post

Среќна нова 2012 година

Почитувани читатели на претприемач, тимот на претприемач ви ја честита новата 2012 година и ви посаку многу успех во работата и животот. Нека новата година ви донесе многу здравје, среќа, успех и секако љубов.

post

Бизнис идеи – Најдоброто од 2011 година

Претприемач новогодишно 2012

Претприемач новогодишно 2012

Категоријата бизнис идеи има околу 70 наслови од кои 28 беа од 2011 година и кои се однесуваат на совети и препораки во однос на стекнување и анализирање на разни бизнис идеи за започнување на бизнис. Овој пост е дел од серијалот најдоброто на претприемач за 2011 година.

Кога станува збор за претприемништво и бизнисите како и нивно започнување неможе да продолжиме да зборуваме без бизнис идеи. Тоа е почетокот на секој бизнис, без разлика за што станува збор. Претприемач без бизнис идеи нема да постои, бизнис без претприемач и без идеи исто така не може да постои.

Тука ќе ги издвоиме најдобрите постови од оваа категорија според најголемата читаност од страна на читателите на претприемач.

  1. Бизнис идеја и нулта хипотеза. Бизнис идеите мора да бидат тестирани пред да се донесе одлука за започнување на бизнисот. Една можна случка е бизнисот дека нема да успее. Зошто да не започнеме со тестирање и анализирање на нашата бизнис идеја токму од оваа хипотеза?
  2. [Видео] Бизнис идеја и нулта хипотеза. Она што е презентирано во постот преку практичен пример е објаснето во едно видео.
  3. 4 нотеси кои секој претприемач мора да ги има крај себе. Сигурно сте се нашле во ситуација во која чувствувате дека едноставно вашиот мозок ќе експлодира од нови идеи. Некои можеби во моментов сосема безвредни, но со одреден потенцијал кој ветува за иднина. И, не само идеи, вашиот мозок работи со огромни капацитети, кои доколку се заборават се безвредни.
  4. 11 совети да се биде креативен при работа. Креативноста претставува основа за добри бизнис идеи. Доколку се обезбеди, недостаток на идеи нема да биде случај за тебе и за твојот бизнис.
  5. Вклучување на конкурентската предност уште во фаза на бизнис идеја. Многу добар приод во текот на обработка на твоите идеи е веднаш да размислуваш за конкурентска предност.
  6. Бизнис идеите се само почеток. Да, добра бизнис идеа не значи и добар бизнис по автоматизам.
  7. Веројатно си одличен за нешто. Кога станува збор за започнување на бизнис, мора да бидеш одличен во нешто што ќе биде основниот концепт на твојот бизнис.
  8. 10 вештини кои на секој претприемач му се потребни веднаш. Бизнисот во голем дел ќе се базира на вештините на претприемачот.
  9. Иновативни можности на еден претприемач. Ова е еден серијал од повеќе постови за различни иновативни можности, за кој вреди да се потроши време заради проучување.
  10. Развој на идеи за започнување на бизнис. Во постот се презентирани некои научни методи за развоја на идеи за започнување на бизнис.
  11. Анализа на бизнис идеи. На што треба да се внимава особено при анализа на бизнис идеите?
post

Претприемач – Најдоброто од 2011 година

Претприемач новогодишно 2012

Претприемач новогодишно 2012

Категоријата претприемач веќе содржи скоро 300 постови кои се однесуваат на различни совети, препораки и анализи за претприемачите. Овој пост е дел од серијалот најдоброто на претприемач за 2011 година.

Централна фигура од кого зависи скоро се во еден бизнис и особено мал бизнис претставува еден претприемач.  Почеток, крајот, успехот, неуспехот, акции, молчење, вработување, отпуштање, финансирање, планирање, контролирање… Сето ова се само мал дел од активности кои еден претприемач ги презема.

Да ги издвоиме најдобрите постови од оваа категорија според најголемата читаност од страна на читателите на претприемач.

