Бидете секогаш најиновативни! Алатки, екниги и видео презентации само за најхрабрите!

post

Патот од одличната идеја преку одличен производ до одличен бизнис

Секој бизнис започнува со идеја која ја има претприемачот.

Но, да се има бизнис идеја не е доволно за да се обезбеди одличен бизнис. За да се обезбеди нешто што ќе го подобри вашиот и животот на вашите купувачи.

Од друга страна потребна е акција во однос на најдобрите идеи кои ги имате доколку сакате да се осигурате дека тоа е нешто што навистина вреди, инако идејата е безвредна.

Подолу се дадени основните (поедноставени) чекори за претворање на една бизнис идеја во одличен производ и одличен бизнис.

 #1 Идејата е ваше лично мислење

Секоја идеја е резултат на некој проблем или потреба на претприемачот, или фаза на креативен момент кога едноставно се појавува во неговиот мозок.

Еден просечен човек може да има илјадници идеи за бизнис. Може да биде отворање на маалска “бакалница”, може да биде и производство на некој производ, но може да биде и продажба на некоја услуга.

Во секој случај, сите идеи ниту се добри, ниту можат да се реализираат, а ниту се нешто што во моментов може да се имплементира. Затоа и се прават анализи и селекција на истите.

#2 Барање на бизнис можности

Бизнис можност не претставува исто што и бизнис идеја.

За да се трансформира една бизнис идеја во бизнис можност потребно е на основната идеја да се додаде и купувачот или купувачи.

Ова значи дека прозиводот (односно она што ќе се продава) кој ќе биде резултат на таа бизнис идеја мора да има силна врска со проблем, потреба, фрустрација и желба на потенцијалниот купувач.

Доколку го обезбедите тоа, веќе имате можност која може да се трансферира во производ.

#3 Од каде да се започне: производ или купувач

Третиот чекор е одлуката за тоа од каде да започнете. Традиционално се развива прототип на производот, кој се тестира пред да се започне со сериско производство.

Сепак ви стојат следниве три опции на располагање:

  • Да за почнете веднаш со развој на “фул” верзијата на производот.
  • Првин да најдете неколку купувачи
  • Да комбинирате со претходните две опции (производ и купувачи)

#4 Прибирање на знаење и подобрување на производот

Без разлика која опција ќе ја изберете од претходниот чекор, овој чекор е клучен за понатамошниот успех на бизнисот кој го градите.

Мора постојано да прибирате знаење за вашиот производ или услуга, но и за вашите купувачи како постојано би го прилагодувале и подобрувале не согласно вашите лични мислења, туку согласно она што го бараат купувачите.

#5 Започнување со вистинската комбинација

Досега ги тестиравте сите можности за производот кој планирате да го претворите во бизнис.

Сега е време да одлучите како ќе изгледа тој производ конечно:

  • Кои проблеми ќе решава?
  • Кои ќелби на купувачите ќе бидат вклучени во него?
  • Какви фрустрации на купувачи ќе елиминира?
  • Какви бенефити за купувачите ќе понуди?
  • Која комбинација на карактеристики ќе содржи?
Кога ќе одлучите за овие прашања, не врз основа на ваше лично мислење, туку врз основа на тековните анализи, обиди за продажба, интервјуа и разговори со купувачите ќе можете да преминете во следната фаза.

#6 Градење на системи

Веќе имате и официјално бизнис, бидејќи имате производ и имате мала група на купувачи кои досега низ процесот ги развивавте.

Сега засега вие и вашиот мал тим успевате да ги менаџирате сите активности за оваа фаза од бизнисот, сепак овој успех нема да трае долго доколку не изградите системи на кои ќе се потпре вашиот бизнис со што ќе се обезбеди успешен развој на истиот во иднина.

