post

6 Основи на успешно претприемништво

Размислувајќи за основите на успешно претприемништво направив една листа кои можеби претставуваат еден вид на принципи на кои се базира претприемништвото.

Сакаме да постигнеме успех во развој на претприемачи, претприемништвото како процес, како наука, како практика… Можеби направивме многу во последниве години, но сепак…

Зошто и треба ли ни тоа сепак на крај…

Да, ни треба иако можеби некој од вас нема да се сложи. Мораме да менуваме многу навики, практики, теории… Зошто? Затоа што доколку го гледам претприемништвото од еден научен аспект, слободно може да кажам дека претставува една од најсложените научни дисциплини затоа што се менува многу бргу, а претставува еден микс или коктел на сите останати науки во една.

Но, ајде да поминеме на една листа на основи на претприемништвото која претставува еден дел од лкистата која ја направив пред извесен период.

1. Претприемништвото се тренира

Доколку во минатото се полемизираше дали претприемништвото може да се изучува, денес нема потреба за такво нешто затоа што станува се поочигледно дека и за најкреативните луѓе знаењето од претприемништво е важно за зголемување на веројатноста за успех на бизнисот.

2. Претприемништвото значи испорака на вредност

Вие како претприемач, кој креира сопствен процес на претприемништвото имате вредност само доколку испорачаната вредност од вашиот систем ги прави примателите на вредноста среќни и задоволни.

Дали оваа не е точно? Што мислите? Не мора да одговарате, доволно е само да ја препрочитате горната реченица неколку пати и да подразмислите за вредноста што вие ја испорачувате.

3. Претприемништвото се базира на визија на претприемачот

Се започнува од вашата визија како еден претприемач. Од визијата се препознава дестинацијата. Од дестинацијата се препознаваат целите. Целите ги дефинираат проектите и активностите.

Пред неколку години напишав една мала книга насловена како “Претприемач центарот на се во бизнисот”. Мислам дека така се викаше, а објавена е во некои сегменти на премиум претприемач, дел мислам дека излезе преку билтените на претприемач, а дел објавив во вид на постови… Сето тоа имаше за цел да го прикаже претприемачкиот процес како нешто што започнува од самиот претприемач, а не од било што други.

4. Грешките и падови се составен дел на секој претприемачки процес

Секој претприемачки процес е составен од грешки и падови. Не постои перфекционизам, сигурна успешност или извесност.

Доколку пак нема грешки и падови, можеби треба да се запрашате дали е се ов ред.

5. Претприемништвото претпоставува дека претприемачот го сака она што го прави

Да се биде претприемач, значи да се сака она што се работи. Тешко е враќање назад. Добро размислете дали навистина сакате да го правите тоа.

6. Претприемништвото е континуиран процес

Точно, тоа повеќепати го имам пишувано тука. Во книгата Иновации и претприемништво (патем електронската верзија е 100 денари) тој процес го презентиравме во вид на часовник, кој никогаш не застанува.

post

Како оваа година да биде поразлична?

Би ја започнал и оваа нова 2013 година со концептот што го започнав на крајот на 2011 и првата четвртина на 2012 година, пред на светско ниво да се зборува за истиот тој концепт.

Всушност, мојот концепт кој го нареков како теорија на бизнис идеи беше за првпат тука споменат уште во 2009 година кога пишував за трите чекори при развој на една бизнис идеја:

Основната идеја на овие наслови од веќе далечната 2009 година е дека секоја бизнис идеја треба перфектно да се смести во сите овие подрачја за да гарантира успех во започнување на бизнисот. Тогаш, а во повеќе случаи и денес бизнис идејата ја мериме преку бизнис потенцијална енергија, енергија која е складирана во бизнисот и има потенцијал да донесе успех на истиот.

Во 2011 и 2012 година теоријата, подоцна пренесена во многу практични компании исфрли еден сосема нов термин наречен лин стартап.

Продолжи…

post

Среќна нова 2013 година

Нова година

post

Продажба – Најдоброто од 2012

Да го завршиме серијалот на најдоброто на претприемач од 2012 со категоријата продажба.

Категоријата продажба содржи 68 наслови со материјал кој ќе ви помогне да ја подобрите продажбата на вашиот бизнис.

Оваа финална фаза на се она што претходно ќе правите или веќе сте направиле. Вашата и наградата на вашиот бизнис е сместена токму во оваа фаза од процесот – продажбата.

Да ги разгледаме најдобрите наслови од оваа 2012 година кои се однесуваат на продажбата.

 

post

Продуктивност – Најдоброто од 2012

Продолжуваме со категоријата продуктивност од серијалот најдоброто на претприемач.

