post

Што е карактеристично за секој претприемач и секој мал бизнис?

Неизвесност

Неизвесност

Едно прашање со кое многумина се занимаваат. Многумина го проучуваат. Многумина бараат податоци, анализираат податоци, групираат податоци и прават сложени статистички анализи за пронаоѓање на корелации.

Но прашањето е едноставно. Се бара нешто со што секој претприемач или секој мал бизнис ќе биде соочен. И одговорот е едноставен, бидејќи постои само еден и единствен одговор кој ќе биде применлив за сите претприемачи и за сите бизниси. Но, првин зошто само еден одговор.

Бизнисот не е ништо поврзано со здрав разум

Здрав разум подразбира дека може да се следи нешто што е научено, нешто што е прочитано, нешто што е видено… Но, тоа не е така кога станува збор за твојот претприемнички пат како еден претприемач.

Обидете се да ги анализирате карактеристиките на најуспешните претприемачи низ историјата. Јас сум се обидел. Но, резултатот од таа анализа за моите очекувања беше погубен, затоа што очекував дека ќе дојдам до еден универзален сет на карактеристики, активности, размислувања или вредности кои го дефинираат успехот на претприемачите во глобала.

Од друга страна, барем дојдов до еден корисен заклучок, а тоа дека сите тие се различни, па дури и дијаметрално спротивставени иако може да доаѓаат од иста индустрија или пак да развиле сличен бизнис. Споредете ги само двајца големи основачи на големи компании Steve Jobs и Bill Gates. Разликите се огромни, иако и двајцата имаат слична патека, создале успешни компании.

Претприемништвото не претставува здрав разум. Што функционира за еден претприемач, нема да функционира за друг. Но, и другиот сосема ќе се разликува од првиот. Успешноста ќе се разликува бидејќи различно го дефинираат успехот. Идеите не можат да бидат здрав разум бидејќи тие се креација на креативноста. Тие можат да започнат од личен проблем и да се претворат во задоволување на глобален проблем на целата светска популација. Можат и да се базираат на копирање на нешто постоечко но со додавање на дополнителни вредности во тоа постоечко со што ќе се задоволи различен сегмент на пазарот или една ниша на пазарот која не е задоволена со постоечката понуда.

Пари исто така не можат да се земат како важна карактеристика бидејќи искуствата покажуваат дека некој може да започне со милиони парични единици, додека друг со стотици илјади, а повторно по некое време во очите на потрошувачите ќе изгледаат како успешни, бидејќи ја задоволиле нивната потреба.

Па, што е тогаш она што секогаш ќе ги карактеризира?

Како што напоменав на почетокот на овој пост, одговорот е премногу едноставен.

А тоа е незивесноста.

Неизвесноста е карактеристична особина за секој претприемач и нормално за секој мал бизнис. Еден претприемач може да прави обиди да ја намали неизвесноста со помош на планирање, предвидување, анализирање… Но, сепак и по сите тие активности таа останува константа.

Ако знаеме и велиме дека промените се константа во бизнис светот, а неизвесноста е нешто што во голем дел влијае на промените и токму поради тоа промените се константни, тогаш и единствена карактеристика која секогаш ќе постои за претприемачи и која секогаш ќе биде константна е неизвесноста.

Неизвесноста во еден бизнис изгледа вака:

  • Неизвесност
  • Уф, уф, уф… Намалување или мислење дека сме ја намалиле
  • Баааам, нова неизвесност
  • Уф, уф, уф… Намалување или мислење дека сме ја намалиле
  • Баааам, нова неизвесност
  • …

Зошто неизвесност?

Повторно прашање и повторно одговор кој е доста едноставен иако понекогаш не сме свесни за тоа.

Еден претприемач и еден бизнис постојано се опкружени со ентитети кои не се во рацете на претприемачот и како такви нивното управување како и влијанието на претприемачот е премало, а можеби и никакво. Не дека не може да влијае, може, но различно влијание ќе дава различни резултати.

Ти како претприемач не можеш да кажеш што сака пазарот. Пазарот сам си дефинира што сака и за што има потреба.

Ти како претприемач не можеш да влијаеш на глобалните економски текови, на промената на демографијата, на навиките, на законите донесени од страна на владата… А ова е само еден мал дел од оние креатори на твојата неизвесност.

Но, неизвесноста може да претставува и можност

Секогаш кога постои неизвесност, постои и нова можност. Неизвесноста можеби носи проблеми, но носи и решенија кои секако дека претставуваат нови можности и нови неизвесности истовремено.

Но, ти си претприемач, твојата задача е да се обидуваш секогаш да бараш начини за осветлување на твојот магловит пат. Доколку не е така премногу би било лесно.

post

Како твоите соништа да станат реалност?

Сите ние имаме соништа. Сакаме да биднеме нешто, да постигнеме нешто, да успееме во нешто… Сите сакаме нешто за утре што го немаме денес! Тоа се нашите соништа.

Можеби имаш сон да станеш претприемач. Можеби сонот ти е да го направиш твојот бизнис успешен.

Но, соништата се вредни само доколку станат реалност. Само тогаш можеш да ги почувствуваш бенефитите од твоите соништа.