Како што наведов во насловот што претставува еден претприемач, ќе ви бидат потребни следниве три системи:

  • Производ/услуга (Се она што придонесува да се изработи еден производ или услуга како дизајн, инженеринг и производство на истиот),
  • Маркетинг/продажба (Овој систем има за цел да го доближи производот или услугата до купувачите и секако да го продаде. Бидејќи зборуваме за мал бизнис наместо два системи дизајнирајте еден) и
  • Администрација (колку и да изгледа непотребно сепак некој мора да се занимава и со администрација како процесирање на разна документација, водење на книги, контролирање…)

#7 Постојано подобрување на сите аспекти на бизнисот

Ништо не е перфектно, и се може да се подобри. Затоа како последен чекор е да имплементирате филозофија на постојано подобрување на сите аспекти на вашиот бизнис.

Доколку успешно ги изградите потребните системи од претходниот чекор, ќе ви биде многу поедноставно во овој чекор.

post

Поттикнете ја креативноста за 30 минути

Неизоставен дел од секој претприемачки процес претставува креативноста.

Креативност ни треба кога решаваме проблеми. Креативност ни треба кога сакаме да подобриме нешто. Креативност ни треба кога сакаме да го раснеме бизнисот.

А, дали овие активности претставуваат нешто што барем еден момент не се дел од некој претприемач и неговиот бизнис? Не, тие се постојано присутни.

И добро, сега кога знаеме дека постојано решаваме проблеми, постојано подобруваме нешто, постојано размислуваме за раст на бизнисот, или едноставно преживување, знаеме и дека креативноста мора секогаш да биде присутна.

Но, проблемот е што иако тие активности се постојано присутни во бизнисот, сепак тоа не е гаранција дека и креативноста ќе биде заедно со нив. Некогаш едноставно не оди. Некогаш сме креативни кога воопшто не сме на работа или пак воопшто не размислуваме за работни активности. Некогаш едноставно, нашиот мозок се наоѓа во еден вид на “блокада” и безидејност.

А, мораме да бидеме креативни! Како тогаш да го решиме овој проблем?

Подолу е презентиран еден можен процес кој би можеле да го примените.

#1 Повикајте го вашиот тим да дојде кај вас (2 минути)

Некогаш едноставно индивидуализмот кој се наоѓа кај вас не може да ви помогне. Мора да бидете свесни дека имате тим од луѓе кој секогаш ќе може да помогне, бидејќи едноставно понекогаш не ви оди во однос на идеи за можни решенија на различни проблеми.

Кога станува збор за креативноста, мора да го искористите севкупниот потенцијал во вашиот бизнис. Затоа повикајте ги најважните луѓе во вашиот тим за што ќе ви бидат потребни две минути.

#2 На еден лист поставете ги прашањата и побарајте одговори (2 минути)

На секој од повиканите дајте им еден лист хартија и поставете еден проблеми за кои тие ќе треба да предложат решенија.

И овој дел ќе ви одземе само две минути.

#3 Дозволете секој член на тимот да го одговори прашањето (5 минути)

Дајте им 5 минути за да напишат можно решение за поставениот проблем.

Овде не станува збор за детализирања на решението туку едноставно нафрлување на можни идеи за решавање на проблемот, или пак дефинирање на причините за појава на проблемот и можностите за нивно елиминирање.

#4 Секој член од тимот да го размени своето ливче со останатите (15 минути)

Сега едноставно секој член на тимот нека го размени со останатите ливчето при што секој ќе треба да се надоврзе со придонес на предлогот на останатите колеги.

#5 Приберете ги ливчињата (1 минута)

Откако ќе заврши кружењето на листовите со предлози, едноставно ќе треба да ги соберете.

#6 Разгледајте и одлучете (5 минути)

Сега имате доволен број на креативни решенија за проблемот, па можеби и предлози кои се надвор од основниот поставен проблем.

Едноставно во следните 5 минути анализирајте ги сите ливчиња и донесете одлука за решението кое ќе се имплементира.

post

Koj e најважниот ден за претприемачот?