  1. Како да успеете со се што ќе започнете. Успехот наједноставно кажано претставува остварување на целите поставени пред некоја акција која ја превземате. Постои ли некој кој не сака да биде успешен? Во постот се презентирани 6 чекори кои ќе ти помогнат за постигнување на успех.
  2. Одговорност на еден претприемач. Време е одговорноста да се префрли на вистинската страна. Многу е лесно да се бараат изговори, но без одговорност за преземени акции, чекори и постигнати резултати, не може ни да постои еден претприемач.
  3. 4 Алатки за стратешка анализа. Постојат огромен број на алатки за стратешки анализи кои што можеш да ги користиш. Тука се презентирани 4 алатки со чија помош ќе можете да донесувате поквалитетни стратешки одлуки.
  4. Дали Toyota ќе се врати од катастрофа. Овој пост едноставно претставува едно видување и анализа како на случувањата околу една од најиновативните компании во автомобилската индустрија.
  5. Развој на вашата стратегија во 4 чекори. Како да ја зравиете стратегијата за твојот бизнис која едноставно ќе ве води низ патот преполн со неизвесност? Во овој пост е презентиран еден процес во 4 чекори со кој ќе можете да ја развиете стратегијата која што ви е потребна.
  6. 10 совети да бидеш успешен претприемач. Да се биде претприемач не е лесно. Многу предизвици, многу различни патишта, многу различни можности, многу закани, многу проблеми… Во овој пост ќе ги систематизиравме најважните совети кои треба да бидат следени од еден претприемач
  7. Што е она што го продаваш на твоите купувачи? Што ти или твојот бизнис им продава на купувачите? Твојот одговор како и одговорот на повеќето претприемачи би бил дека тоа се твоите производи и/или услуги. Но, сепак одговорот може и да не е точен.
  8. Претприемништво – Дали си вистинската личност за ова? Постојат различни сили – покренувачи за да се стане претприемач. Сепак,  дали тоа се вистинските сили, кои ќе ти донесат долгорочна успешност на твојот нов, или иден бизнис?
  9. Колкав ризик можеш да толерираш – дел 1. Претприемништвото е во блиска релација со ризикот и превземање на ризик од страна на претприемачот. Не можеш да станеш претприемач без да превземеш одреден вид на ризик. Но, прашањето е колкав ризик можеш да толерираш?
  10. Колкав ризик можеш да толерираш – дел 2. Во првиот дел, опфативме некои можни ризици кои постојат за тебе како потенцијален претприемач. На крајот, дојдовме до некои конкретни бројки за тебе како потенцијален претприемач за можните заработки за следните 10 години. Но, да се провериме повторно.
  11. Ти си претприемач, дали се разбираш доволно себеси? Голем дел од твојот бизнис успех ќе биде базира на тебе како еден претприемач и на твоето разбирање на себеси. Но, дали доволно се разбираш себеси? Кои се твоите вистински потреби?
  12. Што е она што го убива твојот бизнис? Знаеш ли што е она што те спречува, сопира, запира…? Што е она што го убива твојот бизнис?
  13. Како да станеш претприемач? Навистина едно од најпоставуваните прашања. Овој пост претставува колекција од 87 чекори, совети, препораки или активности кои ќе те направат претприемач.
  14. Надминување на одложување преку елиминирање на причините. Дали си одложувач? Дали понекогаш за твоите важни задачи или активности велиш има време утре ќе ги завршам? Што мислиш за ова? Биди реален во твоите одговори на прашањата. Како човечки суштества сите ние имаме одредени видови на одложувачи елементи во себе. Потребно е да ги откриеме и елиминираме причините.
  15. Постигни повеќе со подобар квалитет и помал напор. Иако се чини како невозможно, сепак во постот е дадена една корисна листа на совети кои можат да го направат ова да биде возможно.
  16. 10 правила за успех на претприемачи. Различни претприемачи имаат различна дефиниција за нивниот успех. Затоа и не може да се земе еден јасен патоказ кој ќе ти го покаже патот кон успехот. Но, можеме да ги исцртаме основните правила кои доколку ги следиш на твојот сопствен пат, ќе го најдеш успехот.
  17. Дали знаеш зошто го правиш она што го правиш? Мислам дека нема потреба од дополнителен коментар.
  18. Како твоите соништа да станат реалност? Секој бизнис е резултат на сон на претприемачот. Како тој сон да се трансформира во успешен бизнис или успех за еден претприемач?
  19. Што е карактеристично за секој претприемач и секој мал бизнис? Постои само еден и единствен одговор кој ќе одговори на оваа прашање и ќе биде применлив за сите претприемачи и за сите бизниси.
  20. Што претставува успех за тебе? Како можеш да очекуваш да го постигнеш успехот доколку не знаеш прецизно што тој претставува за тебе.
  21. Постигнување на совршенство во се. Може ли да се постигне тоа совршенство кое го сакаме. Прочитај за концептот на “несовршено совршенство”.
  22. Верувај во себе, да ти можеш. Без да веруваш во себе не можеш да очекуваш дека другите ќе ти веруваат.
  23. Претприемнички циклус на ветувања. Ветуваш дека твојот бизнис ќе ги реши проблемите и задоволи потребите на потенцијалните потрошувачи, и доколку тие ти веруваат, ќе купат од тебе. Но, доколку го испорачаш ветеното, автоматски ти стануваш личност од доверба и со поголем кредибилитет.
  24. Визијата на Steve Jobs за светот. Видео во кое еден од најголемите менаџери во изминатиот период зборува за визијата и погледите кон светот.
post

