ќе мора да се организирате, или поточно реорганизирате некако.

Понекогаш имате извонреден план, и “да направам” листа за денес, а ви се јавува партнерот кој ви кажува дека постои одлична можност за вашиот заеднички бизнис. Но, веќе ја имате “да направам” листата која ви го предвидува целиот ваш ден. Што ќе направите? Ќе оставите ли се и ќе скокнете во можностите за кои вашиот партнер ви се јавил?

Зошто ми се случува ова?

Еден едноставен одговор на ова прашање е дека вие сте личноста која овозможува да се случи вакво нешто. Доколку не добивте повик во моментот кога работите нешто нема да имате таква дилема.

Од друга страна, ако примањето на повици од вашиот партнер е нешто со најголем приоритет на вашите активности тогаш немате дилема, едноставно треба да прекинете со се и да го направите тоа што вашиот партнер ви го кажал.

Но, шта ако повикот е од други лица? Што ако добиете електронска пошта? Што ако добиете порака на Facebook?

Сето тоа е возможно бидејќи едноставно немате систем кој ќе ги елиминира сите можни одвлекувања на вниманието кога работите на вашата “да направам” листа, каде најверојатно (а би требало) да имате само важни работи за сработување денес.

Но, повторно постои и другата страна на тунелот. Доколку оставите се и едноставно се “фрлите” на нови приоритети, најверојатно вие немате високо-приоритетни задачи на вашата “да направам” листа.

Во било кој од случаиве ќе ви требаат промени во вашиот систем, мора да го подобрите.

Дали навистина треба да оставите се?

Првото прашање што логично треба да ви дојде на ум е прашањето: дали треба да оставите сè на што работите во моментот и да започнете со она другото кое е поприоритетно? Откако веќе нешто се случило, ќе треба да направите нешто. Треба да одлучите да направите нешто или да не правите ништо.

Решението на овој проблем е да се има способност за брза приоритизација што е следното нешто што треба да го направите. Со системот на приоритизација, ќе можете брзо да одлучите што е најдобро за вас.

Ако повикот од вашиот партнер е навистина висок приоритет и со поголем приоритет од сè друго на вашата “да направам” листа тогаш ќе можете едноставно да се одлучите да оставите се и да скокнете во нова насока на вршење на работите.

Понекогаш тоа може да биде многу неуредно за остатокот од вашиот работен ден, но повторно, вие сте лицето што овозможило да се случи ова.

Како да ја избегнете дилемата?

Ако одлучите да ги напуштите своите планови за денес, и почнете да правите нешто ново што доаѓа до вашиот ум без некакво планирање, навистина ќе ви создаде хаос во работата. Задачите закажани за денес ќе бидат одложени, се друго ќе доцни за постигнување. Ќе треба да останете повеќе на работа, ако сакате да го завршите она што било планирано за денес.

Наједноставно решение е да се избегне една таква ситуација. Но, прашањето е како?

Еве неколку идеи како може да се подобри и избегне дилемата за да се направи нешто или да не се направи.

  • Вашата “да направам” листа треба да има јасна разлика помеѓу задачи со висок приоритет и низок приоритет. Ако знаете што е висок приоритет за вас и започнете да работите на тие задачи ќе знаеш дека за сè друго нема потреба од вашето внимание.
  • Кога работите на задачите со висок приоритет елиминирајте го секое можно одвлекување на внимание кое може да се случи. Бидејќи што веќе знаете дека било што друго не смее да ви го одвлекува вниманието кога ќе работите на вашите задачи со висок приоритет можете едноставно да имплементирате систем со кој ќе елиминирате се што може или би можело да го одземе вашето внимание од работата. Тоа значи да се работи без телефони, без е-пошти, без социјалните медиуми, без можности за некој да влезе на вашата врата…
  • Кога ќе завршите со задачите или активности со висок приоритет тогаш ќе можете да ги проверите сите претходно исклучени одвлекување на внимание. Никогаш не е доцна да скокнете во друга високо приоритетна задача, но само откако ќе ја завршите секоја приоритетна задача закажана за денес. Ниско приоритетните задачи можеат да се завршат и утре, а најдобро е да како еден претприемач воопшто не се замарате со нив.
post

Зголеми ја продуктивноста со следниве 5 Google Chrome апликации

Денес нашата работа во голем дел се базира на компјутери. Но, сепак сакаме да ја зголеми продуктивноста вршејќи си ја нашата секојдневна работа.

Дел пак од работата на компјутер се базира на интернет. Со најновите случувања во cloud технологијата, целосно можеме да си ја работиме нашата работа во голем дел без десктоп апликации.

Поради тоа, кога треба да бидеме попродуктивни, можеме да искористиме некоја од повеќето алатки за продуктивност што можеат да ни помогнат во нашите напори.

Денес сакам да споменам пет Google Chrome апликации кои имаат потенцијал да ја одиграат улогата на зголемувачи на продуктивноста додека работиш на интернет.

1.  Google Popchrom

Google Popchrom

Доколку вашата работа се базира на пишување на текст во интернет прелистувачот можете да ја користите оваа алатка за да креирате сопствени кратенки за одредени секојдневни текст фрази кои ги користите. Секој пат кога ќе треба да се напише таа фраза, ќе можете да ја напишете кратенка, наместо целата фраза.

2. Read Later Fast (Веќе ја нема за Google Chrome)

Read Later Fast

Денес кога го користиме интернетот за да прочитаме многу нешта. Понекогаш може да се најде нешто вредно да се прочита, но едноставно немаме време. Едно од решенијата е да се има отворен посебно јазиче за страната која што сакате да ја прочитате подоцна кога ќе имате време за читање. На таков начин, можете да се најдете со еден куп на отворени страници за подоцнежно читање кои едноставно ја забавуваат работата.

Со ваква апликација можете да ги сочувате страниците за да ги прочитате подоцна онлајн, или офлајн избегнувајќи премногу отворени јазичиња.

Бидејќи за Google Chrome веќе ја нема апликацијава можете да пробате некои замени како што е Pocket или пак едноставно нешто што минатата година најмногу го користев Instapaper.

3. StayFocused

Stay Focused

Колку пати сте се нашле себе си да седнете на компјутерот да почне да работите, а во исто време, проверувате Facebook, Twitter, електронска пошта, вашиот RSS читач… Кога ќе станете свесни за примарната работа која што треба да ја направите, ќе видите дека веќе поминале неколку часа.

Оваа алатка за продуктивност е една екстензија на Google Chrome, која ќе ви помогне да останете фокусирани на она што треба да се направи, така што ја ограничува количината на времето која можете да го потрошите на сајтови кои што ќе ги определите како некои кои бесцелно ви го одземаат времето.

4.  HootSuite

Hootsuite

Ако сакате да останете фокусирани, да се организирате и да управувате со различни активности на различни социјални медиуми, ова апликација ќе ви помогне многу. Можете да ги ажурирате вашите статуси и да распоредите објави за во иднина.

5. Google Calendar Checker

Google Calendar Checker

Ако користите Google Calendar за да го организирате вашето време и активности, оваа апликација ќе ви помогне многу.

Со помош на оваа апликација можете лесно да го видите одбројувањето до вашиот следен ангажман директно од вашиот интернет прелистувач.