Според вас, како претприемач кој е вашиот најважен ден?

Дали е тоа денот на започнувањена бизнисот?

Дали е тоа денот кога сте ја направиле најголемата грешка?

Или пак тоа е денот кога сте ја договориле најголемата зделка? Или едноставно првата најслатка зделка?

Дали е тоа некој ден во иднина? Нешто што планирате да го постигнете во таа иднина?

Но, минатото не се менува и значајноста за денес и за иднината е се помала на некој ден од минатото, освен за паметење, раскажување, славење… Иднината пак сеуште не можеме да ја контролираме, освен да ја планираме.

Затоа и одговорот на сите претходни прашања е не, не се тие денови најважни за еден претприемач.

Договорените зделки се минато, и треба да се размислува за нивно продолжување. Бизнисот е веќе започнат и треба да се мисли за неговиот развој и раст. Грешките се веќе направени, сега кога веќе ги знаеме треба да ги исправиме или едноставно да ги елиминираме од картата на нивно појавување во иднина. Сеуште не знаете што се случува во иднината, само можете да планирате како би изгледала таа иднина.

Одговорот на прашањето од насловот на овој пост е едноставен, тоа е денес. И тоа секогаш, најважниот ден за еден претприемач е денес.

Зошто?

Затоа што денес е единствениот ден во кој можете да направите нешто. Во кој што можете да ги поправите грешките од минатото, да се подготвите за иднината и да ја промените иднината.

Минатото не можете да го промените, но она што го правите денес ќе го смени обликот на иднината.

Иднината не е акциски ориентирана, таа е само планирана, но повторно планирате денес, за утрешни активности.

Во денес се се врти околу “акција”. Eдноставно направете го она што треба да го направите, затоа што утре нема да можете да го испорачате онаа што треба да го испорачате без да го направите она што треба да го направите денес.

Нека биде денес најважниот ден во вашиот живот и ден во кој секогаш е почеток на остатокот од вашиот живот.

post

Кога е вистинското време за пивотирање?

Со развојот на една сосема нова филозофија се развива и нова терминологија во кажување на работите кои можеби и досега сме ги применувале но, без некое посебно име.

Пивотирање (pivot) како еден процес, особено кај стартап компании за првпат се појавува во The Lean Startup на Erick Ries, каде што е дефинирано како:

…структурирана корекција на курсот, која е дизајнирана за да се тестираат нови фундаментални хипотези за производот, стратегијата и машинеријата на растот.

Согласно таа дефиниција, пивотирањето не е ништо друго освен промена која има за цел да се тестираат нови хипотези. Но, можеби како израз е поволен кога станува збор за стартап компании каде промените се случуваат со хипербрзина (може да се мерат и во секунди).

Но, тука прашањето е кога е вистинското време за пивотирање?

Продолжи…

post

Можете ли да бидете среќни на работа?

Често пати мислиме дека среќата е нешто што онака се случува без разлика на нашите постапки.

Доколку сте претприемач ја имате таа моќ директно да влијаете на вашата среќа, но и среќата на вашите вработени барем додека сте на работа.

Доколку пак сте вработени, иако не можете со истата моќ да влијате сепак можете да влијаете во креирање на работна атмосфера која ќе поттикнува среќа и кај вас и кај вашите колеги.

Среќата не е случаен феномен, таа се креира.

Мора да ви биде јасно дека во вашите раце е креирање на вашата и на вашите вработени среќа. Таа не се случува сама од себе. Мора да се вложи труд  во креирање на истата.

Мора да знаете што ќе претставува среќа во вашата работна организација. Дали е тоа насмевка на лицата на сите вработени? Дали е работна средина во која сите си помагаат, смеат, поприкажуваат…? Што е со среќата надвор од работата?

Размисли за она што ја креира среќата за вас и вработените во бизнисот.