Најдоброто на претприемач во 2011 година

Претприемач новогодишно 2012

Претприемач новогодишно 2012

Полека но сигурно ја испраќаме и оваа 2011 година. За некој ден завршува годината која ќе ја паметиме по добри работи, а ќе се обидеме да ја заборавиме по сите лоши работи. Како и секоја година на претприемач во изминативе три години, така и оваа ќе ја завршиме со серијал на постови за најдоброто на претприемач и воедно да ги презентираме некои досегашни постигнувања и секако планови за развој за 2012 година.

Првин за бројот на објавени наслови, кој иако не ја исполни зацртаната цел да се стигне до бројка од 1000 оваа година сепак е блиску (ќе завршиме со некаде околу 930 објави) и за тригодишно постоење и обработка на оваа тематика навистина претставува солидна бројка. Оваа година има вкупно 370 постови на претприемач од различни теми кои ја опфаќаат оваа проблематика. Некои се информативни, но поголемиот дел,  односно над 90% се од делот на извор на знаење за претприемачи – целта за која е и направен овој сајт.

Оваа година се случи и камбек на Илија Чубровиќ кој даде свој придонес во повеќе наслови врз основа на неговите анализи, проучувања и практицирање на претприемништвото во последите 20 години во Република Македонија. За сите гостински постови им се заблагодарувам на сите кои дадоа придонес во збогатување на оваа содржина.

Иднината! Што ќе се случува во 2012 на претприемач. Прво продолжуваме со уште посилно темпо на нови содржини преполни со знаење за претприемништвото. Она што ќе биде карактеристично и што можеше да се забележи во последниов месец е користење на повеќе видео материјали. Да, целта е да ја зголемиме сопствената продукција на видео материјали на претприемач.

Кога станува збор за билтените на претприемач и регистрираните може да очекуваат неколку изданија на книги од следниве теми (точните наслови не се определине бидејќи ова ќе бидат спакувани од 2 магистерски работи и една книга):

  • Блогирање за бизнис во 30 дена
  • Претприемништво
  • SWOT анализа
  • Организациски промени

Во следните неколку денови ќе имате можност да видите серија на постови, избор на најдоброто на претприемач, кои ќе влезат во делот Започни тука. Постовите ќе бидат групирани по теми и тоа:

Како што ќе ги објавувам постовите, така и ќе ги ажурирам линковите во оваа листа од овој серијал.

post

Најсилни претприемнички оружја

Денес, се чини дека секој има некои тајни оружја за сопствениот успех. Претприемачите исто така имаат сопствени тајни оружја кои ќе им помогнат на патот кон успешноста.

И мојот син има тајни оружја, но во форма на играчки кои понекогаш ги наоѓам и во кревет додека спие (слика).

Оружје

Имаш ли ти како еден претприемач твои тајни оружја за твојот успех?

Што мислиш за тоа, кои се најважните претприемнички оружја?

Само како идеја ќе се обидам да бртеинстормирам некои тука кои секако не се конечни и не се единствени.