Како твоите соништа да станат реалност.

#1 Точно знај и биди сигурен во тоа кои се твоите соништа

Нема да можеш да ги оствариш соништата доколку не си 100% сигурен за нив. Како можеш да постигнеш нешто доколку не знаеш точно што е тоа нешто. Дури и најмала “магловитост# може да те спречи во реализацијата.

  • Ги знаеш ли твоите соништа?
  • Можеш ли да ги идентификуваш?
  • Можеш ли да ги опишеш?
  • Можеш ли да ги покажеш?

#2 Што треба да направиш за да твоите соништа станат реалност?

Кога веќе ги знаеш точно твоите соништа, или оние најприоритетните, веќе можеш да го исцрташ патот кој во иднина ќе треба да го поминеш за да тие соништа станат реалност.

  • Можеш ли да го нацрташ патот?
  • Можеш ли да го опишеш патот?
  • Можеш ли да го покажеш патот?

#3 Кои се најголемите препреки на тој пат?

Секогаш, секогаш, секогаш ќе имаш нешто како препрека што ќе те запира или успорува на твојот претприемнички пат. Мора да ги знаеш најголемите препреки кои те запираат во постигнување на успехот на твојот претприемнички пат и остварување на твоите соништа.

  • Зошто сеуште не си успеал со твоите соништа?
  • Можеш ли да составиш една листа со најголемите препреки?
  • Можеш ли да ги приоритизираш препреките од листата?

#4 Како можеш да ги елиминираш најголемите препреки?

Кога знаеш што е она што те запира со твоите соништа, мора сето тоа да го елиминираш доколку сакаш да успееш.

  • Од каде треба да започнеш?
  • Кои акции треба да ги преземеш?
  • Кога треба да ги преземеш тие акции?
  • Можеш ли да дадеш јавна изјава дека ќе ги спроведеш тие акции?

#5 Прекини со сонување, започни да имплементираш!

И конечно, мора да прекинеш со сонување. Соништа кои не се остварени, нема да ти донесат ни тебе ни на твојот бизнис успех. Луѓето кои само сонуваат не се претприемачи. Претприемачи се лица кои успеавтаа нивните соништа да ги претворат во реалност.

Како твои соништа да станат реалност?

post

Претприемнички пат кон успехот преку цик-цак принцип

За секој претприемач е важно да го дефинира патот кој треба да го помине за да стигне до посакуваниот успех. Но, ова е тешка задача, особено поради фактот што тој пат не е една едноставна права линија која ја поврзува сегашната ситуација со онаа посакуваната (успехот).

Ова е едно видео во кое се презентирани основите при дефинирање на тој пат преку цик-цак принцип од книгата на Rich Christiansen.

post

Идеи кои можете да ги искористите од Октомври 2011

Претприемач

Претприемач

Секој месец врз основа на аналитиката на најчитаното на претприемач како и препораките од тимот на претприемач ги избираме постовите од претходниот месец. Овој месечен серијал на постови ги издвојува најдобрите наслови кои ќе влезат во страната Започни тука на претприемач на крајот на годината.

Кои се најкорисните идеи кои можете да ги искористите од Октомври 2011 кога станува збор за твојот бизнис и за тебе како еден претприемач?

Листата е следнава:

Претприемач

Технологија

Бизнис план

  • Бизнис план и маневри на еден претприемач. Kлучен збор карактеристичен за бизниси, и ова особено се однесува за мали бизниси е НЕИЗВЕСНОСТ. Па, поради тоа мора да имаме простор за маневри кога станува збор за бизнис план.

Менаџмент

  • Видови на моќ во компаниите. Лидерот со своите: способности, углед, авторитет, популарност, може многу да постигне кај вработените, но мора во одредени случаи да поседува и користи моќ, за да биде во состојба да ги реализира задачите.
post

10 Правила за успех на претприемачи

Како да станеш претприемач Како еден претприемач ти си жеден да бидеш успешен. Понекогаш процесот ќе биде спор, но понекогаш ќе биде брз.

Но, да знам дека сакаш да бидеш успешен колку што може побрзо. Постојат две различни, но важни прашања за тебе:

Но, пред да започнеме со правилата, запрашај се себеси едно прашање: Што претставува успех за тебе?

Различни претприемачи имаат различна дефиниција за нивниот успех. Затоа и не може да се земе еден јасен патоказ кој ќе ти го покаже патот кон успехот. Но, можеме да ги исцртаме основните правила кои доколку ги следиш на твојот сопствен пат, ќе го најдеш успехот.

Правило #1: Дефинирај ја твојата визија

Твојата визија е нешто што јасно дефинира што е успех за тебе како претприемач. Мора да имаш визија доколку сакаш да бидеш успешен. Не може да очекуваш да бидеш успешен доколку не знаеш каде треба да стигнеш, или пак што е успехот.

Правило #2: Не прави го она што не сакаш да го правиш

Како еден претприемач, треба да сакаш да го работиш она што го работиш во твојот бизнис. Понекогаш тоа нема да биде онака како што си испланирал дека ќе биде (всушност во повеќе случаи нема да биде како планираното). Мора да имаш пасија за твојот бизнис. Пасијата е една од најважните сили која ќе те турка кон успехот.