Оваа категорија е една од поновите и оваа 2012 година една од најажурираните на претприемач. Веќе можете да најдете 85 наслови од оваа категорија кои може да ви помогнат во вашите обиди за зголемување на продуктивноста.

Продуктивноста е важна особина на секој претприемач. Повеќе продуктивен претприемач, повеќе завршена работа за пократко време.

Да ги разгледаме насловите кои влегоа во најдоброто од 2012 година

post

Менаџмент – Најдоброто од 2012

Одиме со менаџментот како категорија на претприемач и дел од серијалот за најдоброто на претприемач за 2012 година.

Оваа категорија (во потесна форма само менаџмент на малиот бизнис) содржи 144 наслови кои ќе ви помогнат во развој на вашите менаџерски вештини.

Менаџментот е важна тема во секој мал бизнис без разлика дали станува збор за бизнис со 2 или повеќе вработени. Секој претприемач ќе мора да менаџира.

Да ги разгледаме насловите кои спаѓаат во категоријата најдобро на претприемач за 2012 година.

post

Маркетинг – Најдоброто од 2012

Преминуваме на категоријата маркетинг како дел од серијалот за најдоброто на претприемач од 2012 година.

Категоријата маркетинг веќе има 388 наслови кои обработуваат различне теми од маркетингот.

Кога станува збор за еден мал бизнис, клучен елемент во неговото опстојување е да се обезбедат купувачи кои пак ќе обезбедат соодветно ниво на продажба на производите или услугите кои бизнисот ги продава. Што и да слушнете, сепак мора да бидете свесни дека со помош на маркетингот оваа цел многу полесно ќе ја реализирате.

Да видиме кои се насловите кои спаѓаат во оваа категорија најдобро од 2012 година.

post

Започнување на бизнис – Најдоброто од 2012

Овој наслов е дел од серијалот најдоброто на претприемач во 2012 година. Продолжуваме со категоријата започнување на бизнис.

Оваа година голем фокус дадовме на оваа категорија која има вкупно 133 наслови.

Започнување на бизнис не е едноставен и лесен процес. Многумина велат дека доволна е бизнис идеја и бизнис план кој ќе се имплементира со што бизнисот е започнат. Но, значењето на оваа фаза е поголемо отколку што можеме да замислиме. Колку подобро ја спроведеме оваа фаза толку подобро ќе се обезбеди нормално функционирање на бизнисот во следните фази.

Да разгледаме кои се најдобрите наслови од оваа година кои може да ви помогнат доколку размислувате да започнете бизнис. Насловите се разделени во подкатегории:

Продолжи…

post

Претприемач – Најдоброто од 2012

Го започнуваме овој серијал на најдоброто од претприемач од 2012 со темата за претприемачот.

Категоријата претприемач содржи анализи, видео материјали, општо за претприемништво, книги и разни совети за претприемачите. Може да се најдат 380 различни наслови кои ќе ви помогнат во вашите напори да се развиете како успешен претприемач.

Личен развој на претприемачот е важен аспект во развој на вашиот бизнис. Што ќе следува по започнувањето ќе зависи од тоа колку вие сте спремни за се она што ве очекува.

Да ги разгледаме насловите како најдобри од оваа 2012 година во категорија претприемач.

post

Најдоброто на претприемач во 2012 година

Започнавме да ги броиме последните денови од оваа 2012 година. За некого успешна, за некого просечна, а за некого…

Најлогично нешто, како и за сите години кои изминуваат е да се запаметат добрите работи, а да се заборават лошите. Надежта последна умира.

Како и секоја година тука на претприемач и оваа ќе ја завршиме со серијалот на постови за најдоброто на претприемач.

Прво би започнал со мала анализа на годината во заминување. До денес имаме објавено 1308 наслови, а оваа година беа вкупно 378 објавени наслови од различни теми од областа на претприемништвото при што преовладуваа темите за стартапи, односно започнување на бизнис и зголемување на продуктивноста.

Секоја година преовладува нешто ново. Можете да забележите дека оваа година воопшто не објавувавме теми на пример за интернет маркетинг, не дека не се важни или актуелни, туку едноставно поради фактот што последниве години сите веќе пишуваат за тоа, а тука веќе се обработени доволен број на теми со практични искуства. Од друга страна, од преголемата дупка (празнина) на македонското интернет подрачје за оваа тема (претприемништво) во веќе далечната 2007 и 2008 година кога се раѓаа идеите за овој веб сајт, полека но сигурно се обидуваме да ги пополниме сите тие празнини.

Продолжи…