Морате да се запрашате што е она што ве прави среќни вас и вашите вработени. Мора да знаете што треба да направите, од каде да тргнете.

Вие сте одговорниот за креирање на една среќна работна атмосфера во вашиот бизнис, а без знаење за тоа што претставува среќа и што ве прави среќни нема да можете да преземете ништо.

Креирај работна атмосфера во која сите се среќни.

Кога веќе знаете што треба да направите за да имате навистина работна атмосфера која сите вас ве прави среќни можете да започнете со креирање на истата.

Едноставно започнете и следете што се случува, идеи за подобрување секогаш ќе има.

Среќата бара неформалности, не ги оневозможувај.

Иако можете преку соодветни правила и процедури да креирате добра атмосфера на работните места, сепак среќното чувство не може да биде во целост контролирано од ваша страна.

Неформални разговори, неформални совети, неформални вицови… Сите овие неформалности ќе влијаат севкупната атмосфера да биде како едно мало/големо среќно семејство.

Не дозволувајте негативности на работното место.

Негативностите се уништувачи на среќна работна атмосфера. Ќе мора да ги откриете сите такви негативноси и да ги елиминирате.

Секој може да има навистина лош ден, но смеете да дозволите единките да ја уништат атмосферата. Мора мноинството да преовлада.

post

[Видео] Моќта на мрежите

Дали треба да се коментира моќта на мрежите, особено во еден комплексен свет во кој живееме?

Интересно видео на оваа тема.

post

[Цитат] Парите и бизнисот

Доколку ја завршите работата доволно добро, последната работа за која треба да се грижите се парите, исто како што ако живеете правилно, ќе бидете среќни.

~ Edwin Land, основачот на Polaroid Corporation

Правејќи ги правите работи на прав начин ќе си ја заврши работата што ја работите, но и ќе обезбеди реализација на вашите цели.

Доволно добро завршување на работата во бизнисот не е она што вие сметате дека е доволно добро, туку она што вашите купувачи сметаат дека е добро.

Бидете покрај нив, слушајте ги, исполнувајте ги нивните желби и испорачајте ги решенијата за нивните проблеми и потреби. Парите самите ќе си дојдат.

post

Што претставува еден претприемач? Дизајнер на производ или бизнис?

Долго време се сметаше дека основата на претприемаштвото е да се дизајнира уникатен производ или услуга кој ќе ги импресионира купувачите. Сепак, оваа размислување денес не може веќе да се користи.

Ова не значи дека еден претприемач нема да дизајнира беспрекорен производ или услуга, особено поради фактот што тој производ или услуга е нешто што е во директен контакт со купувачите, оние од кои зависи бизнисот.

Но, постои и една друга страна. страната на бизнисот, поддршката, системите, стратегии, визија…

Можете да имате беспрекорен производ на хартија, но доколку нема кој да го изработи, да ги склопи сите коцкички во една целина за да навистина биде беспрекорен не на хартија и не во вашите очи туку во очите на вашите купувачи нема вашиот бизнис нема да спее.

Можете да имате беспрекорен производ, но сепак доколку потенцијалните купувачи не дознаат за него и неговата беспрекорност не можете да очекувате успех на бизнисот.

Може се да функционира како што треба, да имате беспрекорен производ, одличен маркетинг систем, но сепак да не успеете, доколку оние кои треба да го продаваат не знаат како да го продаваат.

Како претприемач вашиот фокус треба да биде насочен на градење на бизнис, а не само на производ или услуга.