Правило #3: Гради ја заедницата околу твојот бизнис

Важна работа за успехот на твојот бизнис е дека ќе имаш потреба од луѓе, и тоа многу луѓе. Ќе ти требаат купувачи. Ќе ти требаат вработени. Ќе ти требаат луѓе со кои ќе зборуваш и комуницираш. Ќе мора да започнеш да ја градиш заедницата што поскоро.

Правило #4: Комуницирај со твојата заедница

Не мора да градиш заедница само за да им продаваш. Ти треба заедница со која ќе комуницираш и во одредени случаи ќе градиш партнерски односи. Таквите односи имаат голема моќ за да го направат твојот бизнис да биде успешен.

Правило #5: Слушај ја твојата заедница

Мора да слушаш и да учиш од твојата заедница. Тоа знаење е важно да биде интегрирано во твојот бизнис преку производи и услуги кои ќе ги задоволат потребите на заедницвата.

Правило #6: Користи ги грешките како алатка за подобрување

Доколку направиш грешка или не успееш во нешто, тоа не значи дека нема да биднеш успешен претприемач. Ќе бидеш неуспешен само доколку не учиш од тие грешки, и не се подобруваш себеси и твојот бизнис врз база на тоа искуство. Мора да знаеш дека грешките можат да те подобрат и тебе и твојот бизнис.

Правило #7: Промени

Доколку не се менуваш себеси и твојот бизнис, пазарот ќе се промени и ќе те остави изолиран во него. Подобро е да бидеш лидер отколку следач. Доколку немаш јасен пат за да станеш успешен, ќе има потреба од различни маневри. Треба да имплементираш промени.

Правило #8: Пронајди начини да ги надминеш лимитите

Ти како еден претприемач си личност која не размислува за лимити. Доколку гледаш лимити наместо можности, ќе мора да го промениш твоето размислување од корени и да започнеш да гледаш и зад тие ограничувања.

Правило #9: Диференцирај се себеси

Не мора да гледаш во она што сите други го прават. Тоа не е нешто што ќе те направи успешен. Мора да се диференцираш и себеси и твојот бизнис. Како твојот бизнис се разликува во однос на конкуренцијата?

Правило #10: Прослави и награди

Твојот пат за да станеш успешен нема да биде една права линија. Ќе имаш многу цели помеѓу она каде си сега и каде сакаш да бидеш во иднина. Доколку сакаш твојот пат кон успешноста да продолжи ќе мора да ги прославуваш и наградуваш сите постигнувања на целите на тој пат.

post

Знај зошто го правиш она што го правиш

Зошто го правиш она што го правиш Знаеш ли зошто го правиш она што го правиш?

Ти си претприемач! Имаш своја компанија! Имплементираш промени! Решаваш  проблеми! Превземаш акција! Гледаш можности онаму каде што другите гледаат проблеми!

Зошто го правиш она што го правиш?

Дали навистина си сигурен околу тоа зошто го правиш токму она што го правиш? Дали ти си главната причина, или пак ти и твоето семејство? Дали твоите потрошувачи се главната причина зошто го правиш она што го правиш како еден претприемач?

Веројатно, ќе одговориш дека она што го правиш затоа што сакаш да ги постигнеш твоите лични и деловни цели. Но, мислам дека мора да одиме подлабоко во одговор на ова прашање.

Како претприемач треба да имаш, а веројатно и имаш поттикнувачи кои ќе те буткаат на твојот претприемнички пат. Ти треба нешто што ќе ти каже да не застануваш кога ќе мислиш да застанеш. Ти треба нешто што ќе те поттикнува секојдневно да ја подобруваш твојата компанија. Ти треба нешто што ќе го извлекува твојот максимален потенцијал.

Без тие поттикнувачи, ќе го загубиш својот сопствен потенцијал да ја направиш твојата компанија успешна.

Треба да имаш пасија кога го правиш она што го правиш. Таа пасија е една од најважните движечки сили за тебе.

  • Кои се твоите чувства околу актуелен или потенцијален бизнис како претприемач?
  • Дали тој бизнис е возбудлив за тебе?
  • Дали треба нешто да се промени за да ја направиш твојата работа да биде со повеќе пасија?

Како и да е, нема да можеш да ја направиш твојата компанија успешна ако не уживаш во тоа што го правиш. Сосема логично.

  • Кои се работите во кои најмногу уживаш во твојот бизнис?
  • Зошто токму во нив уживаш?
  • Каков ефект има тоа уживање врз тебе и твојата компанија?
  • Можеш ли да ја направиш твојата работа попријатна?

Не можеш да ја направиш твојата компанија успешна ако не си исполнет со тоа што го работиш.

  • Што правиш за да се чувствуваш исполнет во твојата работа?
  • Има ли нешто што може да го зголеми твоето исполнување?

И да, твојата компанија не може да биде  успешна ако не ги задоволува твоите и потребите на потрошувачите.