  • Креативност. Ти како еден претприемач секогаш ќе имаш потреба од креативност во твојот бизнис доколку сакаш да бидеш најдобриот на пазарот. Ти требаат креативни идеи заради подобрување, нови пазари, раст на бизнисот…
  • Нешто што ќе ја победи неизвесноста. Можно ли е да се победи неизвесноста во еден претприемнички живот? Најверојатно не, но може да користиш различни оружја за да пробаш да ја контролираш таа неизвесност колку што можеш повеќе. Ти требаат податоци кои треба да бидат анализирани и кои ќе ти покажат некои трендови и идни можности. Твоите аналитички вештини се едни од најсилните претприемнички орудија за тебе.
  • Силна заедница. Ти си добро вооружен претприемач доколку имаш силна заедница околу тебе која го поддржува твојот бизнис, твоите идеи, твоите планови…
  • Посветеност. Едно од посилните оружја за тебе акко еден претприемач е ѕвојата посветеност на бизнисот кој го имаш. Доколку имаш пасија, ќе имаш и посветеност која ќе те води кон успехот.
  • Силен бизнис тим. Не можеш да успееш сам. Генерал без силна армија не е успешен генерал. Истото е и со претприемачот. Претприемач без силен тим не може да биде успешен претприемач.
  • Влијание. Мора да бидеш влијателна личност. Сакаш да ги продаваш твоите идеи, твојата пасија, твоето знаење… Доколку сакаш да бидеш следен и доверлива личност како еден претприемач твојот став и твојот дух мора да бидат влијателни во очите на други луѓе.
  • Акција. Спремноста да преземеш акција кон успехот е едно од најголемите оружја во твоите раце. Доколку не си преземач на акции, ти си сонувач. Но, сонувачи не се претприемачи. Претприемачи се личности кои го конвертираат сонот во реалноста.

Ова е само дел од севкупниот арсенал на оружја на еден претприемач. Но, сметам дека овие се најважните кои ќе ти помогнат да ја добиеш битката и битките кои што следуваат за да на крајот ја добиеш и војната.

Кои се твоите најсилни претприемнички оружја?

post

Што ти треба за да преживее твојот бизнис?

Бизнис 101: Планирање Денешното време во кое оперира еден мал бизнис не е некое време кое ќе обезбеди мирна иднина каде растот на бизнисот ќе биде гарантиран.

Потрошувачите имаат можности да бираат повеќе од било кога досега. Промените на пазарот се се почести што не можат да се следат со голо око. Се околу твојата компанија врши притисок врз тебе за брзи промени доколку сакаш компанијата да преживее.

Мора да го слушаш пазарот, заедницата, потенцијалните потрошувачи и потрошувачи. Мора да го прилагодиш твојот бизнис во согласност со нивните потреби, желби и вистински проблеми за кои сакаат уникатно решение. Мора да го оптимизираш за да излезеш во пресрет на се повеќе различни потреби на потрошувачите.

Ти си “босот”. Ти си претприемач. Одговорноста е твоја.

#1 Елиминирај го зборот “Не” од твојот речник

Во денешниот свет на бизнисите, не постојат изговори за “не”. Доколку пазарот сака нешто, мора да го испорачаш тоа што го сака. Доколку потрошувачите имаат нови потреби, мора да излезеш во пресрет на нивните нови потреби.

Не смееш да кажеш не, одговорот е секогаш да за се околу тебе и твојот бизнис.

#2 Ти треба флексибилен тим

Ти треба многу флексибилен тим кој ќе сака да ја направи разликата во твојот бизнис. Не ти требаат стотици прашања како зошто нешто треба да биде преземено.

Премногу прашања значат преголема нефлексибилност. Тие мора да комуницираат со тековните и потенцијалните потрошувачи. Мора да користат нова технологија. Мора да бидат флексибилни. Одговорноста е сечија.

#3 Промените се дел од секојдневниот живот во твојот бизнис

 

Имаш ли еден, само еден ден без промени во твојата компанија? Доколку одговориш со да, тогаш си во голема неволја.

Секое утро кога ќе дојдеш во твојата канцеларија запрашај се со следниве прашања:

  • Што можам да подобрам денес?
  • Што мора да променам денес?
  • Како ќе променам нешто денес?

#4 Имплементирај и користи сугестивни програми

Можните подобрувања се најдобри кога доаѓаат од секого во твојот бизнис. Ти не си најумниот во твојата компанија, иако си претприемач.

Најдобриот начин да го искористиш потенцијалот на сите твои вработени за да сугерираат можности за подобрувања е да имплементираш сугестивни системи.