Тоа значи градење на системи на кои ќе се базира бизнисот. Тој претставува организациски систем и логично е да се започне со градење на системи. Како еден од тие системи ќе биде и дизајн, инженеринг и производство на производот, но сепак тој систем ќе има и системи кои ќе поддржат негово успешно лансирање на пазарот, успешно администрирање на бизнисот, успешен развој на бизнисот…

Како еден мал бизнис вашиот фокус треба да биде насочен минимум на следниве три системи:

  • Производ/услуга (Се она што придонесува да се изработи еден производ или услуга како дизајн, инженеринг и производство на истиот),
  • Маркетинг/продажба (Овој систем има за цел да го доближи производот или услугата до купувачите и секако да го продаде. Бидејќи зборуваме за мал бизнис наместо два системи дизајнирајте еден) и
  • Администрација (колку и да изгледа непотребно сепак некој мора да се занимава и со администрација како процесирање на разна документација, водење на книги, контролирање…)
post

Меѓународна стратегија како деловна култура на компанијата

Културата на компанијата има значајна улога во извршување на стратегијата. Таа има за цел да:

  1. Обезбеди ментален и емотивен водич, кој сите менаџери и вработени треба да го следат и да го подржуваат кога ќе се формулира и извршува стратегијата.
  2. Се потпира на основата, според која луѓето подобро ќе се однесуваат еден спрема друг и тие ќе креираат специфично чувство на идентитет во однос на другите компании.

Културата на компанијата по својата природа може да биде: култура заснована на социјализација и пазарно базирана култура. Првиот вид на култура е долгорочна и се применува детален процес на социјализација, силни и моќни норми и систем на контрола. Вториот вид на култура е таков вид, во кој функциите на компанијата и постапките на менаџерите не се разликуваат од постапките на екстерниот пазар. Нормите или се изгубени или отсуствуваат, процесот на социјализација е ограничен, а системот на контрола е заснован само на извршување и квантитативно мерење.

Компанијата која ја спроведува меѓународна стратегија применувајки го првиот вид култура има предности бидејќи создава долгорочно обврзување на вработените и чувство на меѓународна контрола, кои функционираат во услови на реципрочна меѓузависност. Меѓународните компании кои го применуваат вториот вид на култура, ги водат менаџерите кон создавање на вистински маркетинг концепт, кој е применлив во различни регионални услови.

Иако постојат разлики во сфаќањето дека културата станува похомогенизирана, а глобализацијата на пазарите зазема се поважно место во денешните напредни технологии, во транспортот и комуникацијата, сепак континуирано се случуваат мултикултурни бизнис грашки, кои стануват стварност во меѓународниот бизнис. Тоа значи дека формулирањето на глобалната мултинационална стратегија на претпоставката на културна хомогеност надвор од географските граници, може да биде несоодветна.

Остварувањето на успех во меѓународните активности, во голема мерка зависи од прилагодувањето на стратегијата на компанијата на барањата, кои се истакнуваат од културата на земјата домаќин.

Културата е важна при определување на судбината на нациите.

Културата е колективен феномен, а културните разлики можат да се претстават врз база на анализа на претходните фактори. При тоа заклучуваме дека националната култура потешко се менува, додека културата во рамките на компанијата побрзо се менува, но секако дека постојат и тука проблеми и отпори. Заедничката култура на работење може да се негува и одржува преку посетување на заеднички семинари, предавања, учество во истите проекти и слично, со што се формира еднообразност во однесувањето. Иста култура во однесувањето се добива и доколку раководните луѓе завршиле исти факултети, па со учење на истите предмети им е развиена сличност во однесувањето во знаењето и другите параметри, кои овозможуваат остварување на слични резултати во работењето. Најтипичен пример е еднообразното однесување на вработените во рестораните на McDonalds низ целиот свет.

post

[Цитат] Разбирање на купувачи

Разбирањето зошто купувачите велат НЕ е многу поважно отколку разбирањето зошто кажуваат ДА. Мора да разберете каде во процесот со појавува одбивањето…

~ Стив Бланк и Боб Дорф во книгата The Startup Owner’s Manual

Во обидите да го разберете купувачот, фокусирајте се кон причините зошто оние што ве одбиваат ве одбиваат. Тука се одговорите за понатамошни подобрувања.