  • Кои се потребите на потрошувачите кои што ги задоволува твојот бизнис?
  • Кога тие се менуваат, можеш ли да спроведеш брзи промени во твојот бизнис?
  • Дали работата на задоволување на твоите потрошувачи е нешто за што ти имаш најголемо знаење и искуство?
  • Дали работата на задоволување на твоите потрошувачи е нешто што претставува твоја пасија?
  • Дали работата на задоволување на твоите потрошувачи е нешто во што ти уживаш?
  • Дали работата на задоволување на твоите клиенти е  нешто што те исполнува?

Како претприемач треба да имаш знаење, искуство, страст, задоволство и исполнување за да ги задоволиш твоите потрошувачи. Ако тие се задоволни, твоето уживање и исполнување ќе биде многу поголемо.

Размисли за одговори на прашања од овој пост. Тие можат да те охрабрат да размислуваш за блиските односи помеѓу тебе, твојот бизнис и она што го правиш во твојот бизнис.

post

Постигни повеќе со подобар квалитет и помал напор

Повеќе со помалку напор

Повеќе со помалку напор

Ова е нешто за што размислувам во последните 10-15 години. Отсекогаш сум се обидувал да најдам начини да направам повеќе со подобар квалитет на мојата работа, но со помалку напор. Тоа изгледаше како perpetuum mobile. Сепак, од друга страна, тоа е императив да се зголеми продуктивноста.

Што мислиш за ова? Можеш ли да направиш повеќе со повеќе квалитет и помалку напор? Да, можеш.

Тука сакам да претставам една корисна листа на совети кои можат да го направат ова да биде возможно.

1. Не бегај од технологијата.

Целта на секоја нова технологија е да го направи твојот живот подобар. Нешто што ќе ти даде повеќе слобода, но исто така и поголема продуктивност. Тоа значи дека можеш да направиш повеќе работи, со помалку време и напор, но со подобар квалитет.

Ако најдеш нешто корисно пробај го. Види, дали тоа може да биде корисно за тебе или твојот бизнис. Ако одговорот е да, се започни со користење на таа технологија која ќе биде стандард за тебе и твојот бизнис.

2. Секогаш барај ги можните подобрувања

Се може да се подобри. Твојот живот може да се подобри. Твојот бизнис може да се подобри. Технологијата која се користи може да се подобри. Твоите процеси можат да се подобрат. Твоите навики можат да се подобрат. Навиките на твојот вработен можат да се подобрат. Книгата што ја читаш може да те подобри.

Размисли за тоа. Што може да биде подобро? Што може да се подобри? Како може да се подобри? Тоа се прашања кои треба да си ги поставуваш секојдневно ако сакаш да бидеш успешен претприемач.

Знаеш, подобрувањета ја зголемува продуктивноста.

3. Не се обидувај да користиш кратенки кои нема да ги дадат резултатите што сакаш да ги постигнеш

Зборував за тоа во еден од претходните пост каде што заклучокот е дека кратенките можат да биде опасни за твојот бизнис. Треба да размислиш пред да одиш со кратенки. Понекогаш тоа ќе ти дадат време, но ќе ја намали севкупната продуктивност.

4. Секогаш поедноставувај каде што може да се поедностави

Едноставност значи подобар живот за тебе како претприемач. Се може да се поедностави. Понекогаш, бидејќи сакаме да ја покажеме нашата супериорност, ние правиме нештата да бидат многу сложени, тогаш никој не може да не разбере. Обиди се да поедноставуваш.

5. Приоритизација на твоите задачи

Ти треба приоритизација ако сакаш да го постигнеш она што го сакаш со повеќе квалитет и помалку напор. Ништо не може да биде со ист приоритет. Најди ги твоите приоритети и нека бидат први на листата.

6. Не троши го своето време за непотребни активности

Знам дека мора да читаме email пораки, да разговараме со пријателите, гледање ТВ… Но, сè треба да биде во право време. Кога работиш, тогаш работи на твојата приоритетна листа.

7. Секогаш учи за нови работи

Учењето ќе ја зголеми твојота бизнис потенцијална енергија како претприемач. Ако учиш, ќе знаеш. Ако знаеш, можеш да подобриш и да поедноставиш. А кога ќе се подобри и ќе се поедностави можеш да направиш повеќе со подобар квалитет и помалку напор.

post

Идеи кои можете да ги искористите од Септември 2011

Претприемач

Претприемач

Кои се најкорисните идеи кои можете да ги искористите од минатиот месец кога станува збор за вашиот бизнис и искуство како еден претприемач? Овој месечен серијал на постови ги издвојува најдобрите наслови кои ќе влезат во страната Започни тука на претприемач на крајот на годината.

Оваа издание ќе го започнам со малку статистика. Во септември 2011 имаше 54 постови на претприемач. Ова е повеќе од вообичаено поради фактот што оди предизвикот за блогирање за бизнис во 30 дена. Оваа недела ќе заврши предизвикот но ќе започнеме со нов насловен како Подобри го твојот бизнис за 77 дена. Заклучно со 30.09.2011 има објавено 804 постови. Целта е да се стигне до 1000 до крајот на оваа година, но ќе видиме дали ќе може да се реализира.