#5 Решавај ги проблемите без одложување

Не добиваш ништо доколку одложуваш со решавање на проблемите во твојата компанија. Добиваш само одложено проблеми. Тие се тука, во твојот бизнис и мора да преземеш акција за да ги решиш.

Денешната работна околина не може да чека на твоите одложувања. Тоа се твои проблеми, не проблеми на твоите потрошувачи или конкуренти. Се мора да се заврши вчера, не утре, дури не и денес.

#6 Отстранувај ги причините за проблемите перманентно

Може да го решиш проблемот, но твојот процес на решавање на проблеми не завршува се додека не ги отстраниш сите причини за определен проблем.

Доколку не ги откриеш вистинските причини и да ги отстраниш од идно повторно појавување, ти не си го решил определениот проблем. Проблемот ќе се појави повторно во иднина.

#7 Подобри ги вештините на твоите вработени

Ти и твојот бизнис сакате вешти вработени, бидејќи твоите потрошувачи бараат производи и услуги базирани на вештини на твојата компанија.

Не заборавај да ги подобруваш вештините на твоите вработени доколку сакаш да преживееш.

post

10 Чекори за да бидеш подобар претприемач

Подобар претприемач Значи, сакаш да станеш претприемач, но не било каков претприемач. Ти сакаш да бидеш подобар претприемач.

Како можеш да бидеш подобар претприемач? Што треба да направиш за тоа? Кои се чекорите кои треба да ги преземеш за да биднеш подобар претприемач?

Ова се доста комплицирани прашања, кои не можат да бидат одговорени со едноставен темплејт кој може да се следи. Различни бизниси и различни лица – претприемачи, бараат различни акциони чекори.

Но, како и секогаш, постојат некои заеднички често користени принципи или чекори кои имаат потенцијал да го разликуваат просечниот претприемач од подобар претприемач.

Во последните неколку години, работев со различни претприемачи од различни индустрии и различни бизниси од различни пазари. Сите тие се различни, и никој од нив ги нема преземено истите чекори за да постане успешен. Но, можам да направам разлика меѓу нив, или попрецизно да направам некоја разлика помеѓу успешни и просечни. Сите успешни претприемачи ги користеле следниве чекори и затоа и се разликуваат во поглед на успешноста од оние кои не ги користеле.

#1 Успешни претприемачи преземаат акција

Тие имаат идеи, сакаат да сонуваат за нивните идеи, но исто така преземаат акции (прва особина на успешен претприемач) за да нивните соништа станат реалност.

Без тие акции, тие не би биле онаму каде што се денес. Без тие акции нивните соништа не би станале реалност. Без тие акции, тие не би биле претприемачи.

#2 Повеќе акции

Тие секогаш преземаат повеќе акции бидејќи никогаш не се задоволни со тековната ситуација, иако презеле претходно акција и успеале со неа.

Секогаш постои нешто повеќе за нив, нешто што може да се подобри, нешто подобро…

#3 Заедница

Претприемачи без заедница не можат да бидат претприемачи. Успешни претприемачи имаат голема заедница на поддржувачи, истомисленици, привлекувачи на внимание, следачи… Тие знаат дека без нив, нивниот бизнис би бил во опасност. Тие знаат дека нивниот бизнис успех ќе се потпира на таа заедница.

Затоа и една од најважните задачи за нив е подобрување на квантитетот и квалитетот на заедницата.

#4 Учат од нивната заедница

Нивните поддржувачи, истомисленици, привлекувачи на внимание и следачи секогаш можат да им дадат идеи за можни подобрувања, можни потреби или пак можни проблеми кои бизнисот може да ги реши, а сеуште не се решени.

Овие претприемачи го имаат најголемиот потенцијал за зголемување на сопствената бизнис потенцијална енергија директно од нивната заедница зголемувајќи го нивното знаење за тоа што луѓето сакаат. На таков начин, ќе можат да им го дадат она што го сакаат. Тоа е добива-добива (win-win) ситуација.

#5 Не стравуваат од неуспех

Дури може да се каже и дека сакаат да не успеат, но да не успеат колку што може побргу. Доколку направиле грешка, подобро е да не успеат во раните фази на проектот кога неуспехот не е толку болен како што би бил подоцна.