Овој месец ја завршивме реализацијата на Бизнис совети 101 кој има за цел да ги групира многуте постови во еден прирачник кој може да ви помогне за вашиот бизнис. Но, она што ќе следува како на претприемач, така и на билтените и премиум претприемач носи голема возбудливост. Во секој случај ќе има многу промени, многу материјали и многу едукативни содржини.

Значи во септември на претприемач беа објавени вкупно 54 постови, да видиме кои може да влезат во категорија на најдоброто согласно идеите и посетеноста.

Започнување на бизнис

Започнување или стартапот е директно поврзано со претприемништво и претприемач. Но, сите три содржат и неизвесност, а неизвесноста е ризик. Многу елементи се поврзани директно со тебе – претприемачот. Сепак започнувањето иако можеби е најтешкиот тој е и највозбудливиот дел.

Продажба

Маркетинг

Бизнис план

post

Како да станеш претприемач?

Како да станеш претприемач? Ова е една од највозбудливите професии на светот. Возбудлива, но исто така и ризична за луѓето кои ја имаат.

Кога ќе почнеш да работиш со твојата компанија стануваш претприемач. Сепак, процесот не може да се дефинира од почеток до крај, затоа што ќе мора да превземеш многу повеќе активности, пред да започнеш со твојот бизнис за станеш претприемач.

Значи, како да станеш претприемач?

Во следните 87 точки, ќе споделам некои совети, мислења и акции кои треба да ги преземеш доколку сакаш да станеш успешен претприемач.

1. Биди уникатен

Мора да бидеш различен од остатокот на светот, доколку сакаш да станеш претприемач. Тоа значи дека треба да го погледнеш светот со други очи. Треба да ги видиш можностите, каде што сите другите гледаат проблеми. Твојата компанија ќе биде уникатна врз основа на тоа колку ти ќе бидеш уникатен.

2. Размислувај поинаку

Доколку си уникатен веројатно и размислуваш поинаку од остатокот од светот. Треба да најдеш различни начини за да ги решаваш истите проблеми. Тоа е разликата помеѓу претприемачите и остатокот од светот.

3. Размислувај за големи идеи

Успешните претприемачи имаат големи идеи кои се уникатни, различни и корисни за потенцијалните купувачи. Ако сакаш да изградиш компанија со голема бизнис потенцијална енергија и да станеш претприемач ќе мораш да размислуваш за големи идеи, а не за просечни. Помина времето на просечни производи за просечни луѓе.

4. Сонувај за промена на светот

Секоја одлична идеја може да го промени светот. Погледни го Apple и Steve Jobs, кои навистина го сменија изгледот на светот во однос на минатото. Ако сакаш да станеш успешен претприемач, треба да сонуваш. Сонувај за невозможн работи, бидејќи не постои ништо што е невозможно.

5. Следи ја твојата пасија

Доколку сакаш да станеш претприемач, вклучи ја твојата пасија во твојот бизнис. Тоа се твоите лични чувства и емоции кои овозможуваат да чувствуваш позитивнен афинитет за нешто што го правиш. Твојата пасија е потребна на твојата компанија.

6. Размислувај за најголемите проблеми

Во светот секогаш ќе има проблеми кои не се решени до денес. Најди ги најголемите, оние што можеш да ги решиш и да ги преточиш во твој бизнис. Тоа е начин да се стане претприемач.

7. Размислувај за најголемите потреби

На пазарот исто така постојат потреби. Треба да ги најдеш најголемите и да ги инкорпорираш можните начини на нивното задоволување во твојот бизнис.

8. Размисли за најдобрите решенија за проблемите и потребите

Секој проблем има потреба од решение, кое ќе задоволи некои од најголемите потреби на пазарот. Направи ги најдобрите решенија за постоечките проблеми и потребите на пазарот.

9. Размисли за тоа што те прави среќен

Да се стане претприемач, не значи дека треба да се биде несреќен. Ти си на првото место во твојата компанија. Размисли за тоа што те прави среќен, обиди се да го вклучиш тоа во твојот бизнис модел.

10. Не заборавај на твоите лични цели

Ти пред се си човечко суштество и пред и откако ќе станеш претприемач. Мора да размислуваш за твоите лични цели кои треба да ги оствариш кога ќе станеш претприемач.

11. Започни со вмрежување

Ќе имаш потреба од, колку што може повеќе мрежи за твојата компанија. Ти не можеш да стартуваш со твојот бизнис без мрежата, која ти овозможува или барем дава потенцијал за успешен почеток.

12. Почни да слушаш

Слушањето станува една од најважните бизнис функции денес. Треба да слушаш ако сакаш да ги дознаеш проблемите и потребите на твоите купувачи. Тоа се многу корисни информации кои можеш да ги искористиш за твојата компанија.

13. Најди ја твојата лична уникатност

Твојата лична уникатност е нешто што ќе те разликува од останатите претприемачи, и во исто време ќе ја разликува и твојата компанија од остатокот на компаниите.

14. Учи од успешните

Ако сакаш да станеш претприемач, мора да почнеш да учиш од успешни луѓе.

15. Читај книги од успешни претприемачи

Постојат многу книги од успешни претприемачи кои можат да ти дадат знаење како да станеш успешен претприемач.

16. Читај многу

Треба да читаш многу, бидејќи тоа е единствениот начин секогаш да го зголемуваш твоето знаење и на таков начин да ја зголемиш твојата бизнис потенцијална енергија.

17 .Читај блогови за претприемништво

Постојат многу блогови за претприемништвото кои ќе можеш да ги читаш секојдневно, за да го зголемуваш твоето знаење, за да дојдеш до некои корисни идеи или некои нови технологии.

18. Биди дисциплиниран

Ако сакаш да станеш претприемач заборави недисциплина.

19. Верувај во своите способности

Како можеш да очекуваш твоите купувачи да ти веруваат на тебе или на твојата компанија, доколку не веруваш самиот во своите способности?

20. Зголемувај ја самодовербата

Ако веруваш во твоите способности дека можеш да станеш претприемач ќе имаш доволно самодоверба за таков вид на работа. Доколку немаш, веднаш почни да бараш начини да си ја зголемиш самодовербата.

21. Најди ја твојата најголема инспирација

Што те инспирира? Твојата инспирација ќе ја води твојата компанија во иднина.

22. Престани да сонуваш, почни да правиш нешто

Време е да се престане со сонување и спиење. Луѓе кои само сонуваат не можат да станат претприемачи. Поради тоа почни да правиш нешто сега.

23. Не потпирај се на случајности

Случајностите не се правила во претприемништвото. Не потпирај се на нив во твојот бизнис.

24. Биди одличен за нешто

Ако сакаш да станеш претприемач, ти треба да бидеш одличен за нешто. Треба да бидеш подобар од сите други. Дали си?

25. Развивај ја твојата одличност

Ако мислиш дека не си толку одличен да започнеш со твојата компанија сега, започни со развој на твојата одличност.

26. Прави нешто подобро од сите други

Ти не треба да го откриеш тркалото, тоа веќе е откриено. Треба само да направиш нешто подобро од него.

27. Започни со прототип

Време е да го направиш твојот прв прототип на твоите производи или услуги.

28. Испробај се на пазарот

Можеби твоите прототипи на производи и услуги се најдобрите на светот, но ти не си оној кој суди. На пазарот, купувачите се судии за тоа.

29. Имплементирај ги повратните информации од пазарот во твоите производи и услуги

Зошто да се испробуваш на пазарот ако не ги имплементираш повратните информации во форма на подобрување на твоите производи и услуги или подобрување на твојот бизнис воопшто?

30. Направи ги твоите производи и услуги лесно разбирливи

Како да станеш претприемач Неможеш да се очекуваш дека ќе ги продаваш твоите производи и услуги, доколку тие не се разбирливи за твоите потенцијални купувачи. Направи ги да бидат лесно разбирливи.

31. Брендирај го твојот бизнис

Што е со твоето бизнис име или лого? Направи нешто навистина препознатливо.

32. Што е со сопствениот ризик?

Размисли за сопствениот ризик. Колкав ризик можеш да толерираш?

33. Не заборавај да зборуваш за тоа постојано

Сакаш да станеш претприемач, почни да зборуваш за твојата пасија, за иднината на твојот бизнис, за проблемите кои тој ќе ги решава…

34. Која е твојата визија?

Како ја гледаш иднината на твојата компанија? Каде ќе биде по пет или десет години.

35. Стратегијата

Ќе ти треба стратегија, ако сакаш твојата визија да стане реалност.

36. Јасен бизнис модел

Нацртај го твојот бизнис модел на парче хартија. Разгледај ги врските меѓу најважните бизнис елементи.

37. Планирај го твојот пат до успехот

Знаеш каде си сега, и знаеш каде би сакал да бидеш по пет или десет години. Следно што ќе ти треба е да ги поврзеш точките. Треба да ја нацрташ траекторијата до твојата визија. Тоа е твојот план.

38. Подготви се за следните 5 години

Мора да се подготвиш себе си за следните пет години.

39. Напиши бизнис план

Бизнис планот ќе биде твојот пат кон успехот. Се што ќе направиш до тука треба да се пренесе во одличен бизнис план.

40. Дефинирај SMART цели

Кога ќе ги поставиш твоите бизнис цели, провери дали тие се SMART (специфични, мерливи, остварливи, реални и временски ограничени).

41. Биди реален кога го планираш твојот бизнис

Не лажи се себе си со твојот бизнис план. Направи го тоа толку реално колку што е можно повеќе. Кога е потребно, прегрупирај да биде во корелација со реалноста.

42. Побарај помош ако ти е потребна кога го планираш твојот бизнис

Понекогаш сам не можеш да ги направиш сите предвидувања, анализи и пресметки во бизнис планот. Доколку ти е потребна помош не двоуми се да побараш помош.

43. Најдобар план е кога се содржани одговори од потенцијалните купувачи

Осигурај се дека твојот бизнис план ги има вградено одговорите од твоите потенцијални купувачи. Тие се важни затоа што нив твојата компанија ќе им служи.