#6 Учат од неуспех и грешки

Доколку немаат неуспеси, нема ниту да научат. Доколку не научат нема да знаат што да прават во иднина. Дали ова е едноставно?

#7 Она што го научиле, го применуваат во следните чекори

Секогаш се спремни да преземат акција и преземаат акција. Но, она што го знаат од формално и неформално образование го користат во секојдневната работа.

Наученото е стандард за во иднина.

#8 Секогаш се обидуваат да научат нешто ново

Читаат книги кои може да го подобрат нивниот претприемнички ивот. Зборуваат со разни лица и учат истовремено. Никогаш не запираат со пробување на различни начини да научат нешто ново што може да се користи во нивниот бизнис.

#9 Никогаш не забораваат да преземат акција

Секоја одлука мора да биде имплементирана. Секој проект мора да се започне и заврши до крај. Секогаш постои нешто што треба да се направи.

Добредојде во бизнис светот!

#10 И, да, неуспехот е дел од нивниот секојдневен живот

Доколку се менаџира на вистинскиот начин, тие може да не успеат 9 пати од 10 обиди. Но, последниот, десетиот успех, може да биде вреден за сите девет неуспеси.

Значи, треба да направиш нешто, да не успееш и да научиш од тој неуспех. Тоа е основната филозофија на станување на постојано подобар претприемач.

Може ли да споделиш твои размислувања за успешен претприемач? Што мислиш, постои ли уште нешто што ќе ја подобри листава?

Да, секогаш може нешто да се подобри, дури и листава.

 

post

[Видео] Визијата на Steve Jobs за светот

Во изминатиот период доста време поминувам со автобиографската книга за Steve Jobs од Walter Isaacson, која едноставно во многу елементи од она што го знам ме насочи дека нешто е многу погрешно. Успехот на Apple како компанија е многу повеќе отколку она што може да се види, но забележително е влијанието на еден човек, човек кој најверојатно заскогаш го смени изгледот на компанијата која ја започна, но и изгледот на светот кој го знаевме до пред десетина години. Тоа, нешто е многу подлабинско, поемоционално, поневидливо…

Дел од тоа може да се види и од видеото во кое тој ја кажува неговата визија за светот.

Светот како што го гледал и замислувал Steve Jobs е окарактеризиран преку следниве негови зборови:

Кога ќе пораснеш имаш тенденција да кажеш дека светот е онаков каков што е и дека твојот живот е да го живееш животот во тој свет. не се обидувај премногу да ги пробиваш ѕидовите. Обиди се да формираш добро семејство, да се забавуваш, заработиш нешто пари…

Тоа е многу ограничувачки живот. Животот моѓже да биде многу поширок доколку откриеш еден единствен факт: Се околу тебе што го нарекуваш живот е направено од луѓе кои не се попаметни од тебе и ти можеш да го смениш тоа, да влијаеш на тоа, да изградиш твои сопствени работи кои другите луѓе ќе ги користат.

Еднаш кога ќе го научиш ова, никогаш веќе нема да бидеш истиот.

post

Идеи кои можете да ги искористите од Ноември 2011

Претприемач

Претприемач

Време е за уште еден пост во кој ќе ги извлечеме најдобрите од претходниот месец.

Секој месец врз основа на аналитиката на најчитаното на претприемач како и препораките од тимот на претприемач и секако читателите, ги избираме најкорисните постови од претходниот месец. Овој серијал кој го подготвуваме на месечна основа ги издвојува најдобрите наслови кои ќе влезат во страната Започни тука на претприемач на крајот на годината.

Кои се најкорисните идеи кои можете да ги искористите од Ноември 2011 кога станува збор за твојот бизнис и за тебе како еден претприемач?

Да започнеме со листата:

Маркетинг

  • Не што тие велат дека сакаат или што ти мислиш дека сакаат. Честопати она што мислиме дека го сакаме и она што навистина сакаме е сосема различно. Но, и она што бизнисите мислат дека сакаме е различно од она што ние навистина сакаме. Во постот се дадено препораки кои можете да ги искористите за бреинстормирање на различни потреби на твоите сегашни или потенцијални потрошувачи колку што може повеќе.
  • Како да изградиш силни односи со твојата заедница. Освен градење и одржување на твојата заедница мора да градиш и подобри односи со таа твоја заедница. Мора да комуницираш со неа. Мора да направиш да ти бидат партнери. Ти треба нивната помош доколку сакаш да го раснеш твојот бизнис.
  • Како да се диференцираш себеси. Во постот е презентиран еден можен процес кој ти како еден претприемач можеш да го користиш за да се диференцираш себеси и твојот бизнис.
  • Како да ја комуницираш вредноста? Секој бизнис нуди одреден вид на вредност за потрошувачите. Но, за да успее мора да ја комуницира таа вредност со потрошувачите или потенцијалните потрошувачи.
  • Како да ја анализираш конкуренцијата? Кои се тие? Што прават? Кои се импликациите врз твојот бизнис од она што тие го прават? Што треба да направиш?

Бизнис план

  • Твоите бизнис вредности ќе ти кажат што треба да направиш. Кога возиш автомобил низ пат кој е полн со кривини има поставено патобрани кои служат доколку изгубиш контрола да те вратат на самиот пат или барем да ја ублажат катастрофата. Така и твојот бизнис патува низ пат кој е во цик-цак форма и му се потребни патобрани, а тоа се вредностите кои ги имаш поставено.

Менаџмент

  • Добар менаџер – постои ли такво нешто? Кои се некои од најдобрите особини кои треба да ги поседува еден менаџер? Во овој пост се дадени некои од нив и секако доколку сакате да ги погледнете преку една видео презентација можете да го погледнете и видеото.
  • 10 книги за менаџмент кои мора да се прочитаат. Еден начин за да ја зголемиш твојата бизнис потенцијална енергија во твоите менаџерски вештини е да најдеш, прочиташ и научиш од различни книги за темата. Во постот е дадена листа од најважните книги за кои јас сметам дека ти како еден претприемач мора да ги прочиташ доколку сакаш да ја менаџираш твојата компанија кон успехот.
  • 30 цитати за одложување. Дали си се нашол во ситуација да одложиш некоја твоја важна активност? Во постот се дадени 30 цитати кои се однесуваат на оваа зло за еден претприемач.

Претприемач

Технологија

Финансии

post

Претприемништво – предности и недостатоци

Вистини и невистини за претприемачи Секоја работа си има свои убави, но и помалку убави страни, односно носи одредени привилегии и предности, како што има и свои мани и недостатоци.

Исто така и претприемништвото ги носи во себе овие карактеристики.

Предности на претприемништво како професија

Како предност треба да се истакне тоа што претприемачите поседуваат одредена автономија-независност и слобода во одлучувањето по голем број на прашања (сам свој газда), но не и на сите, бидејќи постојат одредени фактори кои не можат тукутака да се игнорираат (влада, добавувачи, купувачи, сите имаат своја тежина, па во голем број случаи претприемачот мора свесно да ја ограничи својата автономија).

Предност да се започне сопствен бизнис е и чувство на достигнување и контрола на финансиите. Не е секогаш во прашање само зголемување на богатството. Голем број на претприемачи не бараат исклучиво само богатство, туку тоа што го имаат да можат да го контролираат.

Недостатоци на претприемништво како професија

Како негативност се јавува личното жртвување. Претприемачот има многу работа, особено во првите години. Нема време за семеен живот, рекреација, одмор. Постои голема напнатост и високо ниво на стрес. Претприемачот треба да си го постави прашањето за тоа, колку е самиот способен да се жртвува за бизнисот да биде успешен. Се јавува љубомора кај пријателите.

Товарот на одговорност е голем. Претприемачот често нема соработка со луѓе од ист ранг, па не постои колегијалност, поделба на информации. Поради тоа и одговорноста е значително поголема. Претприемачот е сам на врвот, нема со кого да ги размени мислите. Тој ставил се под хипотека кога зел кредит. При тоа се јавува чувство на осаменост. Додека бизнисот не порасне, тој мора да има познавање на голем број на области (маркетингот, финансиите, производство).

Постои исклучително мала толеранција за грешки. Големите компании можат да погрешат и да воведат производ кој не оди, но тоа нема да ги уништи, бидејќи имаат дополнителни приходи од други бизнис активности, додека кај малите бизниси една погрешна одлука може да го закопа бизнисот.