44. Твојот план нека бидне колку што е можно поедноставен

Многу е поважно ти и твоите вработени да го разберете планот одколку комплексноста и правилата од училиштата.

45. Користи цртички во твојот план

Најдобрите бизнис планови кои сум ги видел до сега се бизнис плановите со цртички. Тоа е затоа што цртичките се наједноставна форма која обезбедува спроведување на самиот план.

46. Не ги заборавај одговорностите

Од друга страна, цртичките бараат јасни одговорности за имплементација. Не заборавај да ги вклучиш во секоја цртичка.

47. Јасно дефинирај го процесот на делегирање

Делегирање е важен дел за твојата бизнис иднина. Најдобро време да се дефинира процесот на делегирање е сега.

48. Ти не си сам

Мора да разбереш дека ти не си човек за се. Ти не си сам.

49. Неможеш да преживееш сам

Ако сакаш да бидеш човек за се, треба да разбереш дека ќе ја намалиш можноста да станеш претприемач.

50. Регрутирај паметно

Треба да создадеш процес со кој ќе ги регрутираш најдобрите вработени за твојот бизнис. Тие се твојата идна бизнис потенцијална енергија.

51. Мотивирај паметно

Вработените бараат мотивација доколку сакаш да го извлечеш најдоброто од нив.

52. Биди лидер

Ти си лидерот. Твојата работа е да бидеш лидер.

53. Неможеш да ги задоволиш сите

Разбери дека неможеш да ги задоволиш сите. Доколку се обидеш, ќе изгубиш поголем дел од твојата бизнис потенцијална енергија.

54. Сега, кој е твојот целен пазар?

Јасно дефинирај го целниот пазар, доколку сакаш да го дадеш најдоброто од себе за да го задоволиш.

55. Секогаш биди блиску до твојот целен пазар

Ќе треба секогаш да бидеш на местата каде што се твоите целни купувачи. Да ги слушаш, да ги едуцираш, да им помагаш…

56. Не заборавај да поставуваш прашања

Поставувај прашања. Поставувај многу прашања.

57. Твојот фокус секогаш нека биде кон твоите потрошувачи

Твоите потрошувачи се твоите шефови ако сакаш да станеш претприемач. Треба да се фокусираш на нив како нешто основно за тебе.

58. Креирај вредност

Ти ќе продаваш вредност, а не само производи и услуги.

59. Започни со испорака на вредноста

Вредноста не е за тебе. Таа е за твоите потенцијални купувачи. Поради тоа започни со испорака веднаш.

60. Направи навистина неодолива понуда

Неодолива понуда е нешто на што не може да му се спротивстави, нешто што ќе му обезбеди долгорочен успех на твојот бизнис. Обиди се да направиш навистина неодолива понуда.

61. Секогаш истражувај

Ако сакаш да станеш претприемач, треба да истражуваш секогаш околу твојот бизнис.

62. Набљудувај сè околу тебе

Како претприемач во иднина треба да бидеш добар набљудувач.

63. Евалуирај но исто така завршувај со евалуацијата

Твоја работа доколку станеш претприемач ќе биде да евалуираш, но не дозволувај твојата евалуација да трае вечно. Таа треба да заврши, а резултатите од неа да бидат спроведени во твојот бизнис.

64. Секогаш прашувај се зошто, што, кој, кога и како

Клучните прашања кои секогаш ќе треба да си ги поставуваш кога ќе станеш претприемач се: зошто, што, кој, кога и како, за се што се околу твојот бизнис.

65. Не заборавај на твоите силни и слаби страни

Секогаш обидувај се да ги подобриш твоите силни странии и во исто време елиминирај ги сите твои слабости.

66. Но, исто така гледај ги можностите и заканите

Ќе треба да погледнеш и надвор од твојата компанија. Таму постојат можности и закани.

67. Секогаш барај препораки

Препораките може да ја зголемат твојата бизнис потенцијална енергија драстично. Поради тоа, треба секогаш да барате препораки.

68. Користете паметен маркетинг, не скап маркетинг

Ти треба паметен маркетинг, а не маркетинг за кој само ќе се потрошат пари без резултати.

69. Секогаш обидувај се да инсталираш вирозност во твоите маркетинг средства

На твоите маркетинг средства им треба вирозност, доколку сакаш да бидат забележани од колку што е можно повеќе потенцијални купувачи.

70. Нека сите твои маркетинг средства ја комуницираат твојата вредност

Секогаш проверувај го твиете маркетинг средства, за да видиш дали јасно ја комуницираат вредноста која твојот бизнис ја нуди.

71. Одлучувај брзо, но базирај се на квалитетни информации

Твоите одлуки треба да се врз основа на квалитетни информации, во вистинско време и на вистинското место.

72. Секогаш биди транспарентен

Транспарентност ќе го направи твојот бизнис многу посилнен отколку што мислиш.

73. Биди трпелив, претприемништво не е стратегија за брзо богатење

Ти треба трпеливост. Претприемачите се трпеливи. Тие знаат дека успехот не се стекнува преку ноќ.

74. Подготви се за лоши сценарија

Треба да знаеш дека статистички гледано повеќе бизниси не успале. Тоа значи дека повеќе луѓе не станале претприемачи. Затоа треба да се подготвиш за лошото сценарио со твојот бизнис.

75. Имај план Б

Успешен претприемач секогаш има план Б во џебот.

76. Веројатно, ќе треба да го жртвуваш твојот животен стил

Да се биде претприемач може да бара од тебе да жртвуваш нешто, или во некои случаи целиот твој животен стил.

77. Развивај на план за повторување на продажбите

Успешните бизниси се потпираат на повторување на купување. Ќе треба да развиеш јасен план, за да се обезбеди повторување на купувањата.

78. Размисли два пати пред да почнеш

Почекај за момент и размисли повторно, пред да започнеш.

79. Размислете за outsourcing

Можеш да ја зголемиш твојата продуктивност ако outsourcing е дел од твојот бизнис модел.

80. Биди позитивен, дури и кога губиш

Никогаш не биди негативен, па дури и ако губиш. Доколку ја губиш битката, не значи дека си ја изгубил војната.

81. Почни со блогирање за твојот бизнис

Блогирањето е еден од најмоќните начини за споделување на некој збор за твојот бизнис. Зошто и ти не би го користел?

82. Едуцирај, не продавај

Кога ќе блогираш за твојот бизнис, не пробувај да продааваш туку едуцирај.

83. Не биди здодевен со твојот бизнис блог

Избегни ја филозофијата на добро познатите здодевни корпоративните блогови.

84. Избегни го јас, јас и јас синдромот

Како што научивме од претходните совети во овој пост, ти не си сам. Сето ова не е за тебе или за твојот бизнис. Ова е повеќе за твоите потрошувачи.

85. Перманентно елиминирај ги причините на проблемите кога ги решаваш

Доколку сакаш да елиминираш повторување на истите проблеми, ќе треба да ја елиминираш причината веднаш откако ќе го решиш проблемот.

86. Елиминирај ги сите твои препреки кон успехот

Ќе имаш многу препреки на твојот пат да станеш претприемач. Секогаш отстранувај ги истите.

87. Среќно! Ќе ти треба

post

Надминување на одложување преку елиминирање на причините

претприемач Дали си одложувач? Дали понекогаш за твоите важни задачи или активности велиш има време утре ќе ги завршам? Што мислиш за ова? Биди реален во твоите одговори на прашањата.

Како човечки суштества сите ние имаме одредени видови на одложувачи елементи во себе. Како и да е, кога зборуваме за бизнис и особено малите бизниси или пак за тебе како еден претприемач, одложувањето е нешто што може да го убие твојот бизнис.

Во Wikipedia, одложувањето е дефинирано како:

акт на замена на високоприоритетни акции со задачи од мал приоритет, поместувајќи ги важните задачи за подоцнежно време.

Како што можеш да забележиш, одложувањето те бутка наназад во однос на твоите најважни задачи.

Причини за одложување

Доколку сакаш да го избегнеш одложувањето во однос на твоите претприемнички активности, ќе мора да започнеш со причините за неговата појава.

Секогаш ќе постојат различни причини зошто како еден претприемач одложуваш, и твојата рабта е да ги најдеш и елиминираш истите.

Во најголем број на случаи, причините за одложување може да бидат следниве три:

  • Страв. Оваа причина се јавува кога чувствуваш страв поради можните последици од завршување на проектот или задачите содржани во тој проект. Секоја активност, секоја задача, секоја имплементција на одлука и секое завршување на проекти значи промена од актуелната status quo ситуација во нова состојба на системот. Овие нови состојби се непознаница за тебе и затоа чувствуваш страв од непознато.
  • Слабо менаџирање со проектот. Како втора причина за одложување може да биде слаб менаџмент со проектот. Кога проектот е лошо планиран, или лошо проектиран ќе имаш многу слабо дизајнирани чекори за акција. Во една таква ситуација ќе мора да го провериш дизајнот на проектот и да сеобидеш да го расчлениш во активности кои лесно се завршуваат.  Понекогаш подготовката на проектот те остава без неопходни информации кои ти се потребни за комплетирање на задачите од проектот.
  • Дали си вистинската личност за претприемништво? Доколку постојано одложуваш во однос на најважните задачи во твојот бизнис, можеби не си вистинската личност токму за тој вид на бизнис.

Елиминирање на причини за одложување

Ќе мора да ги елиминираш причините доколку сакаш да не одложуваш. Користи ги следниве прашања за да ги елиминираш причините:

  • Зошто одложувам?
  • Што можам да направам во однос на тоа?
  • Како можам да имплементирам можни стратегии за да ги елиминирам причините за одложување?
  • Како можам да ја подобрам мојата одговорност?
  • Како можам да се мотивирам себеси за секој прогрес кој ќе го постигнам?

Важно е да ги најдеш вистинските одговори на овие прашања бидејќи тие ќе ти кажат што мора да направиш за да ги елиминираш сите причини за одложување и ќе ти ги покажат сите стратегии кои ќе треба да ги имплементираш за да се подобриш